Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




เอเฟซัส 4:12 - ลีเทส่อพ๊าอาเซ เร๊อ เห่ขุทวาลู๊

12 แซ่ฮู๊ จอแปแหร่ อาแกแย เต๊เห่ เก่ โอ่ ตี๊หรี่แตแร อาเหน่ เร๊อ อา เก่ เม เป่ ลู เตเม อาเง, โท๊โต่ แซ่ฮู๊ อา เก่ เด๊อะฉว่าเด๊อะชอแถ่ เพรหยื่อเอ่อา ตู๊หมู่ตอกล๊อ เด๊อ อา หม่า ครี๊ อาเหน่กล่อเออ อาเงเนอเรอ, อา เด๊อะตา ดื่อเฮ๊อ ฮู๊เนอเฮ๊อ.

အခန်းကိုကြည့်ပါ။ ကော်ပီ

Eastern Kayah Shadaw Dialect

12 ꤞꤢꤧꤟꤢꤨ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤊꤣꤧ꤬ꤛꤢꤧ꤭ ꤒꤣꤧ꤬ꤟꤢꤩ꤬ ꤊ꤫ꤢꤦ꤬ ꤥ꤬ ꤒꤣꤧ꤬ꤚꤤ꤬ꤒꤣꤧ꤬ꤚꤢꤧ꤭ ꤢ꤬ꤔ꤫ꤢꤩ꤬ ꤔꤢꤧ ꤢ꤬ ꤊ꤫ꤢꤦ꤬ ꤗꤢꤩ꤬ ꤕ꤫ꤢꤩ꤬ ꤜꤢꤨ꤭ ꤒꤢꤩ꤬ꤗꤢꤩ꤬ ꤢ꤬ꤑꤢꤩ꤭, ꤓꤥ꤭ꤒꤥ꤬ ꤞꤢꤧꤟꤢꤨ ꤢ꤬ ꤊ꤫ꤢꤦ꤬ ꤘꤣꤧꤏꤝꤢ꤬ꤘꤣꤧꤏꤢꤪ꤭ꤓꤢꤧ꤬ ꤖꤚꤢꤩ꤬ꤛ꤫ꤢꤦ꤬ꤢꤩ꤬ꤒꤢꤩ꤬ ꤕꤜꤢꤪꤗꤢꤨ꤬ꤖꤢꤨ ꤘꤣ ꤢ꤬ ꤗ꤫ꤢ꤬ ꤋꤚꤤ ꤢ꤬ꤔ꤫ꤢꤩ꤬ꤊꤜ꤫ꤢꤪ꤬ꤣꤧ꤭ ꤢ꤬ꤑꤢꤩ꤭ꤔꤣꤧ꤬ꤚꤣꤧ꤬, ꤢ꤬ ꤘꤣꤧꤒꤢ꤭ ꤘꤢꤦ꤬ꤟꤣꤧ ꤟꤢꤨꤔꤣꤧ꤬ꤟꤣꤧ꤯

အခန်းကိုကြည့်ပါ။ ကော်ပီ




เอเฟซัส 4:12
45 ပူးပေါင်းရင်းမြစ်များ  

หม่าแน๊เรอ, คูซีโมน, แซ่ฮู๊ เน เตหยื่อเตแหน่ อา ปย๊าแก แต่เหม่ เนอ, แว กุยจ๊อเบ เป่ เด๊อ เนเง. โทเรอ เบ๊อะเน ซิเหน่แลคยาแซ๊ กาคยา คยาแซ๊ เฮ๊อ เนเหน่ ปาเนอ, เน โตเบ่ เด๊อะอ๊าเด๊อะเหร่หนิ เน โป่แหว่ เต๊เห่ ปา นี๋.”


อา หม่า อา โนโอ่เต่อเกอ เด๊อ เป ตู๊หมู่ตอกล๊อกู เตเพร เร๊อ อู นว๊าแถ่ เกอ อา เด๊อ อา เก่ เมเต่อเกอเตเร๊อ เป.”


โท๊โต่ แกแย เด๊อ เน นว๊าแถ่ โทเฮ๊อ อา เออเตเพร แซ่ฮู๊ อา เก่ พย๊าหนิ เพรโด่แนพู๊ เต๊เห่ คูยูดาส เด๊อ อา วี๊แก แก อา เหล่เอ่เหล่แร เออเตเพร อากู๊เหล่ เนอ, เด๊อะโลแถ่ เป่ เป กู๊แหน่. คูยูดาส หม่า อา เซอเฮ๊อ เร๊อ อา จว๊า ดื่อเฮ๊อ แกล๊ เด๊อ อา โตเบ่ จว๊า เร๊อ ลู เนอเฮ๊อ.”


เร๊อ เบ๊อะอา จว๊าโต่ เนอ, อา จว๊าแม๊เถอะ เร๊อ แกแย เออเต๊เห่ พย๊าหนิ จอแปแหร่ อาบุ๊ยอาเตอเรอ อาขว่าอาคยา, อา ซิครือซิลอ แหน่เจ๊อ เร๊อ แซ่ฮู๊ เหย่ซี เก่ โอ่เซอเพร เจ๊อ เป่แฮ ตื๊อดื่อ เน๊อ แบ่เจ่ เร๊อ, อา เด๊อะอ๊าเด๊อะเหร่ แฉ่โคร เกอโป่ เหย่ซี อาคยา.


หม่าแน๊เรอ แซ่ฮู๊ แว เก่ เมโทแก เตเม เด๊อ แบ่เจ่ เหย่ซู่ เด๊อะแลแก แวเออ อาเงเนอ, แว แด่ดุ ซิโล เกอ เร๊อ ปา เจ๊อ แว ซิปล่อ เซอเพร เออเนอ โต่ เฮ๊อ. เตเม เด๊อ อา นอเม แว เออเต๊เห่ เนอหม่า หม่าเฮ๊อ แว เบ่ ข่าเฮ๊โล เน๊อ จอแปแหร่ อาบุ๊ยอาเตอเรอ อา เตซิครือมีลา เออ อาหรี่อาแก เออเนอ เฮ๊อ.


แม๊ตู่ เร๊อ ดื่อ แลแค ซีเหน่ เร๊อ แม๊ตู่ เกอเร๊อ แลแค ล๋อ ซิหมิ เด๊อ แหย่โยบูโพ๊ เด๊อะตาแก เป่ ซี เด๊อ ซี เบ่ แม๊ตู่หนิ เออเนอ เต๊เห่ นี๋. ทวา แลแค เพรเกซิหมิพู๊ เด๊อ อา แม๊ตู่หนิ อาซิหมิ เออเต๊เห่ เนอ เต๊เห่ นี๋ แม๊ตู่หนิ แลแค จอแปแหร่ อา เพรหยื่อเอ่ ตู๊หมู่ตอกล๊อ เด๊อ อาพู๊คู พรีกา โทเฮ๊อ เน๊อ อาสุ่ย เร๊อดื่อ เออเนอ นี๋.


ฮู๊เนอเรอ เบ๊อะเนอเค เพรหยื่อเอ่ ตู๊หมู่ตอกล๊อ เด๊อ อา โอ่ เด๊อ ยูดาห์เก่, กาลิลีเก่, สะมาเรียเก่ เออเต๊เห่ อากู เต๊เห่ โอ่โส่โอ่เคร น๊อเกอ เนอ อู แพ๊. เด๊อ แหย่โยบูโพ๊แบ่เจ่ อาขว่าอาคยา, เพรหยื่อเอ่ ตู๊หมู่ตอกล๊อ เต๊เห่ อาอ๊าอาเหร่ ฉว่าแถ่ชอแถ่, เหย่ซี หนิอ๊าหนิเหร่, เหย่ซี โอ่โหร่โอ่เอ๊แถ่ เร๊อ โอ่เซอเพร แลแค เด๊อ เตแด่ดุหยื่อแหน่ แบ่เจ่ อากู.


ฮู๊เนอเฮ๊อ เป โอ่โหร่โอ่เอ๊ หม่าแน๊เรอ เป ทวาแถ่เฮ๊อ ลู เหน่ เตเพรเพร่ว แพ๊ เด๊อ ครี๊ อากูเฮ๊อ. เป โอ่จิจือเต่อ ลอเฮ๊อ ลู ปว๋า เตเพรเฮ๊อ.


เก่ จอแปแหร่ เด๊อ แกแย เตเพรเพร อา เตแจ่เตลีแม เด๊อ อา นอเมจว่า ลู. เร๊อ อูโร เก่เฮ๊เรอ, อา โตเบ่ เมจว่า อา เก่ เด๊อ แกแย เตเพรเพร อา เตแจ่เตลีแม เด๊อ อา เก่ นออิซว๊า ลู เร๊อ อู เก่เฮ๊เรอ, อา โตเบ่ อิซว๊า อู.


ฮู๊เนอเรอ, เป เก่ แอ๊จื๊อแอ๊เหร่ โอ่โครโอ่เกล เกอเร๊อ ลู เตเพร เร๊อ เตเพร โทเรอ เป เก่ พย๊าจว่า เมจว่า, เด๊อะอ๊าเด๊อะเหร่ เกอเร๊อ ลู เตเพร เร๊อ เตเพร โป๋.


โป่แหว่ ซี๋, แว หยื่อเอ่ ตาเต หนิ เจ๊อ ซี เร๊อ ซี โอ่เซอเพร เล๊อบา เจ๊อ เร๊อ เตตว่าเตแร๊, เร๊อ เตซิคว๊าซิเง เด๊อ อาเล๊ออาบา, เร๊อ ซี อิซว๊าอี๊แส่ แจ่ เกอเร๊อ เฮ๊อ แลแค ลู เตเพร เร๊อ เตเพร เฮ๊อ.


แซ่ฮู๊ อา เก่ ทวาบุ๊ยทวาเตอเรอ เป่ เด๊อ เหย่ซี อาเง, โทเรอ แซ่ฮู๊ เหย่ซี เก่ ดุแถ่ ทูแถ่ เด๊อ เตหยื่อเตแหน่ อากูเนอ, เป โต ลือเมโม เป่ เป โป่แหว่ ครี๊พู๊ เต๊เห่ อาซิปล่อ.


แว ซิเง เร๊อ ช๋า แว แฮโต่ เด๊อ ซี โอ่ปา เนอ, แว เก่ พย๊าแฮหนิ ครี๊ อา เด๊อะบุ๊ยเด๊อะเตอเรอ เด๊อ อาเล๊ออาบา เออเนอ ปา.


กู๊แหน่เออ, ล๋อ ซี เออเต๊เห่ เนอหม่า, ซี ทวา โหร่ลอ ลู ครี๊ อาเหน่กล่อ เต๊อเจ๋อ แพ๊. เร๊อ ซี เตเพร เร๊อ เตเพร เนอหม่า หม่าเฮ๊อ อาเหน่กล่อ ครือขรว่า เตอเจ๋อ แพ๊ เฮ๊อ.


แซ่ฮู๊ เป เก่ เมจว่า เป่ เกอ เป โป่แหว่ ครี๊พู๊ เด๊อ อาโร เต๊เห่ อาเงเนอ, จอแปแหร่ เด๊อะโล เร๊อ แหย่โยบูโพ๊ แบ่เจ่ โอ่ เด๊อ เป ปว๋า เตเพร อากู เฮ๊อ.


ซี เก่ ซิหยื่อ หม่าแหน่ แหย่โยบูโพ๊ แบ่เจ่ เด๊อะครา เชหยู่ เออ เฮ๊เนอ, นว๊าพย๊า แลแค เชหยู่ เด๊อ อา เก่ เม ดุแถ่ทูแถ่ จว๊า เพรหยื่อเอ่ตู๊หมู่ตอกล๊อ เนอเต๊เห่เนอ.


เมเตเฮ๊เรอ, แว เก่ กุยจ๊อเบ เร๊อ โหง่โค๊ลอลู เออ เฮ๊เรอ, แว ซิปล่อ เออเนอ อา ซิเง เร๊อ แว กุยจ๊อเบ จอแปแหร่ หม่าแน๊เรอ แว เตเนโปล เกอเร๊อ อาโหง่แลช๊า โต่.


แว โคแบ๊ซว๊า ซี, ฮู๊เนอเรอ เบ๊อะซี แฮจ๊อเบ โหร่ลู เบ๊อะเนอ, ซี โต เม ฮู๊เต? เต๊เห่เห่เนอ อา เก่ อิโร ถู่เซ๊แถ่ จอแปแหร่, เต๊เห่เห่เนอ อา เก่ อิซว๊าอี๊แส่ อู เร๊อ จอแปแหร่ อาลาอาโหง่, เต๊เห่เห่เนอ อา เก่ แด๊โฉ่ เป่ อู เร๊อ จอแปแหร่ เด๊อะโล ลู เต๊เห่, เต๊เห่เห่ เกอลาติ เร๊อ อา เก่ เฮ๊เบ่ เร๊อ โหง่โค๊ตีกลี๊ เต๊เห่, เต๊เห่เห่ ลาติ เร๊อ อา เก่ เฮ๊โปลเถ่ เป่ อู โหง่โค๊ตีกลี๊ เออเต๊เห่ อาโหง่แลช๊า. ซี เม แลแค ฮู๊เออ หม่า อาแร๊ วา. หม่าแน๊เรอ ซี เม เต อิเตเต๋ เบ่เบ่ เนอ, นอ หนิอ๊าหนิเหร่, นอ ทวาบุ๊ยทวาเตอเรอ เป่ เพร เด๊อ อา หนิโฮ เต เต๊เห่ อาเง เนอ.


ล๋อ เป รา เป่ ซี เออเต๊เห่ เนอหม่า, ซี เตเน แลแค เร๊อ เป เฮ๊เบ่ เตเกบี๊ เกอเร๊อ ลอ เปเหน่ ฮู๊เนอ เก่. ฮู๊เนอ หม่าโต่, เป เฮ๊เบ่แพ๊ ฮู๊ ครี๊ นอเฮ๊เบ่ เป เนอ แพ๊ เนอหม่า จอแปแหร่ แม๊เถอะ ซิเงดื่อ เฮ๊อ. โคแบ๊ซว๊าโม ซี๋, ล๋อ เป เมเต เออเต๊เห่ เนอหม่า เป เม เด๊อ อา เก่ ทวาบุ๊ยทวาเตอเรอ เด๊อ ซีเง แพ๊.


โคแบ๊ซว๊า ซี๋, แว ซิหยื่อ เฮ๊ ซี เด๊อ คยาตื๊อดื่อ เน๊อ, ซิลอซิอือ แลแค นี๋. เมแร๊กาคยา แลแค ซี เตโอ่เซอเพร นี๋. หนิดา แลแค แว เตกุยซิยอ ซี เออเนอ เต๊เห่ นี๋. โอ่ปล๊อโอ่ปลู, โอ่เพรโอ่ดือ เกอเร๊อดื่อ ลู นี๋. ซี เก่ เมฮู๊เนอ เฮ๊เรอ จอแปแหร่ เด๊อ อา หม่าดื่อ เตโม เร๊อ เตเพรอาดือ อา แก่ช๊าแก่แร เออเตเพร เก่ โอ่ เกอดื่อ เร๊อ ซี ปา.


เป เก่ โหล่ อิซว๊าแร๊กา ซี โต่ เฮ๊เนอ, เป นอเอ่แจ่ เป เตอเรอฉว่าชอ โต่, ฮู๊เนอเรอ อู เตเน แลแค เป เร๊อ เป อ๊าเจ่เหร่เจ่ แพ๊ หม่าแน๊เรอ ซี เก่ เม แฮเง ปา เตซื๊อ โต่ เฮ๊เนอ, ซี ทวาแถ่ แกแย เด๊อ อา อ๊าฉว่าเหร่ชอ เต๊เห่ เฮ๊อ อาขว่าอาคยา, เป ซิครือซิลอ แหน่เจ๊อ. เป กุยจ๊อเบ เป่ ซี เร๊อ ซี เก่ โอ่เซอเพร แร๊แฮ เด๊อ เง ตากยา เร๊อ ซี เก่ เม ปา แต่ แลแค เตซื๊อ แต่เหม่, ฮู๊เนอ แพ๊.


เตซว๊าเตแส่ เออ อา เก่ แฮ เจ๊อ เร๊อ อา เตลีเตเค ฉว่าชอ บ๊าเออ เจ๊อ เก่เฮ๊เรอ เตอ๊อแล อาเซ เออเนอ อา เก่ ลีเตเค ฉว่าชอเล๊อ แหน่ เฮ๊อ เร๊อ เตซว๊าเตแส่ เออเนอ เฮ๊อ. เตอ๊อแล อาเซ เออเนอ อา เด๊อะเฮ๊อ เป แหย่โยบูโพ๊ แบ่เจ่ เด๊อ อา เด๊อะ เป เตเซอเพร เออเนอ เตเพร เฮ๊อ.


ฮู๊เนอเรอ เป ซิปล่อปย๊า โต่, เมเตเฮ๊เรอ เด๊อ จอแปแหร่ อาบุ๊ยอาเตอเรอ อาขว่าอาคยา, อา เด๊อะตา เป เตเม เด๊อ เป เก่ แด๊โฉ่โด่แน เป่ อู เร๊อ เตอ๊อแล อาเซ เออเนอ เฮ๊อ.


ล๋อ เตเออเต๊เห่ เนอหม่า จอแปแหร่ เม ลอปลี แพ๊. เด๊อ ครี๊ แฮ เม เป่ เป อาขว่าอาคยา, เป ทวาแถ่ เฮ๊อ จอแปแหร่ อา โคแบ๊ซว๊า เฮ๊อ. เร๊อ อา เด๊อะตาเกอ เฮ๊อ เป เตเอ่เตแร เด๊อ เป เก่ จว๊า แด๊โฉ่โด่แน เป่ เกออู เร๊อ ครี๊ เมทวาแถ่ กาคยา คยาแซ๊ เป เร๊อ จอแปแหร่ อา โคแบ๊ซว๊า เฮ๊อ, ฮู๊เนอ แพ๊.


เป โด่แน เป่ อู เร๊อ เหย่ซู่ครี๊ อาหรี่อาแก เออ แซ่ฮู๊ อู เก่ เท๊ฉื่อแก แต่เหม่ เนอเรอ, เตเม เด๊อ อา ทวาแถ่ เหย่ซี เตเป๊อเจ่ออิแช๊ เต๊เห่เนอ เป เม เตอเจ๋อ โต่.


โคแบ๊ซว๊า ซี๋, ล๊อ จอแปแหร่ อ๊อแล เต๊เห่ เนอหม่า เปเง ลอ เฮ๊อ. ฮู๊เนอเรอ, เป เก่ จว๊า ตาพาแก เร๊อ เปเหน่กล่อ อา เตซิหยื่อ มู๊แหม่รีแจ่ เต๊เห่ เร๊อ เป ซิปล่อ อา เตเตเน มู๊แหม่รีแจ่ เออเนอ เต๊เห่ โป๋. เร๊อ เด๊อ เป ซิอิเช แด่ซิแหน่ซิเตเร จอแปแหร่ เออ อาขว่าอาคยาเร๊อ เป เก่ ทวาแถ่ แลแค ดื่อ แกแย เด๊อ อา บูโพ๊ เต๊เห่ โป๋.


เพรหยื่อเอ่ตู๊หมู่ตอกล๊อ หม่า ครี๊ อาเหน่กล่อ. เพรหยื่อเอ่ตู๊หมู่ตอกล๊อ เออเนอหมา อาเล๊ออาบาแถ่ แจ่ แพ๊ เร๊อ ครี๊ อา เตโอ่เซอเพร แพ๊. เพร เด๊อ อา เมเล๊อบาแจ่ เตปว๊า เต๊อเจ่อ เร๊อ เหล่โอ่ ปว๊า โต๊โผ่ เนอหม่า ตือแพ๊ ครี๊ แพ๊.


ครี๊ ปื่อหม่า โอ่ปล๊อจือ เต่อลอ อาแกแย ซีเต๊เห่ เด๊อ อาแซ่เน๊อ แกแย หรุ่ยถว่า เร๊อ อาครุ๊ยอาคร๊วา เด๊อ จิจือหมะ จิจือ หนิเต่อ ลอ เหน่กล่อ ครือขรว่า เด๊อ อา โค๊ลู เออเนอเต๊เห่ เฮ๊อ. เก่ เหน่กล่อ ครือขรว่า เต๊อเจ่อ เร๊อ เต๊อเจ่อ เก่ เมดื่อ อาเตเม เด๊อ อา โต เม เต๊เห่ เฮ๊เนอหม่า, เหน่กล่อ ชีเพรลอ เก่ ดุแถ่ เร๊อ ชอแถ่ เร๊อ ชอแถ่ ปา. เพรหยื่อเอ่ตู๊หมู่ตอกล๊อ เนอหม่า อา แซ่ ฮู๊เนอ เฮ๊อเฮ๊อ. เพรหยื่อเอ่ เออ ตู๊หมู่ตอกล๊อ เด๊อ อาเตเม โค๊ลู เออเต๊เห่เนอ, อา เก่ โม เกอเร๊อลู เตเพร เร๊อ เตเพร เร๊อ อา เก่ เม หนิเกอเร๊อดื่อ เตเพร เร๊อ เตเพร อาเตเม เฮ๊เนอหม่า, เพรหยื่อเอ่ตู๊หมู่ตอกล๊อ เออ เก่ ดุแถ่ เล๊อบา แฮเง ดื่อ เร๊อ ครี๊ อา เตโพรเตเตอเรอ อาคยา ปา.


โหง่ เด๊อ อา ทวาบุ๊ยทวาเตอเรอ เด๊อ อูเง โต่ เนอ, นอเถ่เปล๊ แต่ เด๊อ ซี แกกู ตือมื๋อ แต่เหม่ นี๋. แซ่ฮู๊ อา เก่ หนิอ๊าหนิเหร่ เป่ แกแย เด๊อ อา หนิโฮ เต เต๊เห่ อาเงเนอ, เฮ๊เบ่ แลแค แพ๊ โหง่ เด๊อ อา ทวาบุ๊ยทวาเตอเรอ เร๊อ อา เก่ เมจว่า อู เตดุแถ่ทูแถ่ เนอเต๊เห่ แพ๊ นี๋. เฮ๊เบ่แพ๊ แลแค โหง่ เด๊อ อา หนิบุ๊ยหนิเตอเรอ เด๊อ อูเง เนอเต๊เห่ แพ๊ นี๋.


เป เออเต๊เห่ หม่า เปเหน่กล่อ โอ่จือเต่อลู เตเพรเพร่ว แพ๊. เป พย๊าหนิ จือโหร่ลู แหย่โยบูโพ๊แบ่เจ่ เตเพรเพร่ว แพ๊. ฮู๊เนอเฮ๊อ, เบ๊อะจอแปแหร่ เอ๊ เป เบ๊อะเนอ, อา อ๊อแล เร๊อ อา เก่ เด๊อะเนอ เป เตแร๊ เออ เด๊อคยา ปา. ฮู๊เนอเรอ เป ล๋อ ปลี แม๊ชือ โหร่ลอ ลู อาเตเออ เตอเจ๋อ แพ๊.


แซ่ฮู๊ ซี เก่ หนิบุ๊ยหนิเตอเรอ อาเงเนอ, กู๊แหน่เออ แว ข่าเบ่เต เด๊อ ซีเง ฮู๊เออเนอหม่า แว ซิครือ แพ๊. ฮู๊ ครี๊ ข่า เป่ เฮ๊อ แกแย เด๊อ อา หยื่อเอ่ ลู เด๊อ อา แซ่ดื่อ เน๊อ อาเหน่กล่อ เต๊เห่เนอ, แว ซิปล่อฉว่า เด๊อ แว เหน่กล่อพ๊าหย่า เออ เก่ ข่า เป่เกอ ลอดื่อ ล๋อ แกแย เด๊อ อา หยื่อเอ่ ลู เนอเต๊เห่ อาเงเง.


แซ่ฮู๊ เป เก่ ซูโน แกแย ปว๋า เตเพร เด๊อ จอแปแหร่ เป๊เส่เง ฮู๊ แกแย เด๊อ อา ทวาแถ่ เฮ๊อ เตเต๊อเจ๋อ โต เน๊อ ครี๊ เร๊อ อา ดุเผร่ ตาเต เฮ๊อ เด๊อ แหย่โย ตากยา เต๊เห่ อาเงเนอ, เป แด๊โฉ่โด่แน เป่ เฮ๊อ อู ปว๋า เตเพร เน๊อ ครี๊ อาหรี่อาแก เฮ๊อ. โท๊โต่ เป เด๊อะรอเด๊อะเร เฮ๊อ อู ปว๋า เตเพร, เร๊อ เป อิซว๊าอี๊แส่ เป่ เฮ๊อ อู ปว๋า เตเพร เน๊อ ล๋อ ลีแมลีเพ๊ เออเนอเต๊เห่ เฮ๊อ.


แด๊โฉ่ เป่เกอ คูอารคิปปัส เน๊อ, “เตเอ่เตแร เด๊อ แบ่เจ่ เด๊อะแล เฮ๊อ เน เออเนอ, เมโทแก อา,” เฮ๊ อา ฮู๊เนอ นี๋.


เป แบ่เจ่ เหย่ซู่ครี๊ เด๊อะ เฮ๊อ แว เตเหร่เตแบ เด๊อ แว เก่ เม อาเตเม อาเง อาขว่าอาคยา, แว เฮ๊บุ๊ยเฮ๊เตอเรอ อา. โท๊โต่ อา แด่ แว ฮู๊ แกแย เด๊อ อาจ๊อ เร๊อ อาโหง่ เตเพร เร๊อ อา นว๊าแถ่ แว เด๊อ แว เก่ เม เป่ อาเตเม อาขว่าอาคยา, เฮ๊บุ๊ยเฮ๊เตอเรอ อา.


แกแย โอแกเกอ เร๊อ แว หม่า ตื๊อแพ๊ คูลูกา เตเพรแพ๊. จว๊า เอ๊แฮ หนิเกอ คูมาระโก นี๋. เมเตเฮ๊เรอ อา เตเมจว่า แว เต๊เห่เนอ, อา ทวาบุ๊ยทวาเตอเรอ แหน่เจ๊อ เด๊อ แว เตเอ่เตแร อาเง เจ๊อ.


หม่าแน๊เรอ เน ลาติเรอ, เป๊อตี๊หรี่ เนเหน่ เด๊อ เตปว๋า เต๊อเจ่อ อากูเนอ นี๋, แด่ทูซิปล่อ เตจาเตจือ เร๊อ เมแพ๊ เพรโด่แน เตซิครือมีลา อา เตเอ่เตแร เร๊อ เมเล๊อบา ลอ ล๋อ เตเอ่เตแร เด๊อ จอแปแหร่ นอเม เน เออเนอ แพ๊ นี๋.


หนิดา แลแค ซี เตจ๊อบู่จ๊อเบ อา ทวาดุทวาเต เต๊เห่ อาโหง่ เร๊อ ครวาเมเกอ ฮู๊ เหย่ซี เฮ๊ตา เนอ นี๋. เหย่ซี โอ่ป่อ แม๊ตู่หนิ ซี ซิปล่อเซอเพร เร๊อ เต เด๊อ เหย่ซี เม เต๊เห่เนอ, อา เบ่ เฮ๊โล กาคยา คยาแซ๊ จอแปแหร่ ปา. ซี เก่ หนิดา โต่ เฮ๊เร๊อ อา เก่ เม เน๊อ เตซิเปลซิหย่อ ปา. เร๊อ อา ทวาบุ๊ยทวาเตอเรอ เด๊อ ซีเง เตอเจ๋อ โต่.


ฮู๊เนอเรอ เป แด่โอ่แก ลอ เป เตอิซว๊าอี๊แส่ เป่ อู ครี๊ อาหรี่อาแก เด๊อ อา แก่ช๊าแก่แร เนอเต๊เห่ เร๊อ เป จว๊า แฮเง เกอโป่ อู เด๊อ เง เร๊อ แม๊ปู อิซว๊า ซิเง เกอโป่ อู เด๊อ แกแย ดุเผระเง อา เตอิซว๊า เออเต๊เห่ โป๋. กาคยา แฮ งยา งย๋า อู อิซว๊า เป่ เป เตอิซว๊าอี๊แส่ อา แก่ช๊าแก่แร เด๊อ อา เฮ๊ เน๊อ, ซี เบ่ วีแก เตเม เด๊อ อาบุ๊ย โอ่โต่ เนอเต๊เห่, เร๊อ ซี เบ่ หยื่อเอ่ จอแปแหร่, เตอิซว๊า ฮู๊เออ เต๊เห่เนอ, เป เก่ แม๊ปูซิเง แฮเงกาคยา ปาโต่, เป เก่ จว๊า แฮเง เกอโป่ อู เด๊อ เง โป๋.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ