เอเฟซัส 4:11 - ลีเทส่อพ๊าอาเซ เร๊อ เห่ขุทวาลู๊

¹¹ แซ่ฮู๊ อู เก่ ทวา เพรโดแนพู๊ เต๊เห่, อู เก่ ทวา เพรโพร เต๊เห่, อู เก่ ทวา เพรโด่แน เตซิครือมีลา เต๊เห่, อู เก่ ทวา เพรหยื่อเอ่ตู๊หมู่ตอกล๊อ ซ๊าร๊า เต๊เห่, อู เก่ ทวา เพรอิซว๊า ลีเทส่อพ๊า อาซ๊าร๊า เต๊เห่เนอเรอ, เพร เด๊อ อา เด๊อะตา อู เตแจ่เตลีแม เด๊อ อา โค๊คยาดื่อ ลู เต๊เห่ เออเตเพร เนอหม่า หม่าเฮ๊อ ครี๊ เฮ๊อ.

Eastern Kayah Shadaw Dialect

¹¹ ꤞꤢꤧꤟꤢꤨ ꤢꤨ꤭ ꤊ꤫ꤢꤦ꤬ ꤓꤝꤢ꤭ ꤖꤚꤢꤩ꤬ꤘꤥ꤬ꤔꤢꤧ꤭ꤖꤢꤨ ꤒꤣꤧ꤬ꤟꤢꤩ꤬, ꤢꤨ꤭ ꤊ꤫ꤢꤦ꤬ ꤓꤝꤢ꤭ ꤖꤚꤢꤩ꤬ꤖꤚꤥ꤬ ꤒꤣꤧ꤬ꤟꤢꤩ꤬, ꤢꤨ꤭ ꤊ꤫ꤢꤦ꤬ ꤓꤝꤢ꤭ ꤖꤚꤢꤩ꤬ꤘꤥ꤬ꤔꤢꤧ꤭ ꤒꤢꤩ꤬ꤞꤤꤋꤚꤢꤦ꤭ꤗꤝꤤ꤭ꤜꤢ꤬ ꤒꤣꤧ꤬ꤟꤢꤩ꤬, ꤢꤨ꤭ ꤊ꤫ꤢꤦ꤬ ꤓꤝꤢ꤭ ꤖꤚꤢꤩ꤬ꤛ꤫ꤢꤦ꤬ꤢꤩ꤬ꤒꤢꤩ꤬ꤕꤜꤢꤪꤗꤢꤨ꤬ ꤞꤢꤚꤢ ꤒꤣꤧ꤬ꤟꤢꤩ꤬, ꤢꤨ꤭ ꤊ꤫ꤢꤦ꤬ ꤓꤝꤢ꤭ ꤖꤚꤢꤩ꤬ꤤ꤬ꤞꤝꤢ ꤜꤤ꤬ꤓꤢꤩ꤭ꤞꤢꤪ꤬ꤖꤢ ꤢ꤬ꤞꤢꤚꤢ ꤒꤣꤧ꤬ꤟꤢꤩ꤬ꤔꤣꤧ꤬ꤚꤣꤧ꤬, ꤖꤚꤢꤩ꤬ ꤘꤣ ꤢ꤬ ꤘꤣꤧꤒꤢ꤭ ꤢꤨ꤭ ꤒꤢꤩ꤬ꤡ꤫ꤢꤧ꤬ ꤘꤣ ꤢ꤬ ꤋꤥꤋꤛꤢ꤬ꤘꤢꤦ꤬ ꤜꤢꤨ꤭ ꤒꤣꤧ꤬ꤟꤢꤩ꤬ ꤣꤧ꤭ꤒꤣ꤬ꤖꤚꤢꤩ꤬ ꤔꤣꤧ꤬ꤗꤢ꤬ ꤗ꤫ꤢ꤬ꤟꤣꤧ ꤋꤚꤤ ꤟꤣꤧ꤯

เอเฟซัส 4:11 ပူးပေါင်းရင်းမြစ်များ

เอเฟซัส 2:20

ซี หม่า อาแซ่เน๊อ หี่ เด๊อ อู แบ๊ อา อี๊ถื่อแก่ช๊า เร๊อ หล่อ เออเตเม เนอเฮ๊อ. เพรโด่แน เร๊อ เพรโพร เต๊เห่ เนอหม่า อาแซ่เน๊อ อู แบ๊ หี่ถื่อ อา อี๊ถื่อแก่ช๊า เออเต๊เห่เนอ เฮ๊อ. เร๊อ แบ่เจ่ เหย่ซู่ครี๊ อาแหน่แบ่เจ่ เร๊อดื่อ เออเนอหมา อาแซ่เน๊อ หี่เออ เตเม เก่กลอเก่หม่า อาเงเนอ, อา หม่า อา ทวา เพร ตาทว๊าหม่า เป่ อู เต เด๊อ อา โหล่ดุเล๊อ อู เตเพร เฮ๊อ.

ทิโมธี เนอบ่า ต๊าบ่า 4:5

หม่าแน๊เรอ เน ลาติเรอ, เป๊อตี๊หรี่ เนเหน่ เด๊อ เตปว๋า เต๊อเจ่อ อากูเนอ นี๋, แด่ทูซิปล่อ เตจาเตจือ เร๊อ เมแพ๊ เพรโด่แน เตซิครือมีลา อา เตเอ่เตแร เร๊อ เมเล๊อบา ลอ ล๋อ เตเอ่เตแร เด๊อ จอแปแหร่ นอเม เน เออเนอ แพ๊ นี๋.

มัทธิว 28:20

โทเรอ อิซว๊าอี๊แส่ แลแค เหย่ซี เน๊อ อา เก่ จูเอ่ ครวาเม ลอฮู๊ แว เฮ๊ แก ซีโหง่ เนอเต๊เห่ นี๋. แว เก่ โอ่เต่อเกอ เร๊อ ซี ปว๊า โพ๊ เจ๊อ ปา, โต่ เจ๊อ เด๊อ เห่ขุ ตื๊อดื่อแก เจ๊อปา เบ่เบ่, แว เก่ โอ่ เกอ เร๊อ ดื่อซีปา.”

เพรโด่แนพู๊ เต๊เห่ 20:28

แม๊ตู่ เร๊อ ดื่อ แลแค ซีเหน่ เร๊อ แม๊ตู่ เกอเร๊อ แลแค ล๋อ ซิหมิ เด๊อ แหย่โยบูโพ๊ เด๊อะตาแก เป่ ซี เด๊อ ซี เบ่ แม๊ตู่หนิ เออเนอ เต๊เห่ นี๋. ทวา แลแค เพรเกซิหมิพู๊ เด๊อ อา แม๊ตู่หนิ อาซิหมิ เออเต๊เห่ เนอ เต๊เห่ นี๋ แม๊ตู่หนิ แลแค จอแปแหร่ อา เพรหยื่อเอ่ ตู๊หมู่ตอกล๊อ เด๊อ อาพู๊คู พรีกา โทเฮ๊อ เน๊อ อาสุ่ย เร๊อดื่อ เออเนอ นี๋.

เอเฟซัส 4:8

ลีเทส่อพ๊า ราหนื่ออื่อ เนอหม่า อา เฮ๊ ฮู๊เออ เฮ๊อ. เร๊อ อา เฮ๊ เนอ, “เบ๊อะอา กา กี๊แถ่เฮ๊อ เด๊อ เหล่โอ่แถ่โล เบ๊อะเนอ, อา ปื่อจว๊าหนิ เพรซิเถ่ อา เด๊อ อา แลจู่แก ลูเหล่ เนอเต๊เห่. เร๊อ อา เด๊อะเฮ๊อ อาแกแย เต๊เห่ เชหยู่ เฮ๊อ.”

เอเฟซัส 3:5

เตจ่อแย เออเนอ, จอแปแหร่ เด๊อะโล เป่ แกแย มู๋ หนู่เค เนอเต๊เห่ โต่. หม่าแน๊เรอ กู๊แหน่เออ เด๊อ แหย่โยบูโพ๊แบ่เจ่ อาขว่าอาคยาเร๊อ, อา เด๊อะโล เป่ เฮ๊อ อา เพรโด่แน เด๊อ อา บูโพ๊ เออเต๊เห่ เร๊อ อาเพรโพร บูโพ๊ เออเต๊เห่ เฮ๊อ.

ꤚꤥꤗꤢꤩ꤬ 12:7

เก่ จอแปแหร่ เด๊อ แกแย เตเพรเพร อา เตแจ่เตลีแม เด๊อ อา นอเมจว่า ลู. เร๊อ อูโร เก่เฮ๊เรอ, อา โตเบ่ เมจว่า อา เก่ เด๊อ แกแย เตเพรเพร อา เตแจ่เตลีแม เด๊อ อา เก่ นออิซว๊า ลู เร๊อ อู เก่เฮ๊เรอ, อา โตเบ่ อิซว๊า อู.

ꤟꤤꤙꤚꤢꤨ 5:12

กู๊แหน่เรอ ซี โต ทวาเกอ เฮ๊อ แลแค ซ๊าร๊า เต๊เห่เฮ๊อ. หม่าแน๊เรอ ซี จว๊า โหล่ปา ดื่อเง แลแค แพ๊ อู เบ่ อิซว๊า กาคยา ซี เร๊อ จอแปแหร่ อาลาอาโหง่ เด๊อ อาแก่ช๊า แพ๊ว๊า. ซี โต เอ่เกอ เฮ๊อ อู เหล่เอ่เพรอ เฮ๊อ หม่าแน๊เรอ ซี จว๊า โอปา ดื่อเง แพ๊ แลแค อินู๊เทอ แพ๊ว๊า.

เตเด๊อะโลแถ่ 18:20

เก๋อ ม๊อขุพู๊ ซิครือมอ แลแค, เก๋อ จอแปแหร่ อาแกแย ซี, เพรโด่แนพู๊ เต๊เห่ ซี เร๊อ เพรโพร ซี๋, เด๊อ อาปย๊าอาหลู่ เฮ๊อ อาขว่าอาคยา, ซิครือมอ แลแค. เมเตเฮ๊เรอ เด๊อ อา เมจาเมจือ โทเฮ๊อ ซี อาขว่าอาคยา, จอแปแหร่ เมจากาคยา เฮ๊อ อา.’”

เพรโด่แนพู๊ เต๊เห่ 21:8

เด๊อคยา เตอเนอเนอ, เป เถ่จว๊า เร๊อ เป จว๊าโต่ เด๊อ วีซารียา. เป จว๊า โอ่โก๊เกอ เร๊อ เพฟีลิป เด๊อ อา แด๊โฉ่โด่แน เป่ อู เร๊อ เตซิครือมีลา เออเตเพร อาหี่. เด๊อ วีเยรูซาเล็ม อากู เนอ, อู นว๊าแถ่ แกแย โซซว๊าเตเพร เด๊อ อา เก่ เมจว่า อู อาเกลเนอ, เพฟีลิป หม่า อา โอ่เต่อ เกอ เร๊อ แกแย เบ๊อะเนอ เต๊เห่ อาเกล เตเพร.

เพรโด่แนพู๊ เต๊เห่ 13:1

เพรหยื่อเอ่ตู๊หมู่ตอกล๊อ เบ๊อะวีอันทิโอก อากูเนอ, เพรโพร เร๊อ ซ๊าร๊า โอ่ เต๊เห่. หม่าอูเป เฮ๊เนอหม่า คูบารนาบัส, คูสิเมโอน (เด๊อ อู เอ๊ ลู เร๊อ แกแยนิเกอร์) เร๊อ คูลูสิอัส (วีอันทิโอก), คูมานาเอล (อู โบ่ ดุแถ่ เต่อโหร่เกอ อา เร๊อ คุ๊ยเฮโรด) เน๊อ คูเซาโล เออเต๊เห่ เฮ๊อ.

เตเด๊อะโลแถ่ 21:14

วีเต๊เร๊ หล่อดุ อาช๊า เนอ อู แบ๊แถ่ ลู เร๊อ หล่อดุ เช๊อเนอเม. เร๊อ เด๊อ หล่อ เออเต๊เห่ ลูเนอ เนอ อู ราโอ่ อา เร๊อ ซิหมิพู๊ อา เพรโด่แนพู๊ เต๊เห่ เช๊อซิเนอ เต๊เห่ อามุย.

ꤛꤢꤨꤘꤢ꤬ 1:17

หม่าแน๊เรอ แว โคแบ๊ซว๊า ซี๋, ซิเหน่แถ่ โต่เบ่ คยาแซ๊ แลแค เป แบ่เจ่ เหย่ซู่ครี๊ อา เพรโด่แน เต๊เห่ แด๊โฉ่โด่แน หนื่ออื่อ โทเป่เฮ๊อ ซี เนอเต๊เห่ นี๋.

โครินธ์ อาเหร่อเล๊อ ต๊าบ่า 12:4

เชหยู่ หนิครา เด๊อ แหย่โยบูโพ๊ แบ่เจ่ เด๊อะเออ เต๊เห่เนอ, อา แซ่ลู เตอเจ๋อ โต่, อา โอ่ อาเมวเมว อาเจ่อเจ่อ หม่าแน๊เรอ อา แฮ อา แก่ช๊าแก่แร หม่า โต๊โพโพ๋ แพ๊. อา แก่ช๊ากูลู่ หม่า อา แฮ เด๊อ แหย่โยบูโพ๊ แบ่เจ่ เออ อา โอ่ เฮ๊อ.