เอเฟซัส 4:10 - ลีเทส่อพ๊าอาเซ เร๊อ เห่ขุทวาลู๊

¹⁰ แกแย เด๊อ อา แฮแล โทเฮ๊อ เด๊อ เห่ขุ เออเตเพรเนอ, เตเพรเพร่ว แพ๊ ลู เร๊อ อา กา กี๊แถ่ เด๊อ เหล่โอ่แถ่โล เล๊อ เร๊อ ม๊อขุ เต๊เห่ เนอเตเพร เฮ๊อ. เด๊อ ม๊อขุ เบ่เบ่, เด๊อ ม๊อเล เบ่เบ่, เด๊อ เห่ขุ เหล่โอ่ เบ๊อะโต๊โผ่ เบ่เบ่, แซ่ฮู๊ อา เก่ โอ่ลอ เหล่โอ่ ปว๋า โต๊โผ่เนอ เรอ, อา กา กี๊แถ่ เด๊อ ม๊อขุ แพ๊.

Eastern Kayah Shadaw Dialect

¹⁰ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤟꤢꤧ꤭ꤜꤢꤧ꤬ ꤓꤥ꤭ꤟꤣꤧ ꤘꤣ ꤟꤢꤩ꤬ꤋꤢꤨ꤬ ꤣꤧ꤭ꤒꤣ꤬ꤖꤚꤢꤩ꤬ꤔꤣꤧ꤬, ꤒꤣ꤬ꤖꤚꤢꤩ꤬ꤡꤢꤦ꤭ ꤖꤢꤧ ꤜꤢꤨ꤭ ꤔꤢꤧ ꤢ꤬ ꤊꤢ꤬ ꤊꤣꤧ꤬ꤓꤢꤧ꤬ ꤘꤣ ꤜ꤫ꤢꤩ꤬ꤥ꤬ꤓꤢꤧ꤬ꤜꤥ꤭ ꤜꤣ ꤔꤢꤧ ꤗꤢꤪꤋꤢꤨ꤬ ꤒꤣꤧ꤬ꤟꤢꤩ꤬ ꤔꤣꤧ꤬ꤒꤣ꤬ꤖꤚꤢꤩ꤬ ꤟꤣꤧ꤯ ꤘꤣ ꤗꤢꤪꤋꤢꤨ꤬ ꤙꤢꤩ꤬ꤙꤢꤩ꤬, ꤘꤣ ꤗꤢꤪꤜꤢꤩ꤭ ꤙꤢꤩ꤬ꤙꤢꤩ꤬, ꤘꤣ ꤟꤢꤩ꤬ꤋꤢꤨ꤬ ꤜ꤫ꤢꤩ꤬ꤥ꤬ ꤙꤣꤧꤒꤢꤩ꤭꤮ ꤒꤣ꤬ꤖꤥ꤬ ꤙꤢꤩ꤬ꤙꤢꤩ꤬, ꤞꤢꤧꤟꤢꤨ ꤢ꤬ ꤊ꤫ꤢꤦ꤬ ꤥ꤬ꤜꤢꤪ꤭ ꤜ꤫ꤢꤩ꤬ꤥ꤬ ꤕꤝꤢ꤭꤮ ꤒꤣ꤬ꤖꤥ꤬ꤔꤣꤧ꤬ ꤚꤣꤧ꤬, ꤢ꤬ ꤊꤢ꤬ ꤊꤣꤧ꤬ꤓꤢꤧ꤬ ꤘꤣ ꤗꤢꤪꤋꤢꤨ꤬ ꤖꤢꤧ꤯

เอเฟซัส 4:10 ပူးပေါင်းရင်းမြစ်များ

ꤟꤤꤙꤚꤢꤨ 7:26

ฮู๊เนอเรอ, เหย่ซู่ หม่า เพรหลู่แต กู่กล๊อดุเล๊อ เตเพร เด๊อ อา เมเล๊อบา เป่ ลอ ล๋อ เป เตโหล่ เต๊เห่. อา หม่า อา บูโพ๊, อาเตซื๊อ โอ่โต่, อาซิปล่อ อาโพ๊อาแปละ. จอแปแหร่ แด่โอ่ข่อ ตาพา โค๊ดื่อ ลู เร๊อ เพรเมเตซื๊อ เต๊เห่, เร๊อ อา เด๊อะโอ่เฮ๊อ ลู เด๊อ เหล่โอ่ แถ่โลเล๊ออู โต๊โผ่ เฮ๊อ.

ꤟꤤꤙꤚꤢꤨ 4:14

ฮู๊เนอเรอ, เป ปื่อหม่าปื่อกลอ แร๊ แลแค เป เตหยื่อเตแหน่ เด๊อ เป อ๊อแล โทเร๊อเฮ๊อ เออเนอ โป๋, เมเตเฮ๊เรอ, เป โอ่ เกอเร๊อ เน๊อ เป เพรหลู่แต กู่กล๊อดุเล๊อ เออเตเพร, เร๊อ อา จว๊าโน เป่เฮ๊อ เด๊อ เปเง เด๊อ ม๊อขุ เฮ๊อ. อา หม่า จอแปแหร่ อา พู๊เพรคู เหย่ซู่ เออเนอเฮ๊อ.

โคโลสี 2:9

เมเตเฮ๊เรอ เหย่ซู่ครี๊ แฮ กลว่าแถ่ อาเหน่กล่อ ฮู๊ แกแย เนอ ตื๊อดื่อเรอ, อา เล๊อบา ลอ เจ๊อ เน๊อ จอแปแหร่ อาเหล่โกล เต๊เห่ ล๋อ ปลี เจ๊อ.

โคโลสี 1:19

เมเตเฮ๊เรอ, ล๋อ จอแปแหร่ โอ่ เร๊อ อา เตเล๊อเตบา เต๊เห่เนอ, อา ซิหยื่อ นอโอ่เกอ เด๊อ ครี๊ อากู.

มัทธิว 24:34

แว แด๊โฉ่โล จ๊อจ๋อ เป่ เจ๊อ ซี, ล๋อ แกแย เด๊อ อา โอ่เซอเพร กู๊แหน่เออตือทือ เต๊เห่ เซอลอ แต่ล๋ายโต่ เนอ, เบ๊อะเตเออเต๊เห่ โอ่ เก่ทวาแถ่ ลอ ปา.

ทิโมธี อาเหร่อเล๊อ ต๊าบ่า 3:16

เป เตจ๊อบู่จ๊อเบ อาจ่ออาแย อาดุอาแย เจ๊อ บ๋า เต บ๋า เตเนอ อู โชโม๊บิแก หนิแจ่ อา เตเพร่ว โต่. ครี๊ โอ่โลแถ่ เฮ๊อ ฮู๊ แกแย เห่ขุพู๊ เตเพร, เร๊อ แหย่โยบูโพ๊ แบ่เจ่ ข่าเฮ๊อ ซิปล่อ เน๊อ ครี๊ เออเนอ อา เมโต จอแปแหร่ อาซิปล่อ, เร๊อ ม๊อขุ เตเน่วพู๊ เต๊เห่ แม๊เถอะเบ่ เฮ๊อ อา. โทเรอ อา อาหรี่อาแก เออเนอ, อู แด๊โฉ่โด่แน เฮ๊อ อา เด๊อ เมวจ่อโรพู๊ เต๊เห่ อาเกลเฮ๊อ. แกแย โอ่ เด๊อ เห่ขุเออ เต๊เห่เห่ เนอ อา หยื่อเอ่แหน่ เกอ เฮ๊อ อา เฮ๊อ. จอแปแหร่ จอแถ่เฮ๊อ อา เด๊อ ม๊อขุ เด๊อ เตลีเตเค อากูเฮ๊อ.

เอเฟซัส 3:19

อู ซิเงทว๊า ครี๊ อาเตโม เตเพร่ว โต่ หม่าแน๊เรอ แซ่ฮู๊ ซี เก่ ซิเง เกออู เนอเรอ, แว กุยจ๊อเบ เด๊อ ซีเง. เบ๊อะซี ซิเงแฮเฮ๊อ อาเตโม เบ๊อะเนอ, ซี เก่ พย๊าหนิ เล๊อบา ลอ ล๋อ จอแปแหร่ อาเหล่โกล เนอเต๊เห่ ปา.

เพรโด่แนพู๊ เต๊เห่ 1:9

เหย่ซู่ เฮ๊เบ่ โทเร๊อ เบ๊อะอา โคเจ่ เต๊เห่ แม๊ตู่แถ่ อา เบ๊อะเนอ, จอแปแหร่ เอ๊กา กาแถ่แก ลู เด๊อ ม๊อขุ. อ๊อโหล่ ต๊าบ่า โกบี๊แก ลู เร๊อ เหย่ซี แม๊เถอะ ปา ลู โต่.

ꤟꤤꤙꤚꤢꤨ 8:1

กู๊แหน่เออ, เต เด๊อ อา โหล่ดุเล๊อ อู เต๊อเจ่อ เด๊อ แว ซิหยื่อ นอซิเงโปล ซี เนอหม่า หม่าเฮ๊อ เป เพรหลู่แต กู่กล๊อดุเล๊อ เออเตเพร เฮ๊อ. อา หม่า เหย่ซู่ เฮ๊อ. กู๊แหน่เออ อา โอ่แนโอ่ เด๊อ ม๊อขุ เร๊อ อา โอ่แนโอ่ เด๊อ จอแปแหร่ เด๊อะ อาลีอาเตเค, อาโพรอาเตอเรอ เออเตเพร เหล่โอ่แนโอ่ อาจ๊อทว๊า เนอตากยา เฮ๊อ.

เพรโด่แนพู๊ เต๊เห่ 3:18

จอแปแหร่ เฮ๊หนื่ออื่อโทลอเฮ๊อ อาโหง่ เน๊อ เพรโพร เต๊เห่ ล๋อ ปลี เฮ๊อ. เร๊อ อา เฮ๊หนื่ออื่อ เป่ เหย่ซี เน๊อ ครี๊ เบ่ ข่าเซอแหน่ เตจาเตจือ ปา. เร๊อ อา เล๊อแถ่บาแถ่ เฮ๊อ ฮู๊ อา เฮ๊ เออเนอ เฮ๊อ.

เพรโด่แนพู๊ เต๊เห่ 2:33

จอแปแหร่ แด่ดุแด่ทู เหย่ซู่ เร๊อ อา แด่โอ่ ลู เด๊อ อากู๊ขุ จ๊อทว๊า ตากยา, เร๊อ ฮู๊ อาเพ จอแปแหร่ อ๊อแล โทเฮ๊อ เน๊อ อา เก่ เด๊อะ ลู แหย่โยบูโพ๊ เนอ อา เด๊อะเฮ๊อ ลู เฮ๊อ. เร๊อ เหย่ซู่ กลอตาแล๊ตา เฮ๊อ เต เด๊อ เน แม๊เถอะ หนิโฮเฮ๊อ กู๊แหน่เออ เนอเต๊เห่ เฮ๊อ.

เพรโด่แนพู๊ เต๊เห่ 1:11

เร๊อ อา เฮ๊ เหย่ซี เน๊อ, “แกแยกาลิลีพู๊ ซี๋ ซี จว๊า ก๊อถ่อโอ่ แม๊แถ่ แลแค เด๊อ ม๊อเล เบ๊อะเออ เมเต? เหย่ซู่ เด๊อ ซี แม๊เถอะ อู เอ๊กา กาแถ่แก อา เด๊อ ม๊อขุ เออเตเพรเนอ, อา เก่ ตากาแล แซ่ คยาแซ๊ ฮู๊ ซี แม๊เถอะ อา กากี๊แถ่ กู๊แหน่เออเนอ ปา.”

ꤛꤥ꤭ꤟꤢ꤬ 19:36

แซ่ฮู๊ ลีเทส่อพ๊า เก่ เล๊อบาแถ่ อาเงเนอ, เตเออเต๊เห่ ทวาแถ่ เฮ๊อ. ลีเทส่อพ๊า เฮ๊ เน๊อ, “อาครุ๊ย เก่ แลเก่หนิ โตโบ๊ โต่,” อา เฮ๊ ฮู๊เนอ.

ꤛꤥ꤭ꤟꤢ꤬ 19:28

อา เฮ๊โท ฮู๊เนอ เร๊อ แบ่เจ่ เหย่ซู่ ซิเง เร๊อ อา เมโทลอเฮ๊อ เตปว๋า เต๊อ เจ่อ เฮ๊อ. เร๊อ แซ่ฮู๊ ลีเทส่อพ๊า เก่ เล๊อบาแถ่ อาเงเนอ, แบ่เจ่ เหย่ซู่ เฮ๊ เน๊อ, “แว ซิโอเทอ” อา เฮ๊ ฮู๊เนอ.

ꤛꤥ꤭ꤟꤢ꤬ 19:24

เหย่ซี เตเพร เร๊อ เตเพร เฮ๊ เกอเร๊อลู เน๊อ, “เป ท๊อเย อา โต่ แฮ๋, อูเป โต พย๊าหนิเป ปาเนอ, เปบ๊อเตแบบุ๊ยโป๊!” อา เฮ๊ เกอเร๊อ ลู ฮู๊เนอ. แซ่ฮู๊ ลีเทส่อพ๊า เก่ อาเล๊อบาแถ่ เร๊อ เตทวา อาเหน่ ฮู๊เออ แพ๊. ลีเทส่อพ๊า เฮ๊ เนอ, “เหย่ซี เบ พย๊า เกอเร๊อ แลแค แวจา เต๊เห่ เฮ๊อ. แซ่ฮู๊ เหย่ซี เก่ พย๊าหนิ แวจา เร๊อ อา บ๊อแลแค เตแบบุ๊ย เฮ๊อ.” เร๊อ เกลอฮู๊ เออเต๊เห่เนอ, อา เม แลแค ฮู๊เนอ เฮ๊อ.

ꤛꤥ꤭ꤟꤢ꤬ 1:16

อาบุ๊ยเตอเรอ โอ่เล๊อโอ่บา เจ๊อ อาขว่าอาคยา, เป ล๋อ ปลี พย๊าหนิ เกอดื่อเฮ๊อ เตบุ๊ยเตเตอเรอ เต๊อเจ่อ โท เต๊อเจ่อ เด๊อ ลูโอ่ เฮ๊อ.

ꤜꤢꤨꤊꤢ꤬ 24:44

โทเรอ อา เฮ๊ เป่ เหย่ซี เน๊อ, “เบ๊อะแว โอ่เกอปา เร๊อ ซี เบ๊อะเนอ, ล๋อ อู ราโอ่ โทเฮ๊อ แวหรี่แวแก เด๊อ คูโมเสส อาลีกู เนอเต๊เห่ เบ่เบ่, เพรโพร ราโอ่แก เนอเต๊เห่ เบ่เบ่, เด๊อ ลีถู่เซ๊แถ่ อากู เนอเต๊เห่ เบ่เบ่, อา เบ่ เล๊อบาแถ่ ลอปลี ปว๋า เต๊อเจ่อ ปาเนอ, แว แด๊โฉ่โล เป่ โทลอเฮ๊อ ซี เฮ๊อ.”

โครินธ์ เนอบ่า ต๊าบ่า 12:2

เด๊อ อาเหร่อเค เช๊อลุยหน่า เบ๊อะเนอ, อู เอ๊กา กี๊แถ่ แกแยเพ เด๊อ อา หยื่อเอ่ ครี๊ เตเพร เด๊อ ม๊อขุ โซโต่ โต๊โต่ โต๊โผ่. (อาเหน่กล่อ โอ่ป่าแถ่เต่อ เกอ แอ? หม่า อา โอ่ป่าแถ่เต่อ โต่ แอ เนอ, แว ซิเง โต่. ซิเง แพ๊ตื๊อ จอแปแหร่ เตเพร แพ๊.)