เอเฟซัส 3:8 - ลีเทส่อพ๊าอาเซ เร๊อ เห่ขุทวาลู๊

⁸ เด๊อ จอแปแหร่ แกแย เออเต๊เห่ อาเกลเนอ, แว หม่า แกแย เด๊อ อาโตอาเบ่ เกอ เจ๊อ อู ตีกี๊โต่ เตเพร. ฮู๊เนอ เจ๊อ ตื๊อดื่อเรอ จอแปแหร่ เด๊อะตา แว เตบุ๊ยเตเตอเรอ เออ เร๊อ แว เก่ เบ่ แด๊โฉ่โล เป่ แกแยยิวพู๊ หม่าโต่ เต๊เห่ เร๊อ ครี๊ อา เตงูดุงูชอ เด๊อ แม๊ปูซิเง เบ๊ เจ๊อ อาหรี่อาแก โต่ เออเต๊เห่.

Eastern Kayah Shadaw Dialect

⁸ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤊꤣꤧ꤬ꤛꤢꤧ꤭ ꤣꤧ꤭ꤒꤣꤧ꤬ꤟꤢꤩ꤬ ꤢ꤬ꤊꤜꤢꤩ꤭ꤔꤣꤧ꤬, ꤠꤢꤧ꤭ ꤗꤢ꤬ ꤊꤣꤧ꤬ꤛꤢꤧ꤭ ꤘꤣ ꤢ꤬ꤒꤥ꤭ꤢ꤬ꤙꤢꤩ꤬ ꤊꤣꤧ꤭ ꤡꤣꤧ ꤢꤨ꤭ ꤒꤣꤧ꤬ꤊꤤ꤬꤮ ꤒꤥ꤬ ꤒꤣ꤬ꤖꤚꤢꤩ꤬꤯ ꤟꤢꤨꤔꤣꤧ꤬ ꤡꤣꤧ ꤒꤣꤧ꤬ꤘꤢꤦꤚꤣꤧ꤬ ꤡꤢꤪꤗꤣꤧ꤬ꤚꤢꤧ꤬ ꤘꤣꤧꤒꤢ꤭ ꤠꤢꤧ꤭ ꤒꤢꤩ꤬ꤙꤝꤤꤒꤢꤩ꤬ꤒꤣꤧ꤬ꤚꤣꤧ꤭ ꤣꤧ꤭ ꤔꤢꤧ ꤠꤢꤧ꤭ ꤊ꤫ꤢꤦ꤬ ꤙꤢꤩ꤬ ꤟꤢꤩꤏꤥ꤬ꤜꤥ꤭ ꤕ꤫ꤢꤩ꤬ ꤛꤢꤨꤘꤢ꤬ꤖꤢꤨ ꤗ꤫ꤢ꤬ꤒꤥ꤬ ꤒꤣꤧ꤬ꤟꤢꤩ꤬ ꤔꤢꤧ ꤋꤚꤤ ꤢ꤬ ꤒꤢꤩ꤬ꤍꤢꤨ꤬ꤘꤢꤨ꤬ꤖꤚꤤ꤬ꤘꤢꤨ꤬ ꤘꤣ ꤗꤢꤧꤕꤢꤨ꤭ꤞꤤꤑꤢꤩ꤭ ꤙꤢꤩ ꤡꤣꤧ ꤢ꤬ꤚꤤ꤬ꤢ꤬ꤊꤢꤧ꤭ ꤒꤥ꤬ ꤣꤧ꤭ꤒꤣꤧ꤬ꤟꤢꤩ꤬꤯

เอเฟซัส 3:8 ပူးပေါင်းရင်းမြစ်များ

โคโลสี 1:27

จอแปแหร่ ซิปล่อโอ่ เด๊อ อา เก่ เบ่ แด่โลแถ่ เป่ อาแกแย เต๊เห่ เน๊อ อา เตแด่โอ๊แด่บี๊ เออเต๊อเจ่อ. อา เตแด่โอ๊แด่บี๊ เออเนอหมา แกแยยิวพู๊ หม่าโต่ เต๊เห่ อาเง เนอหม่า อาหม่าหม่า. เตแด่โอ๊แด่บี๊ เออเนอหมา อา งูดุงูชอ, อาเตอเรอดุเตอเรอทู แหน่เจ๊อ. เตแด่โอ๊แด่บี๊ เออเนอหมา หม่าเฮ๊อ ครี๊ เด๊อ อา โอ่ เด๊อ ซีเหน่ลู เออเนอเฮ๊อ, เร๊อ อาโหง่แลช๊า หม่า หม่าเฮ๊อ ซี เก่ พย๊าหนิ เกอดื่อ จอแปแหร่ อาเตอเรอดุเตอเรอทู ปา, เออเนอเฮ๊อ.

โครินธ์ อาเหร่อเล๊อ ต๊าบ่า 15:9

เด๊อ เพรโด่แนพู๊ เต๊เห่ ล๋อ ปลี อาเกลเนอ, แว หม่า แกแย เด๊อ อาต่าเจ๊อ เกออู ฮู๊ เพรโด่แนพู๊ เต๊เห่ เด๊อ อาโร เนอเต๊เห่ ตีกี๋ โต่ เตเพร เฮ๊อ, เมเตเฮ๊เรอ เบ๊อะแว หยื่อเอ่ แต่ลา เหย่ซู่ครี๊ โต่ เบ๊อะเนอ, แว เมจาเมจือ แกแย เด๊อ อา หยื่อเอ่ เหย่ซู่ครี๊ เต๊เห่ อาขว่าอาคยา, อู เก่ เอ๊ เกอ แว เร๊อ เพรโด่แนพู๊ เต๊เห่ เตเพรแพ๊เน๋อ อา ต่าเจ๊อ ตีกี๋ โต่.

เอเฟซัส 3:16

จอแปแหร่ อา เตเด๊อะบุ๊ยเด๊อะเตอเรอ โอ่ปลูโอ่เผ่ เจ๊อ. ฮู๊เนอ อาขว่าอาคยา, แว กุยแถ่ อา เด๊อ อา เก่ นอ แหย่โยบูโพ๊แบ่เจ่ เก่ เด๊อะตา แฮเง เป่ ซี อาเตเด๊อะบุ๊ยเด๊อะเตอเรอฉว่าชอ เออ เร๊อ อา เก่ เมฉว่าเมชอแถ่ คยาแซ๊ ซี ซิปล่อ ปา.

เอเฟซัส 2:7

จอแปแหร่ เออเนอ อาแร๊ แหน่เจ๊อ เด๊อ เป ทวา ลูแกแย เออเต๊เห่ อาขุ. ครี๊ เม เป่ โทเฮ๊อ เต เด๊อ เปเง อาขว่าอาคยา, จอแปแหร่ เด๊อะโลตา เฮ๊อ อา เตเมโมเมแร๊ เป เออเต๊เห่ เฮ๊อ. แซ่ฮู๊ จอแปแหร่ เก่ เด๊อะโล เป แกแยเห่ขุพู๊ ช๋า เนอปา ตือทือ เต๊เห่ เร๊อ อาบุ๊ยดุอาเตอเรอทู เออเต๊เห่ ปาเนอ เนอ, อา เม เป่ เด๊อ เปเง ฮู๊เออ แพ๊.

ทิโมธี อาเหร่อเล๊อ ต๊าบ่า 2:7

เด๊อ เตหรี่เตแก เออ อาเง, อู นอทวาเฮ๊อ แว ฮู๊ เพรเฮ๊โฉ่ โด่แนเต เตเพร เร๊อ เพรโด่แน เตเพร เน๊อ ซ๊าร๊า เด๊อ อา เก่ อิซว๊าเป่ แกแยยิวพู๊ หม่าโต่ เต๊เห่ เน๊อ เตหยื่อเตแหน่ เด๊อ อา หม่าแหน่เออ อาหรี่อาแก เตเพรเฮ๊อ. แว เฮ๊ แลโฮแลแห่โต่. แว เฮ๊จ๊อ แพ๊.

ทิโมธี อาเหร่อเล๊อ ต๊าบ่า 1:13

เด๋อ อาเหร่อเค เนอหม่า, แว เฮ๊ มู๊แหม่รีแจ่ เหย่ซู่ครี๊, แว เมจาเมจือ อา, แว เป๊อเจ่ออิแช๊ อา หม่าแน๊เรอ แบ่เจ่ ซิยอเกอเร๊อ แว, เมเตเฮ๊เรอ แว ย๋อ หยื่อเอ่แหน่ แต่เกอล๋ายโต่, เร๊อ แว เมเต เออเต๊เห่เนอ, แว ย๋อ ซิเง ล๋ายโต่ อาขว่าอาคยา, อา ซิยอเกอเร๊อ แว แพ๊.

ꤊꤢ꤬ꤜꤢ꤬ꤒꤤ 1:16

แซ่ฮู๊ แว เก่ แด๊โฉ่โด่แน เป่ แกแยยิวพู๊ หม่าโต่ เต๊เห่ เร๊อ ครี๊ อา เตซิครือมีลา อาเงเนอ, จอแปแหร่ ซิปล่อโอ่ เนอ อา เก่ เด๊อะโลแถ่ เป่ แว เร๊อ อาพู๊คู. เบ๊อะเนอเค, แว กุย เร๊อ แกแยเห่ขุพู๊ อา เตเด๊อะซิเง ยูแกล๊ยูโกล จว่า แว เตเพร่ว โต่.

ꤚꤥꤗꤢꤩ꤬ 11:33

จอแปแหร่ อา เตซิยอ, อา เตลีแมลีเพ๊ เร๊อ อา เตซิคว๊าซิเง เออเต๊เห่เนอ, อาดุอาแย แหน่เจ๊อ. อา ตี๊หรี่แตแร เมเต เออเต๊เห่เนอ, อู ซิเงทว๊า เบ๊ เจ๊อ เตเพร่ว โต่. อาแกล๊ เต๊เห่เนอ, อู ครวา ซิเง เบ๊ เจ๊อ เตเพร่ว โต่.

ꤚꤥꤗꤢꤩ꤬ 2:4

จอแปแหร่ แร๊ เด๊อ เนขุ บ๋า เต, อา แด่ทูซิปล่อ เป่ เน บ๋า เต, แด่ทูซิปล่อ เป่ เน บ๋า เต เนอ, เน แด่หยื่อโต่ แอ? แซ่ฮู๊ เน เก่ ถู่แหล่เต๊เปล่กา คยา เนซิปล่อ อาเงเนอเรอ, จอแปแหร่ แอ๊จื๊อ เด๊อะโล เป่ เน อาเตโม เตแร๊ เต๊เห่ เด๊อ เนขุ เนอหม่า, เน ซิเง ตาเต โต่ แอ?

ทิโมธี เนอบ่า ต๊าบ่า 1:11

จอแปแหร่ นว๊าแถ่เฮ๊อ แว ฮู๊ เพรแด๊โฉ่โด่แน เป่ อู เต เตเพร เนอเฮ๊อ, โทเรอ อา นว๊าแถ่เฮ๊อ แว ฮู๊ เพรโด่แนพู๊ เต๊เห่ เตเพร เน๊อ ซ๊าร๊า เด๊อ อา อิซว๊า เตซิครือมีลา เตเพร เนอเฮ๊อ.

เอเฟซัส 3:19

อู ซิเงทว๊า ครี๊ อาเตโม เตเพร่ว โต่ หม่าแน๊เรอ แซ่ฮู๊ ซี เก่ ซิเง เกออู เนอเรอ, แว กุยจ๊อเบ เด๊อ ซีเง. เบ๊อะซี ซิเงแฮเฮ๊อ อาเตโม เบ๊อะเนอ, ซี เก่ พย๊าหนิ เล๊อบา ลอ ล๋อ จอแปแหร่ อาเหล่โกล เนอเต๊เห่ ปา.

โครินธ์ อาเหร่อเล๊อ ต๊าบ่า 2:9

ฮู๊ ลีเทส่อพ๊า เฮ๊แก เด๊อ เนอเค เน๊อ, “เต เด๊อ จอแปแหร่ ตี๊หรี่แตแร หนื่ออื่อ เด๊อ อา เก่ เม เป่ แกแย เด๊อ อา โมเร๊อ ลู เต๊เห่ อาเงเนอ, อู แม๊เถอะน๊อ เตเพร๋ ล๋าย โต่, อู หนิโฮน๊อ เตเพร๋ ล๋าย โต่, อู เตเนเต่อน๊อ อา เตเพร๋ ล๋าย โต่.”

ꤚꤥꤗꤢꤩ꤬ 12:10

โม เกอเร๊อ ลู ฮู๊ โป่แหว่ โต๊โหมะ ฮ๊อกูเนอ นี๋. แด่หยื่อแด่แหน่ เกอ เร๊อ ลู เตเพร เร๊อ เตเพร นี๋.

เพรโด่แนพู๊ เต๊เห่ 5:41

เพรโด่แนพู๊ เต๊เห่ เหย่ซีซิครือซิลอ เถ่จว๊าแก เด๊อ แกแยยิวพู๊ ทวาดุทวาเต เออเต๊เห่ อา เป๊เส่เง, เมเตเฮ๊เรอ เด๊อ เหย่ซู่ อาขว่าอาคยาเร๊อ, จอแปแหร่ แด่โอ่ แหน่ เฮ๊อ เหย่ซี เร๊อ อา โต แหน่ เฮ๊อ เร๊อ อา เบ่ ป่อชิเต่อ อู เมเตเร เหย่ซี ฮู๊เออ เนอหมา อา อาต่า แหน่ เฮ๊อ ฮู๊เนอ แพ๊.

เตเด๊อะโลแถ่ 3:18

เมฮู๊เนอเรอ แว เด๊อะซิเง จว่าเป่เกอ เน เร๊อ แซ่ฮู๊ เน เก่ ดุแหย่แถ่เซ เกออู เนอ, แฮ พรีเกอ เท เด๊อ แวโอ่ เออ. เท เออเนอหม่า อู โล โทเฮ๊อ เร๊อ หมิ. โท๊โต่ แฮ พรี เกอดื่อ เห่อจาบู เหล่กือเหล่แซ๊ เด๊อ แวโอ่ เออ เร๊อ กือบี๊แซ๊บี๊ เกอเร๊อ เน โอ่กาโกล ซิเตเร ดื่อเง เออเนอ. แซ่ฮู๊ เน เก่ แม๊เถอะ ลีโพ๊แร๊ เกออู อาเงเนอ, แฮ พรีเกอ เตขุ เป๊เส่เช เด๊อ แวโอ่ เออ เร๊อ จีโน เด๊อ เน เป๊เส่ปล่อกู เนอ.

ทิโมธี อาเหร่อเล๊อ ต๊าบ่า 1:15

แซ่ฮู๊ เหย่ซู่ครี๊ เก่ แฮ เมแลเปล๊กา แกแย เตซื๊อเตปล๊าพู๊ เต๊เห่ เรอ, อา แฮแล เด๊อ เห่ขุ เออ เฮ๊อ. เตเฮ๊เบ่ เออเนอหมา อาจ๊ออาเต เร๊อ แกแย ล๋อ ปลี โตเบ่ พย๊าฉื่อ ลอ อา ซีปล่อชีเม. เพรเมซื๊อเตพู๊ ล๋อ ปลี อาเกลเนอหม่า แว หม่า แกแย เด๊อ อา เมซื๊อ ดุเล๊ออู เตเพร เฮ๊อ.

เพรโด่แนพู๊ เต๊เห่ 9:15

หม่าแน๊เรอ แบ่เจ่ เฮ๊ ลู เน๊อ, “จว๊ามอ, เมเตเฮ๊เรอ แว นว๊าแถ่ เฮ๊อ อา เด๊อ อา เก่ แด๊โฉ่โด่แน เป่ แกแยยิวพู๊ หม่าโต่ เต๊เห่ เร๊อ คุ๊ยจ๊อแผ่ เต๊เห่, เร๊อ อิสราเอลพู๊ เต๊เห่ เร๊อ แวหรี่แวแก ปา.

ฟีลิปปี 4:19

เด๊อ เหย่ซู่ครี๊ อาขว่าอาคยาเร๊อ, จอแปแหร่ เก่ เมจว่า เป่ ลอ ซี ล๋อ ซี โหล่เนอเต๊เห่ ปา. ฮู๊ อา ดุแหย่แถ่เซ เล๊อบา ตาป่อตาเป เฮ๊แจ่ ปา เจ๊อโต่ เออเนอ, อา เก่ เมจว่า เกอดื่อ ซี ฮู๊เนอ ปา.

ꤊꤢ꤬ꤜꤢ꤬ꤒꤤ 2:8

เมเตเฮ๊เรอ จอแปแหร่ เด๊อะตา แฮเง เฮ๊อ อา เตอเรอโพรเตเตอเรอ เร๊อ คูเปโตร เด๊อ อา เก่ เม เตแร ฮู๊ เพรโด่แน เตเพรเนอ เด๊อ แกแยยิวพู๊ เต๊เห่ อาเงเฮ๊อ. อา แซ่ ฮู๊เนอเฮ๊อ จอแปแหร่ เด๊อะตา แฮเง เกอเฮ๊อ แว เน๊อ แว เก่ เมเกอฮู๊ เพรโด่แน เตเพรเนอ เด๊อ แกแยยิวพู๊ หม่าโต่ เต๊เห่ อาเง เฮ๊อเฮ๊อ.

ฟีลิปปี 2:3

เบ๊อะซี เมเต เบ๊อะเนอ, แม๊ดุ เกอเร๊อดื่อ ตื๊อ ซี เตเพร อาเง แต่เหม่ นี๋, พย๊าดุพย๊าแถ่โล แต่ ซีเหน่ แต่เหม่, อู๊เตเต๋เบ่เบ่ แด่แลหนิ แลแค ซี ซิปล่อ เด๊อ เตเพร เร๊อ เตเพร อาเล นี๋, เร๊อ เตเนดุ เล๊อ อูโร เร๊อ ซีเหน่ เร๊อดื่อ นี๋.

เอเฟซัส 3:2

จอแปแหร่ อาบุ๊ยอาเตอเรอ อาขว่าอาคยาเร๊อ, อา เด๊อะแล แว เตเม เด๊อ แว เก่ เมจว่า เป่ ซี เออเนอหมา, แว หยื่อเอ่ เร๊อ ซี หนิโฮ โทดื่อเฮ๊อ.

โครินธ์ อาเหร่อเล๊อ ต๊าบ่า 1:30

จอแปแหร่ เมทวาแถ่ โต่เฮ๊อ ซี เน๊อ เหย่ซู่ครี๊ เตอเจ๋อ โต เฮ๊อ. อา เมทวา เป่ เฮ๊อ ซี เต๊อะเจ้อ แพ๊ เน๊อ ครี๊ เออเนอ, อา เก่ ทวาแถ่ เฮ๊อ เป เตลีแมลีเพ๊ เฮ๊อ. เด๊อ ครี๊ อาขว่าอาคยาเร๊อ, จอแปแหร่ แด่ เฮ๊อ เป ฮู๊ แกแยจ๊อแกแยเต เต๊เห่เนอ เฮ๊อ. โท๊โต่ เป ทวาแถ่ เฮ๊อ จอแปแหร่ อาแกแย บูโพ๊ เร๊อ ครี๊ ปลวาเถ่ ปาลา เฮ๊อ เป เน๊อ เตซื๊อ เฮ๊อ.

ꤛꤥ꤭ꤟꤢ꤬ 1:16

อาบุ๊ยเตอเรอ โอ่เล๊อโอ่บา เจ๊อ อาขว่าอาคยา, เป ล๋อ ปลี พย๊าหนิ เกอดื่อเฮ๊อ เตบุ๊ยเตเตอเรอ เต๊อเจ่อ โท เต๊อเจ่อ เด๊อ ลูโอ่ เฮ๊อ.

เอเฟซัส 3:1

ฮู๊เนอเรอ, เด๊อ แว เม ครี๊ อา เตเอ่เตแร เร๊อ แว โด่แน เป่ แกแยยิวพู๊ หม่าโต่ เต๊เห่ เร๊อ เตซิครือมีลา เออ อาขว่าอาคยาเร๊อ, แว หม่าดื่อ เฮ๊อ คูเปาโล เออ, อู เบ่ ด๊อตาแก เฮ๊อ แว เด๊อ ทอกู.

ꤜꤢꤨꤊꤢ꤬ 14:22

“อา หลู่ กาโตคยา เร๊อ อา เฮ๊ อาแบ่เจ่ เน๊อ, ‘แบ่เจ๋ แว จว๊าเมโท ลอเฮ๊อ ฮู๊ เน เฮ๊ตาโหง่ เนอเต๊เห่ เฮ๊อ, หม่าแน๊เรอ เหล่โอ่ โอ่กอคูปา เต๊เห่.’