เอเฟซัส 3:7 - ลีเทส่อพ๊าอาเซ เร๊อ เห่ขุทวาลู๊

⁷ จอแปแหร่ อาบุ๊ยอาเตอเรอ อา เตเด๊อะครา เออ เร๊อ อา เตโพรเตอเรอ อาขว่าอาคยาเร๊อ, อา เด๊อะแล เฮ๊อ แว เตเมเออ เด๊อ แว เก่ เบ่ โด่แน เป่ อู เร๊อ เตซิครือมีลา เออเนอ เฮ๊อ.

Eastern Kayah Shadaw Dialect

⁷ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤙꤝꤤꤢ꤬ꤒꤣꤧ꤬ꤚꤣꤧ꤭ ꤢ꤬ ꤒꤢꤩ꤬ꤘꤣꤧꤋꤚꤢ꤭ ꤣꤧ꤭ ꤔꤢꤧ ꤢ꤬ ꤒꤢꤩ꤬ꤖꤚꤥ꤬ꤒꤢꤩ꤬ꤖꤚꤢꤧ꤬ ꤢ꤬ꤋꤝꤢ꤬ꤢ꤬ꤋꤛꤢ꤭ꤚꤣꤧ꤬ ꤢ꤬ ꤘꤣꤧꤜꤢꤧ꤬ ꤟꤣꤧ ꤠꤢꤧ꤭ ꤒꤢꤩ꤬ꤗꤢꤩ꤬ꤣꤧ꤭ ꤘꤣ ꤠꤢꤧ꤭ ꤊ꤫ꤢꤦ꤬ ꤙꤢꤩ꤬ ꤘꤥ꤬ꤔꤢꤧ꤭ ꤕ꤫ꤢꤩ꤬ ꤢꤨ꤭ ꤔꤢꤧ ꤒꤢꤩ꤬ꤞꤤꤋꤚꤢꤦ꤭ꤗꤝꤤ꤭ꤜꤢ꤬ ꤣꤧ꤭ꤔꤣꤧ꤬ ꤟꤣꤧ꤯

เอเฟซัส 3:7 ပူးပေါင်းရင်းမြစ်များ

เอเฟซัส 1:19

โท๊โต่ อา เตโพรอาเตอเรอ เด๊อ อา เก่ เมจว่า เป่ แกแย เด๊อ อา หยื่อเอ่ ลู เออเต๊เห่เนอ, อาดุเจ๊อ บ๋า เตเนอ, แว ซิหยื่อ นอซิเง เกอ ซี เร๊อ แว กุยจ๊อเบ เป่ เด๊อ ซิเง แพ๊. เตโพรอาเตอเรอ เออเนอหมา อา เตอเรอฉว่าชอ แซ่เจ๊อเน๊อ,

เอเฟซัส 3:20

ถู่เซ๊แถ่ แลแค จอแปแหร่. เด๊อ อา เตโพรเตอเรอ อาดุอาแย เออ เมเต เด๊อ เปกู อาขว่าอาคยา, อา เก่ เมเบ๊ เล๊อ เป่ เจ๊อ เป เร๊อ เป กุยแถ่ อา เนอเต๊เห่ ปา เจ๊อ. หม่าโต่เรอ, อา เก่ เมเบ๊ เล๊อ เป่ เจ๊อ เป เร๊อ เป เตเน หนื่ออื่อปา แพ๊ เนอเต๊เห่ ปา เจ๊อ.

เอเฟซัส 3:2

จอแปแหร่ อาบุ๊ยอาเตอเรอ อาขว่าอาคยาเร๊อ, อา เด๊อะแล แว เตเม เด๊อ แว เก่ เมจว่า เป่ ซี เออเนอหมา, แว หยื่อเอ่ เร๊อ ซี หนิโฮ โทดื่อเฮ๊อ.

โครินธ์ เนอบ่า ต๊าบ่า 3:6

แซ่ฮู๊ เป เก่ อิซว๊า โด่แนโปลเบ๊ เป่ อู เตอ๊อแล อาเซเออ อาเงเนอ, เพร เด๊อ อา เด๊อะตา เป เตแจ่เตลีแม เออเนอหมา จอแปแหร่ เออเตเพร เฮ๊อ. เตอ๊อแล อาเซ เด๊อ อา เด๊อะตา เออเนอหมา อาแซ่เน๊อ อู รา โอ่ คูโมเสส อา เตซว๊าเตแส่ เนอ หม่าโต่. เตอ๊อแล อาเซ เออเนอหมา อา ตาเต ซิเลเกอเร๊อ แหย่โยบูโพ๊ แบ่เจ่ เมเต เด๊อ เป ซิปล่อกู เออเนอ แพ๊. เป เก่ ซิเลเกอเร๊อ เตซว๊าเตแส่ เด๊อ อู ราโอ่ เออเนอ เฮ๊เนอเรอ เป เก่ พย๊าหนิ เตเซอ ปา, หม่าแน๊เรอ แหย่โยบูโพ๊ แบ่เจ่ เออเนอ อา พย๊าแฮหนิ เป่ เป ซิปล่อเซอเพร ตูจูเพร เฮ๊อ.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 2:13

เบ๊อะซี หนิโฮ จอแปแหร่ อาลาอาโหง่ เด๊อ เป แด๊โฉ่ เป่ ซีเออ เบ๊อะเนอ, ซี พย๊าฉื่อ อา ฮู๊ อา โอ่ เด๊อ แกแย อา โอ่ เร๊อ อา แฮเนอ หม่าโต่. ซี พย๊าฉื่อ เจ๊อ อา ฮู๊ อา โอ่ เด๊อ จอแปแหร่ อา โอ่ เร๊อ อา แฮ เนอ เจ๊อ. ฮู๊เนอ อาขว่าอาคยา, เป เฮ๊บุ๊ยเฮ๊เตอเรอ จอแปแหร่ ปว๋า โตโพ๊ เจ๊อ. เร๊อ เตหรี่เตแก เออเนอหมา จอแปแหร่ อา เตหรี่เตแก หม่าแหน่ เจ๊อ. เร๊อ เด๊อ เตหรี่เตแก เออ อาขว่าอาคยา, จอแปแหร่ นอโอ่เซอเพร เฮ๊อ ซี ฮู๊ อาโต ลูซิปล่อ เนอเฮ๊อ.

โคโลสี 1:29

ครี๊ อา เตโพรเตเตอเรอ เออ อา เมฉว่าเมชอ แหน่เจ๊อ เด๊อ แวกู แว ซิเล แถ่หนิ อา เตโพรเตเตอเรอ ฉว่าชอ เออ เร๊อ แว จ่าเพรอแอ๊จื๊อ เร๊อ แว ซิครือเมเฮ๊อ จอแปแหร่ อาเตแร เออเต๊เห่ เฮ๊อ.

โครินธ์ อาเหร่อเล๊อ ต๊าบ่า 15:10

หม่าแน๊เรอ, เด๊อ แบ่เจ่ อาบุ๊ยอาเตอเรอ อาขว่าอาคยา, กู๊แหน่เรอ แว ทวาแถ่เฮ๊อ เพรโด่แนพู๊ เต๊เห่ เตเพรเฮ๊อ. เตบุ๊ยเตเตอเรอ เด๊อ จอแปแหร่ เด๊อะตา แว เออเนอ อา แกเด โต่. เมเตเฮ๊เรอ แว แอ๊จื๊อ จ่าเพรอจ่าหร่อ เม เล๊อ เจ๊อ เร๊อ เพรโด่แนพู๊ เต๊เห่ เด๊อ อาโร เต๊เห่ เจ๊อ. แว เมเบ๊ ฮู๊เออ เนอหม่า แวอ๊าแวเหร่ เร๊อดื่อ หม่าโต่. จอแปแหร่ อาบุ๊ยอาเตอเรอ เม เต่อเกอ เร๊อ แว อาขว่าอาคยา, แว เมเบ๊ ฮู๊เออ เนอแพ๊.

โครินธ์ อาเหร่อเล๊อ ต๊าบ่า 3:5

เก่เฮ๊ลอลอ เร๊อ, คูอปอลโล หม่า อูเป? คูเปาโล หม่า อูเป? เป หม่า แกแย แจ่ลีแจ่ลาโต่ เด๊อ อา เม จอแปแหร่ อาเตเม เต๊เห่ แพ๊. เด๊อ เป เฮ๊โฉ่โด่แนโล เป่ ซี อาขว่าอาคยา ซี หยื่อเอ่แหน่ กา แลแค แบ่เจ่ เหย่ซู่ครี๊. ฮู๊ จอแปแหร่ เด๊อะตา เป เตเม เตเพร เร๊อ เตเพร เนอ, เป เม เร๊อดื่อ ฮู๊ อา นอเม เป เออเนอ แพ๊.

ꤚꤥꤗꤢꤩ꤬ 15:16

จอแปแหร่ อาบุ๊ยอาเตอเรอ อาขว่าอาคยา, อา เด๊อะ แว เตเม เด๊อ แว เก่ เม เหย่ซู่ครี๊ อาเตเม เด๊อ แกแยยิวพู๊ หม่าโต่ เต๊เห่ อาเกล. แซ่ฮู๊ แกแยยิวพู๊ หม่าโต่ เต๊เห่ เก่ ทวาแถ่ เตหลู่ เต๊อเจ่อ เด๊อ จอแปแหร่ เก่ พย๊าฉื่อ อา, โทเรอ เตหลู่ เต๊อเจ่อ เด๊อ แหย่โยบูโพ๊ แบ่เจ่ เมบูโพ๊ โทเฮ๊อ ลู เร๊อ, จอแปแหร่ นว๊าแถ่ โค๊ดื่อเฮ๊อ แว เร๊อ แว เก่ เมเต ฮู๊ เพรหลู่แตเต เด๊อ อา แด๊โฉ่โด่แน โลเป่ อู เร๊อ จอแปแหร่ อา เตซิครือมีลา เนอเตเพร เฮ๊อ.

ꤚꤥꤗꤢꤩ꤬ 1:5

เด๊อ ครี๊ อาขว่าอาคยาเร๊อ, จอแปแหร่ เด๊อะตา เป อา เตบุ๊ยเตเตอเรอ เร๊อ ม๊อเนอม๊อเซโตแร๊ เด๊อ เป เก่ ทวาแถ่ เพรโด่แนพู๊ เต๊เห่ เด๊อ ครี๊ อาเง. แซ่ฮู๊ ล๋อ แกแยยิวพู๊ หม่าโต่ เต๊เห่ เก่ หยื่อเอ่แหน่ เกออู เหย่ซู่, เร๊อ เหย่ซี เก่ หนิดา เกอ จอแปแหร่ โหง่ อาเงเนอเรอ, อา นอทวาแถ่ เป แพ๊.

เอเฟซัส 4:16

ครี๊ ปื่อหม่า โอ่ปล๊อจือ เต่อลอ อาแกแย ซีเต๊เห่ เด๊อ อาแซ่เน๊อ แกแย หรุ่ยถว่า เร๊อ อาครุ๊ยอาคร๊วา เด๊อ จิจือหมะ จิจือ หนิเต่อ ลอ เหน่กล่อ ครือขรว่า เด๊อ อา โค๊ลู เออเนอเต๊เห่ เฮ๊อ. เก่ เหน่กล่อ ครือขรว่า เต๊อเจ่อ เร๊อ เต๊อเจ่อ เก่ เมดื่อ อาเตเม เด๊อ อา โต เม เต๊เห่ เฮ๊เนอหม่า, เหน่กล่อ ชีเพรลอ เก่ ดุแถ่ เร๊อ ชอแถ่ เร๊อ ชอแถ่ ปา. เพรหยื่อเอ่ตู๊หมู่ตอกล๊อ เนอหม่า อา แซ่ ฮู๊เนอ เฮ๊อเฮ๊อ. เพรหยื่อเอ่ เออ ตู๊หมู่ตอกล๊อ เด๊อ อาเตเม โค๊ลู เออเต๊เห่เนอ, อา เก่ โม เกอเร๊อลู เตเพร เร๊อ เตเพร เร๊อ อา เก่ เม หนิเกอเร๊อดื่อ เตเพร เร๊อ เตเพร อาเตเม เฮ๊เนอหม่า, เพรหยื่อเอ่ตู๊หมู่ตอกล๊อ เออ เก่ ดุแถ่ เล๊อบา แฮเง ดื่อ เร๊อ ครี๊ อา เตโพรเตเตอเรอ อาคยา ปา.

เอเฟซัส 3:8

เด๊อ จอแปแหร่ แกแย เออเต๊เห่ อาเกลเนอ, แว หม่า แกแย เด๊อ อาโตอาเบ่ เกอ เจ๊อ อู ตีกี๊โต่ เตเพร. ฮู๊เนอ เจ๊อ ตื๊อดื่อเรอ จอแปแหร่ เด๊อะตา แว เตบุ๊ยเตเตอเรอ เออ เร๊อ แว เก่ เบ่ แด๊โฉ่โล เป่ แกแยยิวพู๊ หม่าโต่ เต๊เห่ เร๊อ ครี๊ อา เตงูดุงูชอ เด๊อ แม๊ปูซิเง เบ๊ เจ๊อ อาหรี่อาแก โต่ เออเต๊เห่.

ꤊꤢ꤬ꤜꤢ꤬ꤒꤤ 2:8

เมเตเฮ๊เรอ จอแปแหร่ เด๊อะตา แฮเง เฮ๊อ อา เตอเรอโพรเตเตอเรอ เร๊อ คูเปโตร เด๊อ อา เก่ เม เตแร ฮู๊ เพรโด่แน เตเพรเนอ เด๊อ แกแยยิวพู๊ เต๊เห่ อาเงเฮ๊อ. อา แซ่ ฮู๊เนอเฮ๊อ จอแปแหร่ เด๊อะตา แฮเง เกอเฮ๊อ แว เน๊อ แว เก่ เมเกอฮู๊ เพรโด่แน เตเพรเนอ เด๊อ แกแยยิวพู๊ หม่าโต่ เต๊เห่ อาเง เฮ๊อเฮ๊อ.

โครินธ์ เนอบ่า ต๊าบ่า 4:1

ฮู๊เนอเรอ เป ซิปล่อปย๊า โต่, เมเตเฮ๊เรอ เด๊อ จอแปแหร่ อาบุ๊ยอาเตอเรอ อาขว่าอาคยา, อา เด๊อะตา เป เตเม เด๊อ เป เก่ แด๊โฉ่โด่แน เป่ อู เร๊อ เตอ๊อแล อาเซ เออเนอ เฮ๊อ.

เพรโด่แนพู๊ เต๊เห่ 9:15

หม่าแน๊เรอ แบ่เจ่ เฮ๊ ลู เน๊อ, “จว๊ามอ, เมเตเฮ๊เรอ แว นว๊าแถ่ เฮ๊อ อา เด๊อ อา เก่ แด๊โฉ่โด่แน เป่ แกแยยิวพู๊ หม่าโต่ เต๊เห่ เร๊อ คุ๊ยจ๊อแผ่ เต๊เห่, เร๊อ อิสราเอลพู๊ เต๊เห่ เร๊อ แวหรี่แวแก ปา.

ꤚꤥꤗꤢꤩ꤬ 12:3

เด๊อ จอแปแหร่ อาบุ๊ยอาเตอเรอ ขว่าคยาเร๊อ อา แด่แถ่ แว เร๊อ แว เก่ ทวา เพรโด่แนพู๊ เต๊เห่ เตเพร อาขว่าอาคยา, แว เฮ๊ ซี ปว๋า เตเพร เน๊อ, เตเนดุ เล๊อ แต่ ซีเหน่ เร๊อ บ๊า ซี โตเบ่ เตเน เกอเร๊อ ซีเหน่เนอ แต่เหม่ นี๋. โท๊โต่ ซี โตเบ่ เตเนหนิ ซีเหน่ บ๊า อาโตอาเบ่ เนอแพ๊. แด๊เฮอ แลแม๊ เกอเร๊อ ซี เตหยื่อเตแหน่ เด๊อ จอแปแหร่ เด๊อะ ซี เนอหม่า อาดุ บ๋า เตเนอ เตเนแซ่ แลแค บ๊าเนอแพ๊ นี๋.