เอเฟซัส 3:2 - ลีเทส่อพ๊าอาเซ เร๊อ เห่ขุทวาลู๊

² จอแปแหร่ อาบุ๊ยอาเตอเรอ อาขว่าอาคยาเร๊อ, อา เด๊อะแล แว เตเม เด๊อ แว เก่ เมจว่า เป่ ซี เออเนอหมา, แว หยื่อเอ่ เร๊อ ซี หนิโฮ โทดื่อเฮ๊อ.

Eastern Kayah Shadaw Dialect

² ꤡꤢꤪꤗꤣꤧ꤬ꤚꤢꤧ꤬ ꤢ꤬ꤙꤝꤤꤢ꤬ꤒꤣꤧ꤬ꤚꤣꤧ꤭ ꤢ꤬ꤋꤝꤢ꤬ꤢ꤬ꤋꤛꤢ꤭ꤚꤣꤧ꤬, ꤢ꤬ ꤘꤣꤧꤜꤢꤧ꤬ ꤠꤢꤧ꤭ ꤒꤢꤩ꤬ꤗꤢꤩ꤬ ꤘꤣ ꤠꤢꤧ꤭ ꤊ꤫ꤢꤦ꤬ ꤗꤢꤩ꤬ꤡꤝ꤫ꤢ꤬ ꤕ꤫ꤢꤩ꤬ ꤞꤤ꤭ ꤣꤧ꤭ꤔꤣꤧ꤬ꤗꤢ꤬, ꤠꤢꤧ꤭ ꤛ꤫ꤢꤦ꤬ꤢꤩ꤬ ꤔꤢꤧ ꤞꤤ꤭ ꤔ꤫ꤤ꤬ꤟꤥ꤭ ꤓꤥ꤭ꤘꤢꤦ꤬ꤟꤣꤧ꤯

เอเฟซัส 3:2 ပူးပေါင်းရင်းမြစ်များ

ทิโมธี อาเหร่อเล๊อ ต๊าบ่า 1:11

เตอิซว๊าอี๊แส่ เด๊อ อาจ๊ออาเต เออเนอหมา, แม๊เถอะ แพ๊ เด๊อ เตซิครือมีลา อากู เออเนอ แพ๊. จอแปแหร่ หยื่อเอ่หนิ แว เร๊อ อา เด๊อะ แว เตซิครือมีลา เออ เด๊อ แว เก่ เบ่ เฮ๊โฉ่ตา อาเง เนอแพ๊. เตอิซว๊าอี๊แส่ อาจ๊ออาเต เออเนอหมา อา แฮ เด๊อ เตเด๊อะบุ๊ยเด๊อะเตอเรอ อา จอแปแหร่ ดุ เด๊อ อู ถู่เซ๊แถ่ ลู เออเตเพร อา โอ่.

ทิโมธี เนอบ่า ต๊าบ่า 1:11

จอแปแหร่ นว๊าแถ่เฮ๊อ แว ฮู๊ เพรแด๊โฉ่โด่แน เป่ อู เต เตเพร เนอเฮ๊อ, โทเรอ อา นว๊าแถ่เฮ๊อ แว ฮู๊ เพรโด่แนพู๊ เต๊เห่ เตเพร เน๊อ ซ๊าร๊า เด๊อ อา อิซว๊า เตซิครือมีลา เตเพร เนอเฮ๊อ.

ꤚꤥꤗꤢꤩ꤬ 1:5

เด๊อ ครี๊ อาขว่าอาคยาเร๊อ, จอแปแหร่ เด๊อะตา เป อา เตบุ๊ยเตเตอเรอ เร๊อ ม๊อเนอม๊อเซโตแร๊ เด๊อ เป เก่ ทวาแถ่ เพรโด่แนพู๊ เต๊เห่ เด๊อ ครี๊ อาเง. แซ่ฮู๊ ล๋อ แกแยยิวพู๊ หม่าโต่ เต๊เห่ เก่ หยื่อเอ่แหน่ เกออู เหย่ซู่, เร๊อ เหย่ซี เก่ หนิดา เกอ จอแปแหร่ โหง่ อาเงเนอเรอ, อา นอทวาแถ่ เป แพ๊.

เอเฟซัส 4:7

หม่าแน๊เรอ ครี๊ เด๊อะตา โค๊ลู เป เตแจ่เตลีแม เตเพร เร๊อ เตเพร เด๊อ เป เก่ เมโค๊ลู อา เตเอ่เตแร เต๊เห่. ครี๊เบตา เป่เป เตแจ่เตลีแม เออเนอ, อา ซิโล หนิเกอเร๊อ โต่.

โครินธ์ อาเหร่อเล๊อ ต๊าบ่า 4:1

ซี โต แด่ แลแค เป ฮู๊ เหย่ซู่ครี๊ อาหลู่เล๊ เต๊เห่เนอ. ซี โต แด่ แลแค เป ฮู๊ เพรแรเต เต๊เห่ เด๊อ อา อิซว๊าอี๊แส่ แด๊โฉ่โปล เป่ อู เร๊อ เตหมะเตจ๊อ เด๊อ อู ซิเงน๊อ ล๋ายโต่ เด๊อ เนอเค เต๊เห่. เร๊อ จอแปแหร่ เด๊อะตาเฮ๊อ เป เตเม เด๊อ เป เก่ เม เออ อาเง เฮ๊อ.

เอเฟซัส 1:10

ช๋า ตาโตตาเบ่ เฮ๊อ ปาเนอ, จอแปแหร่ เก่ เมเล๊อเมบาแถ่ อา เตตี๊หรี่แตแร หนื่ออื่อ เออเต๊เห่ ปา. ล๋อ เตเด๊อ อา โอ่ เด๊อ ม๊อขุ เนอเต๊เห่ เบ่เบ่, ล๋อ อา โอ่ เด๊อ เห่ขุ เออเต๊เห่ เนอเบ่เบ่, อา เก่ เมปล๊อเมจือ เต่อลอ ลู เด๊อ อา กู่กล๊อดุเล๊ออู ครี๊ เออเตเพร อาเล ปา.

ꤊꤢ꤬ꤜꤢ꤬ꤒꤤ 1:13

เบ๊อะแว ลือครวาเกอ แกแยยิวพู๊ เต๊เห่ อา เตจ๊อบู่จ๊อเบ เบ๊อะเนออาเค, แว โอ่เซอเพร ฮู๊เต เนอหม่า ซี ซิเง โทดื่อเฮ๊อ. แว เมจาเมจือ แกแย เด๊อ อา หยื่อเอ่ เหย่ซู่ครี๊ เต๊เห่, เร๊อ แว แอ๊จื๊อ แม๊ปู เมปย๊าเมหลู่ เจ๊อ เหย่ซี เจ๊อ.

เพรโด่แนพู๊ เต๊เห่ 22:21

“แบ่เจ่ เฮ๊ แว เน๊อ, ‘จว๊ามอ! เมเตเฮ๊เรอ, แว เก่ นอจว๊า ตาพายาแก เน เด๊อ แกแยยิวพู๊ หม่าโต่ เต๊เห่ อา โอ่.’”

เพรโด่แนพู๊ เต๊เห่ 13:46

โทเร๊อ คูเปาโล เร๊อ คูบารนาบัส ลื๋อ เฮ๊เบ่ คือเฮ๊เบ่บื่อ โป่โป่ เจ๊อ, เร๊อ อา เฮ๊ เน๊อ, “เป โตเบ่ แด๊โฉ่โด่แน เหร่อเล๊อ เป่ ซี เร๊อ จอแปแหร่ อาลาอาโหง่. หม่าแน๊เรอ ซี หยื่อเอ่แลแค เป เตโด่แน เออเนอ โต่ อาขว่าอาคยา, ซี เมจากาคยาแล เกอ เร๊อดื่อ เฮ๊อ ซิเหน่ ฮู๊ แกแย เด๊อ อาต่า พย๊าหนิ เกออู แหย่โยบูโพ๊เซอเพร ตูจูเพร โต่ เนอเต๊เห่ เฮ๊อ. ฮู๊เนอเรอ เป เก่ แด่แก ซี เร๊อ เป เก่ จว๊า เด๊อ แกแยยิวพู๊ หม่าโต่ เต๊เห่ อา โอ่.

เพรโด่แนพู๊ เต๊เห่ 13:2

เบ๊อะเหย่ซี จ๊อบู่จ๊อเบแถ่ แบ่เจ่ เร๊อ โด่เอ่ เหล่เอ่เหล่โอ เบ๊อะเนอ, แหย่โยบูโพ๊แบ่เจ่ เฮ๊ เหย่ซี เน๊อ, “นว๊าเถ่ โค๊แก เป่ แว คูบารนาบัส เร๊อ คูเซาโล เนอ. เมเตเฮ๊เร๊อ แว นว๊าแถ่หนื่ออื่อ โท. เฮ๊อ เหย่ซี เด๊อ อา เก่ เบ่ เม แว เตแร.”

เพรโด่แนพู๊ เต๊เห่ 9:15

หม่าแน๊เรอ แบ่เจ่ เฮ๊ ลู เน๊อ, “จว๊ามอ, เมเตเฮ๊เรอ แว นว๊าแถ่ เฮ๊อ อา เด๊อ อา เก่ แด๊โฉ่โด่แน เป่ แกแยยิวพู๊ หม่าโต่ เต๊เห่ เร๊อ คุ๊ยจ๊อแผ่ เต๊เห่, เร๊อ อิสราเอลพู๊ เต๊เห่ เร๊อ แวหรี่แวแก ปา.

ทิโมธี อาเหร่อเล๊อ ต๊าบ่า 2:7

เด๊อ เตหรี่เตแก เออ อาเง, อู นอทวาเฮ๊อ แว ฮู๊ เพรเฮ๊โฉ่ โด่แนเต เตเพร เร๊อ เพรโด่แน เตเพร เน๊อ ซ๊าร๊า เด๊อ อา เก่ อิซว๊าเป่ แกแยยิวพู๊ หม่าโต่ เต๊เห่ เน๊อ เตหยื่อเตแหน่ เด๊อ อา หม่าแหน่เออ อาหรี่อาแก เตเพรเฮ๊อ. แว เฮ๊ แลโฮแลแห่โต่. แว เฮ๊จ๊อ แพ๊.

ทิโมธี อาเหร่อเล๊อ ต๊าบ่า 1:4

เตเฮ๊โฉ่หนิ เหย่ซี เน๊อ อา เก่ เมลอ แกเด ม๊อเนอม๊อเซ เน๊อ เตแด๊ กู๊นีกู๊โหน่ มู๋ หนู่เค เนอเต๊เห่ เน๊อ เตแด๊กลุยแด๊แล เด๊อ อาทู เนอเต๊เห่ แต่เหม่. เตเนอเต๊เห่ หม่า อา เด๊อะโอ่แถ่ แพ๊ เตเคร๊แขระ ลู, โท๊โต่ อา เมดู๊แด ตาตือ เต่อเกอโป่ดื่อ จอแปแหร่ อาเตเม เด๊อ เป เมแจ่ ตื๊อแพ๊ อา เน๊อ เตหยื่อเตแหน่ เออเนอเนอ.

โคโลสี 1:6

เตซิครือมีลา เออ อา พย๊าแฮหนิ เตเด๊อะบุ๊ยเด๊อะเตอเรอ เร๊อ อา โลปีชีจว๊า ลอเฮ๊อ เด๊อ เห่ขุต๊าบ่า เฮ๊อ. อา โลปีชีจว๊า เร๊อ อา พย๊าแฮหนิ เตเด๊อะบุ๊ยเด๊อะเตอเรอ แซ่เน๊อ อา พย๊าแฮหนิ เป่เฮ๊อ ซี เบ๊อะซี หนิโฮ เร๊อ ซี ซิเงโปลแฮ เฮ๊อ เตหมะเตจ๊อ หม่าเฮ๊อ จอแปแหร่ อาบุ๊ยอาเตอเรอ อาหรี่อาแก เออเนอ เฮ๊อ.

โคโลสี 1:4

เมเตเรอ เป เฮ๊บุ๊ยเฮ๊เตอเรอ เฮ๊เนอหม่า, ซี หยื่อเอ่หนิ เหย่ซู่ครี๊ เร๊อ ซี โม หนิเกอเร๊อ จอแปแหร่ อาแกแย บูโพ๊ ล๋อ ปลี เต๊เห่เนอหม่า, เป หนิโฮ โทลอเฮ๊อ.

เอเฟซัส 4:21

ซี เด๊อ อา ทวาแถ่ เตอเจ๋อโต เร๊อ ครี๊ เฮ๊อ เต๊เห่เนอ, แว หยื่อเอ่ เร๊อ ซี หนิโฮ ตาเต โทเฮ๊อ ครี๊ อาหรี่อาแก เฮ๊อ. โทเรอ อู อิซว๊า โท เป่เฮ๊อ ซี เตอิซว๊า เด๊อ อาจ๊ออาเต เด๊อ เหย่ซู่ อิซว๊า โทเฮ๊อ เนอเต๊เห่ เฮ๊อ.

เอเฟซัส 3:8

เด๊อ จอแปแหร่ แกแย เออเต๊เห่ อาเกลเนอ, แว หม่า แกแย เด๊อ อาโตอาเบ่ เกอ เจ๊อ อู ตีกี๊โต่ เตเพร. ฮู๊เนอ เจ๊อ ตื๊อดื่อเรอ จอแปแหร่ เด๊อะตา แว เตบุ๊ยเตเตอเรอ เออ เร๊อ แว เก่ เบ่ แด๊โฉ่โล เป่ แกแยยิวพู๊ หม่าโต่ เต๊เห่ เร๊อ ครี๊ อา เตงูดุงูชอ เด๊อ แม๊ปูซิเง เบ๊ เจ๊อ อาหรี่อาแก โต่ เออเต๊เห่.

ꤚꤥꤗꤢꤩ꤬ 12:3

เด๊อ จอแปแหร่ อาบุ๊ยอาเตอเรอ ขว่าคยาเร๊อ อา แด่แถ่ แว เร๊อ แว เก่ ทวา เพรโด่แนพู๊ เต๊เห่ เตเพร อาขว่าอาคยา, แว เฮ๊ ซี ปว๋า เตเพร เน๊อ, เตเนดุ เล๊อ แต่ ซีเหน่ เร๊อ บ๊า ซี โตเบ่ เตเน เกอเร๊อ ซีเหน่เนอ แต่เหม่ นี๋. โท๊โต่ ซี โตเบ่ เตเนหนิ ซีเหน่ บ๊า อาโตอาเบ่ เนอแพ๊. แด๊เฮอ แลแม๊ เกอเร๊อ ซี เตหยื่อเตแหน่ เด๊อ จอแปแหร่ เด๊อะ ซี เนอหม่า อาดุ บ๋า เตเนอ เตเนแซ่ แลแค บ๊าเนอแพ๊ นี๋.

ꤚꤥꤗꤢꤩ꤬ 11:13

กู๊แหน่เออ, แว เฮ๊เบ่ เร๊อ ซี แกแยยิวพู๊ หม่าโต่ เต๊เห่. จอแปแหร่ นอ แว ฮู๊ เพรโด่แนพู๊ เต๊เห่ เตเพร เด๊อ แกแยยิวพู๊ หม่าโต่ เต๊เห่ อาเง อาขว่าอาคยา, เตเม เด๊อ จอแปแหร่ เด๊อ แว เออ แว เตเนดุ เกอ เร๊อ แหน่เจ๊อ อา.

เอเฟซัส 3:7

จอแปแหร่ อาบุ๊ยอาเตอเรอ อา เตเด๊อะครา เออ เร๊อ อา เตโพรเตอเรอ อาขว่าอาคยาเร๊อ, อา เด๊อะแล เฮ๊อ แว เตเมเออ เด๊อ แว เก่ เบ่ โด่แน เป่ อู เร๊อ เตซิครือมีลา เออเนอ เฮ๊อ.

เอเฟซัส 3:9

จอแปแหร่ เก่ เมเล๊อบาแฮ อา เตตี๊หรี่แตแร หนื่ออื่อ เต อาจ่ออาแย เออเต๊อเจ่อ ฮู๊เต ปาเนอ, อา เด๊อะตาเฮ๊อ แว เตเม เด๊อ แว เบ่ จว๊า เฮ๊โฉ่โปล เป่ อู เตเออเนอ เฮ๊อ. หนะ เด๊อ อา ตาลว๊า โทเต๊เห่ เนอ, จอแปแหร่ เด๊อ อา แบ๊แล เต ล๋อ ปลี เออเตเพรเนอ, อา เด๊อะโล เป่ อู อาเตเออ ล๋ายโต่.