เอเฟซัส 3:19 - ลีเทส่อพ๊าอาเซ เร๊อ เห่ขุทวาลู๊

¹⁹ อู ซิเงทว๊า ครี๊ อาเตโม เตเพร่ว โต่ หม่าแน๊เรอ แซ่ฮู๊ ซี เก่ ซิเง เกออู เนอเรอ, แว กุยจ๊อเบ เด๊อ ซีเง. เบ๊อะซี ซิเงแฮเฮ๊อ อาเตโม เบ๊อะเนอ, ซี เก่ พย๊าหนิ เล๊อบา ลอ ล๋อ จอแปแหร่ อาเหล่โกล เนอเต๊เห่ ปา.

Eastern Kayah Shadaw Dialect

¹⁹ ꤢꤨ꤭ ꤞꤤꤑꤢꤩ꤭ꤓꤝꤢ ꤋꤚꤤ ꤢ꤬ꤒꤢꤩ꤬ꤗꤥ꤬ ꤒꤣ꤬ꤖꤚꤢꤩ꤬꤮ ꤒꤥ꤬ ꤗꤢ꤬ꤔꤢꤧꤚꤣꤧ꤬ ꤞꤢꤧꤟꤢꤨ ꤞꤤ꤭ ꤊ꤫ꤢꤦ꤬ ꤞꤤꤑꤢꤩ꤭ ꤊꤣꤧ꤭ꤢꤨ꤭ ꤔꤣꤧ꤬ꤚꤣꤧ꤬, ꤠꤢꤧ꤭ ꤊꤝꤤ꤭ꤡꤢꤪꤙꤢꤩ꤭ ꤘꤣ ꤞꤤ꤭ꤑꤢꤩ꤭꤯ ꤙꤣꤧ ꤞꤤ꤭ ꤞꤤꤑꤢꤩ꤭ꤟꤢꤧ꤭ꤟꤣꤧ ꤢ꤬ꤒꤢꤩ꤬ꤗꤥ꤬ ꤢ꤬ꤋꤢꤩ꤭ꤔꤣꤧ꤬, ꤞꤤ꤭ ꤊ꤫ꤢꤦ꤬ ꤔ꤫ꤤ꤬ꤙꤢꤩ꤬ ꤜꤣꤙꤢ꤭ ꤜꤢꤪ꤭ ꤜꤢꤪ꤭ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤜ꤫ꤢꤩ꤬ꤊꤜꤥ꤭ ꤔꤣꤧ꤬ꤒꤣꤧ꤬ꤟꤢꤩ꤬ ꤕꤢ꤭꤯

เอเฟซัส 3:19 ပူးပေါင်းရင်းမြစ်များ

เอเฟซัส 1:23

เพรหยื่อเอ่ตู๊หมู่ตอกล๊อ หม่า ครี๊ อาเหน่กล่อ. เพรหยื่อเอ่ตู๊หมู่ตอกล๊อ เออเนอหมา อาเล๊ออาบาแถ่ แจ่ แพ๊ เร๊อ ครี๊ อา เตโอ่เซอเพร แพ๊. เพร เด๊อ อา เมเล๊อบาแจ่ เตปว๊า เต๊อเจ่อ เร๊อ เหล่โอ่ ปว๊า โต๊โผ่ เนอหม่า ตือแพ๊ ครี๊ แพ๊.

โคโลสี 1:10

แซ่ฮู๊ ซี เก่ โอ่เซอเพร เกอติ เร๊อ แบ่เจ่ โทเรอ แซ่ฮู๊ ซี เก่ เมโม ลู ซิปล่อ อาเงเนอ, เป กุยจ๊อเบ จอแปแหร่ ฮู๊เนอ. โท๊โต่ แซ่ฮู๊ ซี เก่ เมเตแร๊ ปว๊าเต๊อเจ่อ, เร๊อ ซี เก่ เส่แถ่แร๊ เร๊อ ซี เก่ ดุแถ่ดื่อ เด๊อ เตซิเง จอแปแหร่ อากู อาเงเนอ, เป กุยจ๊อเบ เป่ โป่ เด๊อ ซีเง.

โครินธ์ เนอบ่า ต๊าบ่า 5:14

ครี๊ อาเตโม เมเป่แก เฮ๊อ เป อาขว่าอาคยา, เป โอ่เซอเพร เป่ เด๊อ จอแปแหร่ อาเง ฮู๊เออ เฮ๊อ. เป ซิเง เร๊อ ครี๊ เซอ เป่ เด๊อ แกแย ปว๋า เตเพร อาเง อาโหง่แลช๊า หม่า หม่าเฮ๊อ แกแย ปว๋า เตเพร เซอ เต่อเกอ เฮ๊อ เร๊อ ครี๊ เฮ๊อ.

ꤛꤥ꤭ꤟꤢ꤬ 1:16

อาบุ๊ยเตอเรอ โอ่เล๊อโอ่บา เจ๊อ อาขว่าอาคยา, เป ล๋อ ปลี พย๊าหนิ เกอดื่อเฮ๊อ เตบุ๊ยเตเตอเรอ เต๊อเจ่อ โท เต๊อเจ่อ เด๊อ ลูโอ่ เฮ๊อ.

ฟีลิปปี 4:7

จอแปแหร่ เก่ เด๊อ ซี อา เตเตอเจ๊อตู๊จู่ เด๊อ แกแย เห่ขุพู๊ เตเน ทว๊าโต่ เออเนอ ปา. เด๊อ ซี ทวาแถ่ เฮ๊อ เตเตอเจ๋อโต เร๊อ เหย่ซู่ครี๊เฮ๊อ อาขว่าอาคยา, จอแปแหร่ อา เต เตอเจ๊อตู๊จู่ เก่ โอ่ป่อหม่า เร๊อดื่อ ซี ซิปล่อสู่เทอ เร๊อ ซี เตเตเน เต๊เห่ ปา.

ꤊꤢ꤬ꤜꤢ꤬ꤒꤤ 2:20

เออเนอหมา อา แซ่เฮ๊อ เน๊อ แว เซอ เต่อเกอ เร๊อ ครี๊ เด๊อ อี๊ถื่อดีเต่ อาลู เฮ๊อ. แว โอ่เซอเพร หม่าปาโต่ เฮ๊อ หม่าแน๊เรอ ครี๊ โอ่เซอเพร เฮ๊อ เด๊อ แวกู เฮ๊อ. เตโอ่เซอเพร เด๊อ แว โอ่เซอเพร กู๊แหน่ เออเนอหมา หม่าแพ๊ แว โอ่เซอเพร เด๊อ เตหยื่อเอ่ จอแปแหร่ อาพู๊คู เด๊อ อา โมเร๊อ แว เร๊อ อา เด๊อะแลแก อา ซิปล่อเซอเพร เด๊อ แวเง เออเนอ เตเพร อาคยา แพ๊.

เอเฟซัส 5:2

ซี โต โอ่เซอเพร แลแค ฮู๊เต เฮ๊เนอหม่า, โมหนิเร๊อ แลแค อูโร ปว๋า เตอเนอ แซ่เน๊อ ครี๊ โม หนิเกอเร๊อ เป เร๊อ อา ข่าเซอ อาซิปล่อ เด๊อ เปเง เนอ นี๋. โท๊โต่ ครี๊ หลู่แถ่ อา ซิปล่อเซอเพร เด๊อ จอแปแหร่ อา เป๊เส่เง แซ่เน๊อ เตโนมื๊อโนชือ เด๊อ อาโต จอแปแหร่ อาซิปล่อ เออเนอ เฮ๊อ.

เอเฟซัส 3:18

โทเรอ ครี๊ โม เจ๊อ ซี บ๋า เตเนอ, แว กุยจ๊อเบ เด๊อ ซี เร๊อ จอแปแหร่ อาแกแย บูโพ๊ เต๊เห่ เก่ ซิเงแฮ ตาเต เบ๊ลอ ปา. อาเตโม เป เออเนอ อาดุอาแย แหน่เจ๊อ, โท๊โต่ อา ตื๊อดื่อแจ่ ปา เจ๊อ โต่.

เปโตร เนอบ่า ต๊าบ่า 3:18

หม่าแน๊เรอ, ดุแถ่ แฮเงโป่ แลแค เด๊อ เตบุ๊ยดุเตอเรอทู อากู เร๊อ เด๊อ เตซิเง เพร เด๊อ อา เมแลเปล๊กา เป หม่าดื่อ เป แบ่เจ่ เหย่ซู่ครี๊ เออ อากู นี๋. กู๊แหน่เออ ตาแฮเงเนอ, อู เก่ ถู่เซ๊แถ่ ดื่อ เป แบ่เจ่ เหย่ซู่ครี๊ ตูจูเพร แตแลเคร๊ นี๋. อาเมน.

ꤛꤥ꤭ꤟꤢ꤬ 17:3

จอแปแหร่ หม่า ตื๊อ เน เตเพรแพ๊, เร๊อ แกแย เด๊อ อา ซิเง เน เร๊อ อา ซิเง เร๊อ แว หม่า เหย่ซู่ครี๊ เด๊อ เน ปลวาแฮ ลู เตเพร เต๊เห่ เนอหม่า หม่าเฮ๊อ เตซิเง เด๊อ อา เด๊อะ เหย่ซี ซิปล่อเซอเพร ตูจูเพร เฮ๊อ.

มัทธิว 5:6

แกแย เด๊อ อา ซิหยื่อ หม่าแหน่ อาจ๊ออาเต เต๊เห่เนอ, อา พย๊าหนิ เตเด๊อะบุ๊ยเด๊อะเตอเรอ. เมเตเฮ๊เรอ อา เก่ พย๊าหนิ อาก๊อ อาบาลอ เตจ๊อ เตเต เด๊อ อา ซิหยื่อ เนอ เต๊เห่ปา.

เอเฟซัส 5:25

เวซี๋, ฮู๊ ครี๊ โม หนิเกอเร๊อ อา เพรหยื่อเอ่ตู๊หมู่ตอกล๊อ เร๊อ อา เด๊อะแลแก เจ๊อ อาซิปล่อ เด๊อ เพรหยื่อเอ่ เออ ตู๊หมู่ตอกล๊อ เต๊เห่ อาเงเนอ, โมหนิ แลแค ซีเม นี๋.

ฟีลิปปี 1:7

แว ย๋อ โม แหน่เจ๊อ ซี อาขว่าอาคยา, แว เตเน ซีหรี่ซีแก ฮู๊เออเนอหม่า อาโต แพ๊. เบ๊อะแว โอ่ปา เด๊อ ทอกู อาเคเออเนอ เบ่เบ่, เบ๊อะแว โต เฮ๊เบ่ เตเก ตาตือ ฉื่อบี๊ เกอเร๊อ แว เตซิครือมีลา เร๊อ แว โต เฮ๊เบ่ หม่ากลอ ฉื่อ เกอเร๊อ แว เตซิครือมีลา อาเคเออเนอ เบ่เบ่, จอแปแหร่ เมแร๊ แหน่เจ๊อ เป เร๊อ อา เด๊อะตา โค๊ดื่อ เป เตเม เด๊อ เป เก่ เมโหร่ลู เต เร๊อ เล แด๊โฉ่โด่แน เป่ อู เร๊อ เตซิครือมีลา.

ꤚꤥꤗꤢꤩ꤬ 8:35

หม่าอูเป เตเพร ท๊อเปแกแจ่ เหย่ซู่ครี๊ อาเตโม เป เออเนอ เป? เบ๊อะเป ข่าเบ่ เจ๊อ เตแป่เตเช เบ๊อะเนอ เบ่เบ่, เตจาเตจือ เบ๊อะเนอ เนอเบ่เบ่, อู เมจาเมจือ เป เบ๊อะเนอ เบ่เบ่, เตโอ่วีโอ่กอ เบ่เบ่, โอ่แหร่กือ โอ่แหร่แซ๊ เบ่เบ่, เตต๊อหร่อเซ๊ ซิอิเช เบ๊อะเนอ เบ่เบ่, อู เมเซอ เมเหม่ เจ๊อ เป เบ๊อะเนอ เนอเบ่เบ่, อู ท๊อเปแกแจ่ เป เร๊อ เหย่ซู่ครี๊ อาเตโม เป เออเนอ เตเพร่ว โต่.

ꤚꤥꤗꤢꤩ꤬ 8:39

เต โอ่ เด๊อ ม๊อเล เต๊เห่ เบ่เบ่, อา โอ่ เด๊อ เห่ขุ ต๊าบ่าเออ อาเล เต๊เห่เนอ เบ่เบ่, เตแบ๊แล เด๊อ อาโร เต๊เห่ เบ่เบ่, เด๊อ เป แบ่เจ่ เหย่ซู่ครี๊ เมโท เป่เฮ๊อ เต เด๊อ เปเง อาขว่าอาคยา, ล๋อ เต เออเต๊เห่เนอ, อา ท๊อเปแกแจ่ เป เร๊อ จอแปแหร่ อาเตโม โต่.

เปโตร อาเหร่อเล๊อ ต๊าบ่า 1:8

ซี แม๊เถอะน๊อ อา โต่ หม่าแน๊เรอ ซี โมหนิ อา. ซี แม๊เถอะ แต่ล๋าย อา กู๊แหน่ โต่ หม่าแน๊เรอ ซี หยื่อเอ่ อา. ฮู๊เนออาขว่าอาคยา, ซี ซิครือซิลอ หม่าแหน่ เจ๊อ เร๊อ ซี ซิครือ เจ๊อ บ๋า เตเนอ เฮ๊แจ่ ปา เจ๊อ โต่.