เอเฟซัส 3:16 - ลีเทส่อพ๊าอาเซ เร๊อ เห่ขุทวาลู๊

¹⁶ จอแปแหร่ อา เตเด๊อะบุ๊ยเด๊อะเตอเรอ โอ่ปลูโอ่เผ่ เจ๊อ. ฮู๊เนอ อาขว่าอาคยา, แว กุยแถ่ อา เด๊อ อา เก่ นอ แหย่โยบูโพ๊แบ่เจ่ เก่ เด๊อะตา แฮเง เป่ ซี อาเตเด๊อะบุ๊ยเด๊อะเตอเรอฉว่าชอ เออ เร๊อ อา เก่ เมฉว่าเมชอแถ่ คยาแซ๊ ซี ซิปล่อ ปา.

Eastern Kayah Shadaw Dialect

¹⁶ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤒꤢꤩ꤬ꤏꤢꤪ꤭ꤚꤤ꤬ꤏꤢꤪ꤭ꤙꤢꤨ꤭ ꤥ꤬ꤕꤜꤢꤨ꤬ꤥ꤬ꤖꤢꤩ꤬ ꤡꤣꤧ꤯ ꤟꤢꤨꤔꤣꤧ꤬ ꤢ꤬ꤋꤝꤢ꤬ꤢ꤬ꤋꤛꤢ꤭, ꤠꤢꤧ꤭ ꤊꤝꤤ꤭ꤓꤢꤧ꤬ ꤢ꤬ ꤘꤣ ꤢ꤬ ꤊ꤫ꤢꤦ꤬ ꤔꤢꤪ꤭ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤛ꤫ꤢꤧ꤬ꤛꤥ꤬ ꤊ꤫ꤢꤦ꤬ ꤘꤣꤧꤒꤢ꤭ ꤘꤤ꤭ꤒ꤫ꤢꤦ꤬ ꤕ꤫ꤢꤩ꤬ ꤞꤤ꤭ ꤢ꤬ꤒꤢꤩ꤬ꤒꤣꤧ꤬ꤚꤣꤧ꤭ꤏꤝꤢ꤬ꤏꤢꤪ꤭ ꤣꤧ꤭ ꤚꤣꤧ꤬ ꤢ꤬ ꤊ꤫ꤢꤦ꤬ ꤗꤢꤩ꤬ꤏꤝ꤫ꤢ꤬ꤗꤢꤩ꤬ꤏꤢꤪ꤭ꤓꤢꤧ꤬ ꤋꤛꤢ꤭ꤞꤢꤧ ꤞꤤ꤭ ꤞꤤꤕꤜꤢꤪ꤬ ꤕꤢ꤭꤯

เอเฟซัส 3:16 ပူးပေါင်းရင်းမြစ်များ

โคโลสี 1:11

แซ่ฮู๊ ซี เก่ ซิครือซิลอ ข่าจาข่าจือเบ๊ แด่ทูซิปล่อเบ๊ เตแป่เตเช เออเนอ เร๊อ, เป กุยจ๊อเบ เร๊อ ล๋อ จอแปแหร่ อา เตโพรเตเตอเรอ ฉว่าชอ เต๊เห่ เก่ เด๊อะอ๊าเด๊อะเหร่ ลอ ดื่อ ซี ซิปล่อ.

ฟีลิปปี 4:13

เหย่ซู่ครี๊ เด๊อ อา เด๊อะ แว เตอ๊าเตเหร่ เออเตเพร เมจว่า แว อาขว่าอาคยา, แว เมเบ๊ลอ เฮ๊อ เตปว๋า เต๊อเจ่อ เฮ๊อ.

ทิโมธี เนอบ่า ต๊าบ่า 4:17

หม่าแน๊เรอ แซ่ฮู๊ แกแยยิวพู๊ หม่าโต่ เต๊เห่ เก่ หนิโฮน๊อ เกอ เตซิครือมีลา อาเงเนอเรอ, แบ่เจ่ โอ่เกอ เน๊อ แว เร๊อ อา เด๊อะ แว เตอ๊าเตเหร่ เร๊อ แว แด๊โฉ่โล เล๊อบา เป่โท เหย่ซี เฮ๊อ. ฮู๊เนอเรอ แว แลเปล๊ เถ่แกเฮ๊อ เออเนอหมา อา แซ่เจ๊อเร๊อ แว แลเปล๊ เถ่แก เด๊อ แอ๊ซี แกกู เจ๊อ.

โครินธ์ เนอบ่า ต๊าบ่า 4:16

เด๊อ เออเต๊เห่ อาขว่าอาคยาเร๊อ เป ซิปล่อปย๊า ตีกี๋ โต่. เปเหน่กล่อ อาอ๊าอาเหร่ โตโพ๊ตี๊กิ, โตโพ๊ตี๊กิ อา อ๊าเจ่เหร่เจ่ แฮ หม่าแน๊เรอ เป ซิปล่อ เออเนอ, เตอเนอ เร๊อ เตอเนอ อา อ๊าฉว่าอ๊าชอแถ่ แพ๊.

เอเฟซัส 6:10

เด๊อคยา ตื๊อดื่อเนอ, แว ซิหยื่อ เฮ๊ ซี ฮู๊เออ, แซ่ฮู๊ ซี เก่ฉว่าเก่ชอแถ่ เนอ, พย๊า แลแค แบ่เจ่ อา เตโพรเตเตอเรอ ฉว่าชอ เออเต๊เห่ นี๋. อา เตโพรเตเตอเรอ ฉว่าชอ เออเต๊เห่ เนอหม่า อาฉว่าอาชอ แหน่เจ๊อ.

โครินธ์ เนอบ่า ต๊าบ่า 12:9

หม่าแน๊เรอ อา เฮ๊ฉื่อ แว เน๊อ, “ล๋อ เน โหล่เบ่ เต เด๊อ แว โอ่ เต๊เห่ เร๊อ เน เตจาเตจือ เออเต๊เห่ อาเง เนอหม่า, ตื๊อแพ๊ แวบุ๊ยแวเตอเรอ เด๊อ อา เมจว่า เน เออเนอ แพ๊. เบ๊อะเน อ๊าเจ่เหร่เจ่ ฮู๊เนอ อาเค, แว เตโพร ฉว่าชอ เก่ โอ่โลแถ่ เด๊อ เนกู ปา.” ฮู๊เนอ อาขว่าอาคยา แซ่ฮู๊ อู เก่ แม๊เถอะ แฮเง ตื๊อดื่อ โป่ ครี๊ อา เตโพร ฉว่าชอ โอ่ เด๊อ แวกู เออเนอ, แว เก่ เฮ๊เบ่ ถู่เซ๊ เกอเร๊อ แว เตอ๊าเจ่เหร่เจ่ อาหรี่อาแก เออเต๊เห่ ปา. แว เก่ เฮ๊เบ่ ถู่เซ๊ เกอเร๊อ แวเหน่ ฮู๊เนอเรอ แว ซิครือซิลอ แพ๊.

ฟีลิปปี 4:19

เด๊อ เหย่ซู่ครี๊ อาขว่าอาคยาเร๊อ, จอแปแหร่ เก่ เมจว่า เป่ ลอ ซี ล๋อ ซี โหล่เนอเต๊เห่ ปา. ฮู๊ อา ดุแหย่แถ่เซ เล๊อบา ตาป่อตาเป เฮ๊แจ่ ปา เจ๊อโต่ เออเนอ, อา เก่ เมจว่า เกอดื่อ ซี ฮู๊เนอ ปา.

ꤚꤥꤗꤢꤩ꤬ 7:22

เด๊อ แว ซิปล่อกู เนอ แว โม แหน่เจ๊อ จอแปแหร่ อา เตซว๊าเตแส่ เจ๊อ.

โครินธ์ อาเหร่อเล๊อ ต๊าบ่า 16:13

แว โป่แหว่ ซี๋, โอ่ส่าเซ แลแค ซีเหน่ ปว๋า โตโพ๊ นี๋, ก๊อถ่อ แตแนหม่า แลแค เด๊อ ซี เตหยื่อเอ่ ครี๊ เออ อากูเนอ นี๋, แด่ บื่อ เกอ แลแค ซี ซิปล่อ นี๋, แด่ฉว่าแด่ชอ แลแค ซี ซิปล่อ เด๊อ เตหยื่อ อากูเนอ นี๋.

ꤚꤥꤗꤢꤩ꤬ 9:23

แซ่ฮู๊ จอแปแหร่ เก่ เด๊อะโลเร๊อ เป่ แกแย เด๊อ อา ซิยอ เกอเร๊อ ลู เนอเต๊เห่ เร๊อ อา เม โค๊ตีกลี๊ เป่ แหน่เจ๊อ เหย่ซี, เร๊อ อา แด่ทูซิปล่อ เป่ แหน่เจ๊อ เหย่ซี เจ๊อ. อา นว๊าแถ่ หนื่ออื่อ เหร่อ เฮ๊อ เหย่ซี เฮ๊อ เร๊อ อา เก่ เด๊อะ เป่ เหย่ซี เร๊อ อา เตอเรอดุทู เออเนอ ปา.

โคโลสี 1:27

จอแปแหร่ ซิปล่อโอ่ เด๊อ อา เก่ เบ่ แด่โลแถ่ เป่ อาแกแย เต๊เห่ เน๊อ อา เตแด่โอ๊แด่บี๊ เออเต๊อเจ่อ. อา เตแด่โอ๊แด่บี๊ เออเนอหมา แกแยยิวพู๊ หม่าโต่ เต๊เห่ อาเง เนอหม่า อาหม่าหม่า. เตแด่โอ๊แด่บี๊ เออเนอหมา อา งูดุงูชอ, อาเตอเรอดุเตอเรอทู แหน่เจ๊อ. เตแด่โอ๊แด่บี๊ เออเนอหมา หม่าเฮ๊อ ครี๊ เด๊อ อา โอ่ เด๊อ ซีเหน่ลู เออเนอเฮ๊อ, เร๊อ อาโหง่แลช๊า หม่า หม่าเฮ๊อ ซี เก่ พย๊าหนิ เกอดื่อ จอแปแหร่ อาเตอเรอดุเตอเรอทู ปา, เออเนอเฮ๊อ.

เอเฟซัส 3:8

เด๊อ จอแปแหร่ แกแย เออเต๊เห่ อาเกลเนอ, แว หม่า แกแย เด๊อ อาโตอาเบ่ เกอ เจ๊อ อู ตีกี๊โต่ เตเพร. ฮู๊เนอ เจ๊อ ตื๊อดื่อเรอ จอแปแหร่ เด๊อะตา แว เตบุ๊ยเตเตอเรอ เออ เร๊อ แว เก่ เบ่ แด๊โฉ่โล เป่ แกแยยิวพู๊ หม่าโต่ เต๊เห่ เร๊อ ครี๊ อา เตงูดุงูชอ เด๊อ แม๊ปูซิเง เบ๊ เจ๊อ อาหรี่อาแก โต่ เออเต๊เห่.

เอเฟซัส 1:18

แซ่ฮู๊ ซี เก่ ซิเงโปลแร๊ เกออู เตเม อาโค๊ตีกลี๊ เด๊อ อา อ๊อแล เป่โท เฮ๊อ อาแกแย เด๊อ อา เอ๊ เร๊อดื่อ ลู เนอเต๊เห่ อาเงเนอ, แว กุยจ๊อเบ เด๊อ อา เก่ เด๊อะซิเงโปล เป่ ซี แพ๊. จอแปแหร่ เด๊อะ แคร๊ เฮ๊อ อาแกแย เออเต๊เห่ อู่เจเต๊เหย่ เด๊อ อางูดุงูชอ, อาตว่าอาแร๊ เต๊เห่ แคร๊ อิเตเฮ๊อเนอ, แว ซิหยื่อ นอซิเง ตาเต เกอ ซี.

มัทธิว 6:13

นอจว๊าโน แต่ เป เด๊อ เตอิลออี๊โหล่ อาเกล เนอ แต่เหม่ นี๋. หม่าแน๊เรอ เมแลเปล๊กา เร๊อเป เด๊อ โลเน๊มู๊แหม่ กู่กล๊อ อา กู๊ยากู เออเนอ นี๋. (เมเตเฮ๊เรอ เทอเก่ เบ่เบ่, เตโพรเตเตอ เรอ เบ่เบ่, เตเตอเรอดุ เตอเรอทู เบ่เบ่ หม่าดื่อเฮ๊อ เนเต ตูจูเพร ตาแลเคร๊ เฮ๊อ. อาเมน.)’

เอเฟซัส 1:7

เด๊อ ครี๊ ข่าเซอ อาเหน่ เร๊อ อาสุ่ย ทุ๊ยแล อาขว่าอาคยา, จอแปแหร่ อี๊ถ่า เฮ๊อ เป, เร๊อ อา ปลวาแก ลอเฮ๊อ เป เตซื๊อ เฮ๊อ. จอแปแหร่ อาบุ๊ยอาเตอเรอ เออเนอ, อาดุอาแย แหน่เจ๊อ เด๊อ เปเง เจ๊อ.

ꤟꤤꤙꤚꤢꤨ 11:34

เหย่ซี เมปีเบ๊ แลแค หมิแก โรโซดุ เต๊เห่. เหย่ซี แลเปล๊เบ๊ แลแค เร๊อ อู ชือเซอ เหย่ซี เร๊อ อิโท๊เน๊โก๊ เต๊เห่. เหย่ซี อ๊าเจ่เหร่เจ่ แพ๊ หม่าแน๊เรอ เหย่ซี ทวาแถ่ แกแย เด๊อ อาฉว่าอาชอ แหน่เจ๊อ เต๊เห่. เหย่ซี พย๊าหนิ เตเตอเรอฉว่าชอ เด๊อ เตช๊าเตปา อาเง เร๊อ อา เมเป่แก เทอโร เก่กลอพู๊ เด๊อ อา ซิเถ่ซิฮา เหย่ซี เต๊เห่.

เปโตร อาเหร่อเล๊อ ต๊าบ่า 3:4

หม่าแน๊เรอ, ทวา แลแค แกแย เด๊อ อา ตี๊หรี่ตว่าแร๊ อาซิปล่อ ฮ๊อกู เนอเต๊เห่ นี๋. ซี โตเบ่ ซิปล่อ ซิโดซิงา, ซี โตเบ่ ซิปล่อ ตู๊จู่เตอเจ๊อ. เตตว่าเตแร๊ ฮู๊เออ เต๊เห่เนอ, อา โอ่ข่างยา เร๊อ จอแปแหร่ แด่ งูดุงูชอ แหน่เจ๊อ อาเจ๊อ.

เอเฟซัส 2:7

จอแปแหร่ เออเนอ อาแร๊ แหน่เจ๊อ เด๊อ เป ทวา ลูแกแย เออเต๊เห่ อาขุ. ครี๊ เม เป่ โทเฮ๊อ เต เด๊อ เปเง อาขว่าอาคยา, จอแปแหร่ เด๊อะโลตา เฮ๊อ อา เตเมโมเมแร๊ เป เออเต๊เห่ เฮ๊อ. แซ่ฮู๊ จอแปแหร่ เก่ เด๊อะโล เป แกแยเห่ขุพู๊ ช๋า เนอปา ตือทือ เต๊เห่ เร๊อ อาบุ๊ยดุอาเตอเรอทู เออเต๊เห่ ปาเนอ เนอ, อา เม เป่ เด๊อ เปเง ฮู๊เออ แพ๊.

ꤚꤥꤗꤢꤩ꤬ 2:29

แกแยยิวพู๊ หม่าแหน่ เตเพร เนอหม่า, อา เบ่ ดื๊อ อาซิปล่อ เด๊อ อา หม่าเฮ๊อ แหย่โยบูโพ๊ แบ่เจ่ ถู่แหล่ เต๊เปล่แก ลูซิปล่อ เออเนอ. เตซว๊าเตแส่ เออเนอ อา ถู่แหล่ เต๊เปล่แก แจ่ ลูซิปล่อ โต่. แกแยเห่ขุพู๊ ถู่เซ๊แถ่ เกอ แกแย เด๊อ อา ดื๊อ อาซิปล่อ เนอ เต๊เห่ โต่ หม่าแน๊เรอ จอแปแหร่ ถู่เซ๊แถ่ เกอเร๊อ เหย่ซี.

เอเฟซัส 3:15

ล๋อ ม๊อขุ อา หี่พู๊แพพู๊ เต๊เห่เนอ เบ่เบ่, ล๋อ เห่ขุ อา หี่พู๊แพพู๊ เต๊เห่เนอ เบ่เบ่, จอแปแหร่ เออเนอหมา เหย่ซี อาเพ หม่าแหน่ เตเพร.

โคโลสี 2:2

แซ่ฮู๊ แว เก่ เด๊อะอ๊าเด๊อะเหร่หนิ เหย่ซี เร๊อ แว เมฮู๊เออ แพ๊. แซ่ฮู๊ เหย่ซี ซิปล่อ เก่ จิจือ หนิเกอเร๊อ ลู เตเพร เน๊อ เตเพร เด๊อ เตโม อากู, โท๊โต่ แซ่ฮู๊ เหย่ซี เก่ พย๊าหนิ ลอหล่าตี๊กลิ ตาเตลอ เตซิเง, ฮู๊เนอเรอ เหย่ซี ซิเงโปลแฮเฮ๊อ จอแปแหร่ อาเตแด่ โอ๊โอ่บี๊ หม่าเฮ๊อ ครี๊ เออเนอ เร๊อ แว แอ๊จื๊อ แอ๊เหร่ เม แหน่แหน่ เจ๊อ เป่ ซี เฮ๊อ.