เอเฟซัส 2:8 - ลีเทส่อพ๊าอาเซ เร๊อ เห่ขุทวาลู๊

⁸ เมเตเฮ๊เรอ, เด๊อ ซี หยื่อเอ่ ครี๊ เร๊อ จอแปแหร่ อาบุ๊ยอาเตอเรอดุทู แหน่เจ๊อ เด๊อ ซีขุเออ อาขว่าอาคยา, อา เมแลเปล๊กา เฮ๊อ ซี เฮ๊อ. เด๊อ ซี แหน่แบ่เจ่ เร๊อดื่อ ลอ แอ๊จื๊อแอ๊เหร่ ขว่าคยา เร๊อ ซี พย๊าหนิ เตแลเปล๊กา หม่าโต่. เออ หม่า จอแปแหร่ เด๊อะตาครา แพ๊ ซี แพ๊.

Eastern Kayah Shadaw Dialect

⁸ ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬, ꤘꤣ ꤞꤤ꤭ ꤛ꤫ꤢꤦ꤬ꤢꤩ꤬ ꤋꤚꤤ ꤔꤢꤧ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤙꤝꤤꤢ꤬ꤒꤣꤧ꤬ꤚꤣꤧ꤭ꤘꤢꤨ꤬ꤓꤢꤨ꤭ ꤔꤢꤧ꤬ꤡꤣꤧ ꤘꤣ ꤞꤤ꤭ꤋꤢꤨ꤬ꤣꤧ꤭ ꤢ꤬ꤋꤝꤢ꤬ꤢ꤬ꤋꤛꤢ꤭, ꤢ꤬ ꤗꤢꤩ꤬ꤜꤣꤧ꤬ꤕꤜꤢꤩꤊꤢ꤬ ꤟꤣꤧ ꤞꤤ꤭ ꤟꤣꤧ꤯ ꤘꤣ ꤞꤤ꤭ ꤔ꤫ꤢꤩ꤬ꤙꤢꤧ꤬ꤡꤢꤩ꤬ ꤚꤣꤧꤘꤢꤦ꤬ ꤜꤢ꤭ ꤢꤧꤡꤢꤦꤢꤧꤚꤢꤩ꤬ ꤋꤝꤢ꤬ꤋꤛꤢ꤭ ꤚꤣꤧ꤬ ꤞꤤ꤭ ꤔ꤫ꤤ꤬ꤙꤢꤩ꤬ ꤒꤢꤩ꤬ꤜꤣꤧ꤬ꤕꤜꤢꤩꤊꤢ꤬ ꤗ꤫ꤢ꤬ꤒꤥ꤬꤯ ꤣꤧ꤭ꤗꤢ꤬ ꤡꤢꤪꤗꤣꤧ꤬ꤚꤢꤧ꤬ ꤘꤣꤧꤒꤢ꤭ꤋꤚꤢ꤭ ꤖꤢꤧ ꤞꤤ꤭ ꤖꤢꤧ꤯

เอเฟซัส 2:8 ပူးပေါင်းရင်းမြစ်များ

มัทธิว 16:17

เร๊อ แบ่เจ่ เหย่ซู่ เฮ๊ฉื่อ ลู เน๊อ, “เพโยนาห์ อาพู๊, คูซีโมน, จอแปแหร่ เด๊อะบุ๊ยเด๊อะเตอเรอ เฮ๊อ เน, เมเตเฮ๊เรอ เออ หม่า แกแยเห่ขุพู๊ เด๊อะซิเง แถ่โล เน หม่าโต่, หม่าดื่อ เพ จอแปแหร่ เด๊อ ม๊อขุ เตเพร เด๊อะซิเง แถ่โล เน แพ๊.

มัทธิว 20:9

“เพรแรเต เด๊อ อา แฮ แรเต เด๊อ เหมาะเฮ๊แล แงมือ เนอ เต๊เห่ แฮพย๊า เหร่อเล๊อ คว๊าเก่ เร๊อ เพร เด๊อ อา เป๊อ แม๊ตู่หนิ เพร๊ขุ เออเตเพร เด๊อ เหย่ซี เตเพร เร๊อ รือ หย่า เดนาริอัน เต๊เบ่.

ꤗꤢ꤬ꤊꤢꤨ 16:16

แกแย เด๊อ อา หยื่อเอ่ เตซิครือซิลอมีลา เออ เร๊อ อา เจอาเหน่ เร๊อ เทอ เตเพรเพร เนอ, อา เก่ พย๊าหนิ เตเมแลเปล๊กา ปา. หม่าแน๊เรอ แกแย เด๊อ อา หยื่อเอ่ โต่ เต๊เห่เนอ อา เก่ ข่าเบ่ เตเมจากาคยา ป๋า.

ꤜꤢꤨꤊꤢ꤬ 7:50

หม่าแน๊เรอ เหย่ซู่ เฮ๊เร๊อ เพรเหมาะ เนอเตเพร เน๊อ, “เน เตหยื่อเตแหน่ เนอ, อา เมแลเปล๊กา เฮ๊อ เน เฮ๊อ. กาโมโม กาแร๊แร๊ ดื่อ นี๋.”

ꤛꤥ꤭ꤟꤢ꤬ 3:36

แกแย เด๊อ อา หยื่อเอ่แหน่ พู๊คู เออเตเพร เต๊เห่เนอ, อา พย๊าหนิ ซิปล่อเซอเพร ตูจูเพร. เร๊อ แกแย เด๊อ อา หนิดา เกออู โต่ เร๊อ อา หยื่อเอ่แหน่ เกออู พู๊คูเออ โต่ เต๊เห่เนอ, อา พย๊าหนิ เกออู ซิปล่อเซอเพรโต่. จอแปแหร่ อาเต เมจากาคยา ตาโอ่ เด๊อ แกแย เนอเต๊เห่ อาลู.”

ꤛꤥ꤭ꤟꤢ꤬ 4:10

เหย่ซู่ เฮ๊ฉื่อ ลู เน๊อ, “เน เก่ ซิเงบย่า จอแปแหร่ อา เตเด๊อะครา เชหยู่ โทเรอ เพร เด๊อ อา กุยโอ เนเทอ เออเตเพร หม่า อูเป เนอ เน เก่ ซิเง โป่บย่า เฮ๊หม่า, เน เก่ กุยโอ แว เทอ ปา เร๊อ แว เก่ เด๊อะโอ เน เทอ เด๊อ อา เด๊อะ อู ซิปล่อเซอเพร เออเนอ ปา.”

ꤛꤥ꤭ꤟꤢ꤬ 5:24

“แว เฮ๊จ๊อจ๊อ ซี, แกแย เด๊อ อา หนิโฮ แว ลาโหง่ เออเรอ อา หยื่อเอ่แหน่ เพร เด๊อ อา นอแฮแล แว เออเตเพร เต๊เห่เนอ, อา พย๊าหนิ ซิปล่อเซอเพร ตูจูเพร เฮ๊อ. เร๊อ อา แม๊เถอะ เบ่น๊อปา เด๊อ เตเมจากาคยาโต่. อา จว๊า ตาลว๊าเบ๊ เฮ๊อ เร๊อ เตเซอ เร๊อ อา จว๊าโน เฮ๊อ เด๊อ เตเซอเพร อากูเฮ๊อ.

ꤛꤥ꤭ꤟꤢ꤬ 6:35

เร๊อ แบ่เจ่ เหย่ซู่ เฮ๊ฉื่อ เหย่ซี เน๊อ, “แว หม่า เหล่เอ่ เด๊อ อา เด๊อะ อู ซิปล่อเซอ เพร เฮ๊อ. แกแย เด๊อ อา แฮโต เด๊อ แวโอ่ เนอ, อา ซิกู๊ซิวี ปา โตโพ๋ โต่. แกแย เด๊อ อา หยื่อเอ่ แว เนอ, อา ซิโอปา แตแค๋ โต่.

ꤛꤥ꤭ꤟꤢ꤬ 6:37

ล๋อ แกแย เด๊อ แวเพ เด๊อะ แว เต๊เห่เนอ, อา เก่ แฮ เด๊อ แวโอ่ ปา. อูเปเป๋ เบ่เบ่, อา เก่ แฮ เด๊อ แวโอ่ เนอ, แว เหว่เถ่แก เร๊อ อา ตีกี๋ โต่.

ꤛꤥ꤭ꤟꤢ꤬ 6:40

เมเตเฮ๊เรอ, แวเพ อา เตซิหยื่อ หม่า หม่าเฮ๊อ ล๋อ แกแย เด๊อ อา แม๊เถอะ อาพู๊คู เออ เร๊อ อา หยื่อเอ่ เต๊เห่เนอ, อา เก่ พย๊าหนิ ซิปล่อเซอเพร ตูจูเพร, เร๊อ แว เก่ เม ก๊อถ่อเซอเพร กาคยา เหย่ซี ช๋า ม๊อเนอ เด๊อคยา ตื๊อดื่อเล๊อ เนอเตอเนอ ปา.”

ꤛꤥ꤭ꤟꤢ꤬ 6:44

เก่ หม่า เน๊อ แวเพ เด๊อ อา นอแฮ แวเออ เตเพร เก่ นอแฮ อู เด๊อ แวโอ่ โต่ เฮ๊เนอ, อู จว๊าเบ๊ เด๊อ แว โอ่ เตเพร่ว โต่. แกแย เด๊อ อา แฮ เด๊อ แวโอ่ เต๊เห่เนอ, แว เก่ เม ก๊อถ่อเซอเพร กาคยา เหย่ซี ช๋า ม๊อเนอ เด๊อคยา ตื๊อดื่อเล๊อ เตอเนอ ปา.

ꤛꤥ꤭ꤟꤢ꤬ 6:65

อา เฮ๊ เป่แฮ โป่ เน๊อ, “เด๊อ ซีเกลเนอ แกแย หยื่อเอ่ แว โต่ โอ่เต๊เห่, ตื๊อเรอ แว เฮ๊ เฮ๊อ ซี เนอ, เพ เก่ นอแฮ อู เด๊อ แวโอ่ โต่ เฮ๊เนอ อู จว๊าเบ๊ เด๊อ แวโอ่ เตเพร่ว โต่, ฮู๊เนอ เฮ๊อ.”

เพรโด่แนพู๊ เต๊เห่ 13:39

เด๊อ เหย่ซู่ เมโทเฮ๊อ อาขว่าอาคยา, แกแย เด๊อ อา หยื่อเอ่ เหย่ซู่ ปว๋า เตเพร เนอ จอแปแหร่ ปลวาแก ลอเฮ๊อ ลูเตซื๊อ เร๊อ อา แด่จ๊อแด่เตแก ลู เฮ๊อ. เด๊อ ซี ครวาลือ เมเกอ คูโมเสส อา เตซว๊าเตแส่ อาขว่าอาคยา, จอแปแหร่ ปลวาแกแจ่ ซี เตซื๊อ เนอเต๊เห่ ตีกี๋ โต่.

เพรโด่แนพู๊ เต๊เห่ 14:27

เบ๊อะเหย่ซี กาโต่ เด๊อ วีอันทิโอก เบ๊อะเนอ, เหย่ซี เอ๊ปล๊อ เพรหยื่อเอ่เต ตู๊หมู่ตอกล๊อ เต๊เห่ เร๊อ อา แด๊โฉ่โด่แน ลอ เหย่ซี เร๊อ ล๋อ จอแปแหร่ เมเต่อเกอเต เร๊อ เหย่ซี เนอเต๊เห่ เร๊อ แกแยยิวพู๊ หม่าโต่ เต๊เห่ เก่ หยื่อเอ่แลแค เกอ อาเง เนอ, จอแปแหร่ บ๊าโมแถ่ เป่ เหย่ซี กู่ดา.

เพรโด่แนพู๊ เต๊เห่ 15:11

จว๊าเม แลแคเตฮู๊เนอ แต่เหม่, เด๊อ แบ่เจ่ เหย่ซู่ อาบุ๊ยอาเตอเรอ อาขว่าอาคยา, เป พย๊าหนิ เตเมแลเปล๊กา แพ๊ เป หยื่อเอ่ ฮู๊เนอ. เหย่ซี๋ หม่า อา พย๊าหนิ แซ่เกอดื่อ เตเมแลเปล๊กา ฮู๊ เป พย๊าหนิ เนอเนอ แพ๊,” คูเปโตร เฮ๊ เหย่ซี ฮู๊เนอ.

เพรโด่แนพู๊ เต๊เห่ 16:14

เพรเหมาะ เด๊อ อา หนิดา เป เตเฮ๊เบ่ เออ อาเกล เตเพรเนอ, อามุย เร๊อ เหมาะลิเดีย, อา หม่า วีธิยาทิราพู๊ เตเพร เร๊อ อา อิเช อิเก เต๊เผ่ล๊อซอ งูดุ เต๊เห่. อา หม่า เพรเหมาะ เตเพร เด๊อ อา จ๊อบู่จ๊อเบ จอแปแหร่. เร๊อ แซ่ฮู๊ อา เก่ หยื่อเอ่เกอ คูเปาโล อา เตโด่แนเฮ๊เบ่ เป่ อู เออเต๊เห่ อาเงเนอเร๊อ, จอแปแหร่ บ๊าโม เป่ ลูซิปล่อ.

เพรโด่แนพู๊ เต๊เห่ 16:31

เร๊อ เหย่ซี เฮ๊ฉื่อ ลู เน๊อ, “หยื่อเอ่แลแค แบ่เจ่ เหย่ซู่ เออเนอ, เร๊อ เน เด๊อ แกแย เด๊อ อา จว๊า โอ่ลอเกอ เร๊อ เน เด๊อ เนหี่กู เต๊เห่เนอ, อา เก่ พย๊าหนิ ดื่อ เตเมแลเปล๊กา ปา.”

ꤚꤥꤗꤢꤩ꤬ 10:14

เก่ เมฮู๊เนอเรอ, เหย่ซี เตหยื่อ เก่ โอ่โต่ เฮ๊เรอ อา จว๊า กุยแถ่แจ่ เตเมจว่า เด๊อ แบ่เจ่ เหย่ซู่ อา โอ่ ฮู๊เต? เก่ เหย่ซี หนิโฮน๊อ โต่ เฮ๊เรอ อา จว๊า หยื่อเอ่แจ่ แบ่เจ่ เหย่ซู่ ฮู๊เต? เพรโด่แนพู๊ เต๊เห่แด๊โฉ่ เป่ เหย่ซี เก่ โอ่โต่ เฮ๊เรอ เหย่ซี จว๊าหนิโฮแจ่ ฮู๊เต?

ꤚꤥꤗꤢꤩ꤬ 10:17

เมฮู๊เนอเรอ, เตหยื่อ หม่า อา โอ่ เด๊อ เตหนิโฮ เตหรี่เตแก อาโอ่ แฮ แพ๊. เด๊อ อู โด่แนแด๊โฉ่ เป่ ครี๊ อาหรี่อาแก อาขว่าอาคยาเร๊อ, อู หนิโฮน๊อ เกอ เตหรี่เตแก แพ๊.

ꤚꤥꤗꤢꤩ꤬ 4:16

ฮู๊เนอเรอ, เป พย๊าหนิแจ่ จอแปแหร่ อา เตอ๊อแล เน๊อ เป เตหยื่อ เตอเจ๋อ แพ๊. เมเตเฮ๊เรอ แซ่ฮู๊ เป เก่ พย๊าหนิ เกอ เตเออเนอ เร๊อ อาบุ๊ยอาเตอเรอ อาขว่าอาคยา ตื๊อแพ๊ อาเงเนอ, เป เบ่ โอ่ เร๊อ เตหยื่อ. โท๊โต่, ล๋อ เพอับราฮัม อากลุยอาแล เต๊เห่เนอ, อา เก่ พย๊าหนิ ลอ เตอ๊อแล เออ ปา. แกแย เด๊อ อา ลือครวาเมเกอ แกแยยิวพู๊ อาเตซว๊าเตแส่ เนอเต๊เห่ เก่ พย๊าหนิ ตื๊อดื่อ หม่าโต่, แกแย เด๊อ อา หยื่อเอ่ แซ่เกอ เร๊อ เพอับราฮัม เนอเต๊เห่ เก่ พย๊าหนิ ลอเกอ ปา ปา. เพอับราฮัม หม่า เป ล๋อ ปลี อาเพ.

ꤚꤥꤗꤢꤩ꤬ 4:5

หม่าแน๊เรอ แกแย เด๊อ อา หยื่อเอ่ เกอเร๊อ เกอ อา เตเมแร๊ เออเต๊เห่ โต่, เร๊อ อา เก่ หยื่อเอ่หนิ แพ๊ จอแปแหร่ เด๊อ อา เมจ๊อเมเต กา แกแยจา แกแยมู๊แหม่ เออ เตเพร แพ๊ เก่เฮ๊เรอ, จอแปแหร่ แม๊เถอะ ลู เตหยื่อเออ เร๊อ อา เก่ แด่จ๊อแด่เต ลู เน๊อ อาเหน่ เร๊อดื่อ ปา.

ꤚꤥꤗꤢꤩ꤬ 9:16

ฮู๊เนอเรอ เป เหล่ซิเลแถ่ เกอเร๊อ เป แกแย อา เตซิหยื่อ, หม่าโต่เรอ, อาเต แอ๊จื๊อแอ๊เหร่ เต๊เห่ เนอหม่า อาหนิ โต่. เตล๋อ ปลี เด๊อ เป เหล่ซิเล แถ่หนิ เนอหม่า ตื๋อแพ๊ จอแปแหร่ อา เตซิยอ แพ๊.

ꤊꤢ꤬ꤜꤢ꤬ꤒꤤ 3:14

แซ่ฮู๊ แกแยยิวพู๊ หม่าโต่ เต๊เห่ เก่ พย๊าหนิ เกอดื่อ เตบุ๊ยเตเตอเรอ เนอเรอ, เหย่ซู่ครี๊ แฮอิถ่ากา โท ลอ เป่ เฮ๊อ เป เฮ๊อ. เตเด๊อะบุ๊ยเด๊อะเตอเรอ เออเนอ, อา แซ่เฮ๊อ เน๊อ จอแปแหร่ อ๊อแลแก เพ อับราฮัม มู๋ หนู่เค เนอ เฮ๊อ. โท๊โต่ จอแปแหร่ อ๊อแล โทเฮ๊อ เน๊อ อา เก่ เด๊อะตา เป แหย่โยบูโพ๊ แบ่เจ่ ปา. แซ่ฮู๊ แกแย เด๊อ อา หยื่อเอ่ เหย่ซู่ เต๊เห่ เก่ พย๊าหนิ แหย่โยบูโพ๊ แบ่เจ่ ปาเนอเรอ, เหย่ซู่ แฮ อี๊ถ่า เป แพ๊.

ꤊꤢ꤬ꤜꤢ꤬ꤒꤤ 3:22

หม่าแน๊เรอ ลีเทส่อพ๊ากู เฮ๊ เนอ, เห่ขุ เออต๊าบ่า ลอเนอ, อา โอ่ ลอ เด๊อ เตซื๊อเตปล๊า อา เตเป๊ออาเล แพ๊. ฮู๊เนอ อาขว่าอาคยา, จอแปแหร่ อา เตเด๊อะบุ๊ยเด๊อะเตอเรอ เออเนอ อา อ๊อแล เน๊อ เป เก่ หยื่อเอ่ เหย่ซู่ ตื๊อหม่า อา เด๊อ เป ปา แพ๊. ซิปล่อเซอเพร ตูจูเพร เออเนอ อา เด๊อะตื๊อแพ๊ แกแย เด๊อ อา หยื่อเอ่ เหย่ซู่ครี๊ เนอเต๊เห่ แพ๊.

เอเฟซัส 1:19

โท๊โต่ อา เตโพรอาเตอเรอ เด๊อ อา เก่ เมจว่า เป่ แกแย เด๊อ อา หยื่อเอ่ ลู เออเต๊เห่เนอ, อาดุเจ๊อ บ๋า เตเนอ, แว ซิหยื่อ นอซิเง เกอ ซี เร๊อ แว กุยจ๊อเบ เป่ เด๊อ ซิเง แพ๊. เตโพรอาเตอเรอ เออเนอหมา อา เตอเรอฉว่าชอ แซ่เจ๊อเน๊อ,

เอเฟซัส 2:10

กู๊แหน่เรอ เป ทวาแถ่ ฮู๊เออ เนอหม่า, จอแปแหร่ เม เป่ เป แพ๊. เด๊อ เป ทวาแถ่ เตอเจ๋อโต เฮ๊อ เร๊อ เหย่ซู่ครี๊ อาขว่าอาคยา, จอแปแหร่ เด๊อะ เป เตโอ่เซอเพร อาเซ เฮ๊อ. แซ่ฮู๊ เป เก่ เมเตแร๊ อาเงเนอเนอ, อา เด๊อะ เฮ๊อ เป เฮ๊อ. เป เก่ เม เตแร๊ เออเต๊เห่ อาเงเนอ, อา ตี๊หรี่แตแร หนื่ออื่อ งย๋า เป่ลาเฮ๊อ เด๊อ เปเง เฮ๊อ.

เอเฟซัส 2:5

เบ๊อะเนอเค เป จูเอ่ เกอ เจ๊อ อาโหง่ โต่, เป แซ่เจ๊อ เร๊อ แกแยเซอ เนอ เจ๊อ ตื๊อดื่อเรอ อา เด๊อะ เต่อเกอ เฮ๊อ เป เตโอ่เซอเพร อาอาเซ เร๊อ ครี๊ เฮ๊อ. จอแปแหร่ อาบุ๊ยดุอาเตอเรอทู อาขว่าอาคยาเร๊อ, เป พย๊าหนิเฮ๊อ เตแลเปล๊กา เฮ๊อ.

ฟีลิปปี 1:29

เมเตเฮ๊เรอ, จอแปแหร่ เด๊อ ตื๊อแพ๊ ซี เตเด๊อะบุ๊ยเด๊อะเตอเรอ เด๊อ ซี เก่ หยื่อเอ่ ครี๊ เออเนอ หม่าโต่, อา ซิปล่อโอ่ เกอดื่อ เร๊อ ซี เก่ ข่าเกอ เตเมจาเมจือ เด๊อ ครี๊ อาเงเง.

โคโลสี 2:12

เบ๊อะซี เจ ซีเหน่ เน๊อ เทอ เบ๊อะเนอ, ซี เหล่โกล มู๊แหม่ เต๊เห่เนอ, ซี โล๊ตา เต่อเกอ โทเฮ๊อ เร๊อ ครี๊ เฮ๊อ. เร๊อ ซี เหน่เหล่โกลเม เต๊เห่เนอ, จอแปแหร่ เมเซอเพร กาคยา เต่อเกอ เฮ๊อ เน๊อ ครี๊ เฮ๊อ. เด๊อ ซี หยื่อเอ่หนิ จอแปแหร่ อา เตโพรเตเตอเรออาฉว่าชอ เด๊อ อา เม ก๊อถ่อเซอเพร กาคยา คยาแซ๊ ครี๊ เด๊อ เตเซอ เออ อาขว่าอาคยา, อา ทวาแถ่ โทลอ เฮ๊อ ฮู๊เนอ เฮ๊อ.

เธสะโลนิกา เนอบ่า ต๊าบ่า 1:9

เหย่ซี เก่ ข่าเบ่ เตปย๊าเตหลู่ ตูจูเพร อา เต เมจากาคยา เออเนอ ปา. โทเรอ แบ่เจ่ เก่ แด่ตาพาแก เหย่ซี เด๊อ อา เป๊เส่เง เร๊อ อา เตเตอเรอดุทู เด๊อ อาโพรอาเตอเรอ เออเต๊เห่ อาเป๊เส่เง ปา.

ꤟꤤꤙꤚꤢꤨ 6:4

แกแย เด๊อ อา วีแก อาเตหยื่อ เต๊เห่เนอ เหย่ซี ถู่แหล่เต๊เปล่ กาคยา แจ่ ปา อาซิปล่อ แตแค๋ โต่. เด๊อ เนอเค, เหย่ซี ซิเง โทเฮ๊อ จอแปแหร่ อา เตหมะเตจ๊อ เต๊เห่ เฮ๊อ. เหย่ซี แม๊เถอะ ซิเงแฮเบ่น๊อ โทเฮ๊อ จอแปแหร่ อาเชหยู่ เร๊อ อา พย๊าหนิโหร่ เกอโทเฮ๊อ แหย่โยบูโพ๊ แบ่เจ่ เร๊อ แกแย เด๊อ อาโรเต๊เห่ เฮ๊อ.

เปโตร อาเหร่อเล๊อ ต๊าบ่า 1:5

เด๊อ ซี หยื่อเอ่ ครี๊ อาขว่าอาคยา, เบ๊อะซี พย๊าหนิ แต่ล๋าย เตเมแลเปล๊กา โต่เนอ จอแปแหร่ โอ่ป่อหม่า หนิเป่ ซี เร๊อ อาโพรอาเตอเรอ. จอแปแหร่ ตี๊หรี่แตแร หนื่ออื่อเฮ๊อ อาเหน่ เร๊อ ช๋า ม๊อเนอ ตื๊อดื่อ ปาเนอ, อา เก่ เด๊อะโล เมแลเปล๊กา เออเนอ ปา.