เมเตเฮ๊เรอ, เป ช๊าฉื่อ เร๊อ แกแย เด๊อ อาโอ่ เร๊อ อาพ๊าอาหย่า อาสุ่ยอาเทอ เต๊เห่เนอ หม่าโต่. เป ช๊าฉื่อ เร๊อ โลเน๊โลหน่า เด๊อ อา เป๊อเต เต๊เห่, เร๊อ โลเน๊ เด๊อ อาโอ่ เร๊อ อา เตอเรอฉว่าชอ เต๊เห่ เร๊อ โลเน๊ ฉว่าชอ เด๊อ อา เป๊อ เห่ขุ อา คี๊เล เนอเต๊เห่, เร๊อ โลเน๊ มู๊แหม่ เด๊อ อา โอ่ เด๊อ ม๊อเล เนอเต๊เห่.
เอเฟซัส 2:2 - ลีเทส่อพ๊าอาเซ เร๊อ เห่ขุทวาลู๊2 เบ๊อะเนออาเค, ซี ครวาเมเกอ เห่ขุ อา เตมู๊แหม่รีแจ่ เต๊เห่. ซี หนิดา จูเอ่ เกอ แพ๊ โลเน๊มู๊แหม่ กู่กล๊อ เด๊อ อา เป๊อหนิ โลเน๊โลหน่า เด๊อ ม๊อเล เต๊เห่ อาโหง่. โลเน๊มู๊แหม่รีแจ่ กู่กล๊อ เออเนอ, อา เป๊อหนิปา แกแย เด๊อ อา หนิดา เกออู จอแปแหร่ อาโหง่ โต่ เนอเต๊เห่. အခန်းကိုကြည့်ပါ။Eastern Kayah Shadaw Dialect2 ꤙꤣꤧꤔꤣꤧ꤬ꤢ꤬ꤋꤢꤩ꤭, ꤞꤤ꤭ ꤋꤚꤝꤢ꤭ꤗꤢꤩ꤬ꤊꤣꤧ꤭ ꤟꤢꤩ꤬ꤋꤢꤨ꤬ ꤢ꤬ ꤒꤢꤩ꤬ꤗꤢꤨꤗ꤫ꤢꤧ꤬ꤚꤤ꤬ꤡ꤫ꤢꤧ꤬ ꤒꤣꤧ꤬ꤟꤢꤩ꤬꤯ ꤞꤤ꤭ ꤔ꤫ꤤ꤬ꤘꤢ꤭ ꤡꤢꤨ꤭ꤢꤩ꤬ ꤊꤣꤧ꤭ ꤖꤢꤧ ꤜꤥ꤭ꤔꤢꤩꤗꤢꤨꤗ꤫ꤢꤧ꤬ꤚꤤ꤬ꤡ꤫ꤢꤧ꤬ ꤊꤢꤨ꤬ꤊꤜꤢꤪ ꤘꤣ ꤢ꤬ ꤕꤣꤚꤣꤧ ꤜꤥ꤭ꤔꤢꤩꤜꤥ꤭ꤔꤢ꤬ ꤘꤣ ꤗꤢꤪꤜꤢꤩ꤭ ꤒꤣꤧ꤬ꤟꤢꤩ꤬ ꤢ꤬ꤍ꤫ꤥ꤬꤯ ꤜꤥ꤭ꤔꤢꤩꤗꤢꤨꤗ꤫ꤢꤧ꤬ꤚꤤ꤬ꤡ꤫ꤢꤧ꤬ ꤊꤢꤨ꤬ꤊꤜꤢꤪ ꤣꤧ꤭ꤔꤣꤧ꤬, ꤢ꤬ ꤕꤣꤚꤣꤧꤕꤢ꤬ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤔ꤫ꤤ꤬ꤘꤢ꤭ ꤊꤣꤧ꤭ꤢꤨ꤭ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤍ꤫ꤥ꤬ ꤒꤥ꤬ ꤔꤣꤧ꤬ꤒꤣꤧ꤬ꤟꤢꤩ꤬꤯ အခန်းကိုကြည့်ပါ။ |
เอเฟซัส 2:2
64 ပူးပေါင်းရင်းမြစ်များ
ซีเพ หม่า โลเน๊มู๊แหม่รีแจ่ กู่กล๊อ เด๊อ อู เอ๊ เร๊อ โลเน๊ เนอโตโด เฮ๊อ. ซี ซิหยื่อ ครวาเมเกอ ฮู๊ ซีเพ อา เตซิหยื่อ เนอแพ๊. ซีเพ หม่า อา ทวา เพรเมเซอ แกแย เด๊อ กูลู่เค ปา เจ๊อ. เตหม่า เตจ๊อ โอ่ เด๊อ ลูกู โต่ อาขว่าอาคยา, อา หนิดา ครวาเม เกออู เตหม่า เตจ๊อ โต่. เบ๊อะอา เฮ๊เบ่ เบ๊อะเนอ, อา เตแลโฮแลแห่ เต๊เห่ เนอหม่า อา ทวา เฮ๊อ ลู เหล่โกล เฮ๊อ. อา หม่า แกแย แลโฮแลแห่ เตเพร เร๊อ อา ทวา เฮ๊อ ล๋อ เตแลโฮแลแห่ เต๊เห่ อาเพ เฮ๊อ.
เด๊อ ซีเกล เต๊เห่เห่ เนอ, เด๊อ เนอเค หม่า อา ทวา โทเฮ๊อ แกแยจา แกแยมู๊แหม่ แซ่เน๊อ เนอเฮ๊อ หม่าแน๊เรอ จอแปแหร่ ซู๊ปลีแก โทเฮ๊อ ซี เตซื๊อ เฮ๊อ. เร๊อ กู๊แหน่เออ ซี ทวา เฮ๊อ จอแปแหร่ อาเต เฮ๊อ. เด๊อ แบ่เจ่ เหย่ซู่ครี๊ เร๊อ จอแปแหร่ อา แหย่โยบูโพ๊ อาขว่าอาคยาเร๊อ, กู๊แหน่เออ, จอแปแหร่ แด่เฮ๊อ ซี ฮู๊ แกแยจ๊อแกแยเต เต๊เห่เนอ เฮ๊อ.
โลเน๊มู๊แหม่รีแจ่ กู่กล๊อ เด๊อ อา เป๊อหนิ เห่ขุ เออโตโดเนอ, อา เมคี๊ เมตาปาแก เหย่ซี เป๊เส่ อาขว่าอาคยา, เหย่ซี แม๊เถอะ เกออู เตซิครือมีลา อาเตลี เออเนอ โต่. แซ่ฮู๊ แกแย เห่ขุพู๊ เต๊เห่ เก่ ซิเงโปล แต่ ครี๊ อา เตซิครือมีลา เด๊อ อา เฮ๊โฉ่โล เป่ อู เร๊อ ครี๊ อา เตลีเตเตเค อาหรี่อาแก เออ แต่เหม่ เนอ, อา เมตาปา ตอครอแก เหย่ซี ฮู๊เนอ เฮ๊อ. เพร เด๊อ อา เด๊อะโล ตาเต เป เร๊อ จอแปแหร่ หม่า ครี๊ เฮ๊อ.
เด๊อ เหร่อเคเนอ, ฮู๊ แกแย เด๊อ อา ซิเง เกออู จอแปแหร่ โต่ เนอเต๊เห่ เมลอแกเด ม๊อเนอม๊อเซ เนอ ซี เม ลอแกเด โป่ เกอลอ โทเฮ๊อ ฮู๊เนอเฮ๊อ. ซี โอ่เซอเพร แกเด ลอ อาม๊อเนอม๊อเซ แคร๋, เร๊อ อิเต เฮ๊เนอหม่า, ซี เตโอ่ แซแรซิบี แร๊โต่, ซี ซิปล่อ ปาต๊าเปอเตอ, ซี เตเอ่มือโอแพร๊, ซี เมป่วยเมลา เด๊อ อา โอ่เร๊อ เตเอ่ตาลว๊าโอตาแก เต๊เห่, ซี เตจ๊อเบ เตแหย่โยแหย่กี เด๊อ เหล่ซิหย่อซิบี หนิ อา เต๊เห่เนอ เฮ๊อ.
โอ่เซอเพร แม๊บือเกอ เต ฮู๊ แกแย เด๊อ อา ซิเง เกออู จอแปแหร่ โต่ เนอเต๊เห่ อาเหล่โกล โอ่เซอเพร เนอแต่เหม่ นี๋. แซ่ฮู๊ ซี เก่ โอ่เซอเพร โค๊ดื่อ เร๊อ เหย่ ซีเนอ เร๊อ, นอถู่แหล่ เต๊เปล่เซ โค๊แก ซี เหล่เตเน เต๊เห่เนอ เร๊อ จอแปแหร่ เนอ นี๋. ซี เก่ เมฮู๊เนอ ตื๊อหม่า ซี ซิเงแฮเบ๊ แพ๊ เต เด๊อ จอแปแหร่ ซิหยื่อ นอเม ซีเนอ เต๊เห่ แพ๊. ตื๊อเรอ ซี เก่ ซิเงแฮ เตแร๊, เตเมโม จอแปแหร่ อาซิปล่อ, เร๊อ เตซิเง เล๊อบาแฮ จอแปแหร่ อา เตซิหยื่อ เต๊เห่ ปา แพ๊.
แกแย เด๊อ อา ซิปล่อก่า เด๊อ จอแปแหร่ อาขุ ซี๋, ซี แบ๊ซว๊า เน๊อ เห่ขุ อา เตมู๊แหม่รีแจ่ เต๊เห่ เนอหม่า ซี ทวาแถ่เฮ๊อ เพร เด๊อ อา ซิเถ่ จอแปแหร่ เต๊เห่เฮ๊อ เนอหม่า ซี ซิเง โต่ แอ? แกแย เด๊อ อา ซิหยื่อ ทวาแถ่ เห่ขุ อา เตมู๊แหม่รีแจ่ เออเต๊เห่ อา โคแบ๊ซว๊า เตเพรเพรเนอ อา เม ซิเถ่ซิฮา เฮ๊อ อาเหน่ เน๊อ จอแปแหร่ เฮ๊อ.
หม่าแน๊เรอ แว เฮ๊ ฮู๊เออ เนอหม่า, แว ซิหยื่อ เฮ๊ เร๊อ เบ่ แบ๊ซว๊าหนิ เร๊อ แกแย เด๊อ อา หยื่อเอ่ เกออู เหย่ซู่ครี๊ โต่ เนอเต๊เห่ แต่เหม่ ฮู๊เนอ หม่าโต่. เด๊อ เหย่ซี อาเกล เต๊เห่เห่เนอ แกแย เด๊อ อา จว๊าซื๊อ เพรเหมาะเพรคู, อา กู๊หว่ากู๊เว เอ่ เกอเร๊อดื่อ อาเง, อา เอ่โห่เอ่ฮี๊, อา จ๊อเบ แลแค เตแหย่โย ซี เต๊เห่เนอ อา โอ่ อาขว่าอาคยา, แว ซิหยื่อ เฮ๊ แกแย ฮู๊เนอ เต๊เห่ หม่าโต่. แกแย เด๊อ อา หยื่อเอ่ เกออู จอแปแหร่ โต่ เต๊เห่เนอ ซี เบ่ แบ๊ซว๊าหนิ เหย่ซี โต่ เก่เฮ๊เรอ, ซี เบ่ เถ่จว๊า ตาพาแก ปลื๊อลา เฮ๊อ เร๊อ เห่ขุ เออเนอ เฮ๊อ.
ซี เก่ แซ่เน๊อ แกแย เห่ขุพู๊ เออเต๊เห่ เฮ๊เนอ, อา เก่ โม เกอเร๊อ ซี ฮู๊ เหย่ซี แกแย เร๊อดื่อ เนอเต๊เห่ ปา. หม่าแน๊เรอ ซี เนอ, ซี โค๊ดื่อ เน๊อ เหย่ซี เฮ๊อ. แว นว๊าเถ่โค๊แก เฮ๊อ ซี เด๊อ แกแย เห่ขุพู๊ เต๊เห่ อาเกล เฮ๊อ. เหย่ซี ซิเถ่ ซี อาแก่ช๊าแกแร หม่า หม่าเฮ๊อ เด๊อ ซี ย๋อโค๊ดื่อ เร๊อ เหย่ซี เฮ๊อ, โท๊โต่ แว ย๋อ นว๊าเถ่โค๊แก เฮ๊อ ซี เน๊อ เหย่ซี เออ อาขว่าอาคยาเร๊อ เหย่ซี ซิเถ่ซิฮา เฮ๊อ ซี เฮ๊อ.
เหย่ซี ดาแม๊ เพรเหมาะ เตเพรเพร เฮ๊เรอ อา ซิหยื่อ โอ่เมอเต่อ โชชื่อ เจ๊อ. เหย่ซี เมเตซื๊อ เนอ อา โอ่โก๊ ปา เจ๊อโต่ เฮ๊อ. เหย่ซี อี๊หล่า ปย๊าจว๊าหนิ แกแย เด๊อ อาเตหยื่อ ชอ ล๋ายโต่ เต๊เห่ เก่ เมเกอ เตซื๊อเตปล๊า เต๊เห่. เร๊อ เหย่ซี อิซว๊าแล หนิ แร๊ เด๊อ แลแค อาเหน่ เร๊อ อาแม๊ปู กู๊หว่ากู๊เว เอ่หนิเร๊อดื่อ อาเง. เหย่ซี โอ่ แลแค เด๊อ จอแปแหร่ อา เตอิชอมู๊แหม่ อาเล เฮ๊อ.
ล๋อ แกแย เด๊อ อา โอ่ เด๊อ เห่ขุเออ ปว๋า เตเพร เนอ, อา เก่ จ๊อบู่จ๊อเบแถ่ ลอ ลู ปา. เป๊อะแถ่ เด๊อ อู แบ๊แลลู่ เห่ขุ อาเคปา, แกแย เด๊อ อา โอ่เซอเพร เด๊อ เห่ขุ เออเต๊เห่ เร๊อ อู ราโอ่เต่อเกอ ลา เหย่ซีมุย เด๊อ ซิหมิพู๊ เนอโตโด อา ลีเซอเพร อากู ล๋ายโต่ เต๊เห่เนอ, อา เก่ จ๊อบู่จ๊อเบแถ่ ลอ แลแค เตมีเตแหม่ เออโตโด. ซิหมิพู๊ เนอโตโด หม่า หม่าเฮ๊อ อู เมเซอ อาเนอ เตเพร เฮ๊อ.
แกแย เตเพรเพร เด๊อ อา เม แฮเง ตื๊อดื่อปา เตซื๊อเตปล๊า เฮ๊เนอหม่า, โลเน๊มู๊แหม่รีแจ่ กู่กล๊อ เป๊อ เกอเร๊อ ปาแพ๊ ลู, เมเตเฮ๊เรอ โลเน๊มู๊แหม่รีแจ่ กู่กล๊อ เออเนอ, อา เมเจ๊อแหน่ เตซื๊อเตปล๊า เด๊อ อาแก่ช๊าเค ปา เจ๊อ, เร๊อ อา เม แฮเง ตื๊อดื่อ โต่ปา เจ๊อ กู๊แหน่ เจ๊อ. แซ่ฮู๊ จอแปแหร่ อาพู๊คูเออ เก่ เมปย๊าแก เต เด๊อ โลเน๊มู๊แหม่รีแจ่ กู่กล๊อ เมโทเฮ๊อ เนอเต๊เห่ อาเงเนอเรอ, อา แฮแล เด๊อ เห่ขุเออ เฮ๊อ.
เด๊อคยา เร๊อ วี อา เพรราลี เออเตเพร นอโอ่โส่ แกแย เบ๊หมู่ เออเต๊เห่, เร๊อ อา เฮ๊ เหย่ซี เน๊อ, “วีเอเฟซัส ล๋อ ปลี ซี๋, อู ปว๋า เตเพร ซิเง เร๊อ เป วีเอเฟซัส เต๊เห่หม่า เพร เด๊อ อาแม๊อาตู่ แบ่เจ่ คุ๊ยโหมะ อาเทมิส เตหลู่แตโฮ เร๊อ หล่อบูโพ๊ เด๊อ อา โอ่ เด๊อ ม๊อขุ ตาแล เนอเตเม เนอหม่า อู ซิเง แลแค เจ๊อ ปว๋า เตเพร เจ๊อ.
แกแย เห่ขุพู๊ อาพู๊คู หม่าเฮ๊อ แวเออ แฮเอ่แฮโอ เกอลาติ เร๊อ เหย่ซี เฮ๊ แลแคเน๊อ ‘แม๊มอ แกแย เออเตเพรเล๊, อา เอ่ฉว่าโอชอ เอ่มือ โอแพร๊, อา แบ๊ซว๊าแบ๊โค ดื่อเง เร๊อ เพรกุยอาหมู่อาร๊า เร๊อ เพรเมซื๊อพู๊ เนอเต๊เห่เล๋,’ เหย่ ซี เฮ๊ แลแค ฮู๊เนอ. หม่าแน๊เรอ จอแปแหร่ อา เตลีแม เออเนอ อู เก่ แม๊เถอะ ดื่อเน๊อ อาเตเส่ เตโพ เถ่โลเฮ๊อ เบ๊อะเนอปา.”
โทเรอ เด๊อ อา เด๊อะโล อา เตโค๊ตีกลี๊ เด๊อ เตมีเตแหม่ เด๊อ อาเหร่อเคเนอ โตโด นอเม ลู เด๊อ อาเป๊เส่เง เนอเต๊เห่ อาขว่าอาคยา, อา อิลออี๊โหล่ แลโฮ หนิลอ แกแย โอ่เซอเพร เด๊อ เห่ขุ เออ เต๊เห่. เตมีเตแหม่ เนอโด โตโดเออ, อา นอแบ๊แถ่ เหย่ซี เตแหย่โย โตโด แซ่ฮู๊ อา เก่ เมลีเมเตเค กาคยา เตมีเตแหม่ เด๊อ อา เบ่ เต๊เหม่น๊อ เร๊อ เน๊ เร๊อ อา โอ่เซอเพร ปา เนอโตโด.
ล๋อ เพรเป๊อเต เด๊อ ม๊อขุ เต๊เห่, ล๋อ ม๊อขุ อา เตอเรอฉว่าชอ เต๊เห่, ล๋อ ม๊อขุ อา เตโพรเตอเรอ เต๊เห่ เร๊อ ม๊อเล อาแบ่เจ่ เออเต๊เห่ ล๋อ ปลี อาขุเนอ, ครี๊ ทวาดุเล๊อ ล๋อ ปลี เด๊อ เหย่ซีขุ เฮ๊อ. มีลาดุมีลาทู เออเนอ, มุย เด๊อ อู เก่ โป๊แถ่ อา เออตือทือ เนอเบ่เบ่, เด๊อคยาตือทือ ปา เนอเบ่เบ่, แถ่โล เล๊อ เจ๊อเฮ๊อ เร๊อ มุย เด๊อ อู เป๊อแถ่ อา เนอเต๊เห่ เจ๊อ เฮ๊อ.
ฮู๊เนอเรอ, ซิเหน่แถ่เบ่หนิ แลแค ซีเหน่ เร๊อ เด๊อ เหร่อเคเนอ เนอ, ซี โอ่แลเด๊อเป๊เจ่ปา เด๊อ แกแยยิวพู๊ หม่าโต่ เต๊เห่ อาเกล. เร๊อ แกแยยิวพู๊ เด๊อ อา เอ๊ เกอเร๊อ อาเหน่ เร๊อ แกแย ดื๊อตีลี๊พ๊า เต๊เห่เนอหม่า, อา ดื๊อ แลแค แพ๊ เหน่กล่อ พ๊าหย่า แพ๊, เร๊อ แกแยเห่ขุพู๊ ดื๊อ เป เหย่ซี แพ๊. เร๊อ เหย่ซี เนอเต๊เห่ หม่า อา เอ๊ แลแค ซี เน๊อ, “แกแย ดื๊อตีลี๊พ๊า หม่าโต่ เต๊เห่,” ฮู๊เนอ.
เตจ๊อบู่จ๊อเบ เด๊อ เพ จอแปแหร่ แด่ เฮ๊อ เน๊อ เต เด๊อ อา อาโพ๊อาแปละ เล๊อเล๊อบาบา เต๊เห่ เนอหม่า หม่าเฮ๊อ เตแม๊ตู่หนิ ฮู๊โอ่แคร๊โอ่แต่ เต๊เห่ เร๊อ เพรเหมาะโอ่แคร๊ เด๊อ อา โต่เบ่ เร๊อ เตแป่เตเช เต๊เห่, โท๊โต่ แกแย เด๊อ อา ค๊อเป่ เกอเร๊อ อาเหน่ เร๊อ อา โอ่ตาพายาเบ๊ เร๊อ เห่ขุ อา เตมู๊แหม่รีแจ่ ซี เนอเต๊เห่ เฮ๊อ.
ကြော်ငြာတွေ