เอเฟซัส 2:17 - ลีเทส่อพ๊าอาเซ เร๊อ เห่ขุทวาลู๊

¹⁷ ฮู๊เนอเรอ แกแยยิวพู๊ หม่าโต่ เด๊อ อา โอ่ ตาพายา เร๊อ จอแปแหร่ เต๊เห่ เบ่เบ่, แกแยยิวพู๊ เด๊อ อา โอ่ผื่อ เร๊อ จอแปแหร่ เต๊เห่ เบ่เบ่, ครี๊ แฮแล โด่แนแด๊โฉ่ เป่เฮ๊อ เหย่ซี เร๊อ เตเปเตดวา อา เตซิครือมีลา เฮ๊อ.

Eastern Kayah Shadaw Dialect

¹⁷ ꤟꤢꤨꤔꤣꤧ꤬ꤚꤣꤧ꤬ ꤛꤢꤨꤘꤢ꤬ꤖꤢꤨ ꤗ꤫ꤢ꤬ꤒꤥ꤬ ꤘꤣ ꤢ꤬ ꤥ꤬ ꤒꤣꤧ꤬ꤖꤢ꤭ꤛꤢ꤬ ꤔꤢꤧ ꤡꤢꤪꤗꤣꤧ꤬ꤚꤢꤧ꤬ ꤒꤣꤧ꤬ꤟꤢꤩ꤬ ꤙꤢꤩ꤬ꤙꤢꤩ꤬, ꤛꤢꤨꤘꤢ꤬ꤖꤢꤨ ꤘꤣ ꤢ꤬ ꤥ꤬ꤖꤢꤦ꤬ ꤔꤢꤧ ꤡꤢꤪꤗꤣꤧ꤬ꤚꤢꤧ꤬ ꤒꤣꤧ꤬ꤟꤢꤩ꤬ ꤙꤢꤩ꤬ꤙꤢꤩ꤬, ꤋꤚꤤ ꤟꤢꤧ꤭ꤜꤢꤧ꤬ ꤘꤥ꤬ꤔꤢꤧ꤭ꤟꤢꤩꤏꤥ꤬ ꤟꤣꤧ ꤕ꤫ꤢꤩ꤬ ꤛꤢꤩ꤬ꤞꤤ꤭ ꤔꤢꤧ ꤒꤢꤩ꤬ꤖꤚꤢꤩ꤭ꤒꤢꤩ꤬ꤘꤢꤦ꤭ ꤢ꤬ ꤒꤢꤩ꤬ꤞꤤꤋꤚꤢꤦ꤭ꤗꤝꤤ꤭ꤜꤢ꤬ ꤟꤣꤧ꤯

เอเฟซัส 2:17 ပူးပေါင်းရင်းမြစ်များ

เพรโด่แนพู๊ เต๊เห่ 10:36

ซี ซิเง โทดื่อ เฮ๊อ เตหรี่เตแก เด๊อ จอแปแหร่ นอจว๊า เป่ เหย่ซู่ เด๊อ อิสราเอล อากลุยอาแล เต๊เห่ อาเง เร๊อ อา จว๊า แด๊โฉ่โล เป่ เหย่ซี เร๊อ เตซิครือซิลอมีลา อาหรี่อาแก เออเนอ เฮ๊อ. เด๊อ เหย่ซู่ครี๊ เด๊อ อา ทวา อู ปว๋า เตเพร อา แบ่เจ่ เออเตเพร อาขว่าอาคยาเร๊อ, เป พย๊าหนิเฮ๊อ เตเปเตดวา เฮ๊อ.

เพรโด่แนพู๊ เต๊เห่ 2:39

จอแปแหร่ อา เตอ๊อแลนอแล เออเนอหมา, หม่า ซิเง เน๊อ ซีกลุยซีแล เด๊อคยา เต๊เห่ อาเง เน๊อ, ล๋อ แกแย เด๊อ อา โอ่ เด๊อ เทอเก่อายา เต๊เห่ อาเง เร๊อ ล๋อ แกแย อาโอ่ เด๊อ จอแปแหร่ เอ๊แฮ ลู เด๊อ อา โอ่ เนอเต๊เห่ อาเง เฮ๊อ.”

ꤚꤥꤗꤢꤩ꤬ 5:1

ฮู๊เนอเรอ จอแปแหร่ แด่จ๊อแด่เต เฮ๊อ เป เร๊อ เป เตหยื่อเตแหน่ อาคยา เฮ๊อ. เป โอ่โอ่เพรโอ่ดือ โอ่โครโอ่เกล เต่อ คยาแซ๊ เฮ๊อ เร๊อ จอแปแหร่ เฮ๊อ. เพร เม ทวาแถ่ เป่ เป ฮู๊เออเนอหม่า หม่าเฮ๊อ เป แบ่เจ่ เหย่ซู่ครี๊ เฮ๊อ.

โครินธ์ เนอบ่า ต๊าบ่า 5:20

ฮู๊เนอเรอ, กู๊แหน่เออ เป ทวา เป่ เพรเฮ๊เบ่เต เด๊อ ครี๊ อาเหล่โอ่. จอแปแหร่ อาเหน่แบ่เจ่ เร๊อดื่อ นอกุยซิยอ แฮเง เป เร๊อ ซี เด๊อ ซี เก่ หนิดา เป เตเฮ๊โฉ่โด่แน ซี เออ. เป กุยซิยอ ซี เด๊อ ครี๊ อามุยกู เร๊อ ครี๊ เก่ เมทวาแถ่ คยา ซี เร๊อ จอแปแหร่ อา โคแบ๊ซว๊า เต๊เห่.

ꤜꤢꤨꤊꤢ꤬ 2:14

“อาลีอาเตเค ถู่เซ๊แถ่ แลแค จอแปแหร่ เด๊อ อา โอ่ เด๊อ อาเหล่โอ่แถ่โล ตื๊อดื่อเล๊อ อู เด๊อ ม๊อขุ เออเนอ เตเพร โป๋. เตเปเตดวา เร๊อ เตเตอเจ๊อตู๊จู่ เก่ โอ่แถ่ เกอดื่อ เด๊อ เห่ขุเออ เร๊อ อา เก่ โอ่เต่อเกอดื่อ เร๊อ แกแย เด๊อ จอแปแหร่ ซิปล่อ โอ่เร๊อ เกอ ลู เนอเต๊เห่ นี๋.”

มัทธิว 10:13

หี่เนอ เตเม เก่ อา โตเบ่ พย๊าหนิ เตเด๊อะบุ๊ยเด๊อะเตอเรอ เก่เฮ๊เรอ แด่โอ่แก ซี เตโมเตแร๊ อา เตเด๊อะบุ๊ยเด๊อะเตอเรอ เด๊อ เหย่ซี อาหี่กู เนอ. เก่ เหย่ซี เอ๊โมฉื่อแร๊ ซี โต่ เก่เฮ๊เรอ พย๊ากาคยา คยาแซ๊ ซี เตโมเตแร๊ เนอ นี๋.

ꤚꤥꤗꤢꤩ꤬ 10:14

เก่ เมฮู๊เนอเรอ, เหย่ซี เตหยื่อ เก่ โอ่โต่ เฮ๊เรอ อา จว๊า กุยแถ่แจ่ เตเมจว่า เด๊อ แบ่เจ่ เหย่ซู่ อา โอ่ ฮู๊เต? เก่ เหย่ซี หนิโฮน๊อ โต่ เฮ๊เรอ อา จว๊า หยื่อเอ่แจ่ แบ่เจ่ เหย่ซู่ ฮู๊เต? เพรโด่แนพู๊ เต๊เห่แด๊โฉ่ เป่ เหย่ซี เก่ โอ่โต่ เฮ๊เรอ เหย่ซี จว๊าหนิโฮแจ่ ฮู๊เต?

เอเฟซัส 4:21

ซี เด๊อ อา ทวาแถ่ เตอเจ๋อโต เร๊อ ครี๊ เฮ๊อ เต๊เห่เนอ, แว หยื่อเอ่ เร๊อ ซี หนิโฮ ตาเต โทเฮ๊อ ครี๊ อาหรี่อาแก เฮ๊อ. โทเรอ อู อิซว๊า โท เป่เฮ๊อ ซี เตอิซว๊า เด๊อ อาจ๊ออาเต เด๊อ เหย่ซู่ อิซว๊า โทเฮ๊อ เนอเต๊เห่ เฮ๊อ.

ꤜꤢꤨꤊꤢ꤬ 15:8

“โต่หม่าแน๊, เฮ๊โก๊เหร่อ เพรเหมาะ เตเพร เด๊อ อารือหย่าโอ่ อาเบ่เช๊อ เร๊อ เก่ อา โอ่เหม่ เป่แก ลู เต๊เบ่ เฮ๊เนอหม่า อา เก่ เมฮู๊เต? อา เก่ ชีลี หมิ, โทเร๊อ อา เก่ ดูปลีดูหล่า อาหี่, เร๊อ อา แม๊ปู ตาเต ทู๋ อา แม๊เถอะ เจ๊อ แวเฮ๊แต.