เอเฟซัส 2:15 - ลีเทส่อพ๊าอาเซ เร๊อ เห่ขุทวาลู๊

¹⁵ แกแยยิวพู๊ เต๊เห่ อา เตซว๊าเตแส่ อาเกลเนอหม่า, อา เตซว๊าเตแส่ อาพู๊แพปีชีจว๊า เต๊เห่ อา โอ่ เอ๊แหน่เจ๊อ ตื๊อดื่อเรอ เด๊อ ครี๊ เซอ อาขว่าอาคยา อา เม ตื๊อดื่อ โทแก ปลื๊อลอเฮ๊อ เหย่ซี เต เนอเต๊เห่ เฮ๊อ. อา เตเตเนหนื่ออื่อ หม่า หม่าเฮ๊อ, แซ่ฮู๊ แกแย เออเนอหมู่ เก่ ทวาแถ่ดื่อ แกแย อาเซ ตู๊หมู่จือ เด๊อ ครี๊ อากู เรอ, อา เม เต๊เปล่ เร๊อดื่อ เร๊อ อาเหน่ เฮ๊อ. ฮู๊เนอเรอ อา เมเปเมดวา กาคยา คยาแซ๊ เหย่ซี เฮ๊อ.

Eastern Kayah Shadaw Dialect

¹⁵ ꤛꤢꤨꤘꤢ꤬ꤖꤢꤨ ꤒꤣꤧ꤬ꤟꤢꤩ꤬ ꤢ꤬ ꤒꤢꤩ꤬ꤞꤝꤢꤒꤢꤩ꤬ꤞꤢꤧ꤬ ꤢ꤬ꤊꤜꤢꤩ꤭ꤔꤣꤧ꤬ꤗꤢ꤬ ꤢ꤬ ꤒꤢꤩ꤬ꤞꤝꤢꤒꤢꤩ꤬ꤞꤢꤧ꤬ ꤢ꤬ꤖꤢꤨꤖꤢꤧ꤭ ꤒꤣꤧ꤬ꤟꤢꤩ꤬ ꤢ꤬ ꤥ꤬ ꤢꤩꤔꤢꤧ꤬ꤡꤣꤧ ꤒꤣꤧ꤬ꤘꤢꤦꤚꤣꤧ꤬ ꤘꤣ ꤋꤚꤤ ꤞꤣꤧ꤭ ꤢ꤬ꤋꤝꤢ꤬ꤢ꤬ꤋꤛꤢ꤭ ꤢ꤬ ꤗꤢꤩ꤬ ꤒꤣꤧ꤬ꤘꤢꤦ꤬ ꤓꤥ꤭ꤊꤢꤧ꤭ ꤕꤜꤢꤦꤜꤢꤪ꤭ꤟꤣꤧ ꤛꤢꤩ꤬ꤞꤤ꤭ ꤒꤢꤩ꤬ ꤔꤣꤧ꤬ꤒꤣꤧ꤬ꤟꤢꤩ꤬ ꤟꤣꤧ꤯ ꤢ꤬ ꤒꤢꤩ꤬ꤒꤣꤧ꤬ꤔꤢꤩ꤬ꤥ꤬ꤔꤢꤩ꤬ ꤗꤢ꤬ ꤗ꤫ꤢ꤬ꤟꤣꤧ, ꤞꤢꤧꤟꤢꤨ ꤊꤣꤧ꤬ꤛꤢꤧ꤭ ꤣꤧ꤭ꤔꤣꤧ꤭ꤗꤢꤨ꤬ ꤊ꤫ꤢꤦ꤬ ꤓꤝꤢ꤭ꤓꤢꤧ꤬ꤘꤢꤦ꤬ ꤊꤣꤧ꤬ꤛꤢꤧ꤭ ꤢ꤬ꤞꤢꤩ꤭ ꤒꤣ꤬ꤗꤢꤨ꤬ꤡꤢꤦ꤭ ꤘꤣ ꤋꤚꤤ ꤢ꤬ꤊꤢꤨ꤭ ꤚꤣꤧ꤬, ꤢ꤬ ꤗꤢꤩ꤬ ꤒꤣꤧ꤬ꤕꤜꤢꤩ꤬ ꤚꤣꤧꤘꤢꤦ꤬ ꤔꤢꤧ ꤢ꤬ꤔ꤫ꤢꤩ꤬ ꤟꤣꤧ꤯ ꤟꤢꤨꤔꤣꤧ꤬ꤚꤣꤧ꤬ ꤢ꤬ ꤗꤢꤩ꤬ꤖꤚꤢꤩ꤭ꤗꤢꤩ꤬ꤘꤢꤦ꤭ ꤊꤢ꤬ꤋꤛꤢ꤭ ꤋꤛꤢ꤭ꤞꤢꤧ ꤛꤢꤩ꤬ꤞꤤ꤭ ꤟꤣꤧ꤯

เอเฟซัส 2:15 ပူးပေါင်းရင်းမြစ်များ

โคโลสี 2:14

อา ทื๊อปลีแก ล๊อ เฮ๊อ เตราม๊าราแด เด๊อ อา เตเร เมจากาคยา เป เนอเต๊เห่ เฮ๊อ. เบ๊อะอู มือเซอแถ่ ครี๊ เด๊อ อี๊ถื่อดีเต่ลู เบ๊อะเนอ, จอแปแหร่ ท๊อยาท๊อหมื่อแก โท ลอเฮ๊อ เตราม๊าราแด เนอเต๊เห่ เฮ๊อ.

ꤊꤢ꤬ꤜꤢ꤬ꤒꤤ 3:10

หม่าแน๊เรอ แกแย เด๊อ อา ซิเลแถ่ เร๊อดื่อ เตซว๊าเตแส่ เด๊อ อา เก่ พย๊าหนิ เตจ๊อเตเต อาเง เต๊เห่เนอ, จอแปแหร่ เก่ มือ เหย่ซี ปา. เมเตเฮ๊เนอเรอ ลีเทส่อพ๊ากู เฮ๊ เน๊อ, “แกแย เตเพรเพร เด๊อ อา โอ่เซอเพร ครวาลือเม เกอ เตซว๊าเตแส่ อาคยา ปวาตามา โต่ เตเพรเนอ, จอแปแหร่ เก่ เมจากาคยา อา ปา,” อา เฮ๊ ฮู๊เนอ.

ꤟꤤꤙꤚꤢꤨ 8:13

จอแปแหร่ เฮ๊ เน๊อ เออ หม่า เตอ๊อแล อาเซ เต๊อเจ่อเฮ๊อ อาขว่าอาคยา, อา นอทวาแถ่แก เตอ๊อแล อาเลอ เออเนอ เน๊อ อา โหล่ ปาโต่เฮ๊อ. อาเลออาหลว่า เฮ๊อ, อู โหล่ปา ลู โต่เฮ๊อ, เร๊อ งยาแต๋โต่ ปาหม่า, อา เก่ โอ่เหม่แก เฮ๊อ.

โคโลสี 3:10

เร๊อ ซี กือแซ๊แถ่เฮ๊อ เตโอ่เซอเพร อาเซ เด๊อ จอแปแหร่ แบ๊เต๊เปล่เซ เออเนอ เฮ๊อ. แซ่ฮู๊ ซี เก่ ซิเง ตาเตแร๊ อาเงเนอ, จอแปแหร่ เมทวาแถ่ แซ่แฮ เฮ๊อ ซี เน๊อ อาเหน่ เฮ๊อ.

โคโลสี 2:20

ซี เซอ เต่อเกอ เน๊อ เหย่ซู่ครี๊ เฮ๊อ เร๊อ อา เมแลเปล๊กา เฮ๊อ ซี เน๊อ โลเน๊โลหน่า เด๊อ อา เป๊อหนิ เห่ขุชีบ่า เออเนอเต๊เห่ อา กู๊ยากู เฮ๊อ. ซี จว๊า โอ่เซอเพร ปา แลแค ฮู๊ แกแย เด๊อ อา แซ่ปา เน๊อ เห่ขุพู๊ เออเต๊เห่เนอ ฮู๊เต? เร๊อ ซี จว๊า หนิดา ครวาเมเกอ ปา เตโด่เตดว๊า เต๊เห่ เมเต?

ꤊꤢ꤬ꤜꤢ꤬ꤒꤤ 6:15

แกแย ดื๊อตีลี๊พ๊า เต๊เห่ เบ่เบ่, อา ดื๊อตีลี๊ เกออู โต่ เต๊เห่ เบ่เบ่, อา โหล่ดุ เน๊อ เตอเจ๋อโต่. เตเด๊อ อา โหล่ดุเล๊ออู เนอหม่า ทวาแถ่ จอแปแหร่ อาแกแย เออเนอ แพ๊.

ꤊꤢ꤬ꤜꤢ꤬ꤒꤤ 3:28

แกแยยิวพู๊ เร๊อ แกแย เมว เจ่อโร กรีกพู๊ เต๊เห่, หลู่ เร๊อ เพร พย๊าหนิ เตปาลาพู๊ เต๊เห่, เพรคู เร๊อ เพรเหมาะ, ล๋อ เต เออเต๊เห่ เนอหม่า อากลว่าโค๊ เร๊อ ลู โต่, เมเตเฮ๊เรอ ล๋อ ซี เออเต๊เห่ เนอหม่า ซี ทวาแถ่ ลอ เฮ๊อ เตเตอเจ๋อโต เร๊อ ครี๊ เฮ๊อ.

เอเฟซัส 4:16

ครี๊ ปื่อหม่า โอ่ปล๊อจือ เต่อลอ อาแกแย ซีเต๊เห่ เด๊อ อาแซ่เน๊อ แกแย หรุ่ยถว่า เร๊อ อาครุ๊ยอาคร๊วา เด๊อ จิจือหมะ จิจือ หนิเต่อ ลอ เหน่กล่อ ครือขรว่า เด๊อ อา โค๊ลู เออเนอเต๊เห่ เฮ๊อ. เก่ เหน่กล่อ ครือขรว่า เต๊อเจ่อ เร๊อ เต๊อเจ่อ เก่ เมดื่อ อาเตเม เด๊อ อา โต เม เต๊เห่ เฮ๊เนอหม่า, เหน่กล่อ ชีเพรลอ เก่ ดุแถ่ เร๊อ ชอแถ่ เร๊อ ชอแถ่ ปา. เพรหยื่อเอ่ตู๊หมู่ตอกล๊อ เนอหม่า อา แซ่ ฮู๊เนอ เฮ๊อเฮ๊อ. เพรหยื่อเอ่ เออ ตู๊หมู่ตอกล๊อ เด๊อ อาเตเม โค๊ลู เออเต๊เห่เนอ, อา เก่ โม เกอเร๊อลู เตเพร เร๊อ เตเพร เร๊อ อา เก่ เม หนิเกอเร๊อดื่อ เตเพร เร๊อ เตเพร อาเตเม เฮ๊เนอหม่า, เพรหยื่อเอ่ตู๊หมู่ตอกล๊อ เออ เก่ ดุแถ่ เล๊อบา แฮเง ดื่อ เร๊อ ครี๊ อา เตโพรเตเตอเรอ อาคยา ปา.

โครินธ์ เนอบ่า ต๊าบ่า 5:17

แกแย เตเพรเพร เด๊อ อา ทวาแถ่ เฮ๊อ เต๊อเจ๋อ แพ๊ เน๊อ ครี๊ เนอ, อา ทวาแถ่ เฮ๊อ แกแย เตเพร เด๊อ จอแปแหร่ แบ๊แล เต๊เปล่ เซ ลู เฮ๊อ. อา วีแก แก อา เตโอ่เซอเพร อาเลอ เต๊เห่ เร๊อ อา โอ่เซอเพร เต๊เปล่แก เด๊อ อาเซ เฮ๊อ.

ꤟꤤꤙꤚꤢꤨ 7:16

เตซว๊าเตแส่ เฮ๊ โอ่ เร๊อ แกแย เด๊อ อา ทวาแถ่ เพรหลู่แตเต เนอ, อา เบ่ กลุยแล ตากาแล เด๊อ โต๊โหมะโหมะ เต๊อเจ่อเจ่อ อากู อา เฮ๊ ฮู๊เนอ, หม่าแน๊เรอ เหย่ซู่ แฮ ทวาเฮ๊อ เพรหลู่แตเต เออเนอ, อาโต ฮู๊ เตซว๊าเตแส่ เฮ๊โอ่เนอ หม่าโต่. โท๊โต่, อา ทวาแถ่ เพรหลู่แตเต เออเนอ เน๊อ อา เตโอ่เซอเพร โพรเตอเรอ ฉว่าชอ เด๊อ อา เซอเพร ตูจูเพร แตแลเคร๊ เออเนอเฮ๊อ.

ꤟꤤꤙꤚꤢꤨ 9:23

เหล่สื่อดุ บูโพ๊เออ เร๊อ ตาหมื่อตาเต เด๊อ อู นอเอ่ อา เร๊อ เตจ๊อบู่จ๊อเบ อาเง เต๊เห่เนอ, อู เม แบ๊บือเกอ ม๊อขุเออ อา ตาหมื่อตาเต เต๊เห่ แพ๊. ตาหมื่อตาเต โอ่เด๊อ อากู ปว๋า เต๊อเจ่อ เนอ อู เบ่ เม โพ๊เมแปล่ ลอ อา เร๊อ เตมีเตดอ อาสุ่ย ฮู๊เนอ. หม่าแน๊เรอ ม๊อขุ อาตาเต หม่าแหน่ เต๊เห่เนอ, อู เก่ เม โพ๊อาแปละ อา เร๊อ เตหลู่แถ่ เด๊อ อาแร๊เล๊อ เล๊อปา เจ๊อ เร๊อ เตมีเตดอ อาสุ่ยเออ เนอ เจ๊อ.

เอเฟซัส 2:10

กู๊แหน่เรอ เป ทวาแถ่ ฮู๊เออ เนอหม่า, จอแปแหร่ เม เป่ เป แพ๊. เด๊อ เป ทวาแถ่ เตอเจ๋อโต เฮ๊อ เร๊อ เหย่ซู่ครี๊ อาขว่าอาคยา, จอแปแหร่ เด๊อะ เป เตโอ่เซอเพร อาเซ เฮ๊อ. แซ่ฮู๊ เป เก่ เมเตแร๊ อาเงเนอเนอ, อา เด๊อะ เฮ๊อ เป เฮ๊อ. เป เก่ เม เตแร๊ เออเต๊เห่ อาเงเนอ, อา ตี๊หรี่แตแร หนื่ออื่อ งย๋า เป่ลาเฮ๊อ เด๊อ เปเง เฮ๊อ.

เอเฟซัส 2:14

เมเตเฮ๊เรอ, ครี๊ อาเหน่ แบ่เจ่ เร๊อดื่อ เออเนอหมา เพร เด๊อ อา เมเปเมดวากา เต เด๊อ เปเปล่กู เตเพร. เด๊อ อาเหร่อเคเนอ, แกแยยิวพู๊ เร๊อ แกแยยิวพู๊ หม่าโต่ เต๊เห่ เนอหม่า อา ซิเถ่ซิฮา ลู แซ่เน๊อ ด๊อ เด๊อ อา โอ่ ตาตือ เป เออเนอ เฮ๊อ. กู๊แหน่เออ อา เม โอ่เหม่แก เตซิเถ่ซิฮา ลู เออ, เร๊อ แกแย เออเนอหมู่เนอ อา เมทวาแถ่ คยาแซ๊ เฮ๊อ ลู ตู๊หมู่เฮ๊อ.

เอเฟซัส 2:16

อา ข่าเซอ อาซิปล่อ เด๊อ อี๊ถื่อดีเต่ลู อาขว่าอาคยา, แกแย เออเนอหมู่เนอ อา เมจิจือ กาคยา คยาแซ๊ลู ตู๊หมู่จือ เฮ๊อ, เร๊อ อา เมโครเมเกล กาคยา คยาแซ๊ เหย่ซี เร๊อ จอแปแหร่ เฮ๊อ. ฮู๊เนอเรอ เหย่ซี เตเพร เร๊อ เตเพร ซิเถ่ซิฮา ปา ลู โต่ เฮ๊อ.

โคโลสี 3:11

เด๊อ เตโอ่เซอเพร อาเซกู เนอ, แกแยยิวพู๊ เต๊เห่ เร๊อ แกแยยิวพู๊ หม่าโต่ เต๊เห่เนอ เบ่เบ่, แกแย ดื๊อตีลี๊พ๊า เร๊อ ดื๊อตีลี๊พ๊าโต่ เต๊เห่เนอ เบ่เบ่, เทอเก่โรพู๊ เต๊เห่ เบ่เบ่, แกแย มี เต๊เห่ เบ่เบ่, หลู่ เร๊อ แกแย ปาลา เต๊เห่เนอ เบ่เบ่, เป โตเบ่ เตเน ปา เน๊อ อา โค๊ลู ตีกี๋ โต่. แกแย เด๊อ อา หยื่อเอ่ ครี๊ ปว๋า เตเพร เนอ, ครี๊ โอ่เซอเพร เฮ๊อ เด๊อ ลูเหน่กู เฮ๊อ. ฮู๊เนอ อาขว่าอาคยา, ครี๊ หม่า เต เด๊อ อา โหล่ดุเล๊อ อู เฮ๊อ.

โคโลสี 3:15

ล๋อ ซีเออ เต๊เห่ เนอหม่า ซี ทวา ลอเฮ๊อ ครี๊ อาเหน่กล่อ เร๊อ จอแปแหร่ นว๊าแถ่ เฮ๊อ ซี เด๊อ ซี เก่โครเกล คยาลู เตเพร เร๊อ เตเพร เฮ๊อ. เมฮู๊เนอเรอ นอเป๊อหนิ ซี ซิปล่อ เร๊อ ครี๊ อาเพรอาดือ, เร๊อ เฮ๊บุ๊ยเฮ๊เตอเรอ แลแค จอแปแหร่ นี๋.