เอเฟซัส 2:12 - ลีเทส่อพ๊าอาเซ เร๊อ เห่ขุทวาลู๊

¹² เตเน กาคยา เกอเร๊อ แลแค ซีเหน่ เด๊อ เหร่อเคเนอ เนอเต๊เห่, เบ๊อะเนอเค หม่า ซี ซิเง เกอแต่อู ครี๊ โต่, เร๊อ ซี โอ่เต่อเกอ เด๊อ อิสราเอล เนอเต๊เห่ อาเกล ล๋ายโต่. เด๊อ จอแปแหร่ เร๊อ อาแกแย เต๊เห่ เอ่กลอเอ่หม่า ลูโหง่ เร๊อ อา อ๊อแล เกอเร๊อ อาแกแย เต๊เห่ อาเกลเนอหม่า, ซี โอ่เต่อเกอ ล๋ายโต่โต่. ซี โอ่เซอเพร เด๊อ เห่ขุเออ เนอ, ซี โอ่เซอเพร โชโด จอแปแหร่, ซี โอ่เซอเพร โชโด เตแม๊ชือ แลแค แพ๊.

Eastern Kayah Shadaw Dialect

¹² ꤒꤣꤧ꤬ꤔꤢꤩ꤬ ꤊꤢ꤬ꤋꤛꤢ꤭ ꤚꤣꤧꤘꤢꤦ꤬ ꤜꤢ꤭ꤋꤢꤧ꤭ ꤞꤤ꤭ꤔ꤫ꤢꤩ꤬ ꤘꤣ ꤔꤣꤧ꤬ꤋꤢꤩ꤭ ꤔꤣꤧ꤬ꤒꤣꤧ꤬ꤟꤢꤩ꤬, ꤙꤣꤧꤔꤣꤧ꤬ꤋꤢꤩ꤭ ꤗꤢ꤬ ꤞꤤ꤭ ꤞꤤꤑꤢꤩ꤭ ꤊꤣꤧ꤭ꤜꤢ꤭ꤟꤤꤢꤨ꤭ ꤋꤚꤤ ꤒꤥ꤬, ꤚꤣꤧ꤬ ꤞꤤ꤭ ꤥ꤬ꤒ꤫ꤣ꤬ꤊꤣꤧ꤭ ꤘꤣ ꤤ꤬ꤎꤢ꤬ꤚꤢꤩꤜꤢ꤬ꤖꤢꤨ ꤔꤣꤧ꤬ꤒꤣꤧ꤬ꤟꤢꤩ꤬ ꤢ꤬ꤊꤜꤢꤩ꤭ ꤜꤢ꤭ꤟꤤꤒꤥ꤬꤯ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤔꤢꤧ ꤢ꤬ꤊꤣꤧ꤬ꤛꤢꤧ꤭ ꤒꤣꤧ꤬ꤟꤢꤩ꤬ ꤢꤩ꤬ꤊꤜꤢꤪ꤬ꤢꤩ꤬ꤗꤢ꤬ ꤜꤢꤨ꤭ꤍ꤫ꤥ꤬ ꤚꤣꤧ꤬ ꤢ꤬ ꤢꤪꤜꤢꤧ꤬ ꤚꤣꤧꤘꤢꤦ꤬ ꤢ꤬ꤊꤣꤧ꤬ꤛꤢꤧ꤭ ꤒꤣꤧ꤬ꤟꤢꤩ꤬ ꤢ꤬ꤊꤜꤢꤩ꤭ꤔꤣꤧ꤬ꤗꤢ꤬, ꤞꤤ꤭ ꤥ꤬ꤒ꤫ꤣ꤬ꤊꤣꤧ꤭ ꤜꤢ꤭ꤟꤤꤒꤥ꤬ꤒꤥ꤬꤯ ꤞꤤ꤭ ꤥ꤬ꤞꤣꤧ꤭ꤖꤚꤢꤩ꤬ ꤘꤣ ꤟꤢꤩ꤬ꤋꤢꤨ꤬ꤣꤧ꤭ ꤔꤣꤧ꤬, ꤞꤤ꤭ ꤥ꤬ꤞꤣꤧ꤭ꤖꤚꤢꤩ꤬ ꤏꤥ꤭ꤘꤥ꤭ ꤡꤢꤪꤗꤣꤧ꤬ꤚꤢꤧ꤬, ꤞꤤ꤭ ꤥ꤬ꤞꤣꤧ꤭ꤖꤚꤢꤩ꤬ ꤏꤥ꤭ꤘꤥ꤭ ꤒꤢꤩ꤬ꤗꤢꤧꤏꤢꤦ꤭ ꤜꤢ꤭ꤋꤢꤧ꤭ ꤖꤢꤧ꤯

เอเฟซัส 2:12 ပူးပေါင်းရင်းမြစ်များ

ꤊꤢ꤬ꤜꤢ꤬ꤒꤤ 4:8

ม๊อเนอ เด๊อ อา ตาลว๊า โท เต๊เห่เนอ, ซี ซิเง จอแปแหร่ โต่ อาขว่าอาคยา, ซี ทวาเฮ๊อ หลู่เล๊ เด๊อ จอแปแหร่ หม่าโต่ เต๊เห่ อาเล เฮ๊อ.

โคโลสี 1:21

เด๊อ เหร่อเคเนอ เบ๊อะซี หยื่อเอ่ แต่ล๋าย เหย่ซู่ครี๊ โต่ เบ๊อะเนออาเค, ซี หม่า แกแย เด๊อ อา จว๊า โค๊แก เร๊อ จอแปแหร่. ซี เหล่เตเน เต๊เห่เนอ อา ลูโค๊ เร๊อ จอแปแหร่, โท๊โต่ ซี เมเต เต๊เห่เนอ อา มู๊แหม่รีแจ่.

เปโตร อาเหร่อเล๊อ ต๊าบ่า 1:3

เป เก่ เฮ๊บุ๊ยเฮ๊เตอเรอแถ่ โหร่ลู เป แบ่เจ่ เหย่ซู่ครี๊ อาเพ จอแปแหร่ โป๋. หม่าเด๊อ อา เตซิยอ ตาลว๊าซิลือ เป เออ, เร๊อ เหย่ซู่ครี๊ อาเตเซอ ก๊อถ่อกาคยา อาขว่าอาคยา, อา เด๊อะตา เฮ๊อ เป เตเซอเพร อาเซ เฮ๊อ. เด๊อ เออ อาขว่าอาคยา, เป พย๊าหนิ แฮเง ลาเฮ๊อ เป เตแม๊ชือ เด๊อ เป เตโอ่เซอเพร อากู เฮ๊อ.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 4:13

โป่แหว่ ซี, เป ซิหยื่อ นอซิเงเกอ ซี เร๊อ แกแย เด๊อ อา หยื่อเอ่แหน่เอ่เต เร๊อ อา เซอ โทเฮ๊อ เนอเต๊เห่ อาหรี่อาแก. ฮู๊ แกแย เด๊อ อา เตแม๊ชือ โอ่เกออู โต่ เนอเต๊เห่ ซิเปลซิหย่อ เนอ, เป ซิหยื่อ นอทวา เกอ ซี ฮู๊เนอโต่.

เอเฟซัส 4:18

เหย่ซี เนอเต๊เห่ หม่า อา ซิเงโปล เบ๊ เกออู เตหมะเตจ๊อ โต่. เด๊อ เหย่ซี กู่กล๊อเพรอ อาขว่าอาคยา, อา ซิเง เกอ แลแค อู จอแปแหร่ อาแกล๊อาโกล โต่, เด๊อ เหย่ซี ซิเงเกอ แลแค อู จอแปแหร่ อาแกล๊อาโกล โต่ อาขว่าอาคยาเร๊อ, เหย่ซี พย๊าหนิ เกออู ซิปล่อเซอเพร อาเซ เด๊อ จอแปแหร่ เด๊อ เออเนอ โต่.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 4:5

นอเป๊อ แลหนิ แต่ ซีเหน่ เร๊อ เตลือเมโมเร๊อ เหน่เต๊เห่ เร๊อ เตปาต๊าเปอเตอ อา เตซิหยื่อซิลอ ฮู๊ แกแย เด๊อ อา ซิเง เกออู จอแปแหร่ โต่ เนอเต๊เห่ แต่เหม่ นี๋.

ꤛꤥ꤭ꤟꤢ꤬ 15:5

“แว หม่า แท๊ทือเหมาะ, ซี หม่า อาแพ เต๊เห่. แกแย เด๊อ อา โอ่จิจือหมะ เด๊อ แวกู เร๊อ แว โอ่จิจือ เด๊อ เหย่ซี อากู เต๊เห่เนอ, เหย่ซี เก่ เส่เถ่โพเถ่ เอ๊แหน่เจ๊อ ปา. เมเตเฮ๊เรอ ซี เก่ โอ่ จิจือ เร๊อ แว โต่ เฮ๊เนอ, ซี เมแจ่ เต เตอเจ๋อ โต่.

ꤟꤤꤙꤚꤢꤨ 6:18

ฮู๊เนอเรอ จอแปแหร่ เด๊อะ ลอเฮ๊อ เป อา เตอ๊อแล เน๊อ อา เตแบแลหนิ อาโหง่เออ เนอเจ่อลอ เฮ๊อ. จอแปแหร่ แลโฮแจ่โต่ อาขว่าอาคยา, เออเนอเจ่อ เนอ อา ถู่แหล่ เต๊เปล่ โค๊แจ่ โต่โต่. เป เด๊อ อา แกล่ ตาดวา โอ่ว่าวโอ่โอ๊บี๊ เฮ๊อ เด๊อ จอแปแหร่ อา โอ่ เต๊เห่เนอ, เด๊อ จอแปแหร่ ถู่แหล่ เต๊เปล่ โค๊แจ่ ปา อา เตอ๊อแล โต่ อาขว่าอาคยา, เป ซิปล่อโม ซิปล่อชอแถ่ แหน่เจ๊อ. เด๊อ เป ซิปล่อโม ซิปล่อชอ อาขว่าอาคยา, เตแม๊ชือ เด๊อ จอแปแหร่ เด๊อ เปเออ เนอ, เป ปื่อหม่า แฮเง ตื๊อดื่อ เต่อเบ๊เฮ๊อ เด๊อ อาตื๊อดื่อ เฮ๊อ.

ꤚꤥꤗꤢꤩ꤬ 9:8

อา ซิหยื่อ เฮ๊ อาโหง่แลซ๊า ฮู๊เต เฮ๊เรอ, แกแย พู๊โอ่ เร๊อ อากลุยแล กาแล แฮเง เด๊อ เพอับราฮัม สุ่ย หย่าเทอ เต๊เห่เนอหม่า, จอแปแหร่ อาพู๊อาเลอ ลอ ปว๋า เตเพร หม่าโต่. แกแย เด๊อ อา โอ่เป๊เจ่แล ฮู๊ จอแปแหร่ อา เตอ๊อแลนอแลแก เนอเต๊เห่หม่า ตื๊อ อู เก่ แด่ เหย่ซี ฮู๊ เพอับราฮัม อากลุยอาแล แพ๊.

เปโตร อาเหร่อเล๊อ ต๊าบ่า 3:15

หม่าแน๊เรอ, แด่หยื่อแด่แหน่ แลแค ครี๊ เด๊อ ซี ซิปล่อกู ฮู๊ ซี แบ่เจ่ เตเพรเนอ นี๋. อูเป เตเพร เบ่เบ่, อา เก่ แด๊เฮอ ซี เร๊อ ซี เตแม๊ชือ อาหรี่อาแก เฮ๊เนอ, แซ่ฮู๊ ซี เก่ เฮ๊ฉื่อแจ่ เป่ เกออู เร๊อ โอ่ตี๊หรี่แตแร หนื่ออื่อ แลแค ซีเหน่ ปว๋า โตโพ๊ นี๋. หม่าแน๊เรอ ตูรู๊ เฮ๊เบ่ ซิโดซิงา ฉื่อ เหย่ซี เร๊อ แด่ซิแหน่ซิเตเร เหย่ซี นี๋.

เพรโด่แนพู๊ เต๊เห่ 28:20

เด๊อ เตหรี่เตแก เออ อาขว่าอาคยาเร๊อ, แว กุย เกอ เหย่ซี เด๊อ อา เก่ เด๊อะแม๊เถอะ เฮ๊เบ่เกอ เต เน๊อ ซี. เก่เฮ๊เนอหม่า เด๊อ ซี หม่าเฮ๊อ แกแยยิวพู๊ เออเต๊เห่ อา เตแม๊ชือ อาขว่าอาคยาเร๊อ, อู เบ่ จอกลอหม่าแก แว เน๊อ สู่เปลอต่อเท๊ เออ เฮ๊อ.”

เพรโด่แนพู๊ เต๊เห่ 3:25

จอแปแหร่ เตอ๊อแลนอแล เด๊อ อา นอเด๊อะโลตา ดื๊อตื่อ เพรโพร ซี เต๊เห่ เนอหม่า ซิเง เฮ๊อ. โท๊โต่ จอแปแหร่ อ๊อแล โทเฮ๊อ เน๊อ ซี โหมะเพเพอโพ เด๋อ งย๊าเค เต๊เห่ เน๋อ หม่า ซิเง โอ่ป่าเต่อเกอ เฮ๊อเฮ๊อ. ฮู๊ จอแปแหร่ เฮ๊โฉ่หนื่ออื่อ โทเฮ๊อ เพอับราฮับ เน๊อ, ‘แว เก่ เด๊อะบุ๊ยเด๊อะเตอเรอ แฮเง ลอ แกแยเห่ขุพู๊ เออเต๊เห่ ล๋อ ปลี เน๊อ เน กลุยแล แกแล เนอเตเพร อาคยา ปา.’

เห่ขุทวาลู่ 15:18

เบ๊อะเนอ เตอเนอเร๊อ จอแปแหร่ ตูจูเพร อ๊อแล อาโหง่ เน๊อ คูอับราม เร๊อ อา เฮ๊ ลู เน๊อ, “เป๊อแถ่ เด๊อ อียิปต์เก่กือ แลโหมะ เนอเร๊อ อา โต่ เด๊อ ยูเฟรติส เทอแลโหมะดุ เนอ, แว อ๊อแลนอแล เฮ๊อ เน๊อ เก่เออ แว เด๊อะ เน๊อ เนกลุยเนลุ๊ย ตากาแล เต๊เห่ เฮ๊อ.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 3:3

แกแย เด๊อ อา โอ่ป่อแม๊ชือ แลแค เร๊อ อา เก่ ทวาแถ่ แซ่เน๊อ เหย่ซู่ครี๊ ปา เต๊เห่เนอ, ฮู๊ ครี๊ บูโพ๊เนอ, อา เก่ แด่บูโพ๊ เกอ อาเหน่ ฮู๊เนอ ปา.

เปโตร อาเหร่อเล๊อ ต๊าบ่า 1:21

เด๊อ ครี๊ อาขว่าอาคยา, ซี หยื่อเอ่แหน่ จอแปแหร่ เด๊อ อา เม ก๊อถ่อเซอเพร กาคยา คยาแซ๊ ครี๊ เด๊อ เตเซอ เร๊อ อา แด่ดุแด่แถ่โล เล๊อ เฮ๊อ ลู เออเตเพร เฮ๊อ. ฮู๊เนอเร๊อ ซี เตหยื่อ เร๊อ ซี เตแม๊ชือ เออเนอ, อา โอ่ เฮ๊อ เด๊อ จอแปแหร่ อาลูเฮ๊อ.

ꤟꤤꤙꤚꤢꤨ 11:34

เหย่ซี เมปีเบ๊ แลแค หมิแก โรโซดุ เต๊เห่. เหย่ซี แลเปล๊เบ๊ แลแค เร๊อ อู ชือเซอ เหย่ซี เร๊อ อิโท๊เน๊โก๊ เต๊เห่. เหย่ซี อ๊าเจ่เหร่เจ่ แพ๊ หม่าแน๊เรอ เหย่ซี ทวาแถ่ แกแย เด๊อ อาฉว่าอาชอ แหน่เจ๊อ เต๊เห่. เหย่ซี พย๊าหนิ เตเตอเรอฉว่าชอ เด๊อ เตช๊าเตปา อาเง เร๊อ อา เมเป่แก เทอโร เก่กลอพู๊ เด๊อ อา ซิเถ่ซิฮา เหย่ซี เต๊เห่.

ทิโมธี อาเหร่อเล๊อ ต๊าบ่า 1:1

แว หม่า คูเปาโล. แว ราจว๊า หนิเป่ ซี ลีเออต๊าบ่า. จอแปแหร่ เด๊อ อา เมแลเปล๊กา เป เออเตเพร เน๊อ เหย่ซู่ครี๊ เด๊อ เป เตแม๊ชือ ซิเล เกอเร๊อ อา เออเตเพรเนอ, เหย่ซี เฮ๊ตา โทเฮ๊อ อาโหง่ เน๊อ อา นอทวาแถ่เฮ๊อ แว เน๊อ เหย่ซู่ครี๊ อา เพรโด่แนพู๊ เต๊เห่ เตเพร.

เธสะโลนิกา เนอบ่า ต๊าบ่า 2:16

เปเพ จอแปแหร่ อาบุ๊ยอาเตอเรอ ขว่าคยาเร๊อ, อา เด๊อะตา เฮ๊อ เป อา เตเด๊อะอ๊าเด๊อะเหร่ ตูจูเพร เร๊อ เตแม๊ชือ เด๊อ อาตาอาเต เออเต๊เห่เนอ เฮ๊อ. เป แบ่เจ่ เหย่ซู่ครี๊ เร๊อ เปเพ จอแปแหร่ เด๊อ อา โมหนิเร๊อ เป เออเตเพร เก่ เด๊อะอ๊าเด๊อะเหร่ ดื่อ ซี นี๋. โท๊โต่ แซ่ฮู๊ ล๋อ ซี เตเอ่เตแร เนอเต๊เห่ เร๊อ ล๋อ ซี เตเฮ๊เบ่เฮ๊โช เต๊เห่ เก่ แร๊ อาเงเนอ, อา เก่ เด๊อะฉว่าเด๊อะชอแถ่ ดื่อ ซี ซิปล่อ นี๋.

โคโลสี 1:27

จอแปแหร่ ซิปล่อโอ่ เด๊อ อา เก่ เบ่ แด่โลแถ่ เป่ อาแกแย เต๊เห่ เน๊อ อา เตแด่โอ๊แด่บี๊ เออเต๊อเจ่อ. อา เตแด่โอ๊แด่บี๊ เออเนอหมา แกแยยิวพู๊ หม่าโต่ เต๊เห่ อาเง เนอหม่า อาหม่าหม่า. เตแด่โอ๊แด่บี๊ เออเนอหมา อา งูดุงูชอ, อาเตอเรอดุเตอเรอทู แหน่เจ๊อ. เตแด่โอ๊แด่บี๊ เออเนอหมา หม่าเฮ๊อ ครี๊ เด๊อ อา โอ่ เด๊อ ซีเหน่ลู เออเนอเฮ๊อ, เร๊อ อาโหง่แลช๊า หม่า หม่าเฮ๊อ ซี เก่ พย๊าหนิ เกอดื่อ จอแปแหร่ อาเตอเรอดุเตอเรอทู ปา, เออเนอเฮ๊อ.

โคโลสี 1:5

เบ๊อะซี หนิโฮ ลู่ เตซิครือมีลา เด๊อ อาหม่า อาจ๊อ เออ เบ๊อะเนออาเค, ซี หนิโฮ โทดื่อเฮ๊อ เตแม๊ชือ เด๊อ เตซิครือมีลา เด๊อะ ซี เออเนอ เฮ๊อ. เด๊อ เตแม๊ชือ เออ อาขว่าอาคยา, ซี หยื่อเอ่ จอแปแหร่, โทเรอ ซี โมหนิเร๊อ อูโร. จอแปแหร่ แด่ดว๊าแด่ปล๊อ เป่ เฮ๊อ ซี เตแม๊ชือ เออเนอ เด๊อ ม๊อขุ เฮ๊อ.

ꤛꤥ꤭ꤟꤢ꤬ 10:16

แว ซิหมิ เด๊อ อาโร เด๊อ อา โอ่ เบ๊อะอาโปกู เออโต่เนอ อา โอ่ปา เต๊เห่. แว เบ่ เอ๊กา เกอ เหย่ซี ปา. เหย่ซี เก่ หนิดา เกอ แวโหง่ ปา, เร๊อ เหย่ซี เก่ กา ทวา เต่อ ลอ ลู ซิหมิ ตู๊หมู่จือแพ๊, เพรเกซิหมิ อา แบ่เจ่ เตเพรเพร่ว แพ๊ปา.

ꤛꤥ꤭ꤟꤢ꤬ 4:22

ซี สะมาเรียพู๊ เต๊เห่เนอ, ซี จ๊อเบแถ่ อูเป เนอ ซี ซิเง ตาเต เกอเร๊อ โต่. หม่าแน๊เรอ เป แกแยยิวพู๊ เต๊เห่เนอ, เป จ๊อเบแถ่ อูเปเนอ เป ซิเง เกอเร๊อ, เมเตเฮ๊เรอ เตเมแลเปล๊แก เนอ อา โอ่แถ่ เด๊อ เป แกแยยิวพู๊ อาเกล เฮ๊อ.

ꤜꤢꤨꤊꤢ꤬ 1:72

อา เฮ๊ เร๊อ อา เก่ เด๊อะโล อา เตซิยอ กล่าเบ่ เด๊อ เปเพอเปโพ เต๊เห่ อาโอ่ ปา, โท๊โต่ อา เก่ เตเนแถ่ เบ่โต่ คยาแซ๊ อา เตอ๊อแล โพ๊แปละบูโพ๊ เนอเต๊เห่ ปา.

เพรโด่แนพู๊ เต๊เห่ 2:39

จอแปแหร่ อา เตอ๊อแลนอแล เออเนอหมา, หม่า ซิเง เน๊อ ซีกลุยซีแล เด๊อคยา เต๊เห่ อาเง เน๊อ, ล๋อ แกแย เด๊อ อา โอ่ เด๊อ เทอเก่อายา เต๊เห่ อาเง เร๊อ ล๋อ แกแย อาโอ่ เด๊อ จอแปแหร่ เอ๊แฮ ลู เด๊อ อา โอ่ เนอเต๊เห่ อาเง เฮ๊อ.”

เอเฟซัส 2:19

เก่ เมฮู๊เนอเรอ, ซี แกแยยิวพู๊ หม่าโต่ เออเต๊เห่เนอ, ซี ทวาปา เทอโรเก่กลอพู๊ เต๊เห่ หม่าปาโต่ เฮ๊อ, หม่าโต่เรอ ซี ทวาปา ซิเผระ เต๊เห่ หม่าปาโต่ เฮ๊อ. กู๊แหน่เออ ซี ทวาโต่ แซ่เกอเฮ๊อ จอแปแหร่ อา เทอพู๊เก่พู๊ แซ่เน๊อ อาแกแย เออเนอเต๊เห่ เฮ๊อ. โท๊โต่ ซี หม่า จอแปแหร่ อา หี่พู๊แพพู๊ เต๊เห่ เฮ๊อ.

ꤟꤤꤙꤚꤢꤨ 8:6

เหย่ซู่ เมเต ฮู๊ เพรหลู่แตเต เตเพรเนอ, อาแร๊ เล๊อปา เจ๊อ เน๊อ เพรหลู่แต เด๊อ เห่ขุ เออเต๊เห่ เมเนอ เจ๊อ. ฮู๊เนอเฮ๊อ, จอแปแหร่ อา เตอ๊อแล อาเซ เด๊อ เหย่ซู่ พย๊าแฮหนิ เออเนอหมา อาแร๊เล๊อ ปา เจ๊อ เร๊อ เตอ๊อแล อาเลอ เออเนอ เจ๊อ. เตอ๊อแล อาเซ เออเนอ, อา ตาเต ซิเลเกอเร๊อ เตอ๊อแล เด๊อ อาแร๊เล๊อ เต๊เห่ อาลู.