เอเฟซัส 2:11 - ลีเทส่อพ๊าอาเซ เร๊อ เห่ขุทวาลู๊11 ฮู๊เนอเรอ, ซิเหน่แถ่เบ่หนิ แลแค ซีเหน่ เร๊อ เด๊อ เหร่อเคเนอ เนอ, ซี โอ่แลเด๊อเป๊เจ่ปา เด๊อ แกแยยิวพู๊ หม่าโต่ เต๊เห่ อาเกล. เร๊อ แกแยยิวพู๊ เด๊อ อา เอ๊ เกอเร๊อ อาเหน่ เร๊อ แกแย ดื๊อตีลี๊พ๊า เต๊เห่เนอหม่า, อา ดื๊อ แลแค แพ๊ เหน่กล่อ พ๊าหย่า แพ๊, เร๊อ แกแยเห่ขุพู๊ ดื๊อ เป เหย่ซี แพ๊. เร๊อ เหย่ซี เนอเต๊เห่ หม่า อา เอ๊ แลแค ซี เน๊อ, “แกแย ดื๊อตีลี๊พ๊า หม่าโต่ เต๊เห่,” ฮู๊เนอ. အခန်းကိုကြည့်ပါ။Eastern Kayah Shadaw Dialect11 ꤟꤢꤨꤔꤣꤧ꤬ꤚꤣꤧ꤬, ꤞꤤꤔ꤫ꤢꤩ꤬ꤓꤢꤧ꤬ꤙꤢꤩ꤬ꤚꤣꤧ ꤜꤢ꤭ꤋꤢꤧ꤭ ꤞꤤ꤭ꤔ꤫ꤢꤩ꤬ ꤔꤢꤧ ꤘꤣ ꤔꤣꤧ꤬ꤋꤢꤩ꤭ ꤔꤣꤧ꤬, ꤞꤤ꤭ ꤥ꤬ꤖꤢꤨꤡ꤫ꤢꤩ꤬ꤜꤢꤧ꤬ ꤘꤣ ꤛꤢꤨꤘꤢ꤬ꤖꤢꤨ ꤗ꤫ꤢ꤬ꤒꤥ꤬ ꤒꤣꤧ꤬ꤟꤢꤩ꤬ ꤢ꤬ꤊꤜꤢꤩ꤭꤯ ꤚꤣꤧ꤬ ꤛꤢꤨꤘꤢ꤬ꤖꤢꤨ ꤘꤣ ꤢ꤬ ꤢꤩ ꤚꤣꤧꤘꤢꤦ꤬ ꤢ꤬ꤔ꤫ꤢꤩ꤬ ꤔꤢꤧ ꤊꤣꤧ꤬ꤛꤢꤧ꤭ ꤘꤢꤦꤒꤣꤧ꤬ꤜꤤꤖꤢꤖꤢꤨ ꤒꤣꤧ꤬ꤟꤢꤩ꤬ꤔꤣꤧ꤬ꤗꤢ꤬, ꤢ꤬ ꤘꤢꤦ ꤜꤢ꤭ꤋꤢꤧ꤭ ꤖꤢꤧ ꤔ꤫ꤢꤩ꤬ꤊꤜ꤫ꤢꤪ꤬ ꤖꤢꤛꤢ꤬ ꤖꤢꤧ, ꤚꤣꤧ꤬ ꤖꤚꤢꤩ꤬ꤜꤢꤨ꤬ꤊꤣꤧ꤬ꤛꤢꤧ꤭ ꤘꤢꤦ ꤕ꤫ꤢꤩ꤬ ꤛꤢꤩ꤬ꤞꤤ꤭ ꤖꤢꤧ꤯ ꤚꤣꤧ꤬ ꤛꤢꤩ꤬ꤞꤤ꤭ ꤔꤣꤧ꤬ꤒꤣꤧ꤬ꤟꤢꤩ꤬ ꤗꤢ꤬ ꤢ꤬ ꤢꤩ ꤜꤢ꤭ꤋꤢꤧ꤭ ꤞꤤ꤭ ꤔꤢꤧ, “ꤊꤣꤧ꤬ꤛꤢꤧ꤭ ꤘꤢꤦꤒꤣꤧ꤬ꤜꤤꤖꤢꤖꤢꤨ ꤗ꤫ꤢ꤬ꤒꤥ꤬ ꤒꤣꤧ꤬ꤟꤢꤩ꤬,” ꤟꤢꤨꤔꤣꤧ꤬꤯ အခန်းကိုကြည့်ပါ။ |
เอเฟซัส 2:11
29 ပူးပေါင်းရင်းမြစ်များ
เบ๊อะซี หยื่อเอ่ แตแล๋ เหย่ซู่ครี๊ โต่ เบ๊อะเนอ, เด๊อ ซี เตซื๊อ อาขว่าอาคยาเร๊อ, ซี แซ่เน๊อ แกแยเด๊อ อาเซอ เด๊อ แหย่โย ตากยา เฮ๊อ. โท๊โต่ ซี แลเปล๊เถ่เบ๊ เน๊อ ซี เหล่โกล เมเตซื๊อ อา เพรโพรฉว่าชอ เออเนอ โต่. หม่าแน๊เรอ กู๊แหน่เออ จอแปแหร่ เม ก๊อถ่อเซอเพร กาคยา เต่อเกอ เฮ๊อ ซี เน๊อ ครี๊ เฮ๊อ. จอแปแหร่ ปลวาแก ลอเฮ๊อ เป เตซื๊อ ล๋อ ปลี เฮ๊อ
เด๊อ เตโอ่เซอเพร อาเซกู เนอ, แกแยยิวพู๊ เต๊เห่ เร๊อ แกแยยิวพู๊ หม่าโต่ เต๊เห่เนอ เบ่เบ่, แกแย ดื๊อตีลี๊พ๊า เร๊อ ดื๊อตีลี๊พ๊าโต่ เต๊เห่เนอ เบ่เบ่, เทอเก่โรพู๊ เต๊เห่ เบ่เบ่, แกแย มี เต๊เห่ เบ่เบ่, หลู่ เร๊อ แกแย ปาลา เต๊เห่เนอ เบ่เบ่, เป โตเบ่ เตเน ปา เน๊อ อา โค๊ลู ตีกี๋ โต่. แกแย เด๊อ อา หยื่อเอ่ ครี๊ ปว๋า เตเพร เนอ, ครี๊ โอ่เซอเพร เฮ๊อ เด๊อ ลูเหน่กู เฮ๊อ. ฮู๊เนอ อาขว่าอาคยา, ครี๊ หม่า เต เด๊อ อา โหล่ดุเล๊อ อู เฮ๊อ.
เป หม่า จอแปแหร่ อาแกแย หม่าแหน่ เต๊เห่ เฮ๊อ, เหย่ซี เนอเต๊เห่ หม่า อา หม่าแหน่ หม่าโต่, เมเตเฮ๊เร๊อ เด๊อ จอแปแหร่ อา แหย่โยบูโพ๊ อาขว่าอาคยา, เป จ๊อบู่จ๊อเบแถ่ เฮ๊อ จอแปแหร่ เร๊อ เป เฮ๊เบ่ถู่เซ๊ เกอเร๊อ เตเด๊อ เหย่ซู่ครี๊ เม เป่ โทเฮ๊อ เป เออเต๊เห่ เฮ๊อ. แซ่ฮู๊ เป เก่ พย๊าหนิ เตเมแลเปล๊กา อาเงเนอ, เป โต ซิเล แถ่หนิ เกอเร๊อ เตเด๊อ เป เม เฮ๊อ อา เออเนอเต๊เห่ โอ่โต่.
เด๊อ ซีเกล เต๊เห่เห่ เนอ, เด๊อ เนอเค หม่า อา ทวา โทเฮ๊อ แกแยจา แกแยมู๊แหม่ แซ่เน๊อ เนอเฮ๊อ หม่าแน๊เรอ จอแปแหร่ ซู๊ปลีแก โทเฮ๊อ ซี เตซื๊อ เฮ๊อ. เร๊อ กู๊แหน่เออ ซี ทวา เฮ๊อ จอแปแหร่ อาเต เฮ๊อ. เด๊อ แบ่เจ่ เหย่ซู่ครี๊ เร๊อ จอแปแหร่ อา แหย่โยบูโพ๊ อาขว่าอาคยาเร๊อ, กู๊แหน่เออ, จอแปแหร่ แด่เฮ๊อ ซี ฮู๊ แกแยจ๊อแกแยเต เต๊เห่เนอ เฮ๊อ.
แกแยยิวพู๊ เออเต๊เห่ เนอหม่า อาแซ่เน๊อ อู จว๊า ย๊อเก่แก โต๊โฉ่แพ เด๊อ อู ช๊อแด๊ ลู เด๊อ เตเร๊กู เออเต๊เห่ อาแพ เร๊อ อู จว๊า ย๊อเก่กา เกอลาติ โต๊โฉ่แพ เด๊อ อา แด๊เร๊อดื่อ อาเหน่ เด๊อ หมิเกล เนอเต๊เห่ อาแพ เร๊อ อู กา บ่อทือ จิจือลู. ซี แกแยยิวพู๊ หม่าโต่ เต๊เห่ เนอหม่า อาแซ่เน๊อ โต๊โฉ่เหมาะ เด๊อ อา แด๊ เด๊อ หมิเกล เออเต๊เห่ เนอเฮ๊อ. กู๊แหน่เออ ซี พย๊าหนิ เกอเฮ๊อ เตบุ๊ยเตเตอเรอ เด๊อ จอแปแหร่ เด๊อะบุ๊ยเด๊อะเตอเรอ แกแยยิวพู๊ เพอโพ เด๊อ เนอเค เต๊เห่ เฮ๊อ. ซี พย๊าหนิ แซ่เน๊อ ส่อแพ เออเต๊เห่ จุ๊ยโอ หนิอ๊าหนิเหร่ เกอ ส่อแจเทอ เด๊อ อา โอ่ เด๊อ อาหรุ่ยกู เร๊อ อา แฮ เออเต๊เห่ เนอเฮ๊อ.
ကြော်ငြာတွေ