เอเฟซัส 2:10 - ลีเทส่อพ๊าอาเซ เร๊อ เห่ขุทวาลู๊

¹⁰ กู๊แหน่เรอ เป ทวาแถ่ ฮู๊เออ เนอหม่า, จอแปแหร่ เม เป่ เป แพ๊. เด๊อ เป ทวาแถ่ เตอเจ๋อโต เฮ๊อ เร๊อ เหย่ซู่ครี๊ อาขว่าอาคยา, จอแปแหร่ เด๊อะ เป เตโอ่เซอเพร อาเซ เฮ๊อ. แซ่ฮู๊ เป เก่ เมเตแร๊ อาเงเนอเนอ, อา เด๊อะ เฮ๊อ เป เฮ๊อ. เป เก่ เม เตแร๊ เออเต๊เห่ อาเงเนอ, อา ตี๊หรี่แตแร หนื่ออื่อ งย๋า เป่ลาเฮ๊อ เด๊อ เปเง เฮ๊อ.

Eastern Kayah Shadaw Dialect

¹⁰ ꤊꤢꤨꤔ꤫ꤢꤧ꤬ꤚꤣꤧ꤬ ꤕꤢꤩ꤬ ꤓꤝꤢ꤭ꤓꤢꤧ꤬ ꤟꤢꤨꤣꤧ꤭ ꤔꤣꤧ꤬ꤗꤢ꤬, ꤡꤢꤪꤗꤣꤧ꤬ꤚꤢꤧ꤬ ꤗꤢꤩ꤬ ꤕ꤫ꤢꤩ꤬ ꤕꤢꤩ꤬ ꤖꤢꤧ꤯ ꤘꤣ ꤕꤢꤩ꤬ ꤓꤝꤢ꤭ꤓꤢꤧ꤬ ꤒꤣ꤬ꤡꤣ꤬ꤡꤢꤦ꤭ ꤟꤣꤧ ꤔꤢꤧ ꤛꤢꤩ꤬ꤏꤛꤢꤨꤋꤚꤤ ꤢ꤬ꤋꤝꤢ꤬ꤢ꤬ꤋꤛꤢ꤭ ꤡꤢꤪꤗꤣꤧ꤬ꤚꤢꤧ꤬ ꤘꤣꤧ ꤕꤢꤩ꤬ ꤒꤢꤩ꤬ꤥ꤬ꤞꤣꤧ꤭ꤖꤚꤢꤩ꤬ ꤢ꤬ꤞꤢꤩ꤭ ꤟꤣꤧ꤯ ꤞꤢꤧꤟꤢꤨ ꤕꤢꤩ꤬ ꤊ꤫ꤢꤦ꤬ ꤗꤢꤩ꤬ꤒꤢꤩ꤬ꤚꤢꤧ ꤢ꤬ꤑꤢꤩ꤭ꤔꤣꤧ꤬ꤚꤣꤧ꤬, ꤢ꤬ ꤘꤣꤧ ꤟꤣꤧ ꤕꤢꤩ꤬ ꤟꤣꤧ꤯ ꤕꤢꤩ꤬ ꤊ꤫ꤢꤦ꤬ ꤗꤢꤩ꤬ ꤒꤢꤩ꤬ꤚꤢꤧ ꤣꤧ꤭ꤒꤣꤧ꤬ꤟꤢꤩ꤬ ꤢ꤬ꤑꤢꤩ꤭ꤔꤣꤧ꤬, ꤢ꤬ ꤒꤣꤧ꤬ꤚꤤ꤬ꤒꤣꤧ꤬ꤚꤢꤧ꤭ ꤥ꤬ꤔꤢꤩ꤬ ꤑꤢ꤭꤮ ꤜꤥ꤬ ꤕ꤫ꤢꤩ꤬ꤟꤣꤧ ꤘꤣ ꤕꤢꤩ꤬ꤑꤢꤩ꤭ ꤟꤣꤧ꤯

เอเฟซัส 2:10 ပူးပေါင်းရင်းမြစ်များ

ฟีลิปปี 2:13

เมเตเฮ๊เรอ, แซ่ฮู๊ ซี เก่ ซิปล่อฉว่า ซิหยื่อ หนิดา ครวาเม เกอ ฮู๊ จอแปแหร่ อา เตซิหยื่อ เด๊อ อาแร๊ เต๊เห่ อาเงเนอ, อา เม เป่เฮ๊อ เต เด๊อ ซีกู ปว๋า โต๊โพ๊ เจ๊อ เฮ๊อ.

โคโลสี 1:10

แซ่ฮู๊ ซี เก่ โอ่เซอเพร เกอติ เร๊อ แบ่เจ่ โทเรอ แซ่ฮู๊ ซี เก่ เมโม ลู ซิปล่อ อาเงเนอ, เป กุยจ๊อเบ จอแปแหร่ ฮู๊เนอ. โท๊โต่ แซ่ฮู๊ ซี เก่ เมเตแร๊ ปว๊าเต๊อเจ่อ, เร๊อ ซี เก่ เส่แถ่แร๊ เร๊อ ซี เก่ ดุแถ่ดื่อ เด๊อ เตซิเง จอแปแหร่ อากู อาเงเนอ, เป กุยจ๊อเบ เป่ โป่ เด๊อ ซีเง.

โครินธ์ เนอบ่า ต๊าบ่า 5:17

แกแย เตเพรเพร เด๊อ อา ทวาแถ่ เฮ๊อ เต๊อเจ๋อ แพ๊ เน๊อ ครี๊ เนอ, อา ทวาแถ่ เฮ๊อ แกแย เตเพร เด๊อ จอแปแหร่ แบ๊แล เต๊เปล่ เซ ลู เฮ๊อ. อา วีแก แก อา เตโอ่เซอเพร อาเลอ เต๊เห่ เร๊อ อา โอ่เซอเพร เต๊เปล่แก เด๊อ อาเซ เฮ๊อ.

โครินธ์ เนอบ่า ต๊าบ่า 9:8

แซ่ฮู๊ ซี เก่ พย๊าหนิ เล๊อบา ลอล๋อ เต เด๊อ ซี โหล่ เนอเต๊เห่, โท๊โต่ แซ่ฮู๊ ซี เต เก่ โอ่ เล๊อบา ตาป่อตาเป เด๊อ ซี เก่ เด๊อะเป่เกอ แฮเง เร๊อ แกแย เด๊อ อาโรเต๊เห่ อาเงเนอ, จอแปแหร่ เก่ เด๊อะบุ๊ยเด๊อะเตอเรอ เอ๊ เล๊อปา เจ๊อ เร๊อ ล๋อ ซี โหล่ เต๊เห่ เนอหม่า อา เมแจ่ แพ๊.

เอเฟซัส 4:24

เร๊อ อากืออาแซ๊ แลแค เตโอ่เซอเพร อาเซ ฮู๊ จอแปแหร่ แบ๊ตา แซ่เกอโทเฮ๊อ ซี เร๊อ อาเหน่กล่อ. เด๊อ อาจ๊ออาเต หม่าแหน่ เร๊อ เต บูโพ๊ หม่าแหน่ อากู เนอเต๊เห่ นี๋.

ฟีลิปปี 1:6

จอแปแหร่ เด๊อ อา เป๊อแถ่ ถู่แหล่ แร๊กา โทเฮ๊อ ซี ซิปล่อ เออเตเพรเนอ, แว หยื่อเอ่ ตาเต เจ๊อ เร๊อ อา เก่ เมแร๊ แฮเง ปลื๊อลา โต่เด๊อ เหย่ซู่ครี๊ อาม๊อเนอ แฮโต่ ปาเนอ โตโพ๊ ปา.

ทิโมธี เนอบ่า ต๊าบ่า 3:17

เมเตเฮ๊เรอ แซ่ฮู๊ จอแปแหร่ อาแกแย เก่ เล๊อแถ่บาแถ่ เร๊อ เก่ โอ่ ตี๊หรี่แตแร อาเหน่ เน๊อ อา เก่ เมเต อาแร๊ ปว๋า เต๊อเจ่อ อาเงเนอเรอ, อา อิซว๊า เป่ อู เฮ๊อ.

เอเฟซัส 4:1

ฮู๊เนอ อาขว่าอาคยา, แว กุยซิยอหนิเกอ ซี แซ่เน๊อ อู ด๊อตา แกแย เด๊อ ทอกู เด๊อ แบ่เจ่ อาเง เตเพรเนอ. จอแปแหร่ เอ๊เฮ๊อ ซี เด๊อ ซี เก่ ทวาแถ่ เพรหยื่อเอ่ เออ เต๊เห่ อาขว่าอาคยา, แว กุยซิยอ ซี เร๊อ ซี เก่ โอ่เซอเพร แด่แร๊เกอ ซี ซิปล่อ ฮู๊ เพรหยื่อเอ่ เออ เต๊เห่ โตเบ่ โอ่เซอเพร เนอ.

ทิโมธี เนอบ่า ต๊าบ่า 2:21

แกแย เตเพรเพร เก่ เม อาเม โพ๊แปละแถ่ คยาอาเหน่ เน๊อ เต เด๊อ อา วี๊ ลู เนอเต๊เห่ เฮ๊เนอ, อา ทวาแถ่ ดีปอดีโด เต๊อเจ่อ เด๊อ อู นอเอ่ อา เบ๊อะอู โหล่ดุ โค๊ดื่อ อา เบ๊อะเนอ เฮ๊อ. อา แด่บูโพ๊ อาเหน่ อาขว่าอาคยาเร๊อ, อา ทวาบุ๊ยทวาเตอเรอ เด๊อ อา แบ่เจ่ อาเง. โทเรอ อา โอ่ ตี๊หรี่แตแร อาเหน่ เน๊อ อา เตเร เมแร๊ เต ล๋อ ปลี อาเง เฮ๊อ.

ꤒꤤꤒꤢꤨ 2:14

แซ่ฮู๊ อา เก่ เมแลเปล๊กา เป เด๊อ เตมู๊แหม่รีแจ่ ล๋อ ปลี เต๊เห่ อากู, โท๊โต่ แซ่ฮู๊ อา เก่ เม อาโพ๊อาแปละ กา เป เร๊อ เป เก่ ทวาแถ่ อาแกแย, โท๊โต่ เป เก่ ซิปล่อฉว่า เมเต เด๊อ อาแร๊ เต๊เห่ อาเงเนอ, อา ข่าเซอ เป่ เฮ๊อ อาซิปล่อ เด๊อ เปเง เฮ๊อ.

เอเฟซัส 1:4

เมเตเฮ๊เรอ, เด๊อ จอแปแหร่ อา เป๊เส่เง ปาเนอ, แซ่ฮู๊ เป เก่ บูโพ๊ เร๊อ อู เก่ แด่แจ่ ปา แต่ เป่ เตซื๊อ เตอเจ๋อ แต่เหม่ อาเงเนอ, อา นว๊าแถ่ปา เป เด๊อ ครี๊ อากู, เด๊อ อา แบ๊แล แต่ล๋าย เห่ขุ โต่ ปา เจ๊อ.

ทิโมธี อาเหร่อเล๊อ ต๊าบ่า 6:18

เฮ๊แก เนโหง่ เน๊อ แกแย ดุแหย่ เนอเต๊เห่ เนอ, เร๊อ เฮ๊ เหย่ซี เน๊อ นอดุแหย่ เกอ แลแค เหย่ซี เด๊อ เตเมแร๊ เนอ ตากยา นี๋. เมเอ๊ แลแค เตแร๊ ฮู๊เนอ ตื๊อหม่า ทวาหม่าเฮ๊อ. แกแยดุแหย่ เฮ๊อ. เร๊อ นอ ซิครือซิลอ เด๊อะตา เป่เกอ อู, เฮ๊ เหย่ซี เน๊อ นอเมจว่า เอ๊เอ๊ เป่เกอ เร๊อ อูโร เต๊เห่ นี๋.

ꤒꤤꤒꤢꤨ 3:14

แซ่ฮู๊ เป ครีตกลื๊อขุครี๊พู๊ เออเต๊เห่ เก่ นอเอ่แจ่ เกออู ม๊อเนอม๊อเซ เด๊อ อา เก่ เม เตแร๊ เต๊เห่ อาเงเนอ, โตเบ่ อิซว๊า เป่เกอ เหย่ซี โทเรอ แซ่ฮู๊ อา เก่ เมจว่าเบ๊ เป่เกอ แกแย เด๊อ อา โหล่ แหน่ เนอเต๊เห่, โท๊โต่ แซ่ฮู๊ เหย่ซี เก่ โอ่เซอเพร แกเด ดื่อ เน๊อเต เด๊อ อาบุ๊ยเตอเรอ โอ่โต่ เนอเต๊เห่ อาเง แต่เหม่เนอ, โตเบ่ อิซว๊า เป่เกอ เหย่ซีซี.

ꤟꤤꤙꤚꤢꤨ 10:24

เป เตโม เกอเร๊อ ลู เตเพร เร๊อ เตเพร เออ, แซ่ฮู๊ อา เก่ โอ่ เอ๊แถ่ เร๊อ โอ่ เอ๊แถ่ เนอ, แซ่ฮู๊ เป เก่ เมเต เด๊อ อาแร๊ เต๊เห่ อาเงเนอ, เป เก่ เตเน เป่เกอ อู เด๊อ เป เก่ เด๊อะอ๊า เด๊อะเหร่ เกอเร๊อ ลู เตเพร เร๊อ เตเพร ฮู๊เต อาหรี่อาแก เออเต๊เห่เนอ แพ๊ โป๋.

ꤒꤤꤒꤢꤨ 3:8

เตเฮ๊เบ่ เออเนอหมา อาจ๊ออาเต. แซ่ฮู๊ แกแย เด๊อ อา หยื่อเอ่แลแค จอแปแหร่ เต๊เห่ เก่ ซิปล่อป่า เร๊อ เด๊อะแลเกอ แลแค ซิปล่อ เด๊อ อา เก่ เม เตแร๊ เต๊เห่ อาเงเนอ, แว ซิหยื่อ เด๊อ เน เก่ อิซว๊า ซิปล่อป่า ตาเต เป่อู เร๊อ เตหรี่เตแก เออเต๊เห่. เตเออเต๊เห่ หม่า อาแร๊ แหน่เจ๊อ เร๊อ อา ทวาบุ๊ยทวาเตอเรอ แหน่เจ๊อ เด๊อ อู ปว๋า เตเพร อาเง เจ๊อ.

โคโลสี 3:10

เร๊อ ซี กือแซ๊แถ่เฮ๊อ เตโอ่เซอเพร อาเซ เด๊อ จอแปแหร่ แบ๊เต๊เปล่เซ เออเนอ เฮ๊อ. แซ่ฮู๊ ซี เก่ ซิเง ตาเตแร๊ อาเงเนอ, จอแปแหร่ เมทวาแถ่ แซ่แฮ เฮ๊อ ซี เน๊อ อาเหน่ เฮ๊อ.

ꤒꤤꤒꤢꤨ 2:7

เน ลาติเรอ, เน เมเต อิเตเต๋. เบ่เบ่, แซ่ฮู๊ เพรคู หน่าเจ่ เต๊เห่ เก่ แม๊บือเกอ เนเนอ เรอ, เม แพ๊ เตแร๊ เนอเต๊เห่ นี๋. เบ๊อะเน อิซว๊าอี๊แส่ อู เบ๊อะเนอ, แด่จ๊อจื้อ เน ซิปล่อ โทเรอ จ่าฉ่าเผระ ฉาอ่อ เนเหน่ นี๋.

โครินธ์ อาเหร่อเล๊อ ต๊าบ่า 3:9

เป หม่า เพรเมโหร่ลูเต เด๊อ จอแปแหร่ อาเง เต๊เห่ แพ๊. ซี หม่า อาแซ่เน๊อ จอแปแหร่ อา เกเร๊รา เด๊อ เป เหล่เมเอ่ อาเหล่โอ่. โท๊โต่ ซี หม่า อาแซ่เน๊อ หี่ เด๊อ จอแปแหร่ ช๊อแถ่ อา เตเม.

เปโตร อาเหร่อเล๊อ ต๊าบ่า 2:12

เบ๊อะซี โอ่เซอเพร เด๊อ เมวจ่อโรพู๊ เด๊อ อา หยื่อเอ่ เกออู จอแปแหร่ โต่ เออเต๊เห่ อาเกล, เร๊อ อา แด่ เตซื๊อ ซี เร๊อ ซี หม่า แกแย เด๊อ อา เม เตมู๊แหม่รีแจ่ เบ๊อะเนอ, โอ่เซอเพร แซแร แร๊ แลแค ซีเหน่ นี๋. เหย่ซี เก่ แม๊เถอะ ซี เตแรแร๊ เต๊เห่ ปา เร๊อ ช๋า จอแปแหร่ แฮแล อาม๊อเนอ ปา เตอเนอเนอ, อา เก่ แด่ดุแด่หยื่อ ลู ปา.

ꤒꤤꤒꤢꤨ 3:1

แซ่ฮู๊ เพรหยื่อเอ่ เต๊เห่ อา นอเป๊อ เกอเร๊อ เกอ แลแค อาเหน่ เร๊อ คุ๊ยจ๊อแผ่ เต๊เห่ เรอ อา เก่ จูเอ่ เกอ แลแค เหย่ซี อาโหง่, โท๊โต่ แซ่ฮู๊ เหย่ซี เก่ โอ่ ตี๊หรี่แตแร แลแค อาเหน่ เด๊อ อา เก่ เมเตแร๊ ปว๋า เต๊อเจ่อ อาเงเนอ, เด๊อ ซิเหน่แถ่ คยาแซ๊ เหย่ซี นี๋.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 2:6

อูเป เตเพร เบ่เบ่, อา เก่ เฮ๊แถ่โล เฮ๊อ อาเหน่ เร๊อ อา ทวาแถ่เฮ๊อ เตเตอเจ๋อ โต เฮ๊อ เร๊อ จอแปแหร่ เฮ๊อ เฮ๊เนอ, อา โตเบ่ ครวาเค หยิเกอ เหย่ซู่ครี๊ อากู๊โด่ เหล่โกล.

มัทธิว 5:16

ฮู๊เนอเฮ๊อ, แซ่ฮู๊ อู เก่ ถู่เซ๊แถ่ เปเพ โอ่เด๊อ ม๊อขุ เออเตเพร อาเงเนอ, นอลีเตเค จว๊าโล เกอ ซี เตเมแร๊ เนอเต๊เห่ เด๊อ อู ปว๋า เตเพร อาแบ๊เง เนอ.”

ꤛꤥ꤭ꤟꤢ꤬ 3:21

หม่าแน๊เรอ แกแย เด๊อ อา เม อาจ๊ออาเต เต๊เห่เนอ, อา แฮโต เด๊อ เตลี อา โอ่, เมเตเฮ๊เรอ แซ่ฮู๊ อู ปว๋า เตเพร เก่ แม๊เถอะ โลแร๊ เร๊อ อา เมเต เต๊เห่เนอ, อาโต เร๊อ จอแปแหร่ อาซิปล่อ อาเงเนอ, อา แฮโต เด๊อ เตลี โอ่.”

ꤚꤥꤗꤢꤩ꤬ 8:29

เมเตเฮ๊เรอ, แกแย เด๊อ อา เตเร หยื่อเอ่ จอแปแหร่ เต๊เห่เนอ, อา ซิเง หนื่ออื่อ เร๊อดื่อเฮ๊อ. โท๊โต่ อา แด่แลหนื่ออื่อ โทดื่อเฮ๊อ อาซิปล่อ มู๋ หนู่เค เร๊อ อา เก่ นอทวาแถ่ แซ่เกอ เหย่ซี เร๊อ อาพู๊คู เออเนอ ปา. ฮู๊เนอเรอ อาพู๊คูเออ ทวาแถ่เฮ๊อ พู๊แหว่เพร่ว เตเพร เด๊อ อาโป่แหว่ โอ่โหร่โอ่เอ๊ เออเต๊เห่ อาเกล เฮ๊อ.

เพรโด่แนพู๊ เต๊เห่ 9:31

ฮู๊เนอเรอ เบ๊อะเนอเค เพรหยื่อเอ่ ตู๊หมู่ตอกล๊อ เด๊อ อา โอ่ เด๊อ ยูดาห์เก่, กาลิลีเก่, สะมาเรียเก่ เออเต๊เห่ อากู เต๊เห่ โอ่โส่โอ่เคร น๊อเกอ เนอ อู แพ๊. เด๊อ แหย่โยบูโพ๊แบ่เจ่ อาขว่าอาคยา, เพรหยื่อเอ่ ตู๊หมู่ตอกล๊อ เต๊เห่ อาอ๊าอาเหร่ ฉว่าแถ่ชอแถ่, เหย่ซี หนิอ๊าหนิเหร่, เหย่ซี โอ่โหร่โอ่เอ๊แถ่ เร๊อ โอ่เซอเพร แลแค เด๊อ เตแด่ดุหยื่อแหน่ แบ่เจ่ อากู.

โครินธ์ เนอบ่า ต๊าบ่า 5:5

เพร เด๊อ อา ตี๊หรี่แตแร หนื่ออื่อ เป่ เฮ๊อ เป เด๊อ เป เก่ พย๊าหนิ เหน่กล่อ อาเซ เออเตเพร เนอหม่า จอแปแหร่ เออเนอ เฮ๊อ. โท๊โต่ อา เด๊อะตา เป่ เกอโป่ เป แหย่โยบูโพ๊ แบ่เจ่ เออเนอหมา อา แซ่เฮ๊อเร๊อ เตม๊าเตแด เด๊อ อาหม่าอากลอ เต๊อเจ่อ เร๊อ อา เมเล๊อเมบา เป่ เฮ๊อ เป ล๋อ อา อ๊อแล เนอเต๊เห่ เฮ๊อ.

ทิโมธี อาเหร่อเล๊อ ต๊าบ่า 5:25

ฮู๊เนอเฮ๊อ เตเมแร๊ เด๊อ เป แม๊เถอะ โล โล๊ลี เจ๊อ อา เนอ อา โอ่ เต๊เห่. เตเมแร๊ เด๊อ อู แม๊เถอะโล โล๊ลีแจ่ แต่ล๋าย อา โต่ เต๊เห่ เบ่เบ่, อู เก่ แม๊เถอะ ตาเตเนอ อา เด๊อคยา ปา.

ทิโมธี อาเหร่อเล๊อ ต๊าบ่า 2:10

โท๊โต่ เพรเหมาะ หม่า โตเบ่ ตี๊หรี่ สู่เช๊ เมตว่าอาเหน่ เร๊อ เตเม เด๊อ อาแร๊ เต๊เห่. เพรเหมาะ เด๊อ อา อ๊อแล เร๊อ อา เก่ แด่ดุหยื่อแหน่ จอแปแหร่ เต๊เห่เนอ, อา โตเบ่ เม แลแค เตแร๊ ฮู๊เนอเต๊เห่.

ทิโมธี อาเหร่อเล๊อ ต๊าบ่า 5:10

โทเรอ อา เบ่ ทวาดื่อ เพร เหมาะ เด๊อ อามีลา โลแร๊ เน๊อ อา เมเตแร๊ เต๊เห่ อาคยา. อา เบ่ ทวาดื่อ เพร เหมาะ เตเพร เด๊อ อา แม๊ตู่ ดุแถ่ หนิ แร๊โท ดื่อเฮ๊อ อาพู๊อาเลอ เต๊เห่, อา เบ่ เอ๊โมฉื่อ ซิเผระ เต๊เห่ เด๊อ อา หี่ด๊อหี่แพกู, อา เบ่ ทวาดื่อ เพรเหมาะ เตเพร เด๊อ อา ซู๊ปลี จอแปแหร่ อาแกแย เต๊เห่ อากู๊โด่, อา เบ่ เมจว่า แกแย เบ่แป่เบ่เช เต๊เห่ โทเรอ อา เบ่ทวา เพรเหมาะ เตเพร เด๊อ อา เด๊อะแล อาซิปล่อ เด๊อ อา เมเตแร๊ เต๊เห่ อาเง.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 1:7

หม่าแน๊เรอ เป เก่ โอ่เซอเพร เด๊อ เตลี อากู ฮู๊ จอแปแหร่ โอ่ เด๊อ เตลี อากู เฮ๊เนอหม่า, เป โอ่ เร๊อ เตแบ๊ซว๊าแบ๊โค แคลู เตเพร เร๊อ เตเพร, โทเรอ จอแปแหร่ อาพู๊คู เหย่ซู่ครี๊ อาสุ่ยเนอ อา เก่ ซู๊ปลีแก ลอ เฮ๊อ เป เตซื๊อเตปล๊า เต๊เห่.

เพรโด่แนพู๊ เต๊เห่ 9:36

เบ๊อะวียัฟฟา อากูเนอ, เพรเหมาะ เด๊อ อา หยื่อเอ่แลแค เหย่ซู่ เนอ อาโอ่ เตเพร. เร๊อ อามุย เร๊อ เหมาะทาบิธา (กรีกโหง่ หม่า อามุย เร๊อ เหมาะโดรคัส, อาโหง่แลช๊า หม่า เตอเคอ โตโด) อา ม๊อเนอม๊อเซ ลอ ปลี เนอ อา เมบุ๊ยเมเตอเรอ เป่ อูโร โทเรอ เมจว่าเกอ เป่ แกแย โซพ๊าโซแรพู๊ เต๊เห่.

ꤊꤢ꤬ꤜꤢ꤬ꤒꤤ 6:15

แกแย ดื๊อตีลี๊พ๊า เต๊เห่ เบ่เบ่, อา ดื๊อตีลี๊ เกออู โต่ เต๊เห่ เบ่เบ่, อา โหล่ดุ เน๊อ เตอเจ๋อโต่. เตเด๊อ อา โหล่ดุเล๊ออู เนอหม่า ทวาแถ่ จอแปแหร่ อาแกแย เออเนอ แพ๊.

ꤚꤥꤗꤢꤩ꤬ 8:1

ฮู๊เนอเรอ กู๊แหน่เออ, แกแย เด๊อ อา ทวาแถ่เฮ๊อ เตอเจ๋อ โต เร๊อ เหย่ซู่ครี๊ เต๊เห่เนอ, จอแปแหร่ เมจากาคยา ปา ลู แตแค๋ โต่ เฮ๊อ.

เอเฟซัส 2:2

เบ๊อะเนออาเค, ซี ครวาเมเกอ เห่ขุ อา เตมู๊แหม่รีแจ่ เต๊เห่. ซี หนิดา จูเอ่ เกอ แพ๊ โลเน๊มู๊แหม่ กู่กล๊อ เด๊อ อา เป๊อหนิ โลเน๊โลหน่า เด๊อ ม๊อเล เต๊เห่ อาโหง่. โลเน๊มู๊แหม่รีแจ่ กู่กล๊อ เออเนอ, อา เป๊อหนิปา แกแย เด๊อ อา หนิดา เกออู จอแปแหร่ อาโหง่ โต่ เนอเต๊เห่.

เอเฟซัส 1:1

แว หม่า คูเปาโล. จอแปแหร่ ซิปล่อโอ่ เด๊อ แว เก่ ทวา เหย่ซู่ครี๊ อา เพรโด่แน เตเพร. แว ราจว๊าเป่ ลีเออต๊าบ่า เด๊อ จอแปแหร่ อาแกแย เด๊อ อา โอ่ แลแค เด๊อ วีเอเฟซัส อากูเนอเต๊เห่อาโอ่. ซี หม่า แกแย เต๊เห่ เด๊อ อา ทวาแถ่ เฮ๊อ เตอเจ๋อโต เร๊อ ครี๊ เฮ๊อ เรอ, ซี วีแก ซี เตหยื่อเอ่ เหย่ซู่ครี๊ โต่.

เอเฟซัส 2:6

เป่ ย๊อ ทวาเฮ๊อ เตเต๊อเจ๋อโต เร๊อ ครี๊ เฮ๊อ อาขว่าอาคยา, จอแปแหร่ เมเซอเพร กาคยา เต่อเกอ เฮ๊อ เป เร๊อ ครี๊ เฮ๊อ. เป เร๊อ ครี๊ ทวาแถ่เฮ๊อ ลู เตเต๊อเจ๋อโต อาขว่าอาคยา, อา เด๊อะ เป๊อตี๊หรี่ เต่อเกอ เฮ๊อ เป เร๊อ ครี๊ เด๊อ ม๊อขุ อาเทออาเก่ กูเฮ๊อ.

เอเฟซัส 2:13

เด๊อ อาเหร่อเค เนอหม่า, ซี โอ่ตาพายา เร๊อ จอแปแหร่ ตื๊อดื่อเรอ กู๊แหน่เออ ซี เร๊อ เหย่ซู่ครี๊ ลอ ทวาเฮ๊อ ลู เตอเจ๋อโต เร๊อ ครี๊ ย๊อ ซู๊ปลี โทเฮ๊อ ซี เร๊อ อาสุ่ย อาขว่าอาคยา, จอแปแหร่ เอ๊กา ผื่อเฮ๊อ ซี เด๊อ อาช๊า เฮ๊อ.

เอเฟซัส 2:15

แกแยยิวพู๊ เต๊เห่ อา เตซว๊าเตแส่ อาเกลเนอหม่า, อา เตซว๊าเตแส่ อาพู๊แพปีชีจว๊า เต๊เห่ อา โอ่ เอ๊แหน่เจ๊อ ตื๊อดื่อเรอ เด๊อ ครี๊ เซอ อาขว่าอาคยา อา เม ตื๊อดื่อ โทแก ปลื๊อลอเฮ๊อ เหย่ซี เต เนอเต๊เห่ เฮ๊อ. อา เตเตเนหนื่ออื่อ หม่า หม่าเฮ๊อ, แซ่ฮู๊ แกแย เออเนอหมู่ เก่ ทวาแถ่ดื่อ แกแย อาเซ ตู๊หมู่จือ เด๊อ ครี๊ อากู เรอ, อา เม เต๊เปล่ เร๊อดื่อ เร๊อ อาเหน่ เฮ๊อ. ฮู๊เนอเรอ อา เมเปเมดวา กาคยา คยาแซ๊ เหย่ซี เฮ๊อ.