เอเฟซัส 2:1 - ลีเทส่อพ๊าอาเซ เร๊อ เห่ขุทวาลู๊

¹ เด๊อ อาเหร่อเค เนอหม่า, ซี ย๋อ หนิดา จูเอ่ เกออู จอแปแหร่ อาโหง่ โต่, ซี เม เตซื๊อ อาขว่าอาคยา, เด๊อ แหย่โย ตากยา เนอ, ซี แซ่เน๊อ แกแย เซอโทเฮ๊อ เนอเต๊เห่ เฮ๊อ.

Eastern Kayah Shadaw Dialect

¹ ꤘꤣ ꤢ꤬ꤚ꤫ꤣꤧ꤬ꤋꤢꤩ꤭ ꤔꤣꤧ꤬ꤗꤢ꤬, ꤞꤤ꤭ ꤜꤢ꤭ ꤔ꤫ꤤ꤬ꤘꤢ꤭ ꤡꤢꤨ꤭ꤢꤩ꤬ ꤊꤣꤧ꤭ꤢꤨ꤭ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤍ꤫ꤥ꤬ ꤒꤥ꤬, ꤞꤤ꤭ ꤗꤢꤩ꤬ ꤒꤢꤩ꤬ꤞꤢꤦ ꤢ꤬ꤋꤝꤢ꤬ꤢ꤬ꤋꤛꤢ꤭, ꤞꤤ꤭ ꤥ꤬ꤒꤣꤧ꤬ꤖꤢ꤭ꤊꤢꤧ꤭ ꤔꤢꤧ ꤡꤢꤪꤗꤣꤧ꤬ꤚꤢꤧ꤬ ꤞꤢꤧꤔꤢꤧ ꤊꤣꤧ꤬ꤛꤢꤧ꤭ ꤞꤣꤧ꤭ꤓꤥ꤭ꤟꤣꤧ ꤔꤣꤧ꤬ꤒꤣꤧ꤬ꤟꤢꤩ꤬ ꤟꤣꤧ꤯

เอเฟซัส 2:1 ပူးပေါင်းရင်းမြစ်များ

โคโลสี 2:13

เบ๊อะซี หยื่อเอ่ แตแล๋ เหย่ซู่ครี๊ โต่ เบ๊อะเนอ, เด๊อ ซี เตซื๊อ อาขว่าอาคยาเร๊อ, ซี แซ่เน๊อ แกแยเด๊อ อาเซอ เด๊อ แหย่โย ตากยา เฮ๊อ. โท๊โต่ ซี แลเปล๊เถ่เบ๊ เน๊อ ซี เหล่โกล เมเตซื๊อ อา เพรโพรฉว่าชอ เออเนอ โต่. หม่าแน๊เรอ กู๊แหน่เออ จอแปแหร่ เม ก๊อถ่อเซอเพร กาคยา เต่อเกอ เฮ๊อ ซี เน๊อ ครี๊ เฮ๊อ. จอแปแหร่ ปลวาแก ลอเฮ๊อ เป เตซื๊อ ล๋อ ปลี เฮ๊อ

ꤚꤥꤗꤢꤩ꤬ 8:2

เมเตเฮ๊เรอ เด๊อ เป ทวาแถ่ เฮ๊อ ลู เตอเจ๋อ โต เน๊อ เหย่ซู่ครี๊ เฮ๊อ อาขว่าอาคยา, จอแปแหร่ อา แหย่โยบูโพ๊ เม เป่เฮ๊อ เปแกล๊ เด๊อ อาเซ โตโบ เฮ๊อ. โทเรอ อา เมแลเปล๊กา เฮ๊อ แว เร๊อ เตซื๊อ อาเหล่โกล เมโป๊เนอ เด๊อ อา ซูจว๊าเฮ๊อ แว เด๊อ เตเซอ เด๊อ แหย่โย ตากยา เออ อากู เนอเฮ๊อ.

เอเฟซัส 4:18

เหย่ซี เนอเต๊เห่ หม่า อา ซิเงโปล เบ๊ เกออู เตหมะเตจ๊อ โต่. เด๊อ เหย่ซี กู่กล๊อเพรอ อาขว่าอาคยา, อา ซิเง เกอ แลแค อู จอแปแหร่ อาแกล๊อาโกล โต่, เด๊อ เหย่ซี ซิเงเกอ แลแค อู จอแปแหร่ อาแกล๊อาโกล โต่ อาขว่าอาคยาเร๊อ, เหย่ซี พย๊าหนิ เกออู ซิปล่อเซอเพร อาเซ เด๊อ จอแปแหร่ เด๊อ เออเนอ โต่.

ꤛꤥ꤭ꤟꤢ꤬ 5:21

ฮู๊ แวเพ เมเซอเพร กาคยา แกแย เด๊อ อา เซอ เร๊อ อา เด๊อ อู ซิปล่อเซอเพร เนอ, อาพู๊คูเออ อา เก่ เด๊อะเป่ เกออู ซิปล่อเซอเพร เด๊อ อา ซิปล่อโอ่ ซิหยื่อ เด๊อะ เป่ อู เนอเต๊เห่ ปา.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 3:14

เด๊อ เหร่อเคเนอ หม่า, เป แซ่เน๊อ แกแยเซอ เนอเต๊เห่ แพ๊. หม่าแน๊เรอ กู๊แหน่เออ, เด๊อ เป โมหนิ เฮ๊อ เป โป่แหว่ ครี๊พู๊ เต๊เห่ อาขว่าอาคยา, เป ซิเง เร๊อ เป ทวาแถ่เฮ๊อ แกแย เด๊อ อา เซอเพร เต๊เห่ เฮ๊อ. แกแย เด๊อ อา โมหนิเกอ อาโป่แหว่ ครี๊พู๊ โต่ เต๊เห่ เนอหม่า, อา โอ่หม่าโอ่กลอ ปาแพ๊ เด๊อ เตเซอ อากูแพ๊.

ꤛꤥ꤭ꤟꤢ꤬ 14:6

เร๊อ แบ่เจ่ เหย่ซู่ เฮ๊ฉื่อ ลู เน๊อ, “แว หม่า แกล๊ เน๊อ เตหม่า เตจ๊อ เร๊อ เตเซอเพร เฮ๊อ. แว ทวา เป่เฮ๊อ อู แกล๊จว๊า เด๊อ เพ อา โอ่ อาขว่าอาคยา, อูเปเป๋ เบ่เบ่, อา เก่ จว๊า เต่อ เร๊อ แว โต่ เฮ๊เนอ, อา จว๊าโต่ แจ่ เด๊อ เพ อา โอ่ เตเพร่ว โต่.

เอเฟซัส 5:14

เต เด๊อ อา เด๊อะ แม๊เถอะโล ซิเง ตาเต แร๊ อู หม่า ตื๊อแพ๊ เตลี แพ๊. ฮู๊เนอเรอ อู เฮ๊ เน๊อ, “เพร โอ่เมอฉว่า, ซิเหน่เกอ เมอ อู, ก๊อถ่อกา เกอเมออู เด๊อ เตเซอ อา เหล่โอ่เออ เนอ. ครี๊ อา เตลีเออ เก่ เตเคตา เด๊อ เนโอ่ ปา.”

ทิโมธี อาเหร่อเล๊อ ต๊าบ่า 5:6

หม่าแน๊เรอ เพรเหมาะโอ่แคร๊ เตเพร เด๊อ อา แม๊ปูหนิ อา เตซิหยื่อซิลอ อา เตเมโมแล เกอเร๊อ อาเหน่ เตเพร เนอ, อา เซอเพร หม่าแน๊เรอ อา เซอ โทเฮ๊อ.

ꤛꤥ꤭ꤟꤢ꤬ 5:25

แว เฮ๊โฉ่จ๊อจ๊อ ซี, เบ๊อะเด๊อ แกแยเซอ เต๊เห่ เก่ หนิโฮ จอแปแหร่ อาพู๊คู โหง่, เร๊อ แกแย เด๊อ อา หนิโฮ เออเต๊เห่ เก่ เซอเพร ปา เนอ, อา เก่ แฮโต่ ปา. อา แฮโต่ เจ๊อเฮ๊อ กู๊แหน่ เฮ๊อ.

โครินธ์ อาเหร่อเล๊อ ต๊าบ่า 15:45

“แกแยเห่ขุพู๊ อาเหร่อเล๊อ เตเพร เด๊อ อู เอ๊ ลู เร๊อ เพอาดัม เออเนอ จอแปแหร่ เด๊อ ลู ซิปล่อเซอเพร,” ลีเทส่อพ๊ากู เฮ๊ฮู๊เนอ. หม่าแน๊เรอ เหย่ซู่ครี๊ เด๊อ อู เอ๊ ลู เร๊อ เพอาดัม เด๊อ คยาเล๊อ เออเตเพรเนอ, อา เด๊อะตา แฮเง เฮ๊อ แกแยเห่ขุพู๊ เต๊เห่ อา เตโอ่เซอเพร อาเซ เร๊อ แหย่โยบูโพ๊ แบ่เจ่ เฮ๊อ.

ꤛꤥ꤭ꤟꤢ꤬ 10:10

เพรเอ่โห่เนอ อา แฮเมเต เฮ๊เนอหม่า, แซ่ฮู๊ อา เก่ แฮ เอ่โห่เอ่ฮี๊ หนิ, อา เก่ แฮ เมเซอหนิ อู, อา เก่ แฮ เมปย๊าเมหลู่แก อู อาเงแพ๊. แว เน๊อ แซ่ฮู๊ อู เก่ หนิ เตเซอเพร โท๊โต่ แซ่ฮู๊ อู เตโอ่เซอเพร เก่ เล๊อบา ตาปอตาเป อาเง เนอเรอ แว แฮ แพ๊.

เตเด๊อะโลแถ่ 3:1

“ราจว๊า ลีเออ เด๊อ วีซาร์ดิส เพรหยื่อเอ่ตู๊หมู่ตอกล๊อ อา เตเน่วพู๊ อาโอ่ เนอ,” อา เฮ๊ แว ฮู๊เนอ เร๊อ อา เฮ๊ เน๊อ, “เตหรี่เตแก เออเนอหม่า อา แฮ เด๊อ เพร เด๊อ อา เป๊อหนิ อา แหย่โยบูโพ๊ เออโซซว๊าเตเม เด๊อ อา เม จอแปแหร่ อาเตเม เออเต๊เห่ เร๊อ เส่เออ โซซว๊าเตเม อาโอ่. เน เมแคร๋ อิเต เนอหม่า แว ซิเง. เน โอ่เซอเพร จ๊อลา เร๊อ แว อู เฮ๊ ฮู๊เนอ หม่าแน๊เรอ เน ครวา แวคยา โต่, เน แซ่แพ๊เร๊อ แกแยเซอ.

ꤜꤢꤨꤊꤢ꤬ 15:32

หม่าแน๊เรอ เน โป่เพรคู เออเนอ อาแซ่เน๊อ อา เซอโทเฮ๊อ เร๊อ กู๊แหน่เออ อา เซอเพร กาคยา เนอเฮ๊อ, อาแซ่เน๊อ อา โอ่เหม่ เร๊อ แม๊เถอะ กาคยา คยาแซ๊ อา เออเตอเนอ เนอเฮ๊อ อาขว่าอาคยา, เป โตเบ่ เมป่วยเมลา เกอเร๊อ อา, เร๊อ เป โตเบ่ ซิครือซิลอ โอ่ปล๊อโอ่ปลูโหร่ลู กอกอ.’”

ꤜꤢꤨꤊꤢ꤬ 15:24

เมเตเฮ๊เรอ อา หม่า อาแซ่เน๊อ แวพู๊คู เด๊อ อา เซอโทเฮ๊อ เตเพร, เร๊อ อา เซอเพร กาคยา คยาแซ๊ เออเตอเนอ เฮ๊อ. อา หม่า อาแซ่เน๊อ แวพู๊คู เด๊อ อา โอ่เหม่ เร๊อ แม๊เถอะ กาคยา คยาแซ๊ เฮ๊อ อา เออเตอเนอ เตเพร เนอเฮ๊อ.’ ฮู๊เนอเรอ เหย่ซี เป๊อแถ่ เมป่วยเมลา, โตโครแต๊แขระ เอ่โอ โหร่ลอ ลู.

มัทธิว 8:22

หม่าแน๊เรอ แบ่เจ่ เหย่ซู่ เฮ๊ฉื่อ ลู เน๊อ, “ครอครวา เจ๊อ เกอแว กู๊แหน่เออ, แกแย เด๊อ อา ครวาเกอ จอแปแหร่โต่ เต๊เห่ เนอหม่า อาแซ่ เร๊อ แกแยเซอ เออเนอเฮ๊อ. นอโล๊ เกอ เร๊อดื่อ แกแยเซอ เออเนอ เร๊อ เหย่ซีเนอ.”

โครินธ์ เนอบ่า ต๊าบ่า 5:14

ครี๊ อาเตโม เมเป่แก เฮ๊อ เป อาขว่าอาคยา, เป โอ่เซอเพร เป่ เด๊อ จอแปแหร่ อาเง ฮู๊เออ เฮ๊อ. เป ซิเง เร๊อ ครี๊ เซอ เป่ เด๊อ แกแย ปว๋า เตเพร อาเง อาโหง่แลช๊า หม่า หม่าเฮ๊อ แกแย ปว๋า เตเพร เซอ เต่อเกอ เฮ๊อ เร๊อ ครี๊ เฮ๊อ.

เห่ขุทวาลู่ 8:21

เบ๊อ จอแปแหร่ ตูจูเพร โนหวิเบ่ เตหลู่แตแถ่ อาเตโนมื๊อโนชือ อาโข่เออ เบ๊อะเนอ, เร๊อ โมโส่โมเซ๊ แหน่เจ๊อ ลูซิปล่อ, เร๊อ อา แด่แลเฮ๊อ อาซิปล่อ เร๊อ อา เฮ๊ เน๊อ, “เด๊อโหน่ เด๊อคยาคย๋า หม่า แว ซิเง เจ๊อ เน๊อ แกแยเห่ขุพู๊ เต๊เห่ เตเน เจ๊อ เตมู๊แหม่รีแจ่ ่ เต๊เห่ เด๊อ อาเป๊เจ่เค ปาเจ๊อ เบ่เบ่, เด๊อ เหย่ซี เตซื๊อ อาขว่าอาคยา, แว อิชอฮา ปา เห่ขุ โต่ เฮ๊อ. ฮู๊ แว เม โทเฮ๊อ กู๊แหน่เออ, เด๊อโหน่เด๊อคยาคย๋า หม่า แว เมเซอเมเหม่ ปา ล๋อ เตเบ่แบ๊ เด๊อ อาซิปล่อเซอเพร โอ่ เออเต๊เห่ โต่ เฮ๊อ.