เอเฟซัส 1:20 - ลีเทส่อพ๊าอาเซ เร๊อ เห่ขุทวาลู๊20 เตโพรอาเตอเรอ เด๊อ จอแปแหร่ เมเซอเพร กาคยา คยาแซ๊ ครี๊ เด๊อ เตเซอ เนอเต๊อเจ่อ เร๊อ เตโพรเตเตอเรอ เด๊อ อา นอโอ่แนโอ่ ลู เด๊อ ม๊อขุ เด๊อ อากู๊ขุ จ๊อทว๊า เนอตากยา เออเนอเฮ๊อ. အခန်းကိုကြည့်ပါ။Eastern Kayah Shadaw Dialect20 ꤒꤢꤩ꤬ꤖꤚꤥ꤬ꤒꤢꤩ꤬ꤖꤚꤢꤧ꤬ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤗꤢꤩ꤬ꤞꤣꤧ꤭ꤖꤚꤢꤩ꤬ ꤊꤢ꤬ꤋꤛꤢ꤭ ꤋꤛꤢ꤭ꤞꤢꤧ ꤋꤚꤤ ꤘꤣ ꤒꤢꤩ꤬ꤞꤣꤧ꤭ ꤔꤣꤧ꤬ꤒꤣ꤬ꤡꤣ꤬ ꤔꤢꤧ ꤒꤢꤩ꤬ꤖꤚꤥ꤬ꤒꤢꤩ꤬ꤖꤚꤢꤧ꤬ ꤘꤣ ꤢ꤬ ꤔꤢꤪ꤭ꤥ꤬ꤔꤢꤧ꤭ꤥ꤬ ꤜꤢꤨ꤭ ꤘꤣ ꤗꤢꤪꤋꤢꤨ꤬ ꤘꤣ ꤢ꤬ꤊꤢꤨꤋꤢꤨ꤬ ꤡꤢꤓꤝꤢ ꤔꤣꤧ꤬ꤒꤣ꤬ꤊꤛꤢ꤭ ꤣꤧ꤭ꤔꤣꤧ꤬ꤟꤣꤧ꤯ အခန်းကိုကြည့်ပါ။ |
เอเฟซัส 1:20
33 ပူးပေါင်းရင်းမြစ်များ
อู เก่ แม๊เถอะ แฮเง จอแปแหร่ อา เตเตอเรอดุทู เด๊อ อากู ปา. อา หม่า อา แซ่ ลอหล่าตี๊กลิ เจ๊อ เน๊อ จอแปแหร่ เฮ๊อ. แซ่ฮู๊ เห่ขุ เร๊อ ม๊อขุ เน๊อ เตแบ๊แถ่ ล๋อ ปลี เต๊เห่ เก่ โอ่ แฮเง ตื๊อดื่อ โป่ เนอ, อา ปื่อหม่า จว่าเกอ เตแบ๊แถ่ ล๋อ ปลี เออเนอ เน๊อ อาโหง่ เด๊อ อาโพรอาเตอเรอ ฉว่าชอ เออเต๊เห่. เบ๊อะอา เมปลื๊อเมโท โทเฮ๊อ ปลวาแก ลอ ล๋อ แกแย เห่ขุพู๊ อาเตซื๊อ เต๊เห่ เบ๊อะเนอ, อา กา แก๊แถ่ เด๊อ ม๊อขุ เร๊อ อา แถ่โอ่แนโอ่ เด๊อ จอแปแหร่ เด๊อ อาโพรอาเตอเรอ อาดุอาทู ตื๊อดื่อ เออเตเพร อากู๊ขุ จ๊อทว๊า ตากยา.
ฮู๊ จอแปแหร่ เม ก๊อถ่อเซอเพร กาคยา ครี๊ เด๊อ เตเซอ เนอ, จอแปแหร่ เม ก๊อถ่อเซอเพร กาคยา เกอเฮ๊อ ซี เด๊อ เตเซอ เฮ๊อ เร๊อ อา เด๊อ เต่อเกอ เฮ๊อ ซี ซิปล่อเซอเพร อาเซ เออเนอ เน๊อ ครี๊ เฮ๊อ. ฮู๊เนอเรอ ล๋อ ซี ซิปล่อ อา เตซิหยื่อ เต๊เห่เนอ, แด่โอ่ แลแค เด๊อ ม๊อขุ เบ๊อะครี๊ โอ่แน เกอเร๊อ อาเหล่โอ่ เด๊อ จอแปแหร่ อากู๊ขุ จ๊อทว๊า เนอตากยา นี๋.
ฮู๊เนอเรอ, หม่าอูเป เตเร เมจากาคยา เหย่ซี เป? เตเพร่ว หม่า อู เมจากาคยา แจ่หนิ เหย่ซี โต่. เมเตเฮ๊เนอ, เหย่ซู่ครี๊ หม่า เพร เด๊อ อา เซอ เด๊อ เป เตซื๊อ อาเง เตเพร, โท๊โต่ จอแปแหร่ เมเซอเพร กาคยา ลู เด๊อ เตเซอ เตเพร. เร๊อ จอแปแหร่ เด๊อ ลู เหล่โอ่ เด๊อ อากู๊ขุ จ๊อทว๊า ตากยา. แซ่ฮู๊ จอแปแหร่ เก่ เมจว่า เป เนอ, เหย่ซู่ โน กุยซิยอ เป่ เฮ๊อ เป เง เฮ๊อ.
แซ่ฮู๊ ซี เก่ เมโตเมเบ่ เป่ดื่อ เตเป เตดวา อา จอแปแหร่ เออเตเพร อาซิปล่อ เนอเรอ, ล๋อ เตแร๊ เด๊อ ซี โหล่เบ่ เต๊เห่เนอ, อา เก่ เด๊อ ลอหล่าตี๊กลิ ดื่อ ซี นี๋. เด๊อ เหย่ซู่ครี๊ อาขว่าอาคยา, จอแปแหร่ เก่ เมดื่อเต เด๊อ เปกู ฮู๊ อา โตดื่อ เน๊อ ลูซิปล่อ เนอเต๊เห่ นี๋. จอแปแหร่ เมเซอเพร กาคยา โทเฮ๊อ เป แบ่เจ่ เหย่ซู่ เด๊อ เตเซอ เฮ๊อ. เร๊อ เด๊อ แบ่เจ่ เหย่ซู่ ข่าเซอ อาซิปล่อ เร๊อ อาสุ่ย เบ่ ทุ๊ยแล อาขว่าอาคยา, อา เมหม่าเมกลอแก โทเฮ๊อ จอแปแหร่ อา เตอ๊อแล อาเซ เด๊อ อา โอ่ ตูจูเพร เออเนอตือมือ เฮ๊อ. เด๊อ อา เมเฮ๊อ ฮู๊เนอ อาขว่าอาคยา, เหย่ซู่ ทวา เฮ๊อ เป เพรเกซิหมิ เด๊อ อาดุเล๊ออู เตเพร เฮ๊อ. เป หม่า เหย่ซีซิหมิ เต๊เห่ เฮ๊อ. อู เก่ แด่ดุแด่ทู ดื่อ เหย่ซู่ครี๊ อา ตูจูเพรเง นี๋.
หม่าแน๊เรอ, เตหรี่เตแก เด๊อ เป ซิเง หม่าแหน่ เนอหม่า หม่าเฮ๊อ เหย่ซู่ เออเนอเฮ๊อ. เบ๊อะอา แฮแล เด๊อ เห่ขุเออ เบ๊อะเนอ, อา พย๊าหนิ เตเตอเรอฉว่าชอ เด๊อ อาอ๊าเจ๊เล๊อ เน๊อ ม๊อขุ เตเน่วพู๊ เต๊เห่ เตอเปลอฮู๊, เมเตเฮ๊เรอ, เด๊อ จอแปแหร่ อาบุ๊ยอาเตอเรอ อาขว่าอาคยา, เหย่ซู่ เบ่ ข่าเซอ เป่ เด๊อ เป ล๋อ ปลี อาเง. เด๊อ เหย่ซู่ ข่าเซอ อาขว่าอาคยา, กู๊แหน่เออ เป ซิเง เน๊อ จอแปแหร่ นอ เมลีเมเตเค, แด่ดุแด่ทู อู เร๊อ เหย่ซู่ เฮ๊อ.
เป่ เก่ ถู่เซ๊แถ่ โหร่ลู เป่ แบ่เจ่ เหย่ซู่ครี๊ อาเพ จอแปแหร่ เออเตเพร โป๋. อา เด๊อะตาเฮ๊อ เป่ เตเด๊อะบุ๊ยเด๊อะเตอเรอ ปว๋า เต๊อเจ่อ เด๊อ อาโอ่ เด๊อ ม๊อขุ แฮเออ, เร๊อ อา เก่ เมจว่า เป่ เด๊อ แหย่โย ตากยา อาเตโหล่ เนอเต๊เห่ ปา. เบ๊อะเป เออเต๊เห่ เร๊อ ครี๊ ทวาแถ่ เฮ๊อ ลู เตอเจ๋อโต เบ๊อะเนอ, อา เด๊อะตา ลอเฮ๊อ เป เนอเต๊เห่ เฮ๊อ.
ล๋อ ซี เออเต๊เห่ เบ่เบ่, อิสราเอล อากลุยอาแล ล๋อ ปลี เบ่เบ่, อา โต ซิเง แลแค เร๊อ แกแย กู๊โด่ด๊าตือรือ เออเตเพร ก๊อถ่อจว๊าแจ่ แร๊กาคยา คยาแซ๊ เด๊อ ซี เป๊เส่เง กู๊แหน่เออ เนอหม่า หม่าเด๊อ วีนาซาเร็ธพู๊ เหย่ซู่ครี๊ อามุย อา เตโพรเตเตอเรอ อาขว่าอาคยา แพ๊. เหย่ซู่ครี๊ หม่า ซี มือเซอแถ่ อา เด๊อ อี๊ถื่อดีเต่ลู เนอเตเพร เฮ๊อ, หม่าแน๊เร๊อ จอแปแหร่ เมเซอเพร กาคยา คยาแซ๊ อา เด๊อ เตเซอ เฮ๊อ.
แว เก่ นอเมเซอ อู เร๊อ แวเหน่ โต่ เฮ๊เนอ, อู เมเซอ แจ่ แว เตเพร่ว โต่. แว เด๊อะแลแก แว ซิปล่อ เออเนอหม่า, อู นอตื๊อดื่อ แว เตเพร่ว โต่, แว ซิปล่อ เร๊อ แว ซิปล่อ เด๊อะแล เกอเร๊อดื่อ แพ๊. แว โอ่ เร๊อ แว โพร เตอเรอฉว่าชอ เด๊อ แว ซิหยื่อ เด๊อะแลแก แวซิปล่อ หม่า อา หนิหนิ, แว ซิหยื่อ พย๊าดว้าคยา อา หม่า อา หนิหนิ แพ๊. แวเพ เมแฮหนิ แวโหง่ เร๊อ แว เบ่เม ฮู๊เออ,” อา เฮ๊ เป่ เหย่ซี ฮู๊เนอ.
เมเตเฮ๊เรอ, ล๋อ เตเด๊อ อา โอ่ เด๊อ ม๊อขุ เนอเต๊เห่ เบ่เบ่, เด๊อ เห่ขุ เต๊เห่ เบ่เบ่, เต เด๊อ เป แม๊เถอะแจ่ อา เต๊เห่ เร๊อ เป แม๊เถอะแจ่ อา โต่ เต๊เห่ เบ่เบ่, แกแย เด๊อ อา โอ่ เร๊อ อา เตโพรเตเตอเรออาฉว่าชอ เต๊เห่ เบ่เบ่, อา โอ่ เร๊อ อา เตฉว่าเตชอ เต๊เห่ เบ่เบ่, เพรเป๊อตี๊หรี่เต ล๋อ ปลี เนอเต๊เห่ เบ่เบ่, จอแปแหร่ นอแบ๊แล บ่อทือแฮเง เร๊อ ครี๊ แพ๊. โทเรอ ล๋อ เต เออเต๊เห่เนอ อา แบ๊ตา เร๊อ อาเหน่ เร๊อดื่อ เร๊อ อา แบ๊ตา เร๊อ อาเง แพ๊.
ကြော်ငြာတွေ