เอเฟซัส 1:19 - ลีเทส่อพ๊าอาเซ เร๊อ เห่ขุทวาลู๊

¹⁹ โท๊โต่ อา เตโพรอาเตอเรอ เด๊อ อา เก่ เมจว่า เป่ แกแย เด๊อ อา หยื่อเอ่ ลู เออเต๊เห่เนอ, อาดุเจ๊อ บ๋า เตเนอ, แว ซิหยื่อ นอซิเง เกอ ซี เร๊อ แว กุยจ๊อเบ เป่ เด๊อ ซิเง แพ๊. เตโพรอาเตอเรอ เออเนอหมา อา เตอเรอฉว่าชอ แซ่เจ๊อเน๊อ,

Eastern Kayah Shadaw Dialect

¹⁹ ꤓꤥ꤭ꤒꤥ꤬ ꤢ꤬ ꤒꤢꤩ꤬ꤖꤚꤥ꤬ꤒꤢꤩ꤬ꤖꤚꤢꤧ꤬ ꤘꤣ ꤢ꤬ ꤊ꤫ꤢꤦ꤬ ꤗꤢꤩ꤬ꤡꤝ꤫ꤢ꤬ ꤕ꤫ꤢꤩ꤬ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤛ꤫ꤢꤦ꤬ꤢꤩ꤬ ꤜꤢꤨ꤭ ꤣꤧ꤭ꤒꤣꤧ꤬ꤟꤢꤩ꤬ꤔꤣꤧ꤬, ꤢ꤬ꤘꤢꤨ꤬ꤡꤣꤧ ꤙꤢ꤮ ꤒꤢꤩ꤭ꤔꤣꤧ꤬, ꤠꤢꤧ꤭ ꤞꤤꤛ꤫ꤢꤦ꤬ ꤔꤢꤪ꤭ꤞꤤꤑꤢꤩ꤭ ꤊꤣꤧ꤭ ꤞꤤ꤭ ꤚꤣꤧ꤬ ꤠꤢꤧ꤭ ꤊꤝꤤ꤭ꤡꤢꤪꤙꤢꤩ꤭ ꤕ꤫ꤢꤩ꤬ ꤘꤣ ꤞꤤꤑꤢꤩ꤭ ꤖꤢꤧ꤯ ꤒꤢꤩ꤬ꤖꤚꤥ꤬ꤒꤢꤩ꤬ꤖꤚꤢꤧ꤬ ꤣꤧ꤭ꤔꤣꤧ꤬ꤗꤢ꤬ ꤢ꤬ ꤒꤣꤧ꤬ꤚꤣꤧ꤭ꤏꤝꤢ꤬ꤏꤢꤪ꤭ ꤞꤢꤧꤡꤣꤧꤔꤢꤧ,

เอเฟซัส 1:19 ပူးပေါင်းရင်းမြစ်များ

ฟีลิปปี 2:13

เมเตเฮ๊เรอ, แซ่ฮู๊ ซี เก่ ซิปล่อฉว่า ซิหยื่อ หนิดา ครวาเม เกอ ฮู๊ จอแปแหร่ อา เตซิหยื่อ เด๊อ อาแร๊ เต๊เห่ อาเงเนอ, อา เม เป่เฮ๊อ เต เด๊อ ซีกู ปว๋า โต๊โพ๊ เจ๊อ เฮ๊อ.

เอเฟซัส 3:20

ถู่เซ๊แถ่ แลแค จอแปแหร่. เด๊อ อา เตโพรเตอเรอ อาดุอาแย เออ เมเต เด๊อ เปกู อาขว่าอาคยา, อา เก่ เมเบ๊ เล๊อ เป่ เจ๊อ เป เร๊อ เป กุยแถ่ อา เนอเต๊เห่ ปา เจ๊อ. หม่าโต่เรอ, อา เก่ เมเบ๊ เล๊อ เป่ เจ๊อ เป เร๊อ เป เตเน หนื่ออื่อปา แพ๊ เนอเต๊เห่ ปา เจ๊อ.

โคโลสี 2:12

เบ๊อะซี เจ ซีเหน่ เน๊อ เทอ เบ๊อะเนอ, ซี เหล่โกล มู๊แหม่ เต๊เห่เนอ, ซี โล๊ตา เต่อเกอ โทเฮ๊อ เร๊อ ครี๊ เฮ๊อ. เร๊อ ซี เหน่เหล่โกลเม เต๊เห่เนอ, จอแปแหร่ เมเซอเพร กาคยา เต่อเกอ เฮ๊อ เน๊อ ครี๊ เฮ๊อ. เด๊อ ซี หยื่อเอ่หนิ จอแปแหร่ อา เตโพรเตเตอเรออาฉว่าชอ เด๊อ อา เม ก๊อถ่อเซอเพร กาคยา คยาแซ๊ ครี๊ เด๊อ เตเซอ เออ อาขว่าอาคยา, อา ทวาแถ่ โทลอ เฮ๊อ ฮู๊เนอ เฮ๊อ.

โครินธ์ เนอบ่า ต๊าบ่า 4:7

หม่าแน๊เรอ เป เด๊อ อา แด๊โฉ่โด่แน เป่ อู เออเต๊เห่เนอ, อา แซ๊ แพ๊ เร๊อ ปอเห่ เด๊อ อู สู่โนโอ่บา อา เร๊อ เตงูดุงูชอ เด๊อ อากู เตเม เนอเฮ๊อ. เตงูดุงูชอ เออเนอหมา หม่าเฮ๊อ เม เตซิครือมีลา เออเนอ เฮ๊อ. อา เมฮู๊เออ เมเตเฮ๊เรอ แซ่ฮู๊ จอแปแหร่ เก่ เด๊อะโล เร๊อ อาเตอเรออาฉว่าซอ เออเนอหมา อา โอ่ เด๊อ เปกู เถ่ หม่าโต่, อา โอ่ เด๊อ ลูโอ่ แฮ แพ๊.

โคโลสี 1:29

ครี๊ อา เตโพรเตเตอเรอ เออ อา เมฉว่าเมชอ แหน่เจ๊อ เด๊อ แวกู แว ซิเล แถ่หนิ อา เตโพรเตเตอเรอ ฉว่าชอ เออ เร๊อ แว จ่าเพรอแอ๊จื๊อ เร๊อ แว ซิครือเมเฮ๊อ จอแปแหร่ อาเตแร เออเต๊เห่ เฮ๊อ.

เอเฟซัส 6:10

เด๊อคยา ตื๊อดื่อเนอ, แว ซิหยื่อ เฮ๊ ซี ฮู๊เออ, แซ่ฮู๊ ซี เก่ฉว่าเก่ชอแถ่ เนอ, พย๊า แลแค แบ่เจ่ อา เตโพรเตเตอเรอ ฉว่าชอ เออเต๊เห่ นี๋. อา เตโพรเตเตอเรอ ฉว่าชอ เออเต๊เห่ เนอหม่า อาฉว่าอาชอ แหน่เจ๊อ.

เอเฟซัส 3:7

จอแปแหร่ อาบุ๊ยอาเตอเรอ อา เตเด๊อะครา เออ เร๊อ อา เตโพรเตอเรอ อาขว่าอาคยาเร๊อ, อา เด๊อะแล เฮ๊อ แว เตเมเออ เด๊อ แว เก่ เบ่ โด่แน เป่ อู เร๊อ เตซิครือมีลา เออเนอ เฮ๊อ.

เอเฟซัส 2:10

กู๊แหน่เรอ เป ทวาแถ่ ฮู๊เออ เนอหม่า, จอแปแหร่ เม เป่ เป แพ๊. เด๊อ เป ทวาแถ่ เตอเจ๋อโต เฮ๊อ เร๊อ เหย่ซู่ครี๊ อาขว่าอาคยา, จอแปแหร่ เด๊อะ เป เตโอ่เซอเพร อาเซ เฮ๊อ. แซ่ฮู๊ เป เก่ เมเตแร๊ อาเงเนอเนอ, อา เด๊อะ เฮ๊อ เป เฮ๊อ. เป เก่ เม เตแร๊ เออเต๊เห่ อาเงเนอ, อา ตี๊หรี่แตแร หนื่ออื่อ งย๋า เป่ลาเฮ๊อ เด๊อ เปเง เฮ๊อ.

ꤚꤥꤗꤢꤩ꤬ 1:16

เด๊อ เตซิครือมีลา เออ อาขว่าอาคยา, แว ซิเตเรโต่, เมเตเฮ๊เรอ, ล๋อ แกแย เด๊อ อา หยื่อเอ่ เตซิครือมีลา เออเต๊เห่เนอ, จอแปแหร่ เมแลเปล๊กา ลอ เหย่ซี เน๊อ อา เตโพรเตเตอเรอ เฮ๊อ. อา เมแลเปล๊กา เหร่อเล๊อ แกแยยิวพู๊ เต๊เห่, โทเรอ อา เมแลเปล๊กา เกอโป่ แกแยยิวพู๊ หม่าโต่ เต๊เห่.

ꤡꤛꤢꤩ꤭ꤗꤢ꤬ꤎꤣ꤬ 1:18

เด๊อ เป หนิโฮ เตซิครือมีลา เตหมะเตจ๊อ อาขว่าอาคยาเร๊อ, จอแปแหร่ เด๊อะทวาแถ่ เฮ๊อ เป เน๊อ อาพู๊ จู๋ ดื่อ ฮู๊ อาซิปล่อ เร๊อดื่อ เนอเฮ๊อ. แซ่ฮู๊ เป เก่ ทวาแถ่ ส่อเส่ เด๊อ อาเส่เหร่อเล๊อ อู เต๊เห่ เด๊อะ เตแบ๊แล ล๋อ ปลี เออเต๊เห่ อาเกล เนอเรอ, อา เด๊อะทวาแถ่ เฮ๊อ เป เน๊อ อาพู๊ แพ๊.

เธสะโลนิกา เนอบ่า ต๊าบ่า 1:11

ฮู๊เนอเร๊อ แซ่ฮู๊ จอแปแหร่ เก่ เมจว่า ซี เร๊อ ซี เก่ โอ่เซอเพร โตเบ่เกอ เร๊อ อาเอ๊ ซี อาเงเนอ, เป กุยจ๊อเบ เป่ เด๊อ ซิเง ปว๋า โตโพ๊เจ๊อ. เป กุยจ๊อเบ เป่ โป่ เด๊อ ซิเง เร๊อ จอแปแหร่ เก่ เมเล๊อบา เป่ ซี ล๋อ ซี เตเมแร๊ เด๊อ ซี ซิหยื่อเม เนอเต๊เห่, เร๊อ เตเม เด๊อ ซี เม เร๊อ เตหยื่อ เนอเต๊เห่. เร๊อ จอแปแหร่ เก่ เม เป่ดื่อ ซี เร๊อ อา เตโพรเตเตอเรอ ปา.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 1:5

เมเตเฮ๊เรอ เป พย๊าแฮ เป่ ซี เตซิครือมีลา เออเนอหมา ตื๊อแพ๊ เป กู๊อู่ อา เตเฮ๊เบ่ เนอหม่าโต่. เตซิครือมีลา เออเนอหมา, อาโอ่ เร๊อ อา เตอเรอฉว่าชอ, อาโอ่ เร๊อ แหย่โยบูโพ๊ แบ่เจ่, อาโอ่ เร๊อ เตหยื่อเอ่ ลอหล่าตี๊กลิ เตซิครือมีลา อา เตจ๊อเตเต เออเต๊เห่. เร๊อ เบ๊อะเป โอ่เกอ เร๊อ ซี เบ๊อะเนอ, เป หม่า แกแย ฮู๊เต เต๊เห่เนอหม่า, ซี ซิเง โทดื่อเฮ๊อ. เออเนอหมา เป โอ่เซอเพร เป่ เด๊อ ซี เหล่หนิบุ๊ย หนิเตอเรอ อาเง แพ๊.

โครินธ์ เนอบ่า ต๊าบ่า 5:17

แกแย เตเพรเพร เด๊อ อา ทวาแถ่ เฮ๊อ เต๊อเจ๋อ แพ๊ เน๊อ ครี๊ เนอ, อา ทวาแถ่ เฮ๊อ แกแย เตเพร เด๊อ จอแปแหร่ แบ๊แล เต๊เปล่ เซ ลู เฮ๊อ. อา วีแก แก อา เตโอ่เซอเพร อาเลอ เต๊เห่ เร๊อ อา โอ่เซอเพร เต๊เปล่แก เด๊อ อาเซ เฮ๊อ.

เพรโด่แนพู๊ เต๊เห่ 26:18

เน เบ่ บ๊าโมแถ่ เป่ เหย่ซี เต๊เห่ อาเป๊เส่ ปา, โทเร๊อ เน นอตีรี๊ กาคยา คยาแซ๊ เหย่ซี เด๊อ เตคี๊เตตาปา อาเล ปา. เร๊อ เน เก่ ซูจว๊า เหย่ซี เด๊อ เตลี ปา, โท๊โต่ เน เก่ ซูจว๊าโน เหย่ซี เด๊อ อา โอ่ เด๊อ โลเน๊มู๊แหม่รีแจ่ กู่กล๊อ อา เตอเรอฉว่าชอ อาเล เออเนอเต๊เห่ เด๊อ จอแปแหร่ อา เตโพรเตเตอเรอ อาเล ปา. เด๊อ เหย่ซี หยื่อเอ่ แว อาขว่าอาคยา, จอแปแหร่ เก่ ปลวาแก เหย่ซี เตซื๊อ ปา, โท๊โต่ เด๊อ จอแปแหร่ นว๊าแถ่ เกอเร๊อ อาแกแย เนอเต๊เห่อาเหล่โอ่ เออเนอ, เหย่ซี เก่ พย๊าหนิ เกอดื่อ ปา, อา เฮ๊ แว ฮู๊เนอ.’

ꤛꤥ꤭ꤟꤢ꤬ 3:6

แกแย เห่ขุพู๊ โอ่เป๊เจ่แล เกอเร๊อ คยาดื่อ แกแย เห่ขุพู๊ แพ๊. หม่าแน๊ เตโอ่ เป๊เจ่แล เร๊อ แหบ่โยบูโพ๊ แบ่เจ่เนอ, อา เด๊อะ โอ่ เซอเพร อู เด๊อ แหย่โย ตากยา.

ฟีลิปปี 3:21

เหย่ซู่ครี๊ เก่ ถู่แหล่แก เปเหน่กล่อ เด๊อ อา อ๊าเจ่เหร่เจ่. เร๊อ อา เซอแจ่ เออเนอ เร๊อ เตโพรเตเตอเรอ ปา, เร๊อ อา เก่ เมทวาแถ่คยา เปเหน่กล่อ เออเนอ ฮู๊ อาเหน่กล่อ เร๊อดื่อ เด๊อ อา โอ่ เร๊อ อา เตอเรอดุทู เออเนอ ปา. อา เพรโพรฉว่าชอ เด๊อ อา เมจว่า ลู เด๊อ อา เก่ เป๊อะเบ่ ลอ เตล๋อ ปลี เออเนอ, อา เก่ ถู่แหล่ เต๊เปล่แก ลอ เปเหน่กล่อ เออเต๊เห่ ปา.

เปโตร อาเหร่อเล๊อ ต๊าบ่า 4:11

อูเปเป๋ เบ่เบ่, อา เก่ แด๊โฉ่โด่แน เป่ อู เฮ๊เนอ, อา เบ่ แด๊โฉ่โด่แน เป่ อู ฮู๊ จอแปแหร่ เฮ๊เบ่ อู เร๊อ อา นอแด๊โฉ่โด่แน แฮเง เร๊อ เนเนอ. เร๊อ อู เปเป๋ เบ่เบ่ เด๊อ อา เก่ เมหลู่เล๊ เตเม เฮ๊เนอ, อา โตเบ่ เม เร๊อ อ๊าเหร่ เด๊อ จอแปแหร่ เด๊อะตา ลู เนอเต๊เห่. เก่ เมฮู๊เนอ เฮ๊เรอ, เด๊อ เหย่ซู่ครี๊ อาขว่าอาคยา, อู เก่ ถู่เซ๊แถ่ จอแปแหร่ เร๊อ ล๋อ เต เด๊อ ซี เม เออเต๊เห่ อาขว่าอาคยา ปา. จอแปแหร่ เก่ พย๊า หนิดื่อ เตเตอเรอดุ เตอเรอทู เร๊อ เตโพรเตเตอเรอ ตูจูเพร แตแลเคร๊ นี๋. อาเมน.