เอเฟซัส 1:14 - ลีเทส่อพ๊าอาเซ เร๊อ เห่ขุทวาลู๊

¹⁴ แหย่โยบูโพ๊แบ่เจ่ เออเนอ อาแซ่เน๊อ เตอ๊อแล อาหม่าอากลอ เต๊อเจ่อ เด๊อ อา เด๊อะโล เร๊อ ล๋อ จอแปแหร่ อ๊อแล เด๊อ อา เก่ เด๊อ เป ปา เต๊เห่เนอ, เป่ เก่ พย๊าหนิ ปา. ช๊า จอแปแหร่ อา เตอี๊ถ่ากา เป อา เตเอ่เตแร เออ อาปลื๊ออาโท ลอเฮ๊อ ปา เบ๊อะเนอ, อา เก่ เด๊อะ เป อู่เจเต๊เหย่ เนอเต๊เห่ ปา. ฮู๊เนอเรอ อู เก่ ถู่เซ๊แถ่ เกอ จอแปแหร่ อา เตดุเตทู เออเต๊เห่ ปา.

Eastern Kayah Shadaw Dialect

¹⁴ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤛ꤫ꤢꤧ꤬ꤛꤥ꤬ ꤣꤧ꤭ꤔꤣꤧ꤬ ꤢ꤬ꤞꤢꤧꤔꤢꤧ ꤒꤢꤩ꤬ꤢꤪꤜꤢꤧ꤬ ꤢ꤬ꤊꤜꤢꤪ꤬ꤢ꤬ꤗꤢ꤬ ꤒꤣ꤬ꤡꤣ꤬ ꤘꤣ ꤢ꤬ ꤘꤣꤧꤜꤥ꤭ ꤔꤢꤧ ꤜꤢꤪ꤭ ꤡꤢꤪꤗꤣꤧ꤬ꤚꤢꤧ꤬ ꤢꤪꤜꤢꤧ꤬ ꤘꤣ ꤢ꤬ ꤊ꤫ꤢꤦ꤬ ꤘꤣꤧ ꤕꤢꤩ꤬ ꤕꤢ꤭ ꤒꤣꤧ꤬ꤟꤢꤩ꤬ꤔꤣꤧ꤬, ꤕꤢꤩ꤬ ꤊ꤫ꤢꤦ꤬ ꤔ꤫ꤤ꤬ꤙꤢꤩ꤬ ꤕꤢ꤭꤯ ꤏꤢ꤮ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤒꤢꤩ꤬ꤤꤓꤢ꤬ꤊꤢ꤬ ꤕꤢꤩ꤬ ꤢ꤬ ꤒꤢꤩ꤬ꤖꤛꤢꤒꤢꤩ꤬ꤗꤢꤩ꤬ ꤣꤧ꤭ ꤢ꤬ꤓꤥ꤭ꤢ꤬ꤕꤜꤢꤦ ꤜꤢꤪ꤭ꤟꤣꤧ ꤕꤢ꤭ ꤢ꤬ꤋꤢꤩ꤭ꤔꤣꤧ꤬, ꤢ꤬ ꤊ꤫ꤢꤦ꤬ ꤘꤣꤧ ꤕꤢꤩ꤬ ꤢꤨ꤬ꤡꤢꤩ꤭ꤒꤣꤧ꤬ꤛ꤫ꤢꤩ꤬ ꤔꤣꤧ꤬ꤒꤣꤧ꤬ꤟꤢꤩ꤬ ꤕꤢ꤭꤯ ꤟꤢꤨꤔꤣꤧ꤬ꤚꤣꤧ꤬ ꤢꤨ꤭ ꤊ꤫ꤢꤦ꤬ ꤓꤢꤨ꤬ꤞꤢꤩꤓꤢꤧ꤬ ꤊꤣꤧ꤭ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤒꤢꤩ꤬ꤘꤢꤨ꤬ꤒꤢꤩ꤬ꤓꤢꤨ꤭ ꤒꤣꤧ꤬ꤘꤢꤦ꤬ ꤣꤧ꤭ꤒꤣꤧ꤬ꤟꤢꤩ꤬ ꤕꤢ꤭꤯

เอเฟซัส 1:14 ပူးပေါင်းရင်းမြစ်များ

โครินธ์ เนอบ่า ต๊าบ่า 5:5

เพร เด๊อ อา ตี๊หรี่แตแร หนื่ออื่อ เป่ เฮ๊อ เป เด๊อ เป เก่ พย๊าหนิ เหน่กล่อ อาเซ เออเตเพร เนอหม่า จอแปแหร่ เออเนอ เฮ๊อ. โท๊โต่ อา เด๊อะตา เป่ เกอโป่ เป แหย่โยบูโพ๊ แบ่เจ่ เออเนอหมา อา แซ่เฮ๊อเร๊อ เตม๊าเตแด เด๊อ อาหม่าอากลอ เต๊อเจ่อ เร๊อ อา เมเล๊อเมบา เป่ เฮ๊อ เป ล๋อ อา อ๊อแล เนอเต๊เห่ เฮ๊อ.

โครินธ์ เนอบ่า ต๊าบ่า 1:22

โท๊โต่, จอแปแหร่ เมม๊าเมแด เป เออเนอ, อา เด๊อะโล เฮ๊อ เร๊อ เป ทวา เฮ๊อ อาแกแย เฮ๊อ. อา เด๊อะตา เป แหย่โยบูโพ๊ แบ่เจ่ เออเนอหมา อา เมม๊าเมแด เฮ๊อ เป เฮ๊อ. โทเรอ แหย่โยบูโพ๊ แบ่เจ่ เออเนอ, อา แฮโน โอ่เซอเพร เด๊อ เป ซิปล่อกู เร๊อ อา เฮ๊จว่า เป่เกอ เป เร๊อ จอแปแหร่ เก่ เมเล๊อเมบาแถ่ เป่ ลอ เป อา เตอ๊อแล เนอเต๊เห่ ปา.

เอเฟซัส 4:30

เมซิเปล แต่ จอแปแหร่ อา แหย่โยบูโพ๊ แต่เหม่. จอแปแหร่ เด๊อ ซี แหย่โยบูโพ๊แบ่เจ่ เออเนอหมา, อา แซ่เฮ๊อ เร๊อ เมม๊าเมแด เต๊อเจ่อ เด๊อ ซี หม่า จอแปแหร่ อาเต เฮ๊อ. แหย่โยบูโพ๊แบ่เจ่ เออเนอ, อา เก่ โอ่เต่อ เร๊อ ซี โต่เด๊อ จอแปแหร่ แฮ เมแลเปล๊กา ซี ปา เนอเตอเนอ ปา.

ꤊꤢ꤬ꤜꤢ꤬ꤒꤤ 4:6

ซี ย๋อ ทวาเฮ๊อ จอแปแหร่ อาพู๊อาเลอ เต๊เห่ อาขว่าอาคยา, เด๊อ เป ซิปล่อกู เออเนอ, จอแปแหร่ ฉู่โนเฮ๊อ อาพู๊คู อา แหย่โยบูโพ๊ เด๊อ อา เอ๊โทแถ่ เน๊อ, “อับบา, เพ” ฮู๊เนอ หม่า อา หนิ เฮ๊อ เออเนอเฮ๊อ.

ꤚꤥꤗꤢꤩ꤬ 8:23

ล๋อ เตแบ๊ตา เออเต๊เห่ โปโอเปเช ตื๊อดื่อ หม่าโต่, เป ล๋อ ปลีเออ เบ่เบ่, เป โปโอเปเช เต่อเกอ ลอ ดื่อแพ๊. เป เด๊อ อา พย๊าหนิ แหย่โยบูโพ๊ แบ่เจ่ หม่าเฮ๊อ จอแปแหร่ เด๊อะครา เชหยู่ เด๊อ อาเหร่อเล๊อ เออเต๊เห่เนอ เบ่เบ่, เป โปโอเปเช เกอดื่อ เด๊อ ซิปล่อกูกู. เป โอ่ป่อแม๊ชือ โปโอเปเช เกอดื่อเฮ๊อ จอแปแหร่ เน๊อ ช๋า อา เก่ แฮ อี๊เฮ๊อ เป เร๊อ อาพู๊ ปา เตอเนอ, เร๊อ ช๋า อา เก่ แฮเด๊อะเฮ๊อ เป เหน่กล่อ อาเซ ปา เออเนอเฮ๊อ.

เอเฟซัส 1:12

แซ่ฮู๊ เป่ เก่ แด่เกอ เป เตแม๊ชือ เด๊อ ครี๊ อากูเนอ เรอ, อา เม เป่เฮ๊อ เป ฮู๊เนอเฮ๊อ. เป แกแยยิวพู๊ เต๊เห่ หม่า แกแย เด๊อ อา แม๊ชือ เหร่อเล๊ออู ครี๊ เต๊เห่เฮ๊อ. เด๊อ เป แม๊ชือ ฮู๊เนอ อาขว่าอาคยา, อู เก่ ถู่เซ๊ เกอ จอแปแหร่ อา เตอเรอดุเตอเรอทู ตื๊อดื่อ เออเต๊เห่ ปา.

เพรโด่แนพู๊ เต๊เห่ 20:32

“กู๊แหน่เออ, แว เด๊อะตาแก ซี เด๊อ จอแปแหร่ อา เตแม๊เตตู่ อากู เร๊อ อาบุ๊ยดุอาเตอเรอทู อา เตหรี่เตแก เออเนอ อากู เฮ๊อ. อา เตหรี่เตแก เออเนอ อา เมดุแถ่ทูแถ่ แจ่ ซี เร๊อ อา เก่ เด๊อะ ซี อู่เจเต๊เหย่ เด๊อ อา เบ่ดว๊า หนื่ออื่อ เป่ เร๊อ อา แกแยหยื่อเอ่ ล๋อ ปลี เออเต๊เห่ อาเง เนอ ปา.

เปโตร อาเหร่อเล๊อ ต๊าบ่า 2:9

หม่าแน๊เรอ ซี หม่าเมวเจอะ เต๊อเจ่อ เด๊อ จอแปแหร่ นว๊าแถ่ อา, เพรหลู่แตเต เด๊อ อาแซ่เน๊อ คุ๊ย เต๊เห่, เมวเจอะ เด๊อ อา บูโพ๊, โท๊โต่ จอแปแหร่ อาแกแย เร๊อดื่อ เจ๊อ เต๊เห่ เฮ๊อ. แซ่ฮู๊ ซี เก่ แด๊โฉ่โล จอแปแหร่ อา เตเมแร๊ โค๊ดื่อ เต๊เห่ อาเงเนอ, จอแปแหร่ นว๊าแถ่ ซี เฮ๊อ. จอแปแหร่ เอ๊เถ่แก ซี เด๊อ เตคี๊ อาเล เร๊อ อา ซูโน ซี เด๊อ อา เตลีเตเค โม อากู เฮ๊อ.

เพรโด่แนพู๊ เต๊เห่ 20:28

แม๊ตู่ เร๊อ ดื่อ แลแค ซีเหน่ เร๊อ แม๊ตู่ เกอเร๊อ แลแค ล๋อ ซิหมิ เด๊อ แหย่โยบูโพ๊ เด๊อะตาแก เป่ ซี เด๊อ ซี เบ่ แม๊ตู่หนิ เออเนอ เต๊เห่ นี๋. ทวา แลแค เพรเกซิหมิพู๊ เด๊อ อา แม๊ตู่หนิ อาซิหมิ เออเต๊เห่ เนอ เต๊เห่ นี๋ แม๊ตู่หนิ แลแค จอแปแหร่ อา เพรหยื่อเอ่ ตู๊หมู่ตอกล๊อ เด๊อ อาพู๊คู พรีกา โทเฮ๊อ เน๊อ อาสุ่ย เร๊อดื่อ เออเนอ นี๋.

ꤜꤢꤨꤊꤢ꤬ 21:28

ช๋า เตเออเต๊เห่ เป๊อแถ่ เมเฮ๊อ อาเบ๊อะเนอ ปาเนอ, ก๊อถ่อ แลแค เร๊อ จอแถ่ แลแค ซี กู่กล๊อ, เมเตเฮ๊เรอ, งยาแต่โต่ ปาหม่า จอแปแหร่ เก่ เมแลเปล๊กา เฮ๊อ ซี ปา เฮ๊อ.”

โครินธ์ อาเหร่อเล๊อ ต๊าบ่า 1:30

จอแปแหร่ เมทวาแถ่ โต่เฮ๊อ ซี เน๊อ เหย่ซู่ครี๊ เตอเจ๋อ โต เฮ๊อ. อา เมทวา เป่ เฮ๊อ ซี เต๊อะเจ้อ แพ๊ เน๊อ ครี๊ เออเนอ, อา เก่ ทวาแถ่ เฮ๊อ เป เตลีแมลีเพ๊ เฮ๊อ. เด๊อ ครี๊ อาขว่าอาคยาเร๊อ, จอแปแหร่ แด่ เฮ๊อ เป ฮู๊ แกแยจ๊อแกแยเต เต๊เห่เนอ เฮ๊อ. โท๊โต่ เป ทวาแถ่ เฮ๊อ จอแปแหร่ อาแกแย บูโพ๊ เร๊อ ครี๊ ปลวาเถ่ ปาลา เฮ๊อ เป เน๊อ เตซื๊อ เฮ๊อ.

เอเฟซัส 1:11

เด๊อ ครี๊ ขว่าคยาเนอ, จอแปแหร่ นว๊าแถ่เฮ๊อ เป เร๊อ เป เก่ ทวาแถ่ อาแกแย เฮ๊อ. อา แด่แล โทเฮ๊อ อาซิปล่อ อาขว่าอาคยา, อา เม เฮ๊อ ฮู๊เนอ เฮ๊อ. อา เมทวาแถ่ ลอเฮ๊อ เตปว๊า เต๊อเจ่อ ฮู๊ อา ซิหยื่อ เมเนอ เฮ๊อ.