เอเฟซัส 1:13 - ลีเทส่อพ๊าอาเซ เร๊อ เห่ขุทวาลู๊

¹³ ซี เร๊อ, เบ๊อะซี หนิโฮ เกอ เตหมะเตจ๊อ, เตซิครือมีลา เด๊อ อา เมแลเปล๊กา ซี อาหรี่อาแก เบ๊อะเนออาเค, ซี หยื่อเอ่ เร๊อ ซี ทวาแถ่ เตเตอเจ๋อ โต เร๊อ ครี๊ เฮ๊อ. เด๊อ ซี หยื่อเอ่ ครี๊ อาขว่าอาคยา, อา เด๊อะแล ซี แหย่โยบูโพ๊แบ่เจ่ เด๊อ อา เฮ๊แก หนื่ออื่อ โทเฮ๊อ เออเนอ เฮ๊อ. แหย่โยบูโพ๊แบ่เจ่ เออเนอ อา แซ่เฮ๊อ เร๊อ เมม๊าเมแด เต๊อเจ่อ เด๊อ อา เด๊อะโล เร๊อ ซี ทวาเฮ๊อ จอแปแหร่ อาแกแย เฮ๊อ.

Eastern Kayah Shadaw Dialect

¹³ ꤞꤤ꤭ ꤚꤣꤧ꤬, ꤙꤣꤧ ꤞꤤ꤭ ꤔ꤫ꤤ꤬ꤟꤥ꤭ ꤊꤣꤧ꤭ ꤒꤢꤩ꤬ꤗ꤫ꤢ꤬ꤒꤢꤩ꤬ꤡꤢꤪ, ꤒꤢꤩ꤬ꤞꤤꤋꤚꤢꤦ꤭ꤗꤝꤤ꤭ꤜꤢ꤬ ꤘꤣ ꤢ꤬ ꤗꤢꤩ꤬ꤜꤣꤧ꤬ꤕꤜꤢꤩꤊꤢ꤬ ꤞꤤ꤭ ꤢ꤬ꤚꤤ꤬ꤢ꤬ꤊꤢꤧ꤭ ꤢ꤬ꤋꤢꤩ꤭ꤔꤣꤧ꤬, ꤞꤤ꤭ ꤛ꤫ꤢꤦ꤬ꤢꤩ꤬ ꤚꤣꤧ꤬ ꤞꤤ꤭ ꤓꤝꤢ꤭ꤓꤢꤧ꤬ ꤒꤢꤩ꤬ꤒꤣ꤬ꤡꤣ꤬ꤡꤢꤦ꤭ ꤔꤢꤧ ꤋꤚꤤ ꤟꤣꤧ꤯ ꤘꤣ ꤞꤤ꤭ ꤛ꤫ꤢꤦ꤬ꤢꤩ꤬ ꤋꤚꤤ ꤢ꤬ꤋꤝꤢ꤬ꤢ꤬ꤋꤛꤢ꤭, ꤢ꤬ ꤘꤣꤧꤜꤢꤧ꤬ ꤞꤤ꤭ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤛ꤫ꤢꤧ꤬ꤛꤥ꤬ ꤘꤣ ꤢ꤬ ꤢꤪꤜꤢꤧ꤬ ꤥ꤬ꤔꤢꤩ꤬ ꤓꤥ꤭ꤟꤣꤧ ꤣꤧ꤭ꤔꤣꤧ꤬ ꤟꤣꤧ꤯ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤛ꤫ꤢꤧ꤬ꤛꤥ꤬ ꤣꤧ꤭ꤔꤣꤧ꤬ ꤢ꤬ ꤞꤢꤧꤟꤣꤧ ꤔꤢꤧ ꤒꤢꤩ꤬ꤗꤢꤒꤢꤩ꤬ꤒꤢꤩ꤭ ꤒꤣ꤬ꤡꤣ꤬ ꤘꤣ ꤢ꤬ ꤘꤣꤧꤜꤥ꤭ ꤔꤢꤧ ꤞꤤ꤭ ꤓꤝꤢ꤭ꤟꤣꤧ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤊꤣꤧ꤬ꤛꤢꤧ꤭ ꤟꤣꤧ꤯

เอเฟซัส 1:13 ပူးပေါင်းရင်းမြစ်များ

โครินธ์ เนอบ่า ต๊าบ่า 1:22

โท๊โต่, จอแปแหร่ เมม๊าเมแด เป เออเนอ, อา เด๊อะโล เฮ๊อ เร๊อ เป ทวา เฮ๊อ อาแกแย เฮ๊อ. อา เด๊อะตา เป แหย่โยบูโพ๊ แบ่เจ่ เออเนอหมา อา เมม๊าเมแด เฮ๊อ เป เฮ๊อ. โทเรอ แหย่โยบูโพ๊ แบ่เจ่ เออเนอ, อา แฮโน โอ่เซอเพร เด๊อ เป ซิปล่อกู เร๊อ อา เฮ๊จว่า เป่เกอ เป เร๊อ จอแปแหร่ เก่ เมเล๊อเมบาแถ่ เป่ ลอ เป อา เตอ๊อแล เนอเต๊เห่ ปา.

เอเฟซัส 4:30

เมซิเปล แต่ จอแปแหร่ อา แหย่โยบูโพ๊ แต่เหม่. จอแปแหร่ เด๊อ ซี แหย่โยบูโพ๊แบ่เจ่ เออเนอหมา, อา แซ่เฮ๊อ เร๊อ เมม๊าเมแด เต๊อเจ่อ เด๊อ ซี หม่า จอแปแหร่ อาเต เฮ๊อ. แหย่โยบูโพ๊แบ่เจ่ เออเนอ, อา เก่ โอ่เต่อ เร๊อ ซี โต่เด๊อ จอแปแหร่ แฮ เมแลเปล๊กา ซี ปา เนอเตอเนอ ปา.

ทิโมธี เนอบ่า ต๊าบ่า 2:19

หม่าแน๊เรอ อู เม โกโยแจ่ เน๊อ จอแปแหร่ อา เตแก่ช๊า อาหม่าอากลอ เออเนอ โต่. เด๊อ เตแก่ช๊า เออ อาโอ่เนอ อู ราโอ่ เน๊อ, “แบ่เจ่ ซิเง เกอเร๊อดื่อ อาแกแย” เร๊อ “แกแย ปว๋า เตเพร เด๊อ อา เฮ๊ เร๊อ แว หม่า แบ่เจ่ อาแกแย เต๊เห่เนอหม่า, อา โตเบ่ ตีรี๊ จว๊าโค๊แก อาเหน่ เร๊อ เตซื๊อ เออเนอ.”

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 2:13

เบ๊อะซี หนิโฮ จอแปแหร่ อาลาอาโหง่ เด๊อ เป แด๊โฉ่ เป่ ซีเออ เบ๊อะเนอ, ซี พย๊าฉื่อ อา ฮู๊ อา โอ่ เด๊อ แกแย อา โอ่ เร๊อ อา แฮเนอ หม่าโต่. ซี พย๊าฉื่อ เจ๊อ อา ฮู๊ อา โอ่ เด๊อ จอแปแหร่ อา โอ่ เร๊อ อา แฮ เนอ เจ๊อ. ฮู๊เนอ อาขว่าอาคยา, เป เฮ๊บุ๊ยเฮ๊เตอเรอ จอแปแหร่ ปว๋า โตโพ๊ เจ๊อ. เร๊อ เตหรี่เตแก เออเนอหมา จอแปแหร่ อา เตหรี่เตแก หม่าแหน่ เจ๊อ. เร๊อ เด๊อ เตหรี่เตแก เออ อาขว่าอาคยา, จอแปแหร่ นอโอ่เซอเพร เฮ๊อ ซี ฮู๊ อาโต ลูซิปล่อ เนอเฮ๊อ.

ꤚꤥꤗꤢꤩ꤬ 4:11

อา ดื๊อตีลี๊พ๊า เนอหม่า อาเนอ เด๊อ คยา แพ๊. เบ๊อะอา ดื๊อตีลี๊ แต่ลา พ๊า โต่ เบ๊อะเนอ, เด๊อ อาเตหยื่อ อาขว่าอาคยา, จอแปแหร่ แด่เฮ๊อ อา ฮู๊ แกแยจ๊อแกแยเต เตเพรเฮ๊อ. ฮู๊เนอเรอ อา เมม๊าเมแดแก ลู เร๊อ เตดื๊อตีลี๊พ๊า ฮู๊เนอ เต๊อเจ่อ แพ๊. ฮู๊เนอเรอ แกแย เด๊อ อา ดื๊อตีลี๊ เกอ เจ๊ออู พ๊า โต่ หม่าแน๊เรอ, อา หยื่อเอ่ จอแปแหร่ เต๊เห่เนอ, เพอับราฮัม ทวา เป่ ลอ แกแย ฮู๊เนอ เต๊เห่ อาเพ เฮ๊อ. ฮู๊เนอ อาขว่าอาคยา, จอแปแหร่ แด่จ๊อแด่เต เกอเฮ๊อ เหย่ซี เฮ๊อ.

ꤒꤤꤒꤢꤨ 2:11

เมเตเฮ๊เรอ แซ่ฮู๊ จอแปแหร่ เก่ เมแลเปล๊กา แกแย เห่ขุพู๊ ล๋อปลี อาเงเนอ, อา เด๊อะโลเฮ๊อ อาบุ๊ยอาเตอเรอ เฮ๊อ.

ꤊꤢ꤬ꤜꤢ꤬ꤒꤤ 3:14

แซ่ฮู๊ แกแยยิวพู๊ หม่าโต่ เต๊เห่ เก่ พย๊าหนิ เกอดื่อ เตบุ๊ยเตเตอเรอ เนอเรอ, เหย่ซู่ครี๊ แฮอิถ่ากา โท ลอ เป่ เฮ๊อ เป เฮ๊อ. เตเด๊อะบุ๊ยเด๊อะเตอเรอ เออเนอ, อา แซ่เฮ๊อ เน๊อ จอแปแหร่ อ๊อแลแก เพ อับราฮัม มู๋ หนู่เค เนอ เฮ๊อ. โท๊โต่ จอแปแหร่ อ๊อแล โทเฮ๊อ เน๊อ อา เก่ เด๊อะตา เป แหย่โยบูโพ๊ แบ่เจ่ ปา. แซ่ฮู๊ แกแย เด๊อ อา หยื่อเอ่ เหย่ซู่ เต๊เห่ เก่ พย๊าหนิ แหย่โยบูโพ๊ แบ่เจ่ ปาเนอเรอ, เหย่ซู่ แฮ อี๊ถ่า เป แพ๊.

ꤚꤥꤗꤢꤩ꤬ 1:16

เด๊อ เตซิครือมีลา เออ อาขว่าอาคยา, แว ซิเตเรโต่, เมเตเฮ๊เรอ, ล๋อ แกแย เด๊อ อา หยื่อเอ่ เตซิครือมีลา เออเต๊เห่เนอ, จอแปแหร่ เมแลเปล๊กา ลอ เหย่ซี เน๊อ อา เตโพรเตเตอเรอ เฮ๊อ. อา เมแลเปล๊กา เหร่อเล๊อ แกแยยิวพู๊ เต๊เห่, โทเรอ อา เมแลเปล๊กา เกอโป่ แกแยยิวพู๊ หม่าโต่ เต๊เห่.

เพรโด่แนพู๊ เต๊เห่ 2:33

จอแปแหร่ แด่ดุแด่ทู เหย่ซู่ เร๊อ อา แด่โอ่ ลู เด๊อ อากู๊ขุ จ๊อทว๊า ตากยา, เร๊อ ฮู๊ อาเพ จอแปแหร่ อ๊อแล โทเฮ๊อ เน๊อ อา เก่ เด๊อะ ลู แหย่โยบูโพ๊ เนอ อา เด๊อะเฮ๊อ ลู เฮ๊อ. เร๊อ เหย่ซู่ กลอตาแล๊ตา เฮ๊อ เต เด๊อ เน แม๊เถอะ หนิโฮเฮ๊อ กู๊แหน่เออ เนอเต๊เห่ เฮ๊อ.

ꤛꤥ꤭ꤟꤢ꤬ 14:26

หม่าแน๊เรอ, เพ เก่ นอแฮ เป่ ซี เพรเมจว่า ซี แหย่โยบูโพ๊แบ่เจ่ เร๊อ แวมุย ปา. อา เก่ อิซว๊าอี๊แส่ เป่ ซี เตล๋อ ปลี ปา, โท๊โต่ ล๋อ เต เด๊อ แว เฮ๊โทเฮ๊อ ซี เต๊เห่เนอ, อา เก่ เด๊อซิเง กาคยา คยาแซ๊ ซี ปา.

ꤛꤥ꤭ꤟꤢ꤬ 1:17

จอแปแหร่ เด๊อะตา เตซว๊าเตแส่ เร๊อ คูโมเสส เร๊อ คูโมเสส เด๊อะตา แฮเง เน๊อ เป, ตื๊อดื่อเร๊อ เหย่ซู่ครี๊ หม่า หม่าเฮ๊อ แกแย เด๊อ อา เด๊อะตา เป่ เป เตบุ๊ยเตเตอเรอ เร๊อ เตหมะเตจ๊อ.

ꤜꤢꤨꤊꤢ꤬ 24:49

เร๊อ แว เก่ นอตาแล เป่ ซี ฮู๊ แวเพ อ๊อแล หนื่ออื่อ โทเฮ๊อ เนอเต๊อเจ่อ เด๊อ ซีโหล่ ปา. หม่าแน๊เรอ ซี เก๊ พย๊าหนิ แต่ล๋าย เตเตอเรอฉว่าชอ เด๊อ อา โอ่ เด๊อ ม๊อขุเออ แฮแล แต่ล๋าย เด๊อ ซีเหน่ลูโต่ เนอ, ซี เบ่ โอ่ป่อตื๊อดื่อ เบ๊อะวีกู เออเนอ ปา.”

เปโตร อาเหร่อเล๊อ ต๊าบ่า 2:10

โตโพ๊เคเนอ, ซี หม่า จอแปแหร่ อาแกแย หม่าโต่ หม่าแน๊เรอ กู๊แหน่เออ ซี ทวาเฮ๊อ จอแปแหร่ อาแกแย เฮ๊อ. โตโพ๊เคเนอ, ซี ซิเง จอแปแหร่ อา เตซิยอกล่าเบ่ โต่ หม่าแน๊เรอ กู๊แหน่เออ ซี พย๊าหนิเฮ๊อ อา เตซิยอกล่าเบ่ เฮ๊อ.

ꤚꤥꤗꤢꤩ꤬ 6:17

แว เฮ๊บุ๊ยเฮ๊เตอเรอ จอแปแหร่, เมเตเฮ๊เรอ, เด๊อ เหร่อ เคเนอ ซี ทวาน๊อ โทเฮ๊อ เตซื๊อ อาหลู่ โตโพ๊ หม่าแน๊เรอ กู๊แหน่เออ ซี หนิดา ลอ ซิปล่อซีเมเฮ๊อ จอแปแหร่ อา เตอิซว๊า อาเซ เด๊อ ซี พย๊าหนิ เออเนอเต๊เห่ เฮ๊อ.

เพรโด่แนพู๊ เต๊เห่ 1:4

โตโพ๊เค เบ๊อะอา เอ่โอ เต่อเกอ เร๊อ อา โคเจ่ เออเต๊เห่ เบ๊อะเนอ, อา เฮ๊แก เหย่ซี เน๊อ, “เถ่จว๊าแก แต่ แลแค เด๊อ เยรูซาเล็ม วีเออ อากูเนอ แต่ แลเหม่. โอ่ป่อตื๊อดื่อ แลแค เบ๊อะเนอ โต่เด๊อ ซี พย๊าหนิ เชหยู่ เด๊อ แว แด๊โฉ่หนื่ออื่อ โทเฮ๊อ ซี เร๊อ แวเพ อ๊อแล เด๊อ อา เก่ เด๊อะ ซี ปาเนอ นี๋.”

ꤛꤥ꤭ꤟꤢ꤬ 15:26

“แว เก่ นอแฮ เพรเมจว่าเต เด๊อ อา โอ่ เด๊อ เพโอ่ เออเนอ เตเพร เด๊อ ซี โอ่ ปา. อา หม่า เตหม่าเต่จ๊อ อา แหย่โยบูโพ๊แบ่เจ่ เด๊อ อา โอ่ เด๊อ เพ อา โอ่ แฮ. ช๋า อา แฮโต่ ปาเนอ, อา เก่ แด๊โฉ่โล เป่ ซี เร๊อ แวหรี่แวแก ปา.

เพรโด่แนพู๊ เต๊เห่ 13:26

“โป่แหว่ เพอับราฮับ อากลุยอาแล ซีเต๊เห่ เร๊อ แกแยยิวพู๊ หม่าโต่ เด๊อ อา โอ่ เบ๊อะเออ เร๊อ อา จ๊อบู่จ๊อเบแถ่ เกอ จอแปแหร่ เต๊เห่ ล๋อ ปลี ซี๋, เตเมแลเปล๊กา อาหรี่อาแก เออเนอ, อู ซูแฮ เป่ เด๊อ เปเง แพ๊.

ꤛꤥ꤭ꤟꤢ꤬ 6:27

จ่าเพรอ แรเป่ เต เหล่เอ่เหล่โอ เด๊อ อา โนโส่ อา ซอปย๊า แจ่ เนอเต๊เห่ อาเง แต่เหม่. จ่าเพรอ แรเป่ เหล่เอ่เหล่โอ เด๊อ อา เก่ เด๊อะ ซี ซิปล่อเซอเพร ตูจูเพร เออเต๊เห่ อาเงเนอ. แกแยเห่ขุ พู๊คูเออ, อา เก่ เด๊อะ อู เหล่เอ่ ฮู๊เนอ เต๊เห่ ปา, เมเตเฮ๊เรอ เพ จอแปแหร่ เด๊อะโล เฮ๊อ เร๊อ อา ซิปล่อโอ่ เฮ๊อ ลู เฮ๊อ.”

ꤜꤢꤨꤊꤢ꤬ 11:13

ซี หม่า แกแย เด๊อ อา จามู๊แหม่ เต๊เห่แพ๊ ตื๊อดื่อเรอ ซี ซิเง เด๊อะเอ่ ซีพู๊ซีเลอ เต๊เห่ เร๊อ เตเด๊อ อาแร๊ เต๊เห่ เจ๊อ เก่เฮ๊เรอ, เตเนแม๊มอ แลแค ซีเพ เด๊อ ม๊อขุ เออเตเพรเนอ, อา เก่ เด๊อ หม่าแหน่ เป่ เจ๊อ แกแย เด๊อ อา กุยแถ่ ลู แหย่โยบูโพ๊แบ่เจ่ เออเนอ ปา.”

เตเด๊อะโลแถ่ 7:2

แว แม๊เถอะ เตเน่วพู๊ เด๊อ อาโรเตเพร โอ่ เด๊อ ซิเถ่ ตากยา แฮ เร๊อ อา พย๊าแฮหนิ แบ่เจ่ จอแปแหร่ เด๊อ อา เซอเพร เออเตเพร อา เตม๊าเตแด โต๊โก่. โทเรอ อา จ่าเพรอ เอ๊โทแถ่ เตเน่วพู๊ เออซิลุย เด๊อ จอแปแหร่ เด๊อะ โทเฮ๊อ เหย่ซี อาเตโพรฉว่าชอ เด๊อ อา เก่ เมปย๊าแก เห่ขุ เร๊อ เทอดุซาวา เออเต๊เห่.

ꤡꤛꤢꤩ꤭ꤗꤢ꤬ꤎꤣ꤬ 1:18

เด๊อ เป หนิโฮ เตซิครือมีลา เตหมะเตจ๊อ อาขว่าอาคยาเร๊อ, จอแปแหร่ เด๊อะทวาแถ่ เฮ๊อ เป เน๊อ อาพู๊ จู๋ ดื่อ ฮู๊ อาซิปล่อ เร๊อดื่อ เนอเฮ๊อ. แซ่ฮู๊ เป เก่ ทวาแถ่ ส่อเส่ เด๊อ อาเส่เหร่อเล๊อ อู เต๊เห่ เด๊อะ เตแบ๊แล ล๋อ ปลี เออเต๊เห่ อาเกล เนอเรอ, อา เด๊อะทวาแถ่ เฮ๊อ เป เน๊อ อาพู๊ แพ๊.

ꤟꤤꤙꤚꤢꤨ 2:3

ฮู๊เนอเรอ, กู๊แหน่เออ เป เก่ แด่หยื่อ เกออู เตเมแลเปล๊กา อาดุอาแย เออ โต่ เฮ๊เรอ จอแปแหร่ เก่ เมจากาคยา หม่าแหน่ เจ๊อ เป ปา. จอแปแหร่ อา เตเมแลเปล๊กา อาแกล๊อาโกล เออเนอ, แบ่เจ่ อาเหน่กล่อ เร๊อดื่อ แด๊โฉ่โด่แน โล เหร่อเล๊อ เป่ อู เฮ๊อ. เร๊อ แกแย เด๊อ อา หนิโฮ ลู เฮ๊เออ เต๊เห่เนอ อา เฮ๊โฉ่โปล เป่ แฮเง เป่ เน๊อ เตเมแลเปล๊กา เตหรี่เตแก เออเต๊เห่ เนอหม่า อา หม่าแหน่ เจ๊อ ฮู๊เนอ.

ทิโมธี เนอบ่า ต๊าบ่า 3:15

เด๊อ เน เป๊เจ่เค เนอ, อู อิซว๊า โทเฮ๊อ เน เน๊อ ลีเทส่อพ๊า เออเนอ เฮ๊อ. แซ่ฮู๊ เน เก่ หยื่อเอ่ แบ่เจ่ เหย่ซู่ครี๊ เร๊อ เน เก่ พย๊าหนิ จอแปแหร่ อา เมแลเปล๊กา เน อาเงเนอ, ลีเทส่อพ๊าเออ เด๊อะโทเฮ๊อ เน เตลีแมลีเพ๊ เฮ๊อ.

ทิโมธี เนอบ่า ต๊าบ่า 2:15

แซ่ฮู๊ เน เก่ เมโตเมเบ่ ฮู๊ จอแปแหร่ อา เตซิหยื่อ เนอ, โท๊โต่ แซ่ฮู๊ เน เก่ แซ่เน๊อ เพรแรเต เตเพร เด๊อ อา ซิเตเร เกอเร๊อ อา เตเอ่เตแร โต่, โท๊โต่ แซ่ฮู๊ เน เก่ ทวาดื่อ แกแย เด๊อ อา อิซว๊าโต อิซว๊าเบ่ เป่ อู เน๊อ จอแปแหร่ อาลาอาโหง่ อา เตหมะเตจ๊อ เตเพร อาเงเนอ, แอ๊จื๊อ เมแร๊แร๊ เจ๊อ นี๋.

เอเฟซัส 4:21

ซี เด๊อ อา ทวาแถ่ เตอเจ๋อโต เร๊อ ครี๊ เฮ๊อ เต๊เห่เนอ, แว หยื่อเอ่ เร๊อ ซี หนิโฮ ตาเต โทเฮ๊อ ครี๊ อาหรี่อาแก เฮ๊อ. โทเรอ อู อิซว๊า โท เป่เฮ๊อ ซี เตอิซว๊า เด๊อ อาจ๊ออาเต เด๊อ เหย่ซู่ อิซว๊า โทเฮ๊อ เนอเต๊เห่ เฮ๊อ.

โครินธ์ เนอบ่า ต๊าบ่า 6:7

เป อิซว๊า เป่ อู จอแปแหร่ อาลาอาโหง่ เด๊อ อาจ๊ออาเต เต๊เห่, เร๊อ จอแปแหร่ อา เตโพร อาฉว่าอาชอ เออ เมจว่า เป. ฮู๊เนอ อาขว่าอาคยา เป เออเต๊เห่เนอ จอแปแหร่ เด๊อะโลโปล เจ๊อ เฮ๊อ เร๊อ เป ทวา อาหลู่เล๊ เต๊เห่ เฮ๊อ. เป โอ่ เน๊อ เหล่แตแด ตาตือ เออเนอ เร๊อ เป่แน๊ หม่าเฮ๊อ เตจ๊อเตเต เด๊อ จอแปแหร่ เด๊อะ เป เออเต๊เห่, เร๊อ อา แซ่เฮ๊อ เร๊อ เกลอฮู๊ เตเพร นอเอ่ เกอเร๊อ อา โจ๊โกโจ๊เบ เด๊อ อา เก่ ช๊าเต อาเง เออเนอ เฮ๊อ.

ꤛꤥ꤭ꤟꤢ꤬ 3:33

แกแย เด๊อ อา หนิดา พย๊าฉื่อ ลู เตเฮ๊โฉ่โล เต๊เห่เนอ, อา หยื่อเอ่ ตาเต แลแค เร๊อ จอแปแหร่ หม่า อาหม่าอาจ๊อ.

ꤡꤛꤢꤩ꤭ꤗꤢ꤬ꤎꤣ꤬ 1:21

ฮู๊เนอเร๊อ วีแก ลอปลี เตซิหย่อซิบี เด๊อ ซี เม โตโมโม อาเนอเต๊เห่ เร๊อ ล๋อ ซี เหล่โกล เด๊อ อา มู๊แหม่รีแจ่ เนอเต๊เห่. เร๊อ ถู่แหล่ เต๊เปล่ แลแค ซี ซิปล่อ เน๊อ หนิดา หยื่อเอ่ เกอ แลแค จอแปแหร่ อาลาอาโหง่ เด๊อ อา อิช๊ออิปลือตา เด๊อ ซี ซิปล่อกู เออเนอเต๊เห่. อาลาอาโหง่ เออเนอหมา อา เมแลเปล๊กา เบ๊แจ่ ซี.