โคโลสี 4:8 - ลีเทส่อพ๊าอาเซ เร๊อ เห่ขุทวาลู๊

⁸ แซ่ฮู๊ อา เก่ แด๊โฉ่โล เป่ ซี เน๊อ เปหรี่เปแก ล๋อ ปลี, โท๊โต่ แซ่ฮู๊ อา เก่ เด๊อะอ๊าเด๊อะเหร่ เมโมหนิ ซี ซิปล่อ อาเงเนอ, แว ซูแล เฮ๊อ อา เด๊อ ซี โอ่ เฮ๊อ.

Eastern Kayah Shadaw Dialect

⁸ ꤞꤢꤧꤟꤢꤨ ꤢ꤬ ꤊ꤫ꤢꤦ꤬ ꤟꤢꤩꤏꤥ꤬ꤜꤥ꤭ ꤕ꤫ꤢꤩ꤬ ꤞꤤ꤭ ꤔꤢꤧ ꤕꤢꤩ꤬ꤚꤤ꤬ꤕꤢꤩ꤬ꤊꤢꤧ꤭ ꤜꤢꤪ꤭꤮ ꤕꤜꤤ꤭, ꤓꤥ꤭ꤒꤥ꤬ ꤞꤢꤧꤟꤢꤨ ꤢ꤬ ꤊ꤫ꤢꤦ꤬ ꤘꤣꤧꤟꤢꤧ꤭ꤘꤣꤧꤚꤢꤩ꤬ ꤗꤢꤩ꤬ꤗꤥ꤬ꤚꤣꤧ ꤞꤤ꤭ ꤞꤤꤕꤜꤢꤪ꤬ ꤢ꤬ꤑꤢꤩ꤭ꤔꤣꤧ꤬, ꤠꤢꤧ꤭ ꤞꤢꤨ꤭ꤜꤢꤧ꤬ ꤟꤣꤧ ꤢ꤬ ꤘꤣ ꤞꤤ꤭ ꤥ꤬ ꤟꤣꤧ꤯

โคโลสี 4:8 ပူးပေါင်းရင်းမြစ်များ

เอเฟซัส 6:22

เตหรี่เตแก อา แก่ช๊าแก่แร เด๊อ แว ซิหยื่อ ซูแฮ อา เด๊อ ซีโอ่ เนอหม่า หม่าเฮ๊อ, แซ่ฮู๊ ซี เก่ ซิเง เร๊อ เป โอ่โมโอ่แร๊ แอ, หม่า โต่ แอ, โท๊โต่ แซ่ฮู๊ อา เก่ แฮ เด๊อะฉว่าเด๊อะชอแถ่ เป่ ซี ซิปล่อ อาเง แพ๊.

โคโลสี 2:2

แซ่ฮู๊ แว เก่ เด๊อะอ๊าเด๊อะเหร่หนิ เหย่ซี เร๊อ แว เมฮู๊เออ แพ๊. แซ่ฮู๊ เหย่ซี ซิปล่อ เก่ จิจือ หนิเกอเร๊อ ลู เตเพร เน๊อ เตเพร เด๊อ เตโม อากู, โท๊โต่ แซ่ฮู๊ เหย่ซี เก่ พย๊าหนิ ลอหล่าตี๊กลิ ตาเตลอ เตซิเง, ฮู๊เนอเรอ เหย่ซี ซิเงโปลแฮเฮ๊อ จอแปแหร่ อาเตแด่ โอ๊โอ่บี๊ หม่าเฮ๊อ ครี๊ เออเนอ เร๊อ แว แอ๊จื๊อ แอ๊เหร่ เม แหน่แหน่ เจ๊อ เป่ ซี เฮ๊อ.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 5:14

โป่แหว่ ซี, เป กุยซิยอ คยาแซ๊ โป่ ซี เนอ, เด๊อะรอเด๊อะเร เร๊อดื่อ แกแย เตเกลแลแบ๊ เนอเต๊เห่ นี๋. โทเรอ เด๊อะอ๊าเด๊อะเหร่ เป่ แกแย เด๊อ อา โต๊โหร่ ดื่อเง เนอเต๊เห่ เร๊อ เมจว่า เป่เกอ แกแย เด๊อ อา อ๊าเจ่เหร่เจ่ เนอเต๊เห่. โทเร๊อ เย๊อ แด่ทูซิปล่อ เป่ อู ปว๋า เตเพร นี๋.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 5:11

ฮู๊เนอเรอ, เด๊อะอ๊าเด๊อะเหร่ เกอลู เตเพร เร๊อ เตเพร เร๊อ เมจว่าเลอ เมจว่าเก่ เกอลู เตเพร เร๊อ เตเพร ฮู๊ ซี เม เฮ๊อ กู๊แหน่ เออเนอ นี๋.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 4:18

ฮู๊เนอ อาขว่าอาคยา, โด่แน โม เกอเร๊อ คยา แลแค ซี ซิปล่อ เร๊อ เตหรี่เตแก เออ เตเพร เร๊อ เตเพร นี๋.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 3:5

แว โอ่แค ปาโต่ อาขว่าอาคยา, แซ่ฮู๊ คูทิโมธี เก่ ซิเง เร๊อ ซี โอ่หม่าโอ่กลอปา เด๊อ ซี เตหยื่อ แอ, หม่า ซี โอ่หม่า ปา โต่ แอ เนอ, แว ซูแล อา เด๊อ ซี โอ่. แว เบ่ยอ เร๊อ โลเน๊มู๊แหม่รีแจ่ กู่กล๊อ เกล๊ อิลออี๊โหล่ แหน่ ซี เฮ๊อ. โทเรอ ล๋อ เตเอ่เตแร เด๊อ เป เมโท ลอเฮ๊อ เต๊เห่เนอ, อา เก่ แกเด ลอแหน่เฮ๊อ, แว เบ่ยอ ฮู๊เนอ.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 3:2

เร๊อ เป ซูแล คูทิโมธี เด๊อ ซีโอ่, อา หม่า เป โป่แหว่ เตเพร เร๊อ อา ทวา จอแปแหร่ เพรแรเต เตเพร. อา เมเต่อเกอเต เร๊อ เป, เร๊อ อา แด๊โฉ่โด่แน เป่ อู เร๊อ ครี๊ อา เตซิครือมีลา อาหรี่อาแก. แซ่ฮู๊ อา เก่ เด๊อะอ๊า เด๊อะเหร่หนิ ซี เร๊อ อา เก่ ครอครวาเกอ ซี เตหยื่อเตแหน่ อาคยา เนอเรอ, เป ซูแล อา เด๊อ ซีโอ่.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 2:11

เป แม๊ตู่หนิ ซี เออเนอ, อา แซ่เจ๊อเร๊อ เพ เตเพร แม๊ตู่ เกอเร๊อ อาพู๊ เจ๊อ เนอหม่า ซี ซิเงดื่อเฮ๊อ.

ฟีลิปปี 2:28

ฮู๊เนอเรอ, ช๋า ซี แม๊เถอะ อา ปา เนอ, แซ่ฮู๊ ซี เก่ ซิครือซิลอ คยาแซ๊ ปา, โท๊โต่ แซ่ฮู๊ แว เก่ ซิปล่อกู่ หย่าเข่ แฮโต่ปา อาเงเนอเรอ, แว ลื๋อ ซิปล่อ ฉว่าเล๊อ โป่ เร๊อ แว เก่ นอกาคยา อา เด๊อ ซี โอ่ ปา.

โครินธ์ เนอบ่า ต๊าบ่า 12:18

เบ๊อะแว กุยซิยอ คูติตัส เด๊อ อา เก่ แฮ เด๊อ ซี โอ่, เร๊อ แว ปลวาแฮ เต่อเกอ เพรหยื่อเอ่ เออ เตเพร เน๊อ อา อาเค เนอหม่า, คูติตัส แฮเมเอ่ แหน่ ซีขุ แอ? อา แฮ เมเอ่ ซีขุ เตอเจ๋อ โต่. อา เตก๊อถ่อโอ่แน, อาเตแด่ อา ซิปล่อสู่เทอ เต๊เห่ เนอหม่า อาแซ่เน๊อ แว แพ๊, แวเฮ๊แต?

โครินธ์ เนอบ่า ต๊าบ่า 2:7

หม่าแน๊เรอ, กู๊แหน่เออ ซี เก่ จว๊า ปลวาแก ลู เตซื๊อ เฮ๊เนอหม่า อาแร๊เล๊อ เด๊อ ซีเง. เร๊อ จว๊า เด๊อะอ๊าเด๊อะเหร่ คยาแซ๊ อา เนอ. ปาหม่า อา ซิปล่อปย๊า เร๊อ อา ซิเปลซิหย่อ ตาลว๊าซิลือ เห่.

โครินธ์ เนอบ่า ต๊าบ่า 1:4

เบ๊อะเปแม๊เถอะ ป่อชิเต่อเบ่ เร๊อ เตแป่เตเช ล๋อ ปลี เต๊เห่ เบ๊อะเนอ, อา เมโม เมจว่า เป. เด๊อ อา เมโม เมจว่า เป ฮู๊เออ อาขว่าอาคยา, เป เมโม เมจว่าเบ๊ เป่ เกอ อูโร เด๊อ อา แม๊เถอะ ป่อชิเต่อเบ่ เร๊อ เตแป่เตเช ปว๊าเมวปว๊าเจ่อ เต๊เห่. เตเมโม เมจว่า เด๊อ เป เมโม เมจว่า อู เออ เต๊เห่ เนอหม่า, อา แซ่แพ๊ เร๊อ จอแปแหร่ เมโม เมจว่า เป เนอเต๊เห่ แพ๊.

โครินธ์ อาเหร่อเล๊อ ต๊าบ่า 4:17

เด๊อ เตหรี่เตแก เออ อาขว่าอาคยาเร๊อ แว นอแฮ เฮ๊อ คูทิโมธี เด๊อ ซี โอ่ เฮ๊อ. อา หม่า อาแซ่เน๊อ แวพู๊ เร๊อ แวเหน่ เด๊อ แว โม เกอเร๊อลู เร๊อ อาจ๊อ เกอ เร๊อ อาโหง่ เด๊อ แบ่เจ่ อากู เตเพร. แกแย เด๊อ อา ครวา ครี๊ อาคยา เต๊เห่เนอ, อา โตเบ่ โอ่เซอเพร แลแค ฮู๊เตเนอ, อา เก่ เด๊อะ ซิเหน่แถ่ คยา ซี ฮู๊ แว โอ่เซอเพร เฮ๊อ เออเนอ ปา. เออเนอหมา เต เด๊อ แว อิซว๊า เป่ แกแย เด๊อ อา หยื่อเอ่แหน่ เหย่ซู่ครี๊ เต๊เห่ เด๊อ เหล่โอ่ ปว๋า โต๊โผ่ เต๊เห่เนอ เฮ๊อ.