โคโลสี 4:6 - ลีเทส่อพ๊าอาเซ เร๊อ เห่ขุทวาลู๊

⁶ แซ่ฮู๊ ซี เก่ ซิเง เกอ แลแค เน๊อ ซี โต เฮ๊ฉื่อ กาคยาแจ่ เป่ อู ปว๋า เตเพร ฮู๊เตฮู๊เต อาเงเนอ, เฮ๊เบ่เจ่เฮ๊เบ่หนิ, เฮ๊เบ่ ท๊อหนิจุ่ยหนิ เกอ แลแค อู ซิปล่อ นี๋.

Eastern Kayah Shadaw Dialect

⁶ ꤞꤢꤧꤟꤢꤨ ꤞꤤ꤭ ꤊ꤫ꤢꤦ꤬ ꤞꤤꤑꤢꤩ꤭ ꤊꤣꤧ꤭ ꤜꤢ꤭ꤋꤢꤧ꤭ ꤔꤢꤧ ꤞꤤ꤭ ꤒꤥ꤭ ꤟꤢꤩꤏꤢꤦ꤬ ꤊꤢ꤬ꤋꤛꤢ꤭ꤡ꤫ꤢꤧ꤬ ꤕ꤫ꤢꤩ꤬ ꤢꤨ꤭ ꤕꤝꤢ꤭꤮ ꤒꤣ꤬ꤖꤚꤢꤩ꤬ ꤟꤢꤨꤒꤢꤩ꤭ꤟꤢꤨꤒꤢꤩ꤭ ꤢ꤬ꤑꤢꤩ꤭ꤔꤣꤧ꤬, ꤟꤢꤩꤙꤢꤩ꤬ꤡ꤫ꤢꤩ꤬ꤟꤢꤩꤙꤢꤩ꤬ꤗꤥ꤬, ꤟꤢꤩꤙꤢꤩ꤬ ꤓꤢꤪꤔ꤫ꤤ꤬ꤡꤝꤤ꤬ꤔ꤫ꤤ꤬ ꤊꤣꤧ꤭ ꤜꤢ꤭ꤋꤢꤧ꤭ ꤢꤨ꤭ ꤞꤤꤕꤜꤢꤪ꤬ ꤔꤤ꤮꤯

โคโลสี 4:6 ပူးပေါင်းရင်းမြစ်များ

เอเฟซัส 4:29

โหง่ เด๊อ อา ทวาบุ๊ยทวาเตอเรอ เด๊อ อูเง โต่ เนอ, นอเถ่เปล๊ แต่ เด๊อ ซี แกกู ตือมื๋อ แต่เหม่ นี๋. แซ่ฮู๊ อา เก่ หนิอ๊าหนิเหร่ เป่ แกแย เด๊อ อา หนิโฮ เต เต๊เห่ อาเงเนอ, เฮ๊เบ่ แลแค แพ๊ โหง่ เด๊อ อา ทวาบุ๊ยทวาเตอเรอ เร๊อ อา เก่ เมจว่า อู เตดุแถ่ทูแถ่ เนอเต๊เห่ แพ๊ นี๋. เฮ๊เบ่แพ๊ แลแค โหง่ เด๊อ อา หนิบุ๊ยหนิเตอเรอ เด๊อ อูเง เนอเต๊เห่ แพ๊ นี๋.

เปโตร อาเหร่อเล๊อ ต๊าบ่า 3:15

หม่าแน๊เรอ, แด่หยื่อแด่แหน่ แลแค ครี๊ เด๊อ ซี ซิปล่อกู ฮู๊ ซี แบ่เจ่ เตเพรเนอ นี๋. อูเป เตเพร เบ่เบ่, อา เก่ แด๊เฮอ ซี เร๊อ ซี เตแม๊ชือ อาหรี่อาแก เฮ๊เนอ, แซ่ฮู๊ ซี เก่ เฮ๊ฉื่อแจ่ เป่ เกออู เร๊อ โอ่ตี๊หรี่แตแร หนื่ออื่อ แลแค ซีเหน่ ปว๋า โตโพ๊ นี๋. หม่าแน๊เรอ ตูรู๊ เฮ๊เบ่ ซิโดซิงา ฉื่อ เหย่ซี เร๊อ แด่ซิแหน่ซิเตเร เหย่ซี นี๋.

ꤗꤢ꤬ꤊꤢꤨ 9:50

“อี๊เส่ เนอหมา อาแร๊ แพ๊ หม่าแน๊เรอ อา เก่ ชือเฮ ปาโต่ เฮ๊เรอ เมชือเฮ กาคยา คยาแซ๊ อา เนอ อาหนิ ปาโต่ เฮ๊อ, ซี เบ่ โอ่ เกอเร๊อ แลแค อี๊เส่ หม่าดื่อ เตแบ๊ซว๊าแบ๊โค เกอ ลู เตเพร เร๊อ เตเพร, โท๊โต่ โอ่ปล๊อโอ่ปลู โครเคร เกอเร๊อ ลู เตเพรเพร เร๊อ เตเพรเพร เออเนอ นี๋.”

โคโลสี 3:16

นอโอ่หม่าโอ่กลอ เล๊อบา เกอดื่อ ครี๊ อาลาอาโหง่ เด๊อ ซี ซิปล่อกู นี๋. ซี เก่ อิซว๊าอี๊แส่ คยาลู เตเพร เร๊อ เตเพร, เร๊อ ซี เก่ เด๊อรอเด๊อเร หนิ คยาลู เตเพร เร๊อ เตเพร บ๋า เตแจ่ โอ่ เร๊อ ซี เนอ นี๋. อิโรถู่เซ๊แถ่ แลแค จอแปแหร่ เร๊อ ซี เตเฮ๊บุ๊ยเฮ๊เตอเรอ ลู เด๊อ ซี ซิปล่อกู นี๋. อิโรถู่เซ๊แถ่ แลแค จอแปแหร่ เร๊อ อาลี อิโร เนอเต๊เห่ ล๋อ ปลี นี๋.

มัทธิว 5:13

“ซี เต๊เห่ หม่า อาแซ่เน๊อ เห่ขุ อี๊เส่ เนอ. หม่าแน๊เรอ อี๊เส่ เก่ ชือเฮ ปาโต่ เฮ๊เรอ จว๊าเม ชือเฮ กาคยา แจ่ปา อา ฮู๊เต? อู นอจ่อ แจ่ปาโต่. อู เก่ วีแก แก อา เด๊อ แกล๊เดกู เร๊อ อู หยิตา พร๊อ จว๊าแก ลอ แพ๊ อา.

ꤜꤢꤨꤊꤢ꤬ 4:22

ล๋อ อู หนิโฮ เต๊เห่เนอ, อู ถู่เซ๊หนิ ลอปลี เจ๊อ ลู ปว๋า เตเพร เจ๋อ, เร๊อ อา เตเฮ๊เบ่โม เฮ๊แบ่หนิ เออเนอ, อู คย๊าอายื๊อ ลอปลี เจ๊อ เร๊อ เหย่ซี เฮ๊ แลแค เน๊อ, “อา หม่า เพโยเซฟ อาพู๊เพรคู แพ๊ แวเฮ๊?”