โคโลสี 4:5 - ลีเทส่อพ๊าอาเซ เร๊อ เห่ขุทวาลู๊

⁵ แจ่เตเน ลีแม แลแค เร๊อ แอ๊แซแร ซีเหน่ เด๊อ แกแย เด๊อ อา หยื่อเอ่แต่ล๋าย ครี๊ โต่ เต๊เห่ อาเป๊เส่เง นี๋. บ๊อเกเต๋ เบ่เบ่, เบ๊อะซี พย๊าหนิ เตโตเตเบ่แร๊ เด๊อ ซี เก่ เม เตแร๊ เบ๊อะเนอ, ตูรู๊ เมแร๊ แลแค ปว๋า โตโพ๊ นี๋.

Eastern Kayah Shadaw Dialect

⁵ ꤒꤣꤧ꤬ꤔꤢꤩ꤬ ꤜꤤ꤬ꤗꤢꤧ꤭ ꤜꤢ꤭ꤋꤢꤧ꤭ ꤚꤣꤧ꤬ ꤢꤧꤞꤢꤧ꤭ꤚꤢꤧ꤭ ꤞꤤ꤭ꤔ꤫ꤢꤩ꤬ ꤘꤣ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤛ꤫ꤢꤦ꤬ꤢꤩ꤬ꤒꤢꤧ꤬ꤜꤢ꤭ꤟꤤ ꤋꤚꤤ ꤒꤥ꤬ ꤒꤣꤧ꤬ꤟꤢꤩ꤬ ꤢ꤬ꤕꤣꤧꤞꤢꤩ꤬ꤑꤢꤩ꤭ ꤔꤤ꤮꤯ ꤙꤢꤪꤋꤢꤩ꤭ꤒꤢꤩ꤭꤮ ꤙꤢꤩ꤬ꤙꤢꤩ꤬, ꤙꤣꤧ ꤞꤤ꤭ ꤔ꤫ꤤ꤬ꤙꤢꤩ꤬ ꤒꤢꤩ꤬ꤏꤣꤧꤒꤢꤩ꤬ꤋꤢꤩ꤭ ꤚꤢꤧ ꤘꤣ ꤞꤤ꤭ ꤊ꤫ꤢꤦ꤬ ꤗꤢꤩ꤬ ꤒꤢꤩ꤬ꤚꤢꤧ ꤢ꤬ꤋꤢꤩ꤭ꤔꤣꤧ꤬, ꤒꤣꤧ꤬ꤚꤢꤨ ꤗꤢꤩ꤬ꤚꤢꤧ ꤜꤢ꤭ꤋꤢꤧ꤭ ꤕꤝꤢ꤭꤮ ꤒꤣ꤬ꤖꤥ ꤔꤤ꤮꤯

โคโลสี 4:5 ပူးပေါင်းရင်းမြစ်များ

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 4:12

แซ่ฮู๊ แกแย เด๊อ อา หยื่อเอ่แหน่ เกอแต่ลา จอแปแหร่ โต่ เต๊เห่ เก่ แม๊เถอะ ซี เตโอ่เซอเพร เร๊อ เหย่ซี เก่ แด่หยื่อ ซี, โท๊โต่ เต เด๊อ ซี โหล่เอ่โหล่โอ เต๊เห่เนอ, แซ่ฮู๊ ซี เก่ ซิเลแถ่หนิ แต่ อูโร แต่เหม่เนอ, เม แลแค ฮู๊ เป เฮ๊ ซี เนอ นี๋.

ꤡꤛꤢꤩ꤭ꤗꤢ꤬ꤎꤣ꤬ 3:13

แกแย เด๊อ ซีเกล เตเพรเพร เด๊อ อา โอ่ เน๊อ อา เหล่เตเน แจ่ เร๊อ อา ซิเง ตาปลู๊ เนอหม่า อูเป? อา โตเบ่ เด๊อะโล อาเต เออเต๊เห่เนอ เน๊อ อา เตโอ่เซอเพร เด๊อ อาแร๊, โท๊โต่ อา โตเบ่ เด๊อะโล อา เมเต เออเนอ เน๊อ เด๊อ แด่หยว่า ซิปล่อ. แด่หยว่าซิปล่อ เออเนอหมา อา แฮ แฮเง เด๊อ เตเตเนแจ่ เออเนอ อา โอ่ แพ๊.

ꤚꤥꤗꤢꤩ꤬ 16:19

ซี จูเอ่ หนิดา แร๊ โหง่เนอ, อู หนิโฮ ล๋อ ปลี เจ๊อ ปว๋า เตเพร เจ๊อ เฮ๊อ. เด๊อ ซี โอ่เซอเพร ฮู๊เนอ อาขว่าอาคยา, แว ซิครือ โกโน๋ โต่. หม่าแน๊เรอ เตแร๊ หม่า ฮู๊เต เนอ, แว ซิหยื่อ นอซิเงโปล ปลื๊อ แร๊ เกอ ซี. โทเรอ เตมู๊แหม่ หม่า ฮู๊เตเนอ, แว ซิหยื่อ นอโอ่ อาโพ๊อาแปละ แร๊ ซี แพ๊.

ꤡꤛꤢꤩ꤭ꤗꤢ꤬ꤎꤣ꤬ 3:17

หม่าแน๊เรอ เตเตเนแจ่ เด๊อ อา โอ่ เด๊อ ม๊อขุ แฮ เฮ๊เนอหม่า อา อาโพ๊อาแปละ เหร่อเล๊อ ปา, โทปาเรอ อา เด๊อะ โอ่แถ่ดื่อ เตโมเตเป, เหล่เตเน แจ่เป่ เด๊อ อูเง, ซิปล่อโอ่ หนิดา อู เตเฮ๊เบ่, เล๊อบา เร๊อ เตซิยอ เร๊อ เมเตแร๊ เต๊เห่, แม๊ดุ แม๊ปีตี๊ อู โต่, โทเรอ เตจ่า เมค๊าเมโข่ เต๊เห่ โอ่ โต่.

มัทธิว 10:16

“แว นอจว๊า ซี แซ่เน๊อ แว ปลวาจว๊า ซิหมิ เด๊อ ถุ่ยมี อาเกล เนอ. เมฮู๊เนอเรอ ลีแม เกอ แลแค ฮู๊ หรู่เต๊เห่เนอ, เร๊อ ซิปล่อ โพ๊แปละอาโพ๊อาแปละ เกอ แลแค ฮู๊ ถู่หลุ่ย เนอ นี๋.

ทิโมธี อาเหร่อเล๊อ ต๊าบ่า 3:7

แกแย เด๊อ อา หยื่อเอ่เกอ เหย่ซู่ โต่ เต๊เห่ เก่ แด่หยื่อแด่แหน่ ลู อาเงเนอ, อา เตก๊อถ่อโอ่แน เฮ๊เบ่เฮ๊โช เต๊เห่ เบ่ แร๊ ปว๋า โตโพ๊ เจ๊อ. แกแย เด๊อ อา หยื่อเอ่เกอ เหย่ซู่ โต่ เต๊เห่ เก่ แด่หยื่อแด่แหน่ ลู ฮู๊เนอโต่ เฮ๊เนอ, อา เก่ เมเตเร ลู ปา, โท๊โต่ อา เก่ หนิแก โลเน๊มู๊แหม่รีแจ่ กู่กล๊อ อา แตแจ ปา.

โคโลสี 3:16

นอโอ่หม่าโอ่กลอ เล๊อบา เกอดื่อ ครี๊ อาลาอาโหง่ เด๊อ ซี ซิปล่อกู นี๋. ซี เก่ อิซว๊าอี๊แส่ คยาลู เตเพร เร๊อ เตเพร, เร๊อ ซี เก่ เด๊อรอเด๊อเร หนิ คยาลู เตเพร เร๊อ เตเพร บ๋า เตแจ่ โอ่ เร๊อ ซี เนอ นี๋. อิโรถู่เซ๊แถ่ แลแค จอแปแหร่ เร๊อ ซี เตเฮ๊บุ๊ยเฮ๊เตอเรอ ลู เด๊อ ซี ซิปล่อกู นี๋. อิโรถู่เซ๊แถ่ แลแค จอแปแหร่ เร๊อ อาลี อิโร เนอเต๊เห่ ล๋อ ปลี นี๋.

ꤗꤢ꤬ꤊꤢꤨ 4:11

เร๊อ เหย่ซู่ เฮ๊ฉื่อ เหย่ซี เน๊อ, “จอแปแหร่ เด๊อะซิเงโปล เป่เฮ๊อ ซี เร๊อ อา เทอเก่กู อา เตซิคว๊าซิเง เด๊อ อา ด๊อโอ๊ด๊อบี๊ เกอเร๊อ เออเต๊เห่ เฮ๊อ หม่าแน๊เรอ แกแย เด๊อ อาโร เต๊เห่ อาเงเน๊อ,

ꤡꤛꤢꤩ꤭ꤗꤢ꤬ꤎꤣ꤬ 1:5

หม่าแน๊เรอ เด๊อ ซีเกล เนอ, แกแย เตเพรเพร เก่ โหล่เบ่ เตลีแมแจ่ เก่เฮ๊เรอ, อา โตเบ่ กุยแถ่ เด๊อ จอแปแหร่ อา โอ่ เร๊อ จอแปแหร่ เก่ เด๊อะตา ดื่อ อา ปา เมเตเฮ๊เรอ, จอแปแหร่ ซิพรวาฉื่อ แกแย เด๊อ อา กุยแถ่ ลู เนอ อา โอ่เตเพร๋ โต่. อา ซิยอเกอเร๊อ อู ปว๋า เตเพร, เร๊อ อา ซิหยื่อ เด๊อะ เป่ อู ปว๋า เตเพร เจ๊อ.

เปโตร อาเหร่อเล๊อ ต๊าบ่า 3:1

ฮู๊เนอเฮ๊อ ซี เด๊อ อา ทวา เมเต๊เห่ เนอเบ่เบ่, แด่หยว่า แลแค ซีซิปล่อ เด๊อ ซีเว เต๊เห่ อาเล นี๋. เด๊อ เหย่ซี อาเกลเนอ, อา เก่ หยื่อเอ่ เกออู จอแปแหร่ อาลาอาโหง่ โต่ เก่โอ่ เตเพรเพร เฮ๊เรอ, ซี เฮ๊ เป่ เจ๊อ เหย่ซี โหง่ ตือมื๋อ โต่ เบ่เบ่, เด๊อ ซี เตโอ่ซาแรฉ่าเผร่ ซีเหน่ อาขว่าอาคยา, อา เก่ อี๊หล่าอี๊ลอหนิ คยา เหย่ซี ซิปล่อ เร๊อ อา เก่ หยื่อเอ่แหน่ เกอ ครี๊ ปา.