โคโลสี 4:3 - ลีเทส่อพ๊าอาเซ เร๊อ เห่ขุทวาลู๊

³ เด๊อ เนอเคหม่า แกแย เต๊เห่ ซิเง ครี๊ อาหรี่อาแก โต่. จอแปแหร่ ด๊อโอ๊ด๊อบี๊ เร๊อดื่อ ครี๊ อาหรี่อาแกเออ. หม่าแน๊เรอ กู๊แหน่เออ เตด๊อโอ๊ด๊อบี๊ เออเนอ อา โอ่โลแถ่ เฮ๊อ. แซ่ฮู๊ จอแปแหร่ เก่ บ๊อโม หนิเป่ เปแกล๊ เด๊อ เป เก่ แด๊โฉ่โด่แน หนิเป่ อู เร๊อ ครี๊ อาหรี่อาแก เออเนอเร๊อ, กุยจ๊อเบ เป่เกอ แลแค เด๊อ เปเง นี๋. มู๋ หนู่เคหม่า เตด๊อโอ๊ เออเนอ, อา โอ่โลแถ่ แต๋โต่, ตื๊อดื่อเรอ กู๊แหน่เออ อา โอ่โลแถ่ เฮ๊อ. เด๊อ แว โด่แน เป่ อู เน๊อ ครี๊ อาหรี่อาแก อาขว่าอาคยา, อู ด๊อตา แว เด๊อ ทอกู แพ๊.

Eastern Kayah Shadaw Dialect

³ ꤘꤣ ꤔꤣꤧ꤬ꤋꤢꤩ꤭ꤗꤢ꤬ ꤊꤣꤧ꤬ꤛꤢꤧ꤭ ꤒꤣꤧ꤬ꤟꤢꤩ꤬ ꤞꤤꤑꤢꤩ꤭ ꤋꤚꤤ ꤢ꤬ꤚꤤ꤬ꤢ꤬ꤊꤢꤧ꤭ ꤒꤥ꤬꤯ ꤡꤢꤪꤗꤣꤧ꤬ꤚꤢꤧ꤬ ꤘꤢꤪꤥꤘꤢꤪꤙꤤ ꤚꤣꤧꤘꤢꤦ꤬ ꤋꤚꤤ ꤢ꤬ꤚꤤ꤬ꤢ꤬ꤊꤢꤧ꤭ꤣꤧ꤭꤯ ꤗꤢ꤬ꤔꤢꤧꤚꤣꤧ꤬ ꤊꤢꤨꤔ꤫ꤢꤧ꤬ꤣꤧ꤭ ꤒꤢꤩ꤬ꤘꤢꤪꤥꤘꤢꤪꤙꤤ ꤣꤧ꤭ꤔꤣꤧ꤬ ꤢ꤬ ꤥ꤬ꤜꤥ꤭ꤓꤢꤧ꤬ ꤟꤣꤧ꤯ ꤞꤢꤧꤟꤢꤨ ꤡꤢꤪꤗꤣꤧ꤬ꤚꤢꤧ꤬ ꤊ꤫ꤢꤦ꤬ ꤙꤢꤗꤥ꤭ꤚꤣꤧ ꤕ꤫ꤢꤩ꤬ ꤕꤢꤩ꤬ꤊꤜꤢꤧ ꤘꤣ ꤕꤢꤩ꤬ ꤊ꤫ꤢꤦ꤬ ꤟꤢꤩꤏꤥ꤬ꤘꤥ꤬ꤔꤢꤧ꤭ꤚꤣꤧ ꤕ꤫ꤢꤩ꤬ ꤢꤨ꤭ ꤔꤢꤧ ꤋꤚꤤ ꤢ꤬ꤚꤤ꤬ꤢ꤬ꤊꤢꤧ꤭ ꤣꤧ꤭ꤔꤣꤧ꤬ꤚꤣꤧ꤬, ꤊꤝꤤ꤭ꤡꤢꤪꤙꤢꤩ꤭ ꤕ꤫ꤢꤩ꤬ꤊꤣꤧ꤭ ꤜꤢ꤭ꤋꤢꤧ꤭ ꤘꤣ ꤕꤢꤩ꤬ꤑꤢꤩ꤭ ꤔꤤ꤮꤯ ꤗꤢꤨ꤮ ꤑꤢꤔꤢꤨ꤬ꤋꤢꤩ꤭ꤗꤢ꤬ ꤒꤢꤩ꤬ꤘꤢꤪꤥ ꤣꤧ꤭ꤔꤣꤧ꤬, ꤢ꤬ ꤥ꤬ꤜꤥ꤭ꤓꤢꤧ꤬ ꤜꤢ꤭ꤟꤤꤒꤥ꤬, ꤒꤣꤧ꤬ꤘꤢꤦꤚꤣꤧ꤬ ꤊꤢꤨꤔ꤫ꤢꤧ꤬ꤣꤧ꤭ ꤢ꤬ ꤥ꤬ꤜꤥ꤭ꤓꤢꤧ꤬ ꤟꤣꤧ꤯ ꤘꤣ ꤠꤢꤧ꤭ ꤘꤥ꤬ꤔꤢꤧ꤭ ꤕ꤫ꤢꤩ꤬ ꤢꤨ꤭ ꤔꤢꤧ ꤋꤚꤤ ꤢ꤬ꤚꤤ꤬ꤢ꤬ꤊꤢꤧ꤭ ꤢ꤬ꤋꤝꤢ꤬ꤢ꤬ꤋꤛꤢ꤭, ꤢꤨ꤭ ꤘꤢꤪꤒꤢ꤭ ꤠꤢꤧ꤭ ꤘꤣ ꤢ꤬ꤕꤥ꤬ꤊꤢꤨ꤭ ꤖꤢꤧ꤯

โคโลสี 4:3 ပူးပေါင်းရင်းမြစ်များ

เพรโด่แนพู๊ เต๊เห่ 14:27

เบ๊อะเหย่ซี กาโต่ เด๊อ วีอันทิโอก เบ๊อะเนอ, เหย่ซี เอ๊ปล๊อ เพรหยื่อเอ่เต ตู๊หมู่ตอกล๊อ เต๊เห่ เร๊อ อา แด๊โฉ่โด่แน ลอ เหย่ซี เร๊อ ล๋อ จอแปแหร่ เมเต่อเกอเต เร๊อ เหย่ซี เนอเต๊เห่ เร๊อ แกแยยิวพู๊ หม่าโต่ เต๊เห่ เก่ หยื่อเอ่แลแค เกอ อาเง เนอ, จอแปแหร่ บ๊าโมแถ่ เป่ เหย่ซี กู่ดา.

โคโลสี 1:26

แกแย โอ่เซอเพร เด๊อ อาเหร่อตือทือ เต๊เห่ ล๋อ ปลีเนอ, จอแปแหร่ นอเตเนโปล แล เหย่ซี เน๊อ เตซิครือซิลอมีลา เออ อาหรี่อาแก ล๋ายโต่. เตซิครือซิลอมีลา เออเนอ, จอแปแหร่ เบ่ แด่โอ๊แด่บี๊ ปา ลู แพ๊, หม่าแน๊เรอ กู๊แหน่เออ อา เด๊อะโล แถ่เฮ๊อ เด๊อ อาแกแย เต๊เห่ อา โอ่ เฮ๊อ.

โครินธ์ เนอบ่า ต๊าบ่า 2:12

เบ๊อะแว จว๊าโต่ เฮ๊อ เด๊อ วีโตรอัส อากู เร๊อ แว เก่ แด๊โฉ่โด่แน เป่ อู เร๊อ ครี๊ อา เตซิครือมีลา เบ๊อะเนอ, แว แม๊เถอะ เร๊อ แบ่เจ่ บ๊าโม หนื่ออื่อ เป่ โทเฮ๊อ แว กู่ดากู เร๊อ แว แม๊เถอะ เน๊อ อา ซิหยื่อ นอเม เฮ๊อ แว เตเม เบ๊อะวีเนอตีวี อากู.

ทิโมธี เนอบ่า ต๊าบ่า 2:9

แว ย๋อ แด๊โฉ่โด่แน เป่ อู เตซิครือมีลา อาขว่าอาคยาเร๊อ, แว ข่าเบ่เฮ๊อ เตจาเตจือ เร๊อ อู จอกลอหม่า เจ๊อ แว เน๊อ สู่เปลอต่อเท๊ แซ่เน๊อ แกแย เมซื๊อ เตซว๊าเตแส่ เตเพร เจ๊อ. หม่าแน๊เรอ จอแปแหร่ อาลาอาโหง่ เนอ อู จอกลอหม่าแจ่ อา โต่.

ฟีลิปปี 1:7

แว ย๋อ โม แหน่เจ๊อ ซี อาขว่าอาคยา, แว เตเน ซีหรี่ซีแก ฮู๊เออเนอหม่า อาโต แพ๊. เบ๊อะแว โอ่ปา เด๊อ ทอกู อาเคเออเนอ เบ่เบ่, เบ๊อะแว โต เฮ๊เบ่ เตเก ตาตือ ฉื่อบี๊ เกอเร๊อ แว เตซิครือมีลา เร๊อ แว โต เฮ๊เบ่ หม่ากลอ ฉื่อ เกอเร๊อ แว เตซิครือมีลา อาเคเออเนอ เบ่เบ่, จอแปแหร่ เมแร๊ แหน่เจ๊อ เป เร๊อ อา เด๊อะตา โค๊ดื่อ เป เตเม เด๊อ เป เก่ เมโหร่ลู เต เร๊อ เล แด๊โฉ่โด่แน เป่ อู เร๊อ เตซิครือมีลา.

เอเฟซัส 4:1

ฮู๊เนอ อาขว่าอาคยา, แว กุยซิยอหนิเกอ ซี แซ่เน๊อ อู ด๊อตา แกแย เด๊อ ทอกู เด๊อ แบ่เจ่ อาเง เตเพรเนอ. จอแปแหร่ เอ๊เฮ๊อ ซี เด๊อ ซี เก่ ทวาแถ่ เพรหยื่อเอ่ เออ เต๊เห่ อาขว่าอาคยา, แว กุยซิยอ ซี เร๊อ ซี เก่ โอ่เซอเพร แด่แร๊เกอ ซี ซิปล่อ ฮู๊ เพรหยื่อเอ่ เออ เต๊เห่ โตเบ่ โอ่เซอเพร เนอ.

โครินธ์ อาเหร่อเล๊อ ต๊าบ่า 16:9

แกแย เด๊อ อา ซิเถ่ซิฮา แว เต๊เห่เนอ อา โอ่ เอ๊แหน่เจ๊อ หม่าแน๊เรอ แว จว๊า โอ่ เบ๊อะวีเอเฟซัส อากู เออเนอ อา งูดุงูชอ แหน่เจ๊อ เด๊อ แวเง เจ๊อ, เมเตเฮ๊เรอ แกแย เด๊อ อา ซิหยื่อ หนิโฮ จอแปแหร่ อาลาอาโหง่ เต๊เห่เนอ อา โอ่ เอ๊ แหน่ปาเจ๊อ.

โครินธ์ อาเหร่อเล๊อ ต๊าบ่า 4:1

ซี โต แด่ แลแค เป ฮู๊ เหย่ซู่ครี๊ อาหลู่เล๊ เต๊เห่เนอ. ซี โต แด่ แลแค เป ฮู๊ เพรแรเต เต๊เห่ เด๊อ อา อิซว๊าอี๊แส่ แด๊โฉ่โปล เป่ อู เร๊อ เตหมะเตจ๊อ เด๊อ อู ซิเงน๊อ ล๋ายโต่ เด๊อ เนอเค เต๊เห่. เร๊อ จอแปแหร่ เด๊อะตาเฮ๊อ เป เตเม เด๊อ เป เก่ เม เออ อาเง เฮ๊อ.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 5:25

โป่แหว่ ซี, กุยจ๊อเบ โต่ เป่เกอ แลแค เปเง นี๋.

มัทธิว 13:11

แบ่เจ่ เหย่ซู่ เฮ๊ฉื่อ เหย่ซี เน๊อ, “จอแปแหร่ เด๊อะซิเงโปล เป่เฮ๊อ ซี เร๊อ ม๊อขุ เทอเลเก่กู อา เตซิคว๊าซิเง เด๊อ อา ด๊อโอ๊ด๊อบี๊ เต๊เห่ ตื๊อดื่อเรอ อา เด๊อะซิเง โต่ เป่เกอ เหย่ซี โต่.

ฟีเลโมน 1:22

เร๊อ อา โอ่ปา เต๊อเจ่อแด่ทูซิปล่อ เร๊อ ตี๊หรี่แตแร หนื่ออื่อ เหร่อเป่ แวเง หี่ด๊อกู โต๊โต่ นี๋, เมเตเฮ๊เรอ แว แม๊ชือ เด๊อ จอแปแหร่ อา หนิดา ซี เตกุยจ๊อเบ เร๊อ อา เก่ ซูกาคยา แว เด๊อ ซี โอ่ ปา.

ฟีลิปปี 1:19

เมเตเฮ๊เนอ, เด๊อ ซี กุยจ๊อเบ ขว่าคยา, เร๊อ เหย่ซู่ครี๊ อา แหย่โยบูโพ๊ เก่ เมจว่า เป่ แว ปา ขว่าคยาเร๊อ, แว เก่ แลเปล๊เถ่ เด๊อ ทอกู ปาเนอ แว ซิเง แพ๊.

ทิโมธี เนอบ่า ต๊าบ่า 1:16

แบ่เจ่ จอแปแหร่ เก่ ซิยอ เร๊อดื่อ คูอ๊อนี๋ส่าพรู๊ เน๊อ อา หี่ด๊อหี่แพพู๊ เน๊อ แกแย อาโร เด๊อ อา โอ่เกอ เน๊อ อา ล๋อ ปลี เนอเต๊เห่ นี๋. เมเตเฮ๊เรอ, คูโอเนสิโฟรัส หม่า อา เมโม ครือลา เฮ๊อ แว ซิปล่อ เฮ๊อ, โทเรอ อู ด๊อโน เจ๊อ แว เด๊อ ทอกู หม่าแน๊เรอ เด๊อ แวขว่าแวคยา เร๊อ อา ซิเตเร โต่.

เอเฟซัส 3:1

ฮู๊เนอเรอ, เด๊อ แว เม ครี๊ อา เตเอ่เตแร เร๊อ แว โด่แน เป่ แกแยยิวพู๊ หม่าโต่ เต๊เห่ เร๊อ เตซิครือมีลา เออ อาขว่าอาคยาเร๊อ, แว หม่าดื่อ เฮ๊อ คูเปาโล เออ, อู เบ่ ด๊อตาแก เฮ๊อ แว เด๊อ ทอกู.

ꤚꤥꤗꤢꤩ꤬ 16:25

เด๊อ แว แด๊โฉ่โด่แน โล เป่ อู เร๊อ เตซิครือมีลา เออ เร๊อ เหย่ซู่ครี๊ อาหรี่อาแกเออ อาขว่าอาคยา, จอแปแหร่ เมชอแถ่เบ๊ เป่ เฮ๊อ ซี เตหยื่อ เร๊อ เป เก่ ถู่เซ๊แถ่ อา โป๋. เหย่ซู่ครี๊ อาหรี่อาแก เออเนอหมา, อู แด่โอ๊แด่บี๊ อา อางยาลาเฮ๊อ หม่าแน๊เรอ กู๊แหน่เออ อู เด๊อะโล แถ่เฮ๊อ อา เฮ๊อ.

เอเฟซัส 3:3

จอแปแหร่ เด๊อะโล เป่ แว เร๊อ เตอาจ่ออาแย เด๊อ อู ซิเงทว๊า โต่ เออเนอ, แว ราโล ซิเงจว๊า เป่ โทเฮ๊อ ซี เด๊อ ลีเออต๊าบ่า อากูเนอ ตอกอตี๊กิ เฮ๊อ.

เอเฟซัส 3:4

ช๋า ซี แด๊ แวลีเออ ปา เบ๊อะเนอ, ซี เก่ ซิเงแฮ เร๊อ แว ซิเงโปลเบ๊ เตจ่อแย เร๊อ เตจ่อแย เออเนอหมา หม่าเฮ๊อ ครี๊ อาหรี่อาแก เออเนอ เฮ๊อ.

เอเฟซัส 3:9

จอแปแหร่ เก่ เมเล๊อบาแฮ อา เตตี๊หรี่แตแร หนื่ออื่อ เต อาจ่ออาแย เออเต๊อเจ่อ ฮู๊เต ปาเนอ, อา เด๊อะตาเฮ๊อ แว เตเม เด๊อ แว เบ่ จว๊า เฮ๊โฉ่โปล เป่ อู เตเออเนอ เฮ๊อ. หนะ เด๊อ อา ตาลว๊า โทเต๊เห่ เนอ, จอแปแหร่ เด๊อ อา แบ๊แล เต ล๋อ ปลี เออเตเพรเนอ, อา เด๊อะโล เป่ อู อาเตเออ ล๋ายโต่.

โคโลสี 4:18

แว หม่า คูเปาโล เร๊อ เตเฮ๊โมเฮ๊แร๊ เออเนอหมา, แว ราจว๊าเป่ ซี เน๊อ แว กู๊ขุ เร๊อดื่อ แพ๊. แว ย๋อ โอ่ เด๊อ ทอกูเออ อาขว่าอาคยา, โชตาปา แต่ แว แต่เหม่ นี๋. จอแปแหร่ อาบุ๊ยอาเตอเรอ เก่ โอ่เกอ ดื่อ เร๊อ ซี นี๋.

ทิโมธี เนอบ่า ต๊าบ่า 4:2

แด๊โฉ่โด่แน แลแค เตซิครือมีลา นี๋. ค๊าขิ แร๊ เบ่เบ่, ค๊าขิ แร๊โต่ เบ่เบ่, ตูรู๊ โด่แน แฮเง ตื๊อดื่อ ลาโป่ เตซิครือมีลา เออเนอ นี๋. โทเร๊อ ซิพรวาหนิ เหย่ซี นี๋, อิซว๊าอี๊แส่ แร๊กาคยา เหย่ซี นี๋, เร๊อ เด๊อะอ๊าเด๊อะเหร่ เหย่ซี, อิซว๊าอี๊แส่ เหย่ซี เน๊อ เตแด่ทูซิปล่อ เนอ นี๋.