โคโลสี 4:18 - ลีเทส่อพ๊าอาเซ เร๊อ เห่ขุทวาลู๊

¹⁸ แว หม่า คูเปาโล เร๊อ เตเฮ๊โมเฮ๊แร๊ เออเนอหมา, แว ราจว๊าเป่ ซี เน๊อ แว กู๊ขุ เร๊อดื่อ แพ๊. แว ย๋อ โอ่ เด๊อ ทอกูเออ อาขว่าอาคยา, โชตาปา แต่ แว แต่เหม่ นี๋. จอแปแหร่ อาบุ๊ยอาเตอเรอ เก่ โอ่เกอ ดื่อ เร๊อ ซี นี๋.

Eastern Kayah Shadaw Dialect

¹⁸ ꤠꤢꤧ꤭ ꤗꤢ꤬ ꤋꤢꤨ꤭ꤕꤢꤪꤜꤢꤨ ꤚꤣꤧ꤬ ꤒꤢꤩ꤬ꤟꤢꤩꤗꤥ꤬ꤟꤢꤩꤚꤢꤧ ꤣꤧ꤭ꤔꤣꤧ꤬ꤗꤢ꤬, ꤠꤢꤧ꤭ ꤚꤢ꤭ꤡꤝꤢꤕ꤫ꤢꤩ꤬ ꤞꤤ꤭ ꤔꤢꤧ ꤠꤢꤧ꤭ ꤊꤢꤨꤋꤢꤨ꤬ ꤚꤣꤧꤘꤢꤦ꤬ ꤖꤢꤧ꤯ ꤠꤢꤧ꤭ ꤜꤢ꤭ ꤥ꤬ ꤘꤣ ꤢ꤬ ꤕꤥ꤬ꤊꤢꤨ꤭ꤣꤧ꤭ ꤢ꤬ꤋꤝꤢ꤬ꤢ꤬ꤋꤛꤢ꤭, ꤏꤥ꤭ꤒꤣꤧ꤬ꤕꤢ꤬ ꤒ꤫ꤢꤧ꤬ ꤠꤢꤧ꤭ ꤒ꤫ꤢꤧ꤬ꤗꤢꤩ꤬ ꤔꤤ꤮꤯ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤙꤝꤤꤢ꤬ꤒꤣꤧ꤬ꤚꤣꤧ꤭ ꤊ꤫ꤢꤦ꤬ ꤥ꤬ꤊꤣꤧ꤭ꤘꤢꤦ꤬ ꤔꤢꤧ ꤞꤤ꤭ ꤔꤤ꤮꤯

โคโลสี 4:18 ပူးပေါင်းရင်းမြစ်များ

ꤟꤤꤙꤚꤢꤨ 13:3

ซีเหน่ เมจว่า เต่อเป่เกอ แกแย ตา เด๊อ ทอกู เต๊เห่ เร๊อ แด่เกอ เน ซิปล่อ ฮู๊ เน ตาเต่อเกอ เน๊อ เหย่ซี เด๊อ ทอกู ฮู๊เนอ นี๋. ซีเหน่ เมจว่า เต่อเป่เกอ แกแย เด๊อ อา ข่าจาข่าจือ เต เต๊เห่ เร๊อ แด่เกอ เน ซิปล่อ ฮู๊ เน ข่าเบ่ เต่อเกอ เต เร๊อ เหย่ซี ฮู๊เนอ นี๋.

ทิโมธี เนอบ่า ต๊าบ่า 4:22

แบ่เจ่ เก่ โอ่เกอดื่อ เร๊อ เน นี๋. เตบุ๊ยเตเตอเรอ เก่ โอ่เกอดื่อ เน๊อ ซี ล๋อ ปลี นี๋.

ทิโมธี อาเหร่อเล๊อ ต๊าบ่า 6:21

แกแย เต๊เห่เห่ หยื่อเอ่ เกอ เร๊อ อา เตซิคว๊าซิเง เออเต๊เห่ อาขว่าอาคยา, อา จว๊าเปแก เน๊อ เตหยื่อเตแหน่ หม่าแหน่ เออเนอ เฮ๊อ. จอแปแหร่ อาบุ๊ยอาเตอเรอ โอ่เกอดื่อ เน๊อ ซี ล๋อ ปลี นี๋.

โครินธ์ อาเหร่อเล๊อ ต๊าบ่า 16:21

แว หม่าเฮ๊อ คูเปาโลเออ, แว ราจว๊า เป่ ซี ลีโตโกล เร๊อ แวเหน่ เร๊อดื่อ เจ๊อ. แว ราจว๊า เป่ ซี เร๊อ แว เฮ๊ ฮู๊เออ, “เฮ๊โมเฮ๊แร๊ ซี ปว๋า เตเพร,” แว รา ฮู๊เนอ.

ꤟꤤꤙꤚꤢꤨ 13:25

จอแปแหร่ อาบุ๊ยอาเตอเรอ เก่ โอ่เกอดื่อ เร๊อ ซี ล๊อปลี นี๋.

ꤒꤤꤒꤢꤨ 3:15

แกแย เด๊อ อา โอ่เกอ เร๊อ แว ล๋อ ปลี เบ๊อะเออ เต๊เห่ ซูแฮ เป่เกอ เน เร๊อ อาเตเฮ๊โมเฮ๊แร๊. เร๊อ ซูจว๊า เป่เกอ เป่ แฮเง เตเฮ๊โมเฮ๊แร๊ เออเนอ เด๊อ เพรหยื่อเอ่ เด๊อ อา โมแหน่เร๊อ เป เนอเต๊เห่ อา โอ่ นี๋. จอแปแหร่ บู๊ยดุเตอเรอทู เก่โอ่เกอดื่อ เน๊อ ซี นี๋.

ทิโมธี เนอบ่า ต๊าบ่า 1:8

ฮู๊เนอเร๊อ, เน เตเร ข่าเฮ๊โล เนเหน่ เด๊อ เป แบ่เจ่ อาเงเนอ ซิเตเร แต่เหม่, เด๊อ แบ่เจ่ อาขว่าอาคยาเร๊อ, อู ด๊อตา แว เด๊อ ทอกู เออเนอ เบ่เบ่, ซิเตเร แต่เหม่เหม่. โท๊โต่ ข่าโหร่เกอ เตโซพ๊าโซแร เน๊อ แว เด๊อ เตซิครือมีลา อาเง ฮู๊ จอแปแหร่ เด๊อะ เน เตอ๊าเหร่เตเหร่เนอ.

ฟีลิปปี 1:7

แว ย๋อ โม แหน่เจ๊อ ซี อาขว่าอาคยา, แว เตเน ซีหรี่ซีแก ฮู๊เออเนอหม่า อาโต แพ๊. เบ๊อะแว โอ่ปา เด๊อ ทอกู อาเคเออเนอ เบ่เบ่, เบ๊อะแว โต เฮ๊เบ่ เตเก ตาตือ ฉื่อบี๊ เกอเร๊อ แว เตซิครือมีลา เร๊อ แว โต เฮ๊เบ่ หม่ากลอ ฉื่อ เกอเร๊อ แว เตซิครือมีลา อาเคเออเนอ เบ่เบ่, จอแปแหร่ เมแร๊ แหน่เจ๊อ เป เร๊อ อา เด๊อะตา โค๊ดื่อ เป เตเม เด๊อ เป เก่ เมโหร่ลู เต เร๊อ เล แด๊โฉ่โด่แน เป่ อู เร๊อ เตซิครือมีลา.

เธสะโลนิกา เนอบ่า ต๊าบ่า 3:17

แว หม่า คูเปาโล เร๊อ แว รา เตเฮ๊โมเฮ๊แร๊ เออเนอ เร๊อ แว กู๊ขุ เร๊อดื่อ. ลี ปว๋า ต๊าบ่า เด๊อ แว รา โทเฮ๊อ เร๊อ เด๊อ อาตื๊อดื่อ เนอ, แว รา เมม๊าเมแดแก โค๊ดื่อ ฮู๊เนอ. แว รา เมม๊าเมแดแก ฮู๊เนอ ปว๋า โตโพ๊ เจ๊อ.

โคโลสี 4:3

เด๊อ เนอเคหม่า แกแย เต๊เห่ ซิเง ครี๊ อาหรี่อาแก โต่. จอแปแหร่ ด๊อโอ๊ด๊อบี๊ เร๊อดื่อ ครี๊ อาหรี่อาแกเออ. หม่าแน๊เรอ กู๊แหน่เออ เตด๊อโอ๊ด๊อบี๊ เออเนอ อา โอ่โลแถ่ เฮ๊อ. แซ่ฮู๊ จอแปแหร่ เก่ บ๊อโม หนิเป่ เปแกล๊ เด๊อ เป เก่ แด๊โฉ่โด่แน หนิเป่ อู เร๊อ ครี๊ อาหรี่อาแก เออเนอเร๊อ, กุยจ๊อเบ เป่เกอ แลแค เด๊อ เปเง นี๋. มู๋ หนู่เคหม่า เตด๊อโอ๊ เออเนอ, อา โอ่โลแถ่ แต๋โต่, ตื๊อดื่อเรอ กู๊แหน่เออ อา โอ่โลแถ่ เฮ๊อ. เด๊อ แว โด่แน เป่ อู เน๊อ ครี๊ อาหรี่อาแก อาขว่าอาคยา, อู ด๊อตา แว เด๊อ ทอกู แพ๊.

โครินธ์ เนอบ่า ต๊าบ่า 13:14

เป แบ่เจ่ เหย่ซู่ครี๊ อาบุ๊ยอาเตอเรอ, เพ จอแปแหร่ อาเตโม เร๊อ แหย่โยบูโพ๊ แบ่เจ่ อา เตแบ๊ซว๊าแบ๊โค เออเนอ, อา เก่ โอ่ เกอ ดื่อ เร๊อ ซี ปว๋า เตเพร นี๋.

ꤚꤥꤗꤢꤩ꤬ 16:23

คูกายอัส เฮ๊โมเฮ๊แร๊ จว๊าหนิ ซี. อา เอ๊โมฉื่อแร๊ ตื๊อดื่อ แว เด๊อ อาหี่ หม่าโต่, อา เอ๊โมฉื่อหนิ ลอดื่อ เพรหยื่อเอ่เต ตู๊หมู่ตอกล๊อ ล๋อ ปลี เจ๊อ. อา แม๊ เอ๊ฉื่อโมแร๊ แหน่เจ๊อ ซิเผระซิแหม่ เจ๊อ. เพรปื่อรือ ชีดอ คูเอรัสทัส เออ เร๊อ เป โป่แหว่ คูควารทัส ซูแฮ เป่เกอ ซี อาเตเฮ๊โมเฮ๊แร๊ เต๊เห่เห่.

ꤚꤥꤗꤢꤩ꤬ 16:20

งยาแต๋โต่ ปาหม่า เตเพรอาดือ อา จอแปแหร่ เออ เก่ นอหยี่ตาพรอ หมื่อแก โลเน๊มู๊แหม่รีแจ่ กู่กล๊อ เออโตโด เด๊อ ซี กู่ยาเล ปา. แบ่เจ่ เหย่ซู่ครี๊ อาบุ๊ยอาเตอเรอ เก่ โอ่เกอดื่อ เร๊อ เหย่ซี นี๋.

ꤚꤥꤗꤢꤩ꤬ 16:22

แว หม่า คูทีเหร่อทิอัส. ลีเออต๊าบ่า หม่า คูเปาโล นอรา แว แพ๊. เร๊อ แว เฮ๊โมเฮ๊แร๊ จว๊าหนิ ซี เด๊อ ครี๊ อามุย อากู.