โคโลสี 4:12 - ลีเทส่อพ๊าอาเซ เร๊อ เห่ขุทวาลู๊

¹² คูเอปาฟรัส หม่า ซี ดอกูพู๊ เตเพรเพร. อา หม่า อา ทวา ครี๊ อาหลู่ เตเพร. อา เฮ๊โมเฮ๊แร๊ แฮหนิ ซี. อา ซิปล่อฉว่า เร๊อ อา กุยจ๊อเบ โตโมโตโม เป่ เจ๊อ เด๊อ ซีเง เจ๊อ. แซ่ฮู๊ ซี เก่ โอ่หม่าโอ่กลอ เด๊อ ซี เตหยื่อเตแหน่ อากู เร๊อ ซี เก่ ดุแถ่เบ๊ แลแค เด๊อ แหย่โย ตากยา, โท๊โต่ แซ่ฮู๊ ซี เก่ หยื่อเอ่ ซิเงแฮ ตาเตโป่ จอแปแหร่ อา เตซิหยื่อ ปว๋า เต๊อเจ่อ อาเงเนอเรอ, อา กุยจ๊อเบ เป่ เด๊อ ซีเง.

Eastern Kayah Shadaw Dialect

¹² ꤋꤢꤨ꤭ꤢꤩꤕꤢ꤬ꤖꤚꤢ ꤗꤢ꤬ ꤞꤤ꤭ ꤘꤢꤪ꤭ꤊꤢꤨ꤭ꤖꤢꤨ ꤒꤣ꤬ꤖꤚꤢꤩ꤬ꤖꤚꤢꤩ꤬꤯ ꤢ꤬ ꤗꤢ꤬ ꤢ꤬ ꤓꤝꤢ꤭ ꤋꤚꤤ ꤢ꤬ ꤖꤚꤢꤩ꤬ꤗꤢꤩ꤬ꤒꤢꤩ꤬ꤖꤢꤨ ꤒꤣ꤬ꤖꤚꤢꤩ꤬꤯ ꤢ꤬ ꤟꤢꤩꤗꤥ꤬ꤟꤢꤩꤚꤢꤧ ꤟꤢꤧ꤭ꤚꤣꤧ ꤞꤤ꤭꤯ ꤢ꤬ ꤞꤤꤕꤜꤢꤪ꤬ꤏꤝꤢ꤬ ꤚꤣꤧ꤬ ꤢ꤬ ꤊꤝꤤ꤭ꤡꤢꤪꤙꤢꤩ꤭ ꤒꤣꤧ꤬ꤗꤥ꤭ꤗꤥ꤭ ꤕ꤫ꤢꤩ꤬ ꤚꤣꤧ ꤘꤣ ꤞꤤ꤭ꤑꤢꤩ꤭ ꤡꤣꤧ꤯ ꤞꤢꤧꤟꤢꤨ ꤞꤤ꤭ ꤊ꤫ꤢꤦ꤬ ꤥ꤬ꤊꤜꤢꤪ꤬ꤏꤢꤪꤗꤢ꤬ ꤘꤣ ꤞꤤ꤭ ꤒꤢꤩ꤬ꤛ꤫ꤢꤦ꤬ꤒꤢꤩ꤬ꤔ꤫ꤢꤧ꤬ ꤢ꤬ꤊꤢꤨ꤭ ꤚꤣꤧ꤬ ꤞꤤ꤭ ꤒꤢꤩ꤬ꤛ꤫ꤢꤦ꤬ꤒꤢꤩ꤬ꤔ꤫ꤢꤧ꤬ ꤊ꤫ꤢꤦ꤬ ꤘꤢꤨ꤬ꤓꤢꤧ꤬ꤙꤢꤩ ꤜꤢ꤭ꤋꤢꤧ꤭ ꤘꤣ ꤋꤚꤤ ꤢ꤬ꤊꤢꤨ꤭, ꤓꤥ꤭ꤒꤥ꤬ ꤞꤢꤧꤟꤢꤨ ꤞꤤ꤭ ꤊ꤫ꤢꤦ꤬ ꤛ꤫ꤢꤦ꤬ꤢꤩ꤬ ꤞꤤꤑꤢꤩ꤭ꤟꤢꤧ꤭ ꤒꤢ꤭ꤒꤢꤩ꤬ꤕ꤫ꤥ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤒꤢꤩ꤬ꤞꤤꤛ꤫ꤢꤦ꤬ ꤕꤝꤢ꤭꤮ ꤒꤣ꤬ꤡꤣ꤬ ꤢ꤬ꤑꤢꤩ꤭ꤔꤣꤧ꤬ꤚꤣꤧ꤬, ꤢ꤬ ꤊꤝꤤ꤭ꤡꤢꤪꤙꤢꤩ꤭ ꤕ꤫ꤢꤩ꤬ ꤘꤣ ꤞꤤ꤭ꤑꤢꤩ꤭꤯

โคโลสี 4:12 ပူးပေါင်းရင်းမြစ်များ

ꤚꤥꤗꤢꤩ꤬ 15:30

โป่แหว่ ซี๋, เด๊อ เป แบ่เจ่ เหย่ซู่ครี๊ เร๊อ แหย่โยบูโพ๊ แบ่เจ่ อาเตโม อาขว่าอาคยา, แว กุยซิยอ ซี เร๊อ ซี เก่ กุยจ๊อเบ โหร่โต่เกอ เร๊อ แว ปา, เร๊อ ซี เก่ กุยจ๊อเบแถ่ เป่เกอ แว เด๊อ จอแปแหร่ อา โอ่ ปา. เร๊อ ซี เก่ กุยจ๊อเบ ลอซิปล่อเตเมลอ เป่เกอ เด๊อ แวเง ปา นี๋.

โคโลสี 1:9

ฮู๊เนอเรอ, เป๊อแถ่ เบ๊อะเป หนิโฮเบ่ อาเมวกู เนอ เตอเนอเนอ, เป แด่โอ่โก๊แกน๊อ เป เตกุยจ๊อเบ เด๊อ ซีเง โตโพ๋ โต่. เป กุยจ๊อเบ จอแปแหร่ เด๊อ อา เก่ เด๊อะตา เล๊อบา ล๋อปลี ซี เตแจ่เตลีแม เด๊อ แหย่โย ตากยา เร๊อ เตซิคว๊าซิเง เด๊อ แหย่โย ตากยา เร๊อ เด๊อ เออเต๊เห่ อาขว่าอาคยา, เป กุยจ๊อเบ จอแปแหร่ เร๊อ อา เก่ เด๊อซิเง เล๊อเล๊อบาบา เป่ ซี เร๊อ ซี เก่ แรเต ฮู๊ อาโต ลูซิปล่อ เนอเต๊เห่.

ฟีเลโมน 1:23

เด๊อ เหย่ซู่ครี๊ อาขว่าอาคยาเร๊อ, คูเอปาฟรัส ตาเต่อเกอ ทอกู เร๊อ แว, เร๊อ อา ซูแฮ เตเฮ๊โมเฮ๊แร๊ เด๊อ ซีโอ่.

โคโลสี 1:28

แซ่ฮู๊ เป เก่ ซูโน แกแย ปว๋า เตเพร เด๊อ จอแปแหร่ เป๊เส่เง ฮู๊ แกแย เด๊อ อา ทวาแถ่ เฮ๊อ เตเต๊อเจ๋อ โต เน๊อ ครี๊ เร๊อ อา ดุเผร่ ตาเต เฮ๊อ เด๊อ แหย่โย ตากยา เต๊เห่ อาเงเนอ, เป แด๊โฉ่โด่แน เป่ เฮ๊อ อู ปว๋า เตเพร เน๊อ ครี๊ อาหรี่อาแก เฮ๊อ. โท๊โต่ เป เด๊อะรอเด๊อะเร เฮ๊อ อู ปว๋า เตเพร, เร๊อ เป อิซว๊าอี๊แส่ เป่ เฮ๊อ อู ปว๋า เตเพร เน๊อ ล๋อ ลีแมลีเพ๊ เออเนอเต๊เห่ เฮ๊อ.

โคโลสี 1:7

คูเอปาฟรัส หม่า แกแย เด๊อ อา แด๊โฉ่โด่แน โล เหร่อเล๊อ เป่ ซี เร๊อ จอแปแหร่ อา เตบุ๊ยดุเตอเรอทู เตเพร เฮ๊อ. อา หม่า เหย่ซู่ครี๊ อา หลู่เล๊ เด๊อ อา เมเต่อ เต เร๊อ เป เร๊อ เป โม เกอเร๊อ ลู เตเพร. อา หม่า ครี๊ อา เพรแรเต เด๊อ อาจ๊อ เร๊อ อาโหง่ เตเพร. เร๊อ อา เม ฮู๊เออเนอหม่า อา เม แต๊เป่ เปเง เฮ๊อ.

เปโตร เนอบ่า ต๊าบ่า 1:1

เป จอแปแหร่ เร๊อ เพรเมแลเปล๊กา เป แบ่เจ่ เหย่ซู่ครี๊ เออเตเพร อา เตจ๊อเตเต อาขว่าอาคยา, ซี หม่า แกแย เต๊เห่ เด๊อ อา พย๊าหนิ เกอดื่อเฮ๊อ เตหยื่อเตแหน่ เด๊อ อาแซ่เน๊อ เป เออเต๊เห่ เฮ๊อ. เร๊อ แว ราจว๊าเป่ ซี ลีเออ. แว หม่า คูซีโมน เปโตร, เร๊อ แว ทวาดื่อ เหย่ซู่ครี๊ อาหลู่ เร๊อ อา เพรโด่แน เตเพร.

ꤊꤢ꤬ꤜꤢ꤬ꤒꤤ 4:19

แวพู๊ เด๊อ แว โมหนิเร๊อ ซี๋ แว ซิปล่อฉว่า แหน่เจ๊อ เด๊อ ซี เก่ ดุแถ่เผร่แถ่ เกอ เด๊อ แหย่โย ตากยา แซ่เกอดื่อ เร๊อ ครี๊ เนอ เจ๊อ. แว เตซิปล่อฉว่า เออเนอ, อา เด๊อะกู่เด๊อะแก แหน่เจ๊อ แว ซิปล่อ เจ๊อ. แว ซิปล่อ อา เตกู่เตแก เออเนอ, อา แซ่เจ๊อเฮ๊อ เร๊อ โหมะ เด๊อ อา เตเร พู๊โอ่ เร๊อ อาฮ๊อเช เออเนอ เจ๊อ.

ꤊꤢ꤬ꤜꤢ꤬ꤒꤤ 1:10

แว เฮ๊ ฮู๊เออ เนอหม่า อาแซ่เน๊อ แว แอ๊จื๊อ ครวาลือ เกอ แกแยเห่ขุพู๊ อาซิปล่อ ฮู๊เนอ แอ? แว ซิหยื่อ ครวาลือ เกอ แกแยเห่ขุพู๊ อาซิปล่อ ฮู๊เนอ หม่าโต่. แว ซิหยื่อ ครวาลือเกอ ฮู๊ จอแปแหร่ อาซิปล่อ เนอแพ๊. แว เก่ แอ๊จื๊อ ครวาลือ เมโม ตื๊อดื่อปา แพ๊ แกแยเห่ขุพู๊ เต๊เห่ อาซิปล่อ แพ๊ เฮ๊เนอหม่า, แว หม่า ครี๊ อาหลู่ เตเพร หม่าโต่.

ꤚꤥꤗꤢꤩ꤬ 15:14

โป่แหว่ ซี๋, แว หยื่อเอ่ ตาเต หนิ เจ๊อ ซี เร๊อ ซี โอ่เซอเพร เล๊อบา เจ๊อ เร๊อ เตตว่าเตแร๊, เร๊อ เตซิคว๊าซิเง เด๊อ อาเล๊ออาบา, เร๊อ ซี อิซว๊าอี๊แส่ แจ่ เกอเร๊อ เฮ๊อ แลแค ลู เตเพร เร๊อ เตเพร เฮ๊อ.

ꤛꤢꤨꤘꤢ꤬ 1:24

เป เก่ ถู่เซ๊แถ่ โหร่ลู จอแปแหร่ โป๊! แซ่ฮู๊ ซี เก่ แลคื๊อ แต่เหม่ อาเงเนอ, จอแปแหร่ เก่ แม๊ตู่ เมจว่า เร๊อดื่อ ซี นี๋. โท๊โต่ อา เก่ เอ๊กา เบ๊ดื่อ ซี เด๊อ อา เป๊เส่เง ปา เร๊อ ซี เตซื๊อ เก่ โอ่ ปา โต่, เร๊อ ซี เก่ ซิครือซิลอ หม่าแหน่ ดื่อ ปา นี๋.

ꤟꤤꤙꤚꤢꤨ 5:14

หม่าแน๊เรอ, เหล่เอ่ อา เพรอ เนอหม่า แกแย ดุเผร่ เด๊อ อา อิซว๊า ซิเงแฮ เบ่น๊อ โทเฮ๊อ อาเหน่ เด๊อ อา เก่ เบ่เพ๊ ซิเงแจ่ เตแร๊ เร๊อ เตมู๊แหม่ เนอเต๊เห่ อาเง แพ๊.

ꤟꤤꤙꤚꤢꤨ 5:7

เบ๊อะเหย่ซู่ โอ่เซอเพร เบ๊อะเห่ขุเออ เบ๊อะเนอ, อา กุยจ๊อเบ แถ่ ซิปล่อชีเมลอ จอแปแหร่ เด๊อ อา เมแลเปล๊แจ่ ลู เด๊อ เตเซอเออ เตเพร, เร๊อ อา เอ๊โทแถ่ เป๊เส่เทอ ตา เจ๊อ. อา แด่หยว่า อาซิปล่อ เร๊อ อา ซิปล่อฉว่า หนิดา จอแปแหร่ โหง่ อาขว่าอาคยา, จอแปแหร่ หนิดา ลู เตกุยจ๊อเบ.

โคโลสี 1:22

หม่าแน๊เรอ กู๊แหน่เออ, ครี๊ อาเหน่แบ่เจ่ เร๊อดื่อ แฮ ข่าเซอ อาเหน่ อาขว่าอาคยา, จอแปแหร่ เมโครเกล กาคยา คยาแซ๊ เฮ๊อ ซี เร๊อ อาเหน่กล่อ เร๊อดื่อ เจ๊อ เฮ๊อ. เด๊อ จอแปแหร่ อา เป๊เส่เง ปาเนอ, แซ่ฮู๊ ซี เก่ บูโพ๊ เร๊อ ซี เก่ ลว๊าแก เร๊อ เตซื๊อ, โท๊โต่ อู เก่ แด่แจ่ ปา แต่ เตซื๊อ เด๊อ ซีโอ่ เตเพร่ว แต่เหม่ เนอ, จอแปแหร่ เมโครเกล กาคยา คยาแซ๊เฮ๊อ ซี ฮู๊เนอ เฮ๊อ.

โครินธ์ เนอบ่า ต๊าบ่า 13:11

โคแบ๊ซว๊า ซี๋, แว ซิหยื่อ เฮ๊ ซี เด๊อ คยาตื๊อดื่อ เน๊อ, ซิลอซิอือ แลแค นี๋. เมแร๊กาคยา แลแค ซี เตโอ่เซอเพร นี๋. หนิดา แลแค แว เตกุยซิยอ ซี เออเนอ เต๊เห่ นี๋. โอ่ปล๊อโอ่ปลู, โอ่เพรโอ่ดือ เกอเร๊อดื่อ ลู นี๋. ซี เก่ เมฮู๊เนอ เฮ๊เรอ จอแปแหร่ เด๊อ อา หม่าดื่อ เตโม เร๊อ เตเพรอาดือ อา แก่ช๊าแก่แร เออเตเพร เก่ โอ่ เกอดื่อ เร๊อ ซี ปา.

โครินธ์ อาเหร่อเล๊อ ต๊าบ่า 14:20

แว โคแบ๊ซว๊า ซี, เตเน แลแค แต่ ฮู๊ เป๊เจ่พู๊ เต๊เห่ เตเน เนอ แต่เหม่. หม่าแน๊เรอ ตื๊อแพ๊ เตมู๊แหม่รีแจ่ เออเต๊อเจ่อ เนอ แพ๊ เร๊อ ทวาแถ่ แซ๊ แลแค เร๊อ เป๊เจ่พู๊ อินู๊ปา เด๊อ อา ซิเง เกออู เตมู๊แหม่รีแจ่ โต่ เนอเต๊เห่ นี๋. หม่าแน๊เรอ เต เด๊อ แว รา เป่ ซี เออเต๊เห่เนอ, เตเน แลแค ฮู๊ แกแยดุเผระ เฮ๊อ เตเพร อา เตเตเน เนอ.

โครินธ์ อาเหร่อเล๊อ ต๊าบ่า 2:6

แกแย เด๊อ อา เตหยื่อชอ เต๊เห่เนอ, แว อิซว๊า เป่ เหย่ซี เน๊อ เตลีแมลีเพ๊ อาหรี่อาแก เต๊เห่ เตลีแมลีเพ๊ เออเต๊เห่เนอ, อา แฮ เด๊อ แกแยเห่ขุพู๊ อา โอ่ หม่าโต่ อา แฮ เด๊อ แกแยเห่ขุพู๊ เด๊อ อา โอ่ เน๊อ อา เตอเรอฉว่าชอ เนอเต๊เห่ อา โอ่ หม่าโต่โต่. เมเตเฮ๊เรอ เตเออเต๊เห่เนอ อา เก่ ปย๊าแก ลอ ปา.

ꤛꤥ꤭ꤟꤢ꤬ 12:26

อูเปเป๋ เบ่เบ่, เด๊อ อา ทวา แว หลู่เล๊ เนอ, อา เบ่ครวา เกอ แว. ตื๊อหม่า, แว โอ่เบ๊อะเต๋ โต๊โผ่ เบ่เบ่, อา เก่ โอ่เกอ เบ๊อะเนอ ปา. แวเพ เก่ แด่ดุแด่ทู แกแย เด๊อ อา ทวา แว หลู่เล๊ เนอเตเพร ปา.

มัทธิว 5:48

เมฮู๊เนอเรอ, ฮู๊ ซีเพ เด๊อ ม๊อขุ เออเตเพร อา แร๊เล๊อบา เนอ, แร๊เล๊อะบา แซ่เกอ เร๊อ อา เนอ นี๋.”

ꤡꤛꤢꤩ꤭ꤗꤢ꤬ꤎꤣ꤬ 5:16

ฮู๊เนอเนอ, อ๊อแล แลแค ซี เตซื๊อ เต๊เห่ เตเพร เร๊อ เตเพร, เร๊อ แซ่ฮู๊ ซี เก่ โอ่ฉว่าโอ่แพร กาคยา อาเงเนอ, กุยจ๊อเบ เป่ ลู เตเพร เร๊อ เตเพร นี๋. แกแยจ๊อแกแยเต เตเพร อา เตกุยจ๊อเบ เนอ อาโอ่ เน๊อ อา เตอเรอฉว่าชอ เร๊อ อา เมจว่าเบ๊ เอ๋ แหน่เจ๊อ เตเต๊เห่ เจ๊อ.

ꤡꤛꤢꤩ꤭ꤗꤢ꤬ꤎꤣ꤬ 1:1

แว หม่า คูยากอบ, แว ทวา จอแปแหร่ เร๊อ แบ่เจ่ เหย่ซู่ครี๊ อาหลู่ เตเพร. แว เฮ๊โมเฮ๊แร๊ จว๊า เป่ จอแปแหร่ อาแกแย กลุยแล เช๊อเนอโหมะ เด๊อ อา จว๊าโอ่ปีชี แลแค เด๊อ เหล่โอ่ ปว๋า โต๊โผ่ เต๊เห่ อาโอ่.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 5:23

จอแปแหร่ เด๊อ อา เด๊อะ เป เตโส่เตเคร เออเตเพร อาเหน่แบ่เจ่ เร๊อดื่อ เก่ เมบูโพ๊ เล๊อบาแถ่ ดื่อ ซี นี๋. โท๊โต่ ช๋า เป แบ่เจ่ เหย่ซู่ครี๊ เก่ แฮ คยาแซ๊ ปาเนอ, แซ่ฮู๊ อู เก่ แด่แจ่ปา แต่ ซี เตซื๊อ แต่เหม่ เนอเรอ, จอแปแหร่ เก่ แม๊ตู่หนิ ลอเกอ โป่ดื่อ ซี เหน่กล่อ เร๊อ ซีซิปล่อ เร๊อ ซี ซิปล่อเซอเพร ปา นี๋.

ꤜꤢꤨꤊꤢ꤬ 22:44

อา ซิปล่อกู่ ซิปล่อแก แฮฉว่า เนอ, อา ลื๋อ กุยจ๊อเบ ฉว่าเล๊อ โป่โป่. เร๊อ อากู่ซาเทอ แลตา เด๊อ เห่ขุ เร๊อ อา แซ่ เจ๊อ เร๊อ สุ่ยตาเม๊ เนอ เจ๊อ.

ꤜꤢꤨꤊꤢ꤬ 1:1

แกแย โอ่เอ๊ลู แอ๊จื๊อ ราม๊าราแด แลแค เต เด๊อ อา ทวาแถ่ เบ๊อะเปเกล เออเต๊เห่ อาหรี่อาแก.

โคโลสี 1:29

ครี๊ อา เตโพรเตเตอเรอ เออ อา เมฉว่าเมชอ แหน่เจ๊อ เด๊อ แวกู แว ซิเล แถ่หนิ อา เตโพรเตเตอเรอ ฉว่าชอ เออ เร๊อ แว จ่าเพรอแอ๊จื๊อ เร๊อ แว ซิครือเมเฮ๊อ จอแปแหร่ อาเตแร เออเต๊เห่ เฮ๊อ.

โคโลสี 4:9

คูโอเนสิมัส เก่ แฮแล เต่อเกอ เร๊อ ลู ปา. อา หม่า แกแย เด๊อ อาจ๊อ เน๊อ อาโหง่ เร๊อ อู โม หนิเกอเร๊อ ลู เตเพร. อา หม่า ซี ดอกูพู๊ เร๊อดื่อ แพ๊. เหย่ซี เก่ แด๊โฉ่ เป่ ลอ ซี เน๊อ ล๋อ เตทวาแถ่ อาเหน่ เบ๊อะเออ เนอเต๊เห่ ปา.

ꤡꤛꤢꤩ꤭ꤗꤢ꤬ꤎꤣ꤬ 1:4

แซ่ฮู๊ ซี เตก๊อถ่อโอ่แน เออเต๊เห่ เก่ หยว่าแกแล ตีกี๋ แต่เหม่, แซ่ฮู๊ อา เก่โตเก่เบ่ เร๊อ จอแปแหร่ อาซิปล่อ, โท๊โต่ ซี เก่ ดุแถ่ เล๊อบาเกอดื่อ เน๊อ เตปว๋า เต๊อเจ่อ อาเงเนอ, ซี โตเบ่ แด่ทูซิปล่อโต่ แลแค เด๊อ อา ตื๊อดื่อ นี๋.