โคโลสี 4:11 - ลีเทส่อพ๊าอาเซ เร๊อ เห่ขุทวาลู๊

¹¹ คูเหย่ซู่ เด๊อ อู เอ๊ อา เร๊อ คูยุสทัส เออเตเพร ซูแลเกอ อา เตเฮ๊โมเฮ๊แร๊ เด๊อ ซี โอ่โอ่. แกแยยิวพู๊ เด๊อ อา หยื่อเอ่ ครี๊ เต๊เห่ อาเกลเนอ, เพร เด๊อ อา เมโหร่ เกอ เต เร๊อ แว เด๊อ จอแปแหร่ อาเทออาเก่ อาเงเนอ หม่า อา โอ่แพ๊ ซิโซโซ๋ แพ๊. เหย่ซี หม่า อา เมโม แหน่เจ๊อ แว ซิปล่อ.

Eastern Kayah Shadaw Dialect

¹¹ ꤋꤢꤨ꤭ꤛꤢꤩ꤬ꤏꤛꤢꤨ ꤘꤣ ꤢꤨ꤭ ꤢꤩ ꤢ꤬ ꤔꤢꤧ ꤋꤢꤨ꤭ꤛꤢꤨꤎꤢ꤬ꤒꤢꤨ ꤣꤧ꤭ꤒꤣ꤬ꤖꤚꤢꤩ꤬ ꤞꤢꤨ꤭ꤜꤢꤧ꤬ꤊꤣꤧ꤭ ꤢ꤬ ꤒꤢꤩ꤬ꤟꤢꤩꤗꤥ꤬ꤟꤢꤩꤚꤢꤧ ꤘꤣ ꤞꤤ꤭ ꤥ꤬ꤥ꤬꤯ ꤛꤢꤨꤘꤢ꤬ꤖꤢꤨ ꤘꤣ ꤢ꤬ ꤛ꤫ꤢꤦ꤬ꤢꤩ꤬ ꤋꤚꤤ ꤒꤣꤧ꤬ꤟꤢꤩ꤬ ꤢ꤬ꤊꤜꤢꤩ꤭ꤔꤣꤧ꤬, ꤖꤚꤢꤩ꤬ ꤘꤣ ꤢ꤬ ꤗꤢꤩ꤬ꤚ꤫ꤥ꤬ ꤊꤣꤧ꤭ ꤒꤢꤩ꤬ ꤔꤢꤧ ꤠꤢꤧ꤭ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤓꤣꤧ꤭ꤢ꤬ꤊ꤫ꤢꤩ꤬ ꤢ꤬ꤑꤢꤩ꤭ꤔꤣꤧ꤬ ꤗꤢ꤬ ꤢ꤬ ꤥ꤬ꤖꤢꤧ ꤞꤤꤞꤥ꤭ꤞꤥ꤭꤮ ꤟ꤫ꤢꤨ꤬ ꤖꤢꤧ꤯ ꤛꤢꤩ꤬ꤞꤤ꤭ ꤗꤢ꤬ ꤢ꤬ ꤗꤢꤩ꤬ꤗꤥ꤬ ꤔꤢꤧ꤬ꤡꤣꤧ ꤠꤢꤧ꤭ ꤞꤤꤕꤜꤢꤪ꤬꤯

โคโลสี 4:11 ပူးပေါင်းရင်းမြစ်များ

เพรโด่แนพู๊ เต๊เห่ 11:2

ฮู๊เนอเรอ เบ๊อะคูเปโตร จว๊า เด๊อ วีเยรูซาเล็ม เบ๊อะเนอ, เพรหยื่อเอ่พู๊ เด๊อ อา ดื๊อตีลี๊พ๊า เต๊เห่เนอ, อา แด่ เตซื๊อ เด๊อ ลูขุ.

ฟีเลโมน 1:1

แว หม่า คูเปาโล. แว เร๊อ คูทิโมธี หม่า เด๊อ ครี๊อาขว่าอาคยา, เป โป่แหว่ ลู. เร๊อ ราจว๊าเป่ ฟีเลโมน ลีเออต๊าบ่า. เด๊อ แว เม เป่ เหย่ซู่ครี๊ อาเตเม อาขว่าอาคยา, อู ด๊อตา แว เด๊อ ทอกู. เป ราจว๊าเป่ ลีเออ เด๊อ เป โคแบ๊ซว๊า คูฟีเลโมน เด๊อ อา เม เต่อเกอเต เร๊อ เป เออเตเพร อา โอ่, เร๊อ เป โป่แหว่ ครี๊พู๊ เพรเหมาะ เหมาะอัปเฟีย, เร๊อ เป โป่แหว่ ครี๊พู๊ คูอารคิปปัส เด๊อ อาแซ่เน๊อ เกลอฮู๊ เตเพร เออเต๊เห่ อา โอ่, เร๊อ เพรหยื่อเอ่เต ตู๊หมู่ตอกล๊อ โอ่ เด๊อ คูฟีเลโมน อาหี่กู เนอเต๊เห่ อา โอ่.

ꤒꤤꤒꤢꤨ 1:10

เมเตเฮ๊เรอ แกแย เด๊อ อา เฮ๊ โตโมจู๊แก่ เต เต๊เห่เนอ อา โอ่ เอ๊แหน่เจ๊อ. เหย่ซี เนอเต๊เห่หม่า, อา เฮ๊เบ่ เต เด๊อ อาโหง่แลช๊า โอ่โต่ เต๊เห่, เร๊อ อา เฮ๊เบ่ แลโฮแลแห่ ลอ อู. แกแย ฮู๊เนอ เต๊เห่หม่า, เอ๊ตี๊กิ, เป แม๊เถอะแจ่ เหย่ซี เบ๊อะเฮ๊เรอ, เหย่ซี เนอเต๊เห่หม่า, อา เฮ๊เบ่ ชอเกอเด๊อ แลแค เร๊อ แซ่ฮู๊ อู เก่ พย๊าหนิ เตแลเปล๊กา อาเงเนอ, อู เบ่ ดื๊อตีลี๊พ๊า, อา เฮ๊ แลแค ฮู๊เนอ เต๊เห่ เด๊ออาเกล เนอเฮ๊อ.

โคโลสี 4:7

คูทีคิกัส เก่ แด๊โฉ่ ลอเป่ ซี เร๊อ แวหรี่แวแก ปา. อา หม่า โป่แหว่ เด๊อ อู โมหนิเร๊อ ลู เตเพร, โท๊โต่ อา หม่า แกแย เตเพร เด๊อ อาจ๊อ เร๊อ จอแปแหร่ อาเตเม, เร๊อ อา เม แบ่เจ่ อาเตเม เร๊อ อา เม เต่อเกอ เต เน๊อ เป เตเพร.

โครินธ์ เนอบ่า ต๊าบ่า 6:1

เป หม่า เพรเมโหร่เต เร๊อ จอแปแหร่ เต๊เห่ อาขว่าอาคยา, เป กุย ซิยอ ฉว่า ซี เร๊อ ซี เก่ โอ่เซอเพร ฮู๊ จอแปแหร่ ซิหยื่อ นอโอ่เซอเพร ซีเนอ. ซี หม่า แกแย เด๊อ อา พย๊าหนิ โทเฮ๊อ จอแปแหร่ อาบุ๊ยอาเตอเรอ เต๊เห่ เฮ๊อ อาขว่าอาคยา, ซี เบ่ โอ่เซอเพร แลแค ฮู๊เนอ.

ꤚꤥꤗꤢꤩ꤬ 4:12

โท๊โต่, เป แกแยยิวพู๊ เออเต๊เห่เนอ, เป ดื๊อตีลี๊ เจ๊อ พ๊า หม่าแน๊เรอ เป เก่ ซิเลแถ่หนิ เตดื๊อตีลี๊พ๊า เออ โต่ เต๊เห่เนอ, เพอับราฮัม หม่า อา ทวา เกอดื่อ เปเพเพ. เบ๊อะเปเพ เพอับราฮัม ดื๊อตีลี๊ แต่ล๋าย พ๊า โต่ เค. อา เตหยื่อเตแหน่ เออเนอ, เป เก่ ครวา แม๊บือ เกอดื่อ อา.

เพรโด่แนพู๊ เต๊เห่ 10:45

จอแปแหร่ จว๊า เด๊อะแล โต่เกอ แหย่โยบูโพ๊แบ่เจ่ เด๊อ แกแยยิวพู๊ หม่าโต่ เออเต๊เห่ อาลู อาขว่าอาคยา, แกแยยิวพู๊ เด๊อ อา หยื่อเอ่แลแค เฮ๊อ เต เร๊อ อา โอ่ แลแค เด๊อ วียัฟฟา อากู เร๊อ อา จว๊า เต่อโร๊ เร๊อ คูเปโตร เออเต๊เห่เนอ อา คย๊ายื๊อ แหน่เจ๊อ.

ฟีเลโมน 1:24

ฮู๊เนอเฮ๊อ เพรเมเต่อเต เร๊อ แว คูมาระโก, คูอาริสทารคัส, คูเดมาส เร๊อ คูลูกา ซีเต๊เห่ ซูแฮ เกอช๊าเหล่ อา เตเฮ๊โมเฮ๊แร๊ เต๊เห่ เด๊อ ซีโอ่.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 3:7

ฮู๊เนอเรอ โป่แหว่ ซี, เบ๊อะเป ข่าเบ่ เจ๊อ เตแป่เตเช เด๊อ อาดุอาแย เร๊อ เตจาเตจือ ล๋อ ปลี เออเต๊เห่ อาเค เจ๊อเนอเนอ, ซี หยื่อเอ่ ซิเลหนิ ปา ครี๊ อาขว่าอาคยา, อา หนิอ๊าหนิเหร่ แหน่เจ๊อ เด๊อ เปเง เจ๊อ.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 3:2

เร๊อ เป ซูแล คูทิโมธี เด๊อ ซีโอ่, อา หม่า เป โป่แหว่ เตเพร เร๊อ อา ทวา จอแปแหร่ เพรแรเต เตเพร. อา เมเต่อเกอเต เร๊อ เป, เร๊อ อา แด๊โฉ่โด่แน เป่ อู เร๊อ ครี๊ อา เตซิครือมีลา อาหรี่อาแก. แซ่ฮู๊ อา เก่ เด๊อะอ๊า เด๊อะเหร่หนิ ซี เร๊อ อา เก่ ครอครวาเกอ ซี เตหยื่อเตแหน่ อาคยา เนอเรอ, เป ซูแล อา เด๊อ ซีโอ่.

ฟีลิปปี 4:3

เน หม่า แกแย เด๊อ อา เมโหร่ เต เร๊อ แว เด๊อ อาจ๊อ เน๊อ อาโหง่ เตเพร เฮ๊อ. เร๊อ แว ซิหยื่อ กุยเกอ เน เตเมจว่า เต๊อเจ่อ, แซ่ฮู๊ เพรเหมาะเออ ซิเนอ เก่ โครเกล คยาลู อาเงเนอ, เมจว่า เหร่อเป่ เหย่ซี นี๋. เมเตเฮ๊เรอ เหย่ซี เออซิเนอ เนอหม่า อา แอ๊จื๊อ ท๊ออ๊าท๊อเหร่ เมโหร่เกอ เตเฮ๊ตา เตซิครือมีลา อาเตเม เนอ แว หนิ. เหย่ซี เมโหร่เกอ เร๊อ คูเคลเมนท์ เร๊อ แวโค เด๊อ เป เมโหร่ลู เต เด๊อ อาโร เนอเต๊เห่, เร๊อ ล๋อ เหย่ซี เนอเต๊เห่ อามุย หม่า อา โอ่ ลอเฮ๊อ เด๊อ แบ่เจ่ อา ลีเซอเพร อากู เนอเฮ๊อ.

เอเฟซัส 2:11

ฮู๊เนอเรอ, ซิเหน่แถ่เบ่หนิ แลแค ซีเหน่ เร๊อ เด๊อ เหร่อเคเนอ เนอ, ซี โอ่แลเด๊อเป๊เจ่ปา เด๊อ แกแยยิวพู๊ หม่าโต่ เต๊เห่ อาเกล. เร๊อ แกแยยิวพู๊ เด๊อ อา เอ๊ เกอเร๊อ อาเหน่ เร๊อ แกแย ดื๊อตีลี๊พ๊า เต๊เห่เนอหม่า, อา ดื๊อ แลแค แพ๊ เหน่กล่อ พ๊าหย่า แพ๊, เร๊อ แกแยเห่ขุพู๊ ดื๊อ เป เหย่ซี แพ๊. เร๊อ เหย่ซี เนอเต๊เห่ หม่า อา เอ๊ แลแค ซี เน๊อ, “แกแย ดื๊อตีลี๊พ๊า หม่าโต่ เต๊เห่,” ฮู๊เนอ.

ꤚꤥꤗꤢꤩ꤬ 16:3

แว ซูจว๊า หนิเกอ แว เตเฮ๊โมเฮ๊แร๊ เออ เด๊อ เพอาควิลลา เร๊อ อาเม โหมะปริสสิลลา อา โอ่. เหย่ซี หม่า อา เมเต่อเกอ เต เร๊อ แว เด๊อ เหย่ซู่ครี๊ อาเง.