โคโลสี 3:8 - ลีเทส่อพ๊าอาเซ เร๊อ เห่ขุทวาลู๊

⁸ หม่าแน๊เรอ กู๊แหน่เออ วีแก แก เตซิปล่อดุ, เตซิปล่อแถ่, เตซิโตโค, เตเฮ๊ปย๊า อูมุย, โทเรอ เตเฮ๊เบ่ มู๊แหม่ เด๊อ อา โต เฮ๊โต่ เนอเต๊เห่.

Eastern Kayah Shadaw Dialect

⁸ ꤗꤢ꤬ꤔꤢꤧꤚꤣꤧ꤬ ꤊꤢꤨꤔ꤫ꤢꤧ꤬ꤣꤧ꤭ ꤠꤤ꤭ꤊꤢꤧ꤭ ꤊꤢꤧ꤭ ꤒꤢꤩ꤬ꤞꤤꤕꤜꤢꤪ꤬ꤘꤢꤨ꤬, ꤒꤢꤩ꤬ꤞꤤꤕꤜꤢꤪ꤬ꤓꤢꤧ꤬, ꤒꤢꤩ꤬ꤞꤤꤒꤣꤧ꤬ꤋꤥ꤭, ꤒꤢꤩ꤬ꤟꤢꤩꤕꤛꤢ ꤢꤨ꤭ꤗꤝꤤ꤭, ꤓꤥ꤭ꤚꤣꤧ꤬ ꤒꤢꤩ꤬ꤟꤢꤩꤙꤢꤩ꤬ ꤗꤢꤨꤗ꤫ꤢꤧ꤬ ꤘꤣ ꤢ꤬ ꤊꤢꤪ꤬ ꤟꤢꤩꤒꤥ꤬ ꤔꤣꤧ꤬ꤒꤣꤧ꤬ꤟꤢꤩ꤬꤯

โคโลสี 3:8 ပူးပေါင်းရင်းမြစ်များ

เอเฟซัส 4:29

โหง่ เด๊อ อา ทวาบุ๊ยทวาเตอเรอ เด๊อ อูเง โต่ เนอ, นอเถ่เปล๊ แต่ เด๊อ ซี แกกู ตือมื๋อ แต่เหม่ นี๋. แซ่ฮู๊ อา เก่ หนิอ๊าหนิเหร่ เป่ แกแย เด๊อ อา หนิโฮ เต เต๊เห่ อาเงเนอ, เฮ๊เบ่ แลแค แพ๊ โหง่ เด๊อ อา ทวาบุ๊ยทวาเตอเรอ เร๊อ อา เก่ เมจว่า อู เตดุแถ่ทูแถ่ เนอเต๊เห่ แพ๊ นี๋. เฮ๊เบ่แพ๊ แลแค โหง่ เด๊อ อา หนิบุ๊ยหนิเตอเรอ เด๊อ อูเง เนอเต๊เห่ แพ๊ นี๋.

เอเฟซัส 4:22

อู อิซว๊าเฮ๊อ ซี เร๊อ ซี โตเบ่ โปล๊ตาแก ซี เตโอ่เซอเพร อาเลออาหลว่า เต๊เห่. เบ๊อะซี โอ่เซอเพร เด๊อ เตโอ่เซอเพร อาเลออาหลว่า กูเออ เบ๊อะเนอ, ซี ซิปล่อ อา เตซิหยื่อ มู๊แหม่ เต๊เห่เนอ อา อี๊หล่าปย๊าอี๊หล่าแก ซี เร๊อ อา เม มู๊แหม่รีแจ่ ลอ ซี ซิปล่อ.

เอเฟซัส 5:4

เตเฮ๊เบ่ เด๊อ อู ซิรอซิเร, เตเฮ๊เบ่ เด๊อ อาโหง่แลช๊า โอ่โต่ เต๊เห่, เตเฮ๊เบ่ ปาต๊าเปอเตอ เต๊เห่เนอ, อาโตอาเบ่ โต่ อาขว่าอาคยา, เฮ๊เบ่ แลแค แต่เหม่ นี๋. พื๋อ เร๊อ ซี เตเร เฮ๊เบ่เต ฮู๊เนอ เต๊เห่เนอ เฮ๊บุ๊ยเฮ๊เตอเรอ แถ่เหร่อ เด๊อ จอแปแหร่ เนอ.

โคโลสี 3:5

ฮู๊เนอ อาขว่าอาคยา, วีแก ซี เตโอ่เซอเพร เลอ อา เตซิหยื่อซิลอ หม่าดื่อ, เตจว๊าซื๊อ เพรเหมาะเพรคู, เตโอ่เซอเพร เด๊อ อา โพ๊แปละอาโพ๊อาแปละ โต่ เต๊เห่, ซิปล่อ ปาต๊าเปอเตอ, เตซิหยื่อซิลอ มู๊แหม่รีแจ่, เน๊อ ซิหยื่อ พย๊าหนิ โอ่เอ๊แถ่ โป่ เตดุแหย่แถ่เซ เต๊เห่. เตซิหยื่อพย๊าหนิ เอ๊แถ่โป่ เตดุแหย่แถ่เซ หม่า อาแซ่เน๊อ จ๊อเบ แหย่โย เฮ๊อ.

เอเฟซัส 4:26

ซี เก่ ซิปล่อดุ เร๊อ เมซื๊อ เต แต่เหม่ นี๋. เหมาะตา แต่ล๋ายโต่ เนอ, ซี เบ่ ซิปล่อ ชุ๊ยเหล่ คยาแซ๊ นี๋.

ꤟꤤꤙꤚꤢꤨ 12:1

ฮู๊เนอเรอ, แกแย เด๊อ อา ข่าเฮ๊โล เร๊อ เป่ เป เน๊อ อา เตหยื่อเตแหน่ เออเต๊เห่เนอ, อา โอ่ ตาวาปลูตาวาเผ่ เจ๊อ เน๊อ เป. ฮู๊เนอ อาขว่าอาคยา, เป เก่ วีแก แก เตปว๋า เต๊อเจ่อ เด๊อ อา เม ดู๊แด ตาตือ เป เต๊เห่ เน๊อ เตซื๊อ เด๊อ อา เม โต๊โผ่ แลคื๊อแก เป เออเต๊เห่ โป๋! เร๊อ เป แม๊โหร่ลู อู เด๊อะ เป่ เป ม๊าโบ เด๊อ เปเป๊เส่เง เออ เร๊อ เป เก่ แด่ทูซิปล่อ แกล่แฮเต่อ เด๊อ อา โอ่ เนอ โป๋.

โคโลสี 3:9

เฮ๊เบ่ แลโฮแลแห่ ปา แต่ ลู เตเพร เร๊อ เตเพร่ว แต่เหม่, เมเตเฮ๊เรอ ซี วีแกเฮ๊อ ซี เตโอ่เซอเพร อาเลอ เด๊อ ซี เหล่โกล เมเนอ เต๊เห่เฮ๊อ.

เปโตร อาเหร่อเล๊อ ต๊าบ่า 2:1

ฮู๊เนอเรอ, ซิค๊าซิเถ่ ปา แต่ อู แต่เหม่. ล๋อ เตแลโฮแลแห่, เตจ่าจ๊อจ่าเต, เตซิเคว๊, เตแด๊เหม่อเถ่อโย ซี เต๊เห่เนอ โตเบ่ โอ่ ปาโต่.

โครินธ์ เนอบ่า ต๊าบ่า 12:20

ช๋า แว แฮโตเกอ เด๊อ ซี โอ่ เคปาเนอ, ปาหม่า แว แฮ แม๊เถอะ ดื่อเฮ๊อ ซี เตแด่ซิปล่อสู่เทอ เต๊เห่ เด๊อ อา โค๊ดื่อ เร๊อ ฮู๊ แว ซิหยื่อ แม๊เถอะ เนอเต๊เห่ ปา เฮ๊อ, โทเรอ ซี เก่ แม๊เถอะ ดื่อเฮ๊อ แว เตซิปล่อสู่เทอ เต๊เห่ เด๊อ อา โค๊ดื่อ ฮู๊ ซี ซิหยื่อ แม๊เถอะ แว เนอ ปา เฮ๊อ, แว เบ่รอหนื่ออื่อ ฮู๊เนอ. แว เบ่รอ ดื่อเฮ๊อ เร๊อ ปาหม่า แว แฮแม๊เถอะ ซีกย๊าตางา ลู, ซี ซิเคว๊คยาลู, ซี ซิปล่อดุ สู่เทอทู ลู, ซี โอ่โค๊ลู ตู๊หมู่ เร๊อ ตู๊หมู่, เป๊อเจ่ออิแช๊อู, แด๊เเหมาะเถ่อโย อู, แด่ดุแด่แถ่โล เหน่, เมซู๊ซ๊า ตอปลอแลยอ เต, ฮู๊เนอ เต๊เห่ เฮ๊อ.

โครินธ์ อาเหร่อเล๊อ ต๊าบ่า 3:3

เมเตเฮ๊เรอ ซี โอ่เซอเพร แซ่ ปาแพ๊ เน๊อ แกแย เห่ขุพู๊ เด๊อ อา ครวาลือ เม ปาแพ๊ แลแค ฮู๊ อา เตซิหยื่อซิลอ โอ่ เนอเต๊เห่ แพ๊. ซี ซิเคว๊ เกอเร๊อ เกอลู เตเพร เร๊อ เตเพร, ซีกย๊าตางา เกอเร๊อ เกอลู เนอหม่า อา เด๊อะโลแถ่เฮ๊อ เร๊อ ซี แซ่ ปาแพ๊ เน๊อ แกแย เห่ขุพู๊ เนอเต๊เห่ แพ๊ แวเฮ๊โต่? ซี เมแซ่ ปาแพ๊ เน๊อ แกแย เด๊อ อา หยื่อเอ่ เกออู ครี๊ โต่ เนอเต๊เห่ แพ๊.

มัทธิว 5:22

หม่าแน๊เรอ แว เฮ๊ ซี เน๊อ, แกแย เตเพรเพร เด๊อ อา ซิปล่อดุ อา โคแบ๊ซว๊า เต๊เห่เนอ, อู โตเบ่ เมจากาคยา อา. โท๊โต่ แกแย เตเพรเพร เด๊อ อา เฮ๊ แกแยจอครอ อา โคแบ๊ซว๊า เต๊เห่เนอ, อู โตเบ่ เอ๊จว๊า เมจากาคยา ลู. เด๊อ แกแยยิวพู๊ อา กู่กล๊อดุกู๊ฉู่ทู เต๊เห่ อาเป๊เส่เง. หม่าแน๊เรอ แกแย เตเพรเตเพร เก่ เฮ๊ อู เน๊อ, ‘โอ่เล๊อโอ่กลอ’ ฮู๊เนอ เฮ๊เนอหม่า, อา โต รอ เกอเร๊อ อาเหน่, เมเตเฮ๊เรอ อา แฮโต ผื่อเฮ๊อ เร๊อ หง่าหร่าปอรากยา อากูเฮ๊อ.

ꤊꤢ꤬ꤜꤢ꤬ꤒꤤ 5:15

หม่าแน๊เรอ ซี เก่ แอ๊ ซีเหน่ ฮู๊ เตมีเตแหม่ เร๊อ ซี เก่ เอ่เกอเร๊อ คยาลู เตเพร เร๊อ เตเพร เฮ๊เนอหม่า รอหนิ แลแค ซีเหน่ นี๋, เมเตเฮ๊เรอ ปาหม่า ซี เมปย๊าเมหลู่ เกอเร๊อ ลอคยา ซีเหน่ เตเพร เร๊อ เตเพร เห่.

ꤚꤥꤗꤢꤩ꤬ 13:13

เออโตโพ๊เรอ, เป โอ่เซอเพร แซแร เอ่โอ เกออู ฮู๊ แกแย เด๊อ อา โอ่เซอ เพร เด๊อ เหมาะเชเกล เนอเต๊เห่ โป๋. เม ตอปลอแลยอ ป่วย เบ่เบ่, เอ่มือโอแพร๊ เบ่เบ่, สุ่ยหย่าเทอ อา เตซิหยื่อ มู๊แหม่ เต๊เห่ เบ่เบ่, เตเตเน ปาต๊าเปอเตอ เต๊เห่ เบ่เบ่, เตเตกย๊าตางา ลู เต๊เห่ เบ่เบ่, เตเตเน ซิเคว๊ ลู เต๊เห่ เบ่เบ่, เป เมปาโต่ เฮ๊อ โป๋.

ꤛꤢꤨꤘꤢ꤬ 1:8

แกแย เด๊อ อา แฮโนโห่ เด๊อ ซีเกล เต๊เห่ เนอหม่า อาแซ่เน๊อ เนอเฮ๊อ. เด๊อ เหย่ซี แม๊เถอะลว๊า หนื่ออื่อ เต เต๊เห่ อาขว่าอาคยา, เหย่ซี เมมู๊แหม่ แล เกอ เร๊อ คยาแซ๊ ดื่อ อาเหน่กล่อ เต๊เห่ แพ๊. เหย่ซี เท๊ฉื่อ เตเตอเรอฉว่าชอ เออ เร๊อ อา เป๊อเจ่ออิแช๊ ม๊อขุ เตเน่วพู๊ เด๊อ อาโอ่ เร๊อ อา เตเตอเรอดุเตอเรอทู เนอเต๊เห่.

เปโตร เนอบ่า ต๊าบ่า 2:18

เหย่ซี เฮ๊เบ่ แถ่ม๊อแถ่โผ่ แลแค อา โหง่ เด๊อ อาบุ๊ยเตอเรอ โอ่โต่ เต๊เห่. เหย่ซี จว๊า อิซว๊า อู เร๊อ อู เก่ เมเตตาเร เด๊อ สุ่ยเทอพ๊าหย่า อา เตซิหยื่อ ปาต๊า เต๊เห่. เหย่ซี อี๊หล่า จว๊า ตาพาแก อู เร๊อ แกล๊โตแกล๊เบ่ เต๊เห่. แกแย เด๊อ เหย่ซี อี๊หล่า เต๊เห่เนอ, อา ตื๊อ โอ่โก๊เซ ปาแพ๊ เร๊อ อา เตซื๊อ ฮู๊ เหย่ซี เนอเต๊เห่ เมเนอ แพ๊.

ꤡꤛꤢꤩ꤭ꤗꤢ꤬ꤎꤣ꤬ 2:7

แกแย เด๊อ อา เป๊อเจ่ออิแช๊ ปย๊าลอ ครี๊ มุยตว่ามุยแร๊ เด๊อ อู เด๊อ โทเฮ๊อ ซี เออเนอหมา หม่า เหย่ซี เนอเต๊เห่ เฮ๊อ.

ทิโมธี อาเหร่อเล๊อ ต๊าบ่า 1:20

แกแย เด๊อ อา เตหยื่อเตแหน่ ปย๊าแก ฮู๊เนอเต๊เห่ หม่า หม่าเฮ๊อ คูฮู๊เหม่แน๊ เร๊อ คูอเล็กซานเดอร์ เฮ๊อ. แซ่ฮู๊ อา เก่ ทวา เตอิซว๊า เด๊อ เหย่ซีเง เร๊อ อา เก่ โอ่โก๊แก อา เตเฮ๊เบ่ซื๊อ จอแปแหร่ เนอเต๊เห่ อาเงเนอ, แว เด๊อะตาแก เฮ๊อ เหย่ซี เด๊อ โลเน๊มู๊แหม่รีแจ่ กู่กล๊อ อา กู๊ยากู เฮ๊อ.

ทิโมธี อาเหร่อเล๊อ ต๊าบ่า 1:13

เด๋อ อาเหร่อเค เนอหม่า, แว เฮ๊ มู๊แหม่รีแจ่ เหย่ซู่ครี๊, แว เมจาเมจือ อา, แว เป๊อเจ่ออิแช๊ อา หม่าแน๊เรอ แบ่เจ่ ซิยอเกอเร๊อ แว, เมเตเฮ๊เรอ แว ย๋อ หยื่อเอ่แหน่ แต่เกอล๋ายโต่, เร๊อ แว เมเต เออเต๊เห่เนอ, แว ย๋อ ซิเง ล๋ายโต่ อาขว่าอาคยา, อา ซิยอเกอเร๊อ แว แพ๊.

ꤊꤢ꤬ꤜꤢ꤬ꤒꤤ 5:26

เป เบ่ พย๊าแด่ดุหนิ เปเหน่ โต่. เมซิปล่อดุ เกอเร๊อ แต่ ลู เตเพร เร๊อ เตเพร แต่เหม่. ซิเคว๊ เกอเร๊อ คยาลู เตเพร เร๊อ เตเพร แต่เหม่ นี๋.

ꤊꤢ꤬ꤜꤢ꤬ꤒꤤ 5:20

อา จ๊อเบ แลแค เพรแหย่โยแหย่กี, อา เม แลแค โลเน๊มู๊แหม่รีแจ่ เตเม เต๊เห่, อา ซิเถ่ซิฮา เกอเร๊อ ลู, อา เคร๊แขะ คยาลู, ซิเคว๊ คยาลู, ซิปล่อดุครือ ลู, ซิหยื่อ มุย โลเทอโลเก่, ซิปล่อ โนกู ลู โต่, ซิโตโคแก ครี๊พู๊ ตู๊หมู่ตอกล๊อ เด๊อ อาโร เต๊เห่.

ꤗꤢ꤬ꤊꤢꤨ 7:22

เตลอพา กู๊หว่ากู๊เว เอ่ ดื่ออาเง, เตซิค๊าซิเถ่ อู, แลโฮเอ่อู, เตเม มู๊แหม่รีแจ่, ซิเคว๊หนิอูเต, เป๊อเจ่ออิแช๊อู, แด่ดุอาเหน่, แรเต เรอ เตเน ตาเต โต่.

เตเด๊อะโลแถ่ 16:9

เหย่ซี ข่าเบ่ลอ ต๊อเหมาะ กู่ลว๊าลอ เหย่ซี เร๊อ อา อิซออี๊บ่า แลแค จอแปแหร่ เด๊อ อา เตอเรอฉว่าชอ เร๊อ อา เด๊อะทวาแถ่ เตเซอหร่าเซอดวา เต๊เห่ เออเนอ เตเพร. เหย่ซี ข่าเบ่ เจ๊อ ฮู๊เออ หม่าแน๊เรอ อา ถู่แหล่แด๊แกล่ กาคยา แลแค อาซิปล่อ โต่. โท๊โต่ อา เมลีเมเตเค เกอ แลแค อู จอแปแหร่ โต่โต่.

ꤛꤢꤨꤘꤢ꤬ 1:13

เหย่ซี เต๊เห่เนอ, อาแซ่เน๊อ เทอฮ๊าโฮ๊ ชอ เด๊อ เทอดุซาวา อากูเนอ เต๊เห่ แพ๊. โท๊โต่ เหย่ซี เตเม เด๊อ อา ทวาแถ่ เตซิเตเร เต๊เห่เนอ อา เก่ โอ่โลแถ่ แซ่เน๊อ เทอบ๊อเบ๊ เนอ ปา. เหย่ซี เออเต๊เห่เนอ, อาแซ่เน๊อ เฉ่ เด๊อ อา จว๊าโค๊แก เร๊อ อาแกล๊ เร๊อ อา โอ่ตอ เกอ อา เหล่โอ่โต่ เนอเต๊เห่ เฮ๊อ. จอแปแหร่ ตี๊หรี่แตแร หนื่ออื่อ เป่ เหย่ซี เหล่โอ่ เด๊อ เตคี๊ตือรือ เล๊ออู โต๊โผ่ เร๊อ อา เก่ นอโอ่ เหย่ซี เบ๊อะเนอ ตูจูเพร แตแลเคร๊ ปา.

เปโตร เนอบ่า ต๊าบ่า 2:7

อา เด๊อะ แลเปล๊แก แกแย จ๊อเต เตเพร เด๊อ อามุย เร๊อ เพโลท. เด๊อ แกแยจา เออเต๊เห่ ลือ อาสุ่ยเทอพ๊าหย่า อา เตซิหยื่อซิลอ มู๊แหม่รีแจ่ เต๊เห่ อาขว่าอาคยา, เพโลท ซิปล่อโม ตีกี๋โต่.

เอเฟซัส 4:25

ฮู๊เนอเรอ แลโฮ ปา แต่ อู เตเพร่ว แต่เหม่ นี๋. เฮ๊เบ่จ๊อเฮ๊เบ่เต แลแค อู ปว๋า เตเพร นี๋, เมเตเฮ๊เรอ เป หม่า อาแซ่เน๊อ เหน่กล่อ เตเพรเพร่ว แพ๊ ลู, หม่าแน๊เรอ อาครืออาขรว่า โค๊ลู ฮู๊เนอแพ๊.