โคโลสี 3:5 - ลีเทส่อพ๊าอาเซ เร๊อ เห่ขุทวาลู๊5 ฮู๊เนอ อาขว่าอาคยา, วีแก ซี เตโอ่เซอเพร เลอ อา เตซิหยื่อซิลอ หม่าดื่อ, เตจว๊าซื๊อ เพรเหมาะเพรคู, เตโอ่เซอเพร เด๊อ อา โพ๊แปละอาโพ๊อาแปละ โต่ เต๊เห่, ซิปล่อ ปาต๊าเปอเตอ, เตซิหยื่อซิลอ มู๊แหม่รีแจ่, เน๊อ ซิหยื่อ พย๊าหนิ โอ่เอ๊แถ่ โป่ เตดุแหย่แถ่เซ เต๊เห่. เตซิหยื่อพย๊าหนิ เอ๊แถ่โป่ เตดุแหย่แถ่เซ หม่า อาแซ่เน๊อ จ๊อเบ แหย่โย เฮ๊อ. အခန်းကိုကြည့်ပါ။Eastern Kayah Shadaw Dialect5 ꤟꤢꤨꤔꤣꤧ꤬ ꤢ꤬ꤋꤝꤢ꤬ꤢ꤬ꤋꤛꤢ꤭, ꤠꤤ꤭ꤊꤢꤧ꤭ ꤞꤤ꤭ ꤒꤢꤩ꤬ꤥ꤬ꤞꤣꤧ꤭ꤖꤚꤢꤩ꤬ ꤜꤣꤧ꤬ ꤢ꤬ ꤒꤢꤩ꤬ꤞꤤꤛ꤫ꤢꤦ꤬ꤞꤤꤜꤢꤪ꤭ ꤗ꤫ꤢ꤬ꤘꤢꤦ꤬, ꤒꤢꤩ꤬ꤡꤝꤢꤞꤢꤦ ꤖꤚꤢꤩ꤬ꤗꤢꤪ꤬ꤖꤚꤢꤩ꤬ꤋꤢꤨ꤭, ꤒꤢꤩ꤬ꤥ꤬ꤞꤣꤧ꤭ꤖꤚꤢꤩ꤬ ꤘꤣ ꤢ꤬ ꤕꤜꤤ꤭ꤖꤥ ꤒꤥ꤬ ꤒꤣꤧ꤬ꤟꤢꤩ꤬, ꤞꤤꤕꤜꤢꤪ꤬ ꤕꤣꤧ꤬ꤒꤤ꤭ꤕꤣꤧ꤬ꤒꤢ, ꤒꤢꤩ꤬ꤞꤤꤛ꤫ꤢꤦ꤬ꤞꤤꤜꤢꤪ꤭ ꤗꤢꤨꤗ꤫ꤢꤧ꤬ꤚꤤ꤬ꤡ꤫ꤢꤧ꤬, ꤔꤢꤧ ꤞꤤꤛ꤫ꤢꤦ꤬ ꤔ꤫ꤤ꤬ꤙꤢꤩ꤬ ꤢꤩꤓꤢꤧ꤬ ꤕ꤫ꤥ꤬ ꤒꤢꤩ꤬ꤘꤢꤨ꤬ꤛ꤫ꤢꤧ꤬ꤓꤢꤧ꤬ꤞꤢꤩ꤭ ꤒꤣꤧ꤬ꤟꤢꤩ꤬꤯ ꤒꤢꤩ꤬ꤞꤤꤛ꤫ꤢꤦ꤬ꤔ꤫ꤤ꤬ꤙꤢꤩ꤬ ꤢꤩꤓꤢꤧ꤬ꤕ꤫ꤥ꤬ ꤒꤢꤩ꤬ꤘꤢꤨ꤬ꤛ꤫ꤢꤧ꤬ꤓꤢꤧ꤬ꤞꤢꤩ꤭ ꤗꤢ꤬ ꤢ꤬ꤞꤢꤧꤔꤢꤧ ꤡꤢꤪꤙꤢꤩ꤭ ꤖꤚꤢꤩ꤬ꤛꤥ꤬ ꤟꤣꤧ꤯ အခန်းကိုကြည့်ပါ။ |
โคโลสี 3:5
34 ပူးပေါင်းရင်းမြစ်များ
เด๊อะ แต่ ซี เหน่กล่อ อาครืออาขรว่า เออเนอ เด๊อ เตมู๊แหม่รีแจ่ เก่ นอเอ่ ลู เร๊อ อา โจ๊โกโจ๊เบ เด๊อ เหล่เม เตซื๊อ เต๊เห่ อาเงเนอ แต่เหม่ นี๋. จอแปแหร่ เด๊อะเฮ๊อ เน เตโอ่เซอเพร อาเซ อาขว่าอาคยา, เด๊อะ แลแค ซี เหน่กล่อ อาครืออาขรว่า เออ เต๊เห่ ล๋อปลี เด๊อ จอแปแหร่ อา โอ่ เนอ, เร๊อ ฮู๊ ซี นอเอ่ โจ๊โกโจ๊เบ เนอ, นอเอ่ แลแค ซี เหน่กล่อ ครือขรว่า เออเนอ เด๊อ ซี เหล่เม เตจ๊อเตเต อาเง นี๋.
เบ๊อะเหย่ซี เมซื๊อ เจ๊อ เต เบ๊อะเนอ, อา เตเน ซิเตเร หนิเกอเร๊อ เกอปา เจ๊อ อาเหน่ โต่. เหย่ซี ลือเม ฮู๊ อาเหน่กล่อ พ๊าหย่า อา เตซิหยื่อซิลอ กุย เหย่ซีเนอ, เหย่ซี เด๊อะแลแก อาเหน่กล่อ เด๊อ สุ่ยเทอพ๊าหย่า อา เตซิหยื่อ มู๊แหม่ ปาต๊าเปอเตอ เด๊อ อา เก่ เมลอ ล๋อ เหย่ซี ซิปล่อ อา เหล่เตเน มู๊แหม่รีแจ่ เนอเต๊เห่ เจ๊อ. เร๊อ อา ซิหยื่อ เม เป่แฮ ตื๊อดื่อโป่ แลแค เจ๊อ.
เด๊อ ซี เตก๊อถ่อโอ่แน เม แลแค ฮู๊เนอ อาขว่าอาคยา, แว เก่ แฮ โอ่เล เกอ ซี เออโต๊โผ่ ปาเนอ, ปาหม่า แว แม๊เถอะเบ่ ดื่อ เฮ๊อ เน๊อ เตซิเตเร เด๊อ จอแปแหร่ อา เป๊เส่เง ปา เฮ๊อ แว เตเน ซิอิเช ฮู๊เนอ. เมเตเฮ๊เรอ, เด๊อ อาเหร่อเคเนอ หม่า แกแย เด๊อ อา จว๊าซื๊อ เพรเหมาะเพรคู เต๊เห่, เตเน ปาต๊าเปอเตอ เต๊เห่ เร๊อ อา จว๊าซื๊อ อูพู๊อูเม เต๊เห่เนอ, อา ถู่แหล่แต๊แกละ ล๋าย อาซิปล่อ โต่. ฮู๊เนอเรอ เด๊อ แกแย เออเต๊เห่ อาขว่าอาคยา, แว เก่ โหง่ซื๊อโหง่เบ่ เจ๊อ เด๊อ เหย่ซีเง ปา เจ๊อกอ แว เบ่รอ ฮู๊เนอ.
หม่าแน๊เรอ แกแย เด๊อ อา โต๊โหร่ เต๊เห่, แกแย เด๊อ อาจ๊อ เร๊อ อา เตหยื่อเตแหน่ โต่ เต๊เห่, แกแย เด๊อ อาซิปล่อ มู๊แหม่ เต๊เห่, แกแย เด๊อ อา เมเซอ แกแย เต๊เห่, แกแย เด๊อ อา จว๊าซื๊อ เพรเหมาะเพรคู เต๊เห่, แกแย เด๊อ อา ทวา โลเน๊มู๊แหม่รีแจ่ ซ๊าร๊า เอ่อูแหย่โย เต๊เห่, แกแย เด๊อ อา จ๊อเบ เตแหย่โย เต๊เห่, เร๊อ แกแย เด๊อ อา แลโฮ อู เต๊เห่เนอ อาเหล่โอ่เหล่แบ่ หม่าเฮ๊อ หมิเผ่ เด๊อ อา หม่า เตเซอ เนอโพ๊โตโพ๊ เด๊อ อู ชื๊ออือ อา เร๊อ หย่าซู๊แบ เออเต๊เผ่ เนอ เฮ๊อ.”
หม่าแน๊เรอ แว แม๊เถอะ เหล่โกล เมโป๊เนอ เตซื๊อ เด๊อ อาโร เต๊อเจ่อ เด๊อ อา นอเม แว เหน่กล่อ อาครืออาขรว่า เออเต๊เห่ เร๊อ เตมู๊แหม่รีแจ่ เต๊เห่. เหล่โกล เมโป๊เนอ เตซื๊อ เออเนอ. อาช๊าอาปา เร๊อ แว ซิปล่อ เด๊อ อา ซิหยื่อเม เตแร๊ เออเนอ เตซื๊อ อาเหล่โกล เมโป๊เนอ เออเนอ, อา ช๊าเป่แก ลู เร๊อ อา นอทวาแก แว เร๊อ เตซื๊อ เด๊อ อาเหล่โกล เมโป๊เนอ เออเนอ อาหลู่เล๊ เฮ๊อ. เร๊อ เตซื๊อ เด๊อ อาเหล่โกล เมโป๊เนอ เด๊อ เออเนอ อา โอ่ เด๊อ แว เหน่กล่อ ครือขรว่า เต๊เห่ อากู.
“เหล่เอ่ หม่า ฮ๊อกู อาเง, ฮ๊อกู หม่า เหล่เอ่ อาเง,” แกแย เต๊เห่เห่ เก่ เฮ๊ ฮู๊เนอ. หม่าแหน่ว๊า, หม่าแน๊เรอ เออเนอเจ่อเนอ จอแปแหร่ เก่ เมปย๊าแก ลอ ปา. เหน่กล่อ เออ. หม่า เหล่นอเอ่ เร๊อ เตปาต๊าเปอเตอ อาเง หม่าโต่. หม่าดื่อ เหล่นอเอ่ เร๊อ แบ่เจ่ อา เตซิหยื่อ นอเม เป เต๊เห่ อาเง แพ๊. เด๊อ แบ่เจ่ เออ อาขว่าอาคยาเร๊อ, ช๋า ช๊าโหน่ปา อา เก่ เม ก๊อถ่อกาคยา คยาแซ๊ เป เหน่กล่อ เออเนอ ปา.
ล๋อ แกแย เด๊อ อา โอ่ เฮ๊อ เร๊อหี่เร๊อเพร๊ เต๊เห่ อาเงเกอลาติ เนอ, เด๊อ อา โอ่ เฮ๊อ เน๊อ อาพู๊อาเม เออ อาขว่าอาคยา, อา เบ่ แด่ดุหยื่อแหน่ เกอเร๊อ แลแค อา โอ่ เฮ๊อ เน๊อ หี่เร๊อเพร๊ เออเนอ. เม เร๊อ เว เนอ เบ่ กะหนิ ลูขุ โต่, แด่จ๊อ เร๊อ ลู เตเพร เร๊อ เตเพร. แกแย เด๊อ อาซิปล่อ ปาต๊า มู๊แหม่ เนอเต๊เห่ เน๊อ แกแย เด๊อ อา จว๊าซื๊อ อูพู๊อูเม เต๊เห่เนอ, จอแปแหร่ เก่ เมจากาคยา เหย่ซี ปา.
เด๊อ ซีเกล เต๊เห่เห่ เนอ, เด๊อ เนอเค หม่า อา ทวา โทเฮ๊อ แกแยจา แกแยมู๊แหม่ แซ่เน๊อ เนอเฮ๊อ หม่าแน๊เรอ จอแปแหร่ ซู๊ปลีแก โทเฮ๊อ ซี เตซื๊อ เฮ๊อ. เร๊อ กู๊แหน่เออ ซี ทวา เฮ๊อ จอแปแหร่ อาเต เฮ๊อ. เด๊อ แบ่เจ่ เหย่ซู่ครี๊ เร๊อ จอแปแหร่ อา แหย่โยบูโพ๊ อาขว่าอาคยาเร๊อ, กู๊แหน่เออ, จอแปแหร่ แด่เฮ๊อ ซี ฮู๊ แกแยจ๊อแกแยเต เต๊เห่เนอ เฮ๊อ.
ကြော်ငြာတွေ