โคโลสี 3:24 - ลีเทส่อพ๊าอาเซ เร๊อ เห่ขุทวาลู๊

²⁴ เมแร๊ แลแค ซี เตเม นี๋, เมเตเฮ๊เรอ ซี ซิเง เร๊อ แบ่เจ่ เก่ เด๊อ ซี อู่เจเต๊เหย่ ฮู๊ ซี เมเนอ ปา. แบ่เจ่ เด๊อ ซี เม เป่ ลู เออเตเพร เนอหม่า แบ่เจ่ ครี๊ เออเนอเฮ๊อ.

Eastern Kayah Shadaw Dialect

²⁴ ꤗꤢꤩ꤬ꤚꤢꤧ ꤜꤢ꤭ꤋꤢꤧ꤭ ꤞꤤ꤭ ꤒꤢꤩ꤬ꤗꤢꤩ꤬ ꤔꤤ꤮, ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤞꤤ꤭ ꤞꤤꤑꤢꤩ꤭ ꤔꤢꤧ ꤙꤢꤧ꤬ꤡꤢꤩ꤬ ꤊ꤫ꤢꤦ꤬ ꤘꤣꤧ ꤞꤤ꤭ ꤢꤨ꤬ꤡꤢꤩ꤭ꤒꤣꤧ꤬ꤛ꤫ꤢꤩ꤬ ꤟꤢꤨ ꤞꤤ꤭ ꤗꤢꤩ꤬ꤔꤣꤧ꤬ ꤕꤢ꤭꤯ ꤙꤢꤧ꤬ꤡꤢꤩ꤬ ꤘꤣ ꤞꤤ꤭ ꤗꤢꤩ꤬ ꤕ꤫ꤢꤩ꤬ ꤜꤢꤨ꤭ ꤣꤧ꤭ꤒꤣ꤬ꤖꤚꤢꤩ꤬ ꤔꤣꤧ꤬ꤗꤢ꤬ ꤙꤢꤧ꤬ꤡꤢꤩ꤬ ꤋꤚꤤ ꤣꤧ꤭ꤔꤣꤧ꤬ꤟꤣꤧ꤯

โคโลสี 3:24 ပူးပေါင်းရင်းမြစ်များ

เอเฟซัส 6:8

เมเตเฮ๊เรอ ซี ซิเงเฮ๊อ เน๊อ, แกแย ทวาหลู่ เต๊เห่ เบ่เบ่, แกแย โอ่ปาลา เต๊เห่ เบ่เบ่, เก่ อา เม เตแร๊ เฮ๊เรอ จอแปแหร่ เก่ เด๊อ อา เตเมหนิคว๊าเก่ ปา.

ꤜꤢꤨꤊꤢ꤬ 14:14

เร๊อ เน เก่ เอ๊เอ่ แกแย ฮู๊เออ เต๊เห่ เฮ๊เนอ, เน เก่ พย๊าหนิ เตเด๊อะบุ๊ยเด๊อะเตอเรอปา, เมเตเฮ๊เรอ เหย่ซี เอ๊เอ่ กาคยาฉื่อเบ๊ เกอ เน เตอเจ๋อ โต่. เบ๊อะแกแยจ๊อเต เต๊เห่ ก๊อถ่อเซอเพร กาคยา เด๊อ เตเซอ เบ๊อะเนอ ปาเนอ, จอแปแหร่ เก่ เด๊อะคยา เน เตบุ๊ยเตเตอเรอ ปา.”

ꤊꤢ꤬ꤜꤢ꤬ꤒꤤ 1:10

แว เฮ๊ ฮู๊เออ เนอหม่า อาแซ่เน๊อ แว แอ๊จื๊อ ครวาลือ เกอ แกแยเห่ขุพู๊ อาซิปล่อ ฮู๊เนอ แอ? แว ซิหยื่อ ครวาลือ เกอ แกแยเห่ขุพู๊ อาซิปล่อ ฮู๊เนอ หม่าโต่. แว ซิหยื่อ ครวาลือเกอ ฮู๊ จอแปแหร่ อาซิปล่อ เนอแพ๊. แว เก่ แอ๊จื๊อ ครวาลือ เมโม ตื๊อดื่อปา แพ๊ แกแยเห่ขุพู๊ เต๊เห่ อาซิปล่อ แพ๊ เฮ๊เนอหม่า, แว หม่า ครี๊ อาหลู่ เตเพร หม่าโต่.

โครินธ์ อาเหร่อเล๊อ ต๊าบ่า 7:22

เมเตเฮ๊เร๊อ เน ทวา หลู่ หม่าแน๊เรอ, เบ๊อะเน หยื่อเอ่เฮ๊อ แบ่เจ่ เหย่ซู่ เบ๊อะเนอ, อา แด่เฮ๊อ เน ฮู๊ แกแย เตเพร เด๊อ อา หนิ เฮ๊อ เตปาลา เนอ เฮ๊อ. ฮู๊เนอเฮ๊อ แกแย เด๊อ อา ทวาน๊อ หลู่ โต่ เตเพรเนอ, เบ๊อะอา หยื่อเอ่เฮ๊อ แบ่เจ่ เหย่ซู่ครี๊ เบ๊อะเนอ, อา ทวาเฮ๊อ แบ่เจ่ เหย่ซู่ครี๊ อาหลู่ เฮ๊อ.

เพรโด่แนพู๊ เต๊เห่ 20:32

“กู๊แหน่เออ, แว เด๊อะตาแก ซี เด๊อ จอแปแหร่ อา เตแม๊เตตู่ อากู เร๊อ อาบุ๊ยดุอาเตอเรอทู อา เตหรี่เตแก เออเนอ อากู เฮ๊อ. อา เตหรี่เตแก เออเนอ อา เมดุแถ่ทูแถ่ แจ่ ซี เร๊อ อา เก่ เด๊อะ ซี อู่เจเต๊เหย่ เด๊อ อา เบ่ดว๊า หนื่ออื่อ เป่ เร๊อ อา แกแยหยื่อเอ่ ล๋อ ปลี เออเต๊เห่ อาเง เนอ ปา.

ꤟꤤꤙꤚꤢꤨ 11:6

เตหยื่อ เก่ โอ่โต่ เนอ, เตเพร่ว หม่า อู เมโตเบ๊ จอแปแหร่ อาซิปล่อ โต่, เมเตเฮ๊เรอ, ล๋อ แกแย เด๊อ อา แฮ เด๊อ จอแปแหร่ อา โอ่ เต๊เห่เนอ, อา เบ่ หยื่อเอ่ เน๊อ จอแปแหร่ เนอ อา โอ่เซอเพร. เร๊อ แกแย เด๊อ อา ซิปล่อฉว่า แม๊ปู ลู เต๊เห่เนอ, อา เบ่ หยื่อเอ่ เร๊อ จอแปแหร่ เก่ เด๊อ เหย่ซี เตเมหนิคว๊าเก่ ปา ฮู๊เนอ.

ꤟꤤꤙꤚꤢꤨ 10:35

ฮู๊เนอเรอ แด่ฉว่า แลแค ซี ซิปล่อ. ซี เก่ พย๊าหนิ เตเมหนิคว๊าเก่ เด๊อ อาดุอาแย เต๊เห่ ปา.

เอเฟซัส 6:6

แซ่ฮู๊ อา เก่ ถู่เซ๊หนิ ซี เร๊อ ซี หนิดา แพ๊ เหย่ซีโหง่ ตื๊อแพ๊ เบ๊อะอา โอ่ป่อแม๊ ซี เบ๊อะเนอ แต่เหม่ นี๋. เมเตเฮ๊เรอ ซี หม่า ครี๊ อาหลู่ เต๊เห่ อาขว่าอาคยา, เม ลอซิปล่อ เชเม เป่ เหย่ซี ฮู๊ จอแปแหร่ ซิหยื่อ นอเม ซี เนอ นี๋.

มัทธิว 5:46

ซี เก่ โมหนิเกอเร๊อ ตื้อแพ๊ แกแย เด๊อ อา โมหนิเกอเร๊อ ซี เนอเต๊เห่ แพ๊ เก่เฮ๊เรอ จอแปแหร่ เด๊อะ ซี คว๊าเก่โต่. เก่ เมแพ๊ ฮู๊เนอ เก่เฮ๊เรอ เพรกุยอาหมู่อาร๊า เต๊เห๋ หม่า อา เมแจ่ แพ๊แพ๊.

มัทธิว 5:12

ซิครือซิลอ แลแค, ซิกอล๊อแกแน แลแค นี๋, เมเตเฮ๊เรอ ซี เตเมหนิคว๊าเก่ เด๊อ ม๊อขุ เนอ อาดุ แหน่ แหน่ เจ๊อ เพรโพร เด๋อ หนู่เค เต๊เห่เนอ อู เมจาเมจือ โทเฮ๊อ เหย่ซี ฮู๊เนอเฮ๊อ.”

ꤛꤢꤨꤘꤢ꤬ 1:1

แว หม่า คูยากอบ อาโป่ คูยูดาส, โท๊โต่ แว หม่า เหย่ซู่ครี๊ อาหลู่ เตเพร. แว ซิหยื่อ ราจว๊าเป่ แกแย เด๊อ เพ จอแปแหร่ เอ๊ เหย่ซี เร๊อ อา โม เกอเร๊อ เหย่ซี. โท๊โต่ เหย่ซู่ครี๊ โอ่ป่อ โฮ๊บี๊เตเก เกอเร๊อ เหย่ซี เนอเต๊เห่ อา โอ่.

เปโตร เนอบ่า ต๊าบ่า 1:1

เป จอแปแหร่ เร๊อ เพรเมแลเปล๊กา เป แบ่เจ่ เหย่ซู่ครี๊ เออเตเพร อา เตจ๊อเตเต อาขว่าอาคยา, ซี หม่า แกแย เต๊เห่ เด๊อ อา พย๊าหนิ เกอดื่อเฮ๊อ เตหยื่อเตแหน่ เด๊อ อาแซ่เน๊อ เป เออเต๊เห่ เฮ๊อ. เร๊อ แว ราจว๊าเป่ ซี ลีเออ. แว หม่า คูซีโมน เปโตร, เร๊อ แว ทวาดื่อ เหย่ซู่ครี๊ อาหลู่ เร๊อ อา เพรโด่แน เตเพร.

โคโลสี 2:18

แกแย เด๊อ อา นอฉว่า ซี เน๊อ ซี เบ่ แด่หยว่า ซี ซิปล่อ เร๊อ อา นอจ๊อเบแถ่ เกอ ซี เน๊อ ม๊อขุเตเน่วพู๊ เต๊เห่ ฮู๊ เหย่ซี จ๊อเบแถ่ เออเนอ เต๊เห่เนอ, ครวาเม เกอ แต่ เหย่ซี แต่เหม่ นี๋. ซี เก่ ครวาเกอ เหย่ซี อาเตอิซว๊าอี๊แส่ เต๊เห่ เฮ๊เนอหม่า, เตเมหนิคว๊าเก่ เด๊อ จอแปแหร่ อ๊อแล โทเฮ๊อ ซี เน๊อ อา เก่ เด๊อ ซี เนอเต๊เห่ ปาเนอ, ซี พย๊าหนิ ปา โต่. แกแย ฮู๊เนอเต๊เห่ หม่า อา เฮ๊ หนิเกอเร๊อ แลแค เจ๊อ อาเหน่ เน๊อ เป แม๊เถอะ เตแม๊ลว๊า เด๊อ จอแปแหร่ อา โอ่ อาขว่าอาคยา, เป พย๊าหนิ โค๊ดื่อ เตซิคว๊าซิเง เด๊อ จอแปแหร่ อา โอ่, อา เฮ๊ แลแค ฮู๊เนอ. เหย่ซี พย๊าแถ่โล หนิเกอเร๊อ แหน่เจ๊อ อา เหล่เตเน เออเต๊เห่ เน๊อ อา เตแด๊เล๊อแด๊กลอ เออเนอเต๊เห่ เจ๊อ.

โครินธ์ อาเหร่อเล๊อ ต๊าบ่า 3:8

เพร เด๊อ อา โหล่ตา เตกลุย เออ เร๊อ เพร เด๊อ อา ยือเทอ เออ ซิเนอ ลอ เนอ, อา เตเตเน แม๊ชือ หนื่ออื่อ เต๊เห่ เนอหม่า อา แซ่ลู แพ๊, อาดุเล๊อ ลู โต่. ฮู๊ เหย่ซี เตเพร เร๊อ เตเพร แอ๊จื๊อแอ๊เหร่ เมโทเฮ๊อ เตเต๊เห่เนอ, จอแปแหร่ เก่ เด๊อะ เหย่ซี เตแร หนิคว๊าเก่ ปา.

ꤜꤢꤨꤊꤢ꤬ 6:35

โตเบ่ เมหนิ ฮู๊เนอ โต่! โมหนิเรอ แกแย เด๊อ อา ซิเถ่ ซี เนอเต๊เห่ เร๊อ เมแร๊ เหย่ซี เนอ, เด๊อะบ่อ เต เร๊อ แม๊ชือ พย๊าหนิ กาคยา เต เตเต๊อเจ๋อ แต่เหม่. ซี เก่ เมฮู๊เนอ เฮ๊เรอ จอแปแหร่ เก่ เด๊อะบุ๊ยเด๊อะเตอเรอ ตาป่อตาเป เจ๊อ ซี ปา. ซี เก่ เด๊อะบ่อ อู เร๊อ ซี เก่ แม๊ชือ พย๊าหนิ กาคยา คยาแซ๊ เต เตอเจ๋อ โต่ เฮ๊เนอหม่า, อู เก่ แม๊เถอะ ซี เร๊อ เตดุเตทูตื๊อดื่อ จอแปแหร่ อาพู๊ ซีเต๊เห่ ปา. เมเตเฮ๊เรอ จอแปแหร่ เมแร๊ฉื่อ แกแย เด๊อ อา ซิเง ฉื่อ เกอ อูบุ๊ยอูเตอเรอ โต่ เนอเต๊เห่ เร๊อ แกแย เด๊อ อาจาอาจือตื๊อดื่อ ดื่อเง เนอเต๊เห่.

มัทธิว 6:16

“เบ๊อะซี โด่เอ่เฉ่ เบ๊อะเนอ, แอ๊โน๊ แอ๊กา แต่ ซีเป๊เส่ ฮู๊ แกแย จ่าจ๊อจ่าเต อาเหน่ เนอเต๊เห่ แต่เหม่ นี๋. แซ่ฮู๊ อู เก่ ซิเง เร๊อ เหย่ซี โด่เอ่เฉ่ เนอเรอ อา แอ๊โน๊ แอ๊กา อาเป๊เส่. แว เฮ๊จ๊อจ๊อ ซี, เด๊อ อู ถู่เซ๊ เหย่ซี อาขว่าอาคยา, เหย่ซี พย๊าหนิ เล๊อบา ลอเฮ๊อ อาคว๊าอาเก่เออ เฮ๊อ. คว๊าเก่ เด๊อ อาโร เนอ อา พย๊าหนิ ปาโต่เฮ๊อ.

มัทธิว 6:5

“เร๊อ เบ๊อะซี กุยจ๊อเบ เบ๊อะเนอ, เม แต่ ฮู๊ แกแย เกล จ่าจ๊อจ่าเต อาเหน่ เต๊เห่ แต่เหม่, เมเตเฮ๊เรอ, แซ่ฮู๊ อู เก่ แม๊เถอะ เหย่ซี เนอ, เหย่ซี ซิหยื่อ โอ่ ก๊อถ่อ กุยจ๊อเบ แลแค เด๊อ ยูดาห์ เตจ๊อเบโฮกู เน๊อ แกล๊ ทือแกล๊เด ฮู๊เนอ. แว เฮ๊จ๊อจ๊อ ซี, เหย่ซี พย๊าหนิ เล๊อบา โท ลอเฮ๊อ เตเมหนิคว๊าเก่ เต๊เห่เฮ๊อ.

เห่ขุทวาลู่ 15:1

เบ๊อะ คูอับราม เมแลเปล๊ หนิแก คูโลท โทเนอ, อา แม๊เถอะลว๊า เต เต๊อเจ่อ เร๊อ จอแปแหร่ ตูจูเพร เฮ๊เบ่ตา ลู เน๊อ, “เก๋อ คูอับราม, ซิอิเช แต่ เตอเจ๋อ แต่เหม่ นี๋. แว เก่ ตอกอเตเก เร๊อดื่อ เน ปา, โท๊โต่ แว เก่ เด๊อะโป่ เน เตเมหนิ คว๊าเก่ เด๊อ อาแร๊ดุเล๊อ เออเนอ ปา.”

ꤚꤥꤗꤢꤩ꤬ 14:18

แกแย เด๊อ อา โอ่เซอเพร ครวาเกอ ฮู๊เนอ เต๊เห่, เร๊อ อา เม ครี๊ อา เตเอ่เตแร เต๊เห่เนอ, จอแปแหร่ เบ่เบ่ แกแยเห่ขุพู๊ เบ่เบ่ อาซิปล่อ โอ่หนิ เฮ๊อ ลู เฮ๊อ.

ꤚꤥꤗꤢꤩ꤬ 1:1

แว หม่า คูเปาโล. แว ราจว๊าเป่ ซี ลี เออต๊าบ่า. แว หม่า เหย่ซู่ครี๊ อาหลู่ เตเพร อา เอ๊ แว เร๊อ แว เก่ ทวาแถ่ เพรโด่แนพู๊ เต๊เห่ เตเพร. โทเรอ อา นว๊าแถ่ แว เร๊อ แว เก่ แด๊โฉ่โด่แน เป่ อู เร๊อ จอแปแหร่ อา เตซิครือมีลา.

ꤛꤥ꤭ꤟꤢ꤬ 12:26

อูเปเป๋ เบ่เบ่, เด๊อ อา ทวา แว หลู่เล๊ เนอ, อา เบ่ครวา เกอ แว. ตื๊อหม่า, แว โอ่เบ๊อะเต๋ โต๊โผ่ เบ่เบ่, อา เก่ โอ่เกอ เบ๊อะเนอ ปา. แวเพ เก่ แด่ดุแด่ทู แกแย เด๊อ อา ทวา แว หลู่เล๊ เนอเตเพร ปา.

มัทธิว 10:41

แกแย เตเพรเพร ย๋อ ทวา จอแปแหร่ อาเพรโพร เร๊อ แกแย เตเพรเพร เก่ เอ๊โมฉื่อ เพรโพร เออเตเพรเนอ, จอแปแหร่ เก่ เด๊อะ อา เตเมหนิคว๊าเก่ ฮู๊ อา เด๊อะ เพรโพร เต๊เห่เนอ ปา. แกแย เตเพรเพร ย๋อ ทวา แกแยจ๊อแกแยเต เร๊อ แกแยเตเพรเพร เก่ เอ๊โมฉื่อ แกแยจ๊อแกแยเต เออ เตเพร เฮ๊เนอ จอแปแหร่ เก่ เด๊อะ อา เตเมหนิคว๊าเก่ ฮู๊ อา เด๊อะ แกแยจ๊อแกแยเต เต๊เห่เนอ ปา.

ꤟꤤꤙꤚꤢꤨ 9:15

เด๊อ เตหรี่เตแก เออ อาขว่าอาคยา, เตเด๊อะบุ๊ยเด๊อะเตอเรอ ตูจูเพร เด๊อ จอแปแหร่ อ๊อแลแก เป่ โทเฮ๊อ แกแย เด๊อ อา เอ๊ ลู เต๊เห่ เก่ หนิเบ่ปา อาเงเนอ, ครี๊ พย๊าแฮหนิ เป่ เฮ๊อ จอแปแหร่ อาแกแย เต๊เห่ เตอ๊อแล อาเซ. เออเต๊อเจ่อ เด๊อ จอแปแหร่ อา โอ่ เฮ๊อ. แซ่ฮู๊ ครี๊ เก่ อี๊ถ่ากา เร๊อ ปลวาเถ่ ปาลา จว๊าแก แกแย โอ่ เด๊อ เตอ๊อแล อาเลอ อาเล เนอเต๊เห่ อาเงเนอ, อา เบ่ ข่าเซอแก อาซิปล่อ. เด๊อ อา ข่าเซอ อาซิปล่อ อาขว่าอาคยา, เหย่ซี พย๊าหนิ เบ๊เกอเฮ๊อ อู่เจเต๊เหย่, อา เตเด๊อะบุ๊ยเด๊อะเตอเรอ ตูจูเพร เด๊อ จอแปแหร่ อ๊อแล โทเฮ๊อ เออเต๊เห่เนอ เฮ๊อ.

โครินธ์ อาเหร่อเล๊อ ต๊าบ่า 11:23

เมเตเฮ๊เรอ, เต เด๊อ ซี เม เต๊เห่เนอ, อาแซ่เน๊อ ฮู๊ แบ่เจ่ เหย่ซู่ อิซว๊าแก เป่ แว เนอเต๊เห่ โต่. เต เด๊อ อา อิซว๊าแก เป่ แว เต๊เห่เนอหม่า, แว อิซว๊า เป่ เกอ ลอ โทเฮ๊อ ซี เฮ๊อ. แว อิซว๊า เป่ ซี เนอ, เบ๊อะอู อิเชตาแก เฮ๊อ แบ่เจ่ เหย่ซู่ เนอเตเฮ๊ เบ๊อะเนอ, อา พย๊าแถ่ ค๊อมู,

เปโตร อาเหร่อเล๊อ ต๊าบ่า 1:4

เด๊อ อา เด๊อะตา เฮ๊อ เป เตเซอเพร อาเซ อาขว่าอาคยา, จอแปแหร่ แด่ หนื่ออื่อ เป่ ซี อู่เจเต๊เหย่ เด๊อ อา ปย๊าแจ่โต่, อา ซอแจ่โต่, อาโน๊อากา แจโต่ เออเต๊เห่ เด๊อ ม๊อขุ เนอ เฮ๊อ.