โคโลสี 3:17 - ลีเทส่อพ๊าอาเซ เร๊อ เห่ขุทวาลู๊

¹⁷ ซี เฮ๊เบ่ เบ่เบ่, ซี เมเต อิเตเต๋ เบ่เบ่, แม๊ แบ่เจ่ เหย่ซู่ครี๊ อาเป๊เส่ เร๊อ เม แลแค นี๋. เด๊อ แบ่เจ่ เหย่ซู่ครี๊ อาขว่าอาคยา, เร๊อ เฮ๊บุ๊ยเฮ๊เตอเรอ ถู่เซ๊แถ่ แลแค จอแปแหร่ นี๋.

Eastern Kayah Shadaw Dialect

¹⁷ ꤞꤤ꤭ ꤟꤢꤩꤙꤢꤩ꤬ ꤙꤢꤩ꤬ꤙꤢꤩ꤬, ꤞꤤ꤭ ꤗꤢꤩ꤬ꤒꤢꤩ꤬ ꤤ꤭ꤒꤢꤩ꤭ꤒꤢꤩ꤭꤮ ꤙꤢꤩ꤬ꤙꤢꤩ꤬, ꤗꤢꤧ ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨꤋꤚꤤ ꤢ꤬ꤕꤣꤧꤞꤢꤩ꤬ ꤚꤣꤧ꤬ ꤗꤢꤩ꤬ ꤜꤢ꤭ꤋꤢꤧ꤭ ꤔꤤ꤮꤯ ꤘꤣ ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨꤋꤚꤤ ꤢ꤬ꤋꤝꤢ꤬ꤢ꤬ꤋꤛꤢ꤭ꤚꤣꤧ꤬ ꤟꤢꤩꤙꤝꤤꤟꤢꤩꤒꤣꤧ꤬ꤚꤣꤧ꤭ ꤓꤢꤨ꤬ꤞꤢꤩꤓꤢꤧ꤬ ꤜꤢ꤭ꤋꤢꤧ꤭ ꤡꤢꤪꤗꤣꤧ꤬ꤚꤢꤧ꤬ ꤔꤤ꤮꤯

โคโลสี 3:17 ပူးပေါင်းရင်းမြစ်များ

โครินธ์ อาเหร่อเล๊อ ต๊าบ่า 10:31

ฮู๊เนอเรอ, แว เก่ เฮ๊ฉื่อโปล เป่ เหย่ซี เนอ, ซี เม อิเตเต๋ เบ่เบ่, ซีเอ่ซีโอ อิเตเต๋ เบ่เบ่, เม เด๊อ อู เก่ ถู่เซ๊แถ่ แลแค จอแปแหร่ อาเง เนอ.

โคโลสี 3:23

ซี เม เต อิเตเต๋ เบ่เบ่, แด่ แลแค ซี ซิปล่อ ฮู๊ ซี เม แบ่เจ่ อาเตเม เนอ, เร๊อ เม ฉาเผร่ฉาอ่อ แลแค. เตเน แลแค แต่ ฮู๊ ซี เม เป่ แกแย อาเตเม เนอ แต่เหม่ นี๋.

เอเฟซัส 5:20

อิเตเต๋ อาเง เบ่เบ่, เด๊อ เป แบ่เจ่ เหย่ซู่ครี๊ อามุย อาขว่าอาคยา, ตูรู๊ เฮ๊บุ๊ยเฮ๊เตอเรอ เปเพ จอแปแหร่ ปว๋า โตโพ๊ นี๋.

เปโตร อาเหร่อเล๊อ ต๊าบ่า 4:11

อูเปเป๋ เบ่เบ่, อา เก่ แด๊โฉ่โด่แน เป่ อู เฮ๊เนอ, อา เบ่ แด๊โฉ่โด่แน เป่ อู ฮู๊ จอแปแหร่ เฮ๊เบ่ อู เร๊อ อา นอแด๊โฉ่โด่แน แฮเง เร๊อ เนเนอ. เร๊อ อู เปเป๋ เบ่เบ่ เด๊อ อา เก่ เมหลู่เล๊ เตเม เฮ๊เนอ, อา โตเบ่ เม เร๊อ อ๊าเหร่ เด๊อ จอแปแหร่ เด๊อะตา ลู เนอเต๊เห่. เก่ เมฮู๊เนอ เฮ๊เรอ, เด๊อ เหย่ซู่ครี๊ อาขว่าอาคยา, อู เก่ ถู่เซ๊แถ่ จอแปแหร่ เร๊อ ล๋อ เต เด๊อ ซี เม เออเต๊เห่ อาขว่าอาคยา ปา. จอแปแหร่ เก่ พย๊า หนิดื่อ เตเตอเรอดุ เตอเรอทู เร๊อ เตโพรเตเตอเรอ ตูจูเพร แตแลเคร๊ นี๋. อาเมน.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 5:18

อา ทวาแถ่ ฮู๊เตเต๋ เบ่เบ่, ตูรู๊ เฮ๊บุ๊ยเฮ๊เตอเรอ แลแค จอแปแหร่ ปว๋า โตโพ๊ นี๋. เมเตเฮ๊เรอ, เด๊อเหย่ซู่ครี๊ อาขว่าอาคยา, จอแปแหร่ ซิปล่อโอ่ เด๊อ ซี โต เม ฮู๊เนอ.

เปโตร อาเหร่อเล๊อ ต๊าบ่า 2:5

ซี เออเต๊เห่เนอ อา แซ่ เกอดื่อเฮ๊อ เร๊อ หล่อเซอเพร เต๊เห่ เฮ๊อ. จอแปแหร่ นอเอ่ หล่อ เด๊อ อา หม่าเฮ๊อ ซีเออ เร๊อ อา เก่ ช๊อแถ่ หี่ เด๊อ แหย่โย ตากยา เตเม. ซี เก่ แรเต เด๊อ หี่กู เออเนอ แซ่เน๊อ เพรหลู่แต บูโพ๊ เต๊เห่เนอ ปา. โท๊โต่ ซี เก่ หลู่แถ่ เตหลู่ เด๊อ จอแปแหร่ อา โอ่ เด๊อซิซิเง จอแปแหร่ ตากยา เต๊เห่ ปา. เด๊อ เหย่ซู่ครี๊ อาขว่าอาคยาเร๊อ, จอแปแหร่ เก่ พย๊าฉื่อ ซี เตหลู่ เออ เต๊เห่ ปา.

ꤟꤤꤙꤚꤢꤨ 13:15

ฮู๊เนอเรอ, เด๊อ เป แบ่เจ่ เหย่ซู่ครี๊ อา เตเมจว่า เป อาขว่าอาคยา, เป เก่ หลู่แถ่ เป เตถู่เซ๊แถ่ อา เตหลู่แตเออ เด๊อ จอแปแหร่ อา โอ่ ปว๋า โตโพ๊ เด๊อ อา หม่าเฮ๊อ เหย่ซู่ หม่า เป แบ่เจ่, เป อ๊อแล ฮู๊เออ เนอ โป๋.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 3:18

แวพู๊แวเลอ ซี๋, เป เตโม เออเนอ นอพราเถ่ แต่ ตื๊อแพ๊ เด๊อ ซี กู๊อู่กู๊เผ่ลู เนอ แต่เหม่ นี๋. ซี โตเบ่ เมจว่า หม่าแหน่ อู ฮู๊ จอแปแหร่ โม หม่าแหน่ เป เนอ.

เปโตร อาเหร่อเล๊อ ต๊าบ่า 2:9

หม่าแน๊เรอ ซี หม่าเมวเจอะ เต๊อเจ่อ เด๊อ จอแปแหร่ นว๊าแถ่ อา, เพรหลู่แตเต เด๊อ อาแซ่เน๊อ คุ๊ย เต๊เห่, เมวเจอะ เด๊อ อา บูโพ๊, โท๊โต่ จอแปแหร่ อาแกแย เร๊อดื่อ เจ๊อ เต๊เห่ เฮ๊อ. แซ่ฮู๊ ซี เก่ แด๊โฉ่โล จอแปแหร่ อา เตเมแร๊ โค๊ดื่อ เต๊เห่ อาเงเนอ, จอแปแหร่ นว๊าแถ่ ซี เฮ๊อ. จอแปแหร่ เอ๊เถ่แก ซี เด๊อ เตคี๊ อาเล เร๊อ อา ซูโน ซี เด๊อ อา เตลีเตเค โม อากู เฮ๊อ.

เพรโด่แนพู๊ เต๊เห่ 4:30

เด๊อะโล เน เตโพรเตเตอเรอ เด๊อ อา เก่ แหย่โอ่เหม่ อู อาเง, เร๊อ เตเม อาโค๊ตีกลี๊ เต๊เห่ เร๊อ เตเม ตาปาคย๊ายื๊อ เต๊เห่, เร๊อ เด๊อ เน หลู่เล๊บูโพ๊ แบ่เจ่เหย่ซู่ เออเตเพร อามุยคยา เร๊อ นอโอ่โลแถ่ ดื่อ เตเออเต๊เห่ นี๋.”

ฟีลิปปี 1:11

โท๊โต่ แว กุยจ๊อเบ เป่ เด๊อ ซีเง เนอ, เด๊อ เหย่ซู่ครี๊ อา เตโพรเตเตอเรอ ขว่าคยาเร๊อ, ซี เก่ เส่เถ่ แฮเง เกอ แลแค เตจ๊อเตเต อาเส่ เต๊เห่. เมเตเฮ๊เรอ เบ๊อะอู แม๊เถอะ ซี เส่เถ่ เตจ๊อเตเต อาเส่ เออเต๊เห่ เบ๊อะเนอ, อู เก่ แด่ดุหยื่อแหน่ จอแปแหร่, เร๊อ อู เก่ ถู่เซ๊แถ่หนิ ลู ปา.

เพรโด่แนพู๊ เต๊เห่ 19:17

ล๋อ แกแยยิวพู๊ เร๊อ เมวเจอะ โร กรีก เมวเจอะพู๊ เร๊อ อา โอ่ เบ๊อะวีเอเฟซัส อากู เนอเต๊เห่ หนิโฮ ลอปลี เตเม ทวาแถ่ อาเหน่ เออเต๊อเจ่อ. เร๊อ เหย่ซี ซิอิเช ลอปลี เจ๊อ เร๊อ เหย่ซี แด่ดุหยื่อแหน่, เร๊อ ถู่เซ๊แถ่หนิ แลแค แบ่เจ่ เหย่ซู่ อามุย.

โคโลสี 1:12

ซี เก่ เฮ๊บุ๊ยเฮ๊เตอเรอ ดื่อ เพ จอแปแหร่ เด๊อ อา เด๊อะ ทวา โทเฮ๊อ ซี เร๊อ อาแกแย, เร๊อ ซี เก่ พย๊าหนิ เต่อเกอดื่อ อา อู่เจเต๊เหย่ เออเต๊เห่เนอ, เร๊อ อาแกแย บูโพ๊ เต๊เห่ เด๊อ อาเทออาเก่ เด๊อ อา ลีเตเค อากู เออเนอดื่อ ปา นี๋.

เอเฟซัส 1:17

แว กุยจ๊อเบ ตื๊อดื่อปา เด๊อ เป แบ่เจ่ เหย่ซู่ครี๊ อา จอแปแหร่, หม่าเฮ๊อ เปเพ เด๊อ อาเตอเรอดุอาเตอเรอทู อาโพร อาเตอเรอ เออเตเพร อา โอ่. เร๊อ แซ่ฮู๊ ซี เก่ ซิเงแฮ ตาเต แร๊เล๊อโป่ จอแปแหร่ อาเงเนอ, แว กุยจ๊อเบ เร๊อ จอแปแหร่ อา แหย่โยบูโพ๊ เก่ เด๊อะ ซี เตลีแมลีเพ๊, เร๊อ อา เก่ เด๊อะโล เป่ ซี เร๊อ จอแปแหร่ ปา.

โคโลสี 2:7

ช๊อตา แยแย แลแค ซี เตหยื่อ เด๊อ เหย่ซู่ครี๊ อากู ฮู๊ ส่อหรุ่ย ช๊อตาแย เนอ. เร๊อ ดุแถ่ แลแค เด๊อ เหย่ซู่ครี๊ อากู นี๋. ซี หยื่อเอ่ เออเนอ อา เบ่ ฉว่าชอแฮ เน๊อ ชอแฮ เป่แฮ ฮู๊ อู อิซว๊า โทเฮ๊อ ซี เนอ, เร๊อ ล๋อ จอแปแหร่ เม เป่ โทเฮ๊อ ซี เต๊เห่เนอ, ถู่เซ๊ เฮ๊บุ๊ยเฮ๊เตอเรอ แถ่ แลแค ลู นี๋.

มัทธิว 28:19

เมฮู๊เนอเรอ, แว เฮ๊ซี๋ จว๊า แลแค เด๊อ แกแย เมว เจ่อ เต๊เห่ อาโอ่, เร๊อ จว๊า เมทวาแถ่ เหย่ซี เน๊อ แว โคเจ่ นี๋. จว๊า เจ เป่ แลแค เหย่ซี เทอ เร๊อ เพ อามุย, พู๊คู อามุย เร๊อ แหย่โยบูโพ๊แบ่เจ่ อามุย นี๋.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 2:23

แกแย เด๊อ อา วี๊แก พู๊คู เออเนอหม่า หม่าเฮ๊อ อา วี๊แก เพ จอแปแหร่ เฮ๊อ. แกแย เด๊อ อา เอ๊โมฉื่อ พู๊ คู เออเนอหม่า หม่าเฮ๊อ อาเอ๊โมฉื่อ เพ จอแปแหร่ เฮ๊อ.

ꤚꤥꤗꤢꤩ꤬ 1:8

เด๊อ เหย่ซู่ครี๊ อาขว่าอาคยาเรอ, แว เฮ๊บุ๊ยเฮ๊เตอเรอ เหร่อเล๊อ เฮ๊อ แว จอแปแหร่ เด๊อ ซี ล๋อ ปลี อาเง เฮ๊อ, เมเตเฮ๊เรอ ซี เตหยื่อเตแหน่ เออเนอ, อู หนิโฮ ลอเฮ๊อ เห่ขุ ต๊าบ่า เฮ๊อ.

ꤟꤤꤙꤚꤢꤨ 1:5

ลีเทส่อพ๊ากู ราโอ่ เน๊อ จอแปแหร่ เฮ๊ อาพู๊คู ฮู๊เออ, “เน หม่า แวพู๊คู, เออเตอเนอเรอ, แว ทวา เฮ๊อ เนเพ เฮ๊อ,” อา เฮ๊ ฮู๊เนอ. หม่าแน๊เรอ จอแปแหร่ เฮ๊น๊อเกอ ม๊อขุ เตเน่วพู๊ ฮู๊เนอ เตเพร่ว โต่. ลีเทส่อพ๊า ราโอ่ ปา เด๊อ อาโร ตามา เร๊อ อา เฮ๊ เน๊อ, “แว เก่ ทวา อาเพ ปา, เร๊อ อา เก่ ทวา แวพู๊ ปา,” โหง่ ฮู๊เออเนอ อา เฮ๊น๊อเกอ ม๊อขุ เตเน่วพู๊ เตเพร่ว โต่โต่.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 1:1

เป หม่า คูเปาโล, คูสิลาส, เร๊อ คูทิโมธี. เป ราจว๊า โหร่ลู ลีเออต๊าบ่า เด๊อ ซี เธสะโลนิกา เพรหยื่อเอ่เต ตู๊หมู่ตอกล๊อ เต๊เห่ อา โอ่. ซี เธสะโลนิกา เพรหยื่อเอ่เต ตู๊หมู่ตอกล๊อ เต๊เห่ หม่า เพ จอแปแหร่ เร๊อ แบ่เจ่ เหย่ซู่ครี๊ อาแกแย เต๊เห่ เฮ๊อ. เตบุ๊ยเตเตอเรอ เร๊อ เตตู๊จุเตอเจ๊อ เก่ โอ่เกอดื่อ เร๊อ ซี นี๋.

โคโลสี 3:15

ล๋อ ซีเออ เต๊เห่ เนอหม่า ซี ทวา ลอเฮ๊อ ครี๊ อาเหน่กล่อ เร๊อ จอแปแหร่ นว๊าแถ่ เฮ๊อ ซี เด๊อ ซี เก่โครเกล คยาลู เตเพร เร๊อ เตเพร เฮ๊อ. เมฮู๊เนอเรอ นอเป๊อหนิ ซี ซิปล่อ เร๊อ ครี๊ อาเพรอาดือ, เร๊อ เฮ๊บุ๊ยเฮ๊เตอเรอ แลแค จอแปแหร่ นี๋.