โคโลสี 3:15 - ลีเทส่อพ๊าอาเซ เร๊อ เห่ขุทวาลู๊

¹⁵ ล๋อ ซีเออ เต๊เห่ เนอหม่า ซี ทวา ลอเฮ๊อ ครี๊ อาเหน่กล่อ เร๊อ จอแปแหร่ นว๊าแถ่ เฮ๊อ ซี เด๊อ ซี เก่โครเกล คยาลู เตเพร เร๊อ เตเพร เฮ๊อ. เมฮู๊เนอเรอ นอเป๊อหนิ ซี ซิปล่อ เร๊อ ครี๊ อาเพรอาดือ, เร๊อ เฮ๊บุ๊ยเฮ๊เตอเรอ แลแค จอแปแหร่ นี๋.

Eastern Kayah Shadaw Dialect

¹⁵ ꤜꤢꤪ꤭ ꤞꤤ꤭ꤣꤧ꤭ ꤒꤣꤧ꤬ꤟꤢꤩ꤬ ꤔꤣꤧ꤬ꤗꤢ꤬ ꤞꤤ꤭ ꤓꤝꤢ꤭ ꤜꤢꤪ꤭ꤟꤣꤧ ꤋꤚꤤ ꤢ꤬ꤔ꤫ꤢꤩ꤬ꤊꤜ꤫ꤢꤪ꤬ ꤚꤣꤧ꤬ ꤡꤢꤪꤗꤣꤧ꤬ꤚꤢꤧ꤬ ꤔꤝꤢꤓꤢꤧ꤬ ꤟꤣꤧ ꤞꤤ꤭ ꤘꤣ ꤞꤤ꤭ ꤊ꤫ꤢꤦ꤬ꤋꤚꤥ꤭ꤊ꤫ꤢꤦ꤬ꤊꤜꤢꤩ꤭ ꤋꤛꤢ꤭ꤜꤢꤨ꤭ ꤒꤣ꤬ꤖꤚꤢꤩ꤬ ꤔꤢꤧ ꤒꤣ꤬ꤖꤚꤢꤩ꤬ ꤟꤣꤧ꤯ ꤗꤢꤩ꤬ꤟꤢꤨꤔꤣꤧ꤬ꤚꤣꤧ꤬ ꤔꤢꤪ꤭ꤕꤣꤚꤣꤧ ꤞꤤ꤭ ꤞꤤꤕꤜꤢꤪ꤬ ꤔꤢꤧ ꤋꤚꤤ ꤢ꤬ ꤒꤢꤩ꤬ꤖꤚꤢꤩ꤭ꤒꤢꤩ꤬ꤘꤢꤦ꤭, ꤚꤣꤧ꤬ ꤟꤢꤩꤙꤝꤤꤟꤢꤩꤒꤣꤧ꤬ꤚꤣꤧ꤭ ꤜꤢ꤭ꤋꤢꤧ꤭ ꤡꤢꤪꤗꤣꤧ꤬ꤚꤢꤧ꤬ ꤔꤤ꤮꤯

โคโลสี 3:15 ပူးပေါင်းရင်းမြစ်များ

ꤛꤥ꤭ꤟꤢ꤬ 14:27

แว แด่แก เป่ ซี ซิปล่อ อา เตตู๊จุเตอเจ๊อ เฮ๊อ. เร๊อ แว เด๊อะ เป่ เฮ๊อ ซี แว เตตู๊จุเตอเจ๊อ เฮ๊อ. แว เด๊อะ ซี เออเนอหมา อาแซ่เน๊อ แกแย เด๊อ ซี เนอเต๊เห่ หม่าโต่. ซิปล่อกู่ ซิปล่อแก แต่ แลแค แต่เหม่. ซิอิเช แต่ แลแค แต่เหม่เหม่.

ꤚꤥꤗꤢꤩ꤬ 15:13

เบ๊อะซี หยื่อเอ่หนิ เฮ๊อ จอแปแหร่ เด๊อ อา เมจว่า ซี เออ เบ๊อะเนอ, อา หม่า จอแปแหร่ เตเพร เด๊อ เป เหล่แม๊ชือ อา แก่ช๊าแก่แร อาขว่าอาคยา, อา เก่ เมเล๊อบา เป่ดื่อ ซี เตซิครือซิลอ เน๊อ ซี ซิปล่อ อา เตตู๊จุเตอเจ๊อ นี๋. โท๊โต่ แซ่ฮู๊ ซี เตแม๊ชือ เก่ ฉว่าแถ่ชอแถ่ แฮเง เกอโป่ เด๊อ เง เร๊อ แหย่โยบูโพ๊ แบ่เจ่ อา เตโพรเตเตอเรอ อาขว่าอาคยา แพ๊ เนอเรอ แว กุยจ๊อเบ เป่ เด๊อ ซีเง.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 5:18

อา ทวาแถ่ ฮู๊เตเต๋ เบ่เบ่, ตูรู๊ เฮ๊บุ๊ยเฮ๊เตอเรอ แลแค จอแปแหร่ ปว๋า โตโพ๊ นี๋. เมเตเฮ๊เรอ, เด๊อเหย่ซู่ครี๊ อาขว่าอาคยา, จอแปแหร่ ซิปล่อโอ่ เด๊อ ซี โต เม ฮู๊เนอ.

ꤚꤥꤗꤢꤩ꤬ 5:1

ฮู๊เนอเรอ จอแปแหร่ แด่จ๊อแด่เต เฮ๊อ เป เร๊อ เป เตหยื่อเตแหน่ อาคยา เฮ๊อ. เป โอ่โอ่เพรโอ่ดือ โอ่โครโอ่เกล เต่อ คยาแซ๊ เฮ๊อ เร๊อ จอแปแหร่ เฮ๊อ. เพร เม ทวาแถ่ เป่ เป ฮู๊เออเนอหม่า หม่าเฮ๊อ เป แบ่เจ่ เหย่ซู่ครี๊ เฮ๊อ.

โคโลสี 3:17

ซี เฮ๊เบ่ เบ่เบ่, ซี เมเต อิเตเต๋ เบ่เบ่, แม๊ แบ่เจ่ เหย่ซู่ครี๊ อาเป๊เส่ เร๊อ เม แลแค นี๋. เด๊อ แบ่เจ่ เหย่ซู่ครี๊ อาขว่าอาคยา, เร๊อ เฮ๊บุ๊ยเฮ๊เตอเรอ ถู่เซ๊แถ่ แลแค จอแปแหร่ นี๋.

ꤛꤥ꤭ꤟꤢ꤬ 16:33

“แซ่ฮู๊ ซี เก่ พย๊าหนิ เตซิปล่อ ตู๊จู่เตอเจ๊อ อาเงเนอ, แว เฮ๊ เป่ โท ลอ เฮ๊อ ซี ล๋อ เออเต๊เห่ เฮ๊อ. เด๊อ ซี ทวาแถ่เฮ๊อ เตเตอเจ๊ออู แพ๊ เร๊อ แว อาขว่าอาคยา, ซี พย๊าหนิเฮ๊อ ซิปล่อ อา เตตู๊จุเตอเจ๊อ เฮ๊อ. เด๊อ เห่ขุ เออเนอ, ซี เก่ แม๊เถอะเบ่ เร๊อ เตแป่เตเช เตจาเตจือ ปา, หม่าแน๊เรอ แด่ฉว่าแด่ชอ แลแค ซี ซิปล่อ นี๋. แว เมเป่ โทเฮ๊อ เห่ขุ อา เตอเรอฉว่าชอ เออเต๊เห่ เฮ๊อ.”

เอเฟซัส 5:20

อิเตเต๋ อาเง เบ่เบ่, เด๊อ เป แบ่เจ่ เหย่ซู่ครี๊ อามุย อาขว่าอาคยา, ตูรู๊ เฮ๊บุ๊ยเฮ๊เตอเรอ เปเพ จอแปแหร่ ปว๋า โตโพ๊ นี๋.

โครินธ์ เนอบ่า ต๊าบ่า 9:11

แซ่ฮู๊ ซี เก่ ซิปล่อฉว่า เด๊อะเบ๊ เป่ เกออู ปว๋า โตโพ๊, โท๊โต่ แซ่ฮู๊ แกแย เด๊อ อา พย๊าหนิ ซี เตเมหลู่แต เด๊อ เปโอ่ เออเต๊เห่ เก่ เฮ๊บุ๊ยเฮ๊เตอเรอ จอแปแหร่ อาเงเนอ, จอแปแหร่ เก่ เด๊อะ ดุแหย่แถ่เซ เล๊อบาดื่อ ซี ปว๋า โตโพ๊ ปา.

เอเฟซัส 4:4

เป เออเต๊เห่ หม่า เปเหน่กล่อ โอ่จือเต่อลู เตเพรเพร่ว แพ๊. เป พย๊าหนิ จือโหร่ลู แหย่โยบูโพ๊แบ่เจ่ เตเพรเพร่ว แพ๊. ฮู๊เนอเฮ๊อ, เบ๊อะจอแปแหร่ เอ๊ เป เบ๊อะเนอ, อา อ๊อแล เร๊อ อา เก่ เด๊อะเนอ เป เตแร๊ เออ เด๊อคยา ปา. ฮู๊เนอเรอ เป ล๋อ ปลี แม๊ชือ โหร่ลอ ลู อาเตเออ เตอเจ๋อ แพ๊.

ꤚꤥꤗꤢꤩ꤬ 14:17

เมเตเฮ๊เรอ, จอแปแหร่ อาเทออาเก่กู เนอ, เหล่เอ่เหล่โอ หม่า เต เด๊อ อา โหล่ดุเล๊ออู หม่าโต่. เต เด๊อ อา โหล่ดุเล๊อ อู หม่า, เตจ๊อเตเต, เตโอ่โส่โอ่เคร, เร๊อ เตซิครือซิลอ เด๊อ แหย่โยบูโพ๊ แบ่เจ่ เด๊อะ เป เออเต๊เห่ เนอแพ๊.

ทิโมธี อาเหร่อเล๊อ ต๊าบ่า 2:1

เด๊อ เตล๋อ ปลี อาเกลเนอ เตเด๊อ อา โหล่ดุเล๊อ เด๊อ แว ซิหยื่อ เด๊อะอ๊าเด๊อะเหร่ ซี เนอหม่า หม่าเฮ๊อ ซี เก่ กุยจ๊อเบ เป่ เด๊อ อูเง ปว๋า เตเพร. เร๊อ กุยหนิ เป่ เกอ อูโร อาเตโหล่ เต๊เห่, โทเรอ เฮ๊บุ๊ยเฮ๊เตอเรอแถ่ เป่ จอแปแหร่ เด๊อ แกแย ล๋อ ปลี อาเง.

โคโลสี 2:7

ช๊อตา แยแย แลแค ซี เตหยื่อ เด๊อ เหย่ซู่ครี๊ อากู ฮู๊ ส่อหรุ่ย ช๊อตาแย เนอ. เร๊อ ดุแถ่ แลแค เด๊อ เหย่ซู่ครี๊ อากู นี๋. ซี หยื่อเอ่ เออเนอ อา เบ่ ฉว่าชอแฮ เน๊อ ชอแฮ เป่แฮ ฮู๊ อู อิซว๊า โทเฮ๊อ ซี เนอ, เร๊อ ล๋อ จอแปแหร่ เม เป่ โทเฮ๊อ ซี เต๊เห่เนอ, ถู่เซ๊ เฮ๊บุ๊ยเฮ๊เตอเรอ แถ่ แลแค ลู นี๋.

เอเฟซัส 5:1

ซี หม่า จอแปแหร่ อาพู๊อาเลอ เด๊อ อา โม หนิเกอเร๊อ ซีเต๊เห่ อาขว่าอาคยา, โอ่เซอเพร แม๊บือ แซ่เกอ แลแค ฮู๊ อาเนอ นี๋.

โครินธ์ เนอบ่า ต๊าบ่า 4:15

แซ่ฮู๊ อา เก่ หนิบุ๊ยหนิเตอเรอ เด๊อ ซิเง เนอ, ล๋อ เตจาเตจือ เออเต๊เห่เนอ, เป แด่ทูซิปล่อ ลอปลี เจ๊อ ปว๋า เต๊อเจ่อ เร๊อ เป แด๊โฉ่โด่แน เป่ อู เร๊อ เตซิครือมีลา. ช๋า แกแย แม๊เถอะ แฮเบ่ โหร่เอ๊ เฮ๊อ จอแปแหร่ อาบุ๊ยอาเตอเรอ อาเคปาเนอ, แกแย เด๊อ อา เก่ เฮ๊บุ๊ยเฮ๊เตอเรอ จอแปแหร่ เต๊เห่ เก่ โอ่ เอ๊แฮ ปา, เร๊อ แกแย ล๋อ ปลี เก่ ถู่เซ๊แถ่ จอแปแหร่ ปา.

เตเด๊อะโลแถ่ 7:12

เร๊อ อา เฮ๊ แลแค เนอ, “อาเมน, เตถู่เซ๊แถ่, เตลีเตเค, เตลีแมลีเพ๊, เตเฮ๊บุ๊ยเฮ๊เตอเรอ, เตแด่ดุแด่ทู, เตโพรฉว่าชอ, เร๊อ เตเหร่เตแบ เต๊เห่เนอ, เป แบ่เจ่ จอแปแหร่ เก่ พย๊าหนิ ดื่อ ตูจูเพร แตแลเคร๊ นี๋, อาเมน.”

เอเฟซัส 4:16

ครี๊ ปื่อหม่า โอ่ปล๊อจือ เต่อลอ อาแกแย ซีเต๊เห่ เด๊อ อาแซ่เน๊อ แกแย หรุ่ยถว่า เร๊อ อาครุ๊ยอาคร๊วา เด๊อ จิจือหมะ จิจือ หนิเต่อ ลอ เหน่กล่อ ครือขรว่า เด๊อ อา โค๊ลู เออเนอเต๊เห่ เฮ๊อ. เก่ เหน่กล่อ ครือขรว่า เต๊อเจ่อ เร๊อ เต๊อเจ่อ เก่ เมดื่อ อาเตเม เด๊อ อา โต เม เต๊เห่ เฮ๊เนอหม่า, เหน่กล่อ ชีเพรลอ เก่ ดุแถ่ เร๊อ ชอแถ่ เร๊อ ชอแถ่ ปา. เพรหยื่อเอ่ตู๊หมู่ตอกล๊อ เนอหม่า อา แซ่ ฮู๊เนอ เฮ๊อเฮ๊อ. เพรหยื่อเอ่ เออ ตู๊หมู่ตอกล๊อ เด๊อ อาเตเม โค๊ลู เออเต๊เห่เนอ, อา เก่ โม เกอเร๊อลู เตเพร เร๊อ เตเพร เร๊อ อา เก่ เม หนิเกอเร๊อดื่อ เตเพร เร๊อ เตเพร อาเตเม เฮ๊เนอหม่า, เพรหยื่อเอ่ตู๊หมู่ตอกล๊อ เออ เก่ ดุแถ่ เล๊อบา แฮเง ดื่อ เร๊อ ครี๊ อา เตโพรเตเตอเรอ อาคยา ปา.

โคโลสี 1:12

ซี เก่ เฮ๊บุ๊ยเฮ๊เตอเรอ ดื่อ เพ จอแปแหร่ เด๊อ อา เด๊อะ ทวา โทเฮ๊อ ซี เร๊อ อาแกแย, เร๊อ ซี เก่ พย๊าหนิ เต่อเกอดื่อ อา อู่เจเต๊เหย่ เออเต๊เห่เนอ, เร๊อ อาแกแย บูโพ๊ เต๊เห่ เด๊อ อาเทออาเก่ เด๊อ อา ลีเตเค อากู เออเนอดื่อ ปา นี๋.

ꤟꤤꤙꤚꤢꤨ 13:15

ฮู๊เนอเรอ, เด๊อ เป แบ่เจ่ เหย่ซู่ครี๊ อา เตเมจว่า เป อาขว่าอาคยา, เป เก่ หลู่แถ่ เป เตถู่เซ๊แถ่ อา เตหลู่แตเออ เด๊อ จอแปแหร่ อา โอ่ ปว๋า โตโพ๊ เด๊อ อา หม่าเฮ๊อ เหย่ซู่ หม่า เป แบ่เจ่, เป อ๊อแล ฮู๊เออ เนอ โป๋.

โครินธ์ อาเหร่อเล๊อ ต๊าบ่า 7:15

หม่าแน๊เรอ เม เบ่เบ่, เว เบ่เบ่ เด๊อ อา หยื่อเอ่ ครี๊ โต่ เออเตเพรเนอ อา เก่ ซิหยื่อ โอ่แกเหร่อ เฮ๊เรอ อา โอ่แก ดื่อ. อา เก่ เมฮู๊เนอ เฮ๊เรอ, แกแย เด๊อ อา หยื่อเอ่ ครี๊ เออเตเพรเนอ อา โตเบ่ โอ่เต่อหนิ เร๊อ แกแย เด๊อ อา หยื่อเอ่ ครี๊ โต่ เออเนอ เตเพร โต่. เมเตเฮ๊เรอ จอแปแหร่ เอ๊เฮ๊อ ซี เด๊อ ซี เก่ โอ่ลู เร๊อ เตเพรอาดือ แพ๊.

ꤚꤥꤗꤢꤩ꤬ 1:21

เหย่ซี ซิเงเฮ๊อ จอแปแหร่ หม่าแน๊เรอ เหย่ซี แด่หยื่อแด่แหน่ เกอ ลู ฮู๊ จอแปแหร่ เตเพร โต่. อา เฮ๊บุ๊ยเฮ๊เตอเรอ เกอ ลู โต่โต่. ฮู๊เนอเรอ เหย่ซี อาเหล่เตเน เต๊เห่เนอ, อา ทวาแถ่ ลอ เตโอ่เล๊อโอ่กลอ. โท๊โต่ เหย่ซี อาเหล่เตเน โอ่เล๊อโอ่กลอ. เออเต๊เห่เนอ, เตคี๊เตลอ เมบี๊แก เฮ๊อ เหย่ซี เฮ๊อ.

โครินธ์ อาเหร่อเล๊อ ต๊าบ่า 10:17

เป เอ่จือโอจือ โหร่ ลอปลี ลู ค๊อมู ต๊อกล่อโต. ฮู๊เนอเรอ เป โอ่โหร่โอ่เอ๊ หม่าแน๊เรอ เป หม่า เหน่กล่อ เตเพรเพร่ว ลู แพ๊.

ทิโมธี อาเหร่อเล๊อ ต๊าบ่า 6:12

เตหยื่อเตแหน่ อา เตช๊าเตปา เนอ ตูรู๊ แอ๊จื๊อ ช๊า อา เด๊อ อาแร๊ ตื๊อดื่อ นี๋. เร๊อ ปื่อหม่าหนิ แร๊เด๊อะ เตเซอเพร ตูจูเพร เออเนอ นี๋. เบ๊อะเน อ๊อแล เฮ๊อ เน เตหยื่อเตแหน่ เออเนอ เด๊อ อู โอ่โร๊ อา เป๊เส่เง เบ๊อะเนอ, จอแปแหร่ เอ๊ เน เด๊อ เน พย๊าหนิเฮ๊อ ซิปล่อเซอเพร ตูจูเพร เออเนอ เฮ๊อ.