โคโลสี 3:14 - ลีเทส่อพ๊าอาเซ เร๊อ เห่ขุทวาลู๊

¹⁴ เด๊อ เตล๋อ ปลี เออเต๊เห่ อาเกลเนอ, เต เด๊อ อา โหล่ดุเล๊ออู เต๊อเจ่อหม่า, โม หนิเกอเร๊อ คยาลู เตเพร เร๊อ เตเพร เออเนอเฮ๊อ. ซี เก่ เมฮู๊เนอ เฮ๊หม่า, ซี โอ่เต่อโอ่ปล๊อ โหร่เฮ๊อ ลู เด๊อ เตเตอเจ๋อโต อากู เฮ๊อ.

Eastern Kayah Shadaw Dialect

¹⁴ ꤘꤣ ꤒꤢꤩ꤬ꤜꤢꤪ꤭꤮ ꤕꤜꤤ꤭ ꤣꤧ꤭ꤒꤣꤧ꤬ꤟꤢꤩ꤬ ꤢ꤬ꤊꤜꤢꤩ꤭ꤔꤣꤧ꤬, ꤒꤢꤩ꤬ ꤘꤣ ꤢ꤬ ꤜ꤫ꤥ꤬ꤘꤢꤨ꤬ꤜꤣꤢꤨ꤭ ꤒꤣ꤬ꤡꤣ꤬ꤗꤢ꤬, ꤗꤥ꤬ ꤚꤣꤧꤘꤢꤦ꤬ ꤋꤛꤢ꤭ꤜꤢꤨ꤭ ꤒꤣ꤬ꤖꤚꤢꤩ꤬ ꤔꤢꤧ ꤒꤣ꤬ꤖꤚꤢꤩ꤬ ꤣꤧ꤭ꤔꤣꤧ꤬ꤟꤣꤧ꤯ ꤞꤤ꤭ ꤊꤢꤩ꤬ ꤗꤢꤩ꤬ꤟꤢꤨꤔꤣꤧ꤬ ꤟꤢꤩꤗꤢ꤬, ꤞꤤ꤭ ꤥ꤬ꤒ꤫ꤣ꤬ꤥ꤬ꤕꤜꤢꤪ ꤚ꤫ꤥ꤬ꤟꤣꤧ ꤜꤢꤨ꤭ ꤘꤣ ꤒꤢꤩ꤬ꤒꤣ꤬ꤡꤣ꤬ꤡꤢꤦ꤭ ꤢ꤬ꤊꤢꤨ꤭ ꤟꤣꤧ꤯

โคโลสี 3:14 ပူးပေါင်းရင်းမြစ်များ

เปโตร อาเหร่อเล๊อ ต๊าบ่า 4:8

เด๊อ เตล๋อ ปลี อาเกลเนอ, เตโม หม่าแหน่ ลู เตเพร เร๊อ เตเพร เนอหม่า อา โหล่ดุเล๊อ อู เฮ๊อ, เมเตเฮ๊เรอ เตโมเนอ อา ปลวาแก เอ๊แหน่เจ๊อ เตซื๊อ.

เอเฟซัส 5:2

ซี โต โอ่เซอเพร แลแค ฮู๊เต เฮ๊เนอหม่า, โมหนิเร๊อ แลแค อูโร ปว๋า เตอเนอ แซ่เน๊อ ครี๊ โม หนิเกอเร๊อ เป เร๊อ อา ข่าเซอ อาซิปล่อ เด๊อ เปเง เนอ นี๋. โท๊โต่ ครี๊ หลู่แถ่ อา ซิปล่อเซอเพร เด๊อ จอแปแหร่ อา เป๊เส่เง แซ่เน๊อ เตโนมื๊อโนชือ เด๊อ อาโต จอแปแหร่ อาซิปล่อ เออเนอ เฮ๊อ.

โคโลสี 2:2

แซ่ฮู๊ แว เก่ เด๊อะอ๊าเด๊อะเหร่หนิ เหย่ซี เร๊อ แว เมฮู๊เออ แพ๊. แซ่ฮู๊ เหย่ซี ซิปล่อ เก่ จิจือ หนิเกอเร๊อ ลู เตเพร เน๊อ เตเพร เด๊อ เตโม อากู, โท๊โต่ แซ่ฮู๊ เหย่ซี เก่ พย๊าหนิ ลอหล่าตี๊กลิ ตาเตลอ เตซิเง, ฮู๊เนอเรอ เหย่ซี ซิเงโปลแฮเฮ๊อ จอแปแหร่ อาเตแด่ โอ๊โอ่บี๊ หม่าเฮ๊อ ครี๊ เออเนอ เร๊อ แว แอ๊จื๊อ แอ๊เหร่ เม แหน่แหน่ เจ๊อ เป่ ซี เฮ๊อ.

ꤛꤥ꤭ꤟꤢ꤬ 13:34

“ฮู๊เนอเร๊อ กู๊แหน่เออ แว เก่ เฮ๊แก ซีโหง่ อาเซ ตือมือ. โม เกอเร๊อ แลแค ลู เตเพร เร๊อ เตเพร นี๋. ฮู๊ แว โม เกอเร๊อ ซีเนอ, ซี เบ่ โม เกอเร๊อ ลู เตเพร เร๊อ เตเพร.

ꤚꤥꤗꤢꤩ꤬ 13:8

ปล๊าลีลอ ซีฉู่ นี๋, นอโอ่แก แต่ เตอเจ๋อ แต่เหม่ นี๋. นอโอ่แก แพ๊ตื๊อ ฉู่ เด๊อ ซี โหล่ โมเร๊อ ลู เตเพร เร๊อ เตเพร เนอแพ๊ นี๋. เมเตเฮ๊เรอ แกแย เด๊อ อา โมเร๊อ อู เนอ, อา เม เล๊อบาเฮ๊อ เตซว๊าเตแส่ เฮ๊อ.

เอเฟซัส 4:3

แหย่โยบูโพ๊แบ่เจ่ เมปล๊อเมจือ เฮ๊อ ซี เฮ๊อ. แซ่ฮู๊ ซี เก่ โอ่ปล๊อโอ่จือ ตื๊อดื่อ เต่อลู อาเงเนอ, แอ๊จื๊อ โอ่เซอเพร แลแค เด๊อ อาเพรอาดือ อากู นี๋.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 4:21

เร๊อ โหง่เฮ๊แก เด๊อ เป พย๊าหนิ เด๊อ เหย่ซู่ครี๊ อา โอ่ เออเนอหมา อา เฮ๊ เร๊อ แกแย เด๊อ อา โมเร๊อ จอแปแหร่ เต๊เห่เนอ, อา โตเบ่ โมเร๊อ เกอ อาโป่อาแหม่ ครี๊พู๊ เต๊เห่.

เปโตร เนอบ่า ต๊าบ่า 1:7

เด๊อ เตโอ่เซอเพร โตเบ่ เร๊อ จอแปแหร่ อาขุเนอ, แด่ปล๊อ เอ๊แถ่โป่ เตโมเร๊อ โป่แหว่, เด๊อ เตโมเร๊อ โป่แหว่ อาขุเนอ, แด่ปล๊อ เอ๊แถ่โป่ เตโมเตเกล นี๋.

ทิโมธี อาเหร่อเล๊อ ต๊าบ่า 1:5

เตเฮ๊ตา โหง่เออ อา เหล่เซเร แม๊ชือ หม่า แซ่ฮู๊ อา เก่ ถู่แรแถ่ เตโม อาเง เนอแพ๊. เตโม เออเนอหมา อา แฮเถ่ เด๊อ แกแย ซิปล่อ เนอเต๊เห่ อากู. โทเรอ อา แฮเถ่ เด๊อ แกแย โอ่ เร๊อ เตซิเง เตแร๊ เร๊อ เตมู๊แหม่ เร๊อ อา นว๊าพย๊า เต เด๊อ อาแร๊ เนอเต๊เห่ อากู. โท๊โต่ อา แฮเถ่ เด๊อ แกแย โอ่ เร๊อ เตหยื่อเตแหน่ หม่าแหน่ เนอเต๊เห่ อากู.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 4:9

เตโมเร๊อ โป่แหว่ เด๊อ อา หยื่อเอ่แหน่ เต เต๊เห่ อาหรี่อาแก เนอ, เป โหล่ รา เป่ปา เร๊อ ซี โต่ เฮ๊อ. เมเตเฮ๊เรอ เต เด๊อ เบ่ โม เกอเร๊อ ลู เตเพร เร๊อ เตเพร เนอ ซี แหน่แบ่เจ่ เร๊อดื่อ, จอแปแหร่ อิซว๊าอี๊แส่ โทดื่อเฮ๊อ ซี เฮ๊อ.

ꤛꤥ꤭ꤟꤢ꤬ 17:23

แซ่ฮู๊ เหย่ซี เก่ ซิปล่อ จิจือแร๊ ลู เตเมเม๋ แพ๊, โท๊โต่ แซ่ฮู๊ แกแย เห่ขุพู๊ เต๊เห่ เก่ ซิเงแฮ เร๊อ เน นอแฮแล แว, เร๊อ เน โมหนิเร๊อ เพร เด๊อ อา หยื่อเอ่ แว เต๊เห่ ฮู๊ เน โมหนิเร๊อ แว เนอเรอ, แว โอ่ เด๊อ เหย่ซี อากู เร๊อ เน โอ่ เด๊อ แวกู.”

ꤛꤥ꤭ꤟꤢ꤬ 15:12

โม เกอเร๊อ ลู เตเพร เร๊อ เตเพร ฮู๊ แว โม เกอเร๊อ ซี เออเนอ นี๋, เออ หม่า หม่าเฮ๊อ แว โหง่เฮ๊แก เฮ๊อ.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 3:23

จอแปแหร่ เฮ๊แก อาโหง่ เร๊อ อา เฮ๊ เนอ, เป เบ่ หยื่อเอ่ อาพู๊คู เหย่ซู่ครี๊ อามุย เร๊อ เป เก่ โม เกอเร๊อ แคลู เตเพร เร๊อ เตเพร ฮู๊ อา เฮ๊แก โทเฮ๊อ อาโหง่ เร๊อ เป เออเนอ.

ꤟꤤꤙꤚꤢꤨ 6:1

ฮู๊เนอเรอ เป แด่โอ่แก ลอ เป เตอิซว๊าอี๊แส่ เป่ อู ครี๊ อาหรี่อาแก เด๊อ อา แก่ช๊าแก่แร เนอเต๊เห่ เร๊อ เป จว๊า แฮเง เกอโป่ อู เด๊อ เง เร๊อ แม๊ปู อิซว๊า ซิเง เกอโป่ อู เด๊อ แกแย ดุเผระเง อา เตอิซว๊า เออเต๊เห่ โป๋. กาคยา แฮ งยา งย๋า อู อิซว๊า เป่ เป เตอิซว๊าอี๊แส่ อา แก่ช๊าแก่แร เด๊อ อา เฮ๊ เน๊อ, ซี เบ่ วีแก เตเม เด๊อ อาบุ๊ย โอ่โต่ เนอเต๊เห่, เร๊อ ซี เบ่ หยื่อเอ่ จอแปแหร่, เตอิซว๊า ฮู๊เออ เต๊เห่เนอ, เป เก่ แม๊ปูซิเง แฮเงกาคยา ปาโต่, เป เก่ จว๊า แฮเง เกอโป่ อู เด๊อ เง โป๋.

เอเฟซัส 1:4

เมเตเฮ๊เรอ, เด๊อ จอแปแหร่ อา เป๊เส่เง ปาเนอ, แซ่ฮู๊ เป เก่ บูโพ๊ เร๊อ อู เก่ แด่แจ่ ปา แต่ เป่ เตซื๊อ เตอเจ๋อ แต่เหม่ อาเงเนอ, อา นว๊าแถ่ปา เป เด๊อ ครี๊ อากู, เด๊อ อา แบ๊แล แต่ล๋าย เห่ขุ โต่ ปา เจ๊อ.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 3:10

จอแปแหร่ อาพู๊อาเลอ เต๊เห่ เร๊อ โลเน๊มู๊แหม่รีแจ่ กู่กล๊อ อาพู๊อาเลอ เต๊เห่เนอ, เป ซิเง ตาเต แจ่ อา ฮู๊เออ เฮ๊เรอ, อูเปเป๋ เบ่เบ่ อา เก่ เม แฮเง ตื๊อดื่อปา เต เด๊อ อา โตโต่ เต๊เห่, โต่หม่าแน๊ อา โม เกอเร๊อ เกอ อาโป่อาแหม่ ครี๊พู๊ เต๊เห่ โต่ เฮ๊เนอหม่า จอแปแหร่ อาพู๊อาเลอ หม่าโต่.