โคโลสี 3:12 - ลีเทส่อพ๊าอาเซ เร๊อ เห่ขุทวาลู๊

¹² ซี หม่า จอแปแหร่ อาแกแย เด๊อ อา โพ๊แปละอาโพ๊อาแปละ เร๊อ อา โม หนิเกอเร๊อ เต๊เห่, เร๊อ อา นว๊าแถ่ หนิเกอเร๊อ เฮ๊อ ซี เฮ๊อ. ฮู๊เนอเรอ กือแซ๊แถ่ แลแค เตซิยอกล่าเบ่, เตเมแร๊เต, เตแด่หยว่า ซีซิปล่อ, เตซิโด่ซิงา เร๊อ เตแด่ทูซิปล่อ ซีเนอ เต๊เห่ นี๋.

Eastern Kayah Shadaw Dialect

¹² ꤞꤤ꤭ ꤗꤢ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤊꤣꤧ꤬ꤛꤢꤧ꤭ ꤘꤣ ꤢ꤬ꤕꤜꤤ꤭ꤖꤥ ꤚꤣꤧ꤬ ꤢ꤬ ꤗꤥ꤬ ꤚꤣꤧꤘꤢꤦ꤬ ꤒꤣꤧ꤬ꤟꤢꤩ꤬, ꤚꤣꤧ꤬ ꤢ꤬ ꤔꤝꤢꤓꤢꤧ꤬ ꤚꤣꤧꤘꤢꤦ꤬ ꤟꤣꤧ ꤞꤤ꤭ ꤟꤣꤧ꤯ ꤟꤢꤨꤔꤣꤧ꤬ꤚꤣꤧ꤬ ꤊꤢꤦ꤭ꤞꤢꤧꤓꤢꤧ꤬ ꤜꤢ꤭ꤋꤢꤧ꤭ ꤒꤢꤩ꤬ꤞꤤꤛꤢꤪ꤬ꤊꤜꤢ꤬ꤙꤢꤩ꤬, ꤒꤢꤩ꤬ꤗꤢꤩ꤬ꤚꤢꤧꤒꤢꤩ꤬, ꤒꤢꤩ꤬ꤏꤢꤧ꤬ꤜꤢꤧ꤬ ꤞꤤꤕꤜꤢꤪ꤬, ꤒꤢꤩ꤬ꤞꤤꤘꤥ꤭ꤞꤤꤍꤢ꤬ ꤔꤢꤧ ꤒꤢꤩ꤬ꤋꤢꤧꤞꤤꤘꤥ꤭ ꤞꤤ꤭ꤔꤣꤧ꤬ ꤒꤣꤧ꤬ꤟꤢꤩ꤬ ꤔꤤ꤮꤯

โคโลสี 3:12 ပူးပေါင်းရင်းမြစ်များ

เอเฟซัส 4:32

เมโมเมแร๊ หนิเกอเร๊อ ลู เร๊อ ซิยอ หนิเกอเร๊อ ลู เตเพร เร๊อ เตเพร นี๋. เด๊อ ครี๊ อาขว่าอาคยาเร๊อ, จอแปแหร่ ปลวาแก เฮ๊อ ซี เตซื๊อ อาขว่าอาคยา, ปลวาแก หนิเกอเร๊อ เกอ ลู เตซื๊อ เตเพร เร๊อ เตเพร ฮู๊เนอ นี๋.

เอเฟซัส 4:2

เด๊อ ซี แรเต ล๋อ ปลี อาเกลเนอ, ซี โตเบ่ ทวา แลแค แกแย เด๊อ อา แด่หยว่า อาซิปล่อ เร๊อ อา ซิโดซิงา เต๊เห่. โทเรอ แด่ทูซิปล่อ หนิเกอเร๊อ แลแค ลู เตเพร เร๊อ เตเพร เด๊อ เตโม เกอเร๊อลู อากู เนอ นี๋.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 4:19

จอแปแหร่ ย๋อ โมเร๊อ เป อาขว่าอาคยา, เป โม เกอเร๊อ ลู เตเพร เร๊อ เตเพร เฮ๊อ.

โคโลสี 3:10

เร๊อ ซี กือแซ๊แถ่เฮ๊อ เตโอ่เซอเพร อาเซ เด๊อ จอแปแหร่ แบ๊เต๊เปล่เซ เออเนอ เฮ๊อ. แซ่ฮู๊ ซี เก่ ซิเง ตาเตแร๊ อาเงเนอ, จอแปแหร่ เมทวาแถ่ แซ่แฮ เฮ๊อ ซี เน๊อ อาเหน่ เฮ๊อ.

เปโตร เนอบ่า ต๊าบ่า 1:10

ฮู๊เนอเรอ โป่แหว่ ซี๋, แซ่ฮู๊ จอแปแหร่ อาเตเอ๊ ซี เออเนอ เร๊อ อา เตนว๊าแถ่ ซี เออ เก่ ทวาแถ่ แฮเงลา หม่าแหน่ อาเงเนอ, จ่าเพรอ แอ๊จื๊อแอ๊เหร่ เอ๊แถ่โป่ แลแค เด๊อ เง ตากยา นี๋. ซี เก่ เมฮู๊เนอ เฮ๊เรอ ซี ตอพอ แลคื๊อ ปา โตโพ๋ โต่ เฮ๊อ.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 5:15

จว๊าเมเลอ กาคยาฉื่อ แต่ แกแย เด๊อ อู เมซื๊อ ลู เนอเต๊เห่ แต่เหม่ นี๋. หม่าแน๊เรอ, แอ๊จื๊อ เมแร๊ เกอเร๊อ ลู เตเพร เร๊อ เตเพร ปว๋า โตโพ๊ เร๊อ แอ๊จื๊อ เมแร๊ หนิเป่เกอ แกแย เด๊อ อาโร เต๊เห่ นี๋.

โครินธ์ เนอบ่า ต๊าบ่า 6:6

เด๊อ เป ทวา หม่าเฮ๊อ จอแปแหร่ อาหลู่เล๊ เต๊เห่ อาขว่าอาคยา, เป เด๊อะโล เป่ อู เร๊อ เป ซิปล่อ อาโพ๊อาแปละ, เป เตซิคว๊าซิเง, เป เตซิปล่อทู, เป เตซิยอเร๊อ อู เออเต๊เห่ เฮ๊อ. แหย่โยบูโพ๊ แบ่เจ่ โอ่ เด๊อ เปกู เร๊อ เป โม ลอซิปล่อสู่เทอ เจ๊อ อู เจ๊อ.

ꤊꤢ꤬ꤜꤢ꤬ꤒꤤ 5:6

เมเตเฮ๊เรอ เบ๊อะซี ทวาแถ่เฮ๊อ เตเตอเจ๋อโต เร๊อ เหย่ซู่ครี๊ เบ๊อะเนอ, เตดื๊อตีลี๊พ๊า เบ่เบ่, เตดื๊อตีลี๊พ๊า โต่ เบ่เบ่, อา ทวาบุ๊ยทวาเตอเรอ เน๊อ เตอเจ๋อ โต่. เต เด๊อ อา ทวาบุ๊ยทวาเตอเรอ เล๊ออูโค เนอหม่า, เตหยื่อเตแหน่ เด๊อ อา เด๊อะโล เตโม จอแปแหร่ เร๊อ อูโร เออเนอ แพ๊.

เปโตร อาเหร่อเล๊อ ต๊าบ่า 1:2

เพ จอแปแหร่ นว๊าแถ่ หนิ ซี ฮู๊ อา เตเตเนหนื่ออื่อ เร๊อดื่อเนอ เร๊อ จอแปแหร่ อา แหย่โยบูโพ๊ เมบูโพ๊แถ่ ซี, แซ่ฮู๊ ซี เก่ หนิดา เหย่ซู่ครี๊ อาโหง่ เร๊อ เด๊อ อาสุ่ย อาขว่าอาคยา, อา เก่ เมโพ๊เมปลี เป่ ซี. เตบุ๊ยเตเตอเรอ เร๊อ เตเพรอาดือ เก่ โอ่เล๊อะโอ่บา ดื่อ เร๊อ ซี นี๋.

ทิโมธี เนอบ่า ต๊าบ่า 2:10

ฮู๊เนอเรอ แซ่ฮู๊ แกแย เด๊อ จอแปแหร่ นว๊าแถ่ ลู เต๊เห่ เก่ พย๊าหนิเกอ เตเมแลเปล๊กา เน๊อ เตลีเตเค ตูจูเพร เด๊อ เหย่ซู่ครี๊ อากู เออเนอ เร๊อ, แว แด่ทูซิปล่อ เป่ เหย่ซี แพ๊.

ꤚꤥꤗꤢꤩ꤬ 1:7

โคแบ๊ซว๊าโม เด๊อ อา โอ่ เด๊อ วีโรม อากู ซี, จอแปแหร่ โม เกอเร๊อ ซี, โท๊โต่ อา เอ๊ เฮ๊อ ซี เด๊อ ซี เก่ ทวาแถ่ อาแกแย เร๊อดื่อ เฮ๊อ. แว ราจว๊า เป่ลอ ซี ลีเออต๊าบ่า. เปเพ จอแปแหร่ เร๊อ เป แบ่เจ่ เหย่ซู่ครี๊ เก่ เด๊อะดื่อ ซี เตบุ๊ยเตเตอเรอ เร๊อ เตตู๊จุเตอเจ๊อ นี๋.

ꤒꤤꤒꤢꤨ 1:1

แว หม่า คูเปาโล, แว ราจว๊า เป่ เน ลี เออต๊าบ่า. แว หม่า จอแปแหร่ อาหลู่ เน๊อ เหย่ซู่ครี๊ อา เพรโด่แนพู๊ เต๊เห่ เตเพร. จอแปแหร่ นว๊าแถ่ แว เร๊อ อา นอจว๊า เมจว่าเฮ๊อ แว เร๊อ แกแย เด๊อ อา นว๊าแถ่เฮ๊อ ลู เนอเต๊เห่ อา เตหยื่อเตแหน่, เร๊อ อา เก่ ซิเง แลแค เตจ๊ออาเต. เตจ๊อเตเต เออเนอหม่า หม่าเฮ๊อ อา เมจว่าเฮ๊อ เหย่ซี เด๊อ อา เก่ โอ่เซอเพร โต เร๊อ จอแปแหร่ อาซิปล่อ เออเนอเต๊เห่ เฮ๊อ.

มัทธิว 24:31

จอแปแหร่ เก่ นอแฮแล เตเน่ว เต๊เห่ ปา เร๊อ อาเก่ โอ๊ พราฉว่า แถ่กวา ปา. เร๊อ อา เก่ เอ๊โอ่ปล๊อ เต่อลอ แกแย เด๊อ แบ่เจ่ นว๊าแถ่ โทเฮ๊อ เหย่ซี เร๊อ อา โอ่ แลแค เด๊อ เห่ขุ ลุยกยาลุยหน่อ เต๊เห่ปา.

ꤜꤢꤨꤊꤢ꤬ 18:7

แกแย เด๊อ จอแปแหร่ นว๊าแถ่ อา เต๊เห่เนอ, เก่ อา กุย เตเมจว่า ปวาเนอปวาเซ เฮ๊เรอ, จอแปแหร่ เด๊อะโตเด๊อะเบ่ เป่ เหย่ซี โต่หม่า อา โอ่แจ่ แหน่ แอ? แซ่ฮู๊ อา เก่ เมจว่า เป่ อู อาเง เนอเร๊อ อา เก่ เมคอเมยอ ปา แอ?

ꤜꤢꤨꤊꤢ꤬ 1:78

เมเตเฮ๊เรอ เป จอแปแหร่ เออเนอ, อา ซิหย่อเกอ แหน่เจ๊อ อู เร๊อ อา แด่ทูซิปล่อแหน่เจ๊อ. อา นอแฮแลเฮ๊อ แกแย โอ่ เด๊อ ม๊อขุ เตเพร เก่ แฮ เตเมแลเปล๊กา เฮ๊อ เป, เพรเมแลเปล๊กา เป เออเตเพรเนอ, อา แซ่เฮ๊อ เร๊อ ต๊อเหมาะ ลีแถ่เหร่อ เด๊อ เหมาะลีบูเค เนอเฮ๊อ.

ꤗꤢ꤬ꤊꤢꤨ 13:27

โทเรอ แกแยเห่ขุ อาพู๊คู หม่าเฮ๊อ แวเออ อา เก่ นอกาแล เตเน่ว เต๊เห่ ปา เร๊อ แว เก่ นอจว๊า เหย่ซี เด๊อ เห่ขุ ลุยเหนาะ เนอปา, เหย่ซี เก่ เป๊อแถ่ จว๊า เด๊อ ม๊อด๊า แก่ช๊า โต่เด๊อ ม๊อด๊า ทือตื๊อดื่อ เนอปา เร๊อ เหย่ซี อา จว๊าเอ๊ปล๊อ แกแย เด๊อ จอแปแหร่ นว๊าเถ่ โทเฮ๊อ เหย่ซี เนอเต๊เห่ ปา. เต เฮ๊เบ่ โหง่ค๊าโข่ ก่อดุ๊ยเหมาะ

เอเฟซัส 4:24

เร๊อ อากืออาแซ๊ แลแค เตโอ่เซอเพร อาเซ ฮู๊ จอแปแหร่ แบ๊ตา แซ่เกอโทเฮ๊อ ซี เร๊อ อาเหน่กล่อ. เด๊อ อาจ๊ออาเต หม่าแหน่ เร๊อ เต บูโพ๊ หม่าแหน่ อากู เนอเต๊เห่ นี๋.

ทิโมธี เนอบ่า ต๊าบ่า 1:9

แซ่ฮู๊ เป เก่ ทวาแถ่ จอแปแหร่ อา เพรบูโพ๊พู๊ เร๊อดื่อ เต๊เห่ อาเงเนอเรอ, อา เมแลเปล๊กา เฮ๊อ เป เฮ๊อ, เร๊อ อา เอ๊ เฮ๊อ เป เฮ๊อ, เด๊อ เป เมโทเฮ๊อ เตเอ่เตแร เนอเต๊เห่ อาขว่าอาคยาเร๊อ, อา เอ๊ เป เนอ หม่าโต่. เออ หม่า หม่าดื่อ อา เตเตเนหนื่ออื่อ เน๊อ อาบุ๊ยเตอเรอ เร๊อดื่อ แพ๊. เบ๊อะอา แบ๊แล แต่ล๋าย เห่ขุ โต่เนอ, อา เด๊อะแล เป เตบุ๊ยเตเตอเรอ เออเนอ เด๊อ เหย่ซู่ครี๊ อากู เออเนอเฮ๊อ.

ฟีลิปปี 1:8

แว ซิหนิโส่ แม๊เถอะ แหน่เจ๊อ ซี เร๊อ แว โม เกอเร๊อ ซี ปว๋า เตเพร เร๊อ เตโม เด๊อ เหย่ซู่ครี๊ เด๊อ แว เออเนอหม่า จอแปแหร่ ซิเง แพ๊.

เอเฟซัส 1:4

เมเตเฮ๊เรอ, เด๊อ จอแปแหร่ อา เป๊เส่เง ปาเนอ, แซ่ฮู๊ เป เก่ บูโพ๊ เร๊อ อู เก่ แด่แจ่ ปา แต่ เป่ เตซื๊อ เตอเจ๋อ แต่เหม่ อาเงเนอ, อา นว๊าแถ่ปา เป เด๊อ ครี๊ อากู, เด๊อ อา แบ๊แล แต่ล๋าย เห่ขุ โต่ ปา เจ๊อ.

ꤚꤥꤗꤢꤩ꤬ 9:11

เบ๊อะอาพู๊ ดีคยา เออซิเนอ โอ่เป๊เจ่แล แต่ล๋ายโต่ เบ๊อะเนอ, โทเรอ เบ๊อะอาพู๊ เออซิเนอ เม แต่ลา เตซื๊อ เร๊อ เตแร๊ ล๋ายโต่ เบ๊อะเนอ, จอแปแหร่ เฮ๊หนื่ออื่อ เหร่อ อาโหมะ เน๊อ, “อาแหว่เพร่ว เตเพร เบ่แร เป่ อาโป่ เนอเตเพร อาเตเม ปา.” แซ่ฮู๊ อู เก่ ซิเง เร๊อ จอแปแหร่ นว๊าแถ่ จู๋ ดื่อ อาซิปล่อ ฮู๊ อา เต เตเนหนื่ออื่อ โทเฮ๊อ เนอเรอ, อา เมเฮ๊อ ฮู๊ อา เต เตเนหนื่ออื่อ เออเนอ เฮ๊อ. เด๊อ แกแย เตเพรเพร เมโทเฮ๊อ เตเต๊อเจ่อเจ่อ อาขว่าอาคยาเร๊อ, อา นว๊าแถ่ ลู หม่าโต่. โท๊โต่, อา โอ่ เด๊อ จอแปแหร่ อา กู่ยากู เร๊อ อา นว๊าแถ่ เกอเร๊อ ลู แพ๊.

ꤗꤢ꤬ꤊꤢꤨ 13:22

เมเตเฮ๊เรอ แกแย เด๊อ กลว่า อาแลโฮ อาเหน่ ฮู๊ ครี๊ เด๊อ อา เมแลเปล๊ กา อู เออเตเพร เต๊เห่เนอ เร๊อ แกแย เด๊อ อากลว่า แลโฮ อาเหน่ ฮู๊ เพรโพร เต๊เห่เนอ, อา โอ่โลแถ่ ปา. แซ่ฮู๊ เหย่ซี เก่ อี๊ลอแลโฮ หนิโต่ เกอ ดื่อ แกแย เด๊อ จอแปแหร่ นว๊าเถ่ โทเฮ๊อ ลู เออเนอเต๊เห่เนอ, เหย่ซี เก่ เมแจ่ เฮ๊เรอ, อา เก่ เมโลแถ่ อาเตเม อาโค๊ตีกลี๊ เต๊เห่ เร๊อ อาเตเม เมตาปา อาคย๊าอายื๊อ อู เนอเต๊เห่ ปา.

ꤗꤢ꤬ꤊꤢꤨ 13:20

แบ่เจ่ อา เมโผ่ เตจาเตจือ อาม๊อเนอม๊อเซ โต่ เฮ๊เนอหม่า อู ซีแลเปล๊ เนอ อา โอ่ เตเพร่ว โต่. หม่าแน๊เรอ แกแย เด๊อ จอแปแหร่ นว๊าเถ่ หนื่ออื่อ โทเฮ๊อ ลู เต๊เห่ อาเงเนอ แบ่เจ่ อา เมโผ่ เป เหย่ซี อาม๊อเนอม๊อเซ ปา.

มัทธิว 24:22

จอแปแหร่ เก่ เมโผ่ เป่ เตจาเตจือ เออ เบ๊อะโต่ เฮ๊เนอ, แกแย โอ่เซอเพรเบ๊ เตเพร่ว โต่. หม่าแน๊เรอ จอแปแหร่ ลอ แม๊ แกแย เด๊อ อา นว๊าแถ่ เออเต๊เห่ อาเป๊เส่ อาขว่าอาคยา, อา เก่ เมโผ่แฮ ม๊อเนอ ม๊อเซ เต๊เห่ ปา.

เตเด๊อะโลแถ่ 17:14

เหย่ซี เก่ ช๊า ซิหมิพู๊ เนอโตโด ปา, หม่าแน๊เรอ ซิหมิพู๊ เออโตโด เก่ ช๊าเป่แก เหย่ซี ปา, เมเตเฮ๊เรอ ซิหมิพู๊ เออเนอหม่า หม่า แบ่เจ่ เต๊เห่ อา แบ่เจ่, จ๊อแผ่ เต๊เห่ อาจ๊อแผ่, เร๊อ แกแย เด๊อ อา โอ่เกอ เร๊อ อา เนอเต๊เห่ หม่า หม่าเฮ๊อ แกแย เด๊อ จอแปแหร่ เอ๊ แหน่ เหย่ซี, โท๊โต่ จอแปแหร่ นว๊าแถ่ แหน่ เหย่ซี, โทเรอ เหย่ซี หม่า แกแย เด๊อ อาจ๊อ เร๊อ อาโหง่ เต๊เห่.

ยอห์น เนอบ่า ต๊าบ่า 1:13

ซี โป่แหว่ เพรเหมาะ เด๊อ จอแปแหร่ นว๊าแถ่ อา เตเพร อาพู๊อาเลอ เต๊เห่ ซูแฮ เป่ ซี อาเตเฮ๊โมเฮ๊แร๊ เออเต๊เห่.

มัทธิว 24:24

เมเตเฮ๊เรอ เพรกลว่า แลโฮ ฮู๊ ครี๊เนอ เนอ เพรกลว่า แลโฮ ฮู๊ เพรโพร ซี เต๊เห่เนอ อา เก่ โอ่แถ่ เอ๊ลา ปา. เหย่ซี เก่ เมตาปา คย๊ายื๊อ ลออู เร๊อ อาเต เมโค๊ตีกลี๊ เป่อู เต๊เห่ ปา. อา เก่ เมแจ่ เฮ๊เนอหม่า อา ซิหยื่อ อิลออี๊โหล่ แลโฮ หนิ เจ๊อ แกแย เด๊อ จอแปแหร่ นว๊าพย๊า โทเฮ๊อ ลู เนอ เต๊เห่เจ๊อ.

ꤚꤥꤗꤢꤩ꤬ 13:14

ครวา แม๊บือเกอ เหย่ซู่ครี๊ อา เตโอ่เซอเพร เออเนอ นี๋. ฮู๊ ซี กือแซ๊แถ่ เห่อจา เนอ, กือแซ๊แถ่ เต๊เปล่ เกอลาติ เด๊อ แบ่เจ่ เหย่ซู่ครี๊ เร๊อ เตเน ปา แต่ แลแค เตลือ เมโม สุ่ยหย่าเทอ อา เตซิหยื่อซิลอ อาแกล๊อาโกล เต๊เห่ แต่เหม่ นี๋.

โครินธ์ อาเหร่อเล๊อ ต๊าบ่า 13:4

เป เก่ โมเร๊อ อู เฮ๊เนอ, เป แด่ทูซิปล่อเบ๊, เป ซิยอ เร๊อ อู, เป ซิเคว๊ เกออู เต โต่, เป เฮ๊เบ่แถ่โล เปโหง่ โต่, เป แด่ดุ แด่แถ่โล เปเหน่ โต่.