โคโลสี 3:1 - ลีเทส่อพ๊าอาเซ เร๊อ เห่ขุทวาลู๊

¹ ฮู๊ จอแปแหร่ เม ก๊อถ่อเซอเพร กาคยา ครี๊ เด๊อ เตเซอ เนอ, จอแปแหร่ เม ก๊อถ่อเซอเพร กาคยา เกอเฮ๊อ ซี เด๊อ เตเซอ เฮ๊อ เร๊อ อา เด๊อ เต่อเกอ เฮ๊อ ซี ซิปล่อเซอเพร อาเซ เออเนอ เน๊อ ครี๊ เฮ๊อ. ฮู๊เนอเรอ ล๋อ ซี ซิปล่อ อา เตซิหยื่อ เต๊เห่เนอ, แด่โอ่ แลแค เด๊อ ม๊อขุ เบ๊อะครี๊ โอ่แน เกอเร๊อ อาเหล่โอ่ เด๊อ จอแปแหร่ อากู๊ขุ จ๊อทว๊า เนอตากยา นี๋.

Eastern Kayah Shadaw Dialect

¹ ꤟꤢꤨ ꤡꤢꤪꤗꤣꤧ꤬ꤚꤢꤧ꤬ ꤗꤢꤩ꤬ ꤞꤣꤧ꤭ꤖꤚꤢꤩ꤬ꤊꤣꤧ꤬ꤓꤢꤪ꤬ ꤊꤢ꤬ꤋꤛꤢ꤭ ꤋꤚꤤ ꤘꤣ ꤒꤢꤩ꤬ꤞꤣꤧ꤭ ꤔꤣꤧ꤬, ꤡꤢꤪꤗꤣꤧ꤬ꤚꤢꤧ꤬ ꤗꤢꤩ꤬ ꤞꤣꤧ꤭ꤖꤚꤢꤩ꤬ꤊꤣꤧ꤬ꤓꤢꤪ꤬ ꤊꤢ꤬ꤋꤛꤢ꤭ ꤊꤣꤧ꤭ꤟꤣꤧ ꤞꤤ꤭ ꤘꤣ ꤒꤢꤩ꤬ꤞꤣꤧ꤭ ꤟꤣꤧ ꤚꤣꤧ꤬ ꤢ꤬ ꤘꤣꤧ ꤒ꤫ꤣ꤬ꤊꤣꤧ꤭ ꤟꤣꤧ ꤞꤤ꤭ ꤛ꤫ꤢꤧ꤬ꤛꤥ꤬ꤞꤣꤧ꤭ꤖꤚꤢꤩ꤬ ꤢ꤬ꤞꤢꤩ꤭ ꤣꤧ꤭ꤔꤣꤧ꤬ ꤔꤢꤧ ꤋꤚꤤ ꤟꤣꤧ꤯ ꤟꤢꤨꤔꤣꤧ꤬ꤚꤣꤧ꤬ ꤜꤢꤪ꤭ ꤞꤤ꤭ ꤞꤤꤕꤜꤢꤪ꤬ ꤢ꤬ ꤒꤢꤩ꤬ꤞꤤꤛ꤫ꤢꤦ꤬ ꤒꤣꤧ꤬ꤟꤢꤩ꤬ꤔꤣꤧ꤬ ꤘꤢꤧ꤬ꤥ꤬ ꤜꤢ꤭ꤋꤢꤧ꤭ ꤘꤣ ꤗꤢꤪꤋꤢꤨ꤬ ꤙꤣꤧ ꤋꤚꤤ ꤜ꤫ꤢꤩ꤬ꤥ꤬ꤔꤢꤧ꤭ ꤚꤣꤧꤘꤢꤦ꤬ ꤢ꤬ꤜ꤫ꤢꤩ꤬ꤥ꤬ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤊꤢꤨꤋꤢꤨ꤬ ꤡꤢꤓꤝꤢ ꤔꤣꤧ꤬ꤒꤣ꤬ꤊꤛꤢ꤭ ꤔꤤ꤮꤯

โคโลสี 3:1 ပူးပေါင်းရင်းမြစ်များ

ꤚꤥꤗꤢꤩ꤬ 8:6

แกแย เด๊อ อา เตเน โชชื่อแพ๊ เหน่กล่อพ๊าหย่า อา เตซิหยื่อซิลอ มู๊แหม่ เต๊เห่เนอ, อา โอ่เซอเพร เต่อเกอ ปา เน๊อ จอแปแหร่ ตูจูเพร โต่ เฮ๊อ. หม่าแน๊เรอ แกแย เด๊อ แหย่โยบูโพ๊ แบ่เจ่ เป๊อหนิ ลู เหล่เตเน เต๊เห่เนอ, อา เก่ พย๊าหนิ เตโมเตเป เออตือทือ ปา. โท๊โต่ อา เก่ โอ่เต่อเกอ เร๊อ จอแปแหร่ ตูจูเพร ปา.

มัทธิว 6:33

แม๊ปู เหร่อ แลแค จอแปแหร่ อาเทออาเก่ เน๊อ เตจ๊อ เตเต เต๊เห่เนอ, เร๊อ ล๋อ เตเด๊อ ซี โหล่ เออเต๊เห่เนอ, จอแปแหร่ เก่ เด๊อะ เกอโป่ดื่อ ซี ปา.

โครินธ์ เนอบ่า ต๊าบ่า 4:18

ฮู๊เนอเรอ, เตแป่เตเช เด๊อ แว แม๊เถอะเบ่ เออเต๊เห่เนอ, แว แด่เน๊ออาเส่ เตอเจ๋อ โต่. เต เด๊อ อา โอ่ จิจือหมะ เล๊อ เด๊อ แว ซิปล่อกู เต๊อเจ่อเนอหม่า หม่าเฮ๊อ เตตว่าเตแร๊ เด๊อ จอแปแหร่ เก่ เด๊อะ แว ปา เออเนอ แพ๊. เต เด๊อ เป แม๊เถอะแจ่ เต๊เห่เนอ, อา เก่ โอ่งยา แพ๊ เตอเปลอฮู๊ แพ๊, หม่าแน๊เรอ เต เด๊อ เป แม๊เถอะแจ่โต่ เต๊เห่เนอ, อา เก่ โอ่งยา เจ๊อ ตูจูเพร ปา.

โคโลสี 3:2

เตเน แลแค ม๊อขุ อา เตงูดุงูชอ นี๋. เห่ขุ อาตาเต เต๊เห่เนอ, เตเน แต่ แลแค แต่เหม่.

มัทธิว 6:20

หม่าแน๊เรอ แด่โอ่ปล๊อ แลแค ซี เตดุแหย่แถ่เซ เด๊อ ม๊อขุ เบ๊อะก๊อหร่อ อาเขร่ เอ่ แจ่ โต่, อา เถ่อิเถ่เคร๊ ปย๊าแจ่โต่, เพรเอ่โห่เอ่ฮี๊ แถ่โน แจ่โต่ อาเหล่โอ่ เนอ.

ꤟꤤꤙꤚꤢꤨ 12:2

อาแซ่เน๊อ แกแย แกล่ เต๊เห่ แม๊จ๊อจ๊อ แฮโต ตื๊อแพ๊ เตเมเป่ม๊าโบ เออเนอเฮ๊อ, ฮู๊เนอเรอ เป เก่ แม๊จ๊อจ๊อ แฮ แพ๊ตื๊อ เหย่ซู่ โป๋. เมเตเฮ๊เร๊อ อา หม่า เป เตหยื่อเตแหน่ อา แก่ช๊าแก่แร เตเพร. โท๊โต่, อา หม่า เพร เด๊อ อา เมเล๊อเมบา เป่ เฮ๊อ เป เตหยื่อเตแหน่ เตเพร. อา ข่าเซอ โทปาหม่า, อา ซิเง หนื่ออื่อ โทเฮ๊อ เน๊อ อา เก่ พย๊าหนิ เตซิหยื่อซิลอ ปา อาขว่าอาคยา, อา โตเบ่ ข่าเซอ เจ๊อ เด๊อ อี๊ถื่อดีเต่ลู เจ๊อ หม่าแน๊เรอ อา ซิเตเร เตอเจ๋อ โต่. กู๊แหน่เรอ อา โอ่แนโอ่ เฮ๊อ เด๊อ จอแปแหร่ อา เหล่โอ่แน แถ่โล เด๊อ จ๊อทว๊า เนอตากยา เฮ๊อ.

ꤜꤢꤨꤊꤢ꤬ 12:33

อิเชแก ซี ตาหมื่อตาเต เต๊เห่ เร๊อ เด๊อะหลู่ เร๊อ แกแย โซพ๊าโซแรพู๊ เนอเต๊เห่. ซี เก่ เมฮู๊เนอ เฮ๊เรอ ซี แด่โน โอ่ปล๊อ แลแค เฮ๊อ ซี เตดุแหย่แถ่เซ เด๊อ รือปยา เด๊อ อา แลยา เป่โต่ เออเนอเต๊เห่ อากู เฮ๊อ. เด๊อ ซี เด๊อ แกแย โซพ๊าโซแรพู๊ เต๊เห่ ฮู๊เนอ ขว่าคยา, อา เก่ ทวาแถ่ เป่ ซี เตดุแหย่แถ่เซ เด๊อ ม๊อขุ ปา. ซี เก่ แด่โอ่ปล๊อ เด๊อ ม๊อขุ เฮ๊เนอหม่า, ซี เตดุแหย่แถ่เซ เออเต๊เห่เนอ อา ยว๊ากาแล โตแจ่ โตโพ๋ โต่, เพรเอ่โห่เอ่ฮี๊ เต๊เห่ เอ่โห่แจ่โต่, อาเขร่อาโถ่ เมปย๊า แจ่ โต่ อาขว่าอาคยา, แด่โอ่ปล๊อ แลแค เด๊อ ม๊อขุเนอ.

ꤟꤤꤙꤚꤢꤨ 1:3

อู เก่ แม๊เถอะ แฮเง จอแปแหร่ อา เตเตอเรอดุทู เด๊อ อากู ปา. อา หม่า อา แซ่ ลอหล่าตี๊กลิ เจ๊อ เน๊อ จอแปแหร่ เฮ๊อ. แซ่ฮู๊ เห่ขุ เร๊อ ม๊อขุ เน๊อ เตแบ๊แถ่ ล๋อ ปลี เต๊เห่ เก่ โอ่ แฮเง ตื๊อดื่อ โป่ เนอ, อา ปื่อหม่า จว่าเกอ เตแบ๊แถ่ ล๋อ ปลี เออเนอ เน๊อ อาโหง่ เด๊อ อาโพรอาเตอเรอ ฉว่าชอ เออเต๊เห่. เบ๊อะอา เมปลื๊อเมโท โทเฮ๊อ ปลวาแก ลอ ล๋อ แกแย เห่ขุพู๊ อาเตซื๊อ เต๊เห่ เบ๊อะเนอ, อา กา แก๊แถ่ เด๊อ ม๊อขุ เร๊อ อา แถ่โอ่แนโอ่ เด๊อ จอแปแหร่ เด๊อ อาโพรอาเตอเรอ อาดุอาทู ตื๊อดื่อ เออเตเพร อากู๊ขุ จ๊อทว๊า ตากยา.

ꤜꤢꤨꤊꤢ꤬ 22:69

หม่าแน๊เรอ เป๊อแถ่ กู๊แหน่เออ ตาเป่แฮ ปาเนอ, แกแย อาพู๊ หม่าเฮ๊อ แวเออ อู เก่ เด๊อะโอ่แนโอ่ อา เด๊อ เตเตอเรอดุ เตอเรอทู อา จอแปแหร่ กู๊ขุ จ๊อทว๊า เนอตากยา ปา.”

โคโลสี 2:20

ซี เซอ เต่อเกอ เน๊อ เหย่ซู่ครี๊ เฮ๊อ เร๊อ อา เมแลเปล๊กา เฮ๊อ ซี เน๊อ โลเน๊โลหน่า เด๊อ อา เป๊อหนิ เห่ขุชีบ่า เออเนอเต๊เห่ อา กู๊ยากู เฮ๊อ. ซี จว๊า โอ่เซอเพร ปา แลแค ฮู๊ แกแย เด๊อ อา แซ่ปา เน๊อ เห่ขุพู๊ เออเต๊เห่เนอ ฮู๊เต? เร๊อ ซี จว๊า หนิดา ครวาเมเกอ ปา เตโด่เตดว๊า เต๊เห่ เมเต?

ꤟꤤꤙꤚꤢꤨ 8:1

กู๊แหน่เออ, เต เด๊อ อา โหล่ดุเล๊อ อู เต๊อเจ่อ เด๊อ แว ซิหยื่อ นอซิเงโปล ซี เนอหม่า หม่าเฮ๊อ เป เพรหลู่แต กู่กล๊อดุเล๊อ เออเตเพร เฮ๊อ. อา หม่า เหย่ซู่ เฮ๊อ. กู๊แหน่เออ อา โอ่แนโอ่ เด๊อ ม๊อขุ เร๊อ อา โอ่แนโอ่ เด๊อ จอแปแหร่ เด๊อะ อาลีอาเตเค, อาโพรอาเตอเรอ เออเตเพร เหล่โอ่แนโอ่ อาจ๊อทว๊า เนอตากยา เฮ๊อ.

ꤚꤥꤗꤢꤩ꤬ 8:34

ฮู๊เนอเรอ, หม่าอูเป เตเร เมจากาคยา เหย่ซี เป? เตเพร่ว หม่า อู เมจากาคยา แจ่หนิ เหย่ซี โต่. เมเตเฮ๊เนอ, เหย่ซู่ครี๊ หม่า เพร เด๊อ อา เซอ เด๊อ เป เตซื๊อ อาเง เตเพร, โท๊โต่ จอแปแหร่ เมเซอเพร กาคยา ลู เด๊อ เตเซอ เตเพร. เร๊อ จอแปแหร่ เด๊อ ลู เหล่โอ่ เด๊อ อากู๊ขุ จ๊อทว๊า ตากยา. แซ่ฮู๊ จอแปแหร่ เก่ เมจว่า เป เนอ, เหย่ซู่ โน กุยซิยอ เป่ เฮ๊อ เป เง เฮ๊อ.

ꤟꤤꤙꤚꤢꤨ 10:12

หม่าแน๊เรอ ครี๊ หลู่แถ่ เป่ เป เตซื๊อ อาเง เออเต๊เห่เนอ, อา หลู่แถ่ โตโพ๊แพ๊ เร๊อ อา โท ปลื๊อลา ตูจูเพร เฮ๊อ. เร๊อ อา กา โอ่แนโอ่ เฮ๊อ เด๊อ จอแปแหร่ อากู๊ขุ จ๊อทว๊า ตากยา เฮ๊อ.

มัทธิว 26:64

เร๊อ แบ่เจ่ เหย่ซู่ เฮ๊ฉื่อ ลู เน๊อ, “อ่อ, เน เฮ๊เนอหม่า อาหม่า, หม่าแน๊เรอ แว เก่ เฮ๊เป่ ลอ ซี ปว๋า เตเพร เร๊อ เนอปาเนอ ซี เก่ แม๊เถอะ แกแย อาพู๊คู เก่โอ่แน เด๊อ จอแปแหร่ อาเตโพร เตเตอเรอฉว่าชอ ฉว่าชอเล๊ออู เออเตเพร อากู๊ขุ จ๊อทว๊า เนอตากยา ปา. โทเรอ แว แถ่แฮ อ๊อโหล่ ปาเนอ ซี เก่ แม๊เถอะปา.”

เอเฟซัส 4:10

แกแย เด๊อ อา แฮแล โทเฮ๊อ เด๊อ เห่ขุ เออเตเพรเนอ, เตเพรเพร่ว แพ๊ ลู เร๊อ อา กา กี๊แถ่ เด๊อ เหล่โอ่แถ่โล เล๊อ เร๊อ ม๊อขุ เต๊เห่ เนอเตเพร เฮ๊อ. เด๊อ ม๊อขุ เบ่เบ่, เด๊อ ม๊อเล เบ่เบ่, เด๊อ เห่ขุ เหล่โอ่ เบ๊อะโต๊โผ่ เบ่เบ่, แซ่ฮู๊ อา เก่ โอ่ลอ เหล่โอ่ ปว๋า โต๊โผ่เนอ เรอ, อา กา กี๊แถ่ เด๊อ ม๊อขุ แพ๊.

ꤗꤢ꤬ꤊꤢꤨ 14:62

เร๊อ เหย่ซู่ เฮ๊ฉื่อ ลู เน๊อ, “อ่อ, แว เฮ๊อ. เร๊อ ซี เก่ แม๊เถอะ แกแยพู๊คู หม่าเฮ๊อ แวเออ เก่ โอ่แนโอ่ เด๊อ จอแปแหร่ เด๊อ อาฉว่าอาชอ เออเตเพร อากู๊ขุ จ๊อทว๊า เนอตากยา ปา, เร๊อ ซี เก่ แม๊เถอะ แว แด๊แลแฮหนิ ม๊อขุ อา อ๊อโหล่ขุ ปา.”

ꤟꤤꤙꤚꤢꤨ 1:13

“โอ่แนโอ่ เด๊อ แว กู๊ขุ จ๊อทว๊า เออตากยา, เร๊อ โอ่แน โต่เด๊อ แว นอเป๊อเฮ๊อ เน เร๊อ เพร เด๊อ อา ซิเถ่ เน เออเต๊เห่ แฮ จ๊อเบแถ่ โต่ เน เด๊อ เน กู๊โด่ แก่ช๊า ปา,” จอแปแหร่ เฮ๊น๊อ อาม๊อขุ เตเน่วพู๊ เต๊เห่ ฮู๊เออเนอ ตือมือ โต่.

เพรโด่แนพู๊ เต๊เห่ 2:34

โพดาวิด อาเหน่แบ่เจ่ เร๊อดื่อ แถ่ โต่เด๊อ ม๊อขุ โต่ ตื๊อดื่อเรอ อา เฮ๊ เน๊อ, ‘แบ่เจ่ จอแปแหร่ เฮ๊ แว แบ่เจ่ เน๊อ, “โอ่แนโอ่ เด๊อ แว กู๊ขุ จ๊อทว๊า เออเตอกยา.

ꤜꤢꤨꤊꤢ꤬ 20:42

เมเตเฮ๊เรอ เบ๊อะลีเทส่อพ๊าสดูดี อากูเนอ, ดาวิด อาแหน่แบ่เจ่ เร๊อดื่อ จว๊า ราโต่ เนอ, ‘แบ่เจ่ เฮ๊ แว แบ่เจ่ เน๊อ, “โอ่แนโอ่ เด๊อ แว กู๊ขุ จ๊อทว๊า เออเตอกยา.

ꤗꤢ꤬ꤊꤢꤨ 16:19

แบ่เจ่ เหย่ซู่ เฮ๊เบ่โท เร๊อ อา โคเจ่ เต๊เห่ เร๊อ จอแปแหร่ เอ๊กา กาแถ่แก ลู เด๊อ ม๊อขุ เร๊อ อา แถ่โอ่แนโอ่ เด๊อ จอแปแหร่ อากู๊ขุ จ๊อทว๊า ตากยา.

ꤗꤢ꤬ꤊꤢꤨ 12:36

เมเตเฮ๊เรอ คุ๊ยดาวิด อาเหน่แบ่เจ่ เร๊อดื่อ เนอ แหย่โยบูโพ๊ แบ่เจ่ อา นอเฮ๊ ลู เนอ, ‘แบ่เจ่ จอแปแหร่ เฮ๊ แว แบ่เจ่ เน๊อ, “โอ่แนโอ่ เด๊อ แว กู๊ขุ จ๊อทว๊า เออตากยา, โอ่แนโอ่ โต่ ช๋า, แว เมเป่ ลอปลี เฮ๊อ ล๋อ แกแย เด๊อ อา ซิเถ่ เน เนอเต๊เห่แฮโอ่ลอ เด๊อ เนเตเป๊ออาเล ปาเนอนี๋.”’

เปโตร อาเหร่อเล๊อ ต๊าบ่า 3:22

เหย่ซู่ครี๊ กา กี๊แถ่เฮ๊อ เด๊อ ม๊อขุ เร๊อ อา กา โอ่แนโอ่ เด๊อ จอแปแหร่ อากู๊ขุ จ๊อทว๊า ตากยา เฮ๊อ. เร๊อ อา เป๊อตี๊หรี่ ลอ เตเน่วพู๊ เต๊เห่ เร๊อ เตเตอเรอฉว่าชอ เต๊เห่, เร๊อ เตโพรเตเตอเรอ เต๊เห่ เฮ๊อ.

เพรโด่แนพู๊ เต๊เห่ 7:55

หม่าแน๊เร๊อ คูสเทเฟน เนอ, อา เล๊อบา เร๊อ แหย่โยบูโพ๊แบ่เจ่. อา แม๊แถ่ เด๊อ ม๊อขุ เร๊อ อา แม๊เถอะ จอแปแหร่ อาลีอาเตเค, โท๊โต่ อา แม๊เถอะ เหย่ซู่ ก๊อถ่อโอ่ เด๊อ จอแปแหร่ อากู๊ขุ จ๊อทว๊า ตากยา.

มัทธิว 22:44

‘จอแปแหร่ เฮ๊ แว แบ่เจ่ เน๊อ, “เบ๊อะแว เมเป่ ลอหล่าตี๊กลิ แต่ล๋าย เพรซิเถ่ ซิฮา เน เนอเต๊เห่ เร๊อ แว แด่โอ่ลอ เหย่ซี เด๊อ เน กู๊ยาเล ล๋ายโต่ เนอ, โอ่แนโอ่ เด๊อ แว กู๊ขุ จ๊อทว๊า เออเตอกยา.”’

เอเฟซัส 5:22

เมซี๋, ฮู๊ ซี จูเอ่ แบ่เจ่ อาโหง่ เนอ, จูเอ่ เกอ ซี เวเต๊เห่ อาโหง่ นี๋.