โคโลสี 2:3 - ลีเทส่อพ๊าอาเซ เร๊อ เห่ขุทวาลู๊

³ เตลีแม เน๊อ เตซิคว๊าซิเง ล๋อ ปลี หม่าดื่อเฮ๊อ เตเด๊อะบุ๊ยเด๊อะเตอเรอ งูดุงูชอ เออเนอ, อา โอ่โอ๊โอ่บี๊ เด๊อ ครี๊ อากู.

Eastern Kayah Shadaw Dialect

³ ꤒꤢꤩ꤬ꤡ꤫ꤢꤧ꤬ ꤔꤢꤧ ꤒꤢꤩ꤬ꤞꤤꤋꤝꤢꤞꤤꤑꤢꤩ꤭ ꤜꤢꤪ꤭꤮ ꤕꤜꤤ꤭ ꤗ꤫ꤢ꤬ꤘꤢꤦ꤬ꤟꤣꤧ ꤒꤢꤩ꤬ꤏꤢꤪ꤭ꤚꤤ꤬ ꤍꤢꤨ꤬ꤘꤢꤨ꤬ꤖꤚꤤ꤬ꤘꤢꤨ꤬ ꤣꤧ꤭ꤔꤣꤧ꤬, ꤢ꤬ ꤥ꤬ꤥꤥ꤬ꤙꤤ ꤘꤣ ꤋꤚꤤ ꤢ꤬ꤊꤢꤨ꤭꤯

โคโลสี 2:3 ပူးပေါင်းရင်းမြစ်များ

โครินธ์ อาเหร่อเล๊อ ต๊าบ่า 1:24

หม่าแน๊เรอ แกแย เด๊อ จอแปแหร่ เอ๊ โค๊ลู เด๊อ อา เก่ หยื่อเอ่ เตซิครือมีลา เออเต๊เห่ อาเงเนอ, แกแยยิวพู๊ เต๊เห่ เบ่เบ่, แกแยยิวพู๊ หม่าโต่ เต๊เห่ เบ่เบ่, ครี๊ เซอ เด๊อ อี๊ถื่อดีเต่ลู เออเนอหมา หม่าเฮ๊อ จอแปแหร่ อา เตโพรเตเตอเรอ ฉว่าชอ เร๊อ อา เตลีแมลีเพ๊ เฮ๊อ.

โครินธ์ อาเหร่อเล๊อ ต๊าบ่า 1:30

จอแปแหร่ เมทวาแถ่ โต่เฮ๊อ ซี เน๊อ เหย่ซู่ครี๊ เตอเจ๋อ โต เฮ๊อ. อา เมทวา เป่ เฮ๊อ ซี เต๊อะเจ้อ แพ๊ เน๊อ ครี๊ เออเนอ, อา เก่ ทวาแถ่ เฮ๊อ เป เตลีแมลีเพ๊ เฮ๊อ. เด๊อ ครี๊ อาขว่าอาคยาเร๊อ, จอแปแหร่ แด่ เฮ๊อ เป ฮู๊ แกแยจ๊อแกแยเต เต๊เห่เนอ เฮ๊อ. โท๊โต่ เป ทวาแถ่ เฮ๊อ จอแปแหร่ อาแกแย บูโพ๊ เร๊อ ครี๊ ปลวาเถ่ ปาลา เฮ๊อ เป เน๊อ เตซื๊อ เฮ๊อ.

ꤚꤥꤗꤢꤩ꤬ 11:33

จอแปแหร่ อา เตซิยอ, อา เตลีแมลีเพ๊ เร๊อ อา เตซิคว๊าซิเง เออเต๊เห่เนอ, อาดุอาแย แหน่เจ๊อ. อา ตี๊หรี่แตแร เมเต เออเต๊เห่เนอ, อู ซิเงทว๊า เบ๊ เจ๊อ เตเพร่ว โต่. อาแกล๊ เต๊เห่เนอ, อู ครวา ซิเง เบ๊ เจ๊อ เตเพร่ว โต่.

โคโลสี 1:9

ฮู๊เนอเรอ, เป๊อแถ่ เบ๊อะเป หนิโฮเบ่ อาเมวกู เนอ เตอเนอเนอ, เป แด่โอ่โก๊แกน๊อ เป เตกุยจ๊อเบ เด๊อ ซีเง โตโพ๋ โต่. เป กุยจ๊อเบ จอแปแหร่ เด๊อ อา เก่ เด๊อะตา เล๊อบา ล๋อปลี ซี เตแจ่เตลีแม เด๊อ แหย่โย ตากยา เร๊อ เตซิคว๊าซิเง เด๊อ แหย่โย ตากยา เร๊อ เด๊อ เออเต๊เห่ อาขว่าอาคยา, เป กุยจ๊อเบ จอแปแหร่ เร๊อ อา เก่ เด๊อซิเง เล๊อเล๊อบาบา เป่ ซี เร๊อ ซี เก่ แรเต ฮู๊ อาโต ลูซิปล่อ เนอเต๊เห่.

เอเฟซัส 1:8

จอแปแหร่ กลอแลแล๊แล ตาปอตาเป เป่ เจ๊อ เป อาบุ๊ยดุอาเตอเรอทู เร๊อ, อา เด๊อะ เป ล๋อ อา เตลีแมลีเพ๊ แจ่ดื่อ เต๊เห่ เร๊อ อา เตซิคว๊าซิเง ปว๋า เต๊อเจ่อ เจ๊อ.

มัทธิว 10:26

“เมฮู๊เนอเรอ ซิอิเช แต่ แกแย เห่ขุพู๊ แต่เหม่. ล๋อ เต ด๊อโอ๊ด๊อบี๊ เต๊เห่เนอ, จอแปแหร่ อา บ๊าโมแถ่ โลลอ อา ปา, เร๊อ ล๋อ เตเมโห่เมเซ๊ เต๊เห่เนอ, จอแปแหร่ เก่เม เถ่ โล ลอ อา ปา.

โคโลสี 3:16

นอโอ่หม่าโอ่กลอ เล๊อบา เกอดื่อ ครี๊ อาลาอาโหง่ เด๊อ ซี ซิปล่อกู นี๋. ซี เก่ อิซว๊าอี๊แส่ คยาลู เตเพร เร๊อ เตเพร, เร๊อ ซี เก่ เด๊อรอเด๊อเร หนิ คยาลู เตเพร เร๊อ เตเพร บ๋า เตแจ่ โอ่ เร๊อ ซี เนอ นี๋. อิโรถู่เซ๊แถ่ แลแค จอแปแหร่ เร๊อ ซี เตเฮ๊บุ๊ยเฮ๊เตอเรอ ลู เด๊อ ซี ซิปล่อกู นี๋. อิโรถู่เซ๊แถ่ แลแค จอแปแหร่ เร๊อ อาลี อิโร เนอเต๊เห่ ล๋อ ปลี นี๋.

เตเด๊อะโลแถ่ 2:17

“เน กู๊หลิโกะ เก่ โอ่ เร๊อ หนิดา เต เด๊อ จอแปแหร่ อา แหย่โยบูโพ๊ แด๊โฉ่ เพรหยื่อเอ่ตู๊หมู่ตอกล๊อ เออเต๊เห่เนอ. อา เฮ๊ ฮู๊เตเฮ๊เร๊อ, ล๋อ แกแย เด๊อ อา เมเป่ เต เต๊เห่เนอ แว เก่ เด๊อะ อา ค๊อมูมานา เด๊อ อู แด่โอ๊ อา เออเนอต๊อกล่อ ปา. โทเรอ แว เก่ เด๊อะ เหย่ซี หล่อบู เตเพร เตเม ปา, เร๊อ อู ราโอ่ มุยเซ เด๊อ อาลู เออเนอ ปา. มุยเซ เออเนอ อู ซิเง อา เตเพร่ว โต่, ซิเง ตื๊อแพ๊ แกแย เด๊อ อา พย๊าหนิ หล่อเออเนอ เตเพรเพร่ว แพ๊.”

โคโลสี 3:3

เมเตเฮ๊เรอ, ซี เซอเต่อ โทเฮ๊อ เร๊อ ครี๊ เฮ๊อ เร๊อ กู๊แหน่เออ ซี พย๊าหนิ เต่อเกอเฮ๊อ ซิปล่อเซอเพร อาเซ เน๊อ ครี๊ เฮ๊อ. โท๊โต่ ซี ทวาแถ่ เฮ๊อ เตเตอเจ๋อโต เฮ๊อ เร๊อ จอแปแหร่ เฮ๊อ. แกแย เต๊เห่เนอ อา ซิเงโปล เกอเฮ๊อ ซิปล่อเซอเพร อาเซเออ ล๋ายโต่.

โคโลสี 1:19

เมเตเฮ๊เรอ, ล๋อ จอแปแหร่ โอ่ เร๊อ อา เตเล๊อเตบา เต๊เห่เนอ, อา ซิหยื่อ นอโอ่เกอ เด๊อ ครี๊ อากู.

ꤜꤢꤨꤊꤢ꤬ 11:49

เด๊อ เตหรี่เตแก เออเต๊อเจ่อ อาขว่าอาคยา, จอแปแหร่ โอ่ เร๊อ อา เตลีแม เร๊อ อา เฮ๊ เน๊อ, ‘แว เก่ นอจว๊า เป่ เหย่ซี เพรโพร เต๊เห่, เร๊อ เพรโด่แนพู๊ เต๊เห่ ปา, เร๊อ เหย่ซี เก่ เมเซอแก เต๊เห่เห่ ปา, เต๊เห่เห่เรอ เหย่ซี เก่ เมจาเมจือ ลู ปา.’

โคโลสี 1:28

แซ่ฮู๊ เป เก่ ซูโน แกแย ปว๋า เตเพร เด๊อ จอแปแหร่ เป๊เส่เง ฮู๊ แกแย เด๊อ อา ทวาแถ่ เฮ๊อ เตเต๊อเจ๋อ โต เน๊อ ครี๊ เร๊อ อา ดุเผร่ ตาเต เฮ๊อ เด๊อ แหย่โย ตากยา เต๊เห่ อาเงเนอ, เป แด๊โฉ่โด่แน เป่ เฮ๊อ อู ปว๋า เตเพร เน๊อ ครี๊ อาหรี่อาแก เฮ๊อ. โท๊โต่ เป เด๊อะรอเด๊อะเร เฮ๊อ อู ปว๋า เตเพร, เร๊อ เป อิซว๊าอี๊แส่ เป่ เฮ๊อ อู ปว๋า เตเพร เน๊อ ล๋อ ลีแมลีเพ๊ เออเนอเต๊เห่ เฮ๊อ.

เปโตร เนอบ่า ต๊าบ่า 1:5

เด๊อ เตหรี่เตแก เออ อาขว่าอาคยา, แอ๊จื๊อ แฮเง แร๊โป่ แลแค เด๊อ เง นี๋. เด๊อ ซี เตหยื่อเตแหน่ อาขุเนอ, แด่ปล๊อ เอ๊แถ่โป่ เตแด่ ซิปล่อสู่เทอ เด๊อ อาแร๊, เด๊อ เตแด่ ซิปล่อ สู่เทอ เด๊อ อาแร๊ อาขุเนอ, แด่ปล๊อ เอ๊แถ่โป่ เตซิคว๊าซิเง,