โคโลสี 2:20 - ลีเทส่อพ๊าอาเซ เร๊อ เห่ขุทวาลู๊

²⁰ ซี เซอ เต่อเกอ เน๊อ เหย่ซู่ครี๊ เฮ๊อ เร๊อ อา เมแลเปล๊กา เฮ๊อ ซี เน๊อ โลเน๊โลหน่า เด๊อ อา เป๊อหนิ เห่ขุชีบ่า เออเนอเต๊เห่ อา กู๊ยากู เฮ๊อ. ซี จว๊า โอ่เซอเพร ปา แลแค ฮู๊ แกแย เด๊อ อา แซ่ปา เน๊อ เห่ขุพู๊ เออเต๊เห่เนอ ฮู๊เต? เร๊อ ซี จว๊า หนิดา ครวาเมเกอ ปา เตโด่เตดว๊า เต๊เห่ เมเต?

Eastern Kayah Shadaw Dialect

²⁰ ꤞꤤ꤭ ꤞꤣꤧ꤭ ꤒ꤫ꤣ꤬ꤊꤣꤧ꤭ ꤔꤢꤧ ꤛꤢꤩ꤬ꤏꤛꤢꤨꤋꤚꤤ ꤟꤣꤧ ꤚꤣꤧ꤬ ꤢ꤬ ꤗꤢꤩ꤬ꤜꤣꤧ꤬ꤕꤜꤢꤩꤊꤢ꤬ ꤟꤣꤧ ꤞꤤ꤭ ꤔꤢꤧ ꤜꤥ꤭ꤔꤢꤩꤜꤥ꤭ꤔꤢ꤬ ꤘꤣ ꤢ꤬ ꤕꤣꤚꤣꤧ ꤟꤢꤩ꤬ꤋꤢꤨ꤬ꤏꤤ꤭ꤙꤢ꤬ ꤣꤧ꤭ꤔꤣꤧ꤬ꤒꤣꤧ꤬ꤟꤢꤩ꤬ ꤢ꤬ ꤊꤢꤨꤛꤢ꤭ꤊꤢꤨ꤭ ꤟꤣꤧ꤯ ꤞꤤ꤭ ꤡꤝꤢ ꤥ꤬ꤞꤣꤧ꤭ꤖꤚꤢꤩ꤬ ꤕꤢ꤬ ꤜꤢ꤭ꤋꤢꤧ꤭ ꤟꤢꤨ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤞꤢꤧꤕꤢ꤬ ꤔꤢꤧ ꤟꤢꤩ꤬ꤋꤢꤨ꤬ꤖꤢꤨ ꤣꤧ꤭ꤒꤣꤧ꤬ꤟꤢꤩ꤬ꤔꤣꤧ꤬ ꤟꤢꤨꤒꤢꤩ꤭? ꤚꤣꤧ꤬ ꤞꤤ꤭ ꤡꤝꤢ ꤔ꤫ꤤ꤬ꤘꤢ꤭ ꤋꤚꤝꤢ꤭ꤗꤢꤩ꤬ꤊꤣꤧ꤭ ꤕꤢ꤬ ꤒꤢꤩ꤬ꤘꤥ꤬ ꤒꤣꤧ꤬ꤟꤢꤩ꤬ ꤗꤢꤩ꤬ꤒꤢꤩ꤭?

โคโลสี 2:20 ပူးပေါင်းရင်းမြစ်များ

โคโลสี 2:8

รอหนิ แลแค ซีเหน่ นี๋. นออิลออี๊โหล่ หนิเกอเร๊อ แต่ ซีเหน่ เน๊อ แกแย เด๊อ อา อิซว๊าอี๊แส่ซื๊อ ดื่อเง เตเนอเต๊เห่ เตเพร่ว แต่เหม่ นี๋. เตเนอเต๊เห่ หม่า อา แกเด แพ๊. เตอิซว๊าอี๊แส่ ฮู๊เนอ เต๊เห่หม่า หม่าแพ๊ แกแย เห่ขุพู๊ อาเหล่โกล เด๊อะตา แฮเงโต่ คยาลู ตือทือ โท ตือทือ เนอเต๊เห่ แพ๊. เร๊อ เนอเต๊เห่ หม่า อา แฮ เด๊อ โลเน๊โลหน่า มู๊แหม่ เด๊อ อา เป๊อ เห่ขุชีบ่า เนอเต๊เห่ อา โอ่ แพ๊. เตอิซว๊า ฮู๊เนอ เต๊เห่หม่า อา แฮ เด๊อ เหย่ซู่ครี๊ อา โอ่ หม่าโต่.

โคโลสี 2:16

ฮู๊เนอเรอ, แกแย เด๊อ อา แด่ ซี เตซื๊อ เน๊อ ซี เตเอ่เตโอ อาหรี่อาแก เต๊เห่เนอ, หนิดา แต่ เหย่ซีโหง่ แต่เหม่ นี๋. ปวาหน่าหน๋า ซี เก่ เมป่วยเมลา เป่เกอ เหย่ซี ม๊อเนอบูโพ๊ โต่, ดา เลบา เฮ๊อเร๊อ ซี เก่ เมป่วยเมลา เป่เกอ เหย่ซี โต่ เฮ๊เนอ, เหย่ซี ซิหยื่อ แด่ ซี เตซื๊อ. หม่าแน๊เรอ หนิดา แต่ เหย่ซี อาโหง่ แต่เหม่ นี๋.

ꤊꤢ꤬ꤜꤢ꤬ꤒꤤ 4:3

เป เออเต๊เห่ เนอหม่า อาแซ่เน๊อ เนอเฮ๊อ. เบ๊อะครี๊ แฮ แต่ล๋ายโต่ เบ๊อะเนอ, เป ทวา เห่ขุเน๊ขุ อา เตซว๊าเตแส่ เร๊อ อา เหล่โกลเหล่แบ่ เต๊เห่ อาหลู่เล๊.

โคโลสี 2:14

อา ทื๊อปลีแก ล๊อ เฮ๊อ เตราม๊าราแด เด๊อ อา เตเร เมจากาคยา เป เนอเต๊เห่ เฮ๊อ. เบ๊อะอู มือเซอแถ่ ครี๊ เด๊อ อี๊ถื่อดีเต่ลู เบ๊อะเนอ, จอแปแหร่ ท๊อยาท๊อหมื่อแก โท ลอเฮ๊อ เตราม๊าราแด เนอเต๊เห่ เฮ๊อ.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 5:19

เป ซิเง เร๊อ เป เออเต๊เห่ เนอหม่า จอแปแหร่ อาพู๊อาเลอ เต๊เห่ หม่าแน๊เรอ ล๋อ แกแย เด๊อ อาโร เต๊เห่ เนอหม่า อา โอ่ แลแค เด๊อ โลเน๊มู๊แหม่รีแจ่ กู่กล๊อ เด๊อ อา เม เตมู๊แหม่ เออโตโด อา เตเป๊อตี๊หรี่ อาเล.

ꤟꤤꤙꤚꤢꤨ 13:9

นออิลออี๊โหล่ จว๊าซื๊อ แต่ ซี เน๊อ ล๋อ เตอิซว๊าอี๊แส่ เด๊อ อา โค๊คยา เนอเต๊เห่ แต่เหม่ นี๋. ครวาจว๊าเกอ แต่เหม่ นี๋. ซี ซิปล่อ เออเนอ, อา โต อ๊าฉว่าเหร่ชอแถ่ เน๊อ จอแปแหร่ อาบุ๊ยอาเตอเรอ อาคยาแพ๊. เด๊อ ซี หนิดา ครวาเมเกอ เหล่เอ่เหล่โอ อา เตซว๊าเตแส่ เต๊เห่ อาคยา เร๊อ ซี ซิปล่อ อ๊าฉว่าเหร่ชอแถ่ โต่ ฮู๊เนอ หม่าโต่. ซี หนิดา ครวาเมเกอ เตซว๊าเตแส่ อาคยา เออเนอ, อา หนิบุ๊ยหนิเตอเรอ เด๊อ ซีเง เตอเจ๋อ โต่.

ꤡꤛꤢꤩ꤭ꤗꤢ꤬ꤎꤣ꤬ 4:4

แกแย เด๊อ อา ซิปล่อก่า เด๊อ จอแปแหร่ อาขุ ซี๋, ซี แบ๊ซว๊า เน๊อ เห่ขุ อา เตมู๊แหม่รีแจ่ เต๊เห่ เนอหม่า ซี ทวาแถ่เฮ๊อ เพร เด๊อ อา ซิเถ่ จอแปแหร่ เต๊เห่เฮ๊อ เนอหม่า ซี ซิเง โต่ แอ? แกแย เด๊อ อา ซิหยื่อ ทวาแถ่ เห่ขุ อา เตมู๊แหม่รีแจ่ เออเต๊เห่ อา โคแบ๊ซว๊า เตเพรเพรเนอ อา เม ซิเถ่ซิฮา เฮ๊อ อาเหน่ เน๊อ จอแปแหร่ เฮ๊อ.

ꤊꤢ꤬ꤜꤢ꤬ꤒꤤ 6:14

แว เก่ เฮ๊เบ่แถ่โล เกอ ฮู๊ เหย่ซีเนอ เก่เฮ๊เรอ, แว เก่ เฮ๊เบ่แถ่โล แพ๊ เด๊อ แว โด่แน เป่ แบ่เจ่ เหย่ซู่ครี๊ อา อี๊ถื่อดีเต่ อาหรี่อาแก เออเนอ แพ๊. เหย่ซู่ เซอ เด๊อ อี๊ถื่อดีเต่ลู เฮ๊อ อาขว่าอาคยา, เตปว๋า เต๊อเจ่อ เด๊อ อา จิจือ เร๊อ เห่ขุ เออเต๊เห่เนอ, อา เซอแก เป่ลอเฮ๊อ เด๊อ แวเงเฮ๊อ, ฮู๊เนอเฮ๊อ, แว เร๊อ แว เซอแก เป่ลอเฮ๊อ เตเด๊อ อา จิจือ เร๊อ เห่ขุ เออเนอเต๊เห่ เฮ๊อเฮ๊อ.

โครินธ์ เนอบ่า ต๊าบ่า 10:3

เป หม่า แกแย เห่ขุพู๊ เต๊เห่ แพ๊ เนอหม่า หม่าแหน่ว๊า, หม่าแน๊เรอ เป ช๊าฉื่อ เต เออเนอ, เป ช๊า ฮู๊ แกแย เห่ขุพู๊ เต๊เห่ ช๊าเนอ หม่าโต่.

ꤛꤥ꤭ꤟꤢ꤬ 15:19

ซี เก่ แซ่เน๊อ แกแย เห่ขุพู๊ เออเต๊เห่ เฮ๊เนอ, อา เก่ โม เกอเร๊อ ซี ฮู๊ เหย่ซี แกแย เร๊อดื่อ เนอเต๊เห่ ปา. หม่าแน๊เรอ ซี เนอ, ซี โค๊ดื่อ เน๊อ เหย่ซี เฮ๊อ. แว นว๊าเถ่โค๊แก เฮ๊อ ซี เด๊อ แกแย เห่ขุพู๊ เต๊เห่ อาเกล เฮ๊อ. เหย่ซี ซิเถ่ ซี อาแก่ช๊าแกแร หม่า หม่าเฮ๊อ เด๊อ ซี ย๋อโค๊ดื่อ เร๊อ เหย่ซี เฮ๊อ, โท๊โต่ แว ย๋อ นว๊าเถ่โค๊แก เฮ๊อ ซี เน๊อ เหย่ซี เออ อาขว่าอาคยาเร๊อ เหย่ซี ซิเถ่ซิฮา เฮ๊อ ซี เฮ๊อ.

เอเฟซัส 2:15

แกแยยิวพู๊ เต๊เห่ อา เตซว๊าเตแส่ อาเกลเนอหม่า, อา เตซว๊าเตแส่ อาพู๊แพปีชีจว๊า เต๊เห่ อา โอ่ เอ๊แหน่เจ๊อ ตื๊อดื่อเรอ เด๊อ ครี๊ เซอ อาขว่าอาคยา อา เม ตื๊อดื่อ โทแก ปลื๊อลอเฮ๊อ เหย่ซี เต เนอเต๊เห่ เฮ๊อ. อา เตเตเนหนื่ออื่อ หม่า หม่าเฮ๊อ, แซ่ฮู๊ แกแย เออเนอหมู่ เก่ ทวาแถ่ดื่อ แกแย อาเซ ตู๊หมู่จือ เด๊อ ครี๊ อากู เรอ, อา เม เต๊เปล่ เร๊อดื่อ เร๊อ อาเหน่ เฮ๊อ. ฮู๊เนอเรอ อา เมเปเมดวา กาคยา คยาแซ๊ เหย่ซี เฮ๊อ.

โคโลสี 3:3

เมเตเฮ๊เรอ, ซี เซอเต่อ โทเฮ๊อ เร๊อ ครี๊ เฮ๊อ เร๊อ กู๊แหน่เออ ซี พย๊าหนิ เต่อเกอเฮ๊อ ซิปล่อเซอเพร อาเซ เน๊อ ครี๊ เฮ๊อ. โท๊โต่ ซี ทวาแถ่ เฮ๊อ เตเตอเจ๋อโต เฮ๊อ เร๊อ จอแปแหร่ เฮ๊อ. แกแย เต๊เห่เนอ อา ซิเงโปล เกอเฮ๊อ ซิปล่อเซอเพร อาเซเออ ล๋ายโต่.

โคโลสี 2:21

เตซว๊าเตแส่ เน๊อ เตโด่เตดว๊า เออเต๊เห่ เฮ๊ เน๊อ, “เออเต๊อเจ่อเนอ ปื่อขร่า แต่ อา แต่เหม่,” “เด๊อะเนอเต๊อเจ่อ เร๊อ หย่าแม๊ แต่ อา แต่เหม่,” “เด๊อ เนอเต๊อเจ่อ เกอลาติ เร๊อ เต่อเบ่ แต่ อา แต่เหม่.”