จอแปแหร่ ซิปล่อโอ่ เด๊อ อา เก่ เบ่ แด่โลแถ่ เป่ อาแกแย เต๊เห่ เน๊อ อา เตแด่โอ๊แด่บี๊ เออเต๊อเจ่อ. อา เตแด่โอ๊แด่บี๊ เออเนอหมา แกแยยิวพู๊ หม่าโต่ เต๊เห่ อาเง เนอหม่า อาหม่าหม่า. เตแด่โอ๊แด่บี๊ เออเนอหมา อา งูดุงูชอ, อาเตอเรอดุเตอเรอทู แหน่เจ๊อ. เตแด่โอ๊แด่บี๊ เออเนอหมา หม่าเฮ๊อ ครี๊ เด๊อ อา โอ่ เด๊อ ซีเหน่ลู เออเนอเฮ๊อ, เร๊อ อาโหง่แลช๊า หม่า หม่าเฮ๊อ ซี เก่ พย๊าหนิ เกอดื่อ จอแปแหร่ อาเตอเรอดุเตอเรอทู ปา, เออเนอเฮ๊อ.
โคโลสี 2:2 - ลีเทส่อพ๊าอาเซ เร๊อ เห่ขุทวาลู๊2 แซ่ฮู๊ แว เก่ เด๊อะอ๊าเด๊อะเหร่หนิ เหย่ซี เร๊อ แว เมฮู๊เออ แพ๊. แซ่ฮู๊ เหย่ซี ซิปล่อ เก่ จิจือ หนิเกอเร๊อ ลู เตเพร เน๊อ เตเพร เด๊อ เตโม อากู, โท๊โต่ แซ่ฮู๊ เหย่ซี เก่ พย๊าหนิ ลอหล่าตี๊กลิ ตาเตลอ เตซิเง, ฮู๊เนอเรอ เหย่ซี ซิเงโปลแฮเฮ๊อ จอแปแหร่ อาเตแด่ โอ๊โอ่บี๊ หม่าเฮ๊อ ครี๊ เออเนอ เร๊อ แว แอ๊จื๊อ แอ๊เหร่ เม แหน่แหน่ เจ๊อ เป่ ซี เฮ๊อ. အခန်းကိုကြည့်ပါ။Eastern Kayah Shadaw Dialect2 ꤞꤢꤧꤟꤢꤨ ꤠꤢꤧ꤭ ꤊ꤫ꤢꤦ꤬ ꤘꤣꤧꤟꤢꤧ꤭ꤘꤣꤧꤚꤢꤩ꤬ꤚꤣꤧ ꤛꤢꤩ꤬ꤞꤤ꤭ ꤚꤣꤧ꤬ ꤠꤢꤧ꤭ ꤗꤢꤩ꤬ꤟꤢꤨꤣꤧ꤭ ꤖꤢꤧ꤯ ꤞꤢꤧꤟꤢꤨ ꤛꤢꤩ꤬ꤞꤤ꤭ ꤞꤤꤕꤜꤢꤪ꤬ ꤊ꤫ꤢꤦ꤬ ꤡ꤫ꤢꤩ꤬ꤡꤢꤦ꤭ ꤚꤣꤧꤘꤢꤦ꤬ ꤜꤢꤨ꤭ ꤒꤣ꤬ꤖꤚꤢꤩ꤬ ꤔꤢꤧ ꤒꤣ꤬ꤖꤚꤢꤩ꤬ ꤘꤣ ꤒꤢꤩ꤬ꤗꤥ꤬ ꤢ꤬ꤊꤢꤨ꤭ ꤓꤥ꤭ꤒꤥ꤬ ꤞꤢꤧꤟꤢꤨ ꤛꤢꤩ꤬ꤞꤤ꤭ ꤊ꤫ꤢꤦ꤬ ꤔ꤫ꤤ꤬ꤙꤢꤩ꤬ ꤜꤢꤪ꤭ꤜ꤫ꤢ꤬ꤒꤣꤧ꤬ꤊꤜꤤ꤬ ꤒꤢ꤭ꤒꤢꤩ꤬ꤜꤢꤪ꤭ ꤒꤢꤩ꤬ꤞꤤꤑꤢꤩ꤭, ꤟꤢꤨꤔꤣꤧ꤬ꤚꤣꤧ꤬ ꤛꤢꤩ꤬ꤞꤤ꤭ ꤞꤤꤑꤢꤩ꤭ꤕꤜꤥ꤭ꤟꤢꤧ꤭ꤟꤣꤧ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤒꤢꤩ꤬ꤘꤢꤧ꤬ ꤥ꤬ꤥꤥ꤬ꤙꤤ ꤗ꤫ꤢ꤬ꤟꤣꤧ ꤋꤚꤤ ꤣꤧ꤭ꤔꤣꤧ꤬ ꤚꤣꤧ꤬ ꤠꤢꤧ꤭ ꤢꤧꤡꤢꤦ ꤗꤢꤩ꤬ ꤜꤢꤪ꤭ꤞꤢꤨ꤬ꤜꤢꤪ꤭ꤞꤢꤩ ꤟꤢꤨꤔꤣꤧ꤬ ꤖꤢꤧ꤯ အခန်းကိုကြည့်ပါ။ |
โคโลสี 2:2
58 ပူးပေါင်းရင်းမြစ်များ
ตื๊อเนอโท๊โต่, กู๊แหน่เออ แว ล๋อ ซิเงแฮเฮ๊อ เร๊อ ซิเงเฮ๊อ แว แบ่เจ่ เหย่ซู่ครี๊ เออเนอ อา งูดุงูชอ เล๊อปา เจ๊อ เร๊อ เตล๋อ ปลี อาขว่าอาคยา, ล๋อ เต เออเต๊เห่เนอ, แว แด่แก อา ฮู๊ เตโอ่เล๊อโอ่กลอ เต๊เห่เนอ แพ๊. เด๊อ ครี๊ อาเง อาขว่าอาคยา, แว วีแก ลอเฮ๊อ ปว๋า เต๊อเจ่อ เฮ๊อ. แซ่ฮู๊ แว เก่ พย๊าหนิ ครี๊ เร๊อ แว เก่ ทวาแถ่ เต เตอเจ๋อโต เร๊อ ครี๊ อาเงเนอ, ล๋อ เต เออเต๊เห่เนอ, แว เตเนแก อา ฮู๊ ส่อซุ๊ย เต๊เห่เนอ แพ๊.
เด๊อ เหย่ซู่ครี๊ อา เตโพรเตเตอเรอ เออ อาขว่าอาคยา, เบ๊อะเป ซิเงแฮ โป่เฮ๊อ ลู เบ๊อะเนอ, แซ่ฮู๊ เป เก่ โอ่เกอ เร๊อ ซิปล่อเซอเพร, โทเร๊อ แซ่ฮู๊ เป เก่ เมเกอฮู๊ อาโต ลูซิปล่อ อาเงเนอ, อา เด๊อะตา เฮ๊อเป ล๋อ เป โหล่ เนอเต๊เห่ เฮ๊อ. เด๊อ อา เตโพรเตเตอเรอ เด๊อ อาดุอาทู เร๊อ อาเตแร๊ หม่าแหน่ เร๊อดื่อ เออเต๊เห่ อาขว่าอาคยาเร๊อ อา เอ๊ เป่ เฮ๊อ.
เบ๊อะซี หยื่อเอ่หนิ เฮ๊อ จอแปแหร่ เด๊อ อา เมจว่า ซี เออ เบ๊อะเนอ, อา หม่า จอแปแหร่ เตเพร เด๊อ เป เหล่แม๊ชือ อา แก่ช๊าแก่แร อาขว่าอาคยา, อา เก่ เมเล๊อบา เป่ดื่อ ซี เตซิครือซิลอ เน๊อ ซี ซิปล่อ อา เตตู๊จุเตอเจ๊อ นี๋. โท๊โต่ แซ่ฮู๊ ซี เตแม๊ชือ เก่ ฉว่าแถ่ชอแถ่ แฮเง เกอโป่ เด๊อ เง เร๊อ แหย่โยบูโพ๊ แบ่เจ่ อา เตโพรเตเตอเรอ อาขว่าอาคยา แพ๊ เนอเรอ แว กุยจ๊อเบ เป่ เด๊อ ซีเง.
ฮู๊เนอเรอ เป แฮผื่อ แลแค เด๊อ จอแปแหร่ อา โอ่ โป๊. เป เก่ แฮ เน๊อ เป ซิปล่อ เด๊อ อาจ๊ออาเต, เน๊อ เป เตหยื่อ เด๊อ อาตาอาเต เออเต๊เห่ โป๊. เมเตเฮ๊เนอ, เป ซิปล่อ อา เตเตเน มู๊แหม่เออ, แซ่ฮู๊ อา เก่ อาโพ๊อาแปละ อาเงเนอ, อู ซู๊ปลีแก โทเฮ๊อ เป เน๊อ ครี๊ อาสุ่ย เฮ๊อ. โท๊โต่ เปเหน่กล่อ เออเนอ, อู ซู๊ปลี โทเฮ๊อ เน๊อ เทอเช๊อ เออเนอเฮ๊อ.
เป เตจ๊อบู่จ๊อเบ อาจ่ออาแย อาดุอาแย เจ๊อ บ๋า เต บ๋า เตเนอ อู โชโม๊บิแก หนิแจ่ อา เตเพร่ว โต่. ครี๊ โอ่โลแถ่ เฮ๊อ ฮู๊ แกแย เห่ขุพู๊ เตเพร, เร๊อ แหย่โยบูโพ๊ แบ่เจ่ ข่าเฮ๊อ ซิปล่อ เน๊อ ครี๊ เออเนอ อา เมโต จอแปแหร่ อาซิปล่อ, เร๊อ ม๊อขุ เตเน่วพู๊ เต๊เห่ แม๊เถอะเบ่ เฮ๊อ อา. โทเรอ อา อาหรี่อาแก เออเนอ, อู แด๊โฉ่โด่แน เฮ๊อ อา เด๊อ เมวจ่อโรพู๊ เต๊เห่ อาเกลเฮ๊อ. แกแย โอ่ เด๊อ เห่ขุเออ เต๊เห่เห่ เนอ อา หยื่อเอ่แหน่ เกอ เฮ๊อ อา เฮ๊อ. จอแปแหร่ จอแถ่เฮ๊อ อา เด๊อ ม๊อขุ เด๊อ เตลีเตเค อากูเฮ๊อ.
ฮู๊เนอเรอ, เป๊อแถ่ เบ๊อะเป หนิโฮเบ่ อาเมวกู เนอ เตอเนอเนอ, เป แด่โอ่โก๊แกน๊อ เป เตกุยจ๊อเบ เด๊อ ซีเง โตโพ๋ โต่. เป กุยจ๊อเบ จอแปแหร่ เด๊อ อา เก่ เด๊อะตา เล๊อบา ล๋อปลี ซี เตแจ่เตลีแม เด๊อ แหย่โย ตากยา เร๊อ เตซิคว๊าซิเง เด๊อ แหย่โย ตากยา เร๊อ เด๊อ เออเต๊เห่ อาขว่าอาคยา, เป กุยจ๊อเบ จอแปแหร่ เร๊อ อา เก่ เด๊อซิเง เล๊อเล๊อบาบา เป่ ซี เร๊อ ซี เก่ แรเต ฮู๊ อาโต ลูซิปล่อ เนอเต๊เห่.
เบ๊อะเนอโตโพ๊ แบ่เจ่ เหย่ซู่ เฮ๊ จอแปแหร่ เน๊อ, “เก๋อ ม๊อขุ แบ่เจ่, เห่ขุ แบ่เจ่, แวเพ จอแปแหร่, แว เฮ๊บุ๊ยเฮ๊เตอเรอ เน, เต เด๊อ เน แด่โอ๊ แด่บี๊ เป่ เพรลีแมลีเพ๊ เต๊เห่ เนอ เพรแม๊ ตูปลู ซิเงเตพู๊ เต๊เห่เนอ, เน เด๊อะโลแถ่ เป่เฮ๊อ เร๊อ แกแย เด๊อ อา เตเนปีตี๊ อาเหน่ แซ่เน๊อ เป๊เจ่พู๊ เนอเต๊เห่เฮ๊อ อาขว่าอาคยา, แว เฮ๊ บุ๊ย เฮ๊ เตอเรอ แถ่เน”
เมเตเฮ๊เรอ เป พย๊าแฮ เป่ ซี เตซิครือมีลา เออเนอหมา ตื๊อแพ๊ เป กู๊อู่ อา เตเฮ๊เบ่ เนอหม่าโต่. เตซิครือมีลา เออเนอหมา, อาโอ่ เร๊อ อา เตอเรอฉว่าชอ, อาโอ่ เร๊อ แหย่โยบูโพ๊ แบ่เจ่, อาโอ่ เร๊อ เตหยื่อเอ่ ลอหล่าตี๊กลิ เตซิครือมีลา อา เตจ๊อเตเต เออเต๊เห่. เร๊อ เบ๊อะเป โอ่เกอ เร๊อ ซี เบ๊อะเนอ, เป หม่า แกแย ฮู๊เต เต๊เห่เนอหม่า, ซี ซิเง โทดื่อเฮ๊อ. เออเนอหมา เป โอ่เซอเพร เป่ เด๊อ ซี เหล่หนิบุ๊ย หนิเตอเรอ อาเง แพ๊.
แกแย เนอเต๊เห่ หม่า อา ปื่อหม่าปื่อกลอ ปา ครี๊ โต่ เฮ๊อ ครี๊ หม่า อาแซ่เน๊อ กู่กล๊อ เร๊อ ล๋อ แกแย เด๊อ อา หยื่อเอ่ ลู เต๊เห่ เนอหม่า อา ทวา ลู เหน่กล่อ. กู่กล๊อ เออเนอ อา เด๊อะอ๊าเด๊อะเหร่ เป่ เหน่กล่อ เร๊อ อา นอ ทวาแถ่ มาทือ เร๊อ หรุ่ยถว่า ล๊อปลี เก่ ปื่อหม่า จิจือหนิ โหร่ลู เหน่กล่อ เร๊อ อา เหน่กล่อ เออเนอ อา ดุแถ่ ฮู๊ จอแปแหร่ นอดุแถ่ ลู เนอแพ๊.
เด๊อ เนอเคหม่า แกแย เต๊เห่ ซิเง ครี๊ อาหรี่อาแก โต่. จอแปแหร่ ด๊อโอ๊ด๊อบี๊ เร๊อดื่อ ครี๊ อาหรี่อาแกเออ. หม่าแน๊เรอ กู๊แหน่เออ เตด๊อโอ๊ด๊อบี๊ เออเนอ อา โอ่โลแถ่ เฮ๊อ. แซ่ฮู๊ จอแปแหร่ เก่ บ๊อโม หนิเป่ เปแกล๊ เด๊อ เป เก่ แด๊โฉ่โด่แน หนิเป่ อู เร๊อ ครี๊ อาหรี่อาแก เออเนอเร๊อ, กุยจ๊อเบ เป่เกอ แลแค เด๊อ เปเง นี๋. มู๋ หนู่เคหม่า เตด๊อโอ๊ เออเนอ, อา โอ่โลแถ่ แต๋โต่, ตื๊อดื่อเรอ กู๊แหน่เออ อา โอ่โลแถ่ เฮ๊อ. เด๊อ แว โด่แน เป่ อู เน๊อ ครี๊ อาหรี่อาแก อาขว่าอาคยา, อู ด๊อตา แว เด๊อ ทอกู แพ๊.
ကြော်ငြာတွေ