รอหนิ แลแค ซีเหน่ นี๋. นออิลออี๊โหล่ หนิเกอเร๊อ แต่ ซีเหน่ เน๊อ แกแย เด๊อ อา อิซว๊าอี๊แส่ซื๊อ ดื่อเง เตเนอเต๊เห่ เตเพร่ว แต่เหม่ นี๋. เตเนอเต๊เห่ หม่า อา แกเด แพ๊. เตอิซว๊าอี๊แส่ ฮู๊เนอ เต๊เห่หม่า หม่าแพ๊ แกแย เห่ขุพู๊ อาเหล่โกล เด๊อะตา แฮเงโต่ คยาลู ตือทือ โท ตือทือ เนอเต๊เห่ แพ๊. เร๊อ เนอเต๊เห่ หม่า อา แฮ เด๊อ โลเน๊โลหน่า มู๊แหม่ เด๊อ อา เป๊อ เห่ขุชีบ่า เนอเต๊เห่ อา โอ่ แพ๊. เตอิซว๊า ฮู๊เนอ เต๊เห่หม่า อา แฮ เด๊อ เหย่ซู่ครี๊ อา โอ่ หม่าโต่.
โคโลสี 2:18 - ลีเทส่อพ๊าอาเซ เร๊อ เห่ขุทวาลู๊18 แกแย เด๊อ อา นอฉว่า ซี เน๊อ ซี เบ่ แด่หยว่า ซี ซิปล่อ เร๊อ อา นอจ๊อเบแถ่ เกอ ซี เน๊อ ม๊อขุเตเน่วพู๊ เต๊เห่ ฮู๊ เหย่ซี จ๊อเบแถ่ เออเนอ เต๊เห่เนอ, ครวาเม เกอ แต่ เหย่ซี แต่เหม่ นี๋. ซี เก่ ครวาเกอ เหย่ซี อาเตอิซว๊าอี๊แส่ เต๊เห่ เฮ๊เนอหม่า, เตเมหนิคว๊าเก่ เด๊อ จอแปแหร่ อ๊อแล โทเฮ๊อ ซี เน๊อ อา เก่ เด๊อ ซี เนอเต๊เห่ ปาเนอ, ซี พย๊าหนิ ปา โต่. แกแย ฮู๊เนอเต๊เห่ หม่า อา เฮ๊ หนิเกอเร๊อ แลแค เจ๊อ อาเหน่ เน๊อ เป แม๊เถอะ เตแม๊ลว๊า เด๊อ จอแปแหร่ อา โอ่ อาขว่าอาคยา, เป พย๊าหนิ โค๊ดื่อ เตซิคว๊าซิเง เด๊อ จอแปแหร่ อา โอ่, อา เฮ๊ แลแค ฮู๊เนอ. เหย่ซี พย๊าแถ่โล หนิเกอเร๊อ แหน่เจ๊อ อา เหล่เตเน เออเต๊เห่ เน๊อ อา เตแด๊เล๊อแด๊กลอ เออเนอเต๊เห่ เจ๊อ. အခန်းကိုကြည့်ပါ။Eastern Kayah Shadaw Dialect18 ꤊꤣꤧ꤬ꤛꤢꤧ꤭ ꤘꤣ ꤢ꤬ ꤔꤢꤪ꤭ꤏꤝꤢ꤬ ꤞꤤ꤭ ꤔꤢꤧ ꤞꤤ꤭ ꤙꤢꤩ꤬ ꤏꤢꤧ꤬ꤜꤢꤧ꤬ ꤞꤤ꤭ ꤞꤤꤕꤜꤢꤪ꤬ ꤚꤣꤧ꤬ ꤢ꤬ ꤔꤢꤪ꤭ꤡꤢꤪꤙꤢꤩ꤭ꤓꤢꤧ꤬ ꤊꤣꤧ꤭ ꤞꤤ꤭ ꤔꤢꤧ ꤗꤢꤪꤋꤢꤨ꤬ꤒꤣꤧ꤬ꤔꤢꤩꤖꤢꤨ ꤒꤣꤧ꤬ꤟꤢꤩ꤬ ꤟꤢꤨ ꤛꤢꤩ꤬ꤞꤤ꤭ ꤡꤢꤪꤙꤢꤩ꤭ꤓꤢꤧ꤬ ꤣꤧ꤭ꤔꤣꤧ꤬ ꤒꤣꤧ꤬ꤟꤢꤩ꤬ꤔꤣꤧ꤬, ꤋꤚꤝꤢ꤭ꤗꤢꤩ꤬ ꤊꤣꤧ꤭ ꤒ꤫ꤢꤧ꤬ ꤛꤢꤩ꤬ꤞꤤ꤭ ꤒ꤫ꤢꤧ꤬ꤗꤢꤩ꤬ ꤔꤤ꤮꤯ ꤞꤤ꤭ ꤊꤢꤩ꤬ ꤋꤚꤝꤢ꤭ꤊꤣꤧ꤭ ꤛꤢꤩ꤬ꤞꤤ꤭ ꤢ꤬ꤒꤢꤩ꤬ꤤ꤬ꤞꤝꤢꤤ꤬ꤞꤢꤧ꤬ ꤒꤣꤧ꤬ꤟꤢꤩ꤬ ꤟꤢꤩꤔꤣꤧ꤬ꤗꤢ꤬, ꤒꤢꤩ꤬ꤗꤢꤩ꤬ꤔ꤫ꤤ꤬ꤋꤝꤢꤊꤢꤩ꤬ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤢꤪꤜꤢꤧ꤬ ꤓꤥ꤭ꤟꤣꤧ ꤞꤤ꤭ ꤔꤢꤧ ꤢ꤬ ꤊ꤫ꤢꤦ꤬ ꤘꤣꤧ ꤞꤤ꤭ ꤔꤣꤧ꤬ꤒꤣꤧ꤬ꤟꤢꤩ꤬ ꤕꤢ꤭ꤔꤣꤧ꤬, ꤞꤤ꤭ ꤔ꤫ꤤ꤬ꤙꤢꤩ꤬ ꤕꤢ꤬ ꤒꤥ꤬꤯ ꤊꤣꤧ꤬ꤛꤢꤧ꤭ ꤟꤢꤨꤔꤣꤧ꤬ꤒꤣꤧ꤬ꤟꤢꤩ꤬ ꤗꤢ꤬ ꤢ꤬ ꤟꤢꤩ ꤚꤣꤧꤘꤢꤦ꤬ ꤜꤢ꤭ꤋꤢꤧ꤭ ꤡꤣꤧ ꤢ꤬ꤔ꤫ꤢꤩ꤬ ꤔꤢꤧ ꤕꤢꤩ꤬ ꤗꤢꤧꤓ꤫ꤣꤧ꤬ ꤒꤢꤩ꤬ꤗꤢꤧꤜꤝꤢ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤥ꤬ ꤢ꤬ꤋꤝꤢ꤬ꤢ꤬ꤋꤛꤢ꤭, ꤕꤢꤩ꤬ ꤔ꤫ꤤ꤬ꤙꤢꤩ꤬ ꤋꤥꤘꤢꤦ꤬ ꤒꤢꤩ꤬ꤞꤤꤋꤝꤢꤞꤤꤑꤢꤩ꤭ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤥ꤬, ꤢ꤬ ꤟꤢꤩ ꤜꤢ꤭ꤋꤢꤧ꤭ ꤟꤢꤨꤔꤣꤧ꤬꤯ ꤛꤢꤩ꤬ꤞꤤ꤭ ꤖꤛꤢꤓꤢꤧ꤬ꤜꤥ꤭ ꤚꤣꤧꤘꤢꤦ꤬ ꤔꤢꤧ꤬ꤡꤣꤧ ꤢ꤬ ꤒꤢꤩ꤬ꤒꤣꤧ꤬ꤔꤢꤩ꤬ ꤣꤧ꤭ꤒꤣꤧ꤬ꤟꤢꤩ꤬ ꤔꤢꤧ ꤢ꤬ ꤒꤢꤩ꤬ꤘꤢꤧꤓꤢꤩ꤬ꤜꤣꤓꤢꤩ꤬ꤊꤜꤢꤪ꤭ ꤣꤧ꤭ꤔꤣꤧ꤬ꤒꤣꤧ꤬ꤟꤢꤩ꤬ ꤡꤣꤧ꤯ အခန်းကိုကြည့်ပါ။ |
โคโลสี 2:18
42 ပူးပေါင်းရင်းမြစ်များ
เด๊อ เตซว๊าเตแส่ เออ อาขว่าอาคยา, แกแย เต๊เห่เห่เนอ อา จ่า จ๊อเบ บย่าแพ๊ แลแค จอแปแหร่, อา จ่า แด่ทู บย่าแพ๊ แลแค อาซิปล่อ เร๊อ อา เมจาเมจือ แล เกอเร๊อ แลแค อาเหน่. เตซว๊าเตแส่ เออเต๊เห่เนอ อา แซ่เจ๊อเน๊อ อาโอ่ เน๊อ เตแจ่เตลีแม แหน่เจ๊อ ตื๊อดื่อเรอ อาหม่าน๊อโต่. แซ่ฮู๊ อู เก่ ค๊อเบ๊ อูซิปล่อ อา เตซิหยื่อซิลอ มู๊แหม่ เต๊เห่ อาเงเนอ, เตซว๊าเตแส่ เออเต๊เห่ เมจว่าเบ๊ น๊อ อู โต่.
ฮู๊ โลเน๊มู๊แหม่รีแจ่ กู่กล๊อ กลว่าอาเหน่ แซ่เร๊อ หรู่ เร๊อ อา แฮ อิลอแลโฮ โหมะเอวา เนอ, แว เบ่รอ หนื่ออื่อ เร๊อ ปาหม่า อู แฮ อิลอแลโฮ เกอดื่อ เฮ๊อ ซี ฮู๊เนอ ปา เฮ๊อ. โท๊โต่ ปาหม่า อู แฮ เมปย๊าเมหลู่ ลอดื่อเฮ๊อ ซี ซิปล่อ อา เตเตเน เต๊เห่ เร๊อ ซี วีแกดื่อ เฮ๊อ ซี เตซิหยื่อ โมเร๊อ ลอซิปล่อสู่เทอ ครี๊ เร๊อ ซี เตซิหยื่อโม จ๊อจื้อ ครี๊ เออเนอ ปา เฮ๊อ แว เบ่รอ แหน่เจ๊อ เด๊อ ซิเง ฮู๊เนอ.
อา โต หยื่อเอ่ จอแปแหร่ อา เตหมะเตจ๊อ หม่าแน๊เรอ อา ถู่แหล่ เต๊เปล่แก เร๊อ อา จว๊า หยื่อเอ่ เร๊อดื่อ เตแลโฮแลแห่. อา โต จ๊อเบ ต๊อต่อเจ๊อ จอแปแหร่ เร๊อ อา โต เม เป่ แพ๊ตื๊อ เพร เด๊อ อา แบ๊แล เต เออเตเพร อาเตเม แพ๊ หม่าแน๊เรอ อา จว๊า จ๊อเบ เร๊อ เม เป่ โต่ เต เด๊อ จอแปแหร่ แบ๊แล ลู เต๊เห่ อาเตเม. แบ่เจ่ เออเตเพรเนอ อู เก่ ถู่เซ๊แถ่ ดื่อ ลู ตูจูเพร แตแลเคร๊นี๋. อาเมน.
เด๊อ เหย่ซู่ครี๊ เม เป่ โทเฮ๊อ เด๊อ แวเง อาขว่าอาคยา, จอแปแหร่ เอ๊โน เฮ๊อ แว เด๊อ ม๊อขุ เร๊อ แว แอ๊จื๊อแอ๊เหร่ แฮเง โต่เด๊อ แว เก่ พย๊าหนิ เตเมหนิคว๊าเก่ เด๊อ ม๊อขุ เออเนอ ปา. แว แซ่เฮ๊อเร๊อ แกแย แกล่ดี๊เจ เตเพร เด๊อ อา เก่ พย๊าหนิ เกออู เตเมหนิคว๊าเก่ เร๊อ อา แกล่ แฮเง โต่เด๊อ อาตื๊อดื่อ เนอเตเพร เฮ๊อ.
กู๊แหน่เรอ แว ซิหยื่อ ราจว๊า เป่ ซี เหล่เอ่ เด๊อ อู โบ่แถ่ เร๊อ เตแหย่โย เนอเต๊เห่ อาหรี่อาแก. ซี เฮ๊ เร๊อ เตแหย่โย เต๊เห่ เนอหม่า อา เตโพรเตเตอเรอ ฉว่าชอ เด๊อ อา เหล่เมเป่ เป เนอ อาโอ่ โต่ เนอ เป ซิเง, ซี เฮ๊ ฮู๊เนอ หม่า อาหม่า ว๊า. ซี เตซิเง เออเนอ, อา นอพย๊าแด่โล ซี เน๊อ ซี เหน่ หม่าแน๊เรอ เตโม เนอ อา เมจว่า หม่าแหน่ เจ๊อ อู เจ๊อ.
แว แด๊งือแล เด๊อ อาเป๊เส่เง เร๊อ แว เตเร จ๊อเบแถ่ ลู หม่าแน๊เรอ อา เฮ๊ แว เน๊อ, “จ๊อเบ แต่ แว แต่เหม่, แว เร๊อ เน เร๊อ เน โป่แหว่ ครี๊พู๊ ซี เต๊เห่ เนอหม่า หลู่เล๊ แซ๊ลู แพ๊. เป หม่า แกแย เต๊เห่ เด๊อ อา เด๊อะโล เป่ อู เร๊อ เหย่ซู่ อาหรี่อาแก เต๊เห่ เร๊อ ปื่อหม่าหนิ เตหมะเตจ๊อ เด๊อ เหย่ซู่ครี๊ เด๊อะโลซิเงแก เป่ เป เออเนอ. ฮู๊เนอเรอ, จ๊อเบ แต่ อู เตเพร่ว แต่เหม่, จ๊อเบ เด๊อ จอแปแหร่ เนอ. เมเตเฮ๊เรอ เตหมะเตจ๊อ เด๊อ เหย่ซู่ครี๊ เด๊อะโล เป่ เออเนอหม่า อา แซ่เฮ๊อ เร๊อ จอแปแหร่ นอเฮ๊เบ่ เพรโพร เต๊เห่เนอ เฮ๊อ.”
โทเรอ เด๊อ อา เด๊อะโล อา เตโค๊ตีกลี๊ เด๊อ เตมีเตแหม่ เด๊อ อาเหร่อเคเนอ โตโด นอเม ลู เด๊อ อาเป๊เส่เง เนอเต๊เห่ อาขว่าอาคยา, อา อิลออี๊โหล่ แลโฮ หนิลอ แกแย โอ่เซอเพร เด๊อ เห่ขุ เออ เต๊เห่. เตมีเตแหม่ เนอโด โตโดเออ, อา นอแบ๊แถ่ เหย่ซี เตแหย่โย โตโด แซ่ฮู๊ อา เก่ เมลีเมเตเค กาคยา เตมีเตแหม่ เด๊อ อา เบ่ เต๊เหม่น๊อ เร๊อ เน๊ เร๊อ อา โอ่เซอเพร ปา เนอโตโด.
ล๋อ แกแย เด๊อ อา โอ่ เด๊อ เห่ขุเออ ปว๋า เตเพร เนอ, อา เก่ จ๊อบู่จ๊อเบแถ่ ลอ ลู ปา. เป๊อะแถ่ เด๊อ อู แบ๊แลลู่ เห่ขุ อาเคปา, แกแย เด๊อ อา โอ่เซอเพร เด๊อ เห่ขุ เออเต๊เห่ เร๊อ อู ราโอ่เต่อเกอ ลา เหย่ซีมุย เด๊อ ซิหมิพู๊ เนอโตโด อา ลีเซอเพร อากู ล๋ายโต่ เต๊เห่เนอ, อา เก่ จ๊อบู่จ๊อเบแถ่ ลอ แลแค เตมีเตแหม่ เออโตโด. ซิหมิพู๊ เนอโตโด หม่า หม่าเฮ๊อ อู เมเซอ อาเนอ เตเพร เฮ๊อ.
เหย่ซี ดาแม๊ เพรเหมาะ เตเพรเพร เฮ๊เรอ อา ซิหยื่อ โอ่เมอเต่อ โชชื่อ เจ๊อ. เหย่ซี เมเตซื๊อ เนอ อา โอ่โก๊ ปา เจ๊อโต่ เฮ๊อ. เหย่ซี อี๊หล่า ปย๊าจว๊าหนิ แกแย เด๊อ อาเตหยื่อ ชอ ล๋ายโต่ เต๊เห่ เก่ เมเกอ เตซื๊อเตปล๊า เต๊เห่. เร๊อ เหย่ซี อิซว๊าแล หนิ แร๊ เด๊อ แลแค อาเหน่ เร๊อ อาแม๊ปู กู๊หว่ากู๊เว เอ่หนิเร๊อดื่อ อาเง. เหย่ซี โอ่ แลแค เด๊อ จอแปแหร่ อา เตอิชอมู๊แหม่ อาเล เฮ๊อ.
ช๋า แว แฮโตเกอ เด๊อ ซี โอ่ เคปาเนอ, ปาหม่า แว แฮ แม๊เถอะ ดื่อเฮ๊อ ซี เตแด่ซิปล่อสู่เทอ เต๊เห่ เด๊อ อา โค๊ดื่อ เร๊อ ฮู๊ แว ซิหยื่อ แม๊เถอะ เนอเต๊เห่ ปา เฮ๊อ, โทเรอ ซี เก่ แม๊เถอะ ดื่อเฮ๊อ แว เตซิปล่อสู่เทอ เต๊เห่ เด๊อ อา โค๊ดื่อ ฮู๊ ซี ซิหยื่อ แม๊เถอะ แว เนอ ปา เฮ๊อ, แว เบ่รอหนื่ออื่อ ฮู๊เนอ. แว เบ่รอ ดื่อเฮ๊อ เร๊อ ปาหม่า แว แฮแม๊เถอะ ซีกย๊าตางา ลู, ซี ซิเคว๊คยาลู, ซี ซิปล่อดุ สู่เทอทู ลู, ซี โอ่โค๊ลู ตู๊หมู่ เร๊อ ตู๊หมู่, เป๊อเจ่ออิแช๊อู, แด๊เเหมาะเถ่อโย อู, แด่ดุแด่แถ่โล เหน่, เมซู๊ซ๊า ตอปลอแลยอ เต, ฮู๊เนอ เต๊เห่ เฮ๊อ.
อู แกล่ ดี๊เจ ลู เนอหม่า, อู แกล่ปลูแกล่เผ่ เจ๊อ หม่าแน๊เรอ อา แกล่ เป่ ลอ อู เนอหม่า อา โอ่ แพ๊ เตเพร แพ๊, เร๊อ อู เด๊อะ เตแกล่ หนิคว๊าเก่ ตื๊อ อา เตเพร แพ๊ เนอหม่า ซี ซิเงดื่อ เฮ๊อ! ช๋า โหน่ปา, แซ่ฮู๊ ซี เก่ พย๊าหนิ เกออู เตบุ๊ยเตเตอเรอ เด๊อ จอแปแหร่ อา โอ่ เนอ เร๊อ ซี โต แอ๊จื๊อแอ๊เหร่, จ่าเพรอ ครวาเกอ แลแค จอแปแหร่ อาคยา แซ่เร๊อ แกแย แกล่ดี๊เจ เด๊อ อา ซิหยื่อ แกล่ เป่ อู เร๊อ อา ซิหยื่อ พย๊าหนิ เตแกล่ หนิคว๊าเก่ เออเนอ เต๊เห่ จ่าเพรอ แกล่ เนอ.
เมเตเฮ๊เรอ ซี โอ่เซอเพร แซ่ ปาแพ๊ เน๊อ แกแย เห่ขุพู๊ เด๊อ อา ครวาลือ เม ปาแพ๊ แลแค ฮู๊ อา เตซิหยื่อซิลอ โอ่ เนอเต๊เห่ แพ๊. ซี ซิเคว๊ เกอเร๊อ เกอลู เตเพร เร๊อ เตเพร, ซีกย๊าตางา เกอเร๊อ เกอลู เนอหม่า อา เด๊อะโลแถ่เฮ๊อ เร๊อ ซี แซ่ ปาแพ๊ เน๊อ แกแย เห่ขุพู๊ เนอเต๊เห่ แพ๊ แวเฮ๊โต่? ซี เมแซ่ ปาแพ๊ เน๊อ แกแย เด๊อ อา หยื่อเอ่ เกออู ครี๊ โต่ เนอเต๊เห่ แพ๊.
แว โป่แหว่ ซี, แซ่ฮู๊ อา เก่ ทวาบุ๊ยทวาเตอเรอ เด๊อ ซิเง เร๊อ แว แด๊โฉ่โล เป่ ซี เร๊อ แวหรี่แวแก เร๊อ คูอปอลโล อาหรี่อาแก ฮู๊ เต เด๊อะโลแบ๊บือ เต๊อเจ่อ เนอ เฮ๊อ. เต เด๊อ แว ซิหยื่อ เฮ๊ เป่ ซี อาโหง่แลช๊า เนอหม่า ฮู๊เออ “เม ตาลว๊าเล๊อ แต่ แลแค ฮู๊ ลีเทส่อพ๊า รา โอ่ เนอ แต่เหม่.” ฮู๊เนอเรอ เออเตเพร เร๊อ อาแร๊เล๊อ เร๊อ เด๊อ เนอเตเพร, จว๊า ถู่เซ๊ เกอเร๊อ แลแค อู ฮู๊เนอ เตเพร่ว แต่เหม่.
ကြော်ငြာတွေ