โคโลสี 2:16 - ลีเทส่อพ๊าอาเซ เร๊อ เห่ขุทวาลู๊

¹⁶ ฮู๊เนอเรอ, แกแย เด๊อ อา แด่ ซี เตซื๊อ เน๊อ ซี เตเอ่เตโอ อาหรี่อาแก เต๊เห่เนอ, หนิดา แต่ เหย่ซีโหง่ แต่เหม่ นี๋. ปวาหน่าหน๋า ซี เก่ เมป่วยเมลา เป่เกอ เหย่ซี ม๊อเนอบูโพ๊ โต่, ดา เลบา เฮ๊อเร๊อ ซี เก่ เมป่วยเมลา เป่เกอ เหย่ซี โต่ เฮ๊เนอ, เหย่ซี ซิหยื่อ แด่ ซี เตซื๊อ. หม่าแน๊เรอ หนิดา แต่ เหย่ซี อาโหง่ แต่เหม่ นี๋.

Eastern Kayah Shadaw Dialect

¹⁶ ꤟꤢꤨꤔꤣꤧ꤬ꤚꤣꤧ꤬, ꤊꤣꤧ꤬ꤛꤢꤧ꤭ ꤘꤣ ꤢ꤬ ꤘꤢꤧ꤬ ꤞꤤ꤭ ꤒꤢꤩ꤬ꤞꤢꤦ ꤔꤢꤧ ꤞꤤ꤭ ꤒꤢꤩ꤬ꤢꤩ꤬ꤒꤢꤩ꤬ꤥ꤭ ꤢ꤬ꤚꤤ꤬ꤢ꤬ꤊꤢꤧ꤭ ꤒꤣꤧ꤬ꤟꤢꤩ꤬ꤔꤣꤧ꤬, ꤔ꤫ꤤ꤬ꤘꤢ꤭ ꤒ꤫ꤢꤧ꤬ ꤛꤢꤩ꤬ꤞꤤ꤭ꤍ꤫ꤥ꤬ ꤒ꤫ꤢꤧ꤬ꤗꤢꤩ꤬ ꤔꤤ꤮꤯ ꤕꤝꤢ꤭ꤔꤢ꤬ꤔꤢ꤬꤮ ꤞꤤ꤭ ꤊꤢꤩ꤬ ꤗꤢꤩ꤬ꤕꤝꤢꤩ꤬ꤗꤢꤩ꤬ꤜꤢꤨ꤭ ꤕ꤫ꤢꤩ꤬ꤊꤣꤧ꤭ ꤛꤢꤩ꤬ꤞꤤ꤭ ꤗ꤫ꤢꤪ꤬ꤔꤣꤧ꤭ ꤘꤣ ꤜ꤫ꤢꤩ꤬ ꤡꤢꤪꤙꤢꤨ꤬ꤡꤢꤪꤙꤢꤩ꤭ ꤢ꤬ꤑꤢꤩ꤭ ꤒꤥ꤬, ꤘꤢ꤭ ꤜꤢꤩ꤭ꤙꤢ꤭ ꤟꤣꤧꤚꤣꤧ꤬ ꤞꤤ꤭ ꤊꤢꤩ꤬ ꤗꤢꤩ꤬ꤕꤝꤢꤩ꤬ꤗꤢꤩ꤬ꤜꤢꤨ꤭ ꤕ꤫ꤢꤩ꤬ꤊꤣꤧ꤭ ꤛꤢꤩ꤬ꤞꤤ꤭ ꤒꤥ꤬ ꤟꤢꤩꤔꤣꤧ꤬, ꤛꤢꤩ꤬ꤞꤤ꤭ ꤞꤤꤛ꤫ꤢꤦ꤬ ꤘꤢꤧ꤬ ꤞꤤ꤭ ꤒꤢꤩ꤬ꤞꤢꤦ꤯ ꤗꤢ꤬ꤔꤢꤧꤚꤣꤧ꤬ ꤔ꤫ꤤ꤬ꤘꤢ꤭ ꤒ꤫ꤢꤧ꤬ ꤛꤢꤩ꤬ꤞꤤ꤭ ꤢ꤬ꤍ꤫ꤥ꤬ ꤒ꤫ꤢꤧ꤬ꤗꤢꤩ꤬ ꤔꤤ꤮꤯

โคโลสี 2:16 ပူးပေါင်းရင်းမြစ်များ

ꤚꤥꤗꤢꤩ꤬ 14:10

ฮู๊เนอเรอ, เน จว๊า แด่ เตซื๊อ โต่ เน โป่แหว่ เมเต? หม่าโต่เรอ, เน จว๊า เตเน ปีตี๊โต่ เน โป่แหว่ เออเตเพร เมเต? ล๋อ เป เออเต๊เห่เนอ, เป เบ่ ก๊อถ่อลอ เด๊อ จอแปแหร่ เหล่เมจากาคยา อาเหล่โอ่ เนอ อาเป๊เส่เง ปา.

ꤊꤢ꤬ꤜꤢ꤬ꤒꤤ 4:10

หม่าเมเตเรอ ซี จว๊า แอ๊จื๊อ ลือครวา เมโมโต่ จอแปแหร่ อาซิปล่อ เร๊อ ซี แด่ดุ โค๊คยาดื่อ ม๊อเนอเต๊เห่, เล เต๊เห่, เร๊อ โตเบ่ เต๊เห่ เร๊อ หน่ากู เต๊เห่เมเต?

ꤟꤤꤙꤚꤢꤨ 13:9

นออิลออี๊โหล่ จว๊าซื๊อ แต่ ซี เน๊อ ล๋อ เตอิซว๊าอี๊แส่ เด๊อ อา โค๊คยา เนอเต๊เห่ แต่เหม่ นี๋. ครวาจว๊าเกอ แต่เหม่ นี๋. ซี ซิปล่อ เออเนอ, อา โต อ๊าฉว่าเหร่ชอแถ่ เน๊อ จอแปแหร่ อาบุ๊ยอาเตอเรอ อาคยาแพ๊. เด๊อ ซี หนิดา ครวาเมเกอ เหล่เอ่เหล่โอ อา เตซว๊าเตแส่ เต๊เห่ อาคยา เร๊อ ซี ซิปล่อ อ๊าฉว่าเหร่ชอแถ่ โต่ ฮู๊เนอ หม่าโต่. ซี หนิดา ครวาเมเกอ เตซว๊าเตแส่ อาคยา เออเนอ, อา หนิบุ๊ยหนิเตอเรอ เด๊อ ซีเง เตอเจ๋อ โต่.

มัทธิว 15:11

เต เด๊อ อา โน เด๊อ แกแย แกกูเนอ, อา เม โตโพร๊มู๊แหม่ ลู เด๊อ จอแปแหร่ อาเป๊เส่เง โต่ เร๊อ แกแยแกกู เต๊เห่ เนอ, หม่าแน๊เรอ เต เด๊อ อา เถ่ เด๊อ แกแย แกกูเต๊เห่เนอ, อา เมโตโพร๊มู๊แหม่ ลู.”

ꤟꤤꤙꤚꤢꤨ 9:10

เตหลู่เตแต เออเต๊เห่เนอ, อา ตาเต ซิเลเกอเร๊อ แพ๊ เตจ๊อบู่จ๊อเบ อา เหล่โกลเหล่แบ่ เต๊เห่ เด๊อ อา เฮ๊ เน๊อ เออ หม่า เอ่หนิ, เออ หม่า โอหนิ โต่, โตเบ่ ซู๊ปลีซู๊แปละ อาเหน่ ฮู๊เออ ฮู๊เนอ, อา เฮ๊ เออเนอเต๊เห่ เฮ๊อ. เตซว๊าเตแส่ เออเนอหมา ลือครวา เมเต เด๊อ อากลอ ตากยา แพ๊, อา เม แต๊แกละแจ่ ซิปล่อ โต่. เหน่กล่อ พ๊าหย่า ตากยา, แกแยเห่ขุพู๊ เบ่ ครวาเม โต่เด๊อ จอแปแหร่ เมเต๊เปละ เป่ เหย่ซี แกล๊ อาเซ โตโบ.

ꤡꤛꤢꤩ꤭ꤗꤢ꤬ꤎꤣ꤬ 4:11

แว โป่แหว่ ซี๋, เฮ๊มู๊แหม่ เกอเร๊อ แต่ ลู เตเพร เร๊อ เตเพร แต่เหม่ นี๋. อูเปเป๋ เบ่เบ่ เด๊อ อา เฮ๊มู๊แหม่ แกแย เด๊อ อา หยื่อเอ่ ครี๊ เตเพรเพร หม่าโต่เรอ อา แด่ เตซื๊อ แกแย เด๊อ อา หยื่อเอ่ ครี๊ เตเพรเพร เฮ๊เนอหม่า หม่าเฮ๊อ อา เฮ๊เบ่ มู๊แหม่รีแจ่ เฮ๊อ เตซว๊าเตแส่ เร๊อ อา แด่ เตซื๊อ เฮ๊อ เตซว๊าเตแส่ เออเนอ เฮ๊อ. ซี เก่ แด่ เตซื๊อ เตซว๊าเตแส่ เออเนอ เฮ๊เรอ, ซี หม่า แกแย เด๊อ อา จูเอ่ เตซว๊าเตแส่ หม่าโต่. หม่าแพ๊ แกแย เด๊อ อา แด่ เตซื๊อ เตซว๊าเตแส่ แพ๊.

ꤗꤢ꤬ꤊꤢꤨ 7:19

เมเตเฮ๊เรอ เหล่เอ่ เออเนอ, อา โน เด๊อ ลู ซิปล่อกู หม่าโต่, อา โน เด๊อ ลูพราลูโพกู เร๊อ อา เบ่ เถ่จว๊าแก เด๊อ เชฮ๊อโปกู แพ๊” (อา เฮ๊ ฮู๊เออเนอหม่า, อา ซิหยื่อ เฮ๊ เนอ, เหล่เอ่ อิเตเต๋ เบ่เบ่, เอ่ หม่า อา หนิ ลอแพ๊.)

เพรโด่แนพู๊ เต๊เห่ 15:20

เป โต รา เป่ เหย่ซี ลี, เร๊อ เป โต เฮ๊เต๊เปล๋ เหย่ซี เน๊อ เหล่เอ่ เด๊อ อู หลู่แตแถ่ อา เร๊อ แหย่โย เต๊เห่เนอ, อาโพ๊อาแปละโต่ อาขว่าอาคยา, เป โตเบ่ นอเอ่ เหย่ซี โต่. เป โตเบ่ นอจว๊าซื๊อหนิ เหย่ซี เร๊อ เพรเหมาะเพรคู โต่, โทเร๊อ เป โตเบ่ นอเอ่หนิ เหย่ซี เร๊อ เตมีเตดอ เด๊อ อู จี่เซอ อา เนอเต๊เห่ โต่. โทเร๊อ สุ่ย อิเตเต๋ เบ่เบ่เนอ, เป โตเบ่ นอเอ่หนิ เหย่ซี โต่.

โคโลสี 2:20

ซี เซอ เต่อเกอ เน๊อ เหย่ซู่ครี๊ เฮ๊อ เร๊อ อา เมแลเปล๊กา เฮ๊อ ซี เน๊อ โลเน๊โลหน่า เด๊อ อา เป๊อหนิ เห่ขุชีบ่า เออเนอเต๊เห่ อา กู๊ยากู เฮ๊อ. ซี จว๊า โอ่เซอเพร ปา แลแค ฮู๊ แกแย เด๊อ อา แซ่ปา เน๊อ เห่ขุพู๊ เออเต๊เห่เนอ ฮู๊เต? เร๊อ ซี จว๊า หนิดา ครวาเมเกอ ปา เตโด่เตดว๊า เต๊เห่ เมเต?