โคโลสี 2:10 - ลีเทส่อพ๊าอาเซ เร๊อ เห่ขุทวาลู๊

¹⁰ เร๊อ เด๊อ ซี เน๊อ ครี๊ ทวาเฮ๊อ ลู เตอเจ๋อโต อาขว่าอาคยา, เด๊อ แหย่โย ตากยา อาเตโหล่ ล๋อ ปลี เต๊เห่เนอ, ซี พย๊าหนิ เล๊อบา โทลอปลี เฮ๊อ. ครี๊ หม่า ล๋อ โลเน๊โลหน่า อา เตฉว่าเตชอ เนอเต๊เห่ เน๊อ เห่ขุ อา เตอเรอฉว่าชอ เต๊เห่ อากู่กล๊อ เฮ๊อ.

Eastern Kayah Shadaw Dialect

¹⁰ ꤚꤣꤧ꤬ ꤘꤣ ꤞꤤ꤭ ꤔꤢꤧ ꤋꤚꤤ ꤓꤝꤢ꤭ꤟꤣꤧ ꤜꤢꤨ꤭ ꤒꤣ꤬ꤡꤣ꤬ꤡꤢꤦ꤭ ꤢ꤬ꤋꤝꤢ꤬ꤢ꤬ꤋꤛꤢ꤭, ꤡꤢꤪꤗꤣꤧ꤬ꤚꤢꤧ꤬ ꤗꤢꤩ꤬ꤜꤣꤙꤢ꤭ ꤓꤥ꤭ꤟꤣꤧ ꤕ꤫ꤢꤩ꤬ ꤞꤤ꤭꤯ ꤋꤚꤤ ꤗꤢ꤬ ꤜꤢꤪ꤭ ꤜꤥ꤭ꤔꤢꤩꤜꤥ꤭ꤔꤢ꤬ ꤢ꤬ ꤒꤢꤩ꤬ꤏꤝꤢ꤬ꤒꤢꤩ꤬ꤏꤢꤪ꤭ ꤔꤣꤧ꤬ꤒꤣꤧ꤬ꤟꤢꤩ꤬ ꤔꤢꤧ ꤟꤢꤩ꤬ꤋꤢꤨ꤬ꤔꤢꤩꤋꤢꤨ꤬ ꤢ꤬ ꤒꤣꤧ꤬ꤚꤣꤧ꤭ꤏꤝꤢ꤬ꤏꤢꤪ꤭ ꤒꤣꤧ꤬ꤟꤢꤩ꤬ ꤢ꤬ꤊꤢꤨ꤬ꤊꤜꤢꤪ ꤟꤣꤧ꤯

โคโลสี 2:10 ပူးပေါင်းရင်းမြစ်များ

เอเฟซัส 3:19

อู ซิเงทว๊า ครี๊ อาเตโม เตเพร่ว โต่ หม่าแน๊เรอ แซ่ฮู๊ ซี เก่ ซิเง เกออู เนอเรอ, แว กุยจ๊อเบ เด๊อ ซีเง. เบ๊อะซี ซิเงแฮเฮ๊อ อาเตโม เบ๊อะเนอ, ซี เก่ พย๊าหนิ เล๊อบา ลอ ล๋อ จอแปแหร่ อาเหล่โกล เนอเต๊เห่ ปา.

เปโตร อาเหร่อเล๊อ ต๊าบ่า 3:22

เหย่ซู่ครี๊ กา กี๊แถ่เฮ๊อ เด๊อ ม๊อขุ เร๊อ อา กา โอ่แนโอ่ เด๊อ จอแปแหร่ อากู๊ขุ จ๊อทว๊า ตากยา เฮ๊อ. เร๊อ อา เป๊อตี๊หรี่ ลอ เตเน่วพู๊ เต๊เห่ เร๊อ เตเตอเรอฉว่าชอ เต๊เห่, เร๊อ เตโพรเตเตอเรอ เต๊เห่ เฮ๊อ.

ꤟꤤꤙꤚꤢꤨ 5:9

เบ๊อะครี๊ หนิดา โทลอเฮ๊อ จอแปแหร่ อาโหง่ ปว๋า เต๊อเจ่อ เบ๊อะเนอ, อา ทวาแถ่ เป่เฮ๊อ ล๊อ แกแย เด๊อ อา หนิดา ลูโหง่ เนอเต๊เห่ อา เมแลเปล๊กา อาตูจูเพรเง อา แก่ช๊าแก่แร เฮ๊อ.

ꤛꤥ꤭ꤟꤢ꤬ 1:16

อาบุ๊ยเตอเรอ โอ่เล๊อโอ่บา เจ๊อ อาขว่าอาคยา, เป ล๋อ ปลี พย๊าหนิ เกอดื่อเฮ๊อ เตบุ๊ยเตเตอเรอ เต๊อเจ่อ โท เต๊อเจ่อ เด๊อ ลูโอ่ เฮ๊อ.

โคโลสี 3:11

เด๊อ เตโอ่เซอเพร อาเซกู เนอ, แกแยยิวพู๊ เต๊เห่ เร๊อ แกแยยิวพู๊ หม่าโต่ เต๊เห่เนอ เบ่เบ่, แกแย ดื๊อตีลี๊พ๊า เร๊อ ดื๊อตีลี๊พ๊าโต่ เต๊เห่เนอ เบ่เบ่, เทอเก่โรพู๊ เต๊เห่ เบ่เบ่, แกแย มี เต๊เห่ เบ่เบ่, หลู่ เร๊อ แกแย ปาลา เต๊เห่เนอ เบ่เบ่, เป โตเบ่ เตเน ปา เน๊อ อา โค๊ลู ตีกี๋ โต่. แกแย เด๊อ อา หยื่อเอ่ ครี๊ ปว๋า เตเพร เนอ, ครี๊ โอ่เซอเพร เฮ๊อ เด๊อ ลูเหน่กู เฮ๊อ. ฮู๊เนอ อาขว่าอาคยา, ครี๊ หม่า เต เด๊อ อา โหล่ดุเล๊อ อู เฮ๊อ.

มัทธิว 28:18

เร๊อ แบ่เจ่ เหย่ซู่ แฮ เด๊อ เหย่ซี โอ่ เร๊อ อา เฮ๊ เหย่ซี เน๊อ, “เตอเรอฉว่าชอ เด๊อ ม๊อขุ เบ่เบ่, เด๊อ เห่ขุเออเนอ เบ่เบ่, อู เด๊อะ ลอเฮ๊อ เน๊อ แว เฮ๊อ.

โครินธ์ อาเหร่อเล๊อ ต๊าบ่า 15:24

โทปาเรอ, เห่ขุ เก่ ตื๊อดื่อแก ปา. เบ๊อะเนอเค ปา, ครี๊ เก่ เมเป่แก ลอ ล๋อ เพรเป๊อเต เต๊เห่, เตโพร เต๊เห่ เร๊อ เตเตอเรอฉว่าชอ เนอเต๊เห่ ปา. เร๊อ อา เก่ เด๊อะตาแก เทอเก่เออ เด๊อ เพ จอแปแหร่ อา กู๊ยากู ปา.

เอเฟซัส 3:10

กู๊แหน่เรอ แซ่ฮู๊ เพรเป๊อเต เด๊อ ม๊อขุ เร๊อ ม๊อขุ อา เตอเรอฉว่าชอ เต๊เห่ เก่ แม๊เถอะ ซิเง จอแปแหร่ โอ่เร๊อ อา เตแจ่เตลีแม บ๋า เต, เร๊อ อา เด๊อะโล เป่ เหย่ซี เร๊อ อา เมทวา จิจือ โต่เฮ๊อ แกแยยิวพู๊ เด๊อ อา ทวา ครี๊พู๊ เต๊เห่ เร๊อ แกแยยิวพู๊ หม่าโต่ เร๊อ อา ทวา ครี๊พู๊ เต๊เห่เนอ อา เมทวาเฮ๊อ ลู ตู๊หมู่แพ๊ ฮู๊ อา เพรหยื่อเอ่ตู๊หมู่ตอกล๊อ ตู๊หมู่จือลู เนอเฮ๊อ.

โคโลสี 2:15

เบ๊อะเหย่ซู่ อาเซอ เด๊อ อี๊ถื่อดีเต่ลู เบ๊อะเนอ, ล๋อ โลเน๊โลหน่า เด๊อ อา โอ่ เน๊อ อา เตอเรอฉว่าชอ เต๊เห่เนอ, จอแปแหร่ ปื่อเผ่แก ลอปลี เฮ๊อ เหย่ซี อาเตเตอเรอฉว่าชอ เนอเต๊เห่ เร๊อ อา เด๊อะโล โล๊ลี เป่ เฮ๊อ แกแย ปว๋า เตเพร เน๊อ อา เมเป่แก เฮ๊อ เหย่ซี เฮ๊อ.