โคโลสี 2:1 - ลีเทส่อพ๊าอาเซ เร๊อ เห่ขุทวาลู๊

¹ แว ซิหยื่อ เด๊อซิเง เป่ ซี เน๊อ แว แอ๊จื๊อ แอ๊เหร่ เม เป่ แหน่เจ๊อ เด๊อ ซีเง, เน๊อ แกแย โอ่เด๊อ วีเลาดีเซีย อากู เนอเต๊เห่ อาเง, เน๊อ แกแย เด๊อ อา ซิเง แม๊เถอะ แต่ล๋าย แวโต่ เนอเต๊เห่ อาเง บ๋า เต เนอแพ๊.

Eastern Kayah Shadaw Dialect

¹ ꤠꤢꤧ꤭ ꤞꤤꤛ꤫ꤢꤦ꤬ ꤘꤣꤧꤞꤤꤑꤢꤩ꤭ ꤕ꤫ꤢꤩ꤬ ꤞꤤ꤭ ꤔꤢꤧ ꤠꤢꤧ꤭ ꤢꤧꤡꤢꤦ ꤗꤢꤩ꤬ ꤜꤢꤪ꤭ꤞꤢꤨ꤬ꤜꤢꤪ꤭ꤞꤢꤩ ꤕ꤫ꤢꤩ꤬ ꤔꤢꤧ꤬ꤡꤣꤧ ꤘꤣ ꤞꤤ꤭ꤑꤢꤩ꤭ ꤔꤢꤧ ꤊꤣꤧ꤬ꤛꤢꤧ꤭ ꤥ꤬ꤘꤣ ꤠꤤ꤭ꤜꤢꤪꤘꤤ꤬ꤊꤤ꤬ ꤢ꤬ꤊꤢꤨ꤭ ꤔꤣꤧ꤬ꤒꤣꤧ꤬ꤟꤢꤩ꤬ ꤢ꤬ꤑꤢꤩ꤭ ꤔꤢꤧ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤞꤤꤑꤢꤩ꤭ ꤗꤢꤧꤓ꤫ꤣꤧ꤬ ꤔꤢꤪꤜꤢ꤭ꤟꤤ ꤠꤢꤧ꤭ ꤒꤥ꤬ ꤔꤣꤧ꤬ꤒꤣꤧ꤬ꤟꤢꤩ꤬ ꤢ꤬ꤑꤢꤩ꤭ ꤙꤢ꤮ ꤒꤢꤩ꤭ ꤔꤣꤧ꤬ꤖꤢꤧ꤯

โคโลสี 2:1 ပူးပေါင်းရင်းမြစ်များ

โคโลสี 1:29

ครี๊ อา เตโพรเตเตอเรอ เออ อา เมฉว่าเมชอ แหน่เจ๊อ เด๊อ แวกู แว ซิเล แถ่หนิ อา เตโพรเตเตอเรอ ฉว่าชอ เออ เร๊อ แว จ่าเพรอแอ๊จื๊อ เร๊อ แว ซิครือเมเฮ๊อ จอแปแหร่ อาเตแร เออเต๊เห่ เฮ๊อ.

ฟีลิปปี 1:30

เตช๊า เด๊อ ซี ช๊า เออเนอหม่า อาแซ่เน๊อ แว ช๊า โทเฮ๊อ เนอเต๊เห่ แพ๊. แว ข่าเบ่ เต เด๊อ อาเหร่ออาเนอ เนอเต๊เห่หม่า ซี แม๊เถอะ โทดื่อ เฮ๊อ. โทเร๊อ ฮู๊ ซี หนิโฮ เฮ๊อ เนอ, แว ช๊า ตื๊อดื่อ โต่ ปา เจ๊อ กู๊แหน่เออเนอ เจ๊อ.

เตเด๊อะโลแถ่ 1:11

โหง่พราแถ่ เร๊อ อา เฮ๊ เน๊อ, “ราม๊าราแด เตเด๊อ เน แม๊เถอะ เนอเต๊เห่. โทเรอ ซูจว๊าเป่ ลีเออ เด๊อ เพรหยื่อเอ่ตู๊หมู่ตอกล๊อ โซซว๊าตู๊หมู่ เด๊อ อา หม่าดื่อ วีเอเฟซัส, วีสเมอร์นา, วีเปอร์กามัน, วีธิยาทิรา, วีซาร์ดิส, วีฟีลาเดลเฟีย, วีเลาดีเซีย เด๊อ อา โอ่ แลแค เด๊อ วี โซซว๊าเตอวี เออเต๊เห่ อากูเนอ.”

โคโลสี 1:24

แซ่ฮู๊ ซี เก่ หนิบุ๊ยหนิเตอเรอ อาเงเนอ, กู๊แหน่เออ แว ข่าเบ่เต เด๊อ ซีเง ฮู๊เออเนอหม่า แว ซิครือ แพ๊. ฮู๊ ครี๊ ข่า เป่ เฮ๊อ แกแย เด๊อ อา หยื่อเอ่ ลู เด๊อ อา แซ่ดื่อ เน๊อ อาเหน่กล่อ เต๊เห่เนอ, แว ซิปล่อฉว่า เด๊อ แว เหน่กล่อพ๊าหย่า เออ เก่ ข่า เป่เกอ ลอดื่อ ล๋อ แกแย เด๊อ อา หยื่อเอ่ ลู เนอเต๊เห่ อาเงเง.

เพรโด่แนพู๊ เต๊เห่ 20:38

เหย่ซี ซิเปลซิหย่อ เล๊อหม่าเฮ๊อ คูเปาโล เฮ๊ เหย่ซี เร๊อ ซี แม๊เถอะน๊อ ปา แว โตโพ๋ โต่ ปา, อา เฮ๊ เหย่ซี เออตือมือ เนอเฮ๊อ. เร๊อ เหย่ซี ซูจว๊า ลู เด๊อ อู เหล่แด่ ส่อเกลอดุ เหล่โอ่เนอ.

เปโตร อาเหร่อเล๊อ ต๊าบ่า 1:8

ซี แม๊เถอะน๊อ อา โต่ หม่าแน๊เรอ ซี โมหนิ อา. ซี แม๊เถอะ แต่ล๋าย อา กู๊แหน่ โต่ หม่าแน๊เรอ ซี หยื่อเอ่ อา. ฮู๊เนออาขว่าอาคยา, ซี ซิครือซิลอ หม่าแหน่ เจ๊อ เร๊อ ซี ซิครือ เจ๊อ บ๋า เตเนอ เฮ๊แจ่ ปา เจ๊อ โต่.

โคโลสี 2:5

เมเตเฮ๊เรอ, แว เหน่กล่อ โอ่เต่อเกอ เน๊อ ซี โต่ ตื๊อดื่อเรอ แว ซิปล่อ จิจือ เน๊อ ซี เร๊อ แว หนิโฮ เด๊อ ซี โอ่ลู เร๊อ ซิปล่อ เตเม๊วโต, โท๊โต่ ซี ปื่อหม่าปื่อกลอ เตหยื่อเตแหน่ เด๊อ ครี๊ อากู อาขว่าอาคยา, แว ซิครือซิลอ แหน่เจ๊อ.

ꤊꤢ꤬ꤜꤢ꤬ꤒꤤ 4:19

แวพู๊ เด๊อ แว โมหนิเร๊อ ซี๋ แว ซิปล่อฉว่า แหน่เจ๊อ เด๊อ ซี เก่ ดุแถ่เผร่แถ่ เกอ เด๊อ แหย่โย ตากยา แซ่เกอดื่อ เร๊อ ครี๊ เนอ เจ๊อ. แว เตซิปล่อฉว่า เออเนอ, อา เด๊อะกู่เด๊อะแก แหน่เจ๊อ แว ซิปล่อ เจ๊อ. แว ซิปล่อ อา เตกู่เตแก เออเนอ, อา แซ่เจ๊อเฮ๊อ เร๊อ โหมะ เด๊อ อา เตเร พู๊โอ่ เร๊อ อาฮ๊อเช เออเนอ เจ๊อ.

เพรโด่แนพู๊ เต๊เห่ 20:25

“กู๊แหน่เออ แว ซิเงเฮ๊อ เน๊อ ล๋อ ซี เด๊อ แว แด๊โฉ่โด่แน เป่โท ลอเฮ๊อ เน๊อ จอแปแหร่ อาเทออาเก่ อาหรี่อาแก เออเต๊เห่ เนอ, เป๊อแถ่ กู๊แหน่เออ ตาเป่แฮ เนอ ซี แม๊เถอะ ปา แว เตเพร่ว โต่ เฮ๊อ.

ꤜꤢꤨꤊꤢ꤬ 22:44

อา ซิปล่อกู่ ซิปล่อแก แฮฉว่า เนอ, อา ลื๋อ กุยจ๊อเบ ฉว่าเล๊อ โป่โป่. เร๊อ อากู่ซาเทอ แลตา เด๊อ เห่ขุ เร๊อ อา แซ่ เจ๊อ เร๊อ สุ่ยตาเม๊ เนอ เจ๊อ.

ꤟꤤꤙꤚꤢꤨ 5:7

เบ๊อะเหย่ซู่ โอ่เซอเพร เบ๊อะเห่ขุเออ เบ๊อะเนอ, อา กุยจ๊อเบ แถ่ ซิปล่อชีเมลอ จอแปแหร่ เด๊อ อา เมแลเปล๊แจ่ ลู เด๊อ เตเซอเออ เตเพร, เร๊อ อา เอ๊โทแถ่ เป๊เส่เทอ ตา เจ๊อ. อา แด่หยว่า อาซิปล่อ เร๊อ อา ซิปล่อฉว่า หนิดา จอแปแหร่ โหง่ อาขว่าอาคยา, จอแปแหร่ หนิดา ลู เตกุยจ๊อเบ.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 2:2

ฮู๊ ซี ซิเง โทเฮ๊อเนอเฮ๊อ, เบ๊อะเป แฮ แต่เกอลา เด๊อ ซี โอ่โต่ เบ๊อะเนอ, วีฟีลิปปีพู๊ เต๊เห่ เมจาเมจือ เป, โทเรอ เมซิเตเร ลอ เป. อู เม จู๊แก่ ดู๊แด ตาตือ เจ๊อ เป หม่าแน๊เรอ แซ่ฮู๊ เป เก่ แด๊โฉ่โด่แน หนิเป่ ซี เร๊อ จอแปแหร่ อา เตซิครือมีลา เนอเรอ, เป จอแปแหร่ เด๊อะเฮ๊อ เป เตคือฮา เฮ๊อ.

เห่ขุทวาลู่ 30:8

โทเร๊อ โหมะ ราเชล เฮ๊ เน๊อ, “แว ดี๊เจ แหน่เจ๊อ เน๊อ แวแหม่เพรเหมาะ เร๊อ แว เมเป่ เฮ๊อ ลู เฮ๊อ,” ฮู๊เนออาขว่าอาคยา, อา เอ๊ เกอเร๊อ ลูมุย เน๊อ คูนัฟทาลี. (นัฟทาลี อาโหง่แลช๊า หม่า จ่าเพรอจ่าหร่อ ดี๊เจ.)