ซี เร๊อ, เบ๊อะซี หนิโฮ เกอ เตหมะเตจ๊อ, เตซิครือมีลา เด๊อ อา เมแลเปล๊กา ซี อาหรี่อาแก เบ๊อะเนออาเค, ซี หยื่อเอ่ เร๊อ ซี ทวาแถ่ เตเตอเจ๋อ โต เร๊อ ครี๊ เฮ๊อ. เด๊อ ซี หยื่อเอ่ ครี๊ อาขว่าอาคยา, อา เด๊อะแล ซี แหย่โยบูโพ๊แบ่เจ่ เด๊อ อา เฮ๊แก หนื่ออื่อ โทเฮ๊อ เออเนอ เฮ๊อ. แหย่โยบูโพ๊แบ่เจ่ เออเนอ อา แซ่เฮ๊อ เร๊อ เมม๊าเมแด เต๊อเจ่อ เด๊อ อา เด๊อะโล เร๊อ ซี ทวาเฮ๊อ จอแปแหร่ อาแกแย เฮ๊อ.
โคโลสี 1:5 - ลีเทส่อพ๊าอาเซ เร๊อ เห่ขุทวาลู๊5 เบ๊อะซี หนิโฮ ลู่ เตซิครือมีลา เด๊อ อาหม่า อาจ๊อ เออ เบ๊อะเนออาเค, ซี หนิโฮ โทดื่อเฮ๊อ เตแม๊ชือ เด๊อ เตซิครือมีลา เด๊อะ ซี เออเนอ เฮ๊อ. เด๊อ เตแม๊ชือ เออ อาขว่าอาคยา, ซี หยื่อเอ่ จอแปแหร่, โทเรอ ซี โมหนิเร๊อ อูโร. จอแปแหร่ แด่ดว๊าแด่ปล๊อ เป่ เฮ๊อ ซี เตแม๊ชือ เออเนอ เด๊อ ม๊อขุ เฮ๊อ. အခန်းကိုကြည့်ပါ။Eastern Kayah Shadaw Dialect5 ꤙꤣꤧ ꤞꤤ꤭ ꤔ꤫ꤤ꤬ꤟꤥ꤭ ꤜꤢꤨ ꤒꤢꤩ꤬ꤞꤤꤋꤚꤢꤦ꤭ꤗꤝꤤ꤭ꤜꤢ꤬ ꤘꤣ ꤢ꤬ꤗ꤫ꤢ꤬ꤢ꤬ꤡꤢꤪ ꤣꤧ꤭ ꤢ꤬ꤋꤢꤩ꤭ꤔꤣꤧ꤬, ꤞꤤ꤭ ꤔ꤫ꤤ꤬ꤟꤥ꤭ ꤓꤥ꤭ꤘꤢꤦ꤬ꤟꤣꤧ ꤒꤢꤩ꤬ꤗꤢꤧꤏꤢꤦ꤭ ꤘꤣ ꤒꤢꤩ꤬ꤞꤤꤋꤚꤢꤦ꤭ꤗꤝꤤ꤭ꤜꤢ꤬ ꤘꤣꤧ ꤞꤤ꤭ ꤣꤧ꤭ꤔꤣꤧ꤬ ꤟꤣꤧ꤯ ꤘꤣ ꤒꤢꤩ꤬ꤗꤢꤧꤏꤢꤦ꤭ ꤣꤧ꤭ ꤢ꤬ꤋꤝꤢ꤬ꤢ꤬ꤋꤛꤢ꤭, ꤞꤤ꤭ ꤛ꤫ꤢꤦ꤬ꤢꤩ꤬ ꤡꤢꤪꤗꤣꤧ꤬ꤚꤢꤧ꤬, ꤓꤥ꤭ꤚꤣꤧ꤬ ꤞꤤ꤭ ꤗꤥ꤬ꤚꤣꤧ ꤢꤨ꤭ꤚꤥ꤬꤯ ꤡꤢꤪꤗꤣꤧ꤬ꤚꤢꤧ꤬ ꤘꤢꤧ꤬ꤘꤝꤢꤘꤢꤧ꤬ꤕꤜꤢꤪ ꤕ꤫ꤢꤩ꤬ ꤟꤣꤧ ꤞꤤ꤭ ꤒꤢꤩ꤬ꤗꤢꤧꤏꤢꤦ꤭ ꤣꤧ꤭ꤔꤣꤧ꤬ ꤘꤣ ꤗꤢꤪꤋꤢꤨ꤬ ꤟꤣꤧ꤯ အခန်းကိုကြည့်ပါ။ |
โคโลสี 1:5
33 ပူးပေါင်းရင်းမြစ်များ
กู๊แหน่เรอ จอแปแหร่ แด่ดว๊า เป่เฮ๊อ แว เตจ๊อเตเต อา กู๊โก่เท เด๊อ อา หม่าเฮ๊อ เตเมหนิคว๊าเก่ เออเตเม เนอเฮ๊อ. โทเรอ ช๋า ม๊อเนอ ตื๊อดื่อ ปาเนอ, เพรเฮ๊เบ่เมโตเต จ๊อเต อา แบ่เจ่ เออเตเพร เก่ เด๊อะแล แว ปา หม่าแน๊เรอ เออเนอหมา แวเง ตื้อดื่อ หม่าโต่. ล๋อ แกแย เด๊อ อา โอ่ป่อแม๊ชือเกอ แบ่เจ่ เก่ แฮ โอ่โลแถ่ คยา ปา เนอเต๊เห่ อาเงหม่า อา โอ่เต่อเกอ ปาปา.
จอแปแหร่ ซิปล่อโอ่ เด๊อ อา เก่ เบ่ แด่โลแถ่ เป่ อาแกแย เต๊เห่ เน๊อ อา เตแด่โอ๊แด่บี๊ เออเต๊อเจ่อ. อา เตแด่โอ๊แด่บี๊ เออเนอหมา แกแยยิวพู๊ หม่าโต่ เต๊เห่ อาเง เนอหม่า อาหม่าหม่า. เตแด่โอ๊แด่บี๊ เออเนอหมา อา งูดุงูชอ, อาเตอเรอดุเตอเรอทู แหน่เจ๊อ. เตแด่โอ๊แด่บี๊ เออเนอหมา หม่าเฮ๊อ ครี๊ เด๊อ อา โอ่ เด๊อ ซีเหน่ลู เออเนอเฮ๊อ, เร๊อ อาโหง่แลช๊า หม่า หม่าเฮ๊อ ซี เก่ พย๊าหนิ เกอดื่อ จอแปแหร่ อาเตอเรอดุเตอเรอทู ปา, เออเนอเฮ๊อ.
แซ่ฮู๊ ซีเป๊เส่ เก่ โอ่ เกอดื่อ เด๊อ จอแปแหร่ อา เป๊เส่เง เนอเรอ, ตูรู๊ หยื่อเอ่ เป่แฮ ลาโป่ แลแค ฮู๊เนอเฮ๊อ. หยื่อเอ่ฉว่า หยื่อเอ่ชอ แลแค, เร๊อ โอ่หม่าโอ่กลอ แลแค เด๊อ ซี เตหยื่อ อากู นี๋. เบ๊อะซี หนิโฮ ลู่ เตซิครือมีลา เบ๊อะเนออาเค, ซี พย๊าหนิ โทเฮ๊อ เตแม๊ชือ เฮ๊อ. เร๊อ ซิปล่อ ลูโทลูแล แต่ แลแค เด๊อ ซี เตแม๊ชือ เออ อากู เนอ แต่เหม่ นี๋. เตซิครือซิลอมีลา เด๊อ จอแปแหร่ เมแร๊ กาคยา คยาแซ๊ แกแย เต๊เห่ เร๊อ อาเหน่ เร๊อดื่อ เออเนอ, อู โด่แน จว๊าเฮ๊อ ลู เด๊อ แกแย ปว๋า เตเพร อา โอ่, เร๊อ เด๊อ เห่ขุ ชีบ่า อา โอ่ เฮ๊อ. แว หม่าเฮ๊อ คูเปาโล, แว ทวา หลู่เล๊ เตเพร แว โด่แน เกอ เตซิครือซิลอมีลา เออเนอ เฮ๊อเฮ๊อ.
เป เด๊อ อา หยื่อเอ่ ครี๊ เร๊อ อา โอ่เซอเพร ปา กู๊แหน่เออ เต๊เห่เนอ, เป หยื่อเอ่ ครี๊ เร๊อ เป เก่ แม๊ชือ แพ๊ตื๊อ เออตือทือ อาเง แพ๊, เป แม๊ชือ เด๊อ อา เก่ เมแลเปล๊กา เป ช๋าโหน่ปา ตือทือ อาเงเนอ อา เก่ โอ่โต่ เฮ๊เรอ, เด๊อ เห่ขุ เออเนอ, โต ซิยอเล๊อ เร๊อ แกแย ฮู๊ เป เออเต๊เห่ เนอหม่า อา โอ่ ปา โต่ เฮ๊อ.
เบ๊อะซี หนิโฮ จอแปแหร่ อาลาอาโหง่ เด๊อ เป แด๊โฉ่ เป่ ซีเออ เบ๊อะเนอ, ซี พย๊าฉื่อ อา ฮู๊ อา โอ่ เด๊อ แกแย อา โอ่ เร๊อ อา แฮเนอ หม่าโต่. ซี พย๊าฉื่อ เจ๊อ อา ฮู๊ อา โอ่ เด๊อ จอแปแหร่ อา โอ่ เร๊อ อา แฮ เนอ เจ๊อ. ฮู๊เนอ อาขว่าอาคยา, เป เฮ๊บุ๊ยเฮ๊เตอเรอ จอแปแหร่ ปว๋า โตโพ๊ เจ๊อ. เร๊อ เตหรี่เตแก เออเนอหมา จอแปแหร่ อา เตหรี่เตแก หม่าแหน่ เจ๊อ. เร๊อ เด๊อ เตหรี่เตแก เออ อาขว่าอาคยา, จอแปแหร่ นอโอ่เซอเพร เฮ๊อ ซี ฮู๊ อาโต ลูซิปล่อ เนอเฮ๊อ.
เป ซิหยื่อ เฮ๊เนอหม่า ฮู๊เตเฮ๊เนอ, เด๊อ ครี๊ อาขว่าอาคยาเร๊อ จอแปแหร่ เมทวาแถ่ เฮ๊อ แกแยเห่ขุพู๊ ปว๋า เตเพร เร๊อ อา โคแบ๊ซว๊า เฮ๊อ. จอแปแหร่ แด่ ปา แกแย แกแยเห่ขุพู๊ เต๊เห่ อา เตเมซื๊อ โต่ เฮ๊อ. เร๊อ อา เด๊อะตาแก เฮ๊อ เป เตเมเออ เด๊อ เป เก่ จว๊า แด๊โฉ่โด่แน โล เป่ อู เร๊อ จอแปแหร่ เมทวากาคยา คยาแซ๊ เฮ๊อ แกแยเห่ขุพู๊ เต๊เห่ เร๊อ อา โคแบ๊ซว๊า เฮ๊อ.
เบ๊อะคูเปาโล แม๊เถอะ เร๊อ แกแย โอ่เบ๊อะเนอ เต๊เห่ หม่า เต๊เห่เห่เร๊อ สะดูสีพู๊, เต๊เห่เห่เร๊อ ฟาริสีพู๊ อาขว่าอาคยา, อา เอ๊โทแถ่โล เป่ แกแยยิวพู๊ เด๊อ อา ทวา กู่กล๊อ เต๊เห่ เน๊อ, “แว โป่แหว่ ซี๋, แว หม่า ฟาริสีพู๊ เตเพร. แว หม่า ฟาริสีพู๊ เต๊เห่ อา พู๊เพรคู หม่า อาหม่าหม่า. แว แม๊ชือ เร๊อ แกแย เด๊อ อา เซอ เต๊เห่เนอ, อา เก่ ก๊อถ่อเซอเพร กาคยา คยาแซ๊ ปา อาขว่าอาคยาเร๊อ, ซี ทื๊อเจ แว.”
หม่าแน๊เรอ, แด่หยื่อแด่แหน่ แลแค ครี๊ เด๊อ ซี ซิปล่อกู ฮู๊ ซี แบ่เจ่ เตเพรเนอ นี๋. อูเป เตเพร เบ่เบ่, อา เก่ แด๊เฮอ ซี เร๊อ ซี เตแม๊ชือ อาหรี่อาแก เฮ๊เนอ, แซ่ฮู๊ ซี เก่ เฮ๊ฉื่อแจ่ เป่ เกออู เร๊อ โอ่ตี๊หรี่แตแร หนื่ออื่อ แลแค ซีเหน่ ปว๋า โตโพ๊ นี๋. หม่าแน๊เรอ ตูรู๊ เฮ๊เบ่ ซิโดซิงา ฉื่อ เหย่ซี เร๊อ แด่ซิแหน่ซิเตเร เหย่ซี นี๋.
เปเพ จอแปแหร่ อาบุ๊ยอาเตอเรอ ขว่าคยาเร๊อ, อา เด๊อะตา เฮ๊อ เป อา เตเด๊อะอ๊าเด๊อะเหร่ ตูจูเพร เร๊อ เตแม๊ชือ เด๊อ อาตาอาเต เออเต๊เห่เนอ เฮ๊อ. เป แบ่เจ่ เหย่ซู่ครี๊ เร๊อ เปเพ จอแปแหร่ เด๊อ อา โมหนิเร๊อ เป เออเตเพร เก่ เด๊อะอ๊าเด๊อะเหร่ ดื่อ ซี นี๋. โท๊โต่ แซ่ฮู๊ ล๋อ ซี เตเอ่เตแร เนอเต๊เห่ เร๊อ ล๋อ ซี เตเฮ๊เบ่เฮ๊โช เต๊เห่ เก่ แร๊ อาเงเนอ, อา เก่ เด๊อะฉว่าเด๊อะชอแถ่ ดื่อ ซี ซิปล่อ นี๋.
นอโอ่หม่าโอ่กลอ เล๊อบา เกอดื่อ ครี๊ อาลาอาโหง่ เด๊อ ซี ซิปล่อกู นี๋. ซี เก่ อิซว๊าอี๊แส่ คยาลู เตเพร เร๊อ เตเพร, เร๊อ ซี เก่ เด๊อรอเด๊อเร หนิ คยาลู เตเพร เร๊อ เตเพร บ๋า เตแจ่ โอ่ เร๊อ ซี เนอ นี๋. อิโรถู่เซ๊แถ่ แลแค จอแปแหร่ เร๊อ ซี เตเฮ๊บุ๊ยเฮ๊เตอเรอ ลู เด๊อ ซี ซิปล่อกู นี๋. อิโรถู่เซ๊แถ่ แลแค จอแปแหร่ เร๊อ อาลี อิโร เนอเต๊เห่ ล๋อ ปลี นี๋.
อิเชแก ซี ตาหมื่อตาเต เต๊เห่ เร๊อ เด๊อะหลู่ เร๊อ แกแย โซพ๊าโซแรพู๊ เนอเต๊เห่. ซี เก่ เมฮู๊เนอ เฮ๊เรอ ซี แด่โน โอ่ปล๊อ แลแค เฮ๊อ ซี เตดุแหย่แถ่เซ เด๊อ รือปยา เด๊อ อา แลยา เป่โต่ เออเนอเต๊เห่ อากู เฮ๊อ. เด๊อ ซี เด๊อ แกแย โซพ๊าโซแรพู๊ เต๊เห่ ฮู๊เนอ ขว่าคยา, อา เก่ ทวาแถ่ เป่ ซี เตดุแหย่แถ่เซ เด๊อ ม๊อขุ ปา. ซี เก่ แด่โอ่ปล๊อ เด๊อ ม๊อขุ เฮ๊เนอหม่า, ซี เตดุแหย่แถ่เซ เออเต๊เห่เนอ อา ยว๊ากาแล โตแจ่ โตโพ๋ โต่, เพรเอ่โห่เอ่ฮี๊ เต๊เห่ เอ่โห่แจ่โต่, อาเขร่อาโถ่ เมปย๊า แจ่ โต่ อาขว่าอาคยา, แด่โอ่ปล๊อ แลแค เด๊อ ม๊อขุเนอ.
เป อิซว๊า เป่ อู จอแปแหร่ อาลาอาโหง่ เด๊อ อาจ๊ออาเต เต๊เห่, เร๊อ จอแปแหร่ อา เตโพร อาฉว่าอาชอ เออ เมจว่า เป. ฮู๊เนอ อาขว่าอาคยา เป เออเต๊เห่เนอ จอแปแหร่ เด๊อะโลโปล เจ๊อ เฮ๊อ เร๊อ เป ทวา อาหลู่เล๊ เต๊เห่ เฮ๊อ. เป โอ่ เน๊อ เหล่แตแด ตาตือ เออเนอ เร๊อ เป่แน๊ หม่าเฮ๊อ เตจ๊อเตเต เด๊อ จอแปแหร่ เด๊อะ เป เออเต๊เห่, เร๊อ อา แซ่เฮ๊อ เร๊อ เกลอฮู๊ เตเพร นอเอ่ เกอเร๊อ อา โจ๊โกโจ๊เบ เด๊อ อา เก่ ช๊าเต อาเง เออเนอ เฮ๊อ.
เบ๊อะแว แม๊เถอะ เด๊อ เหย่ซี จว๊าโต ปา เร๊อ เตซิครือมีลา อา เตหมะเตจ๊อ อาแกล๊อาโกล โต่ เบ๊อะเนออาเค, แว เฮ๊ คูเปโตร เด๊อ เหย่ซี เป๊เส่เง เน๊อ, “เน หม่า แกแยยิวพู๊ เตเพร หม่าแน๊เรอ เน โอ่เซอเพร ฮู๊ แกแยยิวพู๊ หม่าโต่ เตเพร เนอหม่า อาหนิ เฮ๊อ. ฮู๊ แกแยยิวพู๊ เตเพร อาเหล่โกล เมเนอ, เน โต โหล่ครวา เมเกอ ปาโต่เฮ๊อ, เมเตเฮ๊เรอ กู๊แหน่เออ เน หยื่อเอ่ โทเฮ๊อ ครี๊ เฮ๊อ. เมฮู๊เนอเรอ กู๊แหน่เออ เน จว๊า นอตือดื๊อ แกแยยิวพู๊ หม่าโต่ เด๊อ อาหยื่อเอ่ครี๊เต๊เห่ เร๊อ อา เก่ ครวาเมเกอ ฮู๊ แกแยยิวพู๊ อาเหล่โกล เนอหม่า อาหนิ แหน่ แอ?”
ကြော်ငြာတွေ