โคโลสี 1:3 - ลีเทส่อพ๊าอาเซ เร๊อ เห่ขุทวาลู๊

³ เบ๊อะเป กุยจ๊อเบ เต เด๊อ ซีเง เบ๊อะเนออาเค, เป เฮ๊บุ๊ยเฮ๊เตอเรอ เป แบ่เจ่ เหย่ซู่ครี๊ อาเพ จอแปแหร่ ปว๋า โตโพ๊ เจ๊อ.

Eastern Kayah Shadaw Dialect

³ ꤙꤣꤧ ꤕꤢꤩ꤬ ꤊꤝꤤ꤭ꤡꤢꤪꤙꤢꤩ꤭ ꤒꤢꤩ꤬ ꤘꤣ ꤞꤤ꤭ꤑꤢꤩ꤭ ꤢ꤬ꤋꤢꤩ꤭ꤔꤣꤧ꤬, ꤕꤢꤩ꤬ ꤟꤢꤩꤙꤝꤤꤟꤢꤩꤒꤣꤧ꤬ꤚꤣꤧ꤭ ꤕꤢꤩ꤬ ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨꤋꤚꤤ ꤢ꤬ꤖꤢꤩ꤭ ꤡꤢꤪꤗꤣꤧ꤬ꤚꤢꤧ꤬ ꤕꤝꤢ꤭꤮ ꤒꤣ꤬ꤖꤥ ꤡꤣꤧ꤯

โคโลสี 1:3 ပူးပေါင်းရင်းမြစ်များ

ꤚꤥꤗꤢꤩ꤬ 15:6

ซี เก่ เมฮู๊เนอ ตื๊อเรอ ซี เก่ ถู่เซ๊แถ่ เบ๊ แลแค เป แบ่เจ่ เหย่ซู่ครี๊ อาเพ จอแปแหร่ เออเนอ เด๊อ ซิปล่อ เตเม๋ จือ อากู เร๊อ เด๊อ เตเฮ๊เบ่เถ่ โหร่ลู เต๊อเจ๋อ โต อากู แพ๊.

โครินธ์ อาเหร่อเล๊อ ต๊าบ่า 1:4

เด๊อ เหย่ซู่ครี๊ อาขว่าอาคยาเร๊อ, จอแปแหร่ เด๊อะตาเฮ๊อ ซี อาบุ๊ยอาเตอเรอ เฮ๊อ. เด๊อ อา เด๊อะ ซี ฮู๊เออ อาขว่าอาคยา, แว เฮ๊บุ๊ยเฮ๊เตอเรอ เป่ ซี จอแปแหร่ ปว๋า โตโพ๊ เจ๊อ.

โครินธ์ เนอบ่า ต๊าบ่า 1:3

เป เก่ เฮ๊บุ๊ยเฮ๊เตอเรอ ถู่เซ๊แถ่ โหร่ลู เป แบ่เจ่ เหย่ซู่ครี๊ อาเพ จอแปแหร่ เออ โป๋. อา หม่า เพ เด๊อ อา ซิยอ อู เตเพร, เร๊อ ล๋อ เตเมโม เตเมจว่า เต๊เห่ เนอหม่า อา โอ่ เด๊อ ลูโอ่ แฮ แพ๊.

เอเฟซัส 1:15

จอแปแหร่ เด๊อะบุ๊ยเด๊อะเตอเรอ เฮ๊อ เป่ ฮู๊เนอ อาขว่าอาคยา, เป๊อแถ่ เบ๊อะแว หนิโฮ เร๊อ ซี หยื่อเอ่ แบ่เจ่ เหย่ซู่ครี๊ เร๊อ ซี โมหนิเร๊อ จอแปแหร่ อาแกแย เบ๊อะเนอ,

เอเฟซัส 6:18

กุยจ๊อเบ จอแปแหร่ เร๊อ กุยซิยอ หนิ ลู เด๊อ อา เก่ เมจว่า ซี เตปว๋า เต๊อเจ่อ นี๋. กุยจ๊อเบ แลแค ฮู๊ แหย่โยบูโพ๊แบ่เจ่ ยูแกล๊ยูโกล ซี เนอ ปว๋า โตโพ๊ นี๋. เร๊อ เบ๊อะซี กุยจ๊อเบ ฮู๊เนอ อาเค, โอ่ส่าเซ เร๊อ รอหนิ แลแค ซีเหน่ นี๋. กุยจ๊อเบ หนิเป่ลอ ล๋อ จอแปแหร่ อาแกแย เนอเต๊เห่ ปว๋า โตโพ๊ นี๋.

ฟีลิปปี 4:6

เบ่ยอ แต่ แลแค เตอเจ๋อ แต่เหม่ นี๋. หม่าแน๊เร๊อ เด๊อ เตล๋อ ปลี อากูเนอ, กุยจ๊อเบ เร๊อ กุย แลแค เต เด๊อ ซี โอ่ เนอเต๊เห่, เร๊อ กุย แลแค เน๊อ เตเฮ๊บุ๊ยเฮ๊เตอเรอ จอแปแหร่ นี๋.

โคโลสี 1:13

อา เมแลเปล๊กา เป เด๊อ โลเน๊มู๊แหม่ กู่กล๊อ อา เตฉว่าเตชอ เด๊อ อา เป๊อหนิ เตคี๊ ลอ เออโตโด อาเล เร๊อ อา ซูโน เป เด๊อ อาพู๊คู เด๊อ อา โม หนิเกอเร๊อ เออเตเพรเออ อาเทอเก่กู เฮ๊อ.

โคโลสี 1:9

ฮู๊เนอเรอ, เป๊อแถ่ เบ๊อะเป หนิโฮเบ่ อาเมวกู เนอ เตอเนอเนอ, เป แด่โอ่โก๊แกน๊อ เป เตกุยจ๊อเบ เด๊อ ซีเง โตโพ๋ โต่. เป กุยจ๊อเบ จอแปแหร่ เด๊อ อา เก่ เด๊อะตา เล๊อบา ล๋อปลี ซี เตแจ่เตลีแม เด๊อ แหย่โย ตากยา เร๊อ เตซิคว๊าซิเง เด๊อ แหย่โย ตากยา เร๊อ เด๊อ เออเต๊เห่ อาขว่าอาคยา, เป กุยจ๊อเบ จอแปแหร่ เร๊อ อา เก่ เด๊อซิเง เล๊อเล๊อบาบา เป่ ซี เร๊อ ซี เก่ แรเต ฮู๊ อาโต ลูซิปล่อ เนอเต๊เห่.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 1:2

เบ๊อะเป กุยจ๊อเบ เด๊อ ซี ล๋อ ปลีเง เบ๊อะเนอ, เป เฮ๊บุ๊ยเฮ๊เตอเรอ จอแปแหร่ ปว๋า โตโพ๊ เจ๊อ.

ทิโมธี เนอบ่า ต๊าบ่า 1:3

แว เฮ๊บุ๊ยเฮ๊เตอเรอ จอแปแหร่ เด๊อเนเง. อา หม่า จอแปแหร่ เตเพร เด๊อ แว เม อาเต เน๊อ แว ซิปล่อ อา เหล่เตเน อาโพ๊อาแปละ ฮู๊ แว โหมะเพเพอโพ เด๊อ เด๋อ งย๊า เต๊เห่ เมโทเฮ๊อ เนอเฮ๊อ. เบ๊อะแว ซิเหน่แถ่เบ่ เน ปว๋า โตโพ๊ เบ๊อะเนอ, แว เฮ๊บุ๊ยเฮ๊เตอเรอ จอแปแหร่ เร๊อ แว กุยจ๊อเบ เด๊อ เนเง เหมาะคี๊คี๊ เหมาะเชเกลเกล เจ๊อ.