โคโลสี 1:29 - ลีเทส่อพ๊าอาเซ เร๊อ เห่ขุทวาลู๊

²⁹ ครี๊ อา เตโพรเตเตอเรอ เออ อา เมฉว่าเมชอ แหน่เจ๊อ เด๊อ แวกู แว ซิเล แถ่หนิ อา เตโพรเตเตอเรอ ฉว่าชอ เออ เร๊อ แว จ่าเพรอแอ๊จื๊อ เร๊อ แว ซิครือเมเฮ๊อ จอแปแหร่ อาเตแร เออเต๊เห่ เฮ๊อ.

Eastern Kayah Shadaw Dialect

²⁹ ꤋꤚꤤ ꤢ꤬ ꤒꤢꤩ꤬ꤖꤚꤥ꤬ꤒꤢꤩ꤬ꤖꤚꤢꤧ꤬ ꤣꤧ꤭ ꤢ꤬ ꤗꤢꤩ꤬ꤏꤝꤢ꤬ꤗꤢꤩ꤬ꤏꤢꤪ꤭ ꤔꤢꤧ꤬ꤡꤣꤧ ꤘꤣ ꤠꤢꤧ꤭ꤊꤢꤨ꤭꤯ ꤠꤢꤧ꤭ ꤞꤤꤜꤢꤩ꤬ ꤓꤢꤧ꤬ꤚꤣꤧ ꤢ꤬ ꤒꤢꤩ꤬ꤖꤚꤥ꤬ꤒꤢꤩ꤬ꤖꤚꤢꤧ꤬ ꤏꤝꤢ꤬ꤏꤢꤪ꤭ ꤣꤧ꤭ ꤚꤣꤧ꤬ ꤠꤢꤧ꤭ ꤓꤢꤪꤟꤢꤧ꤭ꤓꤢꤪꤚꤢꤩ꤬ ꤚꤣꤧ꤬ ꤠꤢꤧ꤭ ꤋꤚꤢꤦ꤭ꤗꤢꤩ꤬ꤟꤣꤧ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤒꤢꤩ꤬ꤗꤢꤩ꤬ ꤣꤧ꤭ꤒꤣꤧ꤬ꤟꤢꤩ꤬ ꤟꤣꤧ꤯

โคโลสี 1:29 ပူးပေါင်းရင်းမြစ်များ

ꤜꤢꤨꤊꤢ꤬ 13:24

“แอ๊จื๊อ จว๊าแม๊ปูโน แลแค เด๊อ กู่ดา อาอิ เนอตูกู, เมเตเฮ๊เรอ, แกแย เต๊เห่ แอ๊จื๊อจว๊าแม๊ปูโน โรแหน่เจ๊อ ตื๊อดื่อเรอ อา โนเบ๊ แลแค โต่.

ꤚꤥꤗꤢꤩ꤬ 15:20

เออ หม่า หม่าเฮ๊อ เต เด๊อ แว ซิหยื่อ แม๊ชือ เม เนอเฮ๊อ. เหล่โอ่ เบ๊อะเต๋ โต๊โผ่ เบ่เบ่ เด๊อ อา หนิโฮแล๋ ครี๊ อาหรี่อาแก โต่ เนอ. แว โด่แนเป่ เหย่ซี เร๊อ เตซิครือมีลา. เมเตเฮ๊เรอ อาแซ่เน๊อ หี่เตเม เด๊อ อู แบ๊ตา โทเฮ๊อ อากู๊โด่ แกซ๊า เร๊อ หล่อเนอ, แว ซิหยื่อ จว๊า ช๊อแถ่ แฮเง เร๊อ อู กู๊เหล่ เด๊อ อู แบ๊ตา โทเฮ๊อ เออ อาโหล่ โต่.

ꤚꤥꤗꤢꤩ꤬ 15:30

โป่แหว่ ซี๋, เด๊อ เป แบ่เจ่ เหย่ซู่ครี๊ เร๊อ แหย่โยบูโพ๊ แบ่เจ่ อาเตโม อาขว่าอาคยา, แว กุยซิยอ ซี เร๊อ ซี เก่ กุยจ๊อเบ โหร่โต่เกอ เร๊อ แว ปา, เร๊อ ซี เก่ กุยจ๊อเบแถ่ เป่เกอ แว เด๊อ จอแปแหร่ อา โอ่ ปา. เร๊อ ซี เก่ กุยจ๊อเบ ลอซิปล่อเตเมลอ เป่เกอ เด๊อ แวเง ปา นี๋.

โครินธ์ อาเหร่อเล๊อ ต๊าบ่า 12:11

เพร เด๊อ อา เด๊อะตา ล๋อ เชหยู่ เออเต๊เห่ เนอหม่า แหย่โยบูโพ๊ แบ่เจ่ เตเพรเพร่ว แพ๊. เร๊อ เชหยู่ หนิครา เออเนอ, อา เด๊อะตา เป่ ลอ เพรหยื่อเอ่ เออ ปว๋า เตเพร. อา เด๊อะตา เป่ อู จู๋ ดื่อ ฮู๊ อา ซิหยื่อ เด๊อะตา อู เนอ แพ๊.

โครินธ์ อาเหร่อเล๊อ ต๊าบ่า 12:6

เตแจ่เตลีแม เด๊อ อาโอ่ เร๊อ เป เด๊อ เป เก่ เม เป่ จอแปแหร่ อา เตเอ่เตแร อาเงเนอ, อา โอ่ เอ๊ลู หม่าแน๊เรอ เตแจ่เตลีแม เออเต๊เห่เนอ อา โค๊ลู. หม่าแน๊เรอ เพร เด๊อ อา เด๊อะตา เป เตแจ่เตลีแม เตเพร เร๊อ เตเพร เด๊อ เป เก่ เม จอแปแหร่ อาเตเม เออเต๊เห่ อาเง เนอหม่า, จอแปแหร่ เตเพรเพร่ว แพ๊.

โครินธ์ อาเหร่อเล๊อ ต๊าบ่า 15:10

หม่าแน๊เรอ, เด๊อ แบ่เจ่ อาบุ๊ยอาเตอเรอ อาขว่าอาคยา, กู๊แหน่เรอ แว ทวาแถ่เฮ๊อ เพรโด่แนพู๊ เต๊เห่ เตเพรเฮ๊อ. เตบุ๊ยเตเตอเรอ เด๊อ จอแปแหร่ เด๊อะตา แว เออเนอ อา แกเด โต่. เมเตเฮ๊เรอ แว แอ๊จื๊อ จ่าเพรอจ่าหร่อ เม เล๊อ เจ๊อ เร๊อ เพรโด่แนพู๊ เต๊เห่ เด๊อ อาโร เต๊เห่ เจ๊อ. แว เมเบ๊ ฮู๊เออ เนอหม่า แวอ๊าแวเหร่ เร๊อดื่อ หม่าโต่. จอแปแหร่ อาบุ๊ยอาเตอเรอ เม เต่อเกอ เร๊อ แว อาขว่าอาคยา, แว เมเบ๊ ฮู๊เออ เนอแพ๊.

โครินธ์ เนอบ่า ต๊าบ่า 11:23

เหย่ซี หม่า ครี๊ อาหลู่เล๊ เต๊เห่ แอ? แว เม เล๊อ เจ๊อ เร๊อ เหย่ซี เนอเต๊เห่ เจ๊อ กอกอ. แว เฮ๊ ฮู๊เออ เร๊อ อา แซ่ เร๊อ แว ตีมุย. แว แอ๊จื๊อ เม เล๊อ เจ๊อ เร๊อ เหย่ซี เมเนอ เจ๊อ กอกอ, อู ด๊อตา เอ๊เล๊อ แว เด๊อ ทอกู เร๊อ เหย่ซี เจ๊อ กอกอ. อู เมจา แว เร๊อ อิปลี๊หริ เนอ อา โอ่ เอ๊แหน่เจ๊อ, แว พื๋อ เตเร เซอเจ๊อเนอ แว แม๊เถอะ ป่อชิเต่อเบ่ โตโมโม เจ๊อ.

โครินธ์ เนอบ่า ต๊าบ่า 13:3

แว เก่ เม ฮู๊ แว เฮ๊โทเฮ๊อ เนอ ปา, เมเตเฮ๊เรอ ครี๊ นอเฮ๊เบ่ แฮเง แว เร๊อ ซี หม่า แอ? หม่า อาหม่าโต่ แอ? เนอ, ซี กุยฉว่า เฮ๊อ แว เด๊อ แว เก่ เฮ๊ เป่ ซี เฮ๊อ. ครี๊ เก่ อิซว๊าแร๊กา ซี ปาหม่า, อา ซิอิเช เป่ เร๊อ ซี ตีกี๋ โต่, อา เก่ อิซว๊าแร๊กา ซี เร๊อ อา เตอเรอฉว่าชอ เจ๊อ ปา.

โครินธ์ เนอบ่า ต๊าบ่า 5:9

หม่าแน๊เรอ, เป โอ่ เบ๊อะเต๋ โต๊โผ่ เบ่เบ่, เป โอ่ ปาแพ๊ เบ๊อะเออ เบ่เบ่, เป จว๊า โอ่ เฮ๊อ เด๊อ หี่ม๊อขุ เฮ๊อ ปา เบ่เบ่, เป ซิหยื่อ เมโต แพ๊ จอแปแหร่ อาซิปล่อ แพ๊.

โครินธ์ เนอบ่า ต๊าบ่า 6:5

อูมืออูปอ เจ๊อ เป. อู ด๊อตา เป เด๊อ ทอกู. อู เม ตอปลอตือซือ เป เร๊อ อู เหว่เถ่จว๊าแก เป, เป เอ่แร ซิพร๊าแลแด๊ ปวาเนอปวาเซ เจ๊อ, เตเซ๋ เตเซ โอ่เมอน๊อ โต่ เนอ อาโอ่ อาเซ เอ๊ ลา, โทเรอ เอ่น๊อโอน๊อ โต่ เนอหม่า อา โอ่โอ่.

เอเฟซัส 1:19

โท๊โต่ อา เตโพรอาเตอเรอ เด๊อ อา เก่ เมจว่า เป่ แกแย เด๊อ อา หยื่อเอ่ ลู เออเต๊เห่เนอ, อาดุเจ๊อ บ๋า เตเนอ, แว ซิหยื่อ นอซิเง เกอ ซี เร๊อ แว กุยจ๊อเบ เป่ เด๊อ ซิเง แพ๊. เตโพรอาเตอเรอ เออเนอหมา อา เตอเรอฉว่าชอ แซ่เจ๊อเน๊อ,

เอเฟซัส 3:20

ถู่เซ๊แถ่ แลแค จอแปแหร่. เด๊อ อา เตโพรเตอเรอ อาดุอาแย เออ เมเต เด๊อ เปกู อาขว่าอาคยา, อา เก่ เมเบ๊ เล๊อ เป่ เจ๊อ เป เร๊อ เป กุยแถ่ อา เนอเต๊เห่ ปา เจ๊อ. หม่าโต่เรอ, อา เก่ เมเบ๊ เล๊อ เป่ เจ๊อ เป เร๊อ เป เตเน หนื่ออื่อปา แพ๊ เนอเต๊เห่ ปา เจ๊อ.

เอเฟซัส 3:7

จอแปแหร่ อาบุ๊ยอาเตอเรอ อา เตเด๊อะครา เออ เร๊อ อา เตโพรเตอเรอ อาขว่าอาคยาเร๊อ, อา เด๊อะแล เฮ๊อ แว เตเมเออ เด๊อ แว เก่ เบ่ โด่แน เป่ อู เร๊อ เตซิครือมีลา เออเนอ เฮ๊อ.

ฟีลิปปี 1:27

อา ทวาแถ่ ฮู๊เต๋ เบ่เบ่, ซี โต โอ่เซอเพร แลแค ฮู๊ ครี๊ อา เตซิครือมีลา แด๊โฉ่ เป่ ซีเนอ นี๋. ซี เก่ เมฮู๊เนอ เฮ๊เร๊อ แว แฮแม๊เถอะ ซี เบ่เบ่, แว โอ่ตาพายา เร๊อ ซี เร๊อ แว หนิโฮ แพ๊ ซีหรี่ซีแก เบ่เบ่, แว เก่ ซิเง แหน่ดื่อเฮ๊อ เร๊อ ซี ซิปล่อ จี่จื่อเฮ๊อ ลู เร๊อ ซี ก๊อถ่อช๊าฉื่อ แตแนโหร่เฮ๊อ ลู เด๊อ เตซิครือมีลา อา เตหยื่อเตแหน่ อาเงเฮ๊อ. โท๊โต่ ซี ชิอิเช ปา แกแย เด๊อ อา ซิเถ่ซิฮา ซี เนอเต๊เห่ อาเหล่ โต่เฮ๊อ. ซี เก่ เมฮู๊เนอ เฮ๊เรอ ซี ข่าเฮ๊โล เป่เฮ๊อ เหย่ซี เร๊อ จอแปแหร่ เก่ เมปย๊าแก เหย่ซี ปา, เร๊อ จอแปแหร่ เก่ เมแลเปล๊กา ลาติ ซี เร๊อ อาเหน่ เร๊อดื่อ ปา.

ฟีลิปปี 1:30

เตช๊า เด๊อ ซี ช๊า เออเนอหม่า อาแซ่เน๊อ แว ช๊า โทเฮ๊อ เนอเต๊เห่ แพ๊. แว ข่าเบ่ เต เด๊อ อาเหร่ออาเนอ เนอเต๊เห่หม่า ซี แม๊เถอะ โทดื่อ เฮ๊อ. โทเร๊อ ฮู๊ ซี หนิโฮ เฮ๊อ เนอ, แว ช๊า ตื๊อดื่อ โต่ ปา เจ๊อ กู๊แหน่เออเนอ เจ๊อ.

ฟีลิปปี 2:13

เมเตเฮ๊เรอ, แซ่ฮู๊ ซี เก่ ซิปล่อฉว่า ซิหยื่อ หนิดา ครวาเม เกอ ฮู๊ จอแปแหร่ อา เตซิหยื่อ เด๊อ อาแร๊ เต๊เห่ อาเงเนอ, อา เม เป่เฮ๊อ เต เด๊อ ซีกู ปว๋า โต๊โพ๊ เจ๊อ เฮ๊อ.

ฟีลิปปี 2:16

แด๊โฉ่โด่แน เป่เกอ แลแค อู เตเซอเพร อาหรี่อาแก เออเนอ นี๋. ซี เก่ เมฮู๊เนอ เฮ๊เร๊อ เบ๊อะครี๊ แฮแล คยาแซ๊ อาม๊อเนอ ปา เตอเนอเนอ, ล๋อ แว เตแอ๊จื๊อ เต๊เห่ เนอ แว เตเอ่เตแร เออเต๊เห่เนอ อา ทวาแถ่ แกเด ปาโต่เฮ๊อ อาขว่าอาคยา, เด๊อ ซีขว่าซีคยา เร๊อ แว เก่ พย๊าแถ่โล เกอเร๊อ แวเหน่ ปา.

โคโลสี 2:1

แว ซิหยื่อ เด๊อซิเง เป่ ซี เน๊อ แว แอ๊จื๊อ แอ๊เหร่ เม เป่ แหน่เจ๊อ เด๊อ ซีเง, เน๊อ แกแย โอ่เด๊อ วีเลาดีเซีย อากู เนอเต๊เห่ อาเง, เน๊อ แกแย เด๊อ อา ซิเง แม๊เถอะ แต่ล๋าย แวโต่ เนอเต๊เห่ อาเง บ๋า เต เนอแพ๊.

โคโลสี 2:12

เบ๊อะซี เจ ซีเหน่ เน๊อ เทอ เบ๊อะเนอ, ซี เหล่โกล มู๊แหม่ เต๊เห่เนอ, ซี โล๊ตา เต่อเกอ โทเฮ๊อ เร๊อ ครี๊ เฮ๊อ. เร๊อ ซี เหน่เหล่โกลเม เต๊เห่เนอ, จอแปแหร่ เมเซอเพร กาคยา เต่อเกอ เฮ๊อ เน๊อ ครี๊ เฮ๊อ. เด๊อ ซี หยื่อเอ่หนิ จอแปแหร่ อา เตโพรเตเตอเรออาฉว่าชอ เด๊อ อา เม ก๊อถ่อเซอเพร กาคยา คยาแซ๊ ครี๊ เด๊อ เตเซอ เออ อาขว่าอาคยา, อา ทวาแถ่ โทลอ เฮ๊อ ฮู๊เนอ เฮ๊อ.

โคโลสี 4:12

คูเอปาฟรัส หม่า ซี ดอกูพู๊ เตเพรเพร. อา หม่า อา ทวา ครี๊ อาหลู่ เตเพร. อา เฮ๊โมเฮ๊แร๊ แฮหนิ ซี. อา ซิปล่อฉว่า เร๊อ อา กุยจ๊อเบ โตโมโตโม เป่ เจ๊อ เด๊อ ซีเง เจ๊อ. แซ่ฮู๊ ซี เก่ โอ่หม่าโอ่กลอ เด๊อ ซี เตหยื่อเตแหน่ อากู เร๊อ ซี เก่ ดุแถ่เบ๊ แลแค เด๊อ แหย่โย ตากยา, โท๊โต่ แซ่ฮู๊ ซี เก่ หยื่อเอ่ ซิเงแฮ ตาเตโป่ จอแปแหร่ อา เตซิหยื่อ ปว๋า เต๊อเจ่อ อาเงเนอเรอ, อา กุยจ๊อเบ เป่ เด๊อ ซีเง.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 2:9

โป่แหว่ ซี, เป เอ่ แรครือ แหน่เจ๊อ เต เนอหม่า ซี เกล๊ โตม๊าหนิปา แพ๊. เบ๊อะเป แด๊โฉ่โด่แน เป่ ซี เร๊อ จอแปแหร่ อา เตซิครือมีลา เบ๊อะเนอ, แซ่ฮู๊ เป เก่ โบ่เอ่ เกอเร๊อ เป ฮ๊อกูเฉ่, โท๊โต่ แซ่ฮู๊ เป เก่ เมโซพ๊าโซแร แต่ ซี แต่เหม่ เนอเร๊อ, เป แรเต เหมาะคี๊คี๊ เหมาะเชเกล เจ๊อ.

เธสะโลนิกา เนอบ่า ต๊าบ่า 3:8

อู ลอแก เป่น๊อ เร๊อ เป เหล่เอ่เหล่โอ อาเง โต่. หม่าแน๊เรอ, แซ่ฮู๊ อา เก่ ทวาแถ่ แต่ ดู๊ดี๊ดู๊แด เด๊อ ซีเง เตเพร่ว แต่เหม่ เนอ, เป แอ๊จื๊อเอ่ แอ๊จื๊อแร โกโน๋ โต่.

ทิโมธี เนอบ่า ต๊าบ่า 2:10

ฮู๊เนอเรอ แซ่ฮู๊ แกแย เด๊อ จอแปแหร่ นว๊าแถ่ ลู เต๊เห่ เก่ พย๊าหนิเกอ เตเมแลเปล๊กา เน๊อ เตลีเตเค ตูจูเพร เด๊อ เหย่ซู่ครี๊ อากู เออเนอ เร๊อ, แว แด่ทูซิปล่อ เป่ เหย่ซี แพ๊.

ꤟꤤꤙꤚꤢꤨ 12:4

ซี ช๊าฉื่อ เน๊อ เตซื๊อเตปล๊า เออเต๊เห่ หม่าแน๊เรอ ซี ข่าเบ่ เตจาเตจือ โต่ เจ๊อ เด๊อ อู เบ่เมเซอ ซีเนอ, อา โอ่ แต่ล๋าย เตเพร่ว โต่.

เตเด๊อะโลแถ่ 2:3

เด๊อ แวมุย อาขว่าอาคยาเร๊อ, เน เมแคเมแอ่ เน ข่าเบ่ เตจาเตจือ เร๊อ เน ซิปล่อ ปย๊าโต่ เนอหม๋า ซิเงเง.