โคโลสี 1:28 - ลีเทส่อพ๊าอาเซ เร๊อ เห่ขุทวาลู๊

²⁸ แซ่ฮู๊ เป เก่ ซูโน แกแย ปว๋า เตเพร เด๊อ จอแปแหร่ เป๊เส่เง ฮู๊ แกแย เด๊อ อา ทวาแถ่ เฮ๊อ เตเต๊อเจ๋อ โต เน๊อ ครี๊ เร๊อ อา ดุเผร่ ตาเต เฮ๊อ เด๊อ แหย่โย ตากยา เต๊เห่ อาเงเนอ, เป แด๊โฉ่โด่แน เป่ เฮ๊อ อู ปว๋า เตเพร เน๊อ ครี๊ อาหรี่อาแก เฮ๊อ. โท๊โต่ เป เด๊อะรอเด๊อะเร เฮ๊อ อู ปว๋า เตเพร, เร๊อ เป อิซว๊าอี๊แส่ เป่ เฮ๊อ อู ปว๋า เตเพร เน๊อ ล๋อ ลีแมลีเพ๊ เออเนอเต๊เห่ เฮ๊อ.

Eastern Kayah Shadaw Dialect

²⁸ ꤞꤢꤧꤟꤢꤨ ꤕꤢꤩ꤬ ꤊ꤫ꤢꤦ꤬ ꤞꤢꤨ꤭ꤔꤥ꤭ ꤊꤣꤧ꤬ꤛꤢꤧ꤭ ꤕꤝꤢ꤭꤮ ꤒꤣ꤬ꤖꤚꤢꤩ꤬ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤕꤣꤧꤞꤢꤩ꤬ꤑꤢꤩ꤭ ꤟꤢꤨ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤓꤝꤢ꤭ꤓꤢꤧ꤬ ꤟꤣꤧ ꤒꤢꤩ꤬ꤒꤣ꤬ꤡꤣ꤬ꤡꤢꤦ꤭ ꤔꤢꤧ ꤋꤚꤤ ꤚꤣꤧ꤬ ꤢ꤬ꤛ꤫ꤢꤦ꤬ꤢꤩ꤬ꤔ꤫ꤢꤧ꤬ꤢꤩ꤬ ꤒꤢ꤭ꤒꤢꤩ꤬ ꤋꤚꤤ ꤒꤣꤧ꤬ꤟꤢꤩ꤬ ꤢ꤬ꤑꤢꤩ꤭ꤔꤣꤧ꤬, ꤕꤢꤩ꤬ ꤟꤢꤩꤏꤥ꤬ꤘꤥ꤬ꤔꤢꤧ꤭ ꤕ꤫ꤢꤩ꤬ ꤟꤣꤧ ꤢꤨ꤭ ꤕꤝꤢ꤭꤮ ꤒꤣ꤬ꤖꤚꤢꤩ꤬ ꤔꤢꤧ ꤋꤚꤤ ꤢ꤬ꤚꤤ꤬ꤢ꤬ꤊꤢꤧ꤭ ꤟꤣꤧ, ꤓꤥ꤭ꤒꤥ꤬ ꤕꤢꤩ꤬ ꤘꤣꤧꤚꤢꤪ꤬ꤘꤣꤧꤚꤢꤩ꤭ ꤟꤣꤧ ꤢꤨ꤭ ꤕꤝꤢ꤭꤮ ꤒꤣ꤬ꤖꤚꤢꤩ꤬, ꤚꤣꤧ꤬ ꤕꤢꤩ꤬ ꤤ꤬ꤞꤝꤢꤤ꤬ꤞꤢꤧ꤬ ꤕ꤫ꤢꤩ꤬ ꤟꤣꤧ ꤢꤨ꤭ ꤕꤝꤢ꤭꤮ ꤒꤣ꤬ꤖꤚꤢꤩ꤬ ꤔꤢꤧ ꤜꤢꤪ꤭ ꤒꤢꤩ꤬ꤞꤤꤒꤢꤩ꤬ꤖꤢꤩ ꤣꤧ꤭ꤔꤣꤧ꤬ꤒꤣꤧ꤬ꤟꤢꤩ꤬ ꤟꤣꤧ꤯

โคโลสี 1:28 ပူးပေါင်းရင်းမြစ်များ

มัทธิว 28:20

โทเรอ อิซว๊าอี๊แส่ แลแค เหย่ซี เน๊อ อา เก่ จูเอ่ ครวาเม ลอฮู๊ แว เฮ๊ แก ซีโหง่ เนอเต๊เห่ นี๋. แว เก่ โอ่เต่อเกอ เร๊อ ซี ปว๊า โพ๊ เจ๊อ ปา, โต่ เจ๊อ เด๊อ เห่ขุ ตื๊อดื่อแก เจ๊อปา เบ่เบ่, แว เก่ โอ่ เกอ เร๊อ ดื่อซีปา.”

มัทธิว 3:7

หม่าแน๊เรอ เบ๊อะคูยอห์น แม๊เถอะ ฟาริสี เร๊อ สะดูสี เต๊เห่ แฮปลูแฮเผ่ เด๊อ อา เก่ แฮเจ เกอ อาเหน่ เร๊อ เทอ เบ๊อะเนอ, อา เฮ๊ เหย่ซี เน๊อ, “หรู่ซิ ซี๋! หม่าอูเป เตเพร เด๊อะรอเด๊อะเร ซี เนอ ซี อา เหล่แลเปล๊ เร๊อ จอแปแหร่ อา เตเมจากาคยา เด๊อ อา เก่ แฮปา เออเนอ เป?

มัทธิว 5:48

เมฮู๊เนอเรอ, ฮู๊ ซีเพ เด๊อ ม๊อขุ เออเตเพร อา แร๊เล๊อบา เนอ, แร๊เล๊อะบา แซ่เกอ เร๊อ อา เนอ นี๋.”

ꤗꤢ꤬ꤊꤢꤨ 6:34

เบ๊อะแบ่เจ่ เหย่ซู่ โอ่ เด๊อ ส่อเกลอกู เถ่ เบ๊อะเนอ, อา แม๊เถอะ แกแย ตู๊หมู่ดุ จว๊า โอ่ป่อ หนื่ออื่อ เหร่อ ลอเฮ๊อ เด๊อ เงเฮ๊อ. เร๊อ อา ซิยอ เกอเร๊อ แหน่ เจ๊อ เหย่ซี เจ๊อ, เมเตเฮ๊เรอ แกแย เออเนอเต๊เห่ อาแซ่เน๊อ ซิหมิ. เต๊เห่ เด๊อ เพรเก โอ่ ลู โต่ เนอ อาคยา อา เป๊อแถ่ อิซว๊า เอ๊เป่ แหน่เจ๊อ เหย่ซี.

ꤜꤢꤨꤊꤢ꤬ 21:15

เมเตเฮ๊เรอ, เตเฮ๊เบ่แจ่ เฮ๊เบ่โปล เร๊อ เตลีแมลีเพ๊ เด๊อ แกแย ซิเถ่ ซีเต๊เห่ เก่ เฮ๊ กาคยาฉื่อ แจ่ ปา เจ๊อ ซี เตเพร่ว โต่ เต๊เห่เนอ, แว เก่ เด๊อะดื่อ ซี ปา.

เพรโด่แนพู๊ เต๊เห่ 10:36

ซี ซิเง โทดื่อ เฮ๊อ เตหรี่เตแก เด๊อ จอแปแหร่ นอจว๊า เป่ เหย่ซู่ เด๊อ อิสราเอล อากลุยอาแล เต๊เห่ อาเง เร๊อ อา จว๊า แด๊โฉ่โล เป่ เหย่ซี เร๊อ เตซิครือซิลอมีลา อาหรี่อาแก เออเนอ เฮ๊อ. เด๊อ เหย่ซู่ครี๊ เด๊อ อา ทวา อู ปว๋า เตเพร อา แบ่เจ่ เออเตเพร อาขว่าอาคยาเร๊อ, เป พย๊าหนิเฮ๊อ เตเปเตดวา เฮ๊อ.

เพรโด่แนพู๊ เต๊เห่ 11:20

หม่าแน๊เรอ ไซปรัสกลื๊อขุ แกแยไซริน เร๊อ วีอันทิโอก เด๊อ อา หยื่อเอ่แหน่หยื่อรี อาเกล เต๊เห่เห่เนอ, อา จว๊าโต่ เด๊อ วีอันทิโอก เร๊อ อา แด๊โฉ่โด่แน เป่ เมวเจอะโร กรีกพู๊ เต๊เห่ เร๊อ เหย่ซู่ครี๊ อา เตซิครือซิลอมีลา อาหรี่อาแก.

เพรโด่แนพู๊ เต๊เห่ 13:38

“ฮู๊เนอ อาขว่าอาคยา, โป่แหว่ ล๋อ ปลี ซี๋, แว ซิหยื่อ นอซิเง ตาเต เกอ ซี เน๊อ อู แด๊โฉ่โด่แน เป่ ซี ปลวาแก ซี เตซื๊อ เนอหม่า หม่าเด๊อ เหย่ซู่ครี๊ อาขว่าอาคยา แพ๊.

เพรโด่แนพู๊ เต๊เห่ 17:18

ซ๊าร๊า เด๊อ อู เอ๊ เร๊อ, เอปิคูเรียนพู๊ เร๊อ สโตอิกพู๊ เต๊เห่ เฮ๊เบ่โด่แน เคร๊แขระ แลแค เร๊อ คูเปาโล. เหย่ซี อาเกล เต๊เห่เห่เนอ, อา เฮ๊ แลแค คูเปาโล เน๊อ, “แกแย เตซิเง โอ่เกออู เตอเจ๋อ โต่ เร๊อ อา จว๊าจ่าเม อาเหน่ ฮู๊ เพรเบ่แจ่เฮ๊แจ่ เออเตเพรเออ อา จว๊า เฮ๊แคร๋ อิเตเต?” เต๊เห่เรอ อา เฮ๊ติ เน๊อ, “อา แซ่เน๊อ อา โด่แน เทอโรเก่กลอ อา จอแปแหร่ เต๊เห่ อาหรี่อาแก,” อา เฮ๊ ฮู๊เนอ. เหย่ซี จว๊าเฮ๊โต่ แลแค ฮู๊เออ เมเตเฮ๊เรอ อา โตเบ๊อะคูเปาโล แด๊โฉ่โด่แน เป่ อู เร๊อ เหย่ซู่ อาหรี่อาแก เร๊อ อาเตเซอ ก๊อถ่อ เซอเพร กาคยา อาหรี่อาแก เบ๊อะเนอ อาขว่าอาคยา อา เฮ๊ แลแค ฮู๊เนอ.

เพรโด่แนพู๊ เต๊เห่ 17:3

เร๊อ อา แด๊โฉ่ เป่ เหย่ซี เร๊อ อู ราหนื่ออื่อ ลีเทส่อพ๊า อาหรี่อาแก เนอเต๊เห่ เร๊อ อา ยูโลโปล เป่ อู เร๊อ ครี๊ อาหรี่อาแก. เร๊อ อา เฮ๊ เน๊อ, ครี๊ เด๊อ จอแปแหร่ นว๊าแถ่ อา เนอ เพรเมแลเปล๊กา อู เออเตเพร เนอหม่า อู เมจาเมจือ ลู โทปาเรอ อา เก่ ก๊อถ่อ เซอเพร กาคยา คยาแซ๊ เด๊อ เตเซอ เนอปา อา เฮ๊โฉ่โปล เป่ อู ฮู๊เนอ. เร๊อ อา เฮ๊ เน๊อ, “เหย่ซู่ เด๊อ แว แด๊โฉ่โล เป่ ซี กู๊แหน่เออ เตเพร เนอหม่า หม่าเฮ๊อ ครี๊ เด๊อ จอแปแหร่ นว๊าแถ่ ลู เด๊อ อา เก่ เมแลเปล๊ อู เออเนอ เตเพร เฮ๊อ.”

เพรโด่แนพู๊ เต๊เห่ 20:31

ฮู๊เนอ อาขว่าอาคยา, รอเรหนิ แลแค ซิเหน่ นี๋. เร๊อ แว อิซว๊าอี๊แส่ หนิ ซี เหมาะคี๊คี๊ เหมาะเชเกลเกล โซหน่า อากู เจ๊อ. โท๊โต่ ปวา โพโพ๋ แว เป๊เส่เทอตา เด๊อ ซิเง เอ๊แหน่เจ๊อเนอ ซิเงแถ่เบ่ แลแค ดื่อนี๋.

เพรโด่แนพู๊ เต๊เห่ 3:20

เร๊อ อา เก่ นอแฮแล เป่ ซี เหย่ซู่ หม่าดื่อ เมสิยาห์ หม่าเฮ๊อ เพรเมแลเปล๊กาเด๊อ จอแปแหร่ นว๊าแถ่ เป่ โทเฮ๊อ เด๊อ ซิเง เออเนอ เตเพร ปา.

เพรโด่แนพู๊ เต๊เห่ 5:42

เร๊อ เด๊อคยาเนอ, เหย่ซี โอ่โก๊แก โต่. เด๊อ เตหลู่แตโฮ อากูเนอ เบ่เบ่, เด๊อ อูหี่อูแพ อากูเนอ เบ่เบ่, ปวาเนอเน๋อ เหย่ซี อิซว๊าอี๊แส่ แฮเง เป่ อู, เหย่ซี แด๊โฉ่โด่แน แฮเง โล เป่ โป่ อู เร๊อ เตซิครือซิลอมีลา อาหรี่อาแก. เตซิครือซิลอมีลา หม่า หม่าเฮ๊อ เหย่ซู่ หม่า แกแย เด๊อ อา เมแลเปล๊กา แกแย เห่ขุพู๊ ลอปลี เตเพร เฮ๊อ.

เพรโด่แนพู๊ เต๊เห่ 8:35

ฮู๊เนอเรอ คูฟีลิป เป๊อแถ่ เฮ๊ เป่ ลู เร๊อ ลีเทส่อพ๊า เออตามา เร๊อ อา เฮ๊โฉ่โลหนิ เป่ ลู เร๊อ เหย่ซู่ อา เตซิครือซิลอมีลา อาหรี่อาแก.

เพรโด่แนพู๊ เต๊เห่ 8:5

คูฟีลิป จว๊าโต่ เด๊อ วีดุเล๊อ เด๊อ อา โอ่ เด๊อ สะมาเรีย เก่กูเนอ เตอวี. เร๊อ อา จว๊า แด๊โฉ่โด่แน เป่ แกแย โอ่ เบ๊อะเนอ เต๊เห่ เร๊อ ครี๊ อาหรี่อาแก.

เพรโด่แนพู๊ เต๊เห่ 9:20

เร๊อ โตโพ๊เรอ คูเซาโล เถ่จว๊า จ๊อจ๊อ เด๊อ ยูดาห์ เตจ๊อเบโฮ เต๊เห่ อากู เร๊อ อา จว๊าแด๊โฉ่โด่แน เป่ อู เร๊อ เหย่ซู่ หม่า จอแปแหร่ อาพู๊ เตเพร อาหรี่อาแก.

ꤚꤥꤗꤢꤩ꤬ 16:25

เด๊อ แว แด๊โฉ่โด่แน โล เป่ อู เร๊อ เตซิครือมีลา เออ เร๊อ เหย่ซู่ครี๊ อาหรี่อาแกเออ อาขว่าอาคยา, จอแปแหร่ เมชอแถ่เบ๊ เป่ เฮ๊อ ซี เตหยื่อ เร๊อ เป เก่ ถู่เซ๊แถ่ อา โป๋. เหย่ซู่ครี๊ อาหรี่อาแก เออเนอหมา, อู แด่โอ๊แด่บี๊ อา อางยาลาเฮ๊อ หม่าแน๊เรอ กู๊แหน่เออ อู เด๊อะโล แถ่เฮ๊อ อา เฮ๊อ.

โครินธ์ อาเหร่อเล๊อ ต๊าบ่า 1:23

ฮู๊เนอเรอ เบ๊อะเป แด๊โฉ่โด่แน ครี๊ เซอ เด๊อ อี๊ถื่อดีเต่ลู เบ๊อะเนอ, แกแยยิวพู๊ เต๊เห่ เตเน ซิปล่อเช แหน่เจ๊อ. แกแยยิวพู๊ หม่าโต่ เต๊เห่ ลาติ เร๊อ อา เฮ๊ เน๊อ อาโหง่แลช๊า โอ่ เด๊อ เหย่ซี อาเง เตอเจ๋อ โต่.

โครินธ์ อาเหร่อเล๊อ ต๊าบ่า 1:30

จอแปแหร่ เมทวาแถ่ โต่เฮ๊อ ซี เน๊อ เหย่ซู่ครี๊ เตอเจ๋อ โต เฮ๊อ. อา เมทวา เป่ เฮ๊อ ซี เต๊อะเจ้อ แพ๊ เน๊อ ครี๊ เออเนอ, อา เก่ ทวาแถ่ เฮ๊อ เป เตลีแมลีเพ๊ เฮ๊อ. เด๊อ ครี๊ อาขว่าอาคยาเร๊อ, จอแปแหร่ แด่ เฮ๊อ เป ฮู๊ แกแยจ๊อแกแยเต เต๊เห่เนอ เฮ๊อ. โท๊โต่ เป ทวาแถ่ เฮ๊อ จอแปแหร่ อาแกแย บูโพ๊ เร๊อ ครี๊ ปลวาเถ่ ปาลา เฮ๊อ เป เน๊อ เตซื๊อ เฮ๊อ.

โครินธ์ อาเหร่อเล๊อ ต๊าบ่า 12:8

เด๊อ เปเกล เต๊เห่เห่เนอ, แหย่โยบูโพ๊ แบ่เจ่ เด๊อะตา เหย่ซี เตหรี่เตแก เด๊อ อาจ่ออาแย เต๊เห่, เต๊เห่เห่เนอ อา เด๊อะตา เหย่ซี เตหรี่เตแก เด๊อ อา เล๊อบา เร๊อ เตซิคว๊าซิเง เต๊เห่.

โครินธ์ อาเหร่อเล๊อ ต๊าบ่า 15:12

เป แด๊โฉ่โด่แน โท เป่ เฮ๊อ ซี เร๊อ ครี๊ ก๊อถ่อเซอเพร กาคยา เด๊อ เตเซอ หม่าแน๊เรอ เด๊อ ซีเกล เต๊เห่เห่เนอ, “แกแย เซอ โทเฮ๊อ เต่อเกอเร๊อ อา ก๊อถ่อเซอเพร กาคยาแจ่ ปา แตแค๋ โต่,” อา จว๊าเฮ๊ แลแค ฮู๊เนอหม่า เมเต?

โครินธ์ อาเหร่อเล๊อ ต๊าบ่า 2:15

ล๋อ แกแย เด๊อ อา พย๊าหนิ แหย่โยบูโพ๊ แบ่เจ่ เออเต๊เห่เนอ, อา ซิเง ล๊อปลู๊ เหร่อ ลอ โทเฮ๊อ เตอิซว๊าอี๊แส่ เออเต๊เห่ เฮ๊อ. หม่าแน๊เรอ แกแย เด๊อ อา พย๊าหนิ เกออู แหย่โยบูโพ๊ แบ่เจ่ โต่ เต๊เห่เนอ, อา ซิเงโปลเบ๊ เกออู แกแย เด๊อ อา โอ่ เน๊อ แหย่โยบูโพ๊ แบ่เจ่ เต๊เห่ อา เตเตเน เต๊เห่ โต่.

โครินธ์ อาเหร่อเล๊อ ต๊าบ่า 2:6

แกแย เด๊อ อา เตหยื่อชอ เต๊เห่เนอ, แว อิซว๊า เป่ เหย่ซี เน๊อ เตลีแมลีเพ๊ อาหรี่อาแก เต๊เห่ เตลีแมลีเพ๊ เออเต๊เห่เนอ, อา แฮ เด๊อ แกแยเห่ขุพู๊ อา โอ่ หม่าโต่ อา แฮ เด๊อ แกแยเห่ขุพู๊ เด๊อ อา โอ่ เน๊อ อา เตอเรอฉว่าชอ เนอเต๊เห่ อา โอ่ หม่าโต่โต่. เมเตเฮ๊เรอ เตเออเต๊เห่เนอ อา เก่ ปย๊าแก ลอ ปา.

โครินธ์ อาเหร่อเล๊อ ต๊าบ่า 4:14

แว ซิหยื่อ นอซิเตเร ซี เร๊อ แว รา จว๊า เป่ ซี ลี เออเนอ หม่าโต่. แว โมเร๊อ ซี ฮู๊ แวพู๊ เร๊อ แวเหน่ เนอ เร๊อ แว อิซว๊าอี๊แส่ จว๊า เกอเร๊อ ซี แพ๊.

โครินธ์ เนอบ่า ต๊าบ่า 10:14

เป จว๊า เม ตาลว๊า เร๊อ เหล่โอ่ เด๊อ จอแปแหร่ นอเม เป เออเนอ โต่. จอแปแหร่ เด๊อ เป เตเม เด๊อ เป เก่เบ่ แฮ เด๊อ ซี โอ่ เร๊อ เป หม่า เพร เด๊อ อา แฮ เฮ๊โฉ่โล เหร่อเล๊อ เป่ ซี เตซิครือมีลา เต๊เห่ เฮ๊อ.

โครินธ์ เนอบ่า ต๊าบ่า 11:2

เมเตเฮ๊เรอ แว ซิปล่อฉว่า แหน่เจ๊อ เด๊อ ซี เก่ ซิปล่อจ๊อ ตื๊อดื่อ เร๊อ ครี๊. ซี เต๊เห่เนอ อา แซ่เจ๊อเร๊อ เพรเหมาะพู๊เส่ เด๊อ อาซิปล่อ อาโพ๊อาแปละ เตเพร เด๊อ แว อ๊อแล โทเฮ๊อ แวโหง่ เร๊อ แว เก่ เด๊อะม๊า เป่ เร๊อ เพรคู ปา เตเพร เด๊อ อา หม่าเฮ๊อ ตื๊อ ครี๊ เออ ปาเนอ เตเพร เฮ๊อ.

โครินธ์ เนอบ่า ต๊าบ่า 4:5

เป เล แด๊โฉ่โด่แน เกอเร๊อ เปหรี่เปแก หม่าโต่. หม่าแน๊เรอ เป เล แด๊โฉ่โด่แน โล เป่ อู เร๊อ เหย่ซู่ครี๊ หม่า แบ่เจ่ เตเพร อาหรี่อาแก. ฮู๊เนอเรอ เด๊อ ครี๊ อาขว่าอาคยา, เป ทวาเป่ ซี หลู่เล๊ เต๊เห่ เฮ๊อ.

เอเฟซัส 3:8

เด๊อ จอแปแหร่ แกแย เออเต๊เห่ อาเกลเนอ, แว หม่า แกแย เด๊อ อาโตอาเบ่ เกอ เจ๊อ อู ตีกี๊โต่ เตเพร. ฮู๊เนอ เจ๊อ ตื๊อดื่อเรอ จอแปแหร่ เด๊อะตา แว เตบุ๊ยเตเตอเรอ เออ เร๊อ แว เก่ เบ่ แด๊โฉ่โล เป่ แกแยยิวพู๊ หม่าโต่ เต๊เห่ เร๊อ ครี๊ อา เตงูดุงูชอ เด๊อ แม๊ปูซิเง เบ๊ เจ๊อ อาหรี่อาแก โต่ เออเต๊เห่.

เอเฟซัส 5:27

แซ่ฮู๊ อา เพรหยื่อเอ่อา ตู๊หมู่ตอกล๊อ เก่ ตว่า เก่ แซแร เก่ ลีเตเคแร๊ เด๊อ อา เป๊เส่เง ปาเนอ, อา ข่าเซอ เป่ เด๊อ เหย่ซี อาเง. เร๊อ อา ซิหยื่อ เด๊อ อา เพรหยื่อเอ่ เต ตู๊หมู่ตอกล๊อ, เบ่วี๊เบ่รวา หนิ โต่. เบ่ตีนี โตโน๊หนิโต่, เบ่ มู๊แหม่รีแจ่ หนิ เร๊อ เต เด๊อ อาโร เต๊เห่ โต่. หม่าแน๊เรอ, อา ซิหยื่อ เด๊อ อา เบ่ บูโพ๊ เร๊อ อู เบ่ แด่หนิ เตซื๊อ เด๊อ อาเหน่ลู โต่.

โคโลสี 1:22

หม่าแน๊เรอ กู๊แหน่เออ, ครี๊ อาเหน่แบ่เจ่ เร๊อดื่อ แฮ ข่าเซอ อาเหน่ อาขว่าอาคยา, จอแปแหร่ เมโครเกล กาคยา คยาแซ๊ เฮ๊อ ซี เร๊อ อาเหน่กล่อ เร๊อดื่อ เจ๊อ เฮ๊อ. เด๊อ จอแปแหร่ อา เป๊เส่เง ปาเนอ, แซ่ฮู๊ ซี เก่ บูโพ๊ เร๊อ ซี เก่ ลว๊าแก เร๊อ เตซื๊อ, โท๊โต่ อู เก่ แด่แจ่ ปา แต่ เตซื๊อ เด๊อ ซีโอ่ เตเพร่ว แต่เหม่ เนอ, จอแปแหร่ เมโครเกล กาคยา คยาแซ๊เฮ๊อ ซี ฮู๊เนอ เฮ๊อ.

โคโลสี 2:10

เร๊อ เด๊อ ซี เน๊อ ครี๊ ทวาเฮ๊อ ลู เตอเจ๋อโต อาขว่าอาคยา, เด๊อ แหย่โย ตากยา อาเตโหล่ ล๋อ ปลี เต๊เห่เนอ, ซี พย๊าหนิ เล๊อบา โทลอปลี เฮ๊อ. ครี๊ หม่า ล๋อ โลเน๊โลหน่า อา เตฉว่าเตชอ เนอเต๊เห่ เน๊อ เห่ขุ อา เตอเรอฉว่าชอ เต๊เห่ อากู่กล๊อ เฮ๊อ.

โคโลสี 2:3

เตลีแม เน๊อ เตซิคว๊าซิเง ล๋อ ปลี หม่าดื่อเฮ๊อ เตเด๊อะบุ๊ยเด๊อะเตอเรอ งูดุงูชอ เออเนอ, อา โอ่โอ๊โอ่บี๊ เด๊อ ครี๊ อากู.

โคโลสี 3:16

นอโอ่หม่าโอ่กลอ เล๊อบา เกอดื่อ ครี๊ อาลาอาโหง่ เด๊อ ซี ซิปล่อกู นี๋. ซี เก่ อิซว๊าอี๊แส่ คยาลู เตเพร เร๊อ เตเพร, เร๊อ ซี เก่ เด๊อรอเด๊อเร หนิ คยาลู เตเพร เร๊อ เตเพร บ๋า เตแจ่ โอ่ เร๊อ ซี เนอ นี๋. อิโรถู่เซ๊แถ่ แลแค จอแปแหร่ เร๊อ ซี เตเฮ๊บุ๊ยเฮ๊เตอเรอ ลู เด๊อ ซี ซิปล่อกู นี๋. อิโรถู่เซ๊แถ่ แลแค จอแปแหร่ เร๊อ อาลี อิโร เนอเต๊เห่ ล๋อ ปลี นี๋.

โคโลสี 4:12

คูเอปาฟรัส หม่า ซี ดอกูพู๊ เตเพรเพร. อา หม่า อา ทวา ครี๊ อาหลู่ เตเพร. อา เฮ๊โมเฮ๊แร๊ แฮหนิ ซี. อา ซิปล่อฉว่า เร๊อ อา กุยจ๊อเบ โตโมโตโม เป่ เจ๊อ เด๊อ ซีเง เจ๊อ. แซ่ฮู๊ ซี เก่ โอ่หม่าโอ่กลอ เด๊อ ซี เตหยื่อเตแหน่ อากู เร๊อ ซี เก่ ดุแถ่เบ๊ แลแค เด๊อ แหย่โย ตากยา, โท๊โต่ แซ่ฮู๊ ซี เก่ หยื่อเอ่ ซิเงแฮ ตาเตโป่ จอแปแหร่ อา เตซิหยื่อ ปว๋า เต๊อเจ่อ อาเงเนอเรอ, อา กุยจ๊อเบ เป่ เด๊อ ซีเง.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 4:6

ซี โตเบ่ เมซื๊อหนิ ซี โป่แหว่ ครี๊พู๊ เต๊เห่ เร๊อ เต ฮู๊เนอเต๊เห่ เตเพร่ว โต่. ซี โตเบ่ อี๊หล่า แลโฮเอ่หนิ เด๊อ ซี โป่แหว่ ครี๊พู๊ เต๊เห่ อาขุ เตเพร่ว โต่. แกแย เด๊อ อา เมฮู๊เนอ เต๊เห่เนอ, แบ่เจ่ เก่ เมจากาคยา เหย่ซี ปา. ฮู๊เออ เต๊เห่เนอ เป เฮ๊โฉ่โด่แนโล เป่ โทลอเฮ๊อ ซี, เป เด๊อะรอเด๊อะเร โทลอเฮ๊อ ซี เฮ๊อ.

ทิโมธี อาเหร่อเล๊อ ต๊าบ่า 3:16

เป เตจ๊อบู่จ๊อเบ อาจ่ออาแย อาดุอาแย เจ๊อ บ๋า เต บ๋า เตเนอ อู โชโม๊บิแก หนิแจ่ อา เตเพร่ว โต่. ครี๊ โอ่โลแถ่ เฮ๊อ ฮู๊ แกแย เห่ขุพู๊ เตเพร, เร๊อ แหย่โยบูโพ๊ แบ่เจ่ ข่าเฮ๊อ ซิปล่อ เน๊อ ครี๊ เออเนอ อา เมโต จอแปแหร่ อาซิปล่อ, เร๊อ ม๊อขุ เตเน่วพู๊ เต๊เห่ แม๊เถอะเบ่ เฮ๊อ อา. โทเรอ อา อาหรี่อาแก เออเนอ, อู แด๊โฉ่โด่แน เฮ๊อ อา เด๊อ เมวจ่อโรพู๊ เต๊เห่ อาเกลเฮ๊อ. แกแย โอ่ เด๊อ เห่ขุเออ เต๊เห่เห่ เนอ อา หยื่อเอ่แหน่ เกอ เฮ๊อ อา เฮ๊อ. จอแปแหร่ จอแถ่เฮ๊อ อา เด๊อ ม๊อขุ เด๊อ เตลีเตเค อากูเฮ๊อ.

ทิโมธี อาเหร่อเล๊อ ต๊าบ่า 3:2

แกแย เด๊อ อา ทวา เพรหยื่อเอ่ตู๊หมู่ตอกล๊อ ทวาดุทวาเต เตเพรเนอ, อู แด่ลู เตซื๊อ เนอ อา เบ่ โอ่หนิ โต่, อา เมเบ่โอ่แพ๊ เตเพรเพร่ว แพ๊, อา เบ่จ่า ซาแรชาเผร่ อาเหน่, อา เบ่ เป๊อแลแจ่ เกอเร๊อ อาเหน่, อา เบ่ ก๊อถ่อโอ่แน ตาโต่ตาเบ่แร๊, อา เบ่ เอ๊โมฉื่อ ซิเผระซิแม เด๊อ อาหี่, อา เบ่ อิซว๊าอี๊แส่แจ่ เต.

ꤟꤤꤙꤚꤢꤨ 10:14

เด๊อ ครี๊ หลู่แถ่ แพ๊ อาเหน่ โตโพ๊ อาขว่าอาคยา, แกแย เด๊อ อา เมโพ๊เมปลี โทเฮ๊อ เหย่ซี เตซื๊อ เต๊เห่เนอ, อา เมจ๊อเมเต เฮ๊อ เหย่ซี ตูจูเพร เฮ๊อ.

เปโตร เนอบ่า ต๊าบ่า 3:15

ซิเง ซิเหน่ แลแค เร๊อ เป แบ่เจ่ เออ อา แด่ทูซิปล่อ แพ๊, อา แฮ เป่เหย่ เมเตเฮ๊เรอ แซ่ฮู๊ แกแย เต๊เห่ เก่ พย๊าหนิ เกออู เมแลเปล๊กา เออเนอเร๊อ อา ซิหยื่อ เด๊อะเป่ปา เหย่ซี อาม๊อเนอ ม๊อเซ ฮู๊เนอแพ๊. เป โป่แหว่ โคแบ๊ซว๊าโม คูเปาโล รา เป่เกอ โทเฮ๊อ ซี ฮู๊ แว เฮ๊ เป่ ซี เออเนอ เฮ๊อ. อา รา เป่เฮ๊อ ซี ฮู๊ จอแปแหร่ เด๊อะ ลู เตแจ่เตลีแม เนอเต๊เห่ เฮ๊อ.