โคโลสี 1:27 - ลีเทส่อพ๊าอาเซ เร๊อ เห่ขุทวาลู๊

²⁷ จอแปแหร่ ซิปล่อโอ่ เด๊อ อา เก่ เบ่ แด่โลแถ่ เป่ อาแกแย เต๊เห่ เน๊อ อา เตแด่โอ๊แด่บี๊ เออเต๊อเจ่อ. อา เตแด่โอ๊แด่บี๊ เออเนอหมา แกแยยิวพู๊ หม่าโต่ เต๊เห่ อาเง เนอหม่า อาหม่าหม่า. เตแด่โอ๊แด่บี๊ เออเนอหมา อา งูดุงูชอ, อาเตอเรอดุเตอเรอทู แหน่เจ๊อ. เตแด่โอ๊แด่บี๊ เออเนอหมา หม่าเฮ๊อ ครี๊ เด๊อ อา โอ่ เด๊อ ซีเหน่ลู เออเนอเฮ๊อ, เร๊อ อาโหง่แลช๊า หม่า หม่าเฮ๊อ ซี เก่ พย๊าหนิ เกอดื่อ จอแปแหร่ อาเตอเรอดุเตอเรอทู ปา, เออเนอเฮ๊อ.

Eastern Kayah Shadaw Dialect

²⁷ ꤡꤢꤪꤗꤣꤧ꤬ꤚꤢꤧ꤬ ꤞꤤꤕꤜꤢꤪ꤬ꤥ꤬ ꤘꤣ ꤢ꤬ ꤊ꤫ꤢꤦ꤬ ꤘꤢꤧ꤬ꤜꤥ꤭ꤓꤢꤧ꤬ ꤕ꤫ꤢꤩ꤬ ꤢ꤬ꤊꤣꤧ꤬ꤛꤢꤧ꤭ ꤒꤣꤧ꤬ꤟꤢꤩ꤬ ꤔꤢꤧ ꤢ꤬ ꤒꤢꤩ꤬ꤘꤢꤧ꤬ꤥꤘꤢꤧ꤬ꤙꤤ ꤣꤧ꤭ꤒꤣ꤬ꤡꤣ꤬꤯ ꤢ꤬ ꤒꤢꤩ꤬ꤘꤢꤧ꤬ꤥꤘꤢꤧ꤬ꤙꤤ ꤣꤧ꤭ꤔꤣꤧ꤬ꤗꤢ꤬ ꤛꤢꤨꤘꤢ꤬ꤖꤢꤨ ꤗ꤫ꤢ꤬ꤒꤥ꤬ ꤒꤣꤧ꤬ꤟꤢꤩ꤬ ꤢ꤬ꤑꤢꤩ꤭ ꤔꤣꤧ꤬ꤗꤢ꤬ ꤢ꤬ꤗ꤫ꤢ꤬ꤗ꤫ꤢ꤬꤯ ꤒꤢꤩ꤬ꤘꤢꤧ꤬ꤥꤘꤢꤧ꤬ꤙꤤ ꤣꤧ꤭ꤔꤣꤧ꤬ꤗꤢ꤬ ꤢ꤬ ꤍꤢꤨ꤬ꤘꤢꤨ꤬ꤖꤚꤤ꤬ꤘꤢꤨ꤬, ꤢ꤬ꤜꤤ꤭ꤢ꤬ꤒꤣꤧ꤬ꤋꤢꤩ꤭ ꤔꤢꤧ꤬ꤡꤣꤧ꤯ ꤒꤢꤩ꤬ꤘꤢꤧ꤬ꤥꤘꤢꤧ꤬ꤙꤤ ꤣꤧ꤭ꤔꤣꤧ꤬ꤗꤢ꤬ ꤗ꤫ꤢ꤬ꤟꤣꤧ ꤋꤚꤤ ꤘꤣ ꤢ꤬ ꤥ꤬ ꤘꤣ ꤞꤤ꤭ꤊꤢꤨ꤭ ꤣꤧ꤭ꤔꤣꤧ꤬ꤟꤣꤧ, ꤚꤣꤧ꤬ ꤢ꤬ꤍ꤫ꤥ꤬ꤜꤣꤧ꤬ꤏꤢ ꤗꤢ꤬ ꤗ꤫ꤢ꤬ꤟꤣꤧ ꤞꤤ꤭ ꤊ꤫ꤢꤦ꤬ ꤔ꤫ꤤ꤬ꤙꤢꤩ꤬ ꤊꤣꤧ꤭ꤘꤢꤦ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤜꤤ꤭ꤒꤣꤧ꤬ꤋꤢꤩ꤭ ꤕꤢ꤭, ꤣꤧ꤭ꤔꤣꤧ꤬ꤟꤣꤧ꤯

โคโลสี 1:27 ပူးပေါင်းရင်းမြစ်များ

มัทธิว 13:11

แบ่เจ่ เหย่ซู่ เฮ๊ฉื่อ เหย่ซี เน๊อ, “จอแปแหร่ เด๊อะซิเงโปล เป่เฮ๊อ ซี เร๊อ ม๊อขุ เทอเลเก่กู อา เตซิคว๊าซิเง เด๊อ อา ด๊อโอ๊ด๊อบี๊ เต๊เห่ ตื๊อดื่อเรอ อา เด๊อะซิเง โต่ เป่เกอ เหย่ซี โต่.

ꤜꤢꤨꤊꤢ꤬ 17:21

เตเพร่ว หม่า อู เฮ๊ เน๊อ, ‘แม๊มอ เบ๊อะเออ,’ ‘แม๊มอ เด๊อเนอ,’ ฮู๊เนอ เตเพร่ว โต่, เมเตเฮ๊เรอ จอแปแหร่ อาเทออาเก่ เออเนอ อา แฮช๊อโอ่ เฮ๊อ เด๊อ ซี ซิปล่อกู เนอเฮ๊อ.”

ꤛꤥ꤭ꤟꤢ꤬ 14:17

อา หม่า หม่าเฮ๊อ แหย่โยบูโพ๊แบ่เจ่ เฮ๊อ. อา เก่ อิซว๊าอี๊แส่ ยูแกล๊ยูโกล ซี เน๊อ เตหม่า เตจ๊อ เออเนอ ปา. แกแย เห่ขุพู๊ เต๊เห่ แม๊เถอะน๊อ ลู โต่โต่, ซิเงน๊อ ลู โต่โต่ อาขว่าอาคยา, อา เอ๊ฉื่อ ลู โต่ ปา. หม่าแน๊เรอ ซี ซิเงเฮ๊อ ลู, เมเตเฮ๊เรอ อา โอ่เซอเพร เต่อเกอ เร๊อ ซี เร๊อ อา เก่ แฮโอ่ เด๊อ ซี ซิปล่อกู ปา.

ꤛꤥ꤭ꤟꤢ꤬ 14:20

เบ๊อะเนอเตอเนอ ปาเนอ, ซี เก่ ซิเง เน๊อ แว โอ่ เด๊อ แวเพ อากู เร๊อ ซี โอ่ เด๊อ แวกู เร๊อ แว โอ่ เด๊อ ซีกู ปา.

ꤛꤥ꤭ꤟꤢ꤬ 14:23

แบ่เจ่ เหย่ซู่ เฮ๊ฉื่อ กาคยา ลู เน๊อ, “ล๋อ แกแย เด๊อ อา โม แว เต๊เห่เนอ, อา เก่ เม ฮู๊ แว เฮ๊ ลู เนอ ปา. แวเพ เก่ โมหนิเร๊อ เหย่ซี ปา, เร๊อ เป เก่ แฮ เด๊อ เหย่ซี อา โอ่ ปา เร๊อ เป เก่ แฮ ช๊อ โอ่ เจ๊อ เปหี่เปแพ เด๊อ อา ซิปล่อกู ปา.

ꤛꤥ꤭ꤟꤢ꤬ 17:26

แซ่ฮู๊ เน เตโม แวเออ เก่ โอ่ เด๊อ เหย่ซี อากู, โท๊โต่ แซ่ฮู๊ แว เก่ โอ่เกอ เด๊อ เหย่ซี อากู อาเงเนอ, แว เด๊อะซิเง เป่เฮ๊อ เหย่ซี เร๊อ เน, เร๊อ แว เก่ เด๊อซิเง เป่แฮ เป่ โป่ เหย่ซี เร๊อ เน ปา,” แบ่เจ่ เหย่ซู่ กุยจ๊อเบ เร๊อ อา เฮ๊ ฮู๊เนอ.

ꤛꤥ꤭ꤟꤢ꤬ 6:56

แกแย เด๊อ อา เอ่ แวหย่า โอ แวสุ่ย เตเพรเพร เนอ, อา โอ่เซอเพร เด๊อ แวกู, เร๊อ แว โอ่เซอเพร เด๊อ ลูกู เฮ๊อ.

ꤚꤥꤗꤢꤩ꤬ 11:33

จอแปแหร่ อา เตซิยอ, อา เตลีแมลีเพ๊ เร๊อ อา เตซิคว๊าซิเง เออเต๊เห่เนอ, อาดุอาแย แหน่เจ๊อ. อา ตี๊หรี่แตแร เมเต เออเต๊เห่เนอ, อู ซิเงทว๊า เบ๊ เจ๊อ เตเพร่ว โต่. อาแกล๊ เต๊เห่เนอ, อู ครวา ซิเง เบ๊ เจ๊อ เตเพร่ว โต่.

ꤚꤥꤗꤢꤩ꤬ 2:4

จอแปแหร่ แร๊ เด๊อ เนขุ บ๋า เต, อา แด่ทูซิปล่อ เป่ เน บ๋า เต, แด่ทูซิปล่อ เป่ เน บ๋า เต เนอ, เน แด่หยื่อโต่ แอ? แซ่ฮู๊ เน เก่ ถู่แหล่เต๊เปล่กา คยา เนซิปล่อ อาเงเนอเรอ, จอแปแหร่ แอ๊จื๊อ เด๊อะโล เป่ เน อาเตโม เตแร๊ เต๊เห่ เด๊อ เนขุ เนอหม่า, เน ซิเง ตาเต โต่ แอ?

ꤚꤥꤗꤢꤩ꤬ 5:2

เด๊อ เป หยื่อเอ่ แบ่เจ่ เหย่ซู่ครี๊ อาขว่าอาคยาเร๊อ, อา นอ โอ่เซอเพร เฮ๊อ เป เด๊อ จอแปแหร่ อาบุ๊ยอาเตอเรอ อากู เฮ๊อ. กู๊แหน่เออ เป โอ่เซอเพร เกอเฮ๊อ เด๊อ อาบุ๊ยอาเตอเรอ อากู เฮ๊อ. เร๊อ เป ซิครือ แม๊ชือแม๊ตู่ เกอ เฮ๊อ จอแปแหร่ อา เตอเรอดุเตอเรอทู เออเนอ เฮ๊อ.

ꤚꤥꤗꤢꤩ꤬ 8:10

หม่าแน๊เรอ ครี๊ เก่ โอ่เซอเพร เด๊อ ซีเหน่ลู เฮ๊เรอ, ซี แหย่โย เด๊อ อา โอ่ เด๊อ ซีเหน่ลู เต๊เห่เนอ อา เก่ เซอเพร ตูจูเพร ปา, เมเตเฮ๊เรอ จอแปแหร่ แด่จ๊อแด่เต โทเฮ๊อ ซีเฮ๊อ. เด๊อ ซี เตซื๊อ อาขว่าอาคยาเร๊อ, ซี เหน่กล่อ เออเนอ, อา เก่ เซอแก ปา หม่าแน๊เรอ ซี เก่ เซอเพร ตูจูเพร ปา.

ꤚꤥꤗꤢꤩ꤬ 9:23

แซ่ฮู๊ จอแปแหร่ เก่ เด๊อะโลเร๊อ เป่ แกแย เด๊อ อา ซิยอ เกอเร๊อ ลู เนอเต๊เห่ เร๊อ อา เม โค๊ตีกลี๊ เป่ แหน่เจ๊อ เหย่ซี, เร๊อ อา แด่ทูซิปล่อ เป่ แหน่เจ๊อ เหย่ซี เจ๊อ. อา นว๊าแถ่ หนื่ออื่อ เหร่อ เฮ๊อ เหย่ซี เฮ๊อ เร๊อ อา เก่ เด๊อะ เป่ เหย่ซี เร๊อ อา เตอเรอดุทู เออเนอ ปา.

โครินธ์ อาเหร่อเล๊อ ต๊าบ่า 3:16

ซี หม่า จอแปแหร่ อา เตหลู่เเตโฮ เร๊อ แหย่โยบูโพ๊ แบ่เจ่ เด๊อ อา โอ่ เด๊อ จอแปแหร่ อา โอ่ เออเตเพร แฮ โน โอ่เซอเพร เด๊อ ซีเหน่ลู เนอหม่า ซี ซิเง แหน่ โต่ แอ?

โครินธ์ เนอบ่า ต๊าบ่า 2:14

หม่าแน๊เรอ, แว เฮ๊บุ๊ยเฮ๊เตอเรอ ถู่เซ๊แถ่ เต เด๊อ จอแปแหร่ เม เป่ เฮ๊อ เป เออเต๊เห่, เมเตเฮ๊เรอ เด๊อ เป ย๋อ ทวาแถ่เฮ๊อ เตเต๊อเจ่อ แพ๊เน๊อ ครี๊ อาขว่าอาคยา, จอแปแหร่ จว๊า เหร่อ เด๊อ เปเป๊เส่เง เร๊อ เป ครวาจว๊าเกอ ลู เด๊อ คยา เด๊อ อาแซ่เน๊อ อู ด๊อตา ครี๊ อาแกแย เด๊อ ทอกู เนอเต๊เห่ เฮ๊อ. จอแปแหร่ เด๊อะโล เฮ๊อ เป เร๊อ อู ปว๋า เตเพร เฮ๊อ. จอแปแหร่ นอแฮเง เฮ๊อ เป เด๊อ เป เก่ เลเด๊อะซิเง เป่ อู เร๊อ ครี๊ อาหรี่อาแก เด๊อ อาแซ่เน๊อ เตโนมื๊อโนชือ เออเนอ ปว๋า โต๊โผ่ เฮ๊อ.

โครินธ์ เนอบ่า ต๊าบ่า 4:17

เมเตเฮ๊เรอ เตแป่เตเช เด๊อ เป ข่าเบ่ อา เบ๊อะเห่ขุ เออเต๊เห่ เนอหม่า แตแปล๊เตอเปลอฮู๊ แพ๊. เป เก่ โต๊โหล่แม๊ เร๊อ เตตว่าเตแร๊ เด๊อ เป เก่ พย๊าหนิ อา ช๋า โหน่ปา ตือทือ ปา เต๊เห่ เฮ๊เนอหม่า, อาหม่า เร๊อ เตอเจ๋อ ล๋ายโต่. เบ๊อะเห่ขุเออ เป ข่าเบ่ เจ๊อ เตแป่เตเช เออเต๊เห่ หม่าแน๊เรอ เด๊อ ม๊อขุ ปาเนอ เตลีเตเตเค ตูจูเพร เด๊อ อาตว่าอาแร๊ เล๊อ, เร๊อ อาดุอาโถ่ เล๊อ เจ๊อ เร๊อ เตแป่เตเช เด๊อ เป ข่าเบ่ เด๊อ เห่ขุ เออเนอ, เป เก่ พย๊าหนิ ปา.

โครินธ์ เนอบ่า ต๊าบ่า 4:6

เบ๊อะจอแปแหร่ แบ๊แล เตล๋อ ปลี เบ๊อะเนอ, อา เฮ๊ เน๊อ, “เตคี๊ เก่ ซ๊อซื๊อ ตาพา จว๊าแก เร๊อ เตลี เก่ โอ่โลแถ่ ดื่อ นี๋,” อา เฮ๊ ฮู๊เนอ. จอแปแหร่ เมโท เป่ เกอดื่อ เฮ๊อ เป ฮู๊เนอ เฮ๊อ. เบ๊อะเป ซิเง แต่ล๋าย ครี๊ โต่ เบ๊อะเนอ, เป ซิปล่อ เออ อา คี๊ตาปา แพ๊ หม่าแน๊เรอ จอแปแหร่ เมลีกา เป่ เป ซิปล่อ เฮ๊อ. แซ่ฮู๊ เป เก่ ซิเงโปลแร๊ จอแปแหร่ อา เตลีเตเตเค เด๊อ อา เด๊อะโลแถ่ แฮเง เร๊อ ครี๊ เออเต๊เห่เนอ, อา หม่า เพร เด๊อ อา อิชีลีแถ่ เป่ เป ซิปล่อ อา เตเตเน เต๊เห่ เตเพร เฮ๊อ.

โครินธ์ เนอบ่า ต๊าบ่า 6:16

จอแปแหร่ อา เตหลู่เเตโฮ เนอ อา โอ่เต่อแจ่ แหน่ เร๊อ เตแหย่โย แอ. ฮู๊เนอเฮ๊อ, เป เออเต๊เห่ เนอหม่า จอแปแหร่ เด๊อ อา เซอเพร เออเตเพร อา เตหลู่เเตโฮ. จอแปแหร่ เฮ๊ เน๊อ, “แว เก่ แฮโอ่ เด๊อ แวแกแย เต๊เห่ อา ซิปล่อกู ปา เร๊อ แว เก่ จว๊า เต่อเกอ เร๊อ เหย่ซี ปา. เร๊อ แว เก่ ทวา เหย่ซี จอแปแหร่ ปา, เร๊อ เหย่ซี เก่ ทวา แวแกแย เต๊เห่ ปา.”

ꤊꤢ꤬ꤜꤢ꤬ꤒꤤ 2:20

เออเนอหมา อา แซ่เฮ๊อ เน๊อ แว เซอ เต่อเกอ เร๊อ ครี๊ เด๊อ อี๊ถื่อดีเต่ อาลู เฮ๊อ. แว โอ่เซอเพร หม่าปาโต่ เฮ๊อ หม่าแน๊เรอ ครี๊ โอ่เซอเพร เฮ๊อ เด๊อ แวกู เฮ๊อ. เตโอ่เซอเพร เด๊อ แว โอ่เซอเพร กู๊แหน่ เออเนอหมา หม่าแพ๊ แว โอ่เซอเพร เด๊อ เตหยื่อเอ่ จอแปแหร่ อาพู๊คู เด๊อ อา โมเร๊อ แว เร๊อ อา เด๊อะแลแก อา ซิปล่อเซอเพร เด๊อ แวเง เออเนอ เตเพร อาคยา แพ๊.

ꤊꤢ꤬ꤜꤢ꤬ꤒꤤ 4:19

แวพู๊ เด๊อ แว โมหนิเร๊อ ซี๋ แว ซิปล่อฉว่า แหน่เจ๊อ เด๊อ ซี เก่ ดุแถ่เผร่แถ่ เกอ เด๊อ แหย่โย ตากยา แซ่เกอดื่อ เร๊อ ครี๊ เนอ เจ๊อ. แว เตซิปล่อฉว่า เออเนอ, อา เด๊อะกู่เด๊อะแก แหน่เจ๊อ แว ซิปล่อ เจ๊อ. แว ซิปล่อ อา เตกู่เตแก เออเนอ, อา แซ่เจ๊อเฮ๊อ เร๊อ โหมะ เด๊อ อา เตเร พู๊โอ่ เร๊อ อาฮ๊อเช เออเนอ เจ๊อ.

เอเฟซัส 1:7

เด๊อ ครี๊ ข่าเซอ อาเหน่ เร๊อ อาสุ่ย ทุ๊ยแล อาขว่าอาคยา, จอแปแหร่ อี๊ถ่า เฮ๊อ เป, เร๊อ อา ปลวาแก ลอเฮ๊อ เป เตซื๊อ เฮ๊อ. จอแปแหร่ อาบุ๊ยอาเตอเรอ เออเนอ, อาดุอาแย แหน่เจ๊อ เด๊อ เปเง เจ๊อ.

เอเฟซัส 2:22

เด๊อ ซี เร๊อ ครี๊ ทวาแถ่ เฮ๊อ ลู เตเต๊อเจ๋อโต อาขว่าอาคยา, ครี๊ แด่ปล๊อเต่อ เกอเฮ๊อ ซี เร๊อ ยูดาห์ ครี๊พู๊ เต๊เห่ เฮ๊อ. โทเรอ เด๊อ แหย่โยบูโพ๊แบ่เจ่ อา เตโพรเตอเรอ อาขว่าอาคยา, ซี เด๊อ อา ทวาเกอ แกแยยิวพู๊ หม่าโต่ เออเต๊เห่เนอ, อู ช๊อแถ่ เต่อเกอ เฮ๊อ ซี เร๊อ แกแยยิวพู๊ เด๊อ จอแปแหร่ อาหี่ เออเนอเฮ๊อ.

ฟีลิปปี 4:19

เด๊อ เหย่ซู่ครี๊ อาขว่าอาคยาเร๊อ, จอแปแหร่ เก่ เมจว่า เป่ ลอ ซี ล๋อ ซี โหล่เนอเต๊เห่ ปา. ฮู๊ อา ดุแหย่แถ่เซ เล๊อบา ตาป่อตาเป เฮ๊แจ่ ปา เจ๊อโต่ เออเนอ, อา เก่ เมจว่า เกอดื่อ ซี ฮู๊เนอ ปา.

โคโลสี 1:5

เบ๊อะซี หนิโฮ ลู่ เตซิครือมีลา เด๊อ อาหม่า อาจ๊อ เออ เบ๊อะเนออาเค, ซี หนิโฮ โทดื่อเฮ๊อ เตแม๊ชือ เด๊อ เตซิครือมีลา เด๊อะ ซี เออเนอ เฮ๊อ. เด๊อ เตแม๊ชือ เออ อาขว่าอาคยา, ซี หยื่อเอ่ จอแปแหร่, โทเรอ ซี โมหนิเร๊อ อูโร. จอแปแหร่ แด่ดว๊าแด่ปล๊อ เป่ เฮ๊อ ซี เตแม๊ชือ เออเนอ เด๊อ ม๊อขุ เฮ๊อ.

โคโลสี 2:3

เตลีแม เน๊อ เตซิคว๊าซิเง ล๋อ ปลี หม่าดื่อเฮ๊อ เตเด๊อะบุ๊ยเด๊อะเตอเรอ งูดุงูชอ เออเนอ, อา โอ่โอ๊โอ่บี๊ เด๊อ ครี๊ อากู.

โคโลสี 3:11

เด๊อ เตโอ่เซอเพร อาเซกู เนอ, แกแยยิวพู๊ เต๊เห่ เร๊อ แกแยยิวพู๊ หม่าโต่ เต๊เห่เนอ เบ่เบ่, แกแย ดื๊อตีลี๊พ๊า เร๊อ ดื๊อตีลี๊พ๊าโต่ เต๊เห่เนอ เบ่เบ่, เทอเก่โรพู๊ เต๊เห่ เบ่เบ่, แกแย มี เต๊เห่ เบ่เบ่, หลู่ เร๊อ แกแย ปาลา เต๊เห่เนอ เบ่เบ่, เป โตเบ่ เตเน ปา เน๊อ อา โค๊ลู ตีกี๋ โต่. แกแย เด๊อ อา หยื่อเอ่ ครี๊ ปว๋า เตเพร เนอ, ครี๊ โอ่เซอเพร เฮ๊อ เด๊อ ลูเหน่กู เฮ๊อ. ฮู๊เนอ อาขว่าอาคยา, ครี๊ หม่า เต เด๊อ อา โหล่ดุเล๊อ อู เฮ๊อ.

ทิโมธี อาเหร่อเล๊อ ต๊าบ่า 1:1

แว หม่า คูเปาโล. แว ราจว๊า หนิเป่ ซี ลีเออต๊าบ่า. จอแปแหร่ เด๊อ อา เมแลเปล๊กา เป เออเตเพร เน๊อ เหย่ซู่ครี๊ เด๊อ เป เตแม๊ชือ ซิเล เกอเร๊อ อา เออเตเพรเนอ, เหย่ซี เฮ๊ตา โทเฮ๊อ อาโหง่ เน๊อ อา นอทวาแถ่เฮ๊อ แว เน๊อ เหย่ซู่ครี๊ อา เพรโด่แนพู๊ เต๊เห่ เตเพร.

ꤟꤤꤙꤚꤢꤨ 6:19

เป เตแม๊ชือ เออเนอ อาแซ่เน๊อ หล่อดุ เด๊อ อา จุ่ย โอ่โก๊หม่า ส่อเกลอดุ เด๊อ เป ซิปล่อเซอเพร อาเง เออเตเม เนอเฮ๊อ. ฮู๊ เพรหลู่แต กู่กล๊อดุเล๊อ เนอเตเพร โนจว๊า ตาลว๊าเบ๊ เร๊อ อิเก บ่าดุ เด๊อ อู จอตาตือบี๊ อา เด๊อ เตหลู่แต โฮกู เนอต๊าบ่า, เร๊อ ฮู๊ อา โน โต่เฮ๊อ เด๊อ เตเหล่โอ่ บูโพ๊ อากู เออเนอ, เป เตแม๊ชือ เออ อาหม่ากลอ, อา ตาเต, เร๊อ อา ซูโน เต่อเกอดื่อเฮ๊อ เป เด๊อ จอแปแหร่ อาเป๊เส่เง ฮู๊เนอเฮ๊อ.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 4:4

หม่าแน๊เรอ พู๊เลอ ซี๋, ซี หม่า จอแปแหร่ อาแกแย เต๊เห่ เร๊อ ซี เมเป่แก เฮ๊อ เพรโพร อาก่าอาแปล เต๊เห่ เฮ๊อ, เมเตเฮ๊เรอ จอแปแหร่โอ่ เด๊อ ซีเหน่กู เออเตเพรเนอ อาดุ เล๊อ เจ๊อ เร๊อ โลเน๊มู๊แหม่รีแจ่ กู่กล๊อ เด๊อ อา โอ่เต่อเกอ เร๊อ แกแยเห่ขุพู๊ เด๊อ อา เม เตจ๊อเตเต โต่ เนอเต๊เห่ อากู เออโตโด เนอ เจ๊อ.

เตเด๊อะโลแถ่ 3:20

หนิดา แลแค๋ แว ก๊อถ่อ โอ่เบ๊อะกู่ดา เบ๊เง เร๊อ แว ด่อ กู่ดา เออ. แกแย เตเพรเพร เก่ หนิโฮ แว ด่อ กู่ดา เก่เฮ๊ เร๊อ บ๊าโมฉื่อ เนอ, แว เก่ แฮโน เอ่เต่อโอเต่อ เกอเร๊อ อา, เร๊อ อา เก่ เอ่เต่อโอเต่อ เกอเร๊อ แว ปา.