โคโลสี 1:23 - ลีเทส่อพ๊าอาเซ เร๊อ เห่ขุทวาลู๊

²³ แซ่ฮู๊ ซีเป๊เส่ เก่ โอ่ เกอดื่อ เด๊อ จอแปแหร่ อา เป๊เส่เง เนอเรอ, ตูรู๊ หยื่อเอ่ เป่แฮ ลาโป่ แลแค ฮู๊เนอเฮ๊อ. หยื่อเอ่ฉว่า หยื่อเอ่ชอ แลแค, เร๊อ โอ่หม่าโอ่กลอ แลแค เด๊อ ซี เตหยื่อ อากู นี๋. เบ๊อะซี หนิโฮ ลู่ เตซิครือมีลา เบ๊อะเนออาเค, ซี พย๊าหนิ โทเฮ๊อ เตแม๊ชือ เฮ๊อ. เร๊อ ซิปล่อ ลูโทลูแล แต่ แลแค เด๊อ ซี เตแม๊ชือ เออ อากู เนอ แต่เหม่ นี๋. เตซิครือซิลอมีลา เด๊อ จอแปแหร่ เมแร๊ กาคยา คยาแซ๊ แกแย เต๊เห่ เร๊อ อาเหน่ เร๊อดื่อ เออเนอ, อู โด่แน จว๊าเฮ๊อ ลู เด๊อ แกแย ปว๋า เตเพร อา โอ่, เร๊อ เด๊อ เห่ขุ ชีบ่า อา โอ่ เฮ๊อ. แว หม่าเฮ๊อ คูเปาโล, แว ทวา หลู่เล๊ เตเพร แว โด่แน เกอ เตซิครือซิลอมีลา เออเนอ เฮ๊อเฮ๊อ.

Eastern Kayah Shadaw Dialect

²³ ꤞꤢꤧꤟꤢꤨ ꤞꤤ꤭ꤕꤣꤧꤞꤢꤩ꤬ ꤊ꤫ꤢꤦ꤬ ꤥ꤬ ꤊꤣꤧ꤭ꤘꤢꤦ꤬ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤕꤣꤧꤞꤢꤩ꤬ꤑꤢꤩ꤭ ꤔꤣꤧ꤬ꤚꤣꤧ꤬, ꤒꤣꤧ꤬ꤚꤢꤨ ꤛ꤫ꤢꤦ꤬ꤢꤩ꤬ ꤟꤢꤧ꤭ꤑꤢꤩ꤭ ꤜꤢ꤭ꤕ꤫ꤥ꤬ ꤜꤢ꤭ꤋꤢꤧ꤭ ꤟꤢꤨꤔꤣꤧ꤬ꤟꤣꤧ꤯ ꤛ꤫ꤢꤦ꤬ꤢꤩ꤬ꤏꤝꤢ꤬ ꤛ꤫ꤢꤦ꤬ꤢꤩ꤬ꤏꤢꤪ꤭ ꤜꤢ꤭ꤋꤢꤧ꤭, ꤚꤣꤧ꤬ ꤥ꤬ꤊꤜꤢꤪ꤬ꤏꤢꤪꤗꤢ꤬ ꤜꤢ꤭ꤋꤢꤧ꤭ ꤘꤣ ꤞꤤ꤭ ꤒꤢꤩ꤬ꤛ꤫ꤢꤦ꤬ ꤢ꤬ꤊꤢꤨ꤭ ꤔꤤ꤮꤯ ꤙꤣꤧ ꤞꤤ꤭ ꤔ꤫ꤤ꤬ꤟꤥ꤭ ꤜꤢꤨ ꤒꤢꤩ꤬ꤞꤤꤋꤚꤢꤦ꤭ꤗꤝꤤ꤭ꤜꤢ꤬ ꤢ꤬ꤋꤢꤩ꤭ꤔꤣꤧ꤬, ꤞꤤ꤭ ꤔ꤫ꤤ꤬ꤙꤢꤩ꤬ ꤓꤥ꤭ꤟꤣꤧ ꤒꤢꤩ꤬ꤗꤢꤧꤏꤢꤦ꤭ ꤟꤣꤧ꤯ ꤚꤣꤧ꤬ ꤞꤤꤕꤜꤢꤪ꤬ ꤜꤢꤨ꤬ꤓꤥ꤭ꤜꤢꤨ꤬ꤜꤢꤧ꤬ ꤒ꤫ꤢꤧ꤬ ꤜꤢ꤭ꤋꤢꤧ꤭ ꤘꤣ ꤞꤤ꤭ ꤒꤢꤩ꤬ꤗꤢꤧꤏꤢꤦ꤭ ꤣꤧ꤭ ꤢ꤬ꤊꤢꤨ꤭ ꤔꤣꤧ꤬ ꤒ꤫ꤢꤧ꤬ꤗꤢꤩ꤬ ꤔꤤ꤮꤯ ꤒꤢꤩ꤬ꤞꤤꤋꤚꤢꤦ꤭ꤗꤝꤤ꤭ꤜꤢ꤬ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤗꤢꤩ꤬ꤚꤢꤧ ꤊꤢ꤬ꤋꤛꤢ꤭ ꤋꤛꤢ꤭ꤞꤢꤧ ꤊꤣꤧ꤬ꤛꤢꤧ꤭ ꤒꤣꤧ꤬ꤟꤢꤩ꤬ ꤔꤢꤧ ꤢ꤬ꤔ꤫ꤢꤩ꤬ ꤚꤣꤧꤘꤢꤦ꤬ ꤣꤧ꤭ꤔꤣꤧ꤬, ꤢꤨ꤭ ꤘꤥ꤬ꤔꤢꤧ꤭ ꤡꤝꤢꤟꤣꤧ ꤜꤢꤨ꤭ ꤘꤣ ꤊꤣꤧ꤬ꤛꤢꤧ꤭ ꤕꤝꤢ꤭꤮ ꤒꤣ꤬ꤖꤚꤢꤩ꤬ ꤢ꤬ ꤥ꤬, ꤔꤢꤧ ꤘꤣ ꤟꤢꤩ꤬ꤋꤢꤨ꤬ ꤏꤤ꤭ꤙꤢ꤬ ꤢ꤬ ꤥ꤬ ꤟꤣꤧ꤯ ꤠꤢꤧ꤭ ꤗ꤫ꤢ꤬ꤟꤣꤧ ꤋꤢꤨ꤭ꤕꤢꤪꤜꤢꤨ ꤣꤧ꤭, ꤠꤢꤧ꤭ ꤘꤥ꤬ꤔꤢꤧ꤭ ꤊꤣꤧ꤭ ꤒꤢꤩ꤬ꤞꤤꤋꤚꤢꤦ꤭ꤗꤝꤤ꤭ꤜꤢ꤬ ꤣꤧ꤭ꤔꤣꤧ꤬ ꤟꤣꤧꤟꤣꤧ꤯

โคโลสี 1:23 ပူးပေါင်းရင်းမြစ်များ

ꤗꤢ꤬ꤊꤢꤨ 16:15

เร๊อ อา เฮ๊ เหย่ซี เน๊อ, “จว๊าปีชีลอ เด๊อเห่ขุต๊าบ่าลอ เร๊อ จว๊าเล แด๊โฉ่โด่แน เป่ ลอ อู ปว๋า เตเพร เร๊อ เตซิครือซิลอมีลา เออเนอ นี๋.

ꤜꤢꤨꤊꤢ꤬ 22:32

หม่าแน๊เรอ, คูซีโมน, แซ่ฮู๊ เน เตหยื่อเตแหน่ อา ปย๊าแก แต่เหม่ เนอ, แว กุยจ๊อเบ เป่ เด๊อ เนเง. โทเรอ เบ๊อะเน ซิเหน่แลคยาแซ๊ กาคยา คยาแซ๊ เฮ๊อ เนเหน่ ปาเนอ, เน โตเบ่ เด๊อะอ๊าเด๊อะเหร่หนิ เน โป่แหว่ เต๊เห่ ปา นี๋.”

ꤜꤢꤨꤊꤢ꤬ 6:48

อา แซ่เฮ๊อเร๊อ แกแย เด๊อ อา ช๊อแถ่ หี่ เนอ, อา ขื่อตา แยแย เห่กู เร๊อ อา แบ๊ อี๊ถื่อแก่ช๊า เร๊อ หล่อ เออเนอ เตเพร เฮ๊อ. เทอดุแถ่, เทอโทแฮ แฮพอเบ่ หี่เออ เตเม ตื๊อดื่อเรอ อู ย๋อ อิช๊อแล หม่ากลอแร๊ อา เด๊อ หล่อลู อาขว่าอาคยา, อา โกโย เป่โต่.

ꤛꤥ꤭ꤟꤢ꤬ 15:6

แกแย เตเพรเพร เด๊อ อา โอ่จิจือหมะ เด๊อ แวกู โต่ เนอ, อาแซ่เน๊อ ส่อแพ เด๊อ อู วีเถ่แก อา เด๊อ อากลอ, เร๊อ อา โน๊แกคราแก เต๊เห่ เนอแพ๊. ส่อแพ ฮู๊เนอ เต๊เห่เนอ, อูโถ่ปล๊อ อา เร๊อ อู วีโนแก ลู เด๊อ หมิกู เร๊อ อู ชื๊ออือแก อา แพ๊.

เพรโด่แนพู๊ เต๊เห่ 1:17

อา หม่า อา โนโอ่เต่อเกอ เด๊อ เป ตู๊หมู่ตอกล๊อกู เตเพร เร๊อ อู นว๊าแถ่ เกอ อา เด๊อ อา เก่ เมเต่อเกอเตเร๊อ เป.”

เพรโด่แนพู๊ เต๊เห่ 1:25

โท๊โต่ แกแย เด๊อ เน นว๊าแถ่ โทเฮ๊อ อา เออเตเพร แซ่ฮู๊ อา เก่ พย๊าหนิ เพรโด่แนพู๊ เต๊เห่ คูยูดาส เด๊อ อา วี๊แก แก อา เหล่เอ่เหล่แร เออเตเพร อากู๊เหล่ เนอ, เด๊อะโลแถ่ เป่ เป กู๊แหน่. คูยูดาส หม่า อา เซอเฮ๊อ เร๊อ อา จว๊า ดื่อเฮ๊อ แกล๊ เด๊อ อา โตเบ่ จว๊า เร๊อ ลู เนอเฮ๊อ.”

เพรโด่แนพู๊ เต๊เห่ 1:8

หม่าแน๊เรอ เบ๊อะแหย่โยบูโพ๊แบ่เจ่ ตากาแลโอ่เฮ๊อ เด๊อ ซีกู ปา เบ๊อะเนอ, ซี เก่ เล๊อบา เร๊อ เตฉว่าเตชอ ปา เร๊อ ซี เก่ ทวาแถ่ เป่แว เพรข่าเฮ๊โล เต๊เห่ เด๊อ วีเยรูซาเล็ม อากู, เร๊อ ยูดาห์เต๊เก๋ เล, เร๊อ สะมาเรียเก่, โท๊โต่ อา เก่ โต่ เจ๊อเด๊อ เห่ขุต๊าบ่า ลอ เจ๊อ ปา,” อา เฮ๊ฮู๊เนอ.

เพรโด่แนพู๊ เต๊เห่ 11:23

เร๊อ เบ๊อะอา จว๊าโต่ เนอ, อา จว๊าแม๊เถอะ เร๊อ แกแย เออเต๊เห่ พย๊าหนิ จอแปแหร่ อาบุ๊ยอาเตอเรอ อาขว่าอาคยา, อา ซิครือซิลอ แหน่เจ๊อ เร๊อ แซ่ฮู๊ เหย่ซี เก่ โอ่เซอเพร เจ๊อ เป่แฮ ตื๊อดื่อ เน๊อ แบ่เจ่ เร๊อ, อา เด๊อะอ๊าเด๊อะเหร่ แฉ่โคร เกอโป่ เหย่ซี อาคยา.

เพรโด่แนพู๊ เต๊เห่ 14:22

แซ่ฮู๊ เพรหยื่อเอ่ เต๊เห่ เก่ โอ่หม่าโอ่กลอ เด๊อ อา เตหยื่อเตแหน่ อากู อาเงเนอ, คูเปาโล เร๊อ คูบารนาบัส เด๊อะอ๊าเด๊อะเหร่ แถ่หนิ เหย่ซี, โท๊โต่ ครอครวาเกอ เหย่ซีคยา. เหย่ซี อิซว๊าอี๊แส่ เป่ อู เน๊อ, “เป เตเร จว๊าโน ล๊อปลู๊เบ๊ โต่เด๊อ จอแปแหร่ อาเทออาเก่กู เออเนอหม่า, เป เบ่ จว๊าตาลว๊า เอ๊ลา เร๊อ เตแป่เตเช ซีเต๊เห่ เจ๊อ.”

เพรโด่แนพู๊ เต๊เห่ 2:5

เบ๊อะเนออาเค แกแยยิวพู๊ เด๊อ อาแด่ดุ จอแปแหร่ เต๊เห่ อาโอ่ แลแค เด๊อ เทอเก่ ปว๊าเต๊เก่ เร๊อ อา แฮ แลแค เด๊อ วีเยรูซาเล็ม เร๊อ อา แฮ โอ่ แลแค เบ๊อะเนอ.

เพรโด่แนพู๊ เต๊เห่ 20:24

หม่าแน๊เรอ แซ่ฮู๊ แว เก่ เมโทแก เตเม เด๊อ แบ่เจ่ เหย่ซู่ เด๊อะแลแก แวเออ อาเงเนอ, แว แด่ดุ ซิโล เกอ เร๊อ ปา เจ๊อ แว ซิปล่อ เซอเพร เออเนอ โต่ เฮ๊อ. เตเม เด๊อ อา นอเม แว เออเต๊เห่ เนอหม่า หม่าเฮ๊อ แว เบ่ ข่าเฮ๊โล เน๊อ จอแปแหร่ อาบุ๊ยอาเตอเรอ อา เตซิครือมีลา เออ อาหรี่อาแก เออเนอ เฮ๊อ.

เพรโด่แนพู๊ เต๊เห่ 26:16

‘หม่าแน๊เรอ ตูรู๊ ก๊อถ่อ คยาแซ๊มอ, แว แฮ โอ่โลแถ่ เป่เฮ๊อ เน เร๊อ แวเหน่ ฮู๊เออ เนอหม่า หม่าเฮ๊อ เด๊อ แว เก่ นว๊าแถ่เฮ๊อ เน เน๊อ เน เก่ ทวาแถ่เฮ๊อ แว เพรโด่แนพู๊ เต๊เห่ เน๊อ เพรข่าเฮ๊โล เตเพร เฮ๊อ. เออเตอเนอ เน แม๊เถอะเฮ๊อ เน๊อ แว เบ๊อะเออ อาหรี่อาแก เออเต๊เห่ เร๊อ เต เด๊อ แว เตเร ยูโล เป่โป่ เน เด๊อคยา ปา เต๊เห่เนอ, เน เบ่ จว๊าแด๊โฉ่โล เป่ลอ อู ป๋า.

เพรโด่แนพู๊ เต๊เห่ 4:12

แกแย เด๊อ อา เมแลเปล๊ แจ่ เป หม่า ตือแพ๊ เหย่ซู่ เตเพร แพ๊. แกแย อาโร เด๊อ จอแปแหร่ เด๊อ เหย่ซี เร๊อ อา เก่ เมแลเปล๊กา เป อาเงเนอ, เด๊อ เห่ขุ เออต๊าบ่า ล๊อ เจ๊อ เนอ อา โอ่ เตเพร่ว โต่.”

ꤚꤥꤗꤢꤩ꤬ 10:18

หม่าแน๊เรอ แว เก่ แด๊เฮอ เน๊อ, “หม่า เหย่ซี หนิโฮน๊อ เกอ แหน่โต่ แอ?” แว เก่ เฮ๊ เน๊อ, เหย่ซี หนิโฮน๊อ วา. ลีเทส่อพ๊ากู เฮ๊ เน๊อ, “เหย่ซี โหง่พรา จว๊า ลอเฮ๊อ เด๊อ เห่ขุต๊าบ่าลอ เฮ๊อ. เหย่ซี อาลาอาโหง่ เออเนอ, อา จว๊าโต่ ลอเฮ๊อ เด๊อ เห่ขุ ตื๊อดื่อ เฮ๊อ.”

ꤚꤥꤗꤢꤩ꤬ 15:16

จอแปแหร่ อาบุ๊ยอาเตอเรอ อาขว่าอาคยา, อา เด๊อะ แว เตเม เด๊อ แว เก่ เม เหย่ซู่ครี๊ อาเตเม เด๊อ แกแยยิวพู๊ หม่าโต่ เต๊เห่ อาเกล. แซ่ฮู๊ แกแยยิวพู๊ หม่าโต่ เต๊เห่ เก่ ทวาแถ่ เตหลู่ เต๊อเจ่อ เด๊อ จอแปแหร่ เก่ พย๊าฉื่อ อา, โทเรอ เตหลู่ เต๊อเจ่อ เด๊อ แหย่โยบูโพ๊ แบ่เจ่ เมบูโพ๊ โทเฮ๊อ ลู เร๊อ, จอแปแหร่ นว๊าแถ่ โค๊ดื่อเฮ๊อ แว เร๊อ แว เก่ เมเต ฮู๊ เพรหลู่แตเต เด๊อ อา แด๊โฉ่โด่แน โลเป่ อู เร๊อ จอแปแหร่ อา เตซิครือมีลา เนอเตเพร เฮ๊อ.

ꤚꤥꤗꤢꤩ꤬ 2:7

แกแย เต๊เห่เห่ เนอ, อา เด๊อะโล อา เตซิหยื่อ หม่าแหน่ เน๊อ จอแปแหร่ เก่ ถู่เซ๊แถ่ หนิ เหย่ซี ปา. เร๊อ อา เก่ เด๊อะ ลู เตอเรอดุเตอเรอทู ปา, โท๊โต่ อา เก่ เด๊อะ เหย่ซี เตเซอเพร เด๊อ อา เซอแจ่ปาโต่ เออเนอ ปา อา แม๊ชือ แลแค ฮู๊เนอเรอ เหย่ซี แอ๊จื๊อแอ๊เหร่ เม แฮเง ตื๊อดื่อ แลแค เตแร๊. ฮู๊เนอเรอ จอแปแหร่ เก่ เด๊อะ ซิปล่อเซอเพร ตูจูเพร เออเนอ เร๊อ แกแย ฮู๊เนอเต๊เห่ ปา.

ꤚꤥꤗꤢꤩ꤬ 5:5

เบ๊อะเป แม๊ชือ เร๊อ จอแปแหร่ เก่ เม เป่ เป เบ๊อะเนอ, เป ซิปล่อปย๊า โต่, เมเตเฮ๊เรอ, เบ๊อะจอแปแหร่ เด๊อะตา เป แหย่โยบูโพ๊ แบ่เจ่ เบ๊อะเนอ, อา กลอ แล แล๊แล เป่เฮ๊อ เป อาเตโม เด๊อ เป ซิปล่อกู เฮ๊อ.

โครินธ์ อาเหร่อเล๊อ ต๊าบ่า 15:58

ฮู๊เนอเรอ, แว โคแบ๊ซว๊า ซี, กู๊แหน่เรอ ก๊อถ่อ แตแนแร๊ แลแค เร๊อ โอ่หม่าโอ่กลอ แลแค เด๊อ ซี เตหยื่อ อากูเนอ นี๋. เม ฉว่าฉว่า แลแค จอแปแหร่ อาเตเม ปว๋า โตโพ๊ นี๋, เมเตเฮ๊เรอ ซี เม แบ่เจ่ อาเตเม เนอ อา แกเด เด๊อ ซีเง โต่.

โครินธ์ อาเหร่อเล๊อ ต๊าบ่า 3:5

เก่เฮ๊ลอลอ เร๊อ, คูอปอลโล หม่า อูเป? คูเปาโล หม่า อูเป? เป หม่า แกแย แจ่ลีแจ่ลาโต่ เด๊อ อา เม จอแปแหร่ อาเตเม เต๊เห่ แพ๊. เด๊อ เป เฮ๊โฉ่โด่แนโล เป่ ซี อาขว่าอาคยา ซี หยื่อเอ่แหน่ กา แลแค แบ่เจ่ เหย่ซู่ครี๊. ฮู๊ จอแปแหร่ เด๊อะตา เป เตเม เตเพร เร๊อ เตเพร เนอ, เป เม เร๊อดื่อ ฮู๊ อา นอเม เป เออเนอ แพ๊.

โครินธ์ เนอบ่า ต๊าบ่า 10:1

เต๊เห่เห่เนอ อา เฮ๊ แลแค แว เน๊อ เบ๊อะแว เฮ๊เบ่ฉื่อ เร๊อ ซี เบ๊อะเนอ, แว โต๊โหร่ แพ๊ หม่าแน๊เรอ เบ๊อะแว รา เร๊อ ลี เบ๊อะเนอ, แว เฮ๊เบ่ฉว่าเฮ๊เบ่ชอ แหน่เจ๊อ, อา เฮ๊ แลแค แว ฮู๊เนอ. หม่าแน๊เรอ แว เหน่แบ่แจ่ เร๊อดื่อ แว กุยซิยอ ตื๊อดื่อ เจ๊อ ซี เร๊อ เตซิโดซิงา, เตแด่ทูซิปล่อ ฮู๊ ครี๊ เด๊อะโล เป่ โทเฮ๊อ เป เออเนอ เต๊เห่ เจ๊อ.

โครินธ์ เนอบ่า ต๊าบ่า 11:23

เหย่ซี หม่า ครี๊ อาหลู่เล๊ เต๊เห่ แอ? แว เม เล๊อ เจ๊อ เร๊อ เหย่ซี เนอเต๊เห่ เจ๊อ กอกอ. แว เฮ๊ ฮู๊เออ เร๊อ อา แซ่ เร๊อ แว ตีมุย. แว แอ๊จื๊อ เม เล๊อ เจ๊อ เร๊อ เหย่ซี เมเนอ เจ๊อ กอกอ, อู ด๊อตา เอ๊เล๊อ แว เด๊อ ทอกู เร๊อ เหย่ซี เจ๊อ กอกอ. อู เมจา แว เร๊อ อิปลี๊หริ เนอ อา โอ่ เอ๊แหน่เจ๊อ, แว พื๋อ เตเร เซอเจ๊อเนอ แว แม๊เถอะ ป่อชิเต่อเบ่ โตโมโม เจ๊อ.

โครินธ์ เนอบ่า ต๊าบ่า 3:6

แซ่ฮู๊ เป เก่ อิซว๊า โด่แนโปลเบ๊ เป่ อู เตอ๊อแล อาเซเออ อาเงเนอ, เพร เด๊อ อา เด๊อะตา เป เตแจ่เตลีแม เออเนอหมา จอแปแหร่ เออเตเพร เฮ๊อ. เตอ๊อแล อาเซ เด๊อ อา เด๊อะตา เออเนอหมา อาแซ่เน๊อ อู รา โอ่ คูโมเสส อา เตซว๊าเตแส่ เนอ หม่าโต่. เตอ๊อแล อาเซ เออเนอหมา อา ตาเต ซิเลเกอเร๊อ แหย่โยบูโพ๊ แบ่เจ่ เมเต เด๊อ เป ซิปล่อกู เออเนอ แพ๊. เป เก่ ซิเลเกอเร๊อ เตซว๊าเตแส่ เด๊อ อู ราโอ่ เออเนอ เฮ๊เนอเรอ เป เก่ พย๊าหนิ เตเซอ ปา, หม่าแน๊เรอ แหย่โยบูโพ๊ แบ่เจ่ เออเนอ อา พย๊าแฮหนิ เป่ เป ซิปล่อเซอเพร ตูจูเพร เฮ๊อ.

โครินธ์ เนอบ่า ต๊าบ่า 4:1

ฮู๊เนอเรอ เป ซิปล่อปย๊า โต่, เมเตเฮ๊เรอ เด๊อ จอแปแหร่ อาบุ๊ยอาเตอเรอ อาขว่าอาคยา, อา เด๊อะตา เป เตเม เด๊อ เป เก่ แด๊โฉ่โด่แน เป่ อู เร๊อ เตอ๊อแล อาเซ เออเนอ เฮ๊อ.

โครินธ์ เนอบ่า ต๊าบ่า 6:1

เป หม่า เพรเมโหร่เต เร๊อ จอแปแหร่ เต๊เห่ อาขว่าอาคยา, เป กุย ซิยอ ฉว่า ซี เร๊อ ซี เก่ โอ่เซอเพร ฮู๊ จอแปแหร่ ซิหยื่อ นอโอ่เซอเพร ซีเนอ. ซี หม่า แกแย เด๊อ อา พย๊าหนิ โทเฮ๊อ จอแปแหร่ อาบุ๊ยอาเตอเรอ เต๊เห่ เฮ๊อ อาขว่าอาคยา, ซี เบ่ โอ่เซอเพร แลแค ฮู๊เนอ.

ꤊꤢ꤬ꤜꤢ꤬ꤒꤤ 4:11

เด๊อ ซี เมฮู๊เนอ อาขว่าอาคยา, แว ซิปล่อกู่ ซิปล่อแก แหน่เจ๊อ เด๊อ ซีเง เจ๊อ. ปาหม่า ล๋อ เตเม เด๊อ แว เม เป่โทเฮ๊อ เด๊อ ซีเง เนอเต๊เห่, ทวาแถ่ แกเด ลอดื่อ เฮ๊อ ปา เฮ๊อ.

ꤊꤢ꤬ꤜꤢ꤬ꤒꤤ 5:5

หม่าแน๊เรอ เด๊อ แหย่โยบูโพ๊ แบ่เจ่ อาขว่าอาคยาเร๊อ, เป หยื่อเอ่เกอเร๊อ เปเหน่ เร๊อ จอแปแหร่ เก่ แด่จ๊อแด่เต เป, เมเตเฮ๊เรอ เป หยื่อเอ่หนิ เหย่ซู่ครี๊. เป โอ่ป่อแม๊ชือ หม่าแหน่ เจ๊อ เตเออเนอ เฮ๊อ.

ꤊꤢ꤬ꤜꤢ꤬ꤒꤤ 5:7

ซี แกล่ แร๊แร๊แจ่แจ่ โทเฮ๊อ หม่าแน๊เรอ หม่าอูเป เตเพร นอโอ่โก๊ ซี เด๊อ ซี เก่ หนิดา แต่ เตหมะเตจ๊อ แต่เหม่ เออเนอ เป?

ꤊꤢ꤬ꤜꤢ꤬ꤒꤤ 6:9

เมเตแร๊เนอ ซิปล่อปย๊า แลแค แต่เหม่ นี๋. เป เก่ ซิปล่อปย๊าโต่ เฮ๊เรอ, ช๋า ม๊อเนอม๊อเซ โตเก๊ ปาเนอ, เป เก่ เก๊เบ่น๊อ คยาแซ๊ดื่อ เตเส่เตโพ ปา.

เอเฟซัส 1:18

แซ่ฮู๊ ซี เก่ ซิเงโปลแร๊ เกออู เตเม อาโค๊ตีกลี๊ เด๊อ อา อ๊อแล เป่โท เฮ๊อ อาแกแย เด๊อ อา เอ๊ เร๊อดื่อ ลู เนอเต๊เห่ อาเงเนอ, แว กุยจ๊อเบ เด๊อ อา เก่ เด๊อะซิเงโปล เป่ ซี แพ๊. จอแปแหร่ เด๊อะ แคร๊ เฮ๊อ อาแกแย เออเต๊เห่ อู่เจเต๊เหย่ เด๊อ อางูดุงูชอ, อาตว่าอาแร๊ เต๊เห่ แคร๊ อิเตเฮ๊อเนอ, แว ซิหยื่อ นอซิเง ตาเต เกอ ซี.

เอเฟซัส 2:21

แบ่เจ่ หม่า เพร เด๊อ อา ปื่อหม่าจุ่ยหม่า เต่อปล๊อหนิ ลอ หี่ครือหี่คร่อ เออเตเม เร๊อ อา เมดุแถ่ เร๊อ ดุแถ่ หนิ หี่ เออเตเม เร๊อ เด๊อคยาตื๊อดื่อเนอ, อา ทวาแถ่ เตหลู่แตโฮ บูโพ๊ เด๊อ แบ่เจ่ เหล่โอ่เกอเร๊อ อาเง เตเม เฮ๊อ.

เอเฟซัส 3:17

โท๊โต่ เด๊อ ซี เตหยื่อเตแหน่ อาขว่าอาคยาเร๊อ, แซ่ฮู๊ ครี๊ เก่ แฮ โอ่หม่าโอ่กลอ เด๊อ ซี ซิปล่อกู อาเงเนอเรอ, แว กุยจ๊อเบ เป่ เด๊อ ซีเง. แว กุยจ๊อเบ เร๊อ ซี เก่ โมแฮ เร๊อ โมแฮ หนิ จอแปแหร่, โทเรอ ซี เก่ โมแฮ เร๊อ โมแฮ เกอเร๊อ ลู เตเพร เร๊อ เตเพร. ซี เก่ เมฮู๊เนอ เฮ๊เรอ ฮู๊ ส่อหรุ่ย ช๊าตาแยแย เนอ, ซี เตโม เก่ จว๊าแยเกอ ฮู๊เนอ ปา. โทเรอ ฮู๊ อู แบ๊แล กลอหม่าแร๊ หี่ เตเม อาแก่ช๊าเนอ, ซี เตโม เก่ กลอหม่าแร๊ แซ่เกอดื่อ ฮู๊เนอ ปา.

เอเฟซัส 4:16

ครี๊ ปื่อหม่า โอ่ปล๊อจือ เต่อลอ อาแกแย ซีเต๊เห่ เด๊อ อาแซ่เน๊อ แกแย หรุ่ยถว่า เร๊อ อาครุ๊ยอาคร๊วา เด๊อ จิจือหมะ จิจือ หนิเต่อ ลอ เหน่กล่อ ครือขรว่า เด๊อ อา โค๊ลู เออเนอเต๊เห่ เฮ๊อ. เก่ เหน่กล่อ ครือขรว่า เต๊อเจ่อ เร๊อ เต๊อเจ่อ เก่ เมดื่อ อาเตเม เด๊อ อา โต เม เต๊เห่ เฮ๊เนอหม่า, เหน่กล่อ ชีเพรลอ เก่ ดุแถ่ เร๊อ ชอแถ่ เร๊อ ชอแถ่ ปา. เพรหยื่อเอ่ตู๊หมู่ตอกล๊อ เนอหม่า อา แซ่ ฮู๊เนอ เฮ๊อเฮ๊อ. เพรหยื่อเอ่ เออ ตู๊หมู่ตอกล๊อ เด๊อ อาเตเม โค๊ลู เออเต๊เห่เนอ, อา เก่ โม เกอเร๊อลู เตเพร เร๊อ เตเพร เร๊อ อา เก่ เม หนิเกอเร๊อดื่อ เตเพร เร๊อ เตเพร อาเตเม เฮ๊เนอหม่า, เพรหยื่อเอ่ตู๊หมู่ตอกล๊อ เออ เก่ ดุแถ่ เล๊อบา แฮเง ดื่อ เร๊อ ครี๊ อา เตโพรเตเตอเรอ อาคยา ปา.

โคโลสี 1:25

แซ่ฮู๊ แว เก่ แด๊โฉ่โด่แน เล๊อบา เป่ ซี เน๊อ จอแปแหร่ อา เตหรี่เตแก อาเงเนอ, จอแปแหร่ เด๊อะแล เฮ๊อ แว เหล่เอ่เหล่แร เออ เด๊อ ซีเงเฮ๊อ. โท๊โต่ อา นอทวาแถ่ เฮ๊อ แว เน๊อ ล๋อ เพรหยื่อเอ่ ครี๊ เนอเต๊เห่ อา หลู่เล๊ เตเพร เฮ๊อ.

โคโลสี 2:7

ช๊อตา แยแย แลแค ซี เตหยื่อ เด๊อ เหย่ซู่ครี๊ อากู ฮู๊ ส่อหรุ่ย ช๊อตาแย เนอ. เร๊อ ดุแถ่ แลแค เด๊อ เหย่ซู่ครี๊ อากู นี๋. ซี หยื่อเอ่ เออเนอ อา เบ่ ฉว่าชอแฮ เน๊อ ชอแฮ เป่แฮ ฮู๊ อู อิซว๊า โทเฮ๊อ ซี เนอ, เร๊อ ล๋อ จอแปแหร่ เม เป่ โทเฮ๊อ ซี เต๊เห่เนอ, ถู่เซ๊ เฮ๊บุ๊ยเฮ๊เตอเรอ แถ่ แลแค ลู นี๋.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 3:3

อู ย๋อ เมจาเมจือ ซี อาขว่าอาคยาเร๊อ, แซ่ฮู๊ ซี เก่ วี๊แก แต่ ซี เตหยื่อเตแหน่ เตเพร่ว แต่เหม่เนอ, เป นอแฮ คูทิโมธี เด๊อ ซีโอ่. ซี ซิเง แร๊แร๊แจ่แจ่ เฮ๊อ เร๊อ จอแปแหร่ เตเนหนื่ออื่อ เด๊อ เป เบ่ ข่าเบ่ เตเมจาเมจือ ฮู๊เออ เต๊เห่ เนอเฮ๊อ.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 3:5

แว โอ่แค ปาโต่ อาขว่าอาคยา, แซ่ฮู๊ คูทิโมธี เก่ ซิเง เร๊อ ซี โอ่หม่าโอ่กลอปา เด๊อ ซี เตหยื่อ แอ, หม่า ซี โอ่หม่า ปา โต่ แอ เนอ, แว ซูแล อา เด๊อ ซี โอ่. แว เบ่ยอ เร๊อ โลเน๊มู๊แหม่รีแจ่ กู่กล๊อ เกล๊ อิลออี๊โหล่ แหน่ ซี เฮ๊อ. โทเรอ ล๋อ เตเอ่เตแร เด๊อ เป เมโท ลอเฮ๊อ เต๊เห่เนอ, อา เก่ แกเด ลอแหน่เฮ๊อ, แว เบ่ยอ ฮู๊เนอ.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 5:8

หม่าแน๊เรอ เป หม่า เหมาะเชเกลพู๊ เต๊เห่ อาขว่าอาคยา, เป เบ่ เป๊อตี๊หรี่ เกอเร๊อดื่อ เปเหน่. เป โตเบ่ หยื่อเอ่ แฮเงลา เหย่ซู่ เร๊อ เป โตเบ่ โม แฮเง ลาเร๊อ อู. เป เก่ เมฮู๊เนอ เฮ๊เรอ อาแซ่เน๊อ เปกือแซ๊แถ่ หนิ เฮ๊อ เป จาต่อเท๊ เด๊อ อา เตเกบี๊เกอเร๊อ เปเหน่. เออเนอเฮ๊อ, โทเรอ เป เตแม๊ชือ เด๊อ จอแปแหร่ เก่ เมแลเปล๊กา เป เออเนอหมา อาแซ่เน๊อ เป โก่แถ่ กู๊โก่ ต่อเท๊ เด๊อ อา เตเกบี๊ เกอเร๊อ เป กู่กล๊อ เออเนอเฮ๊อ.

เธสะโลนิกา เนอบ่า ต๊าบ่า 2:16

เปเพ จอแปแหร่ อาบุ๊ยอาเตอเรอ ขว่าคยาเร๊อ, อา เด๊อะตา เฮ๊อ เป อา เตเด๊อะอ๊าเด๊อะเหร่ ตูจูเพร เร๊อ เตแม๊ชือ เด๊อ อาตาอาเต เออเต๊เห่เนอ เฮ๊อ. เป แบ่เจ่ เหย่ซู่ครี๊ เร๊อ เปเพ จอแปแหร่ เด๊อ อา โมหนิเร๊อ เป เออเตเพร เก่ เด๊อะอ๊าเด๊อะเหร่ ดื่อ ซี นี๋. โท๊โต่ แซ่ฮู๊ ล๋อ ซี เตเอ่เตแร เนอเต๊เห่ เร๊อ ล๋อ ซี เตเฮ๊เบ่เฮ๊โช เต๊เห่ เก่ แร๊ อาเงเนอ, อา เก่ เด๊อะฉว่าเด๊อะชอแถ่ ดื่อ ซี ซิปล่อ นี๋.

ทิโมธี อาเหร่อเล๊อ ต๊าบ่า 1:12

เป แบ่เจ่ เหย่ซู่ครี๊ เด๊อะ เฮ๊อ แว เตเหร่เตแบ เด๊อ แว เก่ เม อาเตเม อาเง อาขว่าอาคยา, แว เฮ๊บุ๊ยเฮ๊เตอเรอ อา. โท๊โต่ อา แด่ แว ฮู๊ แกแย เด๊อ อาจ๊อ เร๊อ อาโหง่ เตเพร เร๊อ อา นว๊าแถ่ แว เด๊อ แว เก่ เม เป่ อาเตเม อาขว่าอาคยา, เฮ๊บุ๊ยเฮ๊เตอเรอ อา.

ทิโมธี อาเหร่อเล๊อ ต๊าบ่า 2:7

เด๊อ เตหรี่เตแก เออ อาเง, อู นอทวาเฮ๊อ แว ฮู๊ เพรเฮ๊โฉ่ โด่แนเต เตเพร เร๊อ เพรโด่แน เตเพร เน๊อ ซ๊าร๊า เด๊อ อา เก่ อิซว๊าเป่ แกแยยิวพู๊ หม่าโต่ เต๊เห่ เน๊อ เตหยื่อเตแหน่ เด๊อ อา หม่าแหน่เออ อาหรี่อาแก เตเพรเฮ๊อ. แว เฮ๊ แลโฮแลแห่โต่. แว เฮ๊จ๊อ แพ๊.

ทิโมธี อาเหร่อเล๊อ ต๊าบ่า 3:16

เป เตจ๊อบู่จ๊อเบ อาจ่ออาแย อาดุอาแย เจ๊อ บ๋า เต บ๋า เตเนอ อู โชโม๊บิแก หนิแจ่ อา เตเพร่ว โต่. ครี๊ โอ่โลแถ่ เฮ๊อ ฮู๊ แกแย เห่ขุพู๊ เตเพร, เร๊อ แหย่โยบูโพ๊ แบ่เจ่ ข่าเฮ๊อ ซิปล่อ เน๊อ ครี๊ เออเนอ อา เมโต จอแปแหร่ อาซิปล่อ, เร๊อ ม๊อขุ เตเน่วพู๊ เต๊เห่ แม๊เถอะเบ่ เฮ๊อ อา. โทเรอ อา อาหรี่อาแก เออเนอ, อู แด๊โฉ่โด่แน เฮ๊อ อา เด๊อ เมวจ่อโรพู๊ เต๊เห่ อาเกลเฮ๊อ. แกแย โอ่ เด๊อ เห่ขุเออ เต๊เห่เห่ เนอ อา หยื่อเอ่แหน่ เกอ เฮ๊อ อา เฮ๊อ. จอแปแหร่ จอแถ่เฮ๊อ อา เด๊อ ม๊อขุ เด๊อ เตลีเตเค อากูเฮ๊อ.

ꤒꤤꤒꤢꤨ 3:7

จอแปแหร่ แด่จ๊อแด่เต เป เนอ อาบุ๊ยดุอาเตอเรอทู ขว่าคยา เฮ๊อ. ฮู๊เนอเรอ กู๊แหน่เออ เป พย๊าหนิเฮ๊อ เป เตแม๊ชือ เด๊อ อา หม่าดื่อ ซิปล่อเซอเพร อู่เจเต๊เหย่ ตูจูเพร ตาเลเคร๊ เออเนอ เฮ๊อ.

ꤟꤤꤙꤚꤢꤨ 10:38

แว แกแยจ๊อแกแยเต ซี เต๊เห่เนอ, เด๊อ อา หยื่อเอ่แหน่ แว อาขว่าอาคยา, อา เก่ เซอเพร แลแค ปา. หม่าแน๊เรอ แกแย เด๊อ อา จว๊า ตาพาโค๊แก เร๊อ แว เต๊เห่เนอ, อาโต แว ซิปล่อ โต่,” ลีเทส่อพ๊ากู เฮ๊ ฮู๊เนอ.

ꤟꤤꤙꤚꤢꤨ 3:14

เมเตเฮ๊เรอ, เป เตหยื่อเอ่ จอแปแหร่ เด๊อ กูลู่เค เนอ, เป เก่ ปื่อหม่าแร๊หนิ อา โต่เด๊อ อาตื๊อดื่อ เฮ๊เรอ, เป ทวาเฮ๊อ เพรเมเต่อเต เร๊อ ครี๊ เฮ๊อ.

ꤟꤤꤙꤚꤢꤨ 3:6

หม่าแน๊เรอ, ครี๊ เออเนอหมา อาแซ่เน๊อ คูโมเสส เด๊อ อา ทวา เพรแรเต เด๊อ จอแปแหร่ อาหี่ เนอเตเพร หม่าโต่. อา หม่า จอแปแหร่ อาพู๊คู เตเพร. อา หม่า อาจ๊อ เร๊อ อาเตเม เร๊อ อา แม๊ตู่หนิ อาเพ จอแปแหร่ อาหี่พู๊แพพู๊ เต๊เห่. เป เก่ ครวา คือคือฮาฮา แฮเงลา ครี๊ โต่เด๊อ อาตื๊อดื่อ โท๊โต่ เต เด๊อ จอแปแหร่ เก่ เด๊อะ เป เออเนอ, เป เก่ แม๊ชือ แฮเงลา โต่เด๊อ อาตื๊อดื่อ เฮ๊เนอหม่า, เป หม่า จอแปแหร่ อาหี่พู๊แพพู๊ เฮ๊อ.

ꤟꤤꤙꤚꤢꤨ 4:14

ฮู๊เนอเรอ, เป ปื่อหม่าปื่อกลอ แร๊ แลแค เป เตหยื่อเตแหน่ เด๊อ เป อ๊อแล โทเร๊อเฮ๊อ เออเนอ โป๋, เมเตเฮ๊เรอ, เป โอ่ เกอเร๊อ เน๊อ เป เพรหลู่แต กู่กล๊อดุเล๊อ เออเตเพร, เร๊อ อา จว๊าโน เป่เฮ๊อ เด๊อ เปเง เด๊อ ม๊อขุ เฮ๊อ. อา หม่า จอแปแหร่ อา พู๊เพรคู เหย่ซู่ เออเนอเฮ๊อ.

ꤟꤤꤙꤚꤢꤨ 6:19

เป เตแม๊ชือ เออเนอ อาแซ่เน๊อ หล่อดุ เด๊อ อา จุ่ย โอ่โก๊หม่า ส่อเกลอดุ เด๊อ เป ซิปล่อเซอเพร อาเง เออเตเม เนอเฮ๊อ. ฮู๊ เพรหลู่แต กู่กล๊อดุเล๊อ เนอเตเพร โนจว๊า ตาลว๊าเบ๊ เร๊อ อิเก บ่าดุ เด๊อ อู จอตาตือบี๊ อา เด๊อ เตหลู่แต โฮกู เนอต๊าบ่า, เร๊อ ฮู๊ อา โน โต่เฮ๊อ เด๊อ เตเหล่โอ่ บูโพ๊ อากู เออเนอ, เป เตแม๊ชือ เออ อาหม่ากลอ, อา ตาเต, เร๊อ อา ซูโน เต่อเกอดื่อเฮ๊อ เป เด๊อ จอแปแหร่ อาเป๊เส่เง ฮู๊เนอเฮ๊อ.

เปโตร อาเหร่อเล๊อ ต๊าบ่า 1:3

เป เก่ เฮ๊บุ๊ยเฮ๊เตอเรอแถ่ โหร่ลู เป แบ่เจ่ เหย่ซู่ครี๊ อาเพ จอแปแหร่ โป๋. หม่าเด๊อ อา เตซิยอ ตาลว๊าซิลือ เป เออ, เร๊อ เหย่ซู่ครี๊ อาเตเซอ ก๊อถ่อกาคยา อาขว่าอาคยา, อา เด๊อะตา เฮ๊อ เป เตเซอเพร อาเซ เฮ๊อ. เด๊อ เออ อาขว่าอาคยา, เป พย๊าหนิ แฮเง ลาเฮ๊อ เป เตแม๊ชือ เด๊อ เป เตโอ่เซอเพร อากู เฮ๊อ.

เปโตร อาเหร่อเล๊อ ต๊าบ่า 1:5

เด๊อ ซี หยื่อเอ่ ครี๊ อาขว่าอาคยา, เบ๊อะซี พย๊าหนิ แต่ล๋าย เตเมแลเปล๊กา โต่เนอ จอแปแหร่ โอ่ป่อหม่า หนิเป่ ซี เร๊อ อาโพรอาเตอเรอ. จอแปแหร่ ตี๊หรี่แตแร หนื่ออื่อเฮ๊อ อาเหน่ เร๊อ ช๋า ม๊อเนอ ตื๊อดื่อ ปาเนอ, อา เก่ เด๊อะโล เมแลเปล๊กา เออเนอ ปา.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 2:27

ซีเง เกอลาติ เร๊อ, ครี๊ เด๊อะแล โทเฮ๊อ อา แหย่โยบูโพ๊ เด๊อ ซีโหล่ เฮ๊อ, เร๊อ อา แหย่โยบูโพ๊ โอ่หม่าโอ่กลอ เด๊อ ซีกู อาขว่าอาคยา, อู โหล่ อิซว๊า ปา ซี เตเพร่ว โต่, เมเตเฮ๊เรอ อา แหย่โยบูโพ๊ อิซว๊า เฮ๊อ ซี เตปว๋า เต๊อเจ่อเฮ๊อ. โท๊โต่ อา อิซว๊า ซี เออเนอหม่า, เตหมะเตจ๊อ, เตแลโฮแลแห่ หม่าโต่. ฮู๊เนอเร๊อ โอ่หม่าโอ่กลอ แลแค เด๊อ ครี๊ อากู ฮู๊ อา แหย่โยบูโพ๊ อิซว๊า โทเฮ๊อ ซี เนอ นี๋.

เตเด๊อะโลแถ่ 2:10

เตเด๊อ เน เตเร ข่าเบ่ กู๊แหน่ เออเนอ, ซิอิเช แต่ อาเหล่ ตีกี๋ แต่เหม่ นี๊. โลเน๊มู๊แหม่รีแจ่ กู่กล๊อ ตี๊หรี่แตแร เฮ๊อ อู เด๊อ อู เก่ ทื๊อแม๊ ซี อาขว่าอาคยา, อา เก่ ด๊อโน ซี เด๊อ ทอกู เต๊เห่เห่ ปา. อู เก่ เมจาเมจือ ซี อาเนอเช๊อ อาเซเช๊อ ปา โต่ เจ๊อ เด๊อ เน แม๊เถอะเบ่ เจ๊อ เร๊อ เตเซอ เบ่เบ่, ตูรู๊ จ๊อ เร๊อ แว เนอ, แว เก่ เด๊อะดื่อ เน เตเซอเพร อา กู๊โก่เท ปา.