โคโลสี 1:22 - ลีเทส่อพ๊าอาเซ เร๊อ เห่ขุทวาลู๊

²² หม่าแน๊เรอ กู๊แหน่เออ, ครี๊ อาเหน่แบ่เจ่ เร๊อดื่อ แฮ ข่าเซอ อาเหน่ อาขว่าอาคยา, จอแปแหร่ เมโครเกล กาคยา คยาแซ๊ เฮ๊อ ซี เร๊อ อาเหน่กล่อ เร๊อดื่อ เจ๊อ เฮ๊อ. เด๊อ จอแปแหร่ อา เป๊เส่เง ปาเนอ, แซ่ฮู๊ ซี เก่ บูโพ๊ เร๊อ ซี เก่ ลว๊าแก เร๊อ เตซื๊อ, โท๊โต่ อู เก่ แด่แจ่ ปา แต่ เตซื๊อ เด๊อ ซีโอ่ เตเพร่ว แต่เหม่ เนอ, จอแปแหร่ เมโครเกล กาคยา คยาแซ๊เฮ๊อ ซี ฮู๊เนอ เฮ๊อ.

Eastern Kayah Shadaw Dialect

²² ꤗꤢ꤬ꤔꤢꤧꤚꤣꤧ꤬ ꤊꤢꤨꤔ꤫ꤢꤧ꤬ꤣꤧ꤭, ꤋꤚꤤ ꤢ꤬ꤔ꤫ꤢꤩ꤬ꤙꤢꤧ꤬ꤡꤢꤩ꤬ ꤚꤣꤧꤘꤢꤦ꤬ ꤟꤢꤧ꤭ ꤋꤢꤧꤞꤣꤧ꤭ ꤢ꤬ꤔ꤫ꤢꤩ꤬ ꤢ꤬ꤋꤝꤢ꤬ꤢ꤬ꤋꤛꤢ꤭, ꤡꤢꤪꤗꤣꤧ꤬ꤚꤢꤧ꤬ ꤗꤢꤩ꤬ꤚꤢꤩ꤭ꤊꤢ꤬ꤋꤛꤢ꤭ ꤋꤛꤢ꤭ꤞꤢꤧ ꤟꤣꤧ ꤞꤤ꤭ ꤔꤢꤧ ꤢ꤬ꤔ꤫ꤢꤩ꤬ꤊꤜ꤫ꤢꤪ꤬ ꤚꤣꤧꤘꤢꤦ꤬ ꤡꤣꤧ ꤟꤣꤧ꤯ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤕꤣꤧꤞꤢꤩ꤬ꤑꤢꤩ꤭ ꤕꤢ꤭ꤔꤣꤧ꤬, ꤞꤢꤧꤟꤢꤨ ꤞꤤ꤭ ꤊ꤫ꤢꤦ꤬ ꤓꤝꤢ꤭ꤓꤢꤧ꤬ ꤢ꤬ꤊꤣꤧ꤬ꤛꤢꤧ꤭ ꤘꤣ ꤢ꤬ꤖꤥꤢ꤬ꤏꤣꤧ ꤚꤣꤧ꤬ ꤞꤤ꤭ ꤊ꤫ꤢꤦ꤬ ꤜꤝꤢ ꤔꤢꤧ ꤒꤢꤩ꤬ꤞꤢꤦ, ꤓꤥ꤭ꤒꤥ꤬ ꤢꤨ꤭ ꤊ꤫ꤢꤦ꤬ ꤘꤢꤧ꤬ꤡ꤫ꤢꤧ꤬ ꤕꤢ꤭ ꤒ꤫ꤢꤧ꤬ ꤒꤢꤩ꤬ꤞꤢꤦ ꤘꤣ ꤞꤤ꤭ꤜꤥ꤬ ꤒꤣ꤬ꤖꤚꤢꤩ꤬꤮ ꤒ꤫ꤢꤧ꤬ꤗꤢꤩ꤬ ꤔꤣꤧ꤬, ꤡꤢꤪꤗꤣꤧ꤬ꤚꤢꤧ꤬ ꤗꤢꤩ꤬ꤚꤢꤩ꤭ ꤊꤢ꤬ꤋꤛꤢ꤭ ꤋꤛꤢ꤭ꤞꤢꤧꤟꤣꤧ ꤞꤤ꤭ ꤟꤢꤨꤔꤣꤧ꤬ ꤟꤣꤧ꤯

โคโลสี 1:22 ပူးပေါင်းရင်းမြစ်များ

ꤚꤥꤗꤢꤩ꤬ 7:4

ฮู๊เนอเรอ, แว โป่แหว่ ซี๋, เบ๊อะครี๊ เซอ เด๊อ อี๊ถื่อดีเต่ลู เบ๊อะเนอ, อา แซ่เฮ๊อ เร๊อ ซี เซอ เต่อเกอเฮ๊อ เร๊อ ลู เฮ๊อ อาขว่าอาคยา, ซี โอ่ปา เด๊อ เตซว๊าเตแส่ อา เตเป๊อเตเบ่ อาเล โต่ เฮ๊อ. กู๊แหน่เออ ซี ทวาแถ่เฮ๊อ เต๊อเจ๋อโต เร๊อ อา เด๊อ จอแปแหร่ เมเซอเพร กาคยา ลู เด๊อ เตเซอ เออเนอ เตเพร เฮ๊อ. เด๊อ เตเมทวาแถ่ เฮ๊อ ฮู๊เออ อาขว่าอาคยา, ซี เก่ เส่เถ่โพเถ่ แลแค เต เด๊อ อาแร๊ เต๊เห่ เร๊อ อา ทวาบุ๊ย ทวาเตอเรอ เป่ เด๊อ จอแปแหร่ อาเง.

โครินธ์ เนอบ่า ต๊าบ่า 11:2

เมเตเฮ๊เรอ แว ซิปล่อฉว่า แหน่เจ๊อ เด๊อ ซี เก่ ซิปล่อจ๊อ ตื๊อดื่อ เร๊อ ครี๊. ซี เต๊เห่เนอ อา แซ่เจ๊อเร๊อ เพรเหมาะพู๊เส่ เด๊อ อาซิปล่อ อาโพ๊อาแปละ เตเพร เด๊อ แว อ๊อแล โทเฮ๊อ แวโหง่ เร๊อ แว เก่ เด๊อะม๊า เป่ เร๊อ เพรคู ปา เตเพร เด๊อ อา หม่าเฮ๊อ ตื๊อ ครี๊ เออ ปาเนอ เตเพร เฮ๊อ.

โครินธ์ เนอบ่า ต๊าบ่า 4:14

เป ย๋อ ทวาแถ่ เฮ๊อ เตเตอเจ๋อ โต เร๊อ แบ่เจ่ เหย่ซู่ เฮ๊อ อาขว่าอาคยา, เป ซิเง เร๊อ จอแปแหร่ เด๊อ อา เมเซอเพร กาคยา เป แบ่เจ่ เหย่ซู่ เออเตเพรเนอ, อา เก่ เมเซอเพร กาคยา เกอ เป ปา. โท๊โต่ อา เก่ เมเซอเพร กาคยา เต่อเกอ ซี เร๊อ เป เด๊อ เตเซอ ปา. เร๊อ อา เก่ เอ๊กา โอ่เต่อโหร่ลอ เป เด๊อ อา เป๊เส่เง ปา.

โครินธ์ เนอบ่า ต๊าบ่า 5:18

ล๋อ เตเออเต๊เห่ เนอหม่า จอแปแหร่ เม ลอปลี แพ๊. เด๊อ ครี๊ แฮ เม เป่ เป อาขว่าอาคยา, เป ทวาแถ่ เฮ๊อ จอแปแหร่ อา โคแบ๊ซว๊า เฮ๊อ. เร๊อ อา เด๊อะตาเกอ เฮ๊อ เป เตเอ่เตแร เด๊อ เป เก่ จว๊า แด๊โฉ่โด่แน เป่ เกออู เร๊อ ครี๊ เมทวาแถ่ กาคยา คยาแซ๊ เป เร๊อ จอแปแหร่ อา โคแบ๊ซว๊า เฮ๊อ, ฮู๊เนอ แพ๊.

เอเฟซัส 1:4

เมเตเฮ๊เรอ, เด๊อ จอแปแหร่ อา เป๊เส่เง ปาเนอ, แซ่ฮู๊ เป เก่ บูโพ๊ เร๊อ อู เก่ แด่แจ่ ปา แต่ เป่ เตซื๊อ เตอเจ๋อ แต่เหม่ อาเงเนอ, อา นว๊าแถ่ปา เป เด๊อ ครี๊ อากู, เด๊อ อา แบ๊แล แต่ล๋าย เห่ขุ โต่ ปา เจ๊อ.

เอเฟซัส 5:27

แซ่ฮู๊ อา เพรหยื่อเอ่อา ตู๊หมู่ตอกล๊อ เก่ ตว่า เก่ แซแร เก่ ลีเตเคแร๊ เด๊อ อา เป๊เส่เง ปาเนอ, อา ข่าเซอ เป่ เด๊อ เหย่ซี อาเง. เร๊อ อา ซิหยื่อ เด๊อ อา เพรหยื่อเอ่ เต ตู๊หมู่ตอกล๊อ, เบ่วี๊เบ่รวา หนิ โต่. เบ่ตีนี โตโน๊หนิโต่, เบ่ มู๊แหม่รีแจ่ หนิ เร๊อ เต เด๊อ อาโร เต๊เห่ โต่. หม่าแน๊เรอ, อา ซิหยื่อ เด๊อ อา เบ่ บูโพ๊ เร๊อ อู เบ่ แด่หนิ เตซื๊อ เด๊อ อาเหน่ลู โต่.

โคโลสี 1:28

แซ่ฮู๊ เป เก่ ซูโน แกแย ปว๋า เตเพร เด๊อ จอแปแหร่ เป๊เส่เง ฮู๊ แกแย เด๊อ อา ทวาแถ่ เฮ๊อ เตเต๊อเจ๋อ โต เน๊อ ครี๊ เร๊อ อา ดุเผร่ ตาเต เฮ๊อ เด๊อ แหย่โย ตากยา เต๊เห่ อาเงเนอ, เป แด๊โฉ่โด่แน เป่ เฮ๊อ อู ปว๋า เตเพร เน๊อ ครี๊ อาหรี่อาแก เฮ๊อ. โท๊โต่ เป เด๊อะรอเด๊อะเร เฮ๊อ อู ปว๋า เตเพร, เร๊อ เป อิซว๊าอี๊แส่ เป่ เฮ๊อ อู ปว๋า เตเพร เน๊อ ล๋อ ลีแมลีเพ๊ เออเนอเต๊เห่ เฮ๊อ.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 4:7

เมเตเฮ๊เรอ จอแปแหร่ เอ๊ เป เด๊อ เป เก่ เบ่ โอ่เซอเพร เมซื๊อ เพรเหมาะเพรคู อาเงเนอ หม่าโต่. แซ่ฮู๊ เป เตก๊อถ่อโอ่แน ซีเต๊เห่ เก่ อาโพ๊อาแปละ อาเงเนอเรอ, อา เอ๊ เป แพ๊.

ꤒꤤꤒꤢꤨ 2:14

แซ่ฮู๊ อา เก่ เมแลเปล๊กา เป เด๊อ เตมู๊แหม่รีแจ่ ล๋อ ปลี เต๊เห่ อากู, โท๊โต่ แซ่ฮู๊ อา เก่ เม อาโพ๊อาแปละ กา เป เร๊อ เป เก่ ทวาแถ่ อาแกแย, โท๊โต่ เป เก่ ซิปล่อฉว่า เมเต เด๊อ อาแร๊ เต๊เห่ อาเงเนอ, อา ข่าเซอ เป่ เฮ๊อ อาซิปล่อ เด๊อ เปเง เฮ๊อ.

ꤟꤤꤙꤚꤢꤨ 10:10

เหย่ซู่ครี๊ ย๋อ เม เป่ ฮู๊ จอแปแหร่ อา เตซิหยื่อ โอ่เนอ, โท๊โต่ เด๊อ อา หลู่แถ่ อาเหน่กล่อ โตโพ๊แพ๊ เร๊อ อา โทปลื๊อ ลาเฮ๊อ อาขว่าอาคยา, อา เม บูโพ๊ เฮ๊อ เป.

ꤟꤤꤙꤚꤢꤨ 10:20

แบ่เจ่ เหย่ซู่ ข่าเซอ อาซิปล่อ เด๊อ เปเง อาขว่าอาคยา, อา บ๊าโม เป่ เฮ๊อ เปแกล๊ อาเซ เด๊อ อา เด๊อ เป ซิปล่อเซอเพร เออโตโบ. แกล๊ เออโตโบเนอ, อา จว๊าโน ตาลว๊า เบ๊เฮ๊อ เร๊อ อู จ่อตาตือ อิเก บ่าดุ เด๊อ อา หม่าเฮ๊อ ครี๊ อาเหน่กล่อ เออต๊าบ่าเนอ เฮ๊อ, เร๊อ อา จว๊าโต่เฮ๊อ เด๊อ จอแปแหร่ อา โอ่ เฮ๊อ.

เปโตร อาเหร่อเล๊อ ต๊าบ่า 3:18

เมเตเฮ๊เรอ ครี๊ ข่าเซอ เป่ แพ๊ อาเหน่ เด๊อ อู เตซื๊อ อาเง โตโพ๊แพ๊ เร๊อ อาโทอาปลื๊อ ลา เฮ๊อ, อา โหล่ ข่าเซอ ปาแหน่โต่ เฮ๊อ. แซ่ฮู๊ อา เก่ ซูจว๊า ซี เด๊อ จอแปแหร่ อา โอ่ เร๊อ แกแย จ๊อเต เออเตเพรเนอ, อา แฮ ข่าเซอ เป่โทเฮ๊อ แกแย เตซื๊อพู๊ เต๊เห่ อาเง เฮ๊อ. อู เมเซอ อาเหน่กล่อ หม่าแน๊เรอ จอแปแหร่ เมเซอเพร กาคยา อา เด๊อ แหย่โยบูโพ๊ แบ่เจ่ อากู.

เปโตร เนอบ่า ต๊าบ่า 3:14

ฮู๊เนอเรอ โคแบ๊ซว๊าโม ซี๋, เด๊อ ซี โอ่ป่อแม๊ชือ เตเออ อาขว่าอาคยา, แซ่ฮู๊ จอแปแหร่ เก่ แม๊เถอะ แต่ ซี เร๊อ แกแย เด๊อ อา โตโพร๊วี๊ เร๊อ เตซื๊อ แต่เหม่, โทเรอ แซ่ฮู๊ อาเหล่แด่ เตซื๊อ เด๊อ ซีโอ่ เก่ โอ่ แต่เหม่, โท๊โต่ แซ่ฮู๊ ซี เก่ โอ่เปดวา เต่อเร๊อ อา ปา เนอ, แอ๊จื๊อแอ๊เหร่ ตื๊อดื่อ แลแค นี๋.

ꤛꤢꤨꤘꤢ꤬ 1:24

เป เก่ ถู่เซ๊แถ่ โหร่ลู จอแปแหร่ โป๊! แซ่ฮู๊ ซี เก่ แลคื๊อ แต่เหม่ อาเงเนอ, จอแปแหร่ เก่ แม๊ตู่ เมจว่า เร๊อดื่อ ซี นี๋. โท๊โต่ อา เก่ เอ๊กา เบ๊ดื่อ ซี เด๊อ อา เป๊เส่เง ปา เร๊อ ซี เตซื๊อ เก่ โอ่ ปา โต่, เร๊อ ซี เก่ ซิครือซิลอ หม่าแหน่ ดื่อ ปา นี๋.