โคโลสี 1:17 - ลีเทส่อพ๊าอาเซ เร๊อ เห่ขุทวาลู๊

¹⁷ ครี๊ โอ่หนื่ออื่อ เหร่อ โทดื่อเฮ๊อ เร๊อ เต ล๋อ ปลี, เร๊อ แซ่ฮู๊ เตเออเต๊เห่ เก่ จว๊า ตาโตตาเบ่ อาเงเนอ, อา ปื่อหม่าปื่อกลอ หนิ ล๊อปลี.

Eastern Kayah Shadaw Dialect

¹⁷ ꤋꤚꤤ ꤥ꤬ꤔꤢꤩ꤬ ꤚ꤫ꤣꤧ꤬ ꤓꤥ꤭ꤘꤢꤦ꤬ꤟꤣꤧ ꤔꤢꤧ ꤒꤢꤩ꤬ ꤜꤢꤪ꤭꤮ ꤕꤜꤤ꤭, ꤚꤣꤧ꤬ ꤞꤢꤧꤟꤢꤨ ꤒꤢꤩ꤬ꤣꤧ꤭ꤒꤣꤧ꤬ꤟꤢꤩ꤬ ꤊ꤫ꤢꤦ꤬ ꤡꤝꤢ ꤒꤢ꤭ꤒꤥ꤭ꤒꤢ꤭ꤙꤢꤩ꤬ ꤢ꤬ꤑꤢꤩ꤭ꤔꤣꤧ꤬, ꤢ꤬ ꤕ꤫ꤢꤦ꤬ꤗꤢ꤬ ꤚꤣꤧ ꤜꤢꤪ꤭ꤕꤜꤤ꤭꤯

โคโลสี 1:17 ပူးပေါင်းရင်းမြစ်များ

ꤛꤥ꤭ꤟꤢ꤬ 17:5

เพ๋, ฮู๊ แว เตอเรอดุ เตอเรอทู โอ่เต่อเกอ เร๊อ เน เด๊อ เห่ขุ ทวาแถ่ แต่ล๋ายโต่ ปา เบ๊อะเนอ, เด๊อะคยามอ แว เตอเรอดุ เตอเรอทู เออเนอ เด๊อ เนเบ๊เส่เง กู๊แหน่เออ แต๋.”

ꤛꤥ꤭ꤟꤢ꤬ 8:58

เร๊อ แบ่เจ่ เหย่ซู่ เฮ๊ฉื่อ เหย่ซี เน๊อ, “แว เฮ๊จ๊อจ๊อ ซี, เพอับราฮัม โอ่ล๋ายโต่ เนอ, แวโอ่ หนื่ออื่อ เหร่อ โทดื่อ เฮ๊อ,” อา เฮ๊ฉื่อ เหย่ซี ฮู๊เนอ.

เพรโด่แนพู๊ เต๊เห่ 17:28

ฮู๊ แกแย เตเพร เฮ๊โทเฮ๊อ เน๊อ, ‘เด๊อ จอแปแหร่ อาขว่าอาคยาเร๊อ, เป โอ่เซอเพรเบ๊, เร๊อ เป กู๊ก่ารู๊แรเบ๊,’ อา เฮ๊ ฮู๊เนอ. ฮู๊ ซี เพรราโหง่อิโร เต๊เห่ เฮ๊แก เน๊อ, ‘เป หม่า อาพู๊อาเลอ เต๊เห่,’ อา ราแก ฮู๊เนอ.

โครินธ์ อาเหร่อเล๊อ ต๊าบ่า 8:6

หม่าแน๊เรอ เป ซิเง เร๊อ จอแปแหร่ หม่า อา โอ่แพ๊ เตเพรเพร่ว แพ๊. อา หม่า เปเพ, อา หม่า อา แบ๊แล เตปว๋า เต๊อเจ่อ เร๊อ เป โอ่เซอเพร เป่ เด๊อ ลูเง. แบ่เจ่ หม่า อา โอ่แพ๊ เตเพรเพร่ว แพ๊, อา หม่า เหย่ซู่ครี๊ เฮ๊อ จอแปแหร่ นอแบ๊ตา แฮเง เตปว๋า เต๊อเจ่อ เร๊อ เหย่ซู่ครี๊. เพร เด๊อ อา เด๊อะ เป ซิปล่อเซอเพร หม่า หม่า อา เฮ๊อ.

โคโลสี 1:15

เหย่ซู่ครี๊ เด๊อ เป แม๊เถอะแจ่ อา เออเตเพรเนอ, อา เด๊อะโล ตาตาเตเต ดื่อ เฮ๊อ เป เร๊อ จอแปแหร่ เด๊อะ เป แม๊เถอะแจ่ อา โต่ เออเตเพร เฮ๊อ. อา หม่า จอแปแหร่ อาพู๊คู แหว่เพร่ว เด๊อ อาโพร, อาฉว่าอาชอ อา ดุเล๊อทูเล๊อ เร๊อ เตแบ๊ทวาแถ่ ปว๋า เต๊อเจ่อ เตเพร เฮ๊อ.

ꤟꤤꤙꤚꤢꤨ 1:3

อู เก่ แม๊เถอะ แฮเง จอแปแหร่ อา เตเตอเรอดุทู เด๊อ อากู ปา. อา หม่า อา แซ่ ลอหล่าตี๊กลิ เจ๊อ เน๊อ จอแปแหร่ เฮ๊อ. แซ่ฮู๊ เห่ขุ เร๊อ ม๊อขุ เน๊อ เตแบ๊แถ่ ล๋อ ปลี เต๊เห่ เก่ โอ่ แฮเง ตื๊อดื่อ โป่ เนอ, อา ปื่อหม่า จว่าเกอ เตแบ๊แถ่ ล๋อ ปลี เออเนอ เน๊อ อาโหง่ เด๊อ อาโพรอาเตอเรอ ฉว่าชอ เออเต๊เห่. เบ๊อะอา เมปลื๊อเมโท โทเฮ๊อ ปลวาแก ลอ ล๋อ แกแย เห่ขุพู๊ อาเตซื๊อ เต๊เห่ เบ๊อะเนอ, อา กา แก๊แถ่ เด๊อ ม๊อขุ เร๊อ อา แถ่โอ่แนโอ่ เด๊อ จอแปแหร่ เด๊อ อาโพรอาเตอเรอ อาดุอาทู ตื๊อดื่อ เออเตเพร อากู๊ขุ จ๊อทว๊า ตากยา.

ꤟꤤꤙꤚꤢꤨ 13:8

เหย่ซู่ครี๊ เออเนอ, ป่าเฮ๊หนื่อ เบ่เบ่, เออเตอเนอ เบ่เบ่, ป่าโรปา เบ่เบ่, อา แต๊แกละแจ่ โต่, โอ่เหล่โกลโกล๋ แพ๊.

เตเด๊อะโลแถ่ 1:11

โหง่พราแถ่ เร๊อ อา เฮ๊ เน๊อ, “ราม๊าราแด เตเด๊อ เน แม๊เถอะ เนอเต๊เห่. โทเรอ ซูจว๊าเป่ ลีเออ เด๊อ เพรหยื่อเอ่ตู๊หมู่ตอกล๊อ โซซว๊าตู๊หมู่ เด๊อ อา หม่าดื่อ วีเอเฟซัส, วีสเมอร์นา, วีเปอร์กามัน, วีธิยาทิรา, วีซาร์ดิส, วีฟีลาเดลเฟีย, วีเลาดีเซีย เด๊อ อา โอ่ แลแค เด๊อ วี โซซว๊าเตอวี เออเต๊เห่ อากูเนอ.”

เตเด๊อะโลแถ่ 1:17

เบ๊อะแว แม๊เถอะ อา เบ๊อะเนอ, แว แลคื๊อตา เซอโง แซ่เจ๊อเร๊อ แกแยเซอ เตเพร เด๊อ อา กู๊โด่ซ๊า เนอ, โทเรอ อา แด่แถ่ อากู๊ขุ จ๊อทว๊า เด๊อ แวเหน่ลู เร๊อ อา เฮ๊ เน๊อ, “ซิอิเช แต่เหม่, แว หม่า เตอาแก่ซ๊า เร๊อ เตอาตื๊อดื่อ เตเพรเฮ๊อ.

เตเด๊อะโลแถ่ 1:8

แบ่เจ่ จอแปแหร่ เฮ๊ เน๊อ, “แว หม่า อาแก่ช๊า เฮ๊อ เร๊อ แว หม่า อาตื๊อดื่อเฮ๊อ” เร๊อ อา เฮ๊ เน๊อ, “แว หม่า จอแปแหร่ เด๊อ อา เซอเพร มู๋ หนู่เค เตเพร, กู๊แหน่เค หม่า แว เซอเพรเพร, โหน่ปาหม่า แว เซอเพรเพร. แว หม่า จอแปแหร่ เด๊อ อา แจ่ เตล๋อ ปลี เตเพรเฮ๊อ.”

เตเด๊อะโลแถ่ 2:8

“ราจว๊า ลีเออ เด๊อ วี สเมอร์นา เพรหยื่อเอ่ตู๊หมู่ตอกล๊อ อา เตเน่วพู๊ อาโอ่เนอ,” อา เฮ๊ แว ฮู๊เนอ. เร๊อ อา เฮ๊ เน๊อ, “เตหรี่เตแก เออเนอ, อา แฮ เด๊อ เพร เด๊อ อา เซอ โทเฮ๊อ เร๊อ อา เซอเพร กาคยา คยาแซ๊ เออเตเพร อาโอ่. อา หม่า เตอาแก่ช๊า เน๊อ อาตื๊อดื่อ เตเพรเฮ๊อ.